2005 年 6 月 2 日 星期四 【微雨】

今日好辛苦, 同梁琬婷去0左好多地方,
做0左好多0野, 經歷0左好多事, 不過幸好,
有梁琬婷在身邊, 加上...這是最後一日了...

今日一朝早就同 winnie去0左尖沙咀, 上0左康寶萊公司 office,
得一個人0係度, winnie表姐未返, 但係仲爭兩萬銀, 我地就諗住去邦民借錢,
不過要紅簿仔先借到錢, 成廿歲人連戶口都冇真係陰公...

結果同 winnie行0左好多間銀行, 間間都要住址證明, 但係身為人子的我,
又何來電費單、水費單？有都唔係我個名 la, 所以我地就打電話返去 st.peter同 st.gloria,
問下佢地可唔可以證明我個住址, st.peter話唔得, st.gloria話可以幫我整張離校紙,
咁我同 winnie就急急腳由尖沙咀走去灣仔, 行行下 st.gloria條長樓梯時,
winnie話七月八日佢已經返0左加拿大, 陪唔到我放榜, 依家當陪我行0左一次,
去到 st.gloria office, 佢話要一個禮拜, 最少都要三個工作天,
但係 winnie求0左佢好耐, 終於由三個工作天縮短為一日, 再由一日縮短為一個鐘, 勁...

及後0係 delifrance俾 winnie鬧0左一餐, 我地就由灣仔返回香港仔匯豐銀行...
等0左一個鐘, 終於到我地, 不過佢地唔接受離校紙0既住址證明,
但係佢話理論上係同父母一齊住, 所以就叫我返屋企拎出世紙同電費單、水費單..
之後 winnie就幫我搞埋 D手續, 我就返屋企拎0野...
來回折返匯豐銀行, 個職員話我拎錯0左父母張結婚證書, 結果我又要行多一趟..
最後終於申請0左本紅簿仔, 我同 winnie就起程返尖沙咀...
上到康寶萊公司 office, 已經有好多人返0左0黎, winnie表姐就帶我地去邦民借錢..

本來想借二萬0既, 不過我冇收入證明, 佢一定唔會批哂, 所以我就申請借三萬,
等佢壓價, 點知最後批得七千, 過0左落匯豐銀行戶口度, 我地就返 office繼續處理...
不過返到 office, 原來已經有卅個奪命追魂 call, 係屋企同警察姑丈打電話0黎 gei,
當時真係好煩, 呢樣又唔係, 0個樣又唔係, 都唔知點辦好, 加上已經做到呢個地步,
究竟我應該怎麼辦？堅持下去？還是浪費過去一星期的時間與辛勞, 劈炮唔撈？

因為我0既關係, 令我阿媽同 winnie俾人狂鬧, 我個心真係好唔舒服, 點解要咁 wo...
我咁辛苦為咩先？都係0個句 la, 我係大仔, 我老竇又係大仔, 我仲係全家族十個孫中的嫡子,
論半輩, 我係大阿哥, 咁我就要負起責任, 養家、養父母、養妻活兒、供書教學...
到頭來, 咁辛苦都唔知為咩, 為0左邊個？呢個禮拜唔好去拍下拖, 行下街, 睇下戲？
呢 D咪叫有自唔在, 囉苦0黎辛, 成個禮拜咩地方都冇去到, 咩事都冇做過,
日日都淨係去康寶萊, 點解要咁辛苦？去玩唔好？仲要俾人鬧, 各方面都受壓,
我真係好辛苦...究竟為0左咩？咁辛苦為咩？又係時候出阿展金句：
「認真, 是一件吃力不討好的事...」
winnie仲成日喊, 佢話佢返香港得一個月時間, 咁就0徙0左一個星期,
咩事都冇做, 咩地方都冇去, 佢話浪費0左四分之一0既時間, 所以好唔開心,
究竟..我應該怎麼辦？

我同 winnie表姐講, 如果得我一個人俾人鬧, 冇問題, 我會照做, 仲好 tim...
但係因為 winnie同我阿媽支持我, 所以累到佢地都俾人鬧, 我個心好難受,
之後我阿媽同姑丈又打0黎, 我終於聽0左, 佢地叫我即刻返香港仔, 咩都唔好簽,
我應承0左佢地, 掛線後, winnie表姐問我, 依家我阿媽仲支唔支持我, 叫 winnie唔好答,
我諗0左一陣, 我話：「唔支持了....」winnie事後同我講返, 佢當時心諗, 我答得0岩,
因為康寶萊有另一個年輕人, 叫龍仔, 十七歲, 佢都係冇人支持, 全世界反對佢做康寶萊,
winnie就心諗, 如果我答：「我阿媽仲支持我...」咁佢表姐就會話：
「人地龍仔冇人支持都做, 何況你仲有你媽媽支持？」所以 winnie覺得我答得好...

不過當我話：「我阿媽唔支持了....」winnie表姐就話：「咁咪做 law！」續說：
「你話 ga ma, 你話冇人支持仲好, 因為唔想阿媽支持自己而俾人鬧, 所以..做 la！」
winnie事後同我講返, 佢話佢打0左個突, 咁即係話, 阿媽支持又要做, 阿媽唔支持都係要做,
所以事後 winnie就同我講, 無毒不丈夫, 既然係咁, 決斷 D, 唔好做0勒！
因為我同佢講, 我又唔想得失自己屋企人, 搞到反哂面, 事事服從就最好,
但又唔想得失 winnie表姐表哥, 話哂呢個禮拜 winnie表姐表哥推哂 D客, 就係幫我地搞,
依家先話唔做, 玩咩, 0徙哂人家 D時間, 始終都係 winnie表姐表哥, 唔想得失佢地,
winnie就話, 我經常都係咁, 唔想得失任何人, 事事都做到好圓滑, 無錯,
凡事留一線, 日後好相見, 但係咁既話, 辛苦0既就只有自己, 凡事都要顧住兩面,
自己又唔想得失任何一方, 成為磨心...所以 winnie就同我講, 無毒不丈夫,
決斷 D, 唔好做0勒！自己開心就夠0勒, 唔好理人家點諗...
我話, 0個兩個係你表姐表哥, 係你0既親戚, 我唔想得失佢地, winnie話：「so？」
其實最大原因, 係 winnie想快 D搞掂康寶萊, 最後一個禮拜咩都唔駛煩, 玩盡佢,
等到佢返0左加拿大之後, 我先開始返康寶萊, 但係 winnie表姐唔俾, 佢問我地...
寧願呢個禮拜玩盡佢, 但係日後辛苦, 定係呢個禮拜唔玩, 日後幸福？

winnie已經為浪費0左一個禮拜, 浪費0左四分之一0既時間0係康寶萊而喊過不少次,
所以如果連最後一個星期都冇得去玩, 佢一定接受唔到,
因為佢唔知自己幾時會再返0黎香港, 幾時會再見到我, 一年？三年？十年？十六年？
冇人知, 所以佢好想0係最後一個星期, 同我去更多0既地方, 同我做更多0既事,
為了..留下一個美好的回憶...如果只得一星期, 真係唔想白白渡過,
因為咁, 所以 winnie叫我決斷 D, 唔好做0勒！
winnie仲話, 活在當下, 自己開心就夠0勒, 唔駛怕得失任何人...

