2004 年 11 月 30 日 星期二 【晴】

今日d空堂做同執文化powerpoint,點知文化堂都唔駛我地講住-__-".又o係floppy發現我d陳年舊minigame,上落樓梯. 今日上d堂都冇咩特別,文學堂作文,諗左作邊題諗左好耐,o係"一封給最愛的信"同"論'過而能改,善莫大焉'",結果揀後者,今日唔想言情,好似有同學仔真係寫到喊=P. 放學去補習,補完同莎去食喜悅軒,跟住番屋企.夜晚同阿禧玩pes4玩到2點我屋企停電-__-",跟住去訓..

>>December 2, 2004 at 5:22:28 PM GMT+8

2004 年 11 月 29 日 星期一 【晴】

今日好多空堂,特登不惜代價帶本好重既中史書番去做資料題. 三堂英文又係做past paper,又做唔晒啦..點算-__-". 放學同toto,左輪行去又一城.之後見有25M就搭左去莎度等佢,我就打聽日文化要用既power point. 打到6點幾搞掂,莎都番左黎. 夜晚番到屋企,阿媽見我仲牙痛緊,就話搽獨門秘方-__-",用棉花將d藥油塞入我個口隻爛牙度.. 先係一陣苦,後係一陣麻痺..我果刻以為自己死得-__-""",d藥油又吞左幾啖.. 一陣雞毛鴨血後同阿禧連左陣pes4就去訓.

>>December 1, 2004 at 4:10:56 PM GMT+8

2004 年 11 月 28 日 星期日 【晴】

今日番到去好趕,早會之後番上去拎埋書就落去空堂自修,溫中史,傾下計又溫下,溫唔完的..結果貼黎溫,溫到小息. 跟住就中史堂,測驗..貼中一半,my god-__-",都算..博命吹水(歷史係由人所寫=P). lunch去門口買,d飯淋的,唔好食..莎無啦啦唔睬我,於是我都冇理佢XD. 下晝文學對聽書同對卷.文化堂幾輕鬆. 放學同莎去又一城行街,沿路經我訓話一番,發現原來今日同佢有好多美麗既誤會. 之後同佢去底層既taste買左好多野食食住走=). 夜晚牙痛,應該係蛀牙,話俾媽媽聽,親愛的媽媽以身作則咁話:"唔係好嚴重咋嘛?你睇我成隻蛀到冇晒咁滯,遲d先算啦!" 聽完了她的一番話,我真是萬分無奈!!-__-"!!

>>November 29, 2004 at 4:11:51 PM GMT+8

2004 年 11 月 27 日 星期六 【晴】

今日訓到11點幾,起身食左d野.之後2點左右去suyi度幫佢砌番個新買既火牛. 砌砌下莎話上黎去接佢,之後砌左一輪合埋機箱搞掂,幫suyi開機發現佢似乎中毒,開機又load好耐,o係冇防毒軟件既情況下幫佢停左d病毒唔o係startup出現,又delete d廣告軟件.. 整到3點零走,同莎買左好多野食番去,有個公仔麵包幾有趣. 食完同莎傾陣計就番屋企食飯.夜晚發現聽日中史有測驗,我同莎都冇帶書-__-"..

>>November 29, 2004 at 4:11:24 PM GMT+8

2004 年 11 月 26 日 星期五 【晴】

今日訓到11點幾,尋晚先bt完隻pes4,今日玩到2點幾出去搵莎,買埋lunch俾佢食. 食完佢又開始整公仔啦,我玩大航海時代4(搵左好耐!),好懷念以前玩大航海時代4既日子. 4點零5點同莎去尖沙咀行街,無無聊聊行左上樂富搭地鐵,莎又白痴發作XD,佢入閘用地鐵車票,出閘竟然"do"八達通XDDD. 之後一路行一路行,o係海港城撞到林雅慧老師同佢男友,我地已經第二次o係尖沙咀撞到佢地拍拖行街,真係有緣-__-".. 又去新港行,行到好累,之後坐左陣,跟住莎聞到榴槤味拔足狂奔,所以又同莎上左九龍公園坐. 9點15分suyi打黎,我同莎就行過去食巴西燒,今晚約好左同莎慶祝生日. 一行六人,莎,suyi,carrie,阿正,阿甄同我,有講有笑,之後場內有兩個結他鬼佬行過,suyi叫左佢地表演,佢地唱生日歌俾莎,中英文都有,果下笑到肚痛. 之後食下野,食到好飽,睇電視做緊黃霑,有畫冇聲,好想聽到佢地講咩..唔知點解黃霑俾到我阿公既feel我,可能佢地都差唔多大,都鍾意酒,都有才學,都係死o係cancer,仲有都係今年既事..所以黃霑既離世我覺得有d失落,一代鬼才殞落,香港又少個70,80年代起飛既代表人物. 食食下發現,d人叫果兩個鬼佬唱10首有9首係唱生日歌,冇咁多人生日掛?可能d人唔識其他英文歌XDDD. 食到11點幾,跟住影相,我捕捉到張爆笑既相,不過相機係莎的,佢公唔公開就唔知啦. 之後就12點走,我地陪莎行佢未行過既星光大道,順便消化下,見到好多奇境: 例句一:有個大陸人企o係熄晒燈,黑暗既星光大道下同隔離個人講(請用普通話讀出以下句子)"你看星光大道,多~璀~燦~!"XDDD 行到12點半去碼頭搭尾班巴士番屋企.

