2004 年 8 月 2 日 星期一 【晴】

今日11點零搵莎,跟住兩個人去左neway唱k lunch,都幾呃稱,得一個唔好食既學生餐係平d,結果我地都選擇食餐好既. 由12點一路唱到2點幾,都算係咁上下,九龍城neway喎..兩個人去唱k都唔係第一次,之前我都同過二佬,阿正兩個人去唱k.我幾鍾意兩個人去唱k,因為人少少唔駛爭咪,鍾意點咩唱咩都得.. 今日好開心咁唱到2點零,之後逛九龍城廣場,兜左個大圈就落左去機鋪打左幾鋪機,之後番去又玩炸彈人. 夜晚食埋飯睇阿妹上網,睇到11點零12點搶番部機,就同二佬同埋佢d fd玩rainbow,搶爆笑..好多電腦玩雜技,半身懸空,倒掛XD,玩到2點零,之後又同梓為玩cm.

>>August 4, 2004 at 6:18:13 PM GMT+8

2004 年 8 月 1 日 星期日 【晴】

今日8點零起身,今朝要番學校演drama,番到去emily唔舒服,個樣好唔掂咁(的確都好唔掂..),跟住冇耐我都肚痛起黎,諗住去toilet但係行到去門口又冇咁痛,神奇..返番課室,但係又陰陰作痛,不過廢事去,唔識用蹲廁.. 跟住10點半開始排戲,頭次幾都仲幾蝦碌,到演果陣就冇驚冇險,幾順暢.好快就演完,班中一都幾"過度活躍",跟住成班人留o係課室傾下計,原來電視劇有個童星(四少喎)轉左過黎我地學校,d女同學對佢似乎幾有興趣.. 傾到12點幾跟住走,之後同莎去食泰國野,d炒飯都幾好食. 下晝玩炸彈人,傍晚同莎逛百佳跟住就閃.番到屋企樓下發現今日改閘個密碼,核核突叫看更大叔幫我開門-__-".

>>August 2, 2004 at 5:37:13 PM GMT+8

2004 年 7 月 31 日 星期六 【晴】

今日訓到11點幾起身,又食阿媽親手整既"餃子包",食完就上網睇forum. 下晝搵番隻diablo 2黎自己玩,玩果陣都有d懷念上年既日子,舊年我成日同阿舜兩個人煲diablo 2,我仲有好多寶物keep左o係佢開既其他a/c度,不過都冇機會欏番lu.自己玩都唔係好有癮,跟住見梓為online,就同佢玩cm. 玩到5點幾佢出去我就去沖涼,跟住睇下書等食飯,食過飯之後睇阿妹上網,同莎傾住電話,傾到12點左右等唔到電腦,訓著左-__-".

>>August 2, 2004 at 5:35:51 PM GMT+8

2004 年 7 月 30 日 星期五 【陰】

今日11點零起身,跟住一路玩三國志9,winning同炸彈人,玩到下晝4,5點.跟住阿媽買左野食番黎,食左就出去. 6點半左右去碼頭搭船過北角,6點40分左右到,跟住忽發奇想行落去太古,順便計下時睇下要行幾耐. 睇落兩個站,原來行過去都要25分鐘,我一出碼頭就一路沿英皇道行,行左一陣d汗流晒出黎,過左幾條街見到有個掃街阿姐推住架手推車同d掃把,竹籮,行行下見佢跌左佢掠o係車柄既制服(天氣熱得滯除左?),跟住我執番跑上去俾番佢,見佢好歡喜猛話"唔見左都唔知點算",跟住我就一路都o係度諗,世事真係好巧合,係咪所有野都係整定架呢?如果我唔係無聊走黎行,如果我果刻去搭地鐵,如果我果刻去搭巴士,如果佢冇遇見我/我冇遇到佢,咁呢個阿姐就可能會唔見左件制服,話時話都唔知點算..都唔知會唔會俾人扣人工,又或者要好無助咁番轉頭四圍搵. 幫完人心情好輕鬆,腳步都行快左,行下行下,7點左右到太古地鐵站,跟住行上去太古城中心等莎放工.行去同莎同阿甄傾下計,跟住又呃阿甄按到電視轉左台轉唔番去av台,結果佢要熄左部本來賣緊廣告既電視=P.跟住我睇人玩xbox既euro 2004,搞到我都有d衝動想去玩,不過果度果d全部係d 7,8,9歲既o靚仔玩緊,我都唔好意思加入-__-". 8點佢地放工,跟住兜左個圈就去大家樂食晚飯,食完9點急急走人,因為趕住去北角新光買大戲既飛,9點半關門-__-". 搭地鐵去到北角站,搵唔到自動扶手電梯既關係,跑左6,7層樓梯=.=",跟住去到搵搵好9點半. 之後同莎搭車走,佢又買左宵夜食-__-".