離開了康寶萊, 去0左邦民還錢, 點知佢話已經過0左數, 銀行又閂0左,
所以要聽日還, 蝕一日利息, 九銀...=.="
返了香港仔, 上了姑姐姑丈家, 俾佢地省到一面屁, 真係唔知...咁辛苦為咩..
真係唔知...呢個禮拜咁辛苦為咩, 早知就咩都唔理, 同梁琬婷拍下拖, 行下街, 睇下戲..
開開心心, 輕輕鬆鬆咁仲好, 有自唔在, 囉苦0黎辛, 認真確是一件吃力不討好的事...

夜晚..我終於忍唔住, 爆喊了, 呢個星期真係好辛苦, 受好大壓力, 好煩, 好多0野煩...
最終得個桔, 仲浪費0左一個禮拜, 咩都冇做到, 咩地方都冇去到,
仲累到阿媽同 winnie俾人鬧...下晝0係 delifrance度, 又俾 winnie鬧,
winnie問我點解當時唔反搏佢, 唔鬧返佢...
我話..我唔想同心愛0既人噪, 唔想同心愛0既人鬧交, 縱使有點兒委屈, 我都照忍...
愛侶在溝通、相處之上, 最容易出現「恆久忍耐」與否的問題,
要找出一個中間點, 真的不容易...

愛是恆久忍耐, 又有恩慈, 愛是不嫉妒, 愛是不自誇, 不張狂, 不作害羞的事,
不求自己的益處, 不輕易發怒, 不計算人的惡, 不喜歡不義, 只喜歡真理,
凡事包容, 凡事相信, 凡事盼望, 凡事忍耐...

第一次唔係0係屋企人面前喊, 第一次0係梁琬婷面前喊,
第一次0係梁琬婷面前竭斯底里咁喊...再一次成為韋小寶, 唔想得失反清復明0既天地會,
亦唔想得失識於微時0既康熙, 就係咁, 縱使兩邊係水火不容, 我都唔想得失是旦一邊,
經常成為磨心, 我已經唔係第一次...做韋小寶了...

>>November 24, 2005 at 12:28:21 AM GMT+8

2005 年 5 月 30 日 星期一 【晴】

前日早上, 梁琬婷要返大陸, 但係佢冇身分證, 所以佢屋企人一早就上左去大陸, 佢自己就去拎身分證, 下晝先自己一個搭船上去大陸.... 我地就珍惜這個上天給予我們的額外時間, 我地約0左0係尖沙咀中港城等, 之後我地0係中港城麥記相處了大約兩小時, 一路聽歌, 一路食0野... winnie又買多兩隻 panda C俾我, 佢話望到隻 panda C就等於見到佢 wo.. 我知呢個小女子神經實在太大條0勒, 所以我早就預備0左牙刷, 同牙膏俾佢帶上去大陸, 果然, 佢真係冇帶日用品上去！！！ 本來我仲諗住幫佢預備埋毛巾同浴巾0既, 不過我心諗冇理由大頭蝦成咁呱, 點知.... 佢真係咩日用品都冇帶！搞錯！ o個日我地去左大埔康樂園的六千尺大屋, winnie表嫂話我地好襯, winnie話：「唔係 ar！朋友咋！」 之後佢表嫂話：「我話張吊椅咋 wo...」 我係冇出聲, winnie俾佢表嫂陰0左....

>>August 5, 2008 at 4:55:36 AM GMT+8

2005 年 5 月 29 日 星期日 【晴】

winnie上了大陸探親, 星期一先落0黎, 不過佢冇身分證, 所以佢屋企人上船先, 佢自己要拎埋身分證, 之後自己一個上去, 我送佢搭船, 同佢0係中港城有額外的兩小時.. 不過佢咩日用品都冇帶, 好彩我知佢籠0野, 幫佢預備了牙膏牙刷, 早知連毛巾都預備埋 la.. 依家有三份工作0係手, 一份係小學補習, 連續廿日, 每日兩個鐘, 二千銀... 另一份係東華三院托管服務, 一個半至兩個月, 每日九點至六點, 薪酬為四千至六千, 再加埋康寶萊, 真係會死人, 做大人真係好辛苦, 要顧呢樣顧0個樣, 咩都要自己處理哂, 辦法要靠自己諗.... 我自己有二萬銀, 仲爭 winnie 0個二萬銀, 不過佢要返到加拿大先匯到俾我, 我自己又要諗辦法點樣籌多二萬銀, 打哂工都係得八千, 好煩 ar！！！ 如果我們可以先大個, 後細個就好了.... 其實我想問, 拍拖係幾多人0既事？ 郭駿仁講得0岩, 原來拍拖唔係易事, 有很多阻力, 親人、朋友, 有好多0野煩, 少 D意志同毅力都唔得, 不過由此至終我都認為, 只要兩人相愛, 就沒有問題, 我到現在仍然這樣覺得, 我的確太自以為是了, 正正因為我太過自把自為, 太過自以為是, 所以唔會有人阻到我.... 《對你我永不放棄 --- 羅嘉良 / 陳慧珊》 誰共誰一起　緣份冥冥之中連於一起　無論在那處都可跟你　在頃刻之間縮窄距離 海角異地　猶幸兩顆心纏於一起　遺忘掉世界都也不理　地老與天荒總有傳奇 愛是愛是奧妙　永不可預期　愛是愛是那樣　從沒講理 就算要我跳出天與地　不退避　惟以後　能以後　讓結局完美 跟你一起　承受了幾多　仍不放棄　仍期待一天一切很美　在抱擁之中超脫限期 愛是愛是奧妙　永不可預期　愛是愛是那樣　從沒講理 就算要我跳出天與地　不退避　惟以後　能以後　讓結局完美　相約等你 跟你一起　而十個世紀　未會捨棄　微妙世界內　亦不可分隔地　同渡每天喜與悲 你願以一生的苦難, 去換片刻的彩虹麻？ 值唔值得, 是在乎自己會唔會後悔, 做了而不後悔, 是為「值得」, 每個人的價值觀都不同, 楊過苦等小龍女十六年, 現在我只係等五年, 三分一都冇, 如果計算太多, 愛情就已經變了質, 我常常都說, 做了而後悔, 總好過不做而後悔, 我唔想俾自己後悔, 所以我會努力爭取, 別等到錯過後才去後悔, 別等到失去後才想挽回, 要珍惜眼前人, 我好認真咁講.... 加拿大好遠, 好遠, 剛剛好在地球的另一邊, 海角異地, 猶幸兩顆心纏於一起.... 我們各自在不同的彼方, 一起仰望著天空, 你的淚水之所以要結束, 是因為彩虹橋就快要掛起來了....憑著一顆心, 向你作出承諾, 你內心的痛苦, 所有也變成我的痛苦, 當我們的心變成一顆心時.... 美麗的彩虹橋便會在天空中架起...你願以一生的苦難, 去換片刻的彩虹麻？ 「值得」二字, 全在於主觀的心, 不在於客觀的事, 我覺得很值得, 不就夠了麼？ 錢確是很重要, 但我唔祈求住大屋、榨靚車、餐餐鮑參翅肚, 有0既當然好, 冇亦唔駛太著緊, 我想搵好多好多錢, 只想為親人, 為愛人, 為自己做番點事, 我唔想年老時後悔, 自己一生咩都冇做過... winnie話等佢大學畢業搵0野做, 有錢先返到0黎, 我想自己都出一點力, 隻身遠赴彼岸, 不過都係錢0既問題, 來回加拿大機票要成六千幾銀, 其他食宿問題已經唔去諗, 探一次要六千幾銀, 落地生根已經是後話, 不過可以肯定的是, 費用不菲.... 人的一生有許多難以取捨, 困惑不已的鎖事所糾纏著, 這時所需的就是斷然的捨棄與明智的抉擇, 唯一會限制我們的, 是我們自己的決心....

