2005 年 11 月 9 日 星期三 【晴】

最終買左呢部電話


2004年11月的新機... 而家的舊型號..
一出果陣好似好貴架呢部...

其實原本係諗住6260.. 點知俾個sales 游說到一個point... 就係摺機容易搞掂隻mon, 我前果部三星就係咁死... 諗諗下都係俾貴300蚊買個保險..

原價呢部野2380, 不過居然我部殘機都收得返350蚊(衰在個4字壞左, 收少50蚊!!)
結果2080 成交.. 算係幾抵啦...

呢部野功能真係好強, 但係就強到無左個紅外線, 又無左d game 可以玩.. 唉... 算啦...
等我又用返三四年先換.. 乜都抵返晒...

>>November 10, 2005 at 3:52:08 PM GMT+8

2005 年 11 月 6 日 星期日 【晴】

係喎.. 真係變左周記喎...

有時其實都無咩好寫, 不過得閒我就寫下啦...
只不過都係日日做野...

星期六放左學去開工, 突然見到有一隻曱甴睇住我整電腦.. 超驚...
結果整左好耐, 唔敢埋去........ 原本諗住減佢少少收費, 就係因為有隻咁o既野即刻收正價..

星期日陪老婆

星期一..柴灣做野.. 唉.. 頂.. 唔記得攞埋得CPU去... 結果星期四又要去過...

最緊要講果樣野, 就係我電話壞左.. 我諗真係要買返部...
而家諗緊Nokia 6260.. 平平地但係又有藍芽同埋MP3 Ringtone... 正是我的要求..
但係我又唔多想買Sony Ericsson - 驚用唔耐... 我呢部samsung 話晒都用左三年..(唔覺唔覺)
Motorola d反應又慢到死.... 睇黎淨係得6260 o岩我...
(咩話.. O2 Atom? 唔驚俾老婆鬧死咩....)

>>November 7, 2005 at 1:45:09 PM GMT+8

2005 年 10 月 30 日 星期日 【晴】

係人地個blog 抄返黎的: (聽聞係BU谷抄返黎)
====================================
10歲之前:乜都唔識，算啦！

13歲:開始對女孩子有好感，但當其時離女孩子遠遠，以討厭女孩自居，怕被同伴嘲
笑。

15歲:聽到大人話某個男人花心將女朋友飛o左，個女朋友自殺，佢覺得呢個人真係恨
毒，將來一定要一生只愛一人。

16歲:佢喜歡上一個女孩，不過唔敢同佢講，仍然好似平時咁樣，一臉灰咁o係球場上踢
波，只係響女孩走出學校門口的時候，躲到走廊背後，睇佢嘅背影，覺得佢係個天使。

17歲:有個女仔鍾意o左佢，但係佢離呢個女仔好遠，因為佢心里面只有佢自己果個女
仔，佢覺得睇第二個女仔都覺得對佢不忠。

18歲:睇o左一個MV，感動到想喊，佢諗如果佢自己嘅女朋友失去o左雙眼，佢一定會好
似男主角咁，毫不猶豫咁將自己果個眼角膜比o左佢，令到佢可以重見光明。

19歲:高考啦，終於同自己暗戀嘅女孩分別，去其他學校考試嘅時候覺得自己離佢越來
越遠，心好似淘空o左一樣，仲響到諗自己以後都唔會忘記佢，等自己將來成功之後一
定要去搵佢。

20歲:聽到有人講黃色笑話覺得呢個人真係卑鄙。

21歲:以前暗戀嘅女仔有男朋友啦，就係咁，為o左呢樣o野偷偷o地響屋企喊o左成晚。

22歲:佢向一個女仔表白，女仔話：你係好人，不過我仲細。佢諗：呀！我真係一個好
人o黎嫁。然後話：唔緊要，我可以等您，三年、五年我都可以等您。

23歲:呢個女仔同一個靚仔戀愛啦，長大原來可以咁快。

24處：佢又向一個女仔表白，女仔話：你係個好人，不過我唔適合你呢！(o下，我係好
人，咁點解我唔適合你呢？)

25歲:佢又追求一個女孩，女孩接受o左佢，佢就開始幸福咁為未來拼博，心諗一時嘅開
心只係短暫嘅，只有努力拼博將來先有幸福快樂嘅。但係半年之後，呢個女仔同佢分
手，因為另外一個男仔會同佢講一D令佢開心嘅說話。呢個女朋友話：你係個好人，係
我對你唔住。

