2004 年 8 月 27 日 星期五 【晴】

今日訓到11點幾,起身食左阿媽d麵,點知過10幾分鐘之後肚痾-__-".. 之後上左陣網,跟住收到莎電話,以為佢去完補習社,點知佢岩岩先起身-__-". 跟住上網hae到3點,出廳又睇左陣奧運足球決賽就出左去.好彩出去之前見到落雨拎左遮,唔係又俾雨仔"dup"到傻. 本來去麥當勞,但最後同莎去左美心食tea,食到一肚氣..唔好食的. 跟住去自修室做功課,途中撞到suyi,尋日做功課俾人嘈,今日到部冷氣嘈住..成日古董老爺機咁.."撻撻撻撻撻"響個不停-__-". 之後又出去兜個圈吸新鮮空氣,跟住又番去努力.一路到做8點都未趕晒d中史功課-__-". 聽日繼續努力,跟住同莎去食埋飯就番屋企.

>>August 28, 2004 at 5:06:09 PM GMT+8

2004 年 8 月 26 日 星期四 【陰】

今朝10點半起身,11點半出門口,12點零到旺角,等埋莎就一齊去補習.補習補到2點幾,跟住同莎食飯,食完飯去自修室做功課,個自修室換左房,所以好隔..聽住d o靚仔玩到嗌晒.. 7點零因為佢要轉房所以就走,同莎行左陣同送佢搭車走,唔知點解突然有種返返去初初識既感覺,好有趣.. 8點番到屋企,食埋飯上左陣網,好累跟住訓左陣,醒左阿妹又用緊電腦.我聽903,聽到10點零拎番電腦同梓為玩左1個鐘既cm. 呢排有d精神不振.

>>August 27, 2004 at 5:32:25 PM GMT+8

2004 年 8 月 26 日 星期四 【晴】

《一世歌》 唐寅 人生七十古來稀，前除年幼後除老， 中間光景不多時，又有炎霜與煩惱。 過了中秋月不明，過了清明花不好， 花前月下且高歌，急須滿把金樽倒。 世人錢多賺不盡，朝裡官多做不了， 官大錢多心轉憂，落得自家頭早白。 春夏秋冬撚指間，鐘送黃昏雞報曉， 請君細點眼前人，一年一度埋荒草， 草裡高低多少人，一年一半無人掃。

>>August 27, 2004 at 12:36:41 PM GMT+8

2004 年 8 月 25 日 星期三 【陰】

今日訓到12點零醒,之後食晏.睇午間新聞見到男子110米欄大熱既阿倫莊遜入唔到final,驚訝..原來佢果組不斷有人偷步/犯規,搞到重賽左5次,真係咩氣都洩晒..冇得睇中國欄王劉翔對佢既決賽,可惜..呢d真係時也命也,有d野真係唔到你控制,大熱又如何?世事無絕對既. 下晝就上網睇forum,之後俾阿媽叫左去左做水電技工-__-",首先拆左個無線電話黎整,因為有d掣按唔到,原來入面出晒油,我走去拎左支去油蹟既威威清潔水黎抹-__-",之後真係搞掂左.跟住又整阿媽聽緊部收音機,因為佢天線斷左,我就用d金屬條駁長佢,又得左喎..唔再沙沙聲. 之後上上下網中毒,跟住又即時清左佢,搞左半個鐘.. 就4點幾開903聽森美小儀,又上左now睇8月24號k饉40 d片,本來sally拎左果日既飛,但係果日邊會有心情去..今日睇番原來果日好精彩,仲俾我發現左樣野,作曲/編曲人方樹樑原來好鬼死似梓為,複製人一樣,睇到我好驚. 話時話今日無啦啦掛起1號戒備,個颱風艾利都好傳奇,登陸兩次..仲要沿陸地行. 6點半教阿妹做功課,之後都差唔多時間食飯.食完晚飯番房聽903,阿妹又霸左電腦. 今晚聽阿媽講完發現我地對於處理後事好唔掂,好多習俗,儀式都道聽塗說,又一知半解..搞到好混亂,例如阿媽今晚同我講快d剪頭髮,過左阿公頭七之後三年唔剪得頭髮-__-",三年!?我諗佢聽錯囉.. 唉..-__-"..

>>August 26, 2004 at 3:04:20 PM GMT+8

2004 年 8 月 24 日 星期二 【晴】

尋晚同二佬佢地玩到2點幾之後訓.今朝10點起身,跟住執野換衫出去,今日莎約我去唱k同之後去自修室趕功課..11點零佢黎左我樓下,跟住我同佢搭車去尖咀ceo neway唱k,識左莎兩個好nice既新朋友. 同佢地唱k唱到2點零,跟住諗住同莎去自修室做功課,不過見仲早就四圍行,之後諗住去科學館,不過去到好多人,原來今日係星期三,有得免費入場,所以好多阿媽拖住仔女黎睇野. 迫於無奈之下我地過左隔離既歷史博物館行,果度又係免費,但係人就少好多.以為冇咁好睇,我地去左個講香港歷史演變既展區,入面好多正野睇,睇左我地好耐..睇左好多展品同佢d片,知多好多野,有段講香港近代到回歸既片睇到我地好感動,突然有份愛港愛國心!之後行完又過左隔離科學館行,因為見唔駛排隊入場,入到去四圍玩佢d展品,之後又食左個tea,跟住落最底玩好多得意野,唔覺唔覺玩到6點半左右走,去唔成自修室-__-",聽日再努力.

