2004 年 12 月 10 日 星期五 【晴】

今日朝早玩cm,下晝12點零去搵莎飲茶. 飲完茶去冒險樂園玩,用左2個代幣就夾到個士多啤梨公仔俾莎,之後番到去同則升玩. 6點零又去百佳買野,7點幾同莎去大漠食飯,見到suyi,事實證明我同莎係南方人-__-"..間野標榜既蒙古菜唔係好岩我地口味.. 食完行左陣華潤堂就送莎走,之後番屋企.

>>December 11, 2004 at 3:07:00 PM GMT+8

2004 年 12 月 9 日 星期四 【晴】

今日文學堂要作新詩,好難..仲諗住作晒兩篇-__-". 冇靈感真係冇靈感..寫完又似散文唔似詩.. 今日放學等左好耐先有車番屋企,突然參透左樣野,就係我發現呢個社會係功利既,巴士公司都係.. 因為我見到班次密既巴士都係貴d車費既,通常$6,7以上(過山過海過隧道果d)會黎得好密,d 1A,113,87D,之類黎得好密,黎三架都未見一架$3車費既12A. 同12A一樣平既巴士好似2D之類就好疏,久唔久先一架..太可惡了! 番到去沖埋涼,打左陣pes4,之後7點零去搵莎食飯,今晚去九龍灣行街同食飯,食目黑食到好飽.

>>December 11, 2004 at 3:02:17 PM GMT+8

2004 年 12 月 8 日 星期三 【晴】

今日凍左.. 今日番去空堂多,做左半個中史essay.lunch去睇波,coral今年唔掂左好多,兩個初級組男女子籃球都得第四(包尾-__-"..). 英文堂做section c同listening,變態的..好趕. 放學冇mood再做listening就唔理莎同suyi,rebecca佢地,番左屋企睇有線同上網. 夜晚阿媽去飲,尋日收帖,今日就去飲-__-".我就去搵莎打邊爐.

>>December 11, 2004 at 2:55:47 PM GMT+8

2004 年 12 月 7 日 星期二 【晴】

今日文化堂我地6個男仔加3C合做左場馬騮戲-__-".. 不過效果都叫幾好,lunch果陣就為呢個劇留低排戲,點知個個都有野做.之後同toto玩uno,玩左個幾好玩既新玩法. 放學同莎行左陣新世紀就搭地鐵去觀塘補習.補完同莎去左陣觀塘廣場,之後去食飯就番屋企. 番到去發現師傅黎裝左有線,於是玩佢支遙控,睇過唔停-__-".

>>December 9, 2004 at 9:29:47 AM GMT+8

2004 年 12 月 6 日 星期一 【晴】

我都唔知講咩好..冇印象既一日. 下晝同莎出去食lunch,發現新世紀food court摺左好一陣裝修之後開番,果然係幾靚喎,不過有d店換左,試左間上海野幾好食的. 放學排文化將會上既戲,之後搵莎,個傻婆去左公園坐,佢仲為緊尋日唔開心,之後獎勵佢去又一城行街,買左牛油果反卷壽司食,好好味=). 放開d啦,人生在世唔係咩都會追到或者贏到.學你話齋,想成功,有收穫係要有天時地利人和既配合. 今次你冇天時,又得唔到地利,個評判又保守冇埋人和,有8個頭都偷笑啦,我覺得你好叻啦,起碼我連玩即席演講既勇氣都冇,我以你為榮架! 青草地 溪水旁 青草地 溪水旁 躺下來脈搏聲 吸口氣 蝴蝶撲鼻上 街中盪 很多人 拍下來 逐格數 可找到誰共我一樣 *如果倦了可以睡覺 亂叫不用捱鬧 啖著幸福可夠飽 茶杯暖暖手渴下去 半滿抑或半空 就是想到天亮亦有爭拗* repeat* 如果必需將價就貨 你會不斷迎合 或是堅守到底 難得幾多心血白費 還遇上傾盆大雨 你要懂得享受 暴雨的洗禮 享受自在獨處的可貴

>>December 9, 2004 at 9:24:55 AM GMT+8

2004 年 12 月 5 日 星期日 【晴】

今日番學冇咩特別. 放學陪莎去即席演講,搵左好一陣先搵到個比賽地方,由6點聽到9點,有d人好勁,係校辯來的,好有氣勢,其實莎d分數一d都唔差,有8字頭,不過佢唔滿意,之後仲唔開心,正傻瓜~ 好彩有我tum番你=P.

>>December 9, 2004 at 9:11:47 AM GMT+8

2004 年 12 月 4 日 星期六 【晴】

今朝起身無無聊聊睇番上個星期六無記做既悼念霑叔特輯,因為果晚去左食巴西燒. 一睇就兩個鐘,感動既..霑叔比我想象中仲要多才多藝,佢真係好叻既一個人,人緣亦好好.人生能如此,夫復何求? 中午打左去i-cable寬頻續約,阿媽加把咀之下俾佢屈到每個月$129加送9台有線..變態. 下晝去搵莎,去完九龍灣去佢度,去到3點零,電視做緊悼念黃霑博士既追思會,我睇到停唔到,睇到5點幾,佢真係好犀利..受萬人愛戴.今日睇番佢d歌詞覺得佢好勁,真係寫詩咁..唔係一般詞人好似林夕,wyman咁可比,佢d詞可以好奔放,好似陶傑講既蘇軾咁.我又好認同張立講既野,講得好好..變幻才是永恆,世上一切每刻都變緊. 5點零放低電視同莎搭車去銅鑼灣同佢d屋企人o係club house BBQ,慶祝莎農曆生日,一路燒到9點半,食到好飽,幾好食,之後同細路玩golf,又玩乒乓波,10點半專車送我番屋企,好累! 今晚番到去見阿媽將佢唔聽既hi-fi搬左黎我房,久別既收音機又出現,於是又聽番903,聽番wasabi,好懷念.