自此，佢似乎明白問題所在：佢係一個好人。

26歲:佢開始墮落啦，佢打扮得時尚而且"酷"呀，並且漸漸學習講一D女仔鍾意聽嘅說
話。無幾耐有個女朋友啦，雖然佢對呢個女仔好好，但係心里面知道自己其實唔愛佢。

27歲:同呢個女仔分手啦，佢同女仔講：你係個好女仔，係我對唔住你。

28歲:佢試過One Night Stand，發覺人地做到嘅原來自己都得架喎。

29歲：學識o左講黃色笑話，而且睇住隔離果D女仔臉紅，真係過癮。

30歲:忽然發覺自己好有能力追到女仔，但係已經失去愛嘅能力。

其實每個男仔，本來都想做一個感情專一嘅好男人，其實每個男人本來都係睇女孩子嘅
樣，唔係睇身裁，其實每個男人本來都係唔講咸濕笑話，其實每個男人本來都係渴望愛
一個女人直到永遠……

不過……好似無女仔鍾意咁樣嘅男仔，咁樣嘅男仔太幼稚，太古板無情趣！


女人呀，男人變壞你地有無責任呢？

===========================
我唔排除呢個係一個真人真事 - 因為你我身邊都會有類似case..
其實呢樣野好跟econ 原則 - Demand & Supply...
d mk女demand d 咁o既仔, 自然就會有supply....

如果唔係我老婆, 我可能都係變成咁... 多謝你呀, 老婆~*
===========================
今日做到我死..
尋晚發現有一部server 俾人hack.. 唉.. 原來係我自己個account set 密碼太膠.. 俾人入到..
結果...
俾佢擺左個hacking php 入去run, run 到喎俾佢, 仲俾佢改左d config.. 結果尋晚兩點先有得訓.. 改返晒所有野, 原來有咁多窿..

前幾日食左個好好味的海鮮餐.. 話說老表佢物流公司個老闆娘生日, 請晒d 員工入去食, 包括我呢個"騎呢非".. 入去流浮山食... 雖然搞到好晚先返到屋企, 但係你食過超級好食的炸蠔未!? 仲有原隻大閘蟹.. 多膏到呀.. 你唔信...
唔得啦.. 食得太多有害物質, 又脂肪又膽固醇.. 呢幾日要做多d 運動(返多幾間公司), 食得清d..

今日.. 黑仔到...
...

>>October 31, 2005 at 3:24:21 PM GMT+8

2005 年 10 月 20 日 星期四 【晴】

回 淫友:
你又咪送小丑俾佢.. 咁佢鍾意煮o者...
===================================
幸福的背後....

即使我同老婆兩個有幾好, 有幾愛大家, 幾咁了解, 幾咁幸福,
點知到頭來 - 拍拖唔係只係兩個人的事.. 世界無咁完美..

如果兩個人係埋一齊, 只係兩個人的事, 這樣要兼顧的事實在很少, 也沒有多大的壓力..
最多只是愛不愛, 夾不夾的問題..
可是最難應付的, 不是這些問題, 而是對方父母的問題..

這種問題已經不是第一次去煩..
其實最初最初公開戀情已經面對過.. 當時情形就好似, 第一次有一個外國人進入中土果種奇異, 但咁都唔係咁出奇.. 始終都係我老婆, 第一次帶男仔返屋企, 同埋俾佢d 親戚認識. 呢個都可以算係無可口非..
過左一段時間, 佢嫲嫲對我感覺好左, 自從我果次幫佢阿叔換mon; 一向佢d 姑姐都對我無野o既, 到左我老婆去左澳洲, 反而同"外母"接觸多左, 咁就反而有計傾.. 最大問題只係佢老豆, 十年都唔會見到一次..

其實呢件事o既導火線係佢老豆同佢講, 唔好係街到黐咁埋, 咁樣會俾人講閑話..
呢樣野好主觀.. 好難用一個度量衡去睇.. 咁我覺得好唔合理.. 咁我鍾意攬實佢...代表d 咩? 代表佢好壞? 唔係掛.. 咩觀點黎架? 如果真係壞o既, 係我角度只係打野戰囉..

咁.. 生活都係咁過囉.. 唔係可以點?
佢個女嫁唔嫁俾我, 都唔係好輪到佢選擇.. 到時我一蚊禮金都唔使俾佢咪仲喊都黎唔切...

>>October 30, 2005 at 12:28:29 PM GMT+8

2005 年 10 月 18 日 星期二 【微冷】

好耐無寫日記lu..

