2004 年 10 月 13 日 星期三 【晴】

今日係水運會.今朝好趕好趕,7點起身本來好地地,不過臨出門肚子痛,搞到差d遲到,一落樓見到我要搭既11K走左..次次我好趕果陣我搭既巴士就o係我面前"可遠觀而不可趕上乘搭焉",吹bb.. 今次我決定搭巴士追巴士XD,我見後面有架5C,我日觀天象得知5C應該少d人上車,可以追到前面架11K,於是上左車.但係架5C個司機好禮讓,oh my god,計算出錯..去到啟德個迴旋處我迫住落車,再搭就唔知會去邊..落左車我見11K o係前面,我記得聯合道佢會落好耐客,我決定博一博跑3個站.. 跑到我氣來氣喘見到架11K埋站-__-",我亡命過馬路,好彩多人上車,俾我上到去.落車撞到大麻,佢話明明見我上唔到車又一齊落車好神奇,其實好坎坷就真-__-"..結果番到去8點07分,仲有3分鐘淨. 今年個水運冇野做,齋坐同睇比賽,今年少左人參加程序都快左,不過都遲放.coral最後拎第三,都叫不過不失,因為d勁既走既走,又冇新血同冇上年咁多人參賽,仲記得上年我搵人跑跑跑,不斷來回咁跑到我中暑,10月都中暑XD,最後拎全場總冠軍果刻好難忘,辛苦都抵. 放學同阿正,sally去左樂富行,撞到carrie之後齊齊去麥記飲野. 4點幾番去訓,好眼訓.

>>October 14, 2004 at 4:17:35 PM GMT+8

2004 年 10 月 12 日 星期二 【晴】

今日上完文學堂就空堂,中間又有個性教育既講座,好無聊的,聽到就訓著.. lunch叫飯落黎食,食完同莎同toto,rebecca,suyi玩uno,跟住三堂英文堂又做section C. 放學hae左陣齊齊去觀塘街市買送XD,之後去補習,補完7點零.跟住同莎,rebecca,suyi上左jody度食頭先買既送,途中俾suyi一句"任飲任食"呃左人circle k,suyi話有$300以上既EPS單就可以o係circle k任飲任食,點知去到睇番係"又飲又食"囉..意思差好遠,又一個笑話XD. 到去jody度迷路,因為又俾suyi點,好彩我ok醒目=P.. 由於時間既關係去到jody度佢已經煮好左,我地一路食野,傾計,同睇電視到9點半走.

>>October 14, 2004 at 4:02:57 PM GMT+8

2004 年 10 月 11 日 星期一 【晴】

今日又有test,測中史,頭三堂溫溫下書又同阿禧上umovie睇aunties d片,笑死XD.. 小息之後就測中史,領野啦..死晒,冇咩人溫到資治通鑑經過,於是老屈司馬光成書經過XD,創作令人快樂,但就令成績哀愁-__-". 文學堂派創作同作文,我作新詩唔掂的,大家放過我啦..嗚嗚..之後做片段寫作. 放學同莎同正去旺角逛逛逛到6點幾. 莎莎努力加油,唔好懶溫書,你溫左就好高分啦! 好過d溫左都唔高分唔合格既人~

>>October 12, 2004 at 4:36:52 PM GMT+8

2004 年 10 月 10 日 星期日 【晴】

今日prefect終於卸晒任,早會頒獎同交接,一年零既任務完成! 今日要測文學,d空堂用黎溫書.英文堂對野,lunch上又一村買飯食,下晝文學測驗吹水多,不過好似錯方向-__-".

>>October 12, 2004 at 4:35:59 PM GMT+8

2004 年 10 月 9 日 星期六 【晴】

今日訓到9點半俾媽媽叫醒,食埋早餐就執執執執執野,因為張床黎左之後一路都未擺番d野.一路執執執執執到2點幾,之後沖涼出去搵莎食lunch.我遲大到,sorry=(! 下晝o係莎度做news cut,又食左個冰燒月餅,唔好食的.. 夜晚番去睇獎門人,阿妹同阿媽笑到收唔到聲,不過都的確幾搞野.

>>October 10, 2004 at 4:18:09 PM GMT+8

2004 年 10 月 8 日 星期五 【晴】

今朝9點半先起身,急急忙忙趕出去,約左莎同toto去浸大.我大約10點45分到左,撞到emily同helen-__-",之後又撞到elaine,casper,rebecca,偉哥. 之後莎同toto都黎左,我地四圍拎四圍睇,BU都幾大,俾馬路cut成三份,行晒行到12點零就走,搭左佢d免費巴士去又一城. 同toto別過後,跟住同莎行左陣,然後去九龍城食tea,下晝訓覺訓到7點幾8點,尋晚夜訓=P. 之後搵莎食飯,食完番屋企打機.

>>October 10, 2004 at 4:17:49 PM GMT+8

2004 年 10 月 7 日 星期四 【晴】

今日文化堂好有趣,搞到我都想讀聲韻學.. lunch同左輪on最後一個duty,好認真行左一圈(雖然最後都係蛇王去玩uno=P),有好深既感受,個腦flashback番一年黎on duty既回憶. 今日d空堂用晒黎做中史,放學番屋企換衫,莎又病要睇醫生-__-".. 夜晚同莎食飯.