>>December 5, 2004 at 3:48:33 PM GMT+8

2004 年 12 月 3 日 星期五 【晴】

今日成日留o係屋企打機同做功課,冇咩特別. 上晝10點幾起身,玩pes4玩到1點零,之後莎黎搵我食lunch,$18大大碗,飽到傻..食完送佢搭van仔. 下晝玩cm玩到6點零,跟住做文化功課同俾阿妹用電腦,幫佢手整powerpoint.估唔到佢學校教佢用flash,佢個年代真係好.. 想當年我自學d皮毛野-__-",跟住幫佢裝flash 5,等佢學識叫佢教我先=P. 夜晚食完飯上網睇forum.

>>December 5, 2004 at 3:48:24 PM GMT+8

2004 年 12 月 2 日 星期四 【晴】

今朝7點零起身,今日應該係中學生涯既最後一個旅行日. 8點零出去,8點40分左右同莎到金地恆.之後我地同angues,jody,suyi,rebecca,小玉去食早餐.食就9點半番金地恆搵miss Ho點名,人齊之後就買飛搭城巴入海洋公園玩. 去到門口影完相就入去玩,我地先去左超動感影院睇片,之後就o係出面玩d攤位.然後搭纜車上山,第一個去玩滑浪飛船.分完組就去玩,我果組有主席,suyi,miss Ho,我坐最尾..即係最濕果個-__-". 果然玩完成身濕晒,因為我冇避冇遮..哈哈哈.之後就去機動遊戲果面狂玩,玩左太空摩天輪,同莎一齊坐;越礦飛車,同阿禧坐頭位玩舉手;翻天飛鷹,玩完莎唔見左電話,好彩及時發現,入番去部機度搵番,唔係既話部機一開就唔知fing去邊lu;沖天搖擺船(海盜船),最唔刺激,個離心力又辛苦;最後又6個男仔玩極速之旅(跳樓機),原來得我玩過,左輪同林琦企圖逃走被擒XD,不過玩完左輪上左癮. 玩到好累,之後去麥當勞食野,食完又去玩攤位,玩完都2點幾,之後大家經過上晝都玩到累,我地就去左行海洋館同鯊魚館,o係海洋館見到隻好巨型既龍躉. 之後行左陣3點左右就搭纜車落番山,點知搭果陣遇到強風,吹到架車搖黎搖去,仲要好抵死岩岩好o係最高個位停左成分鐘,嚇到我地6個男仔傻,好彩之後有命番到落去纜車站,不過我地一落車佢地就宣佈停開纜車-__-",勁驚險. 之後我地去機鋪玩,左輪玩左部弱智網球機XD.跟住無無聊聊過左兒童王國玩幻彩旋轉馬,玩完行左陣就走,因為停左纜車,山腳好少人,我地無無聊聊6個男仔去睇金魚A__A. 睇完坐左陣,4點零,就行過去出門等佢地黎,入左手信店拎劍互劈左陣,之後上去d露天雅座坐o係度玩四字詞接龍,玩到走直到落車-__-". 4點45分先見佢地落番黎,果陣纜車開番,走搭番城巴出金鐘,之後同莎去銅鑼灣行,行去搭巴士番去,等左好耐,累死.. 夜晚同莎去食打冷.一番到屋企就訓.

>>December 4, 2004 at 5:31:13 AM GMT+8

2004 年 12 月 1 日 星期三 【晴】

今日成日都好似冇咩上堂mood,可能因為聽日就係旅行既大日子. 今日d堂都冇咩特別,中史教到基督教傳入,講到馬禮遜牧師果陣好留心聽,因為佢就係我之前讀既英華書院既創校人,原來佢係個幾悲劇既人物.. 最後一堂文化oral,輪到我..都唔知講緊咩-__-". 放學同莎去旺角行塱豪坊,舊地重遊,今次比起一個月前開多左好多店,同埋今次先發現呢度總共有12層,我地好快咁行晒佢,都行左差唔多兩個鐘.. 夜晚同阿禧icq,講講下發現,今日係阿公離開既第100日,唔覺唔覺就3個幾月lu.. 呢一兩年黎接觸多左死亡,加埋讀文化,文學既影響,我發現自己思想好似出世左..同時又會諗人生存既意義係?如果好灰咁諗,每個人一世都係牙牙學語,讀書識字,工作結婚,老死病死,或者唔好彩既就意外冇左..今日都唔知聽日事,咁努力為咩呢?搵到錢,有名譽又唔擔保聽日發生d咩,最後都係會死. 世上一切都係循環不息,自然,動物,人都係..人類其實都係好渺,所以點解要去破壞一切?或者爾虞我詐?我寧願每日都過得開心快樂,唔為聽日既事煩惱住,聽日既事你知幾多?世事總有好多變數,預計唔黎..好似楊sir話齋,你每食多一餐,一世人總共仲有得食既就少左餐,總之只要人離開左呢個世界,呢個世界變成點都唔關佢事,所以好好惜珍每一日=).

>>December 4, 2004 at 4:59:34 AM GMT+8