2004 年 9 月 18 日 星期六 【晴】


0係七月九日 AL放榜後....
我上0左大陸散心, 心情平復番,
決定回港重讀中七時, 我為自己立下「五戒」,
戒聽歌、戒電腦、戒聽收音機、戒賭、戒色.....
不過直至今日, 我已經將以上「五戒」全部破哂....
其實我從來冇戒過聽歌, 仲日日搭車都拎部 MD機出0黎聽....
近期聽0既歌有....
《必殺技 --- 古巨基》
不要讓我, 一敗塗地, 輸得更多....

《好好戀愛 --- 方力申 & stephy》
完了吧, 如無意外, 從今開始該好好戀愛,
放下從前一段感情, 才能追求將來, 你就似沒存在....

《喜歡戀愛 --- 盧巧音》
或者喜歡你, 完全為麻醉自己....

《東風破 --- 周杰倫》
我在門後, 假裝你人還沒走, 舊地如重遊, 月圓更寂寞....

《人來人往 --- 陳奕迅》
感激車站裡, 尚有月台能讓我們滿足到落淚...
愛若難以放進手裡, 何不將這雙手放進心裡....

《任天堂流淚 --- 古巨基》
也許我, 將眼淚跌落到任天堂, 我們終於得救....

《洗剪吹 --- 吳浩康》
分與合, 洗剪吹, 我們成長裡,
尋伴侶, 換髮式, 各有程序....

《冰雨 --- 劉德華》
我是在等待你的回來, 難道只換回一句活該？

《大雄 --- 古巨基》
日後發奮的我, 能令你會有富貴榮華,
能令我變了絕代情人...你受嗎？

《小城大事 --- 楊千嬅》
人造的蠢衛星, 沒探測出我們已, 已再見不再認....

《思覺失調 --- 劉浩龍》
就算花光心機守每一個諾言, 最後誰又會可憐？

《他不准我哭 --- stephy》
誰說再重的愛亦較門外雪更輕, 淚水假使掩蓋了眼睛, 哪位可處理？

《遇見 --- 孫燕姿》
愛要拐幾個彎才來？我遇見誰, 會有怎樣的對白？
我等的人, 他在多遠的未來？我聽見風, 來自地鐵和人海....
我排著隊, 拿著愛的號碼牌....我看著路, 夢的路口有點窄....
我遇見你, 是最美麗的意外.....

《煉金術 --- 楊千嬅》
力竭聲嘶請你喜歡我, 什麼事都做過, 都不能感動你麼？

《好好戀愛 --- 方力申》
在世上, 沒有多少東西會盡如人意, 多數像諷刺,
逐年成長, 必經苦戀故事, 我愛你, 你扮作不知....

《世界之最（我願意）--- 鄭秀文》
如果我沒有福氣與你笑著入睡, 可哭著浪漫又何懼？

《十九 --- 林一峰》
我會不要臉, 走到你面前, 像一切, 從未變....

《好想好想 --- 古巨基 & 劉翔》
好想好想, 好想好想, 好想好想和你在一起....
踏遍萬水千山, 走遍海角天涯, 讓每一個日子,
都串連成我們最美麗, 最美麗的回憶....

《愛神之箭 --- kenny & isabella》
怕命運預定道別, 誰最後會閃, 這分鐘更讓我眷戀....

《十面埋伏 --- 陳奕迅》
何以我來回巡邏, 偏仍然和你擦肩, 還仍然在各自宇宙錯過了春天....

《the best is yet to come --- 林一峰》
永遠有不妥協傷口, 有些憾事不放手,
若你太刻意淡忘, 越會補不到缺口....


本來我部電腦中哂毒, 諗住戒電腦, 唔整 ga la...
不過最終都裝過個 window, 因為我太多0野諗, 太多0野想講,
抑壓唔住自己, 但係最無奈0既係,
我部電腦裝過個 window, D病毒依然存在！！
norton都廢0既, 偵測到有 virus, 不過 delete唔到！！！
有一隻叫 w32. hllw.gaobot. gen, 剷又剷唔到, 隔離又隔離唔到,
D virus好麻煩, 經常彈出0黎, 又成日 hang機,
平均每兩日要重新裝過個 window, 好無奈....

