2004 年 9 月 5 日 星期日 【晴】

今日好眼訓,基本上係醒同唔醒之間測左個中史,死晒,同埋文學堂好眼訓,文化堂就睇miss lam果80幾張powerpoint既下集,就係咁簡單就一日.放學自己去左自修室溫中化,6點幾番到去打俾莎佢訓緊覺-__-". 夜晚上網睇forum為主,臨訓溫多陣書.

>>September 7, 2004 at 1:54:01 PM GMT+8

2004 年 9 月 4 日 星期六 【晴】

今日連續食左我恨左好耐想食既麥記兩次,食到我驚-__-".首先個brunch阿媽失驚無神買麥記,跟住2點幾同莎去自修室之前佢又同我去食麥記.. 食到好飽,跟住去溫中史,溫左好一陣我訓著左,莎就努力做功課.溫到6點走,跟住同莎逛文具店,錶行,原來土瓜灣d人幾好(包括我=P),易相處,今日有好多實例. 7點零送莎搭車,我就番去食飯.食完online睇forum,一早已經好眼訓,但係我又未溫好中史. 今日買左個叫"有腦"既野,大家估下係咩?好有趣的=). 聽日開估..

>>September 5, 2004 at 4:50:40 PM GMT+8

2004 年 9 月 3 日 星期五 【晴】

曾經好喜歡的一首歌,sammi的taste不俗! 要不是她翻唱這首歌,我也記不起,不會再翻聽. 抱擁這分鐘 陳奕迅 曲/監:Jim Lee 詞:潘源良 編:Lorn Leber 忘記了世界這分鐘 跌進了這愛的裂縫 燃亮燭光 只管相擁 來佔據了這晚星空 捉緊一剎那的認同 如夢的將來 儘管一點不懂 完全明白是放縱 但是只得這刻可相信 未來又怕會 終於都撲空 你叫我最快樂 你也叫我最心痛 愛在迷惘中 你叫我最渴望 卻也叫我猜不中 誰可以這樣折衷 曾與你愛過卻匆匆 過去己有太多類同 誰在心中 怎猜得準 能跌進這晚愛火中 彷彿一切已經共同 仍是不敢祈求 熱戀多一分鐘 完全明白是放縱 但是只得這刻可相信 未來又怕會 終於都撲空 你叫我最快樂 你也叫我最心痛 愛在迷惘中 你叫我最渴望 卻也叫我猜不中 誰可以這樣折衷 要說永遠愛吧 卻怕仍然未相信 永未能看通 要說這晚算吧 卻覺愛己經失控 寧願再繼續抱擁 相擁 心痛

>>September 5, 2004 at 4:28:04 PM GMT+8

2004 年 9 月 3 日 星期五 【陰】

今朝10點半去補習,差d遲到.之後補完11點幾去拎眼鏡,自從5月唔見眼鏡之後我鍾意配番副-__-". 跟住同sally去食野,1點零食完同佢去潮流特區睇錶,sally買左隻錶,好彩冇幫襯間貴野,之後問果間平左足足400幾蚊! 跟住又去兆萬行,行完同莎去漢榮買書,搵唔到之下兜番去天利行,跟住就去自修室做功課.終於搞掂埋中史,仲做埋英文,抗戰暑假期課勝利~"~v. 夜晚同sally食埋飯先走,今晚走有氣球相伴=).

>>September 5, 2004 at 3:40:15 PM GMT+8

2004 年 9 月 2 日 星期四 【晴】

今朝又訓到唔願起身,呢幾朝都訓到冇訓過咁,最奇怪係我晚晚1,2點都已經去左訓.以為今日又會遲到on duty,好彩落去有架12A,跟住番到去7點50分,擺低d野就去on duty,同toto行地下. 頭兩堂miss ho收下錢同處理d班務,選埋主題班會,之後放小息.跟住三堂英文堂,做listening同埋寫自我介紹,好快+求其撩左俾佢,跟住溫書,訓著左..我好眼訓. lunch淋住雨去買飯,之後番左去6A課室食飯.到打鐘上番去,跟住中化堂,今年由miss lam代miss poon,miss poon生左個得意仔仔仲放緊假,恭喜佢=).miss lam一黎就掟堆notes黎,又有晒powerpoint,好有料咁..聽佢講都似唔差既,不過我覺得佢會係個好嚴格既老師. 跟住中史堂,本來有個test取消左,班友玩革命,搞到下個禮拜堆積測驗-__-".miss yim見冇得測驗就講資料題,我又半訓半醒好辛苦咁捱一個鐘.. 放學阿寶同阿甄番黎探老師,佢地傾到4點幾5點先走,跟住同佢地去左新世紀,之後落旺角坐低飲野,一坐就個幾鐘..聽佢地傾好多野,但我真係撐唔到,我果刻feel到自己身心極度疲累,我唔想講野,我好想伏o係檯面訓一場. 7點零解散,番到屋企沖埋涼飯都冇食飯就去訓左陣.9點幾打日記. 阿寶番到過去要俾心機!

