2004 年 10 月 3 日 星期日 【微冷】

今日本來有假放的!但就要番去補課,冇計啦..中七. 今朝好涼,搭巴士就吹到好凍,撞到suyi. 今日基本上都係聽書同寫下野多.空堂就做功課,又同阿禧玩足球機玩得好激烈,兩個小學生-__-". lunch同莎食完野番去玩數字球,中七文科的大會指定玩意=).玩到身水身汗上文化堂,派作文,又要謄文-__-". 好彩之後有空堂做晒個謄文.放學聽jupas既talk,講到我好緊張哦!

>>October 4, 2004 at 3:38:22 PM GMT+8

2004 年 10 月 2 日 星期六 【微冷】

今朝繼續沒完沒了咁執野,下晝3點左右搵莎食晏.之後去佢度做晒d news cut,又查左好多字. 夜晚神推鬼使咁走左去背文學,背完發現唔係聽日背默囉..蝕晒,冇記性既我聽晚又要背過,唉唉. 跟住11點零幫莎執執個powerpoint,初初整極都成段彈,但最後終於都又記得點用啦,好快趣執執佢12點幾整完. 之後又上網搵scanner個driver,想整好耐..見到電腦檯因為搬床搬左出來就順手整,尋日加左56k modem做fax機,今日決心搞掂個scanner. 不過淨係個driver都搵左我好耐,因為部老爺scanner都係我中二果陣買既,都有6,7年歷史,但係就好少用到,轉左winxp之後更加係用唔到. 經過成晚既努力終於俾我用得番部scanner!

>>October 4, 2004 at 3:37:39 PM GMT+8

2004 年 10 月 1 日 星期五 【晴】

今日9點幾俾個夢嚇醒左,個夢入面我x__x左..跟住又訓到10點半,起身執房,話說阿媽買左張新床俾我,咁我就要搬房d野喇,不過其實係10月6日先送黎囉..懶緊張咁-__-". 12點幾出去搵莎食晏,結果陪佢睇左兩集金枝慾孽,我就邊做左功課,4點先落到去食lunch. 之後我番屋企,番到去張床拆左一半,阿媽真係好鬼誇張..之後我幫手拆同搬落街掉.. 食埋飯繼續執我d野,呢幾晚都冇床訓要訓地下..嗚嗚.

>>October 2, 2004 at 7:03:46 PM GMT+8

2004 年 9 月 30 日 星期四 【晴】

今日o係屋企玩太閤5,發現自己偏離緊史實-__-".. 下晝3點幾同阿妹,妹個fd,莎搭107,出發去海洋公園10月既全城哈囉喂. 4點半就去到門口,可能係免費既關係,好鬼多人去-__-",迫左20分鐘先入到去.. 入到去我同阿妹就各散東西自己搵野玩,我同莎睇館為主,因為今日黎既主要務服係等天黑玩鬼屋. 一路行一路睇,去到邊都鬼咁多人,又好熱,於是我地行左幾個館涼冷氣.之後搭纜車上左山,上到去見好多人排機動遊戲於是唔玩,反正今次黎既目的唔係玩機動遊戲,要玩12月又會去多次,呢次係學校旅行,我地自己投票選左去海記-__-". 之後o係山頂玩左d攤位,莎中左公仔,一世行運..哼哼!跟住諗住落番山去玩鬼屋,就o係呢個時候...... d鬼彈晒出黎,o係正纜車站附近,莎本來好興奮,我地仲同佢地影左唔少相,不過莎之後自己諗諗下諗到好驚..影完相拉住我狂奔.. 莎帶住驚恐既心情上左纜車落番山,之後去到鬼屋,我地揀左傳聞最恐怖既「冥府通婚」玩,莎全程-__-"..講真都做得都恐怖既d氣氛,d人都扮得幾似,俾個女鬼追得幾過癮. 之後莎唔肯玩其他,於是又同佢四圍行,玩攤位,又去左間買手信既店影左好多得得意相-__-".. 玩到10點半先走,等埋阿妹同佢個fd就四個人一齊行去搵左107走.