以前一早到晚都聽收音機, 芝 see菇 bi、森美小儀、
少爺占、吳君如、杜汶澤, 所以我決定戒聽收音機,
不過因為黃偉文同謝昭仁復出主持《八十大壽》,
我又聽番收音機, 都成七八年前 law呢個組合, 勁懷念..
當時仲讀緊小六, 佢兩個十一點至一點主持《係咪玩0野》,
0個陣謝昭仁都仲未做電波少年, 我已經聽佢做節目,
仲有「森美變態樂園」、「芝 see菇 bi我有個頭」....
記得黃偉文同謝昭人有個「正視音樂」0既抽獎,
抽中0左有 $1000 CD現金卷, 我係中0左0既當年,
依家佢兩個回歸叱吒 903, 就好似老朋友返0黎咁,
好懷念, 當然冇0左陪伴多年0既吳君如同杜汶澤,
梗係可惜 la, 我0係吳君如同杜汶澤身上學0左唔少0野....

預科生涯, 「賭」係一個重要0既環節,
以前如果0個晚有波打, 上 chem堂、phy堂,
就會同劉備、肥波、溫敬良等講波經,
劉備係羅馬死硬派, 有次記得肥波同我講話：「羅馬贏 AC 3:0, 信我！」
結果羅馬輸俾 AC 1:2, 最好笑係肥波話佢贏得最多錢0個次,
就係填錯飛0個次, 贏0左七百幾銀,
而溫敬良就經常贏錢, $70 一張六串七贏0左二千幾銀,
團長、dennis就不嬲都鄙視我地 D賭鬼,
阿金賭波之餘仲炒股票 tim, 記得有次姚 sir叫我地自修,
阿金講緊股票易贏過賭波, 同我地傾到興高彩烈之際,
我見到姚 sir行緊埋0黎, 我好大聲咁講：「我都唔賭波0既！」
當然, 團長、dennis、阿金, 阿郭 (samson) 就爆笑 la...
之後我仲同姚 sir講解六寶半全場0既玩法....
最頂癮係阿郭 (samson), 佢話佢老豆賭波賭馬,
佢老豆會問佢貼士, 不過自己就未入過馬會,
話雖如此, 我地每次買波都會問一0下阿郭 (samson),
因為佢係出0左名0既「明燈」, 同黃興桂、球王比利、有線歌神齊名,
有次阿郭 (samson) 咬牙切齒咁話阿仙奴一定會輸俾國米,
仲講0左好多理據, 咩上次主場輸俾國米 0:3 ar,
今次作客意大利死梗 ar, 頭三場得一分 ar....
結果阿仙奴作客贏 5:1, 第二日阿郭 (samson) 當然成為眾矢之的 la,
有一次阿郭 (samson) 話貝迪斯會贏巴塞隆拿,
我就買0左二串一, 搏皇家馬德里同巴塞隆拿輸, $50,
兩關過哂就收 $1500, 結果皇家馬德里真係輸 1:4,
而巴塞隆拿就贏貝迪斯 2:1, 我第二朝返到學叫阿郭 (samson) 賠番 $1500俾我,
溫敬良話：「魯營球場係巴塞隆拿主場, 容納十幾萬人,
一人一啖口水都浸死你貝迪斯 la！！」
從此阿郭 (samson) 成為我地班0既「燈神」,
邊個買波都要問過佢先....
(前日區煒輝買三串一, 中0左頭兩關, 點知皇家馬德里輸 0:3,
佢當堂灰哂, 覺得人生好灰暗....)
早兩日六合彩有七千二百萬巨款, 我決定破戒,
買0左一百蚊六合彩, 結果....連廿蚊都拎唔番....

本來決定 repeat中七呢一年唔可以近女色,
但係我今日終於破0左....
話說我0係網上識0左個0岩0岩升中六0既女仔,
佢話佢以前用中文讀 bio, 依家可以用番中文讀,
不過老師會用英文教, notes都係用英文, 我話我有中文 bio notes (聖歌0既),
咁佢就約0左我今日六點0係沙田新城市廣場食飯,
結果...我又再一次犯下彌天大錯, 識我0既人都估到發生咩事 la 0下話....
如果同溫敬良講, 佢一定會話：「咁咪舔撻 law！」
無錯！我又再一次遲到！！！

