2004 年 9 月 13 日 星期一 【晴】

今日發左狂,猛做功課. 上堂都冇咩特別發生,藉詞文學堂要作文,逃避左on duty=P(阿show,bonnie都係咁就算啦,唔好告我> <"). 作文作議論文,都幾難,頭一個鐘寫左300零字,去到最後一個鐘撩左800至900字,作到12點35分先作完,好彩叫定飯.過隔離6A食,食完番課室做功課,好起勁. 今日用d空堂做完grammar in use,放學留o係度等sally測驗果陣又起勢猛撩猛撩做埋60幾個vocab,好滿足.o係屋企我一定冇咁勤力,臨走miss chan讚我d字靚,仲話我一定係寫得好慢好有心機,哇哈哈哈~ miss chan d記性好好,佢應該係唯一冇教過我又冇咩點接觸過我而又識我既老師,好勁!我呢d唔起眼既學生有時連教過我既老師都唔記得我個名..所以真係好佩服佢. 夜晚聽903,聽《八十大壽》,wyman拍謝昭仁(電波少年果個),感覺好似番去以前咁,記得我由6年級聽903開始就聽住佢地,直到昭仁去左玩電波少年冇左個節目,果陣覺得好可惜,估唔到今日有機會聽番..不過好似話佢地都係客串做住三個月,算啦,都夠我重溫~

>>September 14, 2004 at 2:46:56 PM GMT+8

2004 年 9 月 12 日 星期日 【晴】

今日番學又有得閘人,不過得一個人負責,同埋一個都捉唔到囉-__-". 今日上左文學同英文,有4堂空堂,猛做中史功課. 放學同sally,suyi,bonnie,helen去鑽石山荷李活廣場搵小玉,同佢去food court食野聚下. 到5點15分左右佢見繼續番工就散,之後同sally行左行荷李活就走. 夜晚搭車番屋企好邪,我同一個女人一齊上左架巴士,我地都見到係85號,點知行行下條路唔同左..個女人問完個司機竟然話係85號A,佢就慘啦..變左搭錯車,我就好彩反而快左番到屋企唔駛兜路.但係真係好邪,我地上車都明明見到係85號.

>>September 13, 2004 at 4:53:27 PM GMT+8

2004 年 9 月 11 日 星期六 【晴】

今日訓到12點,食左個麥記.下晝去又一城搵莎行下街,之後7點幾走. 番到去見到信箱有個吉儀,嚇死我..原來係阿爸要拎俾有份俾帛金既佢老闆但又唔想拎個吉儀番屋企所以擺落信箱,俾人見到都幾驚-__-".

