|
2004 年 10 月 26 日 星期二 【晴】
之前搵阿郭 (samson) 問佢有冇興趣接我手, 幫個細路補習,
佢話佢想搞一次 5D聚會, 你冇聽錯, 搞手係阿郭,
俾阿展評為「亳無號召力」0既阿郭做搞手,
我同佢講, 做搞手最緊要要請得到一班人中最具「感染力」0個位,
即係阿展搞 7B聚會, 就一定要請王彥婷 (豬豬),
因為如果王彥婷 (豬豬) 去, 就可能帶動其他十多人都去,
如果王彥婷 (豬豬) 唔去, 就可能有十多人唔去,
呢 D就叫做「感染力」, 我叫阿郭要搵到當年 5D最具「感染力」0個位先得....
阿郭 (samson) 仲話, 有日0係 icq度, 溫敬良無端端 send句0野過0黎,
劈頭第一句就係：「jason鍾意何靄琪？」之後仲打埋電話搵阿郭問清楚我 D 0野,
難道溫敬良想打我0既何靄琪主意！？而又唔想得失做0左七年同學0既我！？
溫敬良 D舉動真係令人摸不著頭腦...(講笑, 唔好打我..^^)
>>November 17, 2004 at 3:40:30 AM GMT+8
2004 年 10 月 21 日 星期四 【晴】
今日學校去旅行, 約0左九點0係西灣河地鐵站等,
我八點四十分先起身, 我又遲到 la！！
結果我用0左半個鐘由香港仔飛到去西灣河,
記得中三0個年去大嶼山旅行, 因為得三架旅遊巴,
所以邊班最遲點哂名就要斬開三班, 坐其他班0既車,
因為我地班有遲到遲到記過0既「大佬」在陣,
我終於得嚐所願, 被編入同 3A班同車, 同吳汝渟一架車..^^
當時吳汝渟仲剪0左個「薜凱琪頭」, 我仲影0左佢相, 不過當年佢唔識我,
佢到中四時先識我, 我俾番張相佢睇, 都係長頭髮靚 D....
入到大潭郊野公園燒烤, 見到班新同學起爐起到唔知點,
我同區煒輝都不期然想起肥波, 因為肥波0既起爐絕技,
佢認0左第二, 冇人敢認第一, 好懷念....
回程時大家一齊搭地鐵, 0係0個時先互相認識！
雖然話就話做0左兩個月同學, 但大家都好陌生, 連點頭朋友都不是,
有兩個女仔問我叫咩名, 我話叫 Mr. Chan, 之後佢地就話：「哦！你就係 Mr.Chan！」
之後問我修邊科, 估唔到大家都係 phy chem bio (已經一齊上0左兩個月堂 la陰公) ...
跟住佢地問我中文名叫咩, 後面第三個女仔就話：「我知, 你係陳俊峰！」
我好感動 ar, 竟然有人記得我個名, 因為就連區煒輝打電話俾我,
都話唔知好冇叫我 Mr. Chan, 皆因佢唔記得我叫咩名....
佢仲問我係咪應該用 Mr. Chan save我個電話....
>>November 15, 2004 at 1:03:33 AM GMT+8
2004 年 10 月 14 日 星期四 【晴】
王婧 (aileen) 0係佢日記度話, 佢依家有人追！！
(http://www.xanga.com/home.aspx?user=aileen_iodine)
點算 ar 團長！？kawaii 0既婧婧俾人追緊 ar！我唔制 ar！
記得中七 last day, 團長叫我不如搵當時仲係中六0既婧婧影相,
團長又怕醜唔敢搵人, 要叫埋我去,
之後0係 locker見到婧婧, 不過團長0岩0岩去0左廁所,
咁我咪自己同婧婧影 law, 阿郭 (samson) 仲要搶住做攝影師,
事成之後, 阿郭 (samson) 就去廁所向團長報串,
結果我俾團長追打....究竟「不義」0個個係我, 定係阿郭呢？
今日韓小姐 (audrey 姐姐) 約了我食晚飯,
本來她是一心想去 king of the king of steak的,
但因為這樣和那樣的原因, 最終去了一間台式餐廳,
不過其實也不要緊的, 因為吃飯不是重點
她只是想和我愉快的聊聊天...
我果真沒有令她失望, 食飯真的食得很開心 ar,
傾左學業、歌手、也聊到了黃越富,
因為早前韓小姐 (audrey姐姐) 打電話0黎, 佢問我識唔識得人電腦好勁,
因為佢要做份 project, 要去 D電腦商場考察, 砌一部電腦需要咩零件、咩牌子、幾銀...
我就介紹0左一樣0係 poly讀0既黃越富佢識,
黃越富以為韓小姐 (audrey姐姐) 係我中六七0既同學,
不過韓小姐 (audrey姐姐) 同佢講, 韓小姐 (audrey姐姐) 同我係0係網上識 gei,
之後約出0黎去行七．一遊行, 富仔一定會諗, 冇見我一排,
竟然變到識0係網上識女仔, 富仔一定笑到收唔到,
我問韓小姐知唔知邊個吳靄儀, 佢當0左係何靄琪 (係韓小姐睇哂我個日記而得知的),
我話係大律師公會0個個 ar, 笑死我....
之後到 sogo的 supermarket行一陣,
我請她吃了一個 vanlia puffo, 很好味呢...
總結來說...今餐真的吃得很開心, 我大慨就是有這樣的魅力,
讓原本心情不快的人變得開心返吧, 她原本送我那樣的禮物..
是想激勵我俾心機讀書入大學, 沒想到最後被鼓勵的人卻是她...
(改編自韓小姐日記 - 《麗的呼聲》http://diary.showhappy.net/?id=101799)
記得之前郭倩儀去 camp, 夜晚因為悶就用手提打0黎搵我吹水,
仲傾0左個幾鐘, 佢話同我吹水真係開心,
孔子話：「剛毅木納, 近仁」, 看來我除了「不義」之外,
仲係「不仁」, 我係「不仁不義」之徒！
>>November 17, 2004 at 3:42:25 AM GMT+8
2004 年 10 月 12 日 星期二 【微冷】
每日一 gag：我問阿媽, 警隊中0既儀仗隊係咪淨係負責吹0野,
唔洗行必、查案 ga？阿媽話唔知 wo...
之後阿麻聽到就問阿媽：你家姐老公當差 ga mei？
阿媽話唔係 ar, 幾時講過佢係當差..
阿麻就話：咁又話「姨丈」隊 gei？
我突然醒起有句0野, 唔多記得點解...
記得以前陳強成日學江口洋介講：「每個人心中都有條水壩！」
好好笑, 不過唔記得句0野點解...
知唔知阿郭 (samson) 同區煒輝有咩共通點？
唔係兩個都鍾意搞 gags(阿郭搞0個 D係爛 gags, 區煒輝係真係好笑...),
而係..讀文科0既區煒輝, 0係會考 maths係拎 B..
我地0既「數神」阿郭 (samson), 會考 maths都係拎 B！
(我唔排除區生0係度搞 gags...)
無錯阿郭 (samson) A-maths都係拎 B, 區生無得比,
不過依家阿郭 (samson) 搵唔番中學時不停計數的感覺, 點解..？因為..
講多D野比你聽丫, 從前有個男仔, 有一日佢 interview,
有個女仔0係個男仔學校問0左佢一條問題,
個男仔覺得呢條問題係全世界最易0既問題, 第二日, 佢諗番個問題,
佢唔信就係0係學校成日做0個本 pure math書度出0既...
於是, 佢再去計一次...
個男仔打開本 pure math書, 發覺今日0既數好難計,
佢同自己講, 冇理由0既, 尋日0個條數一定係第二本書度出0既,
亦都有可能係個女仔自己諗出0黎0既, 佢甚至好僧0係學校裡計緊數0既人...
而由0個日開始, 佢就堅持每日都要計數, 同時, 亦都好迷失,
究竟所有0既數、中化、UE、phy, 其實都係一樣難度丫？
定還是係每條數0既難度都唔係一樣呢？
終於, 個男仔計云晒所有 pure math書0既數, 都計唔番最初0個條數咁易,
仲越計越難計添, 冇晒 mood之後, 佢忽然醒起, 有數計數, 有波踢波,
唔一定同人爭計數, 就算唔計數都可以打波,
仲可以揀踢足球丫、打籃球丫，再唔係, 篤 snooker都得0既...
呢個故事教訓我地, interview緊0既時候, 數唔止係一條數,
但係係平時0既時候, 數只係一條數, 可以計可以唔計,
當然, 數並唔可以亂計, 唔好以為, 計數唔會上癮呀....
0係聖記讀過0既人都知道一個事實,
就係何韻詩0黎過我地學校唱歌之後, 佢就紅0左！
佢0係我地0既歌唱比賽唱0左《光榮之家》同《小丸子的心事》,
之後佢就紅0左, 係真 gei...
(好似係中四0個年, 仲係同緊何靄琪、吳汝渟、小禮、李家耀等胡混度日..)
有晚聽《一切從音樂開始》, 播0左隻陳潔儀0既《心痛》,
記得中六0個年歌唱比賽, A班0既 marasell唱0既, 真係正到爆！
雖然可能係隻歌本身正0既關係, 但係 marasell真係唱得好,
不過最後只得亞軍, 輸0左俾我地班0既何家蕊,
無記錯係何家蕊壓軸出場, 清唱一曲《Lover's Concerto》,
奪得全場冠軍, 最大功勞係邊個？係依家身在北京大學0既 kevin,
點解？比賽之前有突發性事件, 就係何家蕊喊, 仲要姚 sir安慰 tim,
本來打算退出比賽, 不過 kevin叫我陪佢落百佳買「川貝枇杷膏」,
之後何家蕊飲0左一啖, 就拎冠軍0勒, 郭駿仁0係唱《遊樂場》之前,
向全場人講0左一段說話, 大約係話呢首歌係送俾某人,
雖然係老套0左 D, 不過好正, 有機會我都想試0下, 學阿郭 (samson) 話齋...