記得上次同 audrey姐姐去七‧一遊行, 本來約0左 10:30 a.m.0係葵芳等,
到0左 10:30 a.m, audrey姐姐打電話0黎問我到0左未,
我好無奈咁話：「唔好意思 ar...我依家0係銅鑼灣...」
去 grad din, 約0左 dennis、郭駿仁同阿郭 (samson) 5:30 p.m.0係香港仔 70號巴士站等,
結果 5:30 p.m.阿郭 (samson) 打0黎問我0係邊, 我話換緊衫...
第二次打電話0黎問我, 我話我買緊菲林....結果 5:45 p.m.先到....
上年約0左班舊同學0係銅鑼灣聚舊....
有羅少怡, 郭倩怡, 貓貓、馮芷蕙, 肥聲, billy & cathy, 阿伯....
出到去, 我遲0左五分鐘, 已經係最遲0個個....
中四升中五0個年暑假, 約0左郭倩怡同貓貓0係 UA時代睇《瘦身男女》,
約0左 1:25 p.m.0係 time square個大螢幕下等,
結果我又遲到, 遲0左十幾分鐘, 差 D遲0左入場....
上個月約羅少怡, 郭倩怡同何靄琪食飯, 約0左 5:15 p.m.0係時間郎等,
我 5:45 p.m.先去到, 羅少怡同郭倩怡已經想殺人咁款....

不過值得一提0既係....
上次約妳去 UA金鐘睇《TROY》, 約0左 7:30 p.m.0係金鐘地鐵站個地利店等,
我 7:00 p.m.已經去0左0個度等, 好似個傻仔咁抽住袋橙汁同風褸,
企0係度等0左卅幾分鐘, 妳到0左0個時問我：「你等0左好耐 la？」
我仲答妳話：「唔係 ar, 等0左一陣之 ma...」
真係好笑...諗番都好笑...hahahahaha....ha....

結果今日我遲大到, 約0左 6:00 p.m.0係沙田新城市廣場等,
我 6:50 p.m.先去到！！要一個女仔等我差唔多成個鐘,
真係離哂譜, 不過我以後都唔會再搭 170 ga la！！
低能 ga！！170兜入銅鑼灣, 再兜入維多利亞公園,
之後 5:55 p.m.先0係紅隧, 之後又去何文田, 又去九龍塘,
當時我諗, 好唔好落車轉火車呢？當時已經 6:30 p.m....
之後架巴士再去大圍, 大圍下一個火車站就係沙田,
我又諗, 好唔好落車轉火車呢？當時已經 6:40 p.m....
結果架巴士又兜入乜乜村, 咩咩村, 激死,
最後我 6:50 p.m.先去到....

個女仔叫 scarlett, 佢話可以叫佢沙律,
我地去0左 kfc食貴價垃圾, 一路食一路教佢 chem 0既 radioactive (扮哂0野咁 la梗係....),
我俾埋 bio simon chiang同 chem k.kwong成套 notes俾佢,
無他 gei, 全部都睇過哂, 依家最重要係 practise同 exercise,
花太多時間睇 simon chiang同 k.kwong notes反而冇咩用....
之後我又同佢講0下 AL同 CE 0既分別, UE同中化各張 paper,
bio同 chem應該點讀, 不過佢修 math & stat + CA gei, 呢兩科我就唔知 la....

本來今日係阿爺生日, 全家族都會0黎香港仔食飯,
我走0左去同個女仔食飯, 咁係咪叫不孝呢？
不過我出錢買0左個兩磅蛋糕俾阿爺,
提起蛋糕就會令我諗起 maggie, 兩年前 maggie要舉家移民美國,
0係聖記讀0左唔夠兩個月中六就退學0勒,
0係 2002年 10月 24日, 我地成班 lunch 0係 IS lab搞0左個 farewell,
查實只不過係食九記, 我快快手食完就飛奔落山 (學校起0係坐山度...),
先去「有來」影印《友誼之光》歌詞, 之後再去大班拎已經訂0左0既三磅蛋糕,
個蛋糕上面寫住「To: maggie, 前程似錦, 鵬程萬里, 一帆風順, L.A.等緊你」,
因為 lunch time有限, 我立即跑番上山, 跑番上四樓 IS lab,
跑到上去已經索哂氣, 當時個個人都同 maggie影緊相,
我記得最 surprise, 叫得最大聲0既係王浩賢,
阿虫中六第一句同我講0既0野係：「個蛋糕你買 ga？」
我問姚 sir有冇火柴, 佢就拎0左支「打火槍」出0黎 (實驗用0既呢...),
點著0左支蠟燭, 我地企0係蛋糕面前影0左好多相,
成班一齊唱《友誼之光》, 即係《監獄風雲》0個首呢....