>>August 5, 2008 at 4:55:54 AM GMT+8

2005 年 5 月 29 日 星期日 【晴】

同 calvin sun傾電話, 佢話佢俾人「僕」, 俾人打！！

羅少怡同江 sir拍緊拖, 我 >0<了咀半日, 冇可能0既事, 不過係佢親口講0既....
winnie上了大陸探親, 星期一先落0黎, 不過佢冇身分證, 所以佢屋企人上船先,
佢自己要拎埋身分證, 之後自己一個上去, 我送佢搭船, 同佢0係中港城有額外的兩小時..
不過佢咩日用品都冇帶, 好彩我知佢籠0野, 幫佢預備了牙膏牙刷, 早知連毛巾都預備埋 la..

依家有三份工作0係手, 一份係小學補習, 連續廿日, 每日兩個鐘, 二千銀...
另一份係東華三院托管服務, 一個半至兩個月, 每日九點至六點,
薪酬為四千至六千, 再加埋康寶萊, 真係會死人, 做大人真係好辛苦, 要顧呢樣顧0個樣,
咩都要自己處理哂, 辦法要靠自己諗....我自己有二萬銀, 仲爭 winnie 0個二萬銀,
不過佢要返到加拿大先匯到俾我, 我自己又要諗辦法點樣籌多二萬銀,
打哂工都係得八千, 好煩 ar！！！如果我們可以先大個, 後細個就好了....

其實我想問, 拍拖係幾多人0既事？郭駿仁講得0岩, 原來拍拖唔係易事,
有很多阻力, 親人、朋友, 有好多0野煩, 少 D意志同毅力都唔得, 不過由此至終我都認為,
只要兩人相愛, 就沒有問題, 我到現在仍然這樣覺得, 我的確太自以為是了,
正正因為我太過自把自為, 太過自以為是, 所以唔會有人阻到我....

《對你我永不放棄 --- 羅嘉良 / 陳慧珊》

誰共誰一起　緣份冥冥之中連於一起　無論在那處都可跟你　在頃刻之間縮窄距離
海角異地　猶幸兩顆心纏於一起　遺忘掉世界都也不理　地老與天荒總有傳奇
愛是愛是奧妙　永不可預期　愛是愛是那樣　從沒講理
就算要我跳出天與地　不退避　惟以後　能以後　讓結局完美
跟你一起　承受了幾多　仍不放棄　仍期待一天一切很美　在抱擁之中超脫限期
愛是愛是奧妙　永不可預期　愛是愛是那樣　從沒講理
就算要我跳出天與地　不退避　惟以後　能以後　讓結局完美　相約等你
跟你一起　而十個世紀　未會捨棄　微妙世界內　亦不可分隔地　同渡每天喜與悲

你願以一生的苦難, 去換片刻的彩虹麻？值唔值得, 是在乎自己會唔會後悔,
做了而不後悔, 是為「值得」, 每個人的價值觀都不同, 楊過苦等小龍女十六年,
現在我只係等五年, 三分一都冇, 如果計算太多, 愛情就已經變了質,
我常常都說, 做了而後悔, 總好過不做而後悔, 我唔想俾自己後悔, 所以我會努力爭取,
別等到錯過後才去後悔, 別等到失去後才想挽回, 要珍惜眼前人, 我好認真咁講....

加拿大好遠, 好遠, 剛剛好在地球的另一邊, 海角異地, 猶幸兩顆心纏於一起....
我們各自在不同的彼方, 一起仰望著天空, 你的淚水之所以要結束,
是因為彩虹橋就快要掛起來了....憑著一顆心, 向你作出承諾, 你內心的痛苦,
所有也變成我的痛苦, 當我們的心變成一顆心時....
美麗的彩虹橋便會在天空中架起...你願以一生的苦難, 去換片刻的彩虹麻？
「值得」二字, 全在於主觀的心, 不在於客觀的事, 我覺得很值得, 不就夠了麼？

錢確是很重要, 但我唔祈求住大屋、榨靚車、餐餐鮑參翅肚, 有0既當然好,
冇亦唔駛太著緊, 我想搵好多好多錢, 只想為親人, 為愛人, 為自己做番點事,
我唔想年老時後悔, 自己一生咩都冇做過...第一, 我老豆好想要一部的士, 想了幾廿年,
次次六合彩爭一兩個字就怨天怨地, 依家每日交租三百五十銀,
如果我可以買架的士俾老豆的話, 我就唔駛聽佢日日0係度怨租貴....
雖然我同佢冇咩兩句, 不過...我想這是責任吧, 我是家族中的大孫, 負有最大的責任...

第二, winnie話等佢大學畢業搵0野做, 有錢先返到0黎, 我想自己都出一點力, 隻身遠赴彼岸,
不過都係錢0既問題, 來回加拿大機票要成六千幾銀, 其他食宿問題已經唔去諗,
探一次要六千幾銀, 落地生根已經是後話, 不過可以肯定的是, 費用不菲....

第三, 我想...達成自己的夢想, 我由細細個就想做天文學家, 奈何香港冇得讀, 讀完冇得做,
自己係大仔, 要養老豆老母, 要供細佬妹讀書, 自己要養妻活兒,
就算自私一點, 我自己都要食飯 ga, 只有賺到足夠0既錢, 夠我 cover哂以上0既支出,
我先至可以去尋找自己的夢想, 點解想做天文學家, 只是因為我對這個浩瀚的宇宙,
產生莫大的好奇, 太多問號, 我想知道更多, 現在, 我有機會達成這三個願望了,
所以...「雖千萬人, 吾往矣」....