「冷靜熱切之間, 我是否會做錯, 不管了, 不想錯過, 儘管一試, 錯又如何？」
長大後可能發覺自己唔係因為做過 D咩0野而後悔,
而係冇做過 D咩0野而後悔, 做0左而後悔, 總好過不做而後悔...
講番 sing con, 之後 X'mas party我地成班要求何家蕊再表現冠軍歌曲一次,
我覺得贏係贏在佢係清唱, 佢仲 send過佢自己自娛而錄0既其他歌俾我, 有好多首...
之後 X'mas party郭駿仁播0左隻《孤兒仔》, 我地跟住唱, 好正..
很喜歡這樣的感覺...很喜歡一大班人柴娃娃一齊玩的感覺...
近排狂聽 F.I.R飛兒樂團0既歌, 正到爆！首《Lydia》真係好正,
膾炙人口程度同林一峰首《the best is yet to come》有得揮,
成隻碟 D歌都好正, 好聽到有衝動想買佢地隻碟, 考慮中...
本來想 download阿郭 (samson) 講鄧健泓0個首新歌,
不過唔記得叫咩名, 所以 search鄧健泓 la,
之後見到阿郭 (samson) 隻飲歌《一個鐘之後》,
咁順便 download 0黎聽番, 點知聽聽0下好似有 D唔對路,
同以前0個首唔同0左 gei..！？
原來我 download錯 0左, 不過呢首仲0岩感覺, 好「到」...
《一個鐘之前 - 鄧健泓》
看著分針轉呀轉 時間令彼此都這樣遠
說再見才明白到 最幸福的都最短
曾經我和你 就坐在對面一間餅店
咖啡苦和甜 回憶中蛻變 還留甜蜜到唇邊
我在期待 如你尚存在 或有天餐廳中剛巧相見 分享半張餐檯
掛念無害 別惹來感慨 你我彼此間得丁點小火花都是愛
還總算完美 在道別那日新裝很美
從此失去你 臨走擁抱你 仍然能為我打氣
我在期待 如你尚存在 或有天餐廳中剛巧相見 分享半張餐檯
掛念無害 別惹來感慨 那怕彼此間多麼短都感激一夕愛
我在期待 如你尚存在 共我至少一起呼吸空氣 都總算分不開
五十年後 沒法談戀愛 有過的東西捉不緊都總可一直愛
曾經邂逅你 時光裡遊戲
過去只得半秒 能終生記起 得你
「你加油呀！我知你壓力大過我 ga！努力呀！」
(因為呢句說話, 我辭去0左我份又高薪又唔駛點做0野,
吹兩嘴就得0既補習..用所有時間0黎溫書..很低 B的說..)
>>October 13, 2004 at 7:43:21 AM GMT+8
2004 年 10 月 6 日 星期三 【微冷】
每日一 gag：星球大戰, 猜兩種生果..
(提示：一種係黃色, 一種係銀色, 食字....)
近期再睇番呢套動畫, 依然係咁好睇,
原來無記首播係0係 1990年, 當時好似係小一,
重播係 1997年, 中一二度, 依家睇番, 依然係咁有味道...
有 D劇情好難忘, 例如0係宇宙界, 海火子為0左救麗麗公主,
強忍高壓電流, 拉開鐵欄杆, 0係宇宙界列車冇電話,
美子用信鴿叫戰神丸, 不過火車太快, 戰神丸望住武一郎0係眼前走0左....
0係第四星界飛雲跳入黑暗空間救龍神丸,
0係聖天界, 美子回到創界山, 見到無哂人, 同個稻草人玩, 之後喊,
有個姐姐問佢做咩喊, 到0左最後都冇講佢係邊個,
不過就映住佢心口掛住半個「幻」字0既頸鍊,
個「幻」字頸鍊係美子同佢父親幻龍齋召喚幻神丸0既道具,
就好似飛雲將劍舉起召喚龍神丸, 武一郎打電話召喚戰神丸一樣,
交代0左個姐姐就係未來美子, 我覺得呢度交代得好好....
0係第六星界翔龍子為0左保護邪虎丸, 變番做虎王,
同樣0係第六星界, 曼丹尼為救虎王被第六星界波士殺0左,
尾二0個集飛雲救番變0左魔界中人0既武一郎, 戰神丸出現, 戰神丸仲流淚 tim...
以為打贏0左最大大佬多雲達, 點知0係魔神 1 0既最大大佬惡魔首領再度出現...
飛雲、虎王、海火子三人一齊用光龍劍、雷龍劍同神龍劍打贏惡魔首領,
之後返回創界山, 飛雲與虎王道別, 虎王要變番翔龍子, 飛雲同虎王講,
如果變番翔龍子之後仲記得之前發生過0既事, 就點頭, 只要點一0下頭就夠,
虎王冇應承佢, 只係話：「保重 la, 飛雲....」, 變番翔龍子後, 佢冇表示, 飛雲有 D失望,
之後飛雲同武一郎道別, 武一郎話：「唔好忘記將在下從魔界救出的決心！」
最後, 天下無不散之筵席, 當飛雲打算騎龍神丸番現生界時,
翔龍子叫住飛雲, 之後點一0下頭, 呢度我覺得好正！
返回現生界, 同龍神丸道別, 龍神丸話：
「唔好忘記俾我力量0既係你0既勇氣, 要堅強地活下去....」
當龍神丸消失後, 飛雲對住個湖輕聲講：「sa yo na ra..龍神丸...」
之後飛雲背向湖深呼吸一啖氣, 播番魔神英雄傳 1 0既 opening《step》,
在彩虹的另一邊...再見呢....
我終於知點解阿郭 (samson) 唔肯俾我地見佢阿妹 la...
除0左阿展見過之後, 都冇乜邊個見過...
我同郭倩儀講, 話阿郭 (samson) 打電話俾貓貓,
本來佢好震驚, 之後我話係叫貓貓幫佢湊佢個妹番學,
因為佢個妹入0左貓貓間聖心商科, 仲同一班 tim, 點知死人郭倩儀以為我吹水 wo！！
搞慣笑0既人認真講0野係冇人信, 好慘....
之後佢仲問我, 乜阿郭有個妹 ga mei？唔係得個家姐咋咩？
我當時唔為意, 話得佢兩兄妹之 ma, 何來有個家姐 ar？
跟住幾日後郭倩儀又打0黎, 佢話佢0岩0岩搭巴士見到貓貓,
佢問貓貓, 阿郭 (samson) 係咪打電話搵佢, 死人郭倩儀依家先信,
最好笑係, 貓貓問阿郭 (samson) 個妹屋企有幾多人, 郭妹話有四個,
之後貓貓就有 D疑惑, 乜唔係五個咩？郭妹話得老豆老母, 阿哥同自己,
何來五個？貓貓問佢唔係有個家姐 ga mei？hahahahaha...
原來一直以來, 所有人都誤會0左郭妹係阿郭 (samson) 個家姐,
一傳十, 十傳百, 以訛傳訛....不過郭倩儀話貓貓同郭妹好 friend,
貓貓仲話郭妹好錫佢阿哥, 唔知阿郭 (samson) 係咪身在福中不知福呢？
我估唔到0係私校重讀中七, 竟然有旅行！！
上年0係聖記讀中七都冇, 今年 repeat竟然有, 唔好玩 la...
當我正打算唔去之際, 班主任話：「你地拎起支筆, 填0左唔去0個格,
之後代你地老豆老母簽名, 我就會0係你地0既推薦信度寫『非禮女同學』,
有咁衰寫到咁衰, 所以一定要去！你地拎張紙寫低你地做過 D咩 post,
咩 head prefect、學生會會長, 上年聖歌都有二百幾人係, 總之你地寫咩我就寫咩...」
中化今日講五倫最後一倫 - 朋友,
朋友分四類：點頭朋友、酒肉朋友、知己朋友、
同埋「士為知己者死」0既朋友, 阿 sir話即係鄭伊健同山雞0個 D,
顧名思義, 點頭朋友係見面 say hi, 再見 say bye 0個隻,
酒肉朋友係一大班人柴娃娃 happy狂歡0個隻,
知己朋友就係為你分憂, 傾心事0個隻,
班主任話佢做0左四十幾年人, 點頭朋友同酒肉朋友多不勝數,
相識滿天下, 知己朋友就真係冇乜....
我諗諗真係 wo, 男仔係冇咩知己朋友, 酒肉朋友就真係數都數唔哂,
而女仔就真係易搵到知己, 點解呢？阿 sir話, 男子氣慨萬千,
話一就一, 話二就二, 同埋男人0既自尊心強好多, 共歡樂冇問題,
「人生得意須盡歡」, 不過有咩心事都係自己解決, 唔想打搞人地,
女人唔同 la, 婆婆媽媽, 一蚊兩蚊都計餐死, 有 D事一句說話可以講哂,
D女人就可以傾成日, 所以男子係難搵知己 D, 酒肉朋友就有好多,
之後講佢老婆 D 0野...
每日一 gag：星球大戰, 猜兩種生果..
答案：蕉、銀芽
(試0下好快咁讀：「蕉, 銀芽！」
係火箭炮同飛彈 D聲, 四個笑....)
>>October 7, 2004 at 3:26:30 AM GMT+8
2004 年 10 月 3 日 星期日 【微冷】
我開始發覺自己變0左日本人...
愛上一個遲鈍0左0既機械人...
0係四年前0既呢個時候...吳小姐同我一齊《自己發電》...
三年前0既今日, 我成為貓小姐0既《朋友二號》....
中六0個年0既呢個時候, 陳小姐與我《人來人往》..
上年0既今日, 何小姐陪我《劃火柴》..
今年0既呢個時候...余小姐令我《思覺失調》.....
我同阿郭 (samson) 最大0既巧合係咩？
唔係佢 6月 5日, 我 6月 6日生日,
而係我地都俾 D「海」ar, 「旗」ar搞到茶飯不思,
不過我比佢多0左個「亭」....
「靄」, 「愷」, 「凱」, 「琪」, 「淇」, 「婷」, 「渟」.....
諗諗0下原來幾得意, 上面 D單字可以隨意配搭,
又唔會重複0個0下先好0野....
睇完韓小姐 (audrey姐姐) 日記, 想0係佢0個度留言,
不過上限係一千字, 所以0係度打....