>>September 13, 2004 at 4:40:14 PM GMT+8

2004 年 9 月 10 日 星期五 【晴】

食完野又手不停摺野,見表姐坐o係隔離就同佢傾計,表姐大我一歲,細個同佢一齊俾外公外婆湊,果陣同佢好fd,不過中學之後少左見.第一次o係殯儀館過晚,我同表姐都以為會好驚,其實冇想像中恐怖,成晚我照樣一個人出入廁所. 尋晚同表姐傾得好開心,原來佢做緊野,同男朋友住緊,又講左佢番工d搞笑野,果刻好輕鬆,我地一路傾一路摺到3點幾,跟住佢眼訓去左休息. 之後我入番靈堂入面摺元寶,一路摺到4點幾,我入左靈堂後面同d表弟妹燒摺左既元寶,溪錢同衣紙,燒野果度可以見到外公既側面,我d表弟妹原來都幾勇敢. 一路燒一邊摺住,因為要keep住燒到朝早8點,買得多既關係,我地燒到朝早7點幾都仲摺緊同未燒完,最後半個鐘燒得好旺.果陣d人都醒得七七八八. 望住個天開始光,我既心情就越唔捨得,我唔捨得外公,我終於好正式咁入去後堂望外公,外婆都o係度喊緊,呢一刻好深印象,今次或者係我最後一次見外公,越睇越唔捨得,我開始又諗番以前,跟住我眼前就一片模糊.. 搭正8點正喃嘸師傅黎到,做完一個儀式就幫外公入棺..到瞻仰遺容果刻,撐左成晚既外公長子我舅父都忍唔住喊..我地排住隊去叫外公最後一聲,呢刻我d眼流想忍都忍唔住,原來一諗到係永別,係最後一次再叫"外公"呢兩個字,眼淚好難會唔流,我從來都未感受過呢兩個字既沉重同難以出口.. 跟住就到封棺儀式,封果刻我地轉身迴避左,可以驚d親友太激動阻礙程序..封完外婆同外公個妹都擁埋個棺到喊,失晒控..外公既三個仔同女都跪左o係度喊.我好想跪o係度向外公叩頭,但係我冇勇氣咁做..我驚我會崩潰,我驚會令到氣氛更加哀愁. 之後我地搭旅遊巴去鑽石山火葬場,真係到最後一程喇,按完掣外公就火葬左lu,果刻唔知點解個個都好平服,可能見到成功完晒個儀式,又送到最後一程. 除完孝檻埋火盆就搭番旅遊車入將軍澳食解穢宴,o係車到訓左陣,好累.食完12點幾上左外婆度坐,坐到2點幾番屋企.番到去沖埋涼3點零就開始訓,未試過咁累咁想訓. 呢兩日以黎,我阿妹既舉動令我好失望,佢都14歲,唔細架啦,外公都有湊過佢..佢可以夜晚嗌住想走,又當靈堂係屋企,四圍行下坐下,得閒又同d表妹去廁所照鏡. 外公封棺果刻佢四圍望擺出好天真既樣,之後仲問d表妹做咩喊,就連10歲既表弟都懂事過佢..唔要一定要我阿妹喊,但都有起碼既尊重囉我覺得佢應該..如果外公知道一從好痛心..

>>September 13, 2004 at 2:04:33 PM GMT+8

2004 年 9 月 9 日 星期四 【陰】

今朝終於可以拉繩同閘人,幾得意,做捉人果個永遠都係咁好玩,我同左輪簡直係d將自己既快樂建築o係人地既痛苦身上既人XD. 今日對於番學已經冇咩印象,基本上今日都冇咩集中聽過書. 放學就急急撲番屋企換衫,阿媽同阿妹佢地已經出發晒,換埋衫我都搭車去紅磡東華三院萬國殯儀館.今日係外公出殯既日子,行道教既儀式. 上到去有個人問完我同外公既關係就幫我穿上孝服,入到去我先上左三支香,望到外公張大相,應該係我讀小學果陣佢既樣,我腦海泛起一陣陣既回憶,跟住我唔敢去望佢,我企o係出面靈堂望左望就算.之後由5點開始,我一路好努力摺d元寶,除左食飯,做儀式同去廁所之外,我就一路摺,摺到第二朝5點,我覺得自己欠外公太多,只有keep住摺先可以舒緩我既內疚感.. 舅父佢地買左成千蚊既元寶蠟燭,起碼有幾萬張,所以就算我地摺左成晚都仲係摺唔晒,淨番果d俾外公陪葬. 7點零開始陸續有d親戚黎,8點零9點開始有道士黎做儀式,原來會整到好嘈,果刻真係搞到我耳鳴同聾聾地.一路去到10點左右完,我同d表弟妹o係靈堂出面繼續摺,有儀式先入去.見到外婆喊得好慘,睇到我好心"up".之前睇過報紙報導喪夫/妻之痛係人類情感上最極級,最頂級既傷痛,呢一刻我睇得出感受到.. 11點幾d道士同疏d既親戚走晒,但係我地就留o係到守夜.叫埋飯黎食都就11點零,跟住突然個警鐘響,唔知點解的,11點半殯儀館就關門,真係插翼都難飛,冇得走,要等到天光先開門.