「人生於世上有幾個知己, 多少友誼能長存,
今日別離共你雙雙倆握手, 友誼常在你我心裏,
今天且有暫別, 他朝也定能聚首, 縱使不能會面, 始終也是朋友,
說有萬里山, 隔阻兩地遙, 不須見面, 心中也知曉, 友誼改不了, 友誼改不了....」

「數下去, 害怕若有天數錯, 很容易, 漸冷淡忘記當初....」

我地呢一班, 最團結0既一次, 可以講係呢一次 lu....
記得當日吃得最多蛋糕0既係王彥婷 (豬豬),
而有兩張相我一直都好想要, 一張係 maggie食蛋糕「0都」起個咀張相,
夢夢 (ivana) 死都唔肯俾0個張相我, 不過...算吧 la...
另一張係 bio group同 maggie上最後一課 bio堂後,
成班有 maggie 0既 bio group同郭 sir影 gei, 我記得讀緊北京大學0既 kevin有呢張相,
睇番呢張相時覺得好好笑, 因為呢張相個個人都苦瓜乾咁0既面,
成班「0即」都唔笑, 得郭 sir一個人笑, 仲要笑得好燦爛,
所以形成一幅好奇怪0既畫面....
我送0左一支載滿星星0既 test tube同載滿星星0既 beaker俾 maggie,

「當你見到 test tube星星, 可會想起我？」

0個 D載滿星星0既 test tube同 beaker, 係我同郭駿仁中六開學時去中大時拎0既,
我仲要厚住面皮來來回回拎0左幾十個, 搞到俾個中大女生怒啤.....
我同 maggie最美麗0既回憶, 可以話係同佢一組做 chem experiment,
一個只係屬於 maggie同我0既回憶, 不過快樂過後, 就係痛苦0既開始....
因為 maggie走0左後, 同我一組做 chem experiment 0既係美美.....

當我地全班齊集哂0係 bio lab影全家幅, 唯一一張有 maggie 0既全家幅後,
就係道別0既時候.....

「上過最後一課(容祖兒), 聽過最後的歌(楊千嬅)...
吃過最後一塊(Cookies), 見過最後一次(鄭秀文)....」

0係樓梯0既轉角處, 我同 maggie 0左最後0既一句說話....
「bye bye, 後會有期 la！」
而我仲記得 maggie同我講最後0既一句話係：「好 ar！」
夢夢 (ivana) 話 maggie已經唔記得0左我係邊個,
咁梗係 la, 0係漫長0既人生裡面, 我地只係0係短短0既兩個月裡面,
相識, 相處, 然後分開, 從此天各一方, 你有你的生活, 我有我的忙碌.....

「候鳥從遠處飛來, 找了這棵樹棲身, 不久牠又會飛走, 到遠方找另一棵樹...
其實人也是一樣, 從小到大, 我們遇到多少人？
在不同的人生階段, 我們遇到不同的人, 與他們相識、相處、然後分開,
好像是人生一個定律...也許有人覺得候鳥無情, 曾經朝夕相對, 怎麼能說走便走？
但其實, 能相遇是種緣份, 曾經一起過, 已經是一種福氣....」

反而對只相識, 相處過短短兩個月, 兩年後仍咁有感觸0既我0黎講,
就更加有點兒那個, 不過...「你與我仍心跳, 一切都不重要....」

「時間無幾, 年月無幾, 若美麗撐不到翌日晨曦,
假使你眨一眨眼將我忘記, 流傳在我背後記憶, 總算很美....」

所以話呢, 邊個話從未見我如此認真過！？
我次次都好認真好認真, 不過我都不厭其煩咁講多次....

「認真, 係一件吃力不討好0既事....」

不過最令我意想不到0既事係.....
上年聖誕節同班舊同學聚舊, 有羅少怡, 郭倩怡, 馮芷蕙,
肥聲, billy, cathy, 阿伯, 貓貓, 阿 paul......
夜晚羅少怡, 郭倩怡, 肥聲, 阿伯, 阿 paul同我番0左香港仔食糖水,
羅少怡同郭倩怡0係成班面前串我上年送蛋糕俾 maggie,
我好驚訝咁問佢地點解會知, 佢地話我一定估唔到原來係俾阿郭 (samson) 出賣.....