本來想用番郭 sir 0既《蝴蝶論》, 同唐 sir 0既《海龜論》,
(有冇人記得呢？咩幫隻蝴蝶剪爛個繭, D海鷗專食海龜蛋....)
不過以下0個個仲好....
每個打擊, 都有它的意義, 人生路上,
挫折常常會沒有預警地從四面八方襲來....
可能是無法抗拒的天災地變, 可能是難以預料的生老病死,
可能是努力工作, 卻懷才不遇, 可能是全心付出, 卻換來情人變心的回報,
可能是用功苦讀, 卻進不了理想的學校, 可能是辛苦創業, 卻落得血本無歸的下場....
面對各種不同的挫折, 每個人的「容忍能力」都不同....
有的人受不了被拒絕...
一個高學歷的朋友, 從拒絕接受他感情的女生住處跳樓自殺,
留下無限的遺憾與惋惜...
「他條件那麼好, 還怕找不到更漂亮的女朋友嗎？」
「沒想到他長的那麼帥, 還會殉情！」
「何苦如此專情？天涯何處無芳草！」
大部份的親友們都以為他是個死心眼的癡情奇男子,
其實了解內情的人都曉得, 從小到大, 他不知道拋棄了多少個女朋友,
讓多少人為他傷心難過, 卻受不了被人拋棄一次....
有的人受不了被誤解....
到國外留學多年的朋友, 提起出國一段不甚愉快的職場往事, 仍然氣憤難耐....
當年因上班的地點, 位於寸土寸金的商業精華區,
幾乎每天都為了找停車位而遲到,
直屬上司希望他能準時上班, 便建議他把車子停在公司的停車位....
由於職位低、年資淺, 朋友心想,「公司的停車位哪輪得到我來停呢？」
為求慎重起見, 他再三詢問上司,「不會有問題嗎？真的可以停嗎？」
上司拍著胸脯保證,「絕對沒有問題, 可以停啦！」
不料第一天把車子停在公司的停車位, 就出事了....
上班後不久, 上司突然叫他,「你的電話...」,
拿起話筒, 劈頭就被一個陌生女子罵了一頓,
「我是公司的副經理, 立刻把你的車子開走,
誰叫你把車停在我的位子上, 害我上班遲到！」
被對方罵得莫名其妙, 上司卻一點表示也沒有,
朋友立即提出請辭, 不管公司怎麼留都沒有用.....
有的人受不了被挑出錯誤....
我認識一個辦事能力很強朋友, 他什麼都好, 就是受不了被挑出錯誤,
只要有人當眾指出他「哪裡做錯了」, 便辭職不幹,
很多面試他的主管起初都想不通, 以他的學歷, 早就該升官了,
為什麼一直在原地打轉？等他提出請辭才恍然大悟, 原來他受不了被挑出錯誤....
有的人受不了一點不完美....
好友的女兒生日, 特地邀請幾個漂亮的阿姨去為小朋友慶生...
切蛋糕時, 有個小客人拿到的蛋糕缺了一角,
他馬上把蛋糕推開,「我不要吃破一個洞的蛋糕！」
「只缺一小角啊, 蛋糕還是很好吃喔！」任憑阿姨們說破嘴, 他就是不接受,
這塊缺了一角的蛋糕, 最後只好換一塊「完美無缺」的蛋糕給他....
看他為了一點缺角而拒吃蛋糕的表情, 我很替他的未來擔心,
是否每次都能如願換到一塊完美無缺的蛋糕呢？
想想自己, 受得了挫折嗎？受得了被拒絕嗎？
受得了被誤解嗎？受得了被挑出錯誤嗎？受得了失敗的打擊嗎？
受得了期待落空嗎？受得了不完美的存在嗎？
「挫折容忍度」, 說簡單些, 即是「一個人承受打擊的能力」,
承受打擊的能力越強, 自然學到的經驗越多, 累積的成功及本錢也越多,
承受打擊的能力越弱, 自然會想辦法躲避挫折, 同時喪失自我磨練的機會...
挫折, 是年輕人最好的禮物...
記得曾看過一篇文章, 作者提到....
他剛從軍中退伍時, 只有高中學歷, 無一技之長,
只好到一家印刷廠, 擔任「送貨員」....
一天, 這年輕人將一整車四、五十箱的書, 送到某大學的七樓辦公室,
當他先把兩三箱的書搬到電梯口等候時, 一位五十多歲的警衛走過來說...
「這電梯是給教授、老師搭乘的, 其他人一律都不准搭, 你必須走樓梯！」
「我不是學生, 我是要送一整車的書到七樓辦公室, 這是你們學校訂的書啊！」
可是警衛一臉無情的說,「不行就是不行, 你不是教授, 不是老師, 不准搭電梯！」
兩人在電梯口吵了半天, 但警衛依然不予放行, 年輕人心想, 這一車的書,
要搬完, 至少要來回走七層樓梯二十多趟, 會死人的！
後來, 年輕人無法忍受這「無理的刁難」, 就心一橫,
把四、五十箱書搬放在大廳角落, 不顧一切的走人....
年輕人向印刷廠老闆解釋事情始末, 獲得諒解, 但也向老闆辭職,
並且立刻到書局買整套高中教材和參考書, 含淚發誓....
我一定要奮發圖強, 考上大學, 我絕不再讓別人「瞧不起」！
這年輕人在聯考前半年, 天天閉門苦讀十四個小時,
因為他知道, 他的時間不多了, 他已無退路可走, 每當他偷懶、懈怠時,
腦中就想起「警衛不准他搭電梯」, 被羞辱、歧視的一幕,
也就打起精神、加倍努力用功....
後來, 這年輕人終於考上某大學醫學院....
如今, 二十多年過去了, 他也變成一家開業診所的中年醫生,
然而, 他靜心一想, 當時要不是「警衛無理刁難和歧視」,
他怎能從屈辱中擦乾眼淚、勇敢站起來？
而那位被他痛恨的警衛, 不也是他一生中的恩人嗎？
蔣經國曾說：「失意時需要忍, 得意時需要淡....」
的確, 人, 都有失意, 不順景的時候,
然而, 我更相信,「挫折, 是年輕人最好的禮物....」
人只有在遭遇挫折, 被他人百般刁難、岐視、嘲諷時, 才能「打醒自己」,
讓自己被「當頭棒喝」而驚醒過來, 這豈不是一生中最珍貴的禮物？
因此....
如果現在的挫折, 能帶給你未來的幸福, 請忍受它....
如果現在的快樂, 會帶給你未來的不幸, 請拋棄它....
「生命中的每個挫折、每個傷痛、每個打擊, 都有它的意義....」
別以為我只懂笑, 每天快樂得像隻小鳥, 只是你聽不到心裏流淚的聲音,
只是你看不見我心裏的裂痕, 習慣了哀傷不讓人見...
心痛了、心碎了、也要撐下去！
受傷後要靠自己站起來, 跌痛了, 貼塊膠布再一個微笑！
拍拍身上灰塵、抹抹臉上淚痕, 笑著說：「我不害怕, 我勇氣可加...」
終有一天, 站起來傲視一切, 笑, 笑傷害我的人的愚昧....
>>October 3, 2004 at 5:29:02 AM GMT+8
2004 年 10 月 1 日 星期五 【微雨】
「如果得 gei, 就聽日打電話俾你...
如果唔得 gei, 聽日就唔打俾你..」
《金枝慾孽》中, 鄧萃雯講0左句印象好深刻0既說話..
「天下間所有0既憾事, 往往離不開去慨嘆『如果』呢兩個字..」
我都好驚..不過..
「做0左而後悔, 總好過不做而後悔..」
依家我學曉0左..有 D 0野自己控制唔到0既,
就無須擔心, 因為擔心都冇用...就留俾個天作安排吧..
如果係命中注定0既, 上天自有安排...
我們去愛一個人時, 喜歡先去確定他是不是愛我,
若他不愛我, 我就不要愛他...但是對方也會有如此想法,
因此兩人只好空等著美好的日子平白溜過....
所以, 遇到自己真的愛的人, 就放膽去追吧！
不須理會對方是不是愛自己, 因為..上天自有安排, 無須擔心...
「我們在媽媽的肚子裡時, 要轉270度後, 才可以出世,
原來..我們的一生, 一開始就注定要兜兜轉轉...」
>>October 2, 2004 at 6:40:37 PM GMT+8
2004 年 9 月 28 日 星期二 【晴】
今晚羅馬對皇家馬德里, 水兵鬥海軍...
皇家馬德里頭兩場冇森美爾都贏波,
之後森美爾一復出就輸波, 佢仲被紅牌趕出場 tim..
之後冇佢皇家馬德里就贏 1:0, 佢一復出呢, 又輸番...
今晚倒戈相向, 不過羅馬仲慘, 卡斯辛奴唔跟操,
歐冠球迷掟球證掟到流血, 被判輸 0:3,
下兩場要閉門作賽, 聯賽五場得四分, 禾拉辭職...
真係同人唔同命, 有森美爾在陣0既皇馬都會輸波,
0岩0岩過擋曼聯0既朗尼, 一復出就大演帽子戲法,
協助曼聯0係歐冠盃以 6:2贏波, 十八歲0既朗尼..太強了！
講番皇馬同羅馬, 羅馬先入兩球, 之後俾 raul一球妙到毫巔0既笠射,
figo一球招牌「疾步」十二碼, 之後 figo禁區外似傳非傳, 似射非射,
raul搶點剷入, 再加卡路士一球靚到絕0既笠射 (其實我覺得佢係跣腳..^^),
連入四球反勝羅馬, 上場對畢爾包雖然輸 1:2, 但係 raul 0既邊走邊射,
加埋今場梅開二度, raul返0黎 la、figo返0黎 la、卡路士返0黎 la、
加埋之前兩次憑罰球助皇馬贏 1:0 0既 beckham、同埋兩大球王施丹、朗拿度,
(係咪吹噓得有點過份呢？自己又唔係皇馬 fans...)
