2004 年 12 月 29 日 星期三 【乍雨乍晴】

差d唔記得呢度=P. 呢排發生左好多事,個天氣都特別凍d. 今日賦閒在家,睇住有線電聞台一直播住南亞個9級地震引發既海嘯. 一路睇一路個心都唔舒服,一場大水就淹沒左無數房屋,沖走十萬幾人(不斷上升緊..),之後仲可能爆發疫症,情況會雪上加霜,希望呢場災難遺禍早日結束. 雖然香港唔大機會有大海嘯,但係我都上網睇左d海嘯既野. 海嘯通常是指由於海底發生地震，或海底火山爆發，造成傾向滑動斷層，海面因而產生大擾動，發生重力波向四方傳播，其傳送速度之計算公式，如下： Ｖ﹦(gh)1/2 h：海的深度，g：重力加速度 其所引起的海水上湧，捲上陸地的現象非常可怕。 歷史上三大海嘯.. (一)日本三陸大海嘯 西曆1896年(日本明治二十九年)6月15日，日本釜石東方約200公里的海底發生地震，引起一場大海嘯，巨浪龔擊日本自青森縣尻矢崎至宮城縣牡鹿半島的沿海各地。岩手縣的宮古於當日19時33分感到地震，震度不強。可是所引發的海嘯，襲擊三陸沿岸，流失房屋10370棟，死亡人數27000人，其他的堤防、道路、漁船的毀損、流失不可勝計。 大海嘯開始於當日19時50分(海水初向後撤的開始時間)，初時海水先後退，20時左右開始回升，接著海水又向後撤，海面再次升高，捲起了巨浪橫掃陸地。襲擊宮城縣吉濱的浪高，曾達到了24公尺的記錄，襲擊續黑灣的浪高，達到了30公尺。 (二)葡萄牙里斯本的海嘯 西曆1755年11月1日，葡萄牙地震，葡京里斯本，經歷了歷史上空前的一次浩劫。里斯本位於Tagus河北岸，距河口約九公里，河港深廣，為葡國第一良港，也是伊伯里安半島的最好港灣。但不幸事終於發生了，在聽到一陣如雷響聲之後，大地開始戰慄了，山搖地動了六分鐘之後，一排一排房屋震倒，繼而火災，煙霧大起，天日如晦，地面陡生裂縫，開而復合，葬身其中的數以千計。 大震初起時海水退而旋進，高逾50公尺的巨浪沖進河岸。巨浪越過了大西洋，到達西印度群島時，還弔起了4~6公尺之波浪，其威力之大不難想像。蘇格蘭的羅蒙河水，突高2公尺後又退落，反低於常時。西班牙沿海浪高60公尺，非洲北岸海水起落58次，近海各地，浸水成災。 喪生於這次地震、火災、海嘯的人數，達到了八萬人以上。里斯本到處瓦礫，一片廢墟，其景象之淒涼，令人鼻酸。 (三)印尼喀喇卡多亞的海嘯 在喀喇卡多亞火山大爆發的時候，海嘯跟著發生了，巨浪襲擊海峽北側，高達22公尺，碇泊在離岸3300公尺距離的軍艦貝魯號，被海浪往上推，離當時的海面，達到了9公尺的高度。爪哇有些地方，巨浪高達35公尺。波浪自巽他海峽的南口向印度洋擴散，使錫蘭島的浪高，達到了2~2.4公尺，傳至澳洲的西岸，餘波還未全平，依舊有1.5~1.8公尺的高度。 海嘯巨浪以每小時350英哩的速度，朝著大西洋北進，抵達法國沿岸，在北大西洋的英吉利海峽，波浪還留下了幾厘米高的紀錄。於三十二又二分之一小時內，波浪繞過了半個地球，沿途至少有50艘以上的船隻，毀于巨浪之下。死于這次噴火和海嘯的人數，達到了36400人之多，財物的損失不可數計。 今次呢個應該可以列入四大..但唔值慶祝,唯一可圈點既係呢次災難影響唔止南亞,涉及多國遊客,可以話係世界性既災難,所以全球都密切注視呢個災難,各國各地人民亦都發揮出愛心,同心協力幫助災民,令到全球邁向一體化既"地球村"構想更推進一步.

>>January 3, 2005 at 3:32:29 PM GMT+8

2004 年 12 月 28 日 星期二 【乍雨乍晴】

今朝起身好凍,都預左..不過真係出奇地凍.. 出廳開電視一睇,得9度..又俾天文台呃啦,又話元旦會最凍,又話最低11度..今日都9度,元旦咪得番5,6度? 今朝都要補課,番到去勁溫書,因為今日測驗,之後11點零就走得.同莎同toto去新世紀食野,又坐o係food court度睇有線新聞,個海嘯已經造成差唔多7萬人死..係近幾十年最嚴重既天災,估唔到文明既社會依然不敵天災..d新聞都睇到毛骨悚然. 下晝番屋企,玩左陣cm,二佬撩我玩net big 2,猛斷線..結果同佢同佢兩個fd上左yahoo玩game,hae左個下晝. 之後就出去.再之後8點幾同莎行黃埔. to snoce:ok!暑假啦咁~不過有排lu.. 想許願好簡單,你click實左手邊既紙條,拉到去樹上面先放手,跟住就會彈個格仔出黎俾你填野(ie唔可以有block pop-up功能),填完確定之後你應該會見到有張紙仔掛o係棵樹上面. ps.幅圖個答案係旺角既銀行中心

>>December 29, 2004 at 4:20:46 PM GMT+8

2004 年 12 月 28 日 星期二 【乍雨乍晴】

估下呢度係邊度?

