2004 年 7 月 23 日 星期五 【晴】

今朝9點幾醒,沖埋涼換埋衫,11點去碼頭搵莎搭船過北角.跟住搭電車去太古城,去到都就12點. 今日係我第一次正式番工,因為阿甄番書展,所以我代佢番今日,suyi代佢番聽日,好緊張同期待..去太古城既玩具反斗城sell玩具,好好彩第一個鐘就賣到一盒大既.轉個頭莎都賣到隻公仔,佢果個玩具仲高難度過我果隻.. 跟住一路sell同埋同d細路玩,企到3點去食lunch,4點番去努力過.一路企到8點,今日都算唔錯,賣到1盒大,3至4盒中既"變種戰士",又有個細路不斷同我傾計,同埋有個公仔可以拆拆砌砌,所以都唔係幾悶. 唔覺唔覺就8點走得,同莎搭106番去,跟住去到佢果邊食埋飯先走.夜晚同二佬諗住打rainbow但係唔得,又同梓為玩cm.

>>July 25, 2004 at 9:33:38 AM GMT+8

2004 年 7 月 22 日 星期四 【晴】

今日好忙咁.. 今朝擺低d野o係莎度就同佢番去補課,今日9點準時開始,個個都冇遲到.先測驗,吹左兩版廢話..唔太識.跟住到flora同sally教書,sally搞錯notes-__-". 因為尋晚夜訓搞到好眼訓,勉強聽晒11點幾走得人.不過仲未完,我同sally仆過去旺角補習,suyi同rebecca好"憫"先黎. 今日係第一堂,感覺唔錯,個miss好似幾勁,我唔係幾聽得明同跟得到佢講既野.. 補完同莎去食飯,食飽去左佢度休息下,玩下炸彈人. 跟住6點又出去,去書展,搭架死人113巴士,搭左成個鐘先過到海,落車都7點20分,跟住又行錯路,好彩莎發現得早,兜得番.不過去到好多人,最弊仲要入到場佢話要兜番出去去到政府合署再兜番入去..欏命.. 結果我地跟住d人龍行呀行,一路都好流暢喎其實,兜左個大圈入場,行左20分鐘-__-",跟住以為要排隊買飛,好沮喪之際發現唔駛排隊,冇人龍..兜左個大圈既代價? 大約8點半上到去,睇住莎掃書,掃左廿幾三十本,逛到9點半就走,拎住一大袋書,好鬼重.跟住再"稱"住d書去食晚飯,食完11點幾走,送埋佢d書番屋企我都就番屋企,好累又難忘既一日.

>>July 23, 2004 at 6:19:05 PM GMT+8

2004 年 7 月 21 日 星期三 【晴】

今日成日下晝去莎度玩炸彈人,4點幾送佢搭車,佢去搵佢家姐. 跟住行番屋企,送中見到有部夾公仔機,用左$1夾左隻eeyore. 番到去5點幾玩三國志9.一玩又玩到7點幾,食埋晚努力溫書,聽日補課同測中史.不過飯氣攻心,wing wing下咁溫到昏睡片刻..之後醒番溫多陣都係好眼訓,決定同莎玩炸彈人,炸到3點..

>>July 23, 2004 at 6:16:48 PM GMT+8

2004 年 7 月 20 日 星期二 【晴】

今日訓到10點半,起身上左陣網,跟住食埋lunch就玩三國志九.玩到1點半過莎度,去冒險樂園兜左個圈,下晝玩炸彈人,玩到6點幾,陪莎去剪頭髮,之後番屋企吃飯. 人定勝天,我地要努力呀!

>>July 21, 2004 at 4:38:57 PM GMT+8

2004 年 7 月 19 日 星期一 【晴】

今日訓到8點幾俾阿媽叫醒左,原來個水喉壞左,阿媽買左個新既黎叫我起身整..其實都係拆同扭,整兩整搞掂9點零又去訓過. 一訓訓到12點,醒左急急過去搵莎,話左陪佢食晏.跟住3點幾4點冒住雨走,順便去左交電話費同管理費,番到去5點左右,就打winning 7打到7點. 夜晚食埋飯就去整中史d資料,又整到1點幾先去訓.

>>July 21, 2004 at 4:35:10 PM GMT+8

2004 年 7 月 19 日 星期一 【晴】

相信好多人已經聽過睇過,都ok似sammi..