皇馬會唔會止跌回升呢？不過我覺得個十二碼有 D問題,
球證吹雞後, raul都手口並用露出一個奇怪表情：「我！？？」
之後先知原來係吹罰羅馬, 其實我覺得未嚴重至吹罰十二碼姐...
球證有偏幫皇馬之嫌....其實羅馬最大問題唔係走0左森美爾, 係卡比路！
我諗劉備一定心諗：「我自己用羅馬玩 winning都唔會咁 la！
禾拉走0左, 我做羅馬領隊 law！」
今日 phy教到 damping, 我即刻諗起 Queen of damping何家蕊...
(溫敬良一定記得點解叫何家蕊做 Queen of damping..好好笑..)
不過我記得除0左0係 quiz度出0左一次咁大把之外,
0係咁多次0既 test同 exam, 甚至 04 AL公開試,
都冇再出過 damping, Queen of damping無用武之地....
今日係中秋節...講真, 我都幾討厭中秋節,
個人比較喜歡聖誕節同農曆新年,
一來係冬天, 我真係好鍾意冬天,
二來我鍾意聖誕節夜晚0個種溫馨0既氣氛,
同農曆新年熱熱鬧鬧0個種氣氛...
但係中秋節..每年一到中秋節都會諗起呢首詞...
《水調歌頭 - 蘇東坡》
明月幾時有？把酒問青天...不知天上宮闕, 今夕是何年？
我欲乘風歸去, 又恐瓊樓玉宇, 高處不勝寒...
起舞弄清影, 何似在人間？轉朱閣, 低綺戶, 照無眠...
不應有恨, 何事長向別時圓？
人有悲歡離合, 月有陰晴圓缺, 此事古難全...
但願人長久, 千里共嬋娟...
蘇東坡0係幾百年前作0既呢首詞, 到0左依家都冇變過,
「人有悲歡離合, 月有陰晴圓缺, 此事古難全...」
人的一生, 就是由不同的離離合合串連而成,
由不相識到相識, 再由相識變熟, 之後就是別離,
天下無不散之筵席, 同月亮一樣, 有陰晴圓缺, 自古以來都是不變的定律...
記得八九歲時, 每逢中秋節都同小郭駿仁去香港仔海濱玩蠟燭, 燒螞蟻,
年年都玩到唔捨得走, 又要等多年先可以再玩過,
問人借火、燒螞蟻、燒螢光棒, 仲要係用 D煙焗 D螞蟻出0黎,
之後用蠟凝固住佢, 好好玩 ga...
人大了, 就失去了很多樂趣, 以前小小事就可以玩得好開心,
依家多0野煩0左, 多0野顧慮0左, 多0野揹0左...
好難先可以滿足到自己, 好難先可以真正開心...
如果我們可以先大個, 後細個就好了...
我覺得郭駿仁同阿郭 (samson) 0既價值觀有 D極端...
郭駿仁話佢最大0既理想係搵到一段真愛,
其實我覺得「大丈夫何患無妻」, 女人就話越大越驚嫁唔出姐,
男人過0左三十先至係高峰期...
記得阿郭 (samson) 同我講過, 佢話冇伴侶未必一定寂寞..
其實一大班人柴娃娃咁玩當然唔覺寂寞,
但係當散去時, 見到每個人都有伴侶一雙一對咁走時,
自己卻只得孤寧寧一個, 寂寞更見寂寞...
《假如讓我說下去 - 楊千嬅》
任我想 我最多想一覺睡去 期待你 也至少勸我別勞累
但我把 談情的氣力轉贈誰 跟你電話之中講再會 再會誰
暴雨天 我至少想講掛念你 然後你 你最多會笑著迴避
避到底 明明不筋竭都力疲 就當我還未放鬆自己
我想哭 你可不可以暫時別要誰 陪著我 像最初相識我當時未怕累
但如果 但如果說下去 或者 傻得我 彼此怎能愛下去
暴雨中 我到底怎麼要害怕 難道你 無颱風會決定留下
但我想 如樓底這夜倒下來 就算臨別亦有通電話
我想哭 你可不可以暫時別要誰 忘掉愛 尚有多少工作失眠亦有罪
但如果 但如果怨下去 或者 傻得我 通宵找誰接下去
離開 不應再打搞愛人 對不對
記得羅少怡經常都會同我講...「cheer up！」
其實我地可以活得更開心, 唔需要日日都好開心,
只需要覺得今天活得比昨天快樂少少, 只要少少就夠...
從今以後, 每一天起床後就同自己講：
「我今日要活得比尋日快樂, 唔駛好快樂, 只要快樂少少就夠...」
「重讀生係冇新年、冇聖誕、冇中秋 gei..」
呢句係成瀨川奈留同浦島景太郎講 gei...
所以今年都依然係一個人留番0係屋企過中秋,
um...不過今年中秋節..有 D開心...
應該係話, 呢三個月0黎都未試過...^^
雖然只有短短0既幾十分鐘...
「你加油呀！我知你壓力大過我 ga！努力呀！」
>>October 2, 2004 at 3:41:47 AM GMT+8
2004 年 9 月 24 日 星期五 【微雨】
前晚0係百佳買0野, 忽然聽到一把熟悉0既聲音,
我不期然望0左佢一眼, 係 Miss Ma！！
佢問個職員百佳收幾多點, 我即刻扮哂0野另轉面,
見到肥婆行過0左, 我先冇咁緊張....
尋晚 Audrey姐姐打電話0黎, 佢問我識唔識得人電腦好勁,
因為佢要做份 project, 要去 D電腦商場考察,
砌一部電腦需要咩零件、咩牌子、幾銀...
咁我問佢, 話佢讀唔知咩 language咋 wo...
關電腦咩事, 佢話佢都唔知, 我諗同我一齊成長0既人都會諗都唔駛諗,
就講出黃越富同 billy個名, 我話介紹哂兩個佢識,
因為兩個都同 Audrey姐姐一樣, 0係 poly讀 (我真係識好多人0係 poly讀..),
一個讀 poly HD civil engin, 一個讀 poly degree global supply chain,
佢話唔好, 因為搵都想搵死一個, 咁佢就叫我形容0下佢兩個,
唔知點解, billy呢七年來俾我0既印象, 由我同佢唔熟變到好熟,
之後佢再離開聖記去0左香工, 我對 billy0既評語都係得一個字 - 「串」！
而黃越富則冇咁「串」, 同埋我同 Audrey姐姐講0左 D關於黃越富0既事跡,
例如溫敬良特登由長洲飛去將軍澳, 搬佢女朋友部電腦去鴨利洲俾黃越富整,
更誇張0既係, 我0係唔同時間, 唔同地點問 billy同黃越富,
唔用 windows咁可以用咩, 佢兩個都異口同聲話梗係用 Lunix la！
黃越富連自己英文名都改0左叫 Lunix tim！！可知佢0既級數去到邊！
所以介紹黃越富俾 Audrey姐姐識係冇介紹錯 gei...
我話黃越富0係我間學校讀0左五年, 之後走0左去恆商讀預科,
Audrey姐姐叫我打去問0下黃越富肯唔肯,
不過 Audrey姐姐又驚我就咁打去會唔會有些少唐突, 我不期然笑0左出0黎,
我話我地男人之間0既友誼同你地女人之間0既友誼好唔同,
唔駛話成日見, 有咩事就搵我 la！
我話上次見黃越富就係睇火星0個次, 0個陣0係旺角撞到黃越富,
佢叫我一齊去赤柱睇火星, 真好笑！之後 Audrey姐姐話：「我等你電話！」
我覺得呢句0野, 任全宇宙所有雄性動物聽到都會有種...
「有個女仔等緊我」、「唔可以辜負個女仔」呢種感覺,
所以有事冇事都好, 都唔好隨便講呢句說話...
之後我打去搵黃越富, 我同黃越富講, 話搵得你梗係關電腦事 la！！
之後講0左俾佢聽咩事, 佢話叫我個朋友打俾佢, 不過夜 D先打,
十二點之後 wo..咁我覆番 Audrey姐姐, 佢問我有冇話俾黃越富聽佢係女仔,
我0個時先醒起原來自己冇講到, 不過 Audrey姐姐0係日記度話,
晚上為了一份 IT功課打俾 J神, 也說不清為什麼偏偏要找他,
總之...就是覺得他會有辦法幫到我, 而事實證明我真的找對人了..^^
haha..我話自己係出名識得人多, 見得人廣,
有好大0既人際關係網, 正所謂在家靠父母, 出外靠朋友...
今日阿媽話林一峰唱歌都幾好聽, 0係勁歌金曲聽到林一峰同何韻詩自彈自唱《遇見》,
我話林一峰好勁 ga！作曲作詞自彈自唱, 仲自資出碟, 係黃耀明幫0下佢,
阿媽話唔多見林一峰 D宣傳, 我話梗係 la！你估英皇咩...
阿媽叫我幫佢買隻林一峰0既碟, 我話佢出過兩隻碟, 阿媽問我邊隻好聽 D,
我話兩隻都咁好聽, 阿媽叫我幫佢揀一隻, 呢次真係考起我....
今日我流0左兩次淚, 第一次係應溫敬良要求, 買0左隻《向左走向右走》番0黎睇..
(唔好話我 out住, 近年來都一直忙得不可開交, 依家買0左 D碟番0黎都冇時間睇,
例如有 kill bill、魔戒3、love actually、連鎖蝶變、just married、大逃殺2...)
溫敬良話咩都唔駛同我講, 話我睇完之後就會明哂, 我睇完後...
果然...咩都唔駛講, 明哂...
「他們彼此深信, 是瞬間迸發的熱情讓他們相遇, 這樣的確定是美麗的, 但變幻無常更為美麗...
他們素未謀面, 所以他們確定彼此並無任何瓜葛, 但是自街道、樓梯、大堂傳來的話語...
他們也許擦肩而過一百萬次了吧...我想問他們是否記得, 在旋轉門面對面那一剎,
或是在人群中喃喃道出的「不好意思」, 或是在電話的另一端道出的「打錯了」...
但是, 我早知道答案...是的, 他們並不記得...他們會很詫異, 原來緣份早已戲弄他們多年...
時機尚未成熟, 變成他們的命運...緣份將他們推近、驅離...