>>September 12, 2004 at 8:20:39 AM GMT+8

2004 年 9 月 8 日 星期三 【雨】

候鳥樹 容視兒 曲：陳輝陽 | 詞：林夕 | 編：陳輝陽 自細玩風箏 身邊要有人 成人後遠行 不要父母 再對你癡身 至到你出身 害怕孤獨行 誰能合襯 我的吻剛巧吸引 但是到你增長見聞 夢中不只一類人 遺憾是我怎 給你另一種興奮 原來見一位愛一位也好 當時你為未來但未來到 到那時或要漸如朋友 誰知道 得蒙你恩准我貢獻多好 雖然你開始當事業天高 但你的初戀那條路 亦曾共散步 是我命大福好 大家都 互有需要 抱便抱 遇上你坎坷 伴侶兜彎過 何曾像我 最苦那天一起過 像候鳥寄居千里樹 像敲擊必須木魚 宏願路結交 總有值得的好處 原來見一位愛一位也好 當時你為未來但未來到 到那時大概轉個懷抱 談談情聽聽歌跳跳舞 得蒙你恩准我貢獻多好 雖然你開始當事業天高 但你的初戀那條路 亦曾共散步 亦有互相討好 大家都 互有需要 抱便抱 直到你一天 只需要散步 誰人或我都 相親相愛都只因很畏懼寂寞地獨個終老

>>September 9, 2004 at 2:59:52 PM GMT+8

2004 年 9 月 8 日 星期三 【雨】

今日又feel到好累.. 第一堂中史,miss yim親自教左堂,跟住兩堂空堂諗住去溫書(lunch將會測中史嘛),點知訓足兩堂. 跟住小息後既兩堂英文堂,有classwork同test同dictation,做到我頭暈,暈到我好想早退,不過諗住食埋飯先算. 食完lunch果然好d,下晝文學堂聽書同派番份讀書報告,都ok既.最尾堂文化播片睇,好有趣既講關於香港既中國文化片,獲益良多. 放學同莎去左太子買遮,跟住去自修室做功課,做到我地兩個懶鬼訓晒-__-",suyi好勤力,好勁! 8點左右走,點知莎買既新遮俾人拎左,未用過的,哈哈..好彩$20姐,不過都幾激氣,吹到bibibibi好多聲.送完佢番去我再兜番去問d職員,似乎唔大機會搵得番. 今晚番到去聽到電話聲響不停.聽日就係阿公出殯既日子,學校要趕番屋企換衫,跟住聽晚成家都會o係殯儀館過一晚,今晚猛聽到阿爸話過夜恐怖,睇唔出佢都驚呢d,哈哈. 我就覺得冇咩野既,你不犯人,人不犯你,係咪? 我買過把俾你啦遲d,唔好激氣喇XD.

>>September 9, 2004 at 2:29:20 PM GMT+8

2004 年 9 月 7 日 星期二 【雨】

今日第一堂就eng oral,好彩唔駛我講.跟住中史堂聽toto教《資治通鑒》,小息之後個文化堂做聆聽練習,不過不失啦-__-". lunch之後三堂空間,努力趕英文功課同查字典,查到好起勁,查左85個字..跟住放學等sally第9堂,做news cut同同阿正傾計. 5點左右同sally,rebecca去觀塘補習,等suyi黎果陣食左麥記醫肚.5點45分去補習,補到7點左右,跟住去左觀塘自修室做功課. 做到9點幾走,落住好大雨,同sally兩個人用一把細遮,好sweet>O<". 送埋佢番屋企就番屋企.

>>September 9, 2004 at 2:28:01 PM GMT+8

2004 年 9 月 7 日 星期二 【晴】

大家用winmx要小心-__-"..

>>September 7, 2004 at 5:28:04 PM GMT+8

2004 年 9 月 6 日 星期一 【陰】

今日中史堂派番d功課,好無奈,份份都咁-->-__-".. 文學堂楊sir少有唔記得上堂,同埋點左miss yip去錯課室上堂XD. 中化堂個測驗很難..第2題灰左,係白左先岩,miss lam口中講果個做到最後10分鐘先開始做第2題就係我-__-". 下晝文化oral充滿歡樂,個熱身唔錯,個個都豬豬聲,笑料百出,笑到肚痛=). 放學等sally佢地既geog補測,同阿正o係library hae到5點,俾人趕過左tuck shop等左陣sally就黎.跟住同佢同bonnie去左太子陪佢報補geog,等左好耐先搞掂,效率相當唔掂. 6點幾o係太子行左陣,sally買左野俾我阿妹生日,本來諗住買淚眼小白(阿妹鍾意),點知原來買左肉桂狗(我未聽過的!!)唉,我地out喇,老喇,唔識呢d卡通人物喇-__-".跟住7點幾送埋佢走我就番屋企. 聽日冇test,太好了~ p.s.阿妹生日快樂~

>>September 9, 2004 at 2:28:14 PM GMT+8