>>October 10, 2004 at 4:17:31 PM GMT+8

2004 年 10 月 6 日 星期三 【綿綿細雨】

尋晚趕文化問題趕到1點幾先訓,今朝訓到5點幾隻左腳勁抽筋-__-". 今日空堂用黎做中史,英文都有好多功課要做,變態的兩科.. 空堂成班傾一陣叫咩pizza,傾好晒之後莎又發作,將阿智當做pizza hut waitress,睇完菜單就舉手轉身叫左聲"唔該",弱智的XDDDDD. 文化堂做速讀,我就慢慢讀,結果當然做唔切啦,哇哈哈! lunch同主席慶祝生日,順便請佢食飯還債=P. 食完同左輪on duty,呢幾日天氣好反覆,時涼時熱,今日又無啦啦落雨,同埋我發現左輪同我一樣係個不厭其煩,未雨綢繆日日帶遮番學既人. 文化oral堂到我,非常失敗-__-". 放學陪左莎去睇中醫(讀文化上腦XD),莎又搞笑,人地問佢叫咩名佢答人地"頭痛..同埋.."XDDD. 6點零番屋企.張床終於送黎,今晚唔駛訓地下..不過送黎都幾一波三折,阿媽又因為唔滿意張床造得唔好而炮轟個砌床師父,又話唔改唔俾錢,個師父就話俾左錢先再改,兩個人爭持不下..鬧到面紅耳熱,最後師父諗住如果唔俾錢就拆番張床走,阿媽就話個師父o係佢屋企玩野,又砌又拆,跟住兩個人又郁手郁腳,拉拉扯扯,我同阿妹都冇佢地咁好氣-__-".. 最搞笑係阿媽搞到個師父叫佢報警,跟住阿媽又話唔怕師父打佢..終於最後阿媽打俾個老闆娘,協議左俾淨$100,等轉個頭師父再上黎執d瑕疵位.到之後佢地都好和平,不過阿媽好明顯仲好深深不忿,口中不斷唸唸有詞..搞到我覺得好核突-__-". 夜晚上網同趁得閒唔打機都打番d日記.

>>October 7, 2004 at 3:51:52 PM GMT+8

2004 年 10 月 5 日 星期二 【晴】

騎哩既一日. 英文堂果陣,miss Lui派番d改左既usage,全班竟然有幾個人都o係comprehension度拎17/17,滿分!跟住miss Lui好勞氣話佢地出貓,之後滿分之一既toto,左輪同阿show對完又發現三個人d答案根本唔一樣,勁邪..原來其他人都係咁既情況,俾miss Lui夾硬剔晒又屈話佢全中出貓..之後miss Lui知道搞錯左,冷笑講左聲"Really?"就走左去-__-"..我懷疑佢改唔切又要派所以亂剔XD(因為miss Lui又話佢地出貓唔改佢地). 小息果陣sally唔舒服早退. 文學堂本來要測驗,但轉左做教書. lunch 5個男仔齊齊上左去買飯,我盒飯係又呃又哄咁得番黎,因為訂飯果陣冇加埋我,左輪同主席就扮佢寫漏叫佢快手加番,真係快好多,不過差d成為跌落地個盒飯,虛驚一場.. 空堂做功課,文化堂派測驗,出乎意料既好=). 放學前班主任堂最神奇,check報a-level份野,佢竟然話我淨係報考文化同英文..唔係玩我嘛校務處d姐姐,我冇得罪過你地..我買簿都冇賒數的-__-"!結果要自己填番文學同中史上去,再計過d錢,麻煩死-__-". 放學去搵莎去觀塘補習,佢訓完好似好番d. 補完習7點半,無無聊咁兩個人走左去大家樂食火鍋. 走果陣sally"暈車浪"想嘔想嘔咁=P,跟住嚇到前面個肥師奶走夾唔頭,以為莎有菌(not活性乳酸菌),之後我先慘,忍笑忍得好辛苦,整個過程十分爆笑XDDDDDDDDDD.

>>October 7, 2004 at 3:56:05 PM GMT+8

2004 年 10 月 4 日 星期一 【晴】

呢排都幾忙. 番學、放學、做功課、累、好早訓.日日都係咁,所以日記都冇打. 今日正式番學,學校又熱鬧番.d空堂就用晒黎做英文,因為聽講話要交news cut,不過做完又話聽日-__-".. 3堂漫長既英文堂做usage,好眼訓. 放學仲要上多堂額外既英文oral堂,chapman果然名不虛傳.. 放學同莎去百佳,見到有個女人伸手落魚缸玩徒手捉蝦仔,跟住四圍fing d水,賣蝦既話佢又被佢寸番..點解呢個世界會有d咁可憐既人,完全唔知自己做緊錯事,仲理直氣壯認為自己岩晒.. 可悲,可悲!

>>October 7, 2004 at 3:41:56 PM GMT+8