阻擋他們的去路, 忍住笑聲, 然後閃到一旁...」
這首詩是一位波蘭女詩人辛波絲卡(Wislawa Szymborska)作0既,
叫做《Miłość od pierwszego wejrzenia》, 即係「Love at First Sight」, 「一見鍾情」咁解...
「人生總有許多巧合, 兩條平行線也可能會有交會的一天....」
茫茫人海之中, 兩個人的相遇, 是人生路上的偶然, 抑或是命中早已註定的緣份呢？
第二次流淚係睇睇0下《金枝慾孽》, 黎姿整0左 D有毒0既糕點俾林保怡食,
之後有個太監衝入0黎叫佢唔好食糯米, 自己搶0左0黎食,
臨食前林保怡大叫有毒, 唔好食, 之後黎姿問林保怡做咩咁蠢,
明知有毒都仲要食, 話自己係唔會報答佢, 林保怡就話：
「有毒冇毒, 都唔再重要 la, 真係可惜, 我唔可以親嚐你為我整0既糕點...」
「緣份不是這樣子的, 兩人相遇, 彼此喜歡, 這才叫緣份...
如果兩人互不喜歡, 就算遇上幾百萬次, 都不算緣份...
如果一個喜歡, 一個不喜歡, 喜歡的死纏不放, 不喜歡的嚇得想走,
那更不是緣份, 是痛苦...」
0係戲中, 梁詠琪話佢, 近來成日都係咁, 行行0下街會突然停低0係街0個度,
等一個鐘, 兩個鐘, 睇0下金城武會唔會經過, 有一次, gigi覺得會0係捷運站撞到金城武,
就走去搭捷運, 淡水線、木柵線、南勢角線, 由朝坐到晚, 來來回回咁,
直到閂門俾人趕為止, 或者好似首詩咁講, 時機尚未成熟姐,
到0左時機成熟, 我地一定會再相遇....
我地以前都失散過 la, 十三年冇見, 咪又係見得番,
我知道十三年時間好長, 但係如果十三年之後見得番都好鴉...
如果十三年之後見唔番, 咁再過多十三年之後見得番都好鴉, 最緊要係見得番姐...
金城武話佢最近傻傻地, 覺得過0左對面馬路會撞見 gigi, 於是就走過馬路,
又覺得返轉頭會遇到 gigi, 於是又返轉頭, 自己行0左去邊都唔知....
曾經有一次, 金城武突然覺得 gigi會去書局, 就乜都唔做專登去等,
一坐就坐0左兩個通宵....
「人生總有許多意外, 握在手裡的風箏也會突然斷了線....」
0係十三年前, 金城武同梁詠琪曾經0係劍湖相遇, 金城武一直暗戀緊 gigi,
不過一直都唔敢去識 gigi, 唔敢同 gigi講一句0野,
之後 gigi將 D稿整跌哂落湖, 狼狽不堪之際, 金城武衝落水幫 gigi執番 D稿,
不過始終都冇同 gigi講過一句0野, 就算一齊搭火車都好, 佢地都係一句0野都冇講過....
到0左金城武要落車, gigi突然起身叫金城武寫個電話俾佢, 金城武寫0左之後就落車 la..
不過佢等0左好耐好耐, gigi都冇打番俾佢, 連人家個名都唔知, 印象亦都漸漸模糊...
原來 gigi落火車後, 先發覺原來自己將個書包留0左0係火車度....
十三年後, 佢地彼此張電話寫0左0係紙度, 之後交換,
最好笑0既係包租公同包租婆交換電話, 係對方講出0黎之後 save落部手機度,
我記得邂逅妳當天, 夜晚六點幾0係旺角一條熙來攘往0既街道上,
妳0係袋度拎張紙同筆出0黎, 話妳自己叫咩名, 問我幾號電話同叫咩名,
我問妳：「乜妳冇手提電話咩？」妳話妳0岩0岩買0左部電話, 未整好...
我問妳係咪去地鐵站, 妳話係, 我話不如落到月台先 la, 0係街度好多人,
妳話唔怕 la！咁我就0係旺角一條人來人往0既街道上, 講0左個電話同名妳聽,
妳仲問我個名點串 tim！個名都 ok common 0下, 妳真係好可愛....
之後落到月台, 妳話妳住黃大仙, 見到有地鐵到站, 妳望0下我, 之後再望0下架地鐵,
跟住同我講：「都係傾多陣偈先 la！」跟住我地就坐0係月台 D櫈度傾0左成個幾鐘偈,
我0係0個時用張廿蚊紙摺0左件衫俾妳, 妳就話聽日 AL考英文前打俾我支持我,
結果我等0左成日都收唔到妳電話, 懷疑自己會唔會講錯個電話號碼,
第二日考英文 listening前就聽到電話響, 妳問我記唔記得前日0個個女仔,
我當時真係好想答妳：「我梗係記得 la！」
我0係收到妳電話之前真係好驚, 因為我冇問妳拎電話,
如果妳唔打俾我, 我真係冇辦法可以搵番妳, 依家我搵唔番妳, 妳亦都冇搵我...
可能同戲中一樣, 張寫低0左電話0既紙因為落雨而化哂....
或者妳又同戲中一樣, 漏低0左個袋, 唔見0左部手機, 唔見0左我電話, 收唔到我個 SMS...
呢個世界有太多如果, 太多可能, 太多或者了...
「感激車站裡, 尚有月台能讓我們滿足到落淚....」
我有衝動好似金城武同梁詠琪咁, 行行0下街會突然停低0係街0個度,
等一個鐘, 兩個鐘, 睇0下妳會唔會經過, 覺得會0係地鐵站撞到妳,
就走去搭地鐵, 荃灣線、柴灣線、港島線, 由朝坐到晚, 來來回回咁,
直到閂門俾人趕為止, 覺得過0左對面馬路會撞見妳, 於是就走過馬路,
又覺得返轉頭會遇到妳, 於是又返轉頭, 自己行0左去邊都唔知....
突然覺得妳會去書局, 就乜都唔做專登去等, 一坐就坐0左兩個通宵....
《十面埋伏 - 陳奕迅》
聞說你時常在下午 來這裡寄信件 逢禮拜留連藝術展 還是未間斷
何以我來回巡邏 偏仍然和你擦肩 還仍然在各自宇宙 錯過了春天
只差一點點即可以再會面 可惜偏偏剛剛擦過 十面埋伏過 孤單感更赤裸
總差一點點先可以再會面 彷彿應該一早見過 但直行直過 只差一個眼波 將彼此錯過
遲兩秒搭上地下鐵 能與你碰上麼 如提前十步入電梯 誰又被錯過
和某某從來未預約 為何能見更多 全城來撞你 但最後處處有險阻
只差一點點即可以再會面 可惜偏偏剛剛擦過 十面埋伏過 孤單感更赤裸
總差一點點先可以再會面 彷彿應該一早見過 但直行直過 只等一個眼波
軌跡改變角度交錯 寂寞城市又再探戈 天空閃過燦爛花火 和你不再為愛奔波
分開一千天 天天盼再會面 只怕使你先找到我 但直行直過
天都幫你去躲 躲開不見我
九十多分鐘很快便過去, 美麗的愛情故事, 是否存在於這個現實世界之中呢？
很喜歡男女主角在電影接近完結時, 坐在大街上向天許願盼望能再見對方的那一幕,
雖然幾米原著中並沒有這一個形容, 但這卻又真實的反映著我們平常的期望...
天意弄人, 多少時候我們盼望著上天給予我們一次的機會, 但多少時候祂又是閉口不言...
迷宮般的城市, 總有種莫名的寂寞, 你永遠不知道, 你會錯過什麼...
各種關於追尋的巧合和錯過, 編織著城市叢林裡的憂鬱與柔弱...
就像都市裡大多數人一樣, 一輩子也不會認識, 卻一直生活在一起....
但是, 人生總有許多的巧合, 兩條平行線也可能會有交會的一天...
於是, 有一天, 他們在公園裡的噴水池前相遇了...
他們有如失散多年的戀人, 他們度過了一個快樂又甜蜜的下午...
但是, 人生總有許多意外, 握在手裡的風箏也會突然斷了線...
日子一天又一天地過去, 誰也沒有遇過誰...
走在人群中, 格外思念那段甜蜜卻短促的相逢....
在這個熟悉又陌生的城市裡, 無助地尋找一個陌生又熟悉的身影...
對彼此的記憶, 只剩下一張被雨淋濕的電話號碼...
回憶日漸模糊, 幾乎要懷疑那一個遇到愛情的下午, 根本不曾發生...
「他們彼此深信, 是瞬間迸發的熱情讓他們相遇,
這樣的確定是美麗的, 但變幻無常更為美麗...」
「向左走向右走」, 嘗試改變一下固有的習慣,
或許, 我們便會發現最美的東西原來一早已經存在我們身邊...
靜下來, 看看你的身邊, 他或許就在你的左右...
轉一轉, 留意你的四週, 他其實已在你的背後....
「眾裡尋他千百度, 驀然回首, 那人卻在燈火欄柵處....」
0係呢個咁深情0既時候, 0係我淚如泉湧0既時候(我冇喊, 不過流淚而已...),
我阿媽突然搞0左個阿郭 (samson) 先會搞0既 gag...
阿媽問我：「鴉你估兩條平行線可唔可能真係能夠相交呢？」
我話得, 0係無限遠咪得 law！之後佢話係平行線 wo, 邊得 ga..
我叫佢唔好問我 la, 問 D數學佬 la, 我冇讀數 ga！
阿媽依然冥頑不靈咁話：「平行線 wo, 係咪咁樣轉圈兜番轉頭 ar？」
我話：「都話係無限遠咯！」阿媽依然話, 平行線點樣平平行0下無端端相交 ar,
唉..雞同鴨講...
我發覺自己越來越眼淺, 可能呢兩年跟得溫敬良多,
佢上 phy同 chem堂, 教緊我 phy都可以喊一餐 gei...
我記得阿郭 (samson) 試過叫佢唔好喊 la, 好搞笑...