人的一生有許多難以取捨, 困惑不已的鎖事所糾纏著,
這時所需的就是斷然的捨棄與明智的抉擇, 唯一會限制我們的, 是我們自己的決心.....

當你認定了目標, 便要不懈往前, 即使備受質疑, 但也要深信....
「Ｎoｔhｉnｇ　Ｉs　Ｉmｐoｓsｉbｌe....」
別人的質疑, 不用在意, 決定了的, 那管它可不可能, 只管全力去做...
人失敗的原因, 是因為抱著「試下做」的心態, 要成功, 就要 100%的決心,
不是「試下」, 而是「認真地做」....

打去搵 calvin sun, 佢話佢俾人「僕」, 俾人打！！事緣係佢前老細 alex lam (教 econ) 唔妥佢,
因為 calvin sun自組公司, alex lam狂插佢欺師滅祖, 唱衰 calvin sun, 又話斬手斬腳,
calvin sun出律師信告佢誹謗, 兩日後 calvin sun就0係停車場俾人「僕」,
兩三個人用硬物打佢, calvin sun話預0左, 而佢自己讀法律0既, 所以全程冇還手,
只係嗌救命, 估唔到咁0既時候仲保持理性...

但係最後捉唔到人, 報了警, 入0左廠做全身檢查, 咁0岩 calvin sun今日生日, 真係唔老0黎,
話時話, 先前以為娛樂圈先咁黑暗, 原來補習界都咁黑暗, calvin sun話,
你到時出到0黎社會就知道「人善人欺」ga la, 大佬 ar, 大家都係搵餐飯食姐, 駛唔駛咁 ar,
話哂 alex lam都係大學畢業, 為人師表, 點解受過高等教育0既人, 會做出 D咁0既0野？
我真係唔明, 唔通出0黎行, 真係遲早要還？唔好玩 la, 大家兩係搵兩啖苦飯 yup下姐,
唔駛搞出人命下話....個世界唔應該係咁, 做人唔應該係咁....

原來 calvin sun都係康寶萊會員0黎 ga wo, 先前佢就係咁, 由二百磅減至一百四十磅,
識得 calvin sun 0既人可以打佢電話 9729 5251, 問佢有關俾人扑濕0既經過,
佢讀 hku BBA + law, AL四條 A, 因為捉唔到人, 所以佢知道告佢唔入, 傾0左好耐,
很懷念上佢堂的日子...

>>July 24, 2005 at 8:31:41 PM GMT+8

2005 年 5 月 28 日 星期六 【晴】

本來今朝一早梁琬婷就要返大陸, 但係佢冇身分證,
所以佢屋企人一早就上0左去大陸, 佢自己就去拎身分證,
下晝先自己一個搭船上去大陸....

我地就珍惜這個上天給予我們的額外時間, 我地約0左0係尖沙咀中港城等,
之後我地0係中港城麥記相處了大約兩小時, 一路聽歌, 一路食0野...
winnie又買多兩隻 panda C俾我, 佢話望到隻 panda C就等於見到佢 wo..
我知呢個小女子神經實在太大條0勒, 所以我早就預備0左牙刷同牙膏俾佢帶上去大陸,
果然, 佢真係冇帶日用品上去！！！本來我仲諗住幫佢預備埋毛巾同浴巾0既,
不過我心諗冇理由大頭蝦成咁呱, 點知....
佢真係咩日用品都冇帶！搞錯！

>>July 17, 2005 at 3:32:35 AM GMT+8

2005 年 5 月 27 日 星期五 【晴】

今朝 winnie一早就上0左我屋企, 睇0左套戲, 叫《fifty first date》, 幾好睇, 好鐘意個 ending, 一 D都唔老土, 出人意表, 唔錯的小品, 值得一看, 我地仲學0左個新 term, 就係「十秒 winnie」, 形容講完後十秒就唔記得咩回事0既梁琬婷... 之後 winnie本來要出去尖沙咀中港城買船飛, 因為佢要返大陸兩三日, 不過我留住佢, 唔俾佢走住, 結果一留就留0左三個鐘, 當我地三個鐘後搭巴士出尖沙咀時, winnie的姑媽打電話0黎, 叫 winnie唔駛買飛住, 我同 winnie都呆0左, 跟住傻笑... 我就話0勒：「好彩我留住你咋！唔係一早買0左飛0既話, 都唔知點算... 睇下我幾醒, 又一次證明0左我會帶俾你好運！」winnie就話： 「係咩！？鬼唔知你留我係出於私心咩！」 結果出到去尖沙咀, 我地就由 poly行去尖東海旁, 行行下見到有生日蛋糕賣, winnie話聽日買個我食, 我問佢點解, 佢點都唔肯講, 原來當日阿郭同 winnie講0既0野係...我聽日舊曆生日！ 哈...所以叫 winnie聽日俾個 surprise我, 講真, 我真係唔記得... 我地又0係冇人0既天橋上....度高！哈哈哈！ 我地傻 ga！因為我地0既高度岩岩好, 我高佢半個頭, 外形上很合襯, 唔太高亦唔太矮！ 之後我地行尖東海旁, winnie好似 D自由行咁, 個個手印都睇下係邊個, 我叫佢唔好 la！佢仲問我點解唔好姐, 真係激死！ 跟住我地好浪漫咁漫步尖東海旁, 見到有檔整「蠟手」, 我地就拖住手整0左兩個, 一個我 keep, 一個俾佢帶返加拿大, 之後坐海旁欄杆食雪糕, 之前一切0既浪漫即刻打破哂！ 因為原來0個度勁多飛蟻, 我地急急腳食完即走, 不過我地好好彩, 中獎中多支雪糕, 咁我地就開開心心咁走0勒, 我地仲趁全世界望住 D激光匯演時, 依泣0左一陣, 兩條友都係傻 gei, hahaha... 大熱天時下要我著大褸, 咪玩 la...

>>August 5, 2008 at 4:56:10 AM GMT+8

2005 年 5 月 26 日 星期四 【綿綿細雨】

歐冠決賽, AC米蘭上半場領先 3:0下, 下半場俾利物浦追和 3:3,
加時互無紀錄, 歐洲足球先生舒夫真高離門一碼射門俾救出,
最後杜迪克救出應屆歐洲足球先生舒夫真高的十二碼,
利物浦射十二碼贏 3:2, 卅二強僅勝奧林比亞高斯入十六強, 之後一直俾人睇低,
利華古遜、祖雲達斯、車路士, 最後連 AC米蘭都贏埋, 身為曼聯躉的我,
都不禁寫個「服」字俾利物浦, 聽講話 AC米蘭半場已經慶祝0左,
而我覺得利物浦今次的勝利, 有以下的幾個原因....
賓仔半場出色的調兵遣將, AC領先 3:0 下輕敵, 神奇隊長謝拉特, 利物浦永不放棄的精神,
半場賓仔/謝拉特於更衣室對球員說的話, 杜迪克由狗熊變英雄, AC後防老化, 捱唔住 120分鐘,
AC球員已經拎過無數大獎, 決心不夠, 基斯普冇大賽命, 離開車仔, 車仔即奪冠,
當年利物浦奪歐冠的現象, 今年同時出現, 教宗逝世, 英國皇儲大婚,
威爾斯國家欖球隊奪得欖球世界盃, 利物浦在聯賽以第五收工, 中國是雞年,
聯賽盃決賽車路士贏0左利物浦, 是為「六星連珠」, 最後「桂神的旨引」,
就梗係最大0既原因, 連上半場落後 0:3都好, 一樣可以反敗為勝,
黃興桂以神之名令不可能變為可能, 已經唔係第一次,
我諗半場賓仔/謝拉特於更衣室對球員說的話是：
「神話, 利物浦奪標是命中注定, 只要有毅力和決心, 總會有龍穿鳳的一日...」