>>August 25, 2004 at 2:08:31 PM GMT+8

2004 年 8 月 24 日 星期二 【晴】

一步一生 作曲：伍樂城@RNLS 填詞：林夕 編曲：伍樂城 監製：伍樂城 送給遠方親愛的阿公: 多謝您陪我走過難忘的童年,記得您天天都不厭其煩拿著報紙和我一起閱讀,教我讀書識字,令我對中文產生興趣,這些情景直到至今我仍瀝瀝在目,感謝您. 我知道您很疼我,當我做了錯事您會毫不猶疑責備我,記得那次,我與表姐一起在後樓梯玩火柴燒東西,最後被您發現了,我倆被您捉回家中打了一頓,那時年少的我不懂事,很憎恨您.「愛之深,責之切」,到這刻我才明白.沒有您嚴厲的教導,或者我已闖了很多禍,感謝您. 我印象中的您是個有魄力的鐵人,記得有一晚,電話傳來當時在黃埔當保安員的您被人斬傷的消息,當時真的使我們都很擔心,幸好您康復得很快,不久又再繼續工作了,我很佩服您的不屈不撓和責任感,您的處世態度感染了我,感謝您. 您希望我可以成材,可惜我資質平庸,大器難成,枉費您的教導,但我會遵從您教誨做個好孩子,感謝您. 您的離開對我來說是一個很大的震憾,在您眾多的外孫中,我與您接觸、相處該是最多最久,我知道您最疼的是我,您也帶給我很多童年的回憶,感謝你. 在您病倒的兩年來,看到您逐漸消瘦,我的鼻子總會酸了酸,使我很痛心,終於在兩年後的昨天,您選擇了離開,大家都很傷心.我看著您驅殼的一剎,我相信您仍然存在,或許您正在我們的身旁,在默默的保佑我們一家,感謝你. 如今我已長大了,多謝您陪我走過寶貴的童年,我會努力去走我將來的路,感謝你=). 阿公,我愛您懷念您.. 童年是誰伴我走 挽我的手 望我踏上天梯 不可退後 曾經期望著我 前程和戀愛 甚麼都擁有 沿途就算跌 要跌得好看 才能不自責 報答別人厚望 然而誰明白我 沒你們所想的堅壯 我很想找個人 對我說別怯慌 回顧中彷彿一步一生 每一級一世都難忘 如何吸引 曾碰上每個過路人 跟我漸行漸遠 懸崖上我始終都企穩 誰伴我去走一步一生 每一位一個不留神 不再熱吻 還有沒有人 令我驚險又興奮 願我能 提示我這一雙腳 別震 沿途就算跌 要跌得好看 才能不自責 報答別人厚望 然而誰明白我 沒你們所想的堅壯 我很想找個人 對我說別怯慌 回顧中彷彿一步一生 每一級一世都難忘 如何吸引 曾碰上每個過路人 跟我漸行漸遠 懸崖上我始終都企穩 誰伴我去走一步一生 每一位一個不留神 不再熱吻 還有沒有人 令我驚險又興奮 願我能 提示我這一雙腳 別震 前面是誰伴我走 挽我的手 但笑著吃苦的氣力 我有