「你盼望著的那個人, 原來一直活在你的左右,
在這個熟悉又陌生的城市中, 期待一次擦身而過的感動...」
>>September 27, 2004 at 2:57:00 AM GMT+8
2004 年 9 月 20 日 星期一 【晴】
俾個真人真事0既「謎」大家估,
我0係係黃偉文同謝昭仁主持0既《八十大壽》聽番0黎 gei,
話說個女仔0係八十年代參選港姐落選, 之後0係吧度識0左個男仔, 跟住結婚,
不過幾年後離婚收場, 之後個女仔自己開0左間精品店,
有一日有對情侶0黎睇精品, 個女朋友話好鍾意個銀包,
之後0個幾日都見呢對情侶0黎睇銀包,
跟住有一日, 個男朋友同另一個男仔入0左個女仔間鋪,
當個女仔正想問個男仔係咪想要呢個銀包之際,
個男仔講0左一句說話, 就改變0左個女仔0既一生,
個女仔仲即刻執0左間鋪 tim, 究竟個男仔講0左咩0野,
改變0左個女仔0既一生呢？
睇完今日日記開估, 唔准咁奸即刻拉落去睇！
今日上上0下英文堂同區煒輝吹水,
佢問我溫敬良係咪 D好老實唔識講笑0既人,
溫敬良衰0係科中化手上, 係咪佢唔識吹水...
識得溫敬良0既人一定爆笑 la (我唔排除區煒輝0係度搞 gags...),
我問區煒輝識唔識邊個何家蕊, 佢話唔單止知邊個係何家蕊,
區煒輝仲話知溫敬良同何家蕊傳過0既曖昧關係 tim...
咁我就乘機搵位入區煒輝, 我話咪就好似你同魏貝妮咁 law！
區煒輝就笑笑口, 借題搞0下 gags咁 la...
之後我問區煒輝識唔識邊個王彥婷, 佢猶豫0左一陣,
我話豬豬 wo, 區煒輝即刻知我講緊邊個,
我仲搞0左個 gags,「呢度好多人 wo, 不如拖住手？」,
搞笑鼻祖區煒輝都爆笑....
南華, 人如皇馬！果然, 兩隊波都冇咩料到....
記得劉備係羅馬死硬派, 團長同阿金係 AC米蘭死硬派,
阿郭 (samson) 係貝迪斯同巴西0既死硬派, 阿金就係意大利0既死硬派,
最唔係死硬派0既就只得 dennis, 佢係阿仙奴同荷蘭 fans,
不過講波經時見佢唔多提阿仙奴同荷蘭, 比較理性,
肥波、溫敬良唔知佢地捧邊隊, 唔排除佢地為賭波而睇波,
(馬會未有足智彩之前佢地已經睇波 ga la！)
我初初唔太鍾意 dennis, 因為我自己係英格蘭同曼聯0既死梗派^^...
前晚發0左個夢, 夢見自己去0左尖沙咀間珠寶行返工,
lunch時仲同其他同事一齊0係珠寶行裡面食飯,
不過我搵來搵去都見唔到妳...
即係話, 我夢見妳所講0既0野, 卻夢見唔到妳...好無奈...
妳話妳0係尖沙咀珠寶行返工, 朝九晚七....
妳話份工係妳媽媽介紹妳去, $7000一個月, 有四日假, 係抽籤決定邊日.....
妳話妳掉0左入 office入機, 因為公司要參加珠寶展....
妳話開頭入機好似好得意, 幾好玩, 之後日日加班係咁做重複0既動作好辛苦....
尋日睇新聞話珠寶展開幕, 我諗0左一陣, 係咪妳所講0既珠寶展呢？
如果係, 咁妳會唔會0係0個度呢？我有衝動即刻跑去會展搵妳,
不過我連妳間珠寶行叫咩名我都唔知,
淨係記得妳講過唔係 D周生生、周大福0既大珠寶行,
同埋我記得妳講過, 妳話妳賺埋八月份糧, 九月就同最好0個兩個朋友去韓國旅行...
可能妳已經辭0左職 lu...所以我0係夢中先搵妳唔到...
當然, 係現實中都搵妳唔到....
值得一提0既係, 新聞話有條二百萬0既頸鍊被偷,
之後臨收咪時趙海珠更正, 係二百元0既頸鍊...
記得中五同學張啟智, 當時同黃嘉琳講過一段說話...
我到依家都仲記憶猶新....
「你唔愛我唔緊要, 因為我愛你就夠了...」
「原來太愛一個人...會醉...」
我發覺..我冇同妳影過相..
(係冇機會..冇理由無端端叫人同你合照 ga ma..)
我怕..到0左一日...發現自己開始忘記...
甚至連妳0既樣貌都已經變得印象矇糊...
只係得番輪廓, 連愛妳0既感覺都已經忘記...
發現現實唔可以一齊, 連唯一同最後留住0既0野都失去..
咁先係最痛苦...
http://www.miniforum.org/showpost.fcgi?MGID=1394540&page=1&tempid=2
http://www.miniforum.org/showpost.fcgi?MGID=1394598&page=1&tempid=2
請各位讀者快 D申請番個 miniforum account,
時不時幫我推推上面兩個 post,
我有一排都唔掂部電腦 ga la..(入狀態la..)
因為如果個 post三十日內都冇人回覆0既話,
就會沉低 ga la, 雖未至於 lock post,
不過永遠冇得回覆, 推唔番上0黎....
因為我已經..搵唔番妳 lu...
或者..偶然有一日, 妳路過此地..見到上面0個兩篇文..
發覺似曾相識...原來自己..曾經同一個傻小子..
發生過一段..咁0既事..
而妳睇到0個兩篇文0既機會率有幾多呢？
就同..緣份安排我同妳0係旺角地鐵站邂逅一樣..好少..好少..
我同妳0既相識..都只不過係偶然..
我遇見妳..是最美麗的意外...
《十面埋伏 --- 陳奕迅》
總差一點點先可以再會面, 彷彿應該一早見過,
但直行直過, 只等一個眼波...
軌跡改變角度交錯, 寂寞城市又再探戈,
天空閃過燦爛花火, 和你不再為愛奔波....
《the best is yet to come --- 林一峰》
若你說不再聽情歌, 不想再經歷這漩渦...
假使抱住你拳頭, 到底也沒法牽手...
「冰封三尺, 非一日之寒..
泥足深陷, 非一摔之過...
深深愛你, 非一時之興..」
一次過寫哂附加小故仔第五話同第六話,
第六話係結局篇, 無睇開或者唔記得劇情可以由第一話開始睇,
唔睇附加小故仔可以 skip 0左佢, 我又唔會迫你睇 gei,
不過我覺得個尾收得幾好, 後記都寫得唔錯 (賣花讚花香！？),
請欣賞....
附加小故仔---《彩虹的另一邊 - 第一話》
地球, 太陽系第三惑星, 是太陽系唯一存在生命的星球,
這個藍色的星球美極了, 佔了地球七成面積的海洋,
是孕育生命的搖籃, 它位於宇宙的正中央偏右,
由於地理環境極佳, 成為兵家必爭之地....
公元 3012年, 地球受外星文明侵略,
戰爭雖然慘烈, 不過地球人卻得到一樣從未有過的東西,
就是「團結」, 在人類的歷史中,
自相殘殺、種族仇殺, 是幾千不變的定律,
有些人為了擴張國土, 有些人為了奪回聖地,
有些人為了證明自己的民族是最優秀,
有些人為了確保別人沒有大殺傷力武器...
縱使他們有萬般的原因, 結果卻只是得一個...
其實, 只要我們肯團結一致, 不再有種族之分,
是沒有甚麼敵人能擊敗我們的....
阿臣是成長在這個時代的一名十九歲小伙子,
在抗外星侵略一役中擔起重任, 助地球聯軍抗戰成功,
但他萬萬想不到, 他竟然是地球之皇的獨生子....
在地球回復和平後的一年,
宇宙各星系也相繼來到地球探訪,
今天亦不例外......
在地球的街道上, 人聲鼎沸,
人們正在興奮地等待來自獵戶座第七星雲的麗麗公主....
宇宙船內, 各家臣正在忙著....
「公主......」
「找到公主沒有？」
「激氣！究竟到哪裏去了？」
家臣們正在周圍找尋公主, 終於在一房間內發現她了...
這時她正在看著窗外, 對歡迎他們的民眾揮手哩！
家臣見狀, 立刻緊張地把窗子關上....
「公主是將來要成為女皇的人, 任何事也要小心謹慎呀！」
「但是, 地球不是回復和平了嗎？應該沒有問題吧？」
公主天真地說.....
家臣仍在解釋：「就算已回復和平,
也仍有一些不法之徒躲在某處也說不定呀！」
「還有傳聞的野皇子呀！」家臣補充道...
「野皇子？」公主不解....
「是呀！又粗野且品行惡劣...」
「呀！」公主開始驚慌...
「說話也很粗魯。」
「呀！」
「吊角眼......」
「呀！！」
「火紅色頭髮......」
「呀！！」
「膝蓋上也有傷痕......」
「呀！！！我是不是一定要與這樣的人見面呀？」
公主已嚇得花容失色....
「對不起呀！你一定要見他......」家臣無奈道....
「那真困擾呀！我該怎麼辦呢？」公主迷惘了...
另一方面在地球的宮殿內,
侍女正在追著衣衫不整的阿臣...
「皇子, 在宮殿內不穿上衣的亂跑究竟是什麼意思呀？」
地球之皇突然出現....
「但是, 爸爸.....」我立刻無言以對...
「不是說叫父皇的嗎？」
「沒所謂吧？在平時......」
「不行！身為地球的皇子就要小心言行！」
「唉, 我是不是一定要穿著那種禮服呀？」
我無奈地用起敬語....
「皇子你忘了嗎？兩日後是招待貴賓的典禮呀！」侍女補充...
在我心中, 只覺得些繁文俗節說不出的討厭,
我已受夠了那些什麼「皇子應有的言行立場」,
我走到母后的房間, 母后溫柔地解釋著父皇的苦心,
我聽後便對母后道歉, 並叫她替自己向父皇說對不起....
我離開房間後, 卻暗暗偷笑起來...