《利物浦四功臣抵讚 --- 文：黃興桂 27/05/2005》

睇今屆歐聯決賽，有今生冇來世。利物浦童話式奪取歐聯冠軍，
是近三十年最傳奇的勝利者，套用外國新興三人女子組合名字「命中注定的孩子」，
利物浦捧杯實屬天意，不過他們的贏波過程曲折離奇之處，連荷里活的編劇也編不出來。

當AC米蘭領先三比○時，我還以為上盤好穩陣，話口未完已被利物浦追和，
更在互射十二碼勝出，這個戰果的確令我大跌眼鏡，
但利物浦所入的三球及杜迪克在撲救十二碼的神氣，絕對唔係「符碌」。

這場決賽值得回味的事情實在太多，紅軍個別球員已見老退，質素也不是最頂級，
半場返回更衣室時，相信AC球員已想著如何慶祝，但利物浦並未放棄，
領隊賓尼迪斯釜底抽薪改排「三四三」陣式，這一注給他押對了。

外國體壇名句「好運緊要過好波」，利物浦的勝利，亦建基於對方門將迪達、
前鋒舒夫真高失準，這兩人是前屆歐聯冠軍大功臣，但風水輪流轉，
上次做英雄不代表今次可以。

利物浦奪標證明了只要有毅力和決心，總會有龍穿鳳的一日，他們有四個人最抵讚，
門將杜迪克以往被批評為「蝦碌門神」，但今仗發揮如有神助；
後衛加歷查對紅軍一片忠心，拉傷大腿仍死撐；隊長謝拉特的鬥志感染了所有人，
沒有他的第一球，利物浦不可能扳平；最後是領隊賓尼迪斯，由始至終他都很冷靜，
現在成為歐聯冠軍領隊，他的功勞最大。

利物浦這個與香港互不相干的前殖民地宗主國城市，最近再次引起注意，
不是因為披頭四再次殺入流行榜，也不是60年代曾留學利物浦大學、
修讀海事工程的董建華落台後，利物浦足球隊戰績回升，
而是因為利物浦今年殺進歐洲聯賽冠軍盃決賽，
爭奪這個在20年前曾為利物浦市及全英國帶來愁雲慘霧的錦標。

轉捩點︰球迷騷亂, 步入低潮...

呂大樂兩周前曾撰文說：「我不了解那些在英超出現以後而熱心支持利物浦的球迷，
也不明白他們選擇『紅軍』的原因。這個決定一定不簡單。」

他又說：「理論上，在剛過去十年才加入隊伍的球迷之中，
應該人人硬捧曼聯、阿仙奴或車路士，但偏偏就有很多球迷，
要在這些冠軍球隊以外尋找自己心中所愛和決心支持的對象。」

呂大樂是香港研究足球社會學的鼻祖，更是老資格的利物浦擁躉，
小的自然不敢在大師面前班門弄斧，吹噓什麼足球與足球流氓經濟文化全球化的關係，
只想借論題一用，為那些對利物浦死心塌地的人，尤其是遠在地球另一端的香港人，
尋找一些似是而非的解釋。

球迷開始喜歡一隊球隊，總是因為曾在個別賽事大殺四方，但要長期留住球迷的心，
一段永遠風光、順風順水、富家子含銀匙飲紅酒做財爺的歷史，未必令人永誌難忘。
永遠的風光，不可能是人生寫照。利物浦 80年代盛極一時，在英格蘭大殺四方，
隨即遇上兩個歷史轉捩點。85歐洲冠軍球會盃決賽，利物浦球迷騷亂，看台圍牆倒塌，
39名球迷死亡，大部分是對手意大利祖雲達斯的球迷。利物浦雖主動向對方球會道歉，
但自始英格蘭球隊被禁參加歐洲球會比賽5年。

89年英格蘭足總盃總決賽，利物浦對諾定咸森林，球迷在看台你推我撞，
部分被壓向圍欄，圍欄倒塌，96人被壓死踩死。
利物浦一度令人聯想起流水行雲的進攻足球，但同樣令人想到一幕幕流氓廝殺。
兩次慘劇，筆者與不少利迷一樣，都在電視熒幕上目睹。數年後，球隊步入低沉期，
無力抵抗紅魔鬼曼聯的再崛起，讓出整壁江山。

一面鏡子：戰勝過去的辛勞...

「在球迷眼中，自己所支持的球隊既是一面鏡子（從中看見自己的影子、個性），
也是一個銀幕（給他們作心理投射，要在球隊身上找到自己所缺乏的東西）。」
呂大樂說的。

這面鏡子，看到了什麼？

球會雖邁向全球化，但仍堅持起用本土球員，堅持起用利物浦市人。
今年利物浦最受歡迎的球星，不是盛傳轉會車路士的謝拉特，
而是忠心耿耿、誓言永不轉會、受訪時滿口地道利物浦話
（根本不是英文）的利市土產中堅加歷查。不像早前阿仙奴創下歷史，
正選連後備16人全是外援，雖是根在英國倫敦（阿仙奴主場設於倫敦），
但卻與社區毫無關連。

巴塞隆拿與代表正統皇族的皇家馬德里長期對立，
因巴塞承繼了加泰羅尼亞人爭取獨立的傳統，令人津津樂道。
利物浦球迷也是實際的，不會天真浪漫地拒絕全球化，但在利迷身上，
仍可看到這種力抗全球化的垂死掙扎。

這面鏡子，看到了什麼？

港人對如何活在強人的陰影下，如何走出緬懷過去風光日子的黑洞，並不陌生。
球隊無法向上，球員人望高處，球迷要開始忍受主力球員被挖角的殘酷現實。
球會千辛萬苦培養出來的球星，無法忍受球會未達國際一級，遠有麥馬拿文，近有奧雲，
先後遠走西班牙皇家馬德里。96年球隊一度中興，
但在足總盃決賽被曼聯簡東拿一腳踢進谷底，01年再次中興，一度連奪三個盃賽冠軍，
但聯賽仍大幅落後，隨後一年更大敗於曼聯 0比4，再次沉淪。