>>August 1, 2004 at 10:32:21 AM GMT+8

2004 年 7 月 29 日 星期四 【陰】

今日中午去補習,補到2點走人.跟住去同莎又一城行,雖然買唔到莎想買既野,但係食左好好食既粒粒雪糕. 之後玩炸彈人,4點半再同莎出尖沙咀行街,行到6點半去搵埋阿正食飯. 今晚去左睇sammi vs sammi concert.我地由尖咀行去紅館,8點左右到,但係等到8點45分先開場. 一開場就已經好震撼,sammi一輪勁歌熱舞,不過佢把聲就有d怪,竟然好鬼似梅豔芳(杜麗沙教的嗎-__-"?).. 成場由舞台設計,到佈景,服飾,化妝等等都唔差,d嘉賓都唔錯,先有shine,後有edison同mc仁,edison靚仔到令全場女士瘋狂,佢行到邊都有人搖旗納喊,反而嗌shine同mc仁d反應一般. 今晚sammi真係駛盡渾身解數,有歌舞劇,有舞劍,有勁歌熱舞.歌舞劇依舊有何韻詩,live一流,同sammi擦出火花,第一個高潮位. 杜麗莎果part都唔錯,老前輩唱歌始終都係中氣十足d既..第二個高潮位係encore之後edison出場果陣. 散場之前sammi又派下禮物,捉左d歌迷上台玩遊戲,呢個係全晚第三個高潮,亦都係我覺得繼個劇之後最好睇既一part,開頭sammi捉左個唔識唱佢d歌既印尼女人,跟住之後有個著黃黑橫間衫既北京女遊客上台同佢合唱左首《不拖不欠》,佢一開聲技驚全場,d廣東話真係唱得好好,勁過我阿爸阿媽-__-". 跟住第二位係個粉紅衫哥哥仔,佢同sammi合唱《薩拉熱窩的羅密歐與茱麗葉》,佢揀歌都幾絕,不過只係唱得不過不失.第三位係sammi即興捉上去既,因為得兩份禮物,之後sammi求其拎左支螢光捧黎送同捉多個人上台,但係估唔到最精彩就正正係第三位.第三位上台既係個來自廣州,戴住cap帽加啡黑橫間既細路,14,5歲左右啦(由佢自稱鍾意左sammi 14年推斷).佢揀左《其實你心裡有沒有我 》黎同sammi合唱,個o靚仔一開聲就一鳴驚人,唱得好好聽,全場都為佢熱烈鼓掌,佢將全晚氣氛推到最高,我嗌晒encore-__-". 最後演唱會o係一股熾熱氣氛之下再由sammi獨唱《終身美麗》o係11點半完場.

>>August 1, 2004 at 5:58:14 AM GMT+8

2004 年 7 月 28 日 星期三 【雨】

今日一過凌晨12點就俾左個驚喜莎,1年啦. 今朝落好大雨,但9點半我都出左去,同莎去左飲茶,之後行下廣場同百佳. 下晝幫莎貼d夜光既星星o係天花版同埋玩炸彈人,3點幾就同莎出去尖沙咀逛下,莎買左好多個包食,果間麵包店d麵包極度好食,行到5點幾6點番去,今日天氣好差. 夜晚就同莎食晚飯,同埋同莎睇星,難忘既一日~ 莎,第1個1年快樂!