>>September 3, 2004 at 2:01:23 PM GMT+8

2004 年 9 月 1 日 星期三 【晴】

今朝遲左番去on duty,on on下唔駛check體溫,SARS遺留下既影響可以暫告一段落. 今日第一堂上左文學之後就空堂.d空堂用黎睇同做文學功課. lunch同阿正,sally,carrie上去又一村買飯,之後番7A食. 下晝去library繼續努力做文學,不過掛住同主席同埋bobo吹水拖延晒,之後再努力,又做下中史..做到4點半做晒同莎走. 跟住同佢去新世紀行左陣,行到6點半走.

>>September 2, 2004 at 12:07:24 PM GMT+8

2004 年 8 月 31 日 星期二 【晴】

開學日.放假咁耐假,今日終於都係要番學-__-". 個暑假咁就完左,有開心有唔開心啦..唔諗lu. 今朝7點零出門,搵埋sally一齊番,點知塞車,令到suyi要o係學校門口等,得個熱字同睇字,冇得入去,哈哈,sorry-__-". 基本上年年第一日番學都係聽校長講新一年展望同收一大疊既通告,今年都唔例外.9點幾就派晒d通告,不過學校講明10點30分先走得,結果o係班房傾下計hae. 放學之後同阿正,sally,suyi,carrie去左創興唱k,唱到2點半走,跟住就各自走.唔知點解今日好累好眼訓,所以3點就番左屋企. 番到去聽住903訓下醒下,5點幾online睇forum. 夜晚食完飯做左d文學既讀書報告.

>>September 2, 2004 at 12:07:29 PM GMT+8

2004 年 8 月 30 日 星期一 【陰】

今日訓到10點起身,做左份中文功課,之後食個brunch又訓著左,1點醒番,跟住上陣網.2點零沖涼,3點去自修室搵莎,俾佢笑我個頭-__-",趕埋d中文功課,又搞掂多樣功課! 5點幾同莎搭van仔去旺角行,去左飲珍珠奶茶同食麻辣魚蛋,之後去兆萬逛,莎買左d耳環,行到7點零送佢番去就走. 農曆七月,好邪..今日先後撞到4架泊埋一邊救緊人既救護車.

>>August 31, 2004 at 12:50:09 PM GMT+8

2004 年 8 月 29 日 星期日 【陰】

今日訓到1點幾醒,跟住食埋brunch就去左剪頭髮,剪到好短+怪的-__-".剪完番去個下晝好努力咁終於做晒d中史功課(因為其實差少少未做),除左有一份唔知點做諗住星期三番去問.之後on下line上網睇forum同玩富甲4. 夜晚食埋飯番房繼續睇forum,呢排迷上去forum吹水.之後11點幾就同二佬同佢d fd玩rainbow+starcraft,玩到2點幾,應該係今個暑假最後一晚玩..聽晚要早d訓,後日又要番學lu.

>>August 31, 2004 at 12:42:33 PM GMT+8

2004 年 8 月 28 日 星期六 【陰】

今日訓到11點起身,食完brunch,跟住上陣網,睇左陣forum之後就做功課,又玩下game,做到5點零. 夜晚食埋飯上左陣網同做d英文功課,跟住同二佬,duo玩佢地尋晚夾手send俾我既game,信長online,玩落的確冇咩興趣..我唔係幾玩rpg既game,印象中我都冇咩耐性玩完過一隻rpg game,因為唔鍾意d rpg要儲好耐經驗同打果陣下下轉畫面入回合戰鬥模式,好煩,俾我揀我會選擇玩ds或者diablo多d.

>>August 31, 2004 at 12:43:41 PM GMT+8