秋天到lu... 我對溫度其實都幾敏感.. 所以又要著多件衫... 好似有少少流鼻水...
每到秋天總會有一種感覺.... 有點唔知點講... 總會想起孫燕姿的<<我的愛>>, 當然而家對我黎講呢種感覺一d 都唔強烈, 因為而家我有老婆係身邊~*

呢期發現左, 我除左對巴士, 電腦, 軍事有興趣之外, 仲有一樣... 就係煮野食...
唔知點解我係唔識煮野食.. 但要我煮我又煮得出... 當然唔係好多野識煮, 但係我會學...
唔記得左邊日上碧瑜屋企, 碧瑜正話自己識得煮野食, 點知佢阿媽就話:"你睇阿四幾聰明.. 唔識煮咪搵個男朋友煮囉"... 果然係真....
不過, 我聲明我係唔抗拒煮, 我只係唔鍾意洗... 而且我幾鍾意煮.. 我覺得好有滿足感... 每次去老婆屋企就會煮.. 雖然係無味架啦.. 暫時我對味道的掌握都仲係初哥.. 好唔準, 唔敢落太重手, 而且成日都熟過龍... 但係我會向阿媽偷師... 或者借d 食譜黎睇下囉~*

聽日整pancake 俾老婆食... 希望整到啦!

>>October 19, 2005 at 2:35:58 PM GMT+8

2005 年 10 月 8 日 星期六 【晴】

孫燕姿 - 完美的一天出左 lu, 只不過我未去買..

有一日搭火車返學果陣, o岩o岩入到火車, 有個小朋友(BB仔)喊,
之後發現原來呢個世界, 年紀越細的人, 影響力可能越大... 全卡火車的人都望住佢...
========================
10月8日.
同老婆上去郵輪玩.... 美其名係郵輪, 實際上.. 係賭船....
事緣明哥俾左張所謂VIP 免費飛俾我, 只需要每人再加250 蚊就可以, 順手upgrade 埋deluxe room 都係都係400蚊一位.. 玩返晚都好啦...
五點九係中環皇后碼頭搭駁船上金公主號 (泊係北角對開海面)..
之後上到去搞好出入境手續就即刻上去食自助餐.. 可惜d 自助餐真係失望左d.. 少選擇之餘仲要味道麻麻地.. 只不過包三餐黎講真係唔好咁講究...
同老婆一路食, 之後同對面果一男一女(都係大過我地)傾下, 先發覺原來正價都係250 一位... =.=' 我仲要俾多20 蚊導遊費.. 好彩後尾玩老虎機贏返o者..
而且最worse 係佢搞錯左我地張單.. 結果佢由deluxe room downgrade 做返普通房.. 不過平左100蚊俾我地.. 好過無啦..
食完野攞完鎖匙, 先擺低d 野再去睇下海景, 因為隻船仲係維港.. 仲有野睇.. 開船之後就去夜總會聽懷舊金曲.. 但其實有d 歌都好新下.. 老鼠愛大米, 當你寂寞你會想起誰都有...
呢個夜總會其實唔係好夜.. 一過一點定兩點已經咩都無, 雖然仲有宵夜... 之後出去甲板.. 一大個海.. 無野睇.. 後尾又入去賭場睇下, 玩下老虎機.. (p.s. 我越黎越覺如果你第一次玩果部機, 佢就會俾你贏少少, 但係之後佢就會要你輸返晒.. 畢竟電腦+機械野唔係咁信得過...)
入返去房. 睇電視.. 居然收到香港台呀... 睇harry potter 囉..
之後沖涼訓.. 仲話睇日出.. 雖然訓唔到....
七點半起身搞呢搞到, 之後食完個早餐就返尖沙咀lu....

(p.s. 我只係同老豆講同同學去camp... shhhhhhhhh.. 唔好出聲呀大家)

>>October 9, 2005 at 10:35:24 AM GMT+8

2005 年 10 月 2 日 星期日 【晴】

好耐無寫過日記lu..

呢期其實都生活都簡單,
返工, 返學, 陪老婆... 生活簡單直接.. 我鍾意..
但係都有少少感覺o既.. 如果唔係做人同行屍走肉無咩分別..

例如今日睇新聞, 峇里又爆炸; 國道又撞車...
前者就係要求獨立, 後者就係國民素質低..
話時話果條路我都行過... 仲要係晚上.. 諗起都驚驚...
不過我諗都唔使上去lu.. 個客已經交左俾另一間公司做..
let it be.......

仲有好期待星期六... 去玩玩~*

>>October 3, 2005 at 1:00:52 PM GMT+8

2005 年 9 月 17 日 星期六 【晴】

九一八事件七四周年...
其實當時如果唔係日本仔, 共產黨真係未必贏.. 講係咁講.. 其實以國民政府果種各懷鬼胎, 早有一日自己輸.. 只不過唔會係49年咁解.. (我覺得係.. 自從中山先生做左總統, 仲有好多軍閥割據, 內部腐敗之類.. 只不過唔係太多人知而已..)

