2004 年 11 月 1 日 星期一 【晴】

今日同莎番學. 頭三堂空堂溫書,今日測中史,我同toto,sally溫到小息都唔上去課室,打鐘先番去. 跟住就測驗,結果係寫唔切..個個都係咁,好似有好多野寫咁,又等補測啦-__-".. lunch食完又u超聯,阿禧傳奇咁上超聯又落丙組,過山車般-__-". kunch後文學堂,聽書,之後果堂講測驗同作文,如同free lesson. 文化堂都係聽miss Lam講下書同玩遊戲. 放學同suyi,toto,阿正去library坐同做功課.4點45分出去睇社際排球第二場,am對em,今日打得好激烈,第一局好似18-16..好睇!立文真係屈晒機..最尾開波連欏9分幫am反超前15-9贏埋第二局.

>>November 2, 2004 at 4:36:35 PM GMT+8

2004 年 10 月 31 日 星期日 【晴】

今日空堂做功課,小息溫英文,小息之後有dictation同test,兩個都-__-". 下晝食完飯玩u超聯.之後文學堂做文學賞析,超眼訓之下做得好慢,做唔晒-__-"..文化堂依然眼訓,夢遊..淨係知miss Lam開新書教. 放學仲要去中史補課,補到5點15分,之後同toto睇社際睇到5點半..一年都過得幾快,上年我有份打社際排球,諗番就好似上個禮拜既事..今日係coral對saphire,最後coral左,中間有段小插曲,因為今年男女混合黎打,我果班既carrie食左個男仔既殺波,好慘.. 放學去搵莎,佢今日冇番學.

>>November 2, 2004 at 4:36:22 PM GMT+8

2004 年 10 月 30 日 星期六 【晴】

今朝8點半就起左身.9點半去到紅磡火車站,今日去polyU個青年議會,等埋sally,emily同bonnie到齊就入場. 10點開始,上晝介紹左好多立法會既野,lunch兩個鐘,o係番polyU個canteen食.下晝番去再聽talk,開頭有d眼訓,之後有個polyU社會學既博士張超雄先生演講,幾吸引到我聽,佢都講得幾岩,不過太理想化(文化上腦XD),忽略實際是否可行.同埋由佢講貧富不均都幾格格不入,因為佢都應該賺唔少的.. 聽完同其他人問問題之後就走得,都5點幾..送莎番去,之後我都番屋企食飯.食完做中史,做左成晚.莎莎今晚飲完番黎肚痛-__-". 聽日又要番學啦..

>>October 31, 2004 at 4:54:32 PM GMT+8

2004 年 10 月 29 日 星期五 【晴】

今日下晝同莎食lunch.4點幾搭車入沙田,今日約左hety幫佢整電腦. 去到沙田5點幾,搵埋hety跟住齊齊逛左陣同去delifrance食tea,食完傾計行下都6點半,送莎去補習. 之後我同hety去買地方買電腦線.好唔容易先搵到間電腦鋪,估唔到條線要$120,之後搵到另一間都要$110,於是hety打俾佢個fd問. hety問完佢個fd發現有條$20既crossover lan線都做到一樣效果,仲要速度快過$110果條線.我地又去搵,卒之o係之前去果間有,果然係$20. 買完就同hety搭車去佢度.上到去都8點零,跟住研究左一陣佢部notebook點解上唔到網,之後就開始幫佢將pc d data搬過notebook,不過我未試過,唔識整..靠佢個fd既電話指導. 之後搞左一輪都唔得,電腦呢d野就係咁麻煩..之後hety又要搵唔到佢個fd,我唯有同hety撞下. 到10點幾,o係hety提醒之下,同我click黎click去推論落去,終於搵到方法,結果成功埋..等hety執files之後幫佢send過notebook,然後format部機同裝左少少windows(好彩佢部係廠機我叫佢等指示入cd2就ok),我就急急走人,因為都成11點零,莎都自己番左屋企先,sorry.. 落到去問巴士司機85號幾點尾班,因為我要搭80M落山再轉85號,佢話11點20分,睇一下錶,11點14分!生死時速,最抵係我等到11點17分先上到車,落到去似乎趕唔切,11點21分..冇落車..結果搭到去80M總站九龍塘,再o係果度轉2號van番屋企,番到去12點10分-__-".

>>October 31, 2004 at 4:52:59 PM GMT+8

2004 年 10 月 28 日 星期四 【晴】

今日同莎番學,番到去都就打鐘. 之後第一堂英文oral,好快過.跟住兩堂中史,講到宗教史,都幾有趣,冇想象中咁悶. 小息玩uno超聯.之後文化堂玩結婚,唔係想象中咁玩.只係分組討論,我做新郎個五年冇見朋友,大致上呢兩堂都幾得意有趣. 下晝同莎去食大快活,個加辣版阿活咖喱真係辣到傻.. 番到學校又玩左兩round uno,打鐘之後開始主題班會.我地班男仔搶左第一組黎做,跟住台下d人好多意見,冇計..行先死先,不過唔駛俾人錄影就算. 結到3點15分鐘,等到放學就走人.同sally,suyi,jody,小玉去左太子一間既貓cafe.上到去岩岩俾人捷足先登,入左唯一一間有貓既房.我地o係出面飲野同傾計算.好彩之後d人好快走,我地就入去同貓仔玩. d貓勁活躍好動,完全唔驚人..最搞笑有隻叫mimi既貓成日非禮suyi,搞到suyi勁嗌,笑死我XDDD. 玩到6點零走. 15個快樂~