>>December 29, 2004 at 7:02:40 AM GMT+8

2004 年 12 月 27 日 星期一 【乍雨乍晴】

今朝要補課,天氣突然好凍..我都淨係著左兩件衫.9點10分同莎番到去,諗住遲到,點知原來補9點半. 一路補到12點10分完,之後放sally,toto,emily,阿show同我五個人去新世紀食野,食完就各自散. 番到屋企2點,玩左陣live 2005,之後出廳睇新聞,前日個海嘯真係兇殘,一下奪去無數人命同拆散無數家庭..最慘係o係正聖誕,d人岩岩去東南亞渡假就出事.. 呢個係咪上天繼挪亞方舟後又一場洪水大清洗呢?

>>December 29, 2004 at 4:06:15 PM GMT+8

2004 年 12 月 26 日 星期日 【晴】

今日下晝出去九龍灣搵莎同阿fa食晏,之後o係德福逛左陣就同莎去觀塘補習. 補完5點零同莎無聊之下去行d倉,行左好耐,有d野真係好平,不過就咩都冇買到. 7點零番到屋企,好熱鬧,阿婆,三姨同舅父都黎左打邊爐.8點零阿姨都黎左,佢岩岩出番院,都康復得幾理想,不過仲有d唔協調.. 夜晚努力作多一篇文.

>>December 28, 2004 at 6:47:28 AM GMT+8

2004 年 12 月 25 日 星期六 【晴】

今日留o係屋企hae,打機為主,又作下英文d作文. 夜晚用住電腦網上睇英超聯又聽住電視做新城"分"獎禮..不嬲除左叱o宅都冇興趣睇. 估唔到今年新城比上年"進步",分多左豬肉,真係人人有份..例如hins,男歌手,組合..皆大喜歡的,睇到得啖笑. 基本上我同阿妹都係聽佢歌,其他時間轉台,睇discovery channel.

>>December 28, 2004 at 6:45:06 AM GMT+8

2004 年 12 月 24 日 星期五 【晴】

今日下晝同莎去飲茶,夜晚同佢食飯. 好輕鬆既一日!

>>December 28, 2004 at 6:44:31 AM GMT+8

2004 年 12 月 23 日 星期四 【晴】

今日由朝打機打到下晝. 5點零去搵莎,6點幾同佢出旺角,行落油麻地-__-"(唔知點解有1A唔搭要搭van仔旺角落再行落油麻地),不過唔緊要啦,果陣條街已經ok多人,似乎警示我地今晚將會有好多人出街玩(廢話,正常平安夜都多人出街,冇人出街先滴汗). 我地約左7點15分油地恆等,個個都攜眷出席咁滯.阿寶既女友kandy原來幾似我地識既一個人.之後去左廟街食野,8個人平平地都食到好飽,又交換禮物,幾開心. 之後我地行落尖咀,行左好耐,越行就越迫..o係廣東道停左一陣,之後開左閘我地就湧去海滂文化中心果頭d樓梯坐,玩下遊戲傾下計,又係好開心既. 不過,之後阿妹打黎話佢都o係尖咀但唔識走,問我點算..果刻真係激死我,唔識走又學人行尖咀行夜街.結果自己離開大隊走去接佢,點知又封路入唔到去..手機又俾左佢,反向過到一個警察哥哥又俾另一個警察哥哥截住,諗住行天星碼頭入又塞住晒唔郁,之後唯有問人借電話叫阿妹行出黎,果刻心情好爛,掃晒興.. 阿妹出到黎話左佢幾句,跟住送佢去尖東搭5C番屋企,自己又由尖東行去佐敦接莎同番大隊,之後齊齊行去旺角搭van仔走.送完莎番到屋企到2點幾,好累..

>>December 24, 2004 at 7:27:26 PM GMT+8

2004 年 12 月 22 日 星期三 【晴】

今日下晝同莎去旺角新世紀bauhaus換野,入面有個店員喪的.. 極其變態..跟住又呃到莎買條貴d既牛仔褲,好彩係貨換貨,冇咁傷,之後落太子買書. 跟住又落左旺中果頭行街同買聽日交換份禮物,又俾我o係新之城見到部有趣既快速叉電機,唔知有冇人買俾$5企5分鐘等佢叉電呢?

>>December 24, 2004 at 7:10:00 PM GMT+8

2004 年 12 月 21 日 星期二 【晴】

今朝似乎落過雨,出門口塊地有水蹟. 今朝同莎番學,番到去差唔多夠鐘,今日學校d人著得好七彩,因為今日係聖誕聯歡會. 打鐘之後就落去集隊,跟住點完名排隊過去排排坐睇表演,睇左歌唱比賽冠軍表演,搖搖show,話劇,時裝表演同埋抽獎,到10點零完. 跟住同主席,gordon,toto去tuck shop做苦力,幫手搬野上班房.之後d同學仔上晒黎就開始大食會,食完玩左陣遊戲,都幾快樂,不過d懲罰就一時時好玩,好快就放學. 12點零就放,之後sally,suyi,rebecca,jody同我搭的去尖咀唱k,唱到4點走,臨尾玩野猛點快歌勁歌,好開心耶~ 之後諗住行陣尖咀走,點知撞到好多人,先後有明星三"yee",嘉碧儀,容祖兒同何超儀.sally,rebecca,suyi,jody佢地同何超儀影到相,原來佢好nice.但容祖兒就影唔到,因為佢身邊有兩個惡形惡相既保母.另外又撞到宜家既同學同以前既同學,又係3個..邪. 因為佢地追星= =",之後去補習遲左少少.補完同莎食飯就番屋企.

>>December 22, 2004 at 3:21:15 PM GMT+8