2004 年 7 月 14 日 星期三 【陰】

今日成日都o係屋企打機,玩winning 7. 3點零鐘莎黎我度,d飛滋依舊令到我唔想食野..結果只係食左半個杯麵,半個俾莎搶左.之後4點幾送佢走,先去左大家樂食tea,食到超痛苦的,『醫爆飛滋』-__-",跟住送佢去碼頭搭船. 夜晚果餐都冇咩點食..10點零同snoce傾電話講到11點幾去打三國志9. p.s.suyi生日快樂!

>>July 17, 2004 at 5:35:02 PM GMT+8

2004 年 7 月 13 日 星期二 【陰】

今日訓到11點幾12點,醒左發現唔對路..右邊d飛滋造反..五胡亂華咁..仲痛過尋日,呢獲大劑了.. 刷牙果陣,每當牙刷同飛滋kiss kiss,都會感動到我落淚.. 結果冇食晏,3點幾搭1號A同阿甄,莎去阿甄度,今晚諗住同suyi預祝生日食個便飯.上到去佢地玩ps2,玩影鬼相果隻game,其實都唔恐怖丫..game始終係game,唔迫真.之後阿正黎左,玩捉馬騮. 玩到suyi到樓下,6點零去買食物準備今晚打邊爐.去左ok耐,之後我同阿正番去搵阿fa先,等多陣佢地番黎就上去. 上到去佢地洗埋野執好晒就食得,由於d飛滋塞滿我個口,我已經覺得好飽冇咩食慾..痛住食d又食d,之後食蛋糕最欏命,o拿到痴線..食唔到個蛋糕d味T.T.. 好彩今日同suyi慶祝左,聽日佢地去bbq,如果要去燒真係殺左我都似..之後俾晒d禮物suyi同影下相,笑下都痛,所以我只係影左2,3張. 11點幾先走,同莎搭van仔走,送埋佢番去我都番屋企. p.s.阿蕭生日快樂!

>>July 17, 2004 at 5:34:51 PM GMT+8

2004 年 7 月 12 日 星期一 【晴】

今日又係文學補課,suyi又冇番喎,不過楊sir話唔緊要,未番既後果仲大鑊,要一次過補番晒呢兩日做d野. 今日做文學賞析,已經病病地,我越寫就越眼訓,跟住我又有創舉..一夜之間我多左6粒飛滋!媽的,係6粒,oh my god,夠整一串魚蛋,痛不欲生.. 我終於感受到當年少爺占唔知9粒飛滋既慘況,真係痛到唔想講野,食慾更加不振..仲要好衰唔衰生得好唔平衡,1左5右,右邊咀d飛滋迫巴士咁..不過好彩淨係得一粒痛..但係我已經唔食咁多野. 下晝同莎食lunch,之後送佢去明愛就番屋企,番到去痛到唔想打機,跟住去訓,訓唔到,訓下醒下,最後都係打機啦=P.玩左winning 7同玩番三國志9. 夜晚食飯好痛苦,望住最愛既蛋蛋都唔食得好多,眼有淚光..T.T.

>>July 17, 2004 at 5:39:39 PM GMT+8

2004 年 7 月 11 日 星期日 【陰】

今朝要番去補課,出門口買埋早餐先落雨,結果o係巴士上搞掂d腸粉. 落左車果段路左落下停下,番到去上左6A課室等,到左9點見唔對路,得4個人. 結果阿show一問之下原來搬左去N房,急急搬過去. 今日教書同作文,學到好多野,有意義既一堂,可惜suyi自稱病左冇番丫,浪費~ 作文d題目都幾棘手,岩岩作到12點搞掂. 放學見到莎o係門口,萬分驚喜.. 下晝玩彈炸人,5點幾同莎出去食tea同o係附近逛左陣,d餃子味薯片絕晒跡-__-".

>>July 13, 2004 at 11:26:30 AM GMT+8

2004 年 7 月 10 日 星期六 【雨】

今日下晝同莎出左去旺角行,撞到兩個同學仔.. 之後5點幾6點同莎去左西九龍兜個圈,果度已經廢左. 跟住見行開果頭,就決定去金鳳鋸扒,等左都ok耐,過左隔離機鋪打機,有個哥哥仔好型咁當眾玩三級photo hunt. 我地玩左d無聊小game就過番去等,等左陣有2人位,搶先入左去.今晚餐野有勁大舊牛扒,好好食..食到好飽. 食完行番出聯合兜圈先再走人. 呢幾日d天氣反覆無常.