正當皇后向皇上說明皇子已在反省時,
她才猛然發覺背上貼著一張紙：
「親愛的父皇、母后, 皇子現在去反省修行之旅,
請絕對不要找我哦！」兩人看後呆立當場....
附加小故仔---《彩虹的另一邊 - 第二話》
這時, 我正在宮殿外的雪地上無拘無束地勁走著....
在遠處卻傳來呼喊聲, 我以為是王宮的追兵,
所以拼命逃跑, 之後才知道是阿薰....
「哈！很久沒見了, 阿臣...」阿薰打著招呼...
「什麼很久沒見, 到處走來走去, 真是悠閒的傢伙...」
「哈哈...現在不是要準備招待宇宙來的貴賓嗎？皇子殿下...」
「激氣！不要叫我什麼皇子殿下！」
「你這樣子父親會擔心的呀！」
「好了！連阿薰也說起教來, 不要說了！」
我說罷氣沖沖地跑開了...
另一方面, 宇宙船正在山腹中休息著...
在百無聊賴的情況下, 麗麗公主決定到街上周圍看看...
街上人頭湧湧, 正好這時我走到附近...
「阿臣？不是阿臣嗎？」公主驚奇地道..
「哈哈！小霞, 一點也沒變嘛！」我興奮道...
「呀？你忘了嗎？我是獵戶座第七星雲的麗麗公主呀！」
「哦！麗麗公主...呀！！什麼！？」
「你記起了嗎？當日宇宙大戰時我流落地球,
你奮不顧身衝入敵陣救了那個啊！」
「呀...那個沒小霞那麼吵, 又比小霞可愛的麗麗公主嗎？」
我驚訝道...
「是呀！多數便是那個麗麗公主了...」公主不解地點頭..
在我們正說得興起時, 卻傳來宇宙船開動的聲音...
麗麗公主看宇宙船開走了, 一臉惘然, 不知所措....
這時在雪地上有一個人騎著匹白馬正向我們奔馳過來...
「哈哈！小霞, 很久不見了！」阿薰開懷大笑...
「不要！哇...」公主受驚大叫...
「怎樣了？是我, 阿薰呀！」阿薰摸不著頭腦...
「呀, 好可怕, 不要過來...阿臣, 救我呀！」公主驚惶失措...
「喂！阿臣, 小霞怎樣了？連我也忘了呀？」阿薰大惑不解...
「呀！是了, 她不認識阿薰...」阿臣恍然大悟...
「阿臣, 這是....」公主也疑惑了...
於是阿臣向阿薰介紹麗麗公主,
公主也知道了阿薰是阿臣的朋友...
這時, 公主又開始擔心離開了宇宙船的事,
她告訴二人她很害怕, 因為聽聞地球是個恐怖的地方,
更有一可怕的皇子...
她一邊形容那皇子, 我愈聽面色愈難看...
而阿薰則在努力不大笑出來...
當阿薰想說出我的身份時, 卻遭到我的反對...
附加小故仔---《彩虹的另一邊 - 第三話》
那邊廂, 當宇宙船降落的一刻, 家臣們才發現不見了公主,
於是他們立刻派出密探去找尋公主....
我們一行三人正在宮殿附近的山上,
麗麗公主在感嘆雪景美麗...
「看呀！阿臣, 多漂亮的景色呀！」公主讚嘆著...
「只是一座小雪山嘛....」
「哇！好可愛, 這是什麼花呀？」
「我對花沒興趣...」
「哇！那邊還有很多呀！」公主笑逐顏開...
「阿臣, 我還是第一次看到開在雪上的花...」
「是嗎？只是些野花, 沒什麼珍貴的...」
「阿臣, 那是什麼？」
「呀？這樣也不懂嗎？」
「這種花可以採摘嗎？哈！那裏還有呀！」
公主奔跑過去...
「喂！你到那裏去呀？那是懸崖呀！」我大叫著...
「呀......」二人一起掉了下去...
我們沒有發覺宇宙船派來的密探正在附近監視著我們的行動,
「阿臣, 請不要發怒吧...」公主道歉道....
「真是什麼也不懂的傢伙！」我氣著道...
「但想不到地球會是這麼好玩的地方,
阿臣你可否帶我到處看看呢？」公主雀躍地要求...
「但公主你還要到皇宮去呀！」阿薰說....
「不要緊, 儀式是在兩日後, 還有時間嘛, 不用擔心....」
在監視的密探已把我們的發現報告家臣們,
而在宇宙聽到麗麗公主失蹤的消息後,
一部宇宙船隨即向著地球飛來....
我們在雪地上玩耍, 麗麗公主希望能去看看我的家,
於是我便帶著公主向著皇宮的反方向走去....
這時, 阿薰卻發現在陰暗處正有什麼東西隱藏著......
在宇宙船裏, 家臣們正在與剛來到營救公主的雲度皇子商討救回公主的事,
雲度皇子下定決心一定要拼命救回公主....
附加小故仔---《彩虹的另一邊 - 第四話》
這是一個下雪之日, 從空中靜靜地飛舞降下的雪花,
彷如銀色之妖精, 發出純白色的光輝....
沿途倆小口子有說有笑, 突然麗麗公主發現了奇怪的東西....
「咦...阿臣, 是什麼掉下來呢？」
「唔....呀！是雪啊！」
「嘩呀！！！」
麗麗公主十分興奮, 並唱起聖誕歌 JINGLE BELL來,
這次輪到阿臣感到奇怪....
「....？麗麗公主, 你說的『聖誕』是什麼？」
「聖誕就是聖誕老人將禮物送給大家的日子啊！」
「聖誕老人？怎麼我沒收過禮物？」
「嗯！聖誕禮物只送給好孩子, 阿渡是這麼說的！」
「好孩子嗎？哈哈哈...那麼我就不是了！
因為每年都給小翔和阿薰很多麻煩喇！」
我看來對自己沒有聖誕禮物一事不太在意....
「呀！對了！就由我來當聖誕老人送禮物給大家吧！」
對於我的提議, 麗麗公主當然是歡呼叫好！
「麗麗公主, 你想要什麼？」
麗麗公主說了一大堆食物, 我也都見怪不怪....
麗麗公主一邊啍著歌, 一邊尋找星星...
「星星在不在呀？星星？星星？
怎麼也看不到呢...星星到底往哪裡去了？」
麗麗公主回想與阿臣一起準備禮物的情景.....
「好了！這樣大致上每人的禮物都齊全了！」
「嗯！雀仔的份、阿渡的份、公公的份、婆婆的份！」
「阿薰的份、小翔的份、那...這最大的是麗麗公主的份！」
「哈哈哈！多謝！」
看來大家的禮物都預備好了, 麗麗公主卻覺得有些不妥,
「咦？還欠一份啊！」
「唔？誰的呢？」
「阿臣的份沒有啊！」
「呀！是啊！自己也完全忘了！」
「阿臣你想要什麼？」
我認真的想了一會.....
「唔...這個嘛...我自己的星、想要自己的宿命之星！」
「想要星星？」
麗麗公主一副摸不著頭腦的樣子...
「知道嗎？麗麗公主, 每個生物在這世上誕生之時,
就會有一顆自己的星, 一個生命有一顆星,
這顆星會照耀並引導這個生命,
當生命結束的同時便會歸於塵土....」
「阿臣！我也曾聽爺爺說過呢！」
「是啊！我想抓住自己的星, 靠自己的想法來改變宿命！」
「嗯....總之阿臣你是想要星星吧？」
「呃？嗯....」
「那麼, 我用最快速度去找出來吧！」
麗麗公主說完便一溜煙地跑出去了....
回想過後, 麗麗公主仍為找不到星星而煩惱,
「看不見星星, 就不能給阿臣禮物了....
要到哪兒去才會有呢？星星？星星？」
麗麗公主獨個兒走著, 忽然有一把聲音叫住她...
「小妹妹！」
「是誰？」
「小妹妹沒收到禮物嗎？」
「呀！聖誕老人！」
原來聖誕老人是我扮的....
「哈哈....阿臣！阿臣！」
「好了, 麗麗公主！你到哪兒去？很擔心你呢！」
「嗯！阿臣, 呃...這個給你！」
「唔？這是什麼？」
「是我送你的聖誕禮物！」
「可以打開來嗎？」
「隨便！」
我把禮物打開來, 看見裏面放著一顆星星....
「呀, 是星星啊！你一直在找這個嗎？」
「嗯...可是找不到, 這個是我用銀色紙造的仿製品....」
「所以你就弄至這樣髒嗎？我的禮物無論怎樣都可以呀！傻瓜！」
「你不要我的禮物嗎？」
「呀！不是不是！不是這樣喇！
呃...謝謝你, 麗麗公主！真是非常高興呢！」
「哈哈哈....是嗎？是嗎？」
我和麗麗公主都高興地笑了！
「那麼, 我們繼續慶祝聖誕吧！」
「嗯！呀！阿臣！雪又降下來呢！」
「真的啊！不快走的話, 就要埋在雪中了！走吧！」
「等一下！」
「唔？」
「阿臣很暖的, 感覺真好呢！再這樣待一會吧！」
「嗯... 一會好了...」
我也就陪著麗麗公主, 在這雪片紛飛的白色之夜....
「謝謝你, 麗麗公主！這是最好的聖誕禮物呢！」
我在心中對麗麗公主說出最衷心的感謝....
這是一個下雪之日, 從空中靜靜地飛舞降下的雪花,
彷如銀色之妖精, 發出純白色的光輝....
附加小故仔---《彩虹的另一邊 - 第五話》
不知不覺, 我們已到了地球的南面, 我出生的村莊...
遠眺去是一望無際的海洋, 耳邊都是波濤拍岸的聲音...
「怎麼樣？我的家？」我自豪地說...
「嘩！！」公主驚歎著眼前的景物....
「海呀！海呀！」說罷跑起來...
「海...我也很久沒見了...」我慨嘆道..
「還是這裏適合我的性格...來吧！阿薰, 一起玩吧！」
我開懷地奔向海邊...
「對不起呀！我還有點事要做...」阿薰道...