唔講國家大事住.. 因為切身d 就係中秋節..
中秋節, 年年例記都係同3c 同學仔去食飯飯.. 老婆今次無去.... 點解? 唔講啦.. 唔係我就慘架啦.. 嘿嘿...
今年去舊街市上面做煮食中心到食.. 好多野食(類型), 但係好細碟.. 後尾都係飽.. 因為都成十幾碟. 之後一行人走左去OK買完雪糕仲要一路食一路係7記買野第二度食.. 變態..

諗住去海濱但係好大雨, 結果又係去志豪兄屋企樓下坐.. 結果又係一鬼樣俾食蕉驅散...
之後落左去 rainbow.. 不過我無食, 因為麻麻... 一點鐘返到屋企..

================================
今日同老婆睇"早熟".. 呢齣片感覺上無咁爛, 但係都係有港產片通病 - 缺乏立論, 超脫現實..
但係好感動的一刻就係曾志偉(做房祖名個老豆) 同查小欣(房祖名個媽)講話自己無出色, 無用, 無錢, 連累左老婆一世.. 鬧房祖名行返佢自己條舊路...
但係查小欣卻同曾志偉講, 唔覺得俾佢累.. 因為查小欣覺得對方已經俾好多幸福佢.. 已經好足夠....
因為我老婆都同我講過同一番說話..
有時我都好驚俾唔到老婆好生活, 我諗其實係個個錫另一半的男人都會有呢種諗法.. 想自己老婆活得最好...但偏偏好多時, 能力真係有限 - 俾得屋租, 已經唔可以買好多野... 所以好多人都會覺得自己會拖累另一半..
當我見到呢句居然係電影情節對白, 我意識到.. 大部份女人就算跟住個男人無咩錢都會覺得好幸福..真的..

所以有另一半的大家, 記住要對佢好d... 真的...

>>September 18, 2005 at 3:14:25 PM GMT+8

2005 年 9 月 14 日 星期三 【晴】

又是他媽的廣告......

無錯.. 果個節目正是TV搜查線, 係我老婆的嫲嫲果到睇到.. 真係毛骨悚然...

==========================
煮飯仔
如果我未來外母唔返屋企煮飯的話, 咁呢個責任理應就係落係我老婆大人身上...
但係呢幾日佢都想溫書, 而我又係佢屋企, 所以呢個禮拜兩次都係我煮..
其實我煮野, 唔係咁食得... 老實講只係好佢少少咁多, 可能只係有返多d 味.....
但係有兩種感覺: 1. 煮野食好好玩 (或者遲d 無呢種感覺... 希望唔會); 2. 煮野食好辛苦..
煮野食其實係有滿足感, 特別係煮到果下, 自己食落肚又無事, 而且都唔算無味道果陣..
我媽煮野咁好食, 唔多唔少都應該有d 良好遺傳o既!!
但係煮野食真係好熱... 煮到成身汗...

過幾日行過買返幾本食譜先~*

>>September 15, 2005 at 3:24:35 PM GMT+8

2005 年 9 月 11 日 星期日 【晴】

好耐無寫日記lu.. 呢幾日發生以下大事:

1) 孫燕姿演唱會
比我想像中好好多.. 唔會好似上次年輕無界限俾我一種copy 同馬虎的感覺, 起碼係煥然一新先. 今次演會會出好多新歌, 甚至係未出碟歌, 今年十月有得聽lu!!
連我最想聽果隻我不愛都有.. 正! 呢次睇佢過場同做型都好有心思.. 仲請左FIR做嘉賓, 只可惜佢地無jam 歌... 最勁就係燕姿居然唱"難分真與假....." 用廣東話唱... 好正呀!!!

Encore 序曲繼續係綠光同天黑黑..

2) 睇衛視真係睇到驚...
電視節目就會作到老母去賭, 個女做雞去還錢o者.. 估唔到現實世界都有..
今日睇華娛... 台灣居然真係有d 咁o既老母...
話有個男人, 最近發現佢女友成日搵佢唔到, 搵電視台去查佢..
越查越唔對路 - 又俾第二個中年男人摸, 又要陪酒, 仲唔知點解入麻雀館打麻雀...
個男人好嬲, 仲見到d 人好似迫佢同佢老母簽野, 以為係個女仔自己爛賭.. 搞到借貴利..
點知原來唔係.. 當攝影組去到, 發現係個老母爛賭, 差人地五十萬新台幣..
之後仲話生得個女出就要個女點都得.. 勁變態.. 好似做緊戲咁...
仲鬧個男人" 你有無五十萬呀?"
勁diu......

>>September 12, 2005 at 4:23:58 PM GMT+8