>>July 29, 2004 at 7:16:20 PM GMT+8

2004 年 7 月 27 日 星期二 【陰】

今日訓到12點幾起身,食埋野打左俾二佬,夾硬改變佢原定既行程,捉左佢去睇戲(其實早幾日講過下會睇但冇左件事).2點半左右搭車到新世紀,架巴士成個雪櫃咁,搭到好凍,入到戲院都凍緊.. 買左2點50分既飛,跟住2點35分左右就已經去左等.見到有個poster係《導盲犬小Q》,我同二佬不約而同諗起一本叫《再見了,可魯》既書,二佬話原來係跟果本書改編拍攝,本書幾感動到人,搞到我都有d興趣入場睇..8月5號上. 今日同二佬去睇《蜘蛛俠2》,由上畫一路講到今日先去睇-__-"..之前又以為佢睇左,前幾日打機講起先知大家都未睇,於是約左今日睇,但又差d冇左件事. 《蜘蛛俠2》都幾好睇,不過第一集似乎緊張刺激d同劇情好睇d,今集內容唔講啦,睇既都睇左,未睇既我都推介既,不過趁早啦,上左成個月都應該就落畫..睇左《蜘蛛俠2》又可以做英文既film report,一舉兩得. 之後睇完去大家樂醫肚同傾下佢番酒店既趣事,估唔到酒店都咁得..大約就6點走人.

>>July 29, 2004 at 7:13:45 PM GMT+8

2004 年 7 月 26 日 星期一 【陰】

今日下晝同莎去左西貢好寫意咁逛下.一去到我地先醫肚,去左碼頭附近間廳餐食野,雖然冇想食既芝士條,但係新出既魚手指都幾好食. 食完o係附近又試d小食,跟住就o係西貢逛左個圈,睇下d鋪頭,有間鋪頭有隻好得意既貓,不過佢同佳佳一樣高竇,唔理人.. 跟住又行左去滿記果邊,不過太飽食唔落糖水又走左.之後行番去碼頭果邊吹下風,有d漁民舶左d船埋岸賣海鮮,好多人買,我地都去睇下有d咩.d海好生猛,莎忍唔住手都買左新鮮既瀨尿蝦,買完見拎住袋野,又5點幾,所以就走.但係等左好耐van仔,因為我地諗住搭九龍城van,但係去旺角既van仔就黎左7,8架,直到我過百佳買野飲番黎都未見有,結果等到6點10分先有車上. 搭車果陣好慘,一開始架車得3個人,因為少人去九龍城,跟住開左幾分鐘,見到有班地盤工人打扮既人湧上車,見到佢地收工個樣好雀躍,一上上左13個人,仲有d上唔到,跟住惡夢就黎.. 搭左兩,三分鐘,身邊傳黎陣陣臭氣,臭氣薰天!!好似置身o係鹹魚樂園一樣,好彩我地坐最前面,不過都臭到傻,坐後面同我地一齊上車既果個人就慘..俾13條大鹹魚圍住,唔窒息都偷笑.. 果段時間勁慘,簡直恐怖,我即刻拼命運起內勁,輕吸重呼,避免吸入有害氣體,同時又將莎一抱入懷,費事佢都吸到,一路去到坪石村果13條鹹魚先落車,不過佢地落完車架車都仲有陣餘味.. 好唔容易先番到去,跟住之後同為食莎又去左百佳買野食. 夜晚同阿妹玩弱智版炸彈人,又幾搞笑同好玩喎..

>>July 27, 2004 at 5:17:27 PM GMT+8

2004 年 7 月 25 日 星期日 【雨】

今日要番去排drama,9點幾就出去,搵埋莎番到去10點零,跟住就即刻開始排. 基本上全日都幾輕鬆,就係咁不斷重複演,演,演..中午12點食lunch,emily整左好多小食,賣相..-__-". 我同阿禧落左去買野飲,落住毛毛雨.上番去就食野,唔評論d食物=),跟住抖多陣又排戲,笑料百出,即場爆肚,唔記得對白,都有d緊張到時發台瘟,唔記得晒d對白. 一路排到2點半,之後同莎去旺角行左陣街.

>>July 27, 2004 at 5:17:32 PM GMT+8

2004 年 7 月 24 日 星期六 【晴】

今朝起身就有怪事發生,阿媽自創左個包,跟住好雀躍咁嘈醒全家一齊試-__-". 個包一食落..又幾好食喎,個包阿媽係餃子既餡加麵粉團包住整成既..賣相一定唔掂,睇完我都暗暗稱苦,不過食落又唔錯喎,有d饅頭菜肉包既feel. 阿媽整完d厚皮版之後推出薄皮版,聽朝有得試. 下晝又係冇lunch食,我就同梓為玩cm玩到5點半,之後玩左陣炸彈人,跟住上網睇forum. 夜晚食埋晚飯好眼訓,訓下醒下訓到11點幾先醒.

>>July 25, 2004 at 4:28:36 PM GMT+8