球迷跌入沉淪與自我安慰的循環中，眼看近年曼聯、阿仙奴捧盃不斷，
利迷總愛說利物浦是至今奪得頂級聯賽及歐冠盃最多的英格蘭球隊，
球迷要學習在強人陰影下過活，開始學懂自我保護。

為了走出歷史，戰勝過去，擺脫陰影，努力十多年，不少球迷為等再次捧盃的一刻，
等了接近 20年。在這面鏡子裏，看到的是，活在強人陰影下的屈辱，
以及為求戰勝過去的努力與汗水。

一面銀幕：永不獨行, 走過風雨....這個銀幕，又投射了什麼？

利物浦球迷最愛唱的一首歌，歌詞是這樣的：
When you walk through a storm, Hold your head up high, And don't be afraid of the dark,
At the end of the storm, Is a golden sky, And the sweet silver song of a lark,
Walk on through the wind, Walk on through the rain, Tho' your dreams be tossed and blown,
Walk on, walk on, With hope in your heart, And you'll never walk alone, You'll never walk alone....

04年台灣奧運跆拳道金牌得主陳詩欣的檳榔西施故事，最令人回味。年少時曾天下無敵，
後來自我放逐沉淪，當上檳榔西施，再突然警醒，重回人生正軌，
前美國網球冠軍卡柏拉蒂（Jennifer Capriati）也有類同經歷，年少奪92年奧運金牌，
隨後吸毒沉淪，重回正軌，再奪大滿貫。

一帆風順泛不起半點漣漪，富可敵國財大氣粗的皇馬銀河艦隊不能令人醉心，這個銀幕，
投射了一個以悲劇襯托的英雄想像，默默的等待，等待英雄蘇醒的一天。

筆者近年看球賽時，深深感受到酒吧裏的孤單，高呼慶祝時的四周死寂，令人神傷。
曾有鬼佬好奇地問︰「利物浦關你什麼事﹖」，我不懂回答，
「you'll never walk alone」是一種什麼感覺，難以明言。


我喜歡曼聯, 因為當年一次又一次的反勝, 一次又一次的堅持到最後,
一次又一次的永不放棄, 激動了我的心, 作客祖雲達斯, 落後兩球下反勝三球,
決賽 90 mins連入兩球反勝拜仁慕尼黑 2:1, 追和 1:1時我已經激動得淚流滿面, 反勝 2:1時,
我興奮到大叫大嚷, 忘記了當時是凌晨五點....
記得當年冇人可以阻到傑斯仔, 最大敵人就係玻璃腳, 堅尼傷成季0個年 giggs講過,
「曼聯捧唔到歐冠唔係因為堅尼缺陣, 亦唔係簡大帝退休, 而係我受傷....」

曼聯最輝煌時代, 由傑斯進攻, 舒米高防守, 媲美戴志偉同林源三, 99年足總四強 vs阿仙奴,
一記推右走左自己接番, 旁證以為佢交波, 舉旗 off side, 冇諗過 giggs如此神乎其技,
自己接番, 之後入波被判詐糊, 重賽, 重賽踢成 1:1, 90 mins後補時, 阿仙奴得一個十二碼,
眼看冇仇報之際, 舒米高救出柏金十二碼, 加時 giggs一記天外來客式入球, 由中場帶住個波,
扭過四個阿仙奴後衛, 射網頂大破施文十指關, 成為經典....

人總要向前看, 世紀綱門舒米高退役, 傑斯仔年華老去, 已經是傑斯佬....
歐洲國家盃兩大超新星 C.朗拿度、朗尼經驗尚淺, 難擔大旗, 甚麼米拿、奧當根本不成氣候,
期待...期待英雄復甦的一天....


>>July 23, 2005 at 9:04:36 PM GMT+8

2005 年 5 月 22 日 星期日 【酷熱】

今日同 winnie去了大埔康樂園六千尺豪宅！！！！！
明天去香港康寶萊國際有限公司 (herbalife) 面試,
薪酬低唔緊要, 最緊要人工高！！(講笑...)
其實一直以來唔搵工做0既原因係, 一來 AL辛苦0左成年, 萬一入到大學, 又辛苦多三四年,
咁點解唔趁依家好好抖下？二來我唔想做一 D冇「得著」0既工, 例如七仔、M記....
唔係冇得著0既, 不過你敢唔敢0係張履歷表上寫自己有三年 7-11經驗？自己又唔係等錢駛,
如果份工0既「經驗」係有價值0既, 我梗係仆倒去做 la, 冇人工都唔緊要, 至緊要個 training對你日後會有幫助,
同埋拎經驗最實際, winnie表姐、表哥同表嫂都係0係康寶萊度做, 人事關係同機遇果然係好重要....

今日學0左好多好多0野, 太多 la, 唔知點講好, winnie話最憎人遲到, 講0左好多次, 結果佢今日自己遲到半個鐘..
早幾日送送下 winnie返天水圍, 佢表姐打俾佢, 問佢有冇問我星期日去唔去玩, 結果 winnie即場問,
其實我同 winnie都唔知今日係去邊同玩咩, 仲以為會玩集體遊戲, 原來係玩...金融遊戲！
我地搭船去尖沙咀集合, 之後上旅遊巴, 搭了一個鐘車去大埔康樂園,
一入到間六千尺豪尺, 我地異口同聲爆了句：「what the fuck！？」之後不停講：「唔好玩 la..」

間屋係一個廿二歲0既女仔擁有, 佢只有中一學歷, 做過文員, 0係一次偶然機會下認識到康寶萊0既生意機會,
憑著一份熱情、堅毅的信念、相信每個人都可以擁有更高的價值, 0係廿二歲已經成為公司0既高級行政總裁,
即係 CEO, 年薪二百萬港元, 收入仲升緊, 係唔駛做, 自然有錢收0個隻, 廿二歲咋大佬！
可能你會話：「呢個世界有幾多個李嘉誠丫....」但係黎宏聰話過：「總有人能夠成功, 點解0個個唔係你？」
今個星期四, 個 CEO會0係會展有個 talk, 講點樣成為富翁, 每位 $100, 想去就 call我 la！

我地分組玩一個「理財」遊戲, 叫做「cash flow」, 我0個組有六個人, 我、winnie、兩個 poly讀 nursing 0既女仔,
一個 poly讀 finance 0既男仔, 同埋 winnie表姐0既朋友, 個遊戲一個字形容哂 - 刺激！

我地0個組得0個個男仔識商科0野, 其他全部都係讀 science 0既, 我仲要商科0既知識係零！
個遊戲0既最終目標係, 你0既「非工資收入超過總支出」, 就可以跳出「老鼠圈」,
人生永遠0係四個象限之中, 雇員、專業工作者、企業持有人、投資者....
企業持有人同投資者係通往億萬富翁的唯一道路, 因此購買資產不是風險,
無知地待在雇員同專業工作者中, 才是一個人最大的風險, 我0係遊戲中抽到做律師, 個個都以為好勁,
點知收入越大, 支出越大, 未玩已經積落一大筆債, 俾稅、住房抵押貸款、教育貸款、購車貸款、
信用咭支出、額外支出、其他支出、小孩支出、銀行貸款支出, 個總支出太高 la！！
記住個遊戲0既最終目標係, 你0既「非工資收入要超過總支出」, 就可以跳出「老鼠圈」,
非工資收入係包括利息、股利、房地產、企業現金流, 係唔包括你0既薪金, 因為每個月都有支出,
齋靠打工份糧, 就好似 D老鼠0係「老鼠圈」度跑咁, 不斷出糧, 支出, 還買樓0既債, 還買車0既債,
惡性循環落去, 我老豆 D朋友就係要養妻活兒, 又要供樓供的士, 供幾廿年, 咁就捱一世, 成世0係個「老鼠圈」度跑...