記得前幾日阿爺入院做手術, 入院前佢同我講,
話個0急裡面有 D錢, 叫我唔好話俾阿麻同老豆聽佢講過呢番說話...
我就0係度笑, 話：「好小事0既咋, 呢個小手術0黎 ga咋....」
阿爺話呢個手術同克林頓0個個係一樣 wo....
當然阿爺好健康咁出院 la, 今日仲同我一齊睇傑志對晨曦 tim...
我阿爺同我異口同聲咁講：「都冇人睇 gei！」

好掛住九十年代初0既香港波, 雖然0個陣仲係讀緊小學, 但係都覺得好好睇.....
入場就算唔滿, 但都坐到六七成人, 依家....唉.....
九十年代初至中期0個陣有好多高質外援, 淨係港聯個龍門位已經有四個外籍門神爭,
有南華荷蘭0既威拿, 愉園俄羅斯0既德普洛夫同澳洲0既加夫利,
同埋東方英國0既「肥福」希福特,
仲有擁有一代球王山度士0既南華, 決戰有李健和坐鎮0既東方,
0個時南華對東方, 就好似皇馬對巴塞咁,
仲有快譯通0既巴貝利惡鬥南華譚拔士鬥數胡,
我細個成日覺得曼聯有舒米高, 南華就有威拿,
就好似前幾年賀歲盃有張 banner寫住「英國有碧咸, 香港有和仔」....

當年以李健和為首0既南華, 帶住吳群立, 歐偉倫, 鄭少聰, 宋連勇,
陳志康, 李安納, 顧錦輝, 奧拿里奧等戰將, 接受各群雄0既挑戰,
有科士打, 巴貝利, 巴古沙, 基保, 李安度, 謝利, 湯美, 卡根洛夫....

仲有一代香港門神陸家榮, 可惜...為0左0個區區0既二萬銀,
0係對泰國0既世界盃外圍賽中打假波.....
放監出0黎做0左陣 waiter, 就 cancer死0左 lu...
唉...真係好令人心痛, 一代門神咁就死0左...
同陸家榮一齊打假波0既仲有超級前鋒韋君龍,
韋君龍未坐監前0個排真係好鬼勁,
仲記得0個陣睇報紙仲大字標題話「韋君龍入球停不了！」
點知冇耐就坐監了.....

以前星島都好勁, 有韋君龍, 摩亞, 基寶....
最記得有集《球迷世界》幫韋君龍做個專訪, 佢話要做個出色0既足球員,
幾個月後就比人拉了....

之後香港波外援0既代表人物, 有奧尼拉斯, 亞拉烏蘇, 高尼路....
0個時吳群立 D自由球好勁, 宋連勇就係通天老倌, 乜位都打得, 招重文都好勁.....
某年南華 5:4反勝快譯通就係吳群立連入兩個自由球, 碧咸都未必得....

快翼通最後0個屆陣容超勁, 金判困, 鄭兆聰, 佩迪李....
鄭兆聰以前0係快翼通好勁 ga, 之後南華收為己用,
同歐偉倫組成銳利0既前鋒組合, 不過歐偉倫就削0左 D,
唔講「單刀橫傳」, 記得有一季佢成季都冇波入,
季尾有一場阿倫哥終於有波入, 之後慶祝入球時除0左件波衫,
裡面件底衫寫住：「我入波啦！」
鄭兆聰過0左南華仲勁, 不過南華減磅, 佢回巢快譯通一季,
隊波就散 band, 再回巢南華時已經跌哂 walt, 依家仲要淪落到0係傑志....
0個時鄭兆聰真係好勁, 有場決賽插水式頂入黃金入球...
係第一次倒戈南華0個球香蕉波就更加唔使講 la...
0個時南華迷心情好矛盾, 狂嗌佢反骨, 但又想佢無走, 當時佢有過百萬年薪 ga....

見證過香港足球0既沒落, 就好似時代0既節奏一樣,
D人成日話 D球迷淨係識睇外國波, 淨係識曼聯、皇馬,
反而就唔支持本地波, 令到本地波冇辦法生存.....
其實好多人都鍾意本地波, 不過自從東方、星島、好易通、快譯通等球隊摺埋0左之後,
本地波真係每況愈下, 依家叫我講出甲組有邊幾隊波我都未必講得出,
依家連《球迷世界》都執埋笠, 唉....
既然和仔卅五、六歲都仲有正選打, 不如叫長毛埋班, 雙翼齊飛！

>>December 30, 2004 at 1:47:39 PM GMT+8