>>November 28, 2004 at 5:17:27 AM GMT+8

2004 年 11 月 25 日 星期四 【晴】

天氣開始轉得更凍啦. 今日測文學,尋晚bt住pes4邊溫書,跟住不支訓左. 今日既空堂再溫,眼訓之下溫得一半多d..溫唔晒. 小息之後兩堂英文,唔知點解冇啦啦走左去聽梁文道個talk,不過個talk都幾有趣既. 文學堂同楊sir講起,佢之前做記者既,所以都認同梁生講既野,但都有d保留. 之後測驗,好彩lunch溫多d,都叫ok識,合格與否我唔知啦,天有不測之風雲-__-".. 放學番屋企換衫,夜晚諗住同莎食飯,不過佢唔舒服冇食到飯.

>>November 28, 2004 at 5:17:15 AM GMT+8

2004 年 11 月 24 日 星期三 【晴】

今日個時間表正堂番晒. 文化堂教新聞稿,跟住miss Lam叫我地分組討論,睇下報紙,之後叫我地擬寫一則新聞,本來好輕鬆,不過連校長都黎聽堂就唔同啦-__-". lunch上又一村買飯食,食完同toto 1on1 uno(其他人死晒XD),我臨尾有個6連勝俾toto打鐘前破壞左. 跟住三堂空堂,諗住做中史,但係帶錯書..明明兩本好唔同既書我都帶錯,吹脹..肯定係我尋晚眼訓得滯搞錯左..之後寫左陣就訓訓訓.. 放學去library溫文學..

>>November 28, 2004 at 5:17:02 AM GMT+8

2004 年 11 月 23 日 星期二 【晴】

莎生日快樂! 今朝一起去搵莎食早餐,番到去見遲唔上課室住,點知唔見有人落黎,我突然醒起今日冇早會-__-".. 上到去做問卷,中間兩堂文化測驗,今次溫唔切,悽慘.. 下晝同莎,suyi,jody,rebecca去食名將,果到d人服務態度差到..又慢吞吞又唔理顧客,斗膽! 之後因為遲黎食到我地好趕,番到去都打鐘.. 下晝有兩堂空堂因為冇書寫中史essay訓左覺.放學同莎慶祝生日,d同學仔好錫佢,angues竟然lunch走左去半島酒店買生日蛋糕俾佢..我都恨XD! 之後番屋企換完衫就撲出去補習.途中莎打黎話拎份prose reading俾rebecca,原來rebecca唔記得拎,sandy又冇借俾佢,結果莎因為拎俾佢而遲到補習. 補完習同莎丟番去打邊爐,佢屋企大排筵席咁-__-",我又送多一雙禮物俾莎.夜晚個邊爐打得我好飽.

>>November 24, 2004 at 4:51:49 PM GMT+8

2004 年 11 月 22 日 星期一 【晴】

今日d堂冇咩特別,lunch食shit狀咖喱-__-".. 下晝空堂傾計,英文堂做listening勁寫野.. 放學等到4點15分,我同sally混入人群成班去左聽singing contest. 今年高級組係文科班大戰,6A對7A-__-"..今年好好人,個個都俾你唱晒成首歌唔會中間叮你走. 大家都表現得唔錯,阿敦唱得好似古巨基,勁..其他都有d不相伯仲.結果都聽到成5點幾先走.

>>November 24, 2004 at 4:44:02 PM GMT+8

2004 年 11 月 21 日 星期日 【晴】

今日莎約我食麥記.我本來係遲到的,不過去到一半路程莎打黎話佢岩岩醒,太好了,最差過我,我可以話番佢轉頭=P. 結果我買住麥記等佢,之後番學果陣,莎見到步行既交通警(啡衣人),佢指住問我"果d係咪叫泥猛?",我先係咁(-__-"),然後係咁(XDDDD),笑到甩肺..人腳係俗稱"黃腳立"哦~ 今日頭三堂就英文,做完section就做listening,會做到傻的.. 之後空堂多,d空堂都係用黎做下功課,完成左news cut同中史essay,最後果堂又上網打jupas篇靚野. 放學仲要中史補課,莎唔舒服去睇醫生.我地留o係度做練習(?)到5點10分左右走,之後去探莎,佢又整緊公仔-__-"..

>>November 22, 2004 at 3:02:35 PM GMT+8