>>August 25, 2004 at 1:21:43 PM GMT+8

2004 年 8 月 23 日 星期一 【綿綿細雨】

尋晚3點幾,電話突然響起,一聽之下原來係舅父打黎,叫我阿媽聽,我心裡面有種唔舒服既感覺. 之後阿媽過黎叫我換衫,原來阿公病情急轉直下,應該捱唔過今朝. 跟住我同阿爸阿媽就急急換衫,落到樓下等埋阿姨同姨丈,5個人搭的士去將軍澳靈實醫院. 條路好長,搭車果陣,我見阿媽隻手捉實左前面椅背,個收費器跳一下我個心就震一下,我不斷祈禱.個司機仲要有意無意咁行錯路,去將軍澳醫院,好彩姨丈發現,不過都行左一段冤枉路,我阿媽同姨丈果陣都好嬲,鬧個司機. 上到去都4點10分左右,一路行一路好驚,心裡面只係希望阿公捱得過..轉入到3樓病房果陣,聽到阿婆,三姨同三舅母喊..醫生岩岩轉身走左,部心跳起博器岩岩除左,跟住阿媽都喊左出來..阿公岩岩走左lu.. 我見到阿公冇晒反應訓o係度,已經幫佢換左套靚衫,一時間流左眼淚出黎,腦入面播番好多細個同阿公既事,我記得有次玩火俾佢用籐條打,有次佢番看更既工俾d賊斬傷流好多血,細個佢同我睇報紙教我識字..果刻我唔相信阿公走左,我仲記得兩個禮拜前佢仲識同我地打眼色.. 之後舅父用手機通知晒d親戚,阿婆一路喊,唔捨得走..睇到個個都眼紅又唔敢大喊.我拍左拍阿婆膊頭,但唔知講d咩好..氣氛好沉重. 跟住之後舅母黎埋,我地一路陪住阿公到5點幾,醫院d人好好,通融我地成班人入到同俾左兩個鐘我地陪阿公. 之後就黎6點個護士黎叫我地走,因為佢地都要處理阿公個遺體,走果刻又我地喊過,真係好唔捨得..阿婆陪住阿公走最後一段路,之後7點零全部人就去將軍澳坐傾後事. 我好累,o係果度訓著左..9點幾醒左跟阿姨番土瓜灣番屋企,本來今日約左emily幫佢整電腦,但因為事出突然,結果打俾emily同佢講左呢幾日都去唔到幫佢,sorry/__\..番到去10點..打左俾莎傾陣之後就訓著左,一路訓到4點幾先醒. 其實阿公都受癌魔折磨左兩年幾,病情一路反覆,個人就一路消瘦,醫生都話佢d求生意志好強,末期都撐到2年幾..呢排佢內臟開始劇痛,我地屋企都有晒準備佢隨時唔得..不過估唔到去得咁快.. 或者走左都好既,起碼佢可以唔駛咁辛苦..可以去另一個新天地新國度.. 今次係我咁大個仔第一次有好親既親人去世,百味雜陳..希望全家族人都健健康康,長命百歲.. 阿公,安息=)..

>>August 24, 2004 at 12:43:47 PM GMT+8

2004 年 8 月 22 日 星期日 【雨】

今朝7點45分就醒左,跟住8點零去搵莎一齊番去補課.番到去就即刻開始測驗,之後miss yim又教左陣書,12點零落堂. 跟住又等sally補測到1點半,同sally番一番屋企換衫就起程去赤柱.我地搭地鐵去銅鑼灣轉綠van入赤柱bbq. 今日係阿正既生日,所以我地成班約左去赤柱bbq,去到果到3點幾,一路去既途中都好大雨,仲諗住燒唔成,但係架車一過左香港仔隧道就係另一番既天地,果度冇落雨之餘,雲亦唔厚..都唔驚會落雨. 我地落左車去惠康買水同炭,跟住就行去海灘搵佢地,去到一路燒,燒到天黑..大約7點幾先停,食得都幾飽,之後我地摸黑執爐,跟住走左過海灘果邊坐. 佢地個個去晒水邊玩,後來我都去玩埋一份.跟住又影下相,傾下計,撥下沙,到8點幾左右送禮物俾阿正,跟住之後影多陣相就沖腳走人. 去左搭巴士,o係巴士上個個都玩相機,手機..幾開心,又見到人地激戰,最後俾我地兩個戰地記者影左相.. 成程車都搭左幾耐,o係尖咀廣東道落車果陣都10點半.跟住就分別各自搭車番屋企,我就同莎去食宵夜. 夜晚同二佬,duo玩gundam版starcraft. p.s.阿正生日快樂!

>>August 23, 2004 at 7:18:31 PM GMT+8

2004 年 8 月 21 日 星期六 【陰】

今日11點幾起身食brunch,跟住下晝玩左陣富甲天下4,1點幾就出左去又一城搵莎.去到都2點,突然收到阿媽電話話個親戚黎左,我應承左佢今日幫佢入手機midi,不過我以為佢夜晚先黎,所以出左去.結果2點幾就仆番去屋企,莎未食晏,所以佢就去左附近食野先. 番到去3點,跟住幫個親戚整,點知佢部手機太新,我個software detect唔到,上網搵到d detect到既又未有crack,我同佢都好無奈咁好失望. 4點搵番莎,同佢搭van仔去旺角,跟住行左陣聯合同新之城,行到6點幾走. 7點幾我番到屋企,睇奧運同食飯,中國竟然無啦啦執到金,50米男子自選氣手槍個帶頭既美國選手竟然無啦啦大多形勢領先之下最後一靶射左隔離澳洲個靶,0分-__-",就係咁中國無啦啦欏牌,都總算補番中國連番唔見既金牌.. 再夜d溫左陣中史,聽日又要補課同測驗lu..

>>August 23, 2004 at 7:14:22 PM GMT+8

2004 年 8 月 20 日 星期五 【雨】

今日訓到11點幾,起身食個晏,跟住做功課,做做下上網整個日記,跟住又裝左隻富甲4. 之後"讓"部腦俾阿妹用,佢成日都搶我電腦!我就繼續做中史功課,之後執notes. 5點幾睇左陣奧運,6點零出去,搭106去太古城搵莎,之後8點幾同佢去食晚飯. 夜晚同阿爸阿媽睇奧運睇到1點幾,之後同梓為玩cm.

>>August 21, 2004 at 9:03:51 PM GMT+8