成組人得我一個出唔到「老鼠圈」, 因為我係專業人士 - 律師, 其他 D小學教師、貨車工人都出到,
成個遊戲0既致勝之道係 - 唔好用自己0既錢去投資, 係用人地0既錢去 build up自己0既財富,
全場第一個出「老鼠圈」0既人只用了十五分鐘, 我玩0左幾個鐘都係出唔到, 因為0個個人做0左一個決定,
當時市場變動, 佢可以用 $1買一股唔知咩咩股票, 佢就問銀行借0左一萬銀買一萬股, 但係佢月薪得幾千蚊,
減0左總開支, 每個月得返一千銀 cash on hand (月現金流), 但係過0左冇耐, 佢隻股升到 $30,
佢即放, 賺0左卅萬, 還哂 D債, 買企業投資、房地產 build up自己0既非工資收入, 咁就贏0左....
我呢個遊戲做得最錯0既決定係, 市場變動, 我可以用 $10買一股唔知咩咩股票, 我就用手上有0既 cash on hand,
買0左二百股, 因為0岩0岩玩比較保守, 唔敢問銀行借錢, 但係 $10已經係好低, 之後昇到 $30, 我放哂,
都係賺得三萬蚊, 不過機會一走0左, 就冇得再回頭了, 所以我就咁用一生去跑「老鼠圈」....

一來自己 load得唔夠快, 二來自己0既思維唔得, 我一路借錢買樓, 個非工資收入係昇 ar, 但係個總支出一齊昇,
因為每個月要還 10%息俾銀行, 我地成組得 winnie察覺到, 一筆過還清銀行 D債, 咁咪唔駛個個月俾銀行食息,
個總支出咪減少 law, 所以佢還清 D債後, 個總支出勁低, 個非工資收入好容易 overcome個總支出,
其他我地呢 D香港教育下0既產物, 係完全唔知可以一筆過還清筆債呢回事, 加拿大0既教育,
唔係, 係外國0既教育著重「啟發思維」, 香港就只有硬食, 但係點解香港行唔到外國0個套？
因為香港0既市場太細, 求學為分數, 為考試, 為繼續昇學, 為將來, 但係人地外國0既教育,
學業成績係同升學就業唔掛勾, 所以佢地考試可以盡情玩個人意見, 啟發思維...
香港教師寧願有 marking仲好過冇, 因為有 marking, 就即係0岩就0岩, 唔0岩就唔0岩, (呢句好廢..)
因為每一個答案都影響該學生的未來、將來職業, 學業同職業太過掛勾了,
令到香港學生0既思維仲停留0係「餵埋你食」0既階段, 人家已經教識 D學生點樣自己搵0野食 la...

0係間六千尺豪宅玩0左幾個鐘, winnie表姐同佢 D朋友叫埋我地一齊食飯, 點知食飯0既得著仲多！
佢地全部都係廿幾卅歲, 我好鍾意同長輩, 或者勁過我0既人傾偈, 因為我真係可以0係佢地0既經驗中,
學到好多好多好多好多好多0野, 其中一個樣子平凡, 估唔到係 HKU醫科畢業0既, 三條 A ar大佬！咪玩 la...
唔睇佢咭片都唔知, 佢有三間診所 ar陰公, 不過佢話醫生好難撈, 一來政府減人工, 二來真係辛苦,
所以話專業人士都係冇用, 但係讀咁多年大學出0黎, 冇奶油唔做醫生 ar ma, 咁咪困死0左自己 law...
winnie個表哥預科讀 phy chem bio, 大學讀 IT, 依家做生意, 我問佢點解會咁 ga？佢話真係唔知點解會咁,
所以大學讀咩科同你將來都係冇關係, 因為個世界唔會等你, 而係一直變,
大學畢業生都係打份工咋, 咪成世0係個「老鼠圈」度跑 law, 最緊要係睇多 D書,
吸收多 D前人0既經驗, 擴闊自己眼界同思維, 留意世界的趨勢, 自己 practise一下,
李嘉誠0既致富之道, 就係用人地0既錢 (借銀行), 賺第一桶金, 之後錢搵錢, 好似雪球咁越滾越大,
最令我 >o< 哂咀0既係, 佢0既原則係,「不要為錢而工作, 而係要讓錢為你工作」,
佢以前係搞地產, 依家搞電訊, 並唔係因為佢有過人之智, 可以看得到世界個 tread,
而係佢識讓錢為自己工作, 佢識請人幫佢諗, 諗將來個世界需要 D咩, 依家世界0既趨勢,
所以佢唔駛自己諗, 個雪球依然自己越滾越大, 唔駛做, D錢自己飛入袋...

今日學到太多0野, 打唔哂出0黎, 主要有幾個守則, 投資風險一定有, 但係我地係「管理風險, 而唔係避開風險」,
「不要為錢而工作, 而係要讓錢為你工作」, 「投資才能為你創造財富」, 財富0既定義, 係你0既非工資收入,
你問銀行借錢買樓自住, 好舒服咩？你正在負債中, 間屋0既業主係銀行, 而唔係你,
但係當你出租間屋, 而間屋的租金, 比每月供樓的價還高, 你就在創造財富中, 要懂得分別財富與人生現金流...
「不要說我付不起, 練習想我怎樣才付得起」,「勿安於現職, 掌握有利機會」,
「有了收獲就必須再投資」, 「破產只是一時, 貧窮才是永久, 勿失掉勇氣」,
那個醫生話自己係高收入窮人, 的確, 佢可以比其他人好, 過一些有車有樓, 無憂無慮的生活,
但係如果佢唔返工, 就冇收入, 就要0係個「老鼠圈」跑一世, 咁點樣先可以跳出「老鼠圈」呢？
唯一方法就是用別人的錢去增加自己0既財富, 記住, 唔好為錢而工作, 而係為興趣而工作,
我工作, 因為我熱愛這個職業, 只有窮人才會每個月等出糧, 有錢人呢？唔工作, 錢都會自己走入袋..