>>October 29, 2004 at 5:20:07 PM GMT+8

2004 年 10 月 27 日 星期三 【晴】

今日番去玩的. 頭三堂空堂,係咁溫文化.小息之後就測驗,測左1個鐘,今次覺得好難..唉-__-",我既雄心壯志.. 下晝4個男仔,toto,左輪,阿禧同我去左新世紀越南灣食,佢地罕有地行咁遠食野.我地邊食邊傾project,傾唔掂做d咩.. 番到去去左library繼續搵資料,決定改國家.打鐘之後番上去見到sally佢地玩緊,miss Ho之後仲join佢地玩埋一份,又話綵排-__-",結果我地班男仔整左陣就走去一齊玩. 之後又睇左輪同toto玩cosplay大戰,直到放學. 今日勁易過,日日都咁就好啦!

>>October 28, 2004 at 5:28:34 PM GMT+8

2004 年 10 月 26 日 星期二 【晴】

今朝起身的確明顯涼左,不過都冇想象中咁凍,但係我仍然白白痴痴咁著左件長袖冷衫番學-__-". 今日d堂唔難過,頭尾兩堂中史做比較表.中間文化堂做聆聽練習. lunch同小息當然繼續uno超聯啦,我小息氣勢好勁,不過到lunch就慘啦..由超聯跌落乙組,好彩臨尾打鐘前上得番甲組. 之後文學堂做課後練習,文化oral好彩唔駛到我講住. 放學去library溫書,到4點45分趕人就走.之後同莎搭車去補習.補習補到7點零,之後同莎去食飯. 聽日就係主題班會啦,我地班男仔唔知係咪照原定計劃實行呢A__A?

>>October 27, 2004 at 3:23:16 PM GMT+8

2004 年 10 月 25 日 星期一 【雨】

今日又遲左出門,"踏入緊冬天,個人都頓d"XD. 番到去擺完書又趕早會.今日頭果堂空堂改英文past paper.之後兩堂英文好無聊,對答案,但我地未做-__-".miss Lui check果陣本來我過到骨的,點知主席學我果招搞到miss返轉頭check番我,齊齊伸晒舌-__-",幾驚佢記我地名,點知佢又係發傻咁笑.. 小息走去p4做文學作文,點知p4俾鄺sir霸到10點45分,我地滯留果個我同阿正傾左幾句(堂堂headprefect o係課室門口吞"pop"XD,其實係我扯住佢XDDD). 之後作呀作,作得勁慢,今日冇mood,臨尾半個鐘先撩堆字落去..作到12點45分. 番到去食住飯玩7A uno超聯,今日左輪退出,佢去練oral.今日邊食邊玩,搞到我由甲組輸到落丙組,無心戀戰-__-".不過食完就唔同晒,連贏3盤,上番最高級超聯XDDD.之後都打鐘啦,時間岩岩好. 下晝d堂都係無聊,空堂同toto,阿禧上網,文化堂派作文同商討星期五個婚禮,miss Lam有意無意既選擇真係絕配XD. 放學去library等莎,撞到阿正,邊謄文邊同佢傾計,之後中五同過班既亞ling今日番左黎探老師,唔同晒喎,真係唔認得佢-__-". 三個人傾到4點45分左右走,上去課室搵莎,莎都岩岩好測完驗,我跟佢尾同左輪傾計,原來莎發覺唔到,落到去佢仲白白痴痴走去library,人家打烊了XDD. 夜晚食食下飯聽到窗外好嘈,原來落緊雨,好大雨..企o係窗邊吸左啖空氣,好清新,我好鍾意既雨水味!

>>October 26, 2004 at 2:55:11 PM GMT+8

2004 年 10 月 24 日 星期日 【晴】

今朝遲左少少起身,番學果陣撞到suyi,傾佢去海洋公園d野. 今日第一堂文學,邊聽書邊做英文news cut,之後d空堂都係做下功課同訓覺為主,又上過網睇admission grade.之後又同toto教人做數,已經有一排冇接觸過maths,今日搞左好一陣,好彩最終都教到佢,放學佢仲同我講我個方法快過阿sir教佢既. lunch食完飯又開始7A uno超聯,我兩日不敗keep唔住,臨尾香降班-__-",情況就好似尋晚阿仙奴俾人打破左49場不敗身咁.. 之後三堂英文,對野同做psws. 放學本來有中史補課但臨時取消左,之後同莎落旺角行街,行到6點零走. 去到莎樓下發現有人猛同我地講"你好,你好呀!","食左飯未呀?",原來係隻鸚鵡..不嬲都知鸚鵡識學人講野,但發音咁準就真係第一次聽到.

>>October 25, 2004 at 3:06:47 PM GMT+8

2004 年 10 月 23 日 星期六 【乍雨乍晴】

You Are Winter! Intelligent Serious Cozy Calm Shy What Season Are You? Take This Quiz :-)

>>October 24, 2004 at 2:44:12 PM GMT+8