>>July 12, 2004 at 4:05:19 PM GMT+8

2004 年 7 月 9 日 星期五 【晴】

今日訓到11點幾,起身見阿妹訓左o係廳既梳化,問完佢咩事,佢話頭先番學果陣唔舒服,落車之後暈暈地坐左o係街度,跟住好番d就搭車番屋企..聽完嚇死我. 又見佢未食lunch,我估可能係餓到暈,加上佢病病地,所以叫佢去晏仔食.但係佢得番$8(成日都咁大洗,到親星期六都見佢食杯麵-__-"),於是請佢食lunch. 之後打winning 7,呢排為左開兩支明星隊好努力玩.玩到3點幾出去,同莎去我樓下搭船過北角,幫佢屋企人買大戲既票,順便兜左個圈,本來眼訓既莎見到d生猛海洋之後仲生猛過佢地-__-". 臨走落大雨,淋到少少,上到船又冇雨\__/.船上講起d水手同船長,哈哈哈就落船.落左船好好陽光,但係跟住番佢屋企果陣一落車又落雨,玩死,好彩我有遮=). 番到去玩炸彈人online,不過佢個免費試玩冇得再送/__\.

>>July 11, 2004 at 5:48:49 PM GMT+8

2004 年 7 月 8 日 星期四 【晴】

今朝中史補課,補到12點,本來要教書既我唔駛教,好彩..我乜都未準備.. 今日約左去阿正度打牌,1點幾同莎同阿正個fd去食野.之後齊齊搭van仔去葵芳/興/涌(搞唔清葵咩XD). 上到去正媽媽出左去嘆世界,結果我呢個新手頂硬上陪佢地3個大老闆(大老千都唔定)打牌,又傾下計同聽下歌,打到7點幾,又學多左野,不過仲未識計番,次次都要佢地計..結果好彩唔駛交學費,仲有津貼回贈=).走果陣,莎無啦啦o係架lift度發出狼既叫聲,嚇到同lift既阿叔o係3樓走人-__-". 夜晚同莎,正搭車去葵芳新都會行左陣同食晚飯,食完番送莎走同之後番屋企. 今日高考放榜,恭喜阿浩高考成功(1B2C1D),祝你入到理想既學系.

>>July 9, 2004 at 6:32:53 PM GMT+8

2004 年 7 月 7 日 星期三 【晴】

今日訓到12點,下晝打機打到2點出去.先去麥記換莎想要既黑色kitty.食完lunch搭van仔落旺角,3點半同莎,rebecca上ever learning考分班試,間補習社都幾誇. 上到去坐左陣,呢個世界真係有好多外星人-__-",由4點考到5點,之後到隔離trendy land(唔知有冇記錯個名)睇公仔,我地見傳單話兩折起上左去睇,好多disney既野,有d幾平,不過大多數減完都仍然係貴過出面,冇計,張傳單原來係咁寫:兩折起,又俾人呃. 睇完就番歸.

>>July 9, 2004 at 6:17:26 PM GMT+8

2004 年 7 月 6 日 星期二 【陰】

今朝番去註冊留位,9點都未到就走得,都幾無謂,但係唔番又唔得.. 今朝都冇咩野,但係一番到去屋企就肚痾,跟住肚痛到傻,忍痛幫阿媽拖地.下晝食埋晏就訓,一路訓到6點幾. 夜晚食完飯都係肚痛,食左d藥,跟住唔知死照打機,玩炸彈人=P.

>>July 7, 2004 at 4:49:12 PM GMT+8

2004 年 7 月 5 日 星期一 【晴】

尋晚玩winning 7玩到1點就去訓,驚又唔知醒. 今朝都係差d,好彩7點15分阿爸叫醒我.今日派成績表,番到去參加左個toto話好求其既結業禮. 之後9點幾派成績表,結果其實一早都知,所以收到果陣都冇咩特別感覺. 跟住10點半排drama,排到12點半.下晝同莎去左睇醫生,佢塊面俾蚊錫過,紅卜卜的喔!=P

>>July 9, 2004 at 6:26:31 PM GMT+8