「如果想飛得高, 就要把地平線忘掉..」學習忘記和放下過去, 重新探索, 無論是已到過的,
還是冒著險前進之地, 也想走一趟, 為短暫的人生再添上一點事跡, 留待在晚年時逐一懷緬..
在年青的時候抱著這份輕狂去闖一闖, 至少老來時, 我能告訴自己曾經努力過,
即使遇不到新大陸, 不過至少沒有..「如果我後生時有出過海就好了」的遺憾..
Man cannot discover new oceans unless he has courage to lose sights of the shore....
人只有鼓起勇氣, 告別海岸, 才能發現新的大洋,「做了而後悔, 總好過不做而後悔..」

不過依家最緊要做0既係,「提昇自己0既財務智商」, 我今日才是第一次接觸商科, 對此仍是很陌生,
我亦唔會蠢到盲鐘鐘依家去投資, 我相信以上的只是皮毛上的皮毛, basic concept中的 basic concept,
所以依家要睇多 D書, 例如《窮爸爸與富爸爸》, 屋主 (即係個廿二歲 CEO) 0既老公, 佢都係屋主,
佢睇呢本書睇0左六年, 輸過幾多次, 失敗過幾多次冇人知, 不過你會因為怕風浪而唔敢出海,
成世住0係個島度 (例如鴨利洲、長洲), 定係冒險出海, 尋找新大陸？你會因為翻過船, 被海浪捲走過,
而唔敢再造船出海, 定係重拾勇氣, 諗下有咩地方做錯, 諗下有咩地方人地係諗唔到, 快人一步諗到？
記住, 破產只是一時, 貧窮才是永久....

依家要聽多 D, 睇多 D, 自己諗多 D, 入去 winnie表姐間公司 training, 冇人工唔緊要,
最緊要吸收多 D經驗, 自己小小, 小小咁 practise下, 試下輸, 因為唔怕輸, 仲輸得起,
機會係 1%的幸運, 加 99%的預備, 準備自己, 裝備自己, 機會一到, 就攬實唔放,
今日我輸, 唔代表明天我也會輸....


0係銅鑼灣搭地鐵去中環, 再搭天星小輪, 好明顯係特登0既....


已經上0左旅遊巴, 我地仲係唔知去邊, 同埋去做咩0野, 真係好笑...


呢張好囉命 law, 我都唔想....


六千尺大屋 ar！唔係 flat, 係 house！市價三千萬港紙, 不過間屋大到丫...


豪宅內的日本廳, 勁有格調, 不過...令我諗起 D色情電影...


本來想鴛鴦戲水 ga, winnie唔肯, 因為怕「生保」浴缸...


winnie表嫂話我地好襯, winnie話：「唔係 ar！朋友咋！」
之後佢表嫂話：「我話張吊椅咋 wo...」我係冇出聲, winnie俾佢表嫂陰0左....


屋主 (即係個廿二歲 CEO) 0既老公, 佢都係屋主, 好似羅浩皆...

>>May 23, 2005 at 8:03:47 AM GMT+8

2005 年 5 月 21 日 星期六 【酷熱】

今日下晝同 winnie去0左旺角行朗豪坊, 之後去0左西九龍商場, 再返金鐘睇《star war III》, 睇睇下訓著0左, winnie見我訓, 佢又訓, 因為 winnie今日著得勁女仔, 又著裙, 佢姑媽仲造0左條頸鍊俾佢, 不過顯得佢好「成熟」, 0係旺角地鐵站俾人摟影婚紗相, winnie話：「我地影0左 la...」 之後0個個推銷員話：「影多輯 la, 千零蚊之 ma！」 winnie話：「咩我個樣真係咁老咩？」 我話似廿幾歲 law,但係我又係波衫牛仔褲, 佢就係咁叫我返屋企換套「市正」D 0既出0黎, 結果我地睇完戲返0左屋企, 我阿媽仲送0左條手鍊俾 winnie, 係異常地襯 law... 棗紅色頭髮, 棗紅色頸鍊, 棗紅色衫, 棗紅色手鍊, 很有古典風格..... 夜晚中七聚會, 有我、winnie、劉備、kerry、豬豬、 小四、團長、dennis、李景、阿展、stephen、 fion、溫敬良、阿郭, 因為要送 winnie返天水圍, 所以我倆早走, 佢話我好興奮, 成晚不停講, 咁梗係 la, 太耐冇見過團長了, 不過有 D失望, 仲以為可以見到佢個獅子頭, 阿展就代0左阿郭個位, 成晚不停搞爛 gags, 豬豬男朋友小四兄, 比預期中 (照片中) 文靜兼怕醜, 很喜歡同一班朋友吹吹水, 講講笑, 不過好似差 D 0野, 但係我又答唔出.... 總覺得冇上次阿展搞的韓國燒烤咁融洽熱鬧, 是大家成長了, 成熟了, 分隔耐了, 各自有各自的生活, 還是..已經生疏了？很喜歡團長話： 「究竟, 自己幾時可以再無拘無束躺在星空下睡覺, 和豬朋一起在球場上追逐, 和狗友一起在酒吧吹水？」 不需要知心好友, 只需要兩翼插刀的兄弟就夠了... 狂歡三寶, 好好好好好好懷念以前中七0既日子啊！ 我最鍾意呢張, 因為有團長唔覺意0既攝位....^^

>>August 5, 2008 at 4:56:26 AM GMT+8

2005 年 5 月 20 日 星期五 【乍寒還暖】

買0左 tom hanks套《The Terminal》, 聽日下晝睇《star war III》, 睇完夜晚就同中七班同學食飯, winnie好緊張, 阿郭話至緊要著返條裙出0黎就得0勒, 結果 winnie今日真係走去買0左條裙 law, hahaha... 因為佢根本唔著裙 gei, 所以冇帶到裙返0黎香港, 佢屋企都係得一千零一條, 佢話只係0係 gradin著過, 估唔到佢竟然... 今日 AL中化 oral三分鐘短講題目：條條大路通羅馬... 如果我係今日考, 我諗我一開張 note card, 見到條題目, 腦海中第一個念頭會係結他王子劉備..=.=" 大家知唔知咩叫做「球霸」？據報導, 國腳李瑋峰因為在深圳健力寶的態度十分差, 而且也被安上了「球霸」一名譽, 當某個人角色能控制該隊每場比賽的勝負, 以及控制整隊的球員心態, 與有能力控制球會高層的計劃思想, 此人則被稱為球霸, 而中國足協已經獲知此事, 並要求深圳健力寶把李瑋峰的罪行資料遞上, 如果查明屬實, 李瑋峰將會被取消國腳資格... 「當某個人角色能控制該隊每場比賽的勝負」, 能做到咁0既人, 我只係諗到球王李華度、球王施丹同球王朗拿甸奴, 李瑋峰仲話自己係亞洲第一中堅..=.="

>>August 5, 2008 at 4:56:57 AM GMT+8