>>July 19, 2004 at 5:13:58 PM GMT+8

2004 年 7 月 18 日 星期日 【晴】

今日訓到9點零起身,10點幾做功課,做到11點幾,做完一份讀史札記同半題essay.跟住見悶就上網打炸彈人,食埋野又玩過炸彈人,最後check埋d資料,跟住1點零出門口,番到去2點,miss yim未黎,過多十幾分鐘先黎.跟住同miss yim過去print我整d notes.之後番去收埋功課就開始教書,一路教到就4點抖左10分鐘,跟住講埋最後果部份,4點半搞掂走人. 跟住同toto同莎行落旺角,食左少少野就番走.番到去同佢玩左陣炸彈人同湊細路先走.

>>July 19, 2004 at 3:46:43 PM GMT+8

2004 年 7 月 17 日 星期六 【晴】

今日o係屋企努力搵中史關於漢書既資料,準備聽日教書.下晝又做左一題資料題先,成個夜晚又執聽日份note執到1點.跟住臨訓打左一,兩場winning7就去訓. 今晚有兩件趣事,十分爆笑. 9點幾果陣,話說莎打黎搵我,我阿妹聽,果陣我o係房,佢就o係廳,所以佢大嗌"阿哥,聽電話!"跟住點知隔離屋個男仔大聲"哦"左聲就o係窗口邊身走左去(佢之後點我地唔知啦,一定"lor"死XD),聽阿媽講番佢本來掠緊衫,跟住我阿妹嗌我聽電話(廳個窗斜對面係隔離屋,好close-__-"),佢以為係佢阿妹叫佢所以走左去(隔離屋又係兩兄妹).跟住阿媽同阿妹好賤咁走左入我間房勁講勁笑(因為我間房望唔到隔離屋). 跟住爆笑一浪接一浪,岩岩件事發生左冇耐,10點零鐘我阿姨同表弟妹上左黎坐,阿姨同阿媽傾計,表弟妹同我阿妹試表弟部手提電腦,我努力執緊聽日份資料.之後有電話響,我阿媽唔知做緊咩唔得閒,跟住我阿姨聽,聽到佢猛"喂"同問"你係邊個?",電話入面個人就猛叫"阿姨""阿姨",維持左十幾秒,跟住我阿媽話係咪三姨個女,於是阿姨就問佢啦,點知竟然係我表姐..即係我阿姨個女,兩母女咁都認唔到對方把聲-__-".

>>July 19, 2004 at 3:32:25 PM GMT+8

2004 年 7 月 16 日 星期五 【晴】

今日訓到12點幾,起身梳洗完下晝晏都懶食就打下機同上網,跟住4點幾做左少少中史,大鑊..19號要交,一定做唔切,仲要我教書..咩都未準備,聽日努力. 6點幾食埋野,跟住搭巴士去太古城搵莎.之後o係太古城中心行左陣,見到果度間冒險樂園有正公仔機,跟住食埋晚餐,就同佢搭車走. 夜晚同二佬同duo同佢個fd梁威玩black thorn,有次見到電腦彊屍跳,我射左佢一槍就唔見左,諗住搞掂走人佢又好似d整蠱人既玩意咁彈上黎繼續彊屍跳,掃左成排彈先死,笑到我地抽筋,跟住次次mission failure之後就大肆屠殺隊友,或者一個grenade/c4炸晒成班-__-".又用netmeeting睇過二佬同duo玩"努力就能夠上天堂"既遊戲,去到唔知就幾關有條問題唔似問題既野"cake"住左,上唔到樓梯,跟住用左d好無聊既方法黎慢慢研究,得個桔..反而之後亂撞又上到去,吹脹.

>>July 18, 2004 at 4:46:02 PM GMT+8

2004 年 7 月 15 日 星期四 【雨】

今朝應承左莎9點零去搵佢,今日諗住去沙灘.8點半醒左,沖埋涼過到去9點幾,點知佢樓下個閘壞左,迫住叫醒佢落黎開,打亂晒我d部署-__-". 上到去上左陣網,跟住見到yahoo寫住掛8號風球-__-".結果滯留走唔到,之後諗住去睇戲..不過得個講字. 下晝同莎打住風都出去買野.去左街市同百佳,跟住又落左機鋪玩幾鋪game. 上番去就狂玩炸彈人,玩到7點幾風球落左就走人.

>>July 17, 2004 at 5:35:15 PM GMT+8