>>October 2, 2004 at 7:04:02 PM GMT+8

2004 年 9 月 29 日 星期三 【晴】

今日番學,第一堂就測驗,番學前快快脆脆睇左次就去測,都係吹水題目. 之後今日d上堂唔似上堂,文學派卷,成績都唔差..空堂就玩-__-".lunch食完野番黎見左輪佢地玩緊閃避球就join埋一份,玩左唔係好耐,但就好熱,流晒汗..我係汗精!哈哈哈.. 下晝英文堂又同左輪吹水傾左一堂,toto早退番左屋企,放學個中史資料題測驗tip得好中miss yim出隋煬帝,阿show唔信我講,但係我又冇認真溫過XD,後悔x2.

>>October 2, 2004 at 1:54:09 PM GMT+8

2004 年 9 月 28 日 星期二 【晴】

今日o係屋企打機,玩到2點零執房,阿媽買新床俾我-__-",要執晒房d野,煩死了,早知話唔買啦. 執到5點都未執完,又要補習,急急左落去搭車,去到觀塘5點40分.6點開始補習,補到7點零,之後同莎去食晚飯先走. 聽日要番學同測驗-__-".

>>October 2, 2004 at 1:52:30 PM GMT+8

2004 年 9 月 27 日 星期一 【晴】

今日中秋節,中秋節都要番學(其實年年都要-__-"),仲要冇得放早.. 今日要測驗,頭三堂空堂溫中史,溫極都唔入腦,結果中史都係要吹水. 文化堂到emily教書.. 放學之後番屋企沖涼換衫,之後等莎黎樓下,跟住一齊搭船去北角,再轉電車去維園,然後行落大坑睇人舞火龍. 我地7點零就去到等,一路等一路多人,等到8點幾,等到莎莎也(差不多)睡了..到就9點終於見到火龍,同電視睇既好唔同,原來個程序幾繁複,同埋條龍都好似幾重下,d壯丁個個流晒汗又接力,最型都係有個衣著幾型既女仔打鼓.. 睇到9點半左右,同莎拎左支香,之後去搵地方食野,食花園餐廳,的確冇太子間金鳳咁好食.. 食完就同莎搵車走,個月亮好圓~ 古朗月行 李白 小時不識月，呼作白玉盤。又疑瑤臺鏡，飛在青雲端。 仙人垂兩足，桂樹何團團？白兔擣藥成，問言與誰餐？ 蟾蜍蝕圓影，大明夜已殘。羿昔落九烏，天人清且安。 陰精此淪惑，去去不足觀。憂來其如何？悽愴摧心肝。

>>October 2, 2004 at 1:52:03 PM GMT+8

2004 年 9 月 26 日 星期日 【晴】

今日有文學測驗,於是d空堂又用晒黎溫文學. 兩堂英文唔知浮游左去邊..下晝個文學測驗雖然溫得唔熟,但勝在60%課外分,吹水吹得好開心.唔記得因咩事(我老人癡呆XD)楊sir又叫阿柴姐去做餅,於是我叫阿柴做"餅柴"or"柴餅",哈哈哈.

>>October 2, 2004 at 1:51:27 PM GMT+8

2004 年 9 月 25 日 星期六 【陰】

今日訓到中午,下晝去九龍灣搵莎食tea,搵左間野据扒,跟住行左陣先走,又去左九龍灣地鐵站交表. 之後去莎度,上網同同佢睇金枝,我訓著左,同楊sir一樣俾人夾睇同睇到訓著,hoho. 夜晚番屋企食完飯努力溫中史,d測驗一籮籮..呢個禮拜四仲有文化測驗,果然係"文史哲不分家",仲要順序測XD.

>>October 2, 2004 at 1:50:53 PM GMT+8

2004 年 9 月 24 日 星期五 【晴】

今朝去左城大睇佢d課程,聽左一個talk,但係拎左好多傳單,不過都叫有收獲既,起碼我開始feel到要諗揀科同埋自己想讀邊科,都叫有個目標,唔再咁烚下烚下(雖然都仲係好烚XD). lunch去左又一城kfc食,好多人好鬼迫,不過好彩都唔係等左好耐,食完各自byebye. 之後同莎行左陣又一城,走去左省善真堂一轉,之後同莎番去,同則升&佳佳玩左陣,又陪佢睇金枝慾孽. 7點零佢去食飯送佢搭車,跟住番屋企,番到去冇飯食-__-",落去買左車仔麵.食完就上網同打機,《大閤立志傳5》!! 尋晚收到電訊盈科寄黎既信,我屋企同電盈都幾有緣,send固網短訊抽到4張免費既10月1日海洋公園晚場入場卷,呵呵呵,不過..

>>September 25, 2004 at 12:59:46 PM GMT+8