「怎麼啦？你時常也是這樣的！前幾日聖誕節又無端端失蹤,
過幾日又悄悄的回來, 現在又要走！？」我有點不滿....
阿薰道別後就騎著白馬走了...
我與麗麗公主在海裏快樂地玩耍, 我更潛入水中,
嚇得公主以為我不見了, 之後我們又乘小艇出海,
到了一個小島, 發現了有東西在閃閃發光, 我走近看看,
竟發現原來是個 Melody Shell！我喜出望外並把貝殼放在耳邊,
不久便有悠揚悅耳的音樂傳出, 麗麗公主十分快樂,
並說會把它當作紀念的寶物...
密探們一直在旁監視著, 忽然一個密探的電話響起來....
「公主在我手上..」阿薰壓起聲線說...
「什麼！？你是誰？」密探大驚...
「哈哈！不信嗎？『密探呀！不要被騙, 海上的是假的呀！』」
阿薰扮著公主的聲音。
「呀！！公主的聲音呀！！」密探齊呼...
「0殊！不要吵, 公主在我手裏..『救命呀！』」他又扮著公主...
「公主！！！」
電話斷線了, 密探們滿頭大汗地追查公主的下落,
當所有密探離去後, 阿薰才在草叢中探出頭來...
夜幕低垂, 我與麗麗公主兩人生火後席地而坐,
「哈！好可愛的家呀！」公主微笑道...
「哈！是呀！雖然比不上皇宮那樣堂煌...」我笑著說...
麗麗公主拿出 Melody Shell, 悅耳的音色立即傾瀉而出,
她抬頭看著星空, 流星剛巧劃過...
「我至今也是活在一個細小的世界裏, 由嬰兒時代已渴望能出外走走,
想不到現在竟然能到外面玩耍, 今日還是初次呢！」公主感嘆....
「是這樣呀？」
「我的將來, 幾十年也預先決定好了, 上學、連婚禮的日子也...」
「婚禮？」
「是呀！就在八年後的生日, 未婚夫也有了...就是雲度皇子...」
「呀！那個天狼星的皇子呀？」我說罷一陣沉默...
「我一直也不用擔心生活...」
「不行呀！這種生存方式, 什麼也由自己決定, 這才有趣0麻！」
「這是因為阿臣你是什麼也做到的人....」
「是呀！我一個人生存也行, 不須借助別的力量,
世界這樣廣闊, 比起海, 比起宇宙, 人類什麼的也很渺小呀...」
「呀！我也想像阿臣你這般生存著....」
「我教你吧！一起自己地生活, 試試看吧！」
「但, 突然...」
「現在的生活方式不行呀！什麼事也害怕, 什麼也要人幫助, 這是軟弱的人呀！」
「阿臣你的方法, 我也做到嗎？」
「一定行的！」
在這時阿薰出現了, 他在一旁已聽到兩人的對話,
他不同意我的話, 但我不理他就跑開了...
正在阿薰拉開我說話時, 密探已找到公主了...
我立刻拉著公主逃走到沿崖旁, 在走投無路的情況下,
我們二人竟一躍跳進海去....
我們逃離到一個小島, 狼狽的二人卻對望而笑起來....
這時麗麗公主發現 Melody Shell不見了, 海火子叫她稍等,
我獨自去尋找, 忽然天空傳來巨響, 宇宙船降落了...
雲度皇子看見擄走公主的竟是阿渡的伙伴阿臣,
才知道事情是一個大誤會, 雲度皇子要帶走公主,
卻遭到我的堅決反對, 我見麗麗公主猶豫起來,
一時氣急, 便拔出劍向雲度皇子挑戰, 雲度皇子被迫與我比劍,
阿薰及時阻止並帶走我, 他認真嚴厲地教訓我,
並叫我要考慮公主的立場及感受, 我再次挑戰雲度皇子,
但故意落敗, 麗麗公主依依不捨地跟著雲度皇子離開,
並告訢我一生也不會忘記今日發生的事,
我和阿薰目送宇宙船升空, 我突然跑向大海, 躍進海中...
附加小故仔---《彩虹的另一邊 - 最終話 - 永恆的一瞬間》
翌日, 在宮殿舉行典禮,
由獵戶座第七星雲來的麗麗公主正在與地球的皇室見面...
「你好！公主...」地球之皇說...
「歡迎來到地球！」皇后道...
「你好, 公主...」地球皇子阿臣也行禮道...
「你好...呀！阿臣！」公主驚訝得說不出話來...
「地球不錯吧？」我微笑道...
「是, 是的...」
「那實在令我們感到光榮呀！這就當做公主來探訪地球的紀念吧！」
說著取出 Melody Shell...
「呀！這是...！！」音樂悠悠瀉出...
「我們還會再見吧！」公主帶點依依不捨地說...
「嗯！一定會再見的, 就在彩虹的另一邊, 再見呢！」我微笑地道...
儀式結束後, 地球之皇及阿薰也稱讚阿臣是個出色的皇子...
而在返回獵戶座第七星雲的宇宙船上,
家臣也在讚歎地球的皇子正是個與傳聞相反的紳士呢！
公主也說皇子個十分好的人, 說著公主取出 Melody Shell,
在美麗的音色中, 還依稀聽到阿臣和麗麗公主的笑聲呢！
我在露臺看著宇宙船漸漸飛離地球, 消失在夜空中,
我對著星空喃喃自語地道...
「雖然緣份只安排我們相遇, 沒安排我們在一起,
但我仍慶幸我們曾互相取過暖、相依過...
那一刻的歡愉可能不長久, 但最少我可把這份感覺..
暗暗埋在心底的最深處...
當妳脆弱的時候, 妳想起我, 我會來到妳的身邊....
我不用妳掛念我, 只要妳有一秒想起我曾給妳的溫暖,
感受到我們曾快樂過, 那種甜蜜, 便足夠我回味一輩子.....」
永恆的一瞬間...
「過去」--在深遂暗寂的時空漂流, 尋找已往與妳一起的回憶....
「現在」--希望至少能夠感覺到, 我們生存在相同的時代...
「未來」--在彩虹的另一邊, 盼會共妳如神話美麗....
《彩虹的另一邊 - 完》
後記：
以上係我將《附加小故仔》埋0左個尾, 其實我之所以會寫《附加小故仔》,
係因為阿郭 (samson) 寫《純粹小故仔》撩起我鋪癮,
我係特登同佢打對台0既, 佢個故事設定係0係一個小小0既漁村,
主角係一個漁民小伙子, 我係特登整個同佢南轅北轍0既設定,
我個故事背景係0係宇宙, 主角係王子與公主,
可能聽落王子與公主0既故事會有點俗套,
但係我覺得唔俗套之餘仲帶一點清新 (賣花讚花香！？),
不過我自己個代入性卻太強, 所以故事就唔係大團圓結局,
我反而鍾意呢 D帶點淒美0既結局, 唔知有冇人同我一樣咁諗呢？
我記得王婧同我一樣都好鍾意《幻海奇緣》呢套戲,
都成十幾年前 lu套戲, 主角係尊尼特普同雲露娜維嘉,
套戲英文名叫《edward scissorhands》, 超好睇的說！
而個結局唔係大團圓結局, 而係帶點淒美0既結局, 好正....
阿郭 (samson) 睇到第五話見到不停咁叫「海呀！海呀！」,
一定會睇到會心微笑, 無錯, 我係特登 gei...
我想解釋一0下最終話0既副標題 - 《永恆的一瞬間》點解...
其實《永恆的一瞬間》係指以下呢一句說話...
「只要妳有一秒想起我曾給妳的溫暖,
感受到我們曾快樂過, 那種甜蜜, 便足夠我回味一輩子.....」
「一輩子」比喻「永恆」, 而「一秒」則比喻「一瞬間」...
而故事名《彩虹的另一邊》就更加唔駛講 la 0下話...
即係話二人雖然分隔二地, 各自在不同的彼方,
但係如果一起仰望著天空, 大家都係身處於同一天空下, 同一個時代...
雖然二人不能在一起, 不能相愛, 但係妳的淚水之所以要結束,
是因為彩虹橋就快要掛起來了, 憑著一顆心, 向妳作出承諾....
妳內心的痛苦, 所有也變成我的痛苦...
當我們的心變成一顆心時, 美麗的彩虹橋便會在天空中架起...
「你與我仍心跳, 一切都不重要....」
只不過我將佢誇張0左, 「二地」相距唔止係地球,
而係0係宇宙0既另一端姐...
《八十大壽》真人真事0既「謎」依家開估,
究竟個男仔講0左咩0野, 改變0左個女仔0既一生呢？
個男仔同佢朋友一入個女仔間鋪就講：「咪郁, 打劫！」
>>September 20, 2004 at 10:07:57 PM GMT+8
|
![]()
|
廣告 |
|
|
讀者留言 |
| 路人留言
|
 miss your diary
>>April 13, 2022 at 5:28:40 PM GMT+8
我知道問題出在哪裡了...
<b
>>May 7, 2012 at 2:08:32 PM GMT+8
咦..!? 沒人add我啊
<b
>>May 7, 2012 at 1:55:20 PM GMT+8
很久沒有你SHOWHAPPY和Y
>>March 15, 2012 at 1:21:52 AM GMT+8
恭喜!!
>>September 2, 2011 at 11:13:25 PM GMT+8
我有睇ga^^
>>January 24, 2009 at 4:58:02 PM GMT+8
你果句"如果結局是快快樂樂生活下
>>January 26, 2008 at 3:45:43 AM GMT+8
你好耐都無update了~
<b
>>January 26, 2008 at 3:42:28 AM GMT+8
需要我的地方...
<br>盡管
>>January 23, 2008 at 2:29:29 PM GMT+8
支持你,一定要把涼亭追回來,我這
>>December 21, 2007 at 8:56:14 PM GMT+8
涼亭個POST嚇壞晒全戀區D人a
>>December 20, 2007 at 5:09:31 PM GMT+8
我都好好好好超級掛住你地ar!!
>>October 7, 2007 at 12:41:05 PM GMT+8
weiwei. .."搖"sir
>>September 23, 2007 at 5:06:47 AM GMT+8
"而佢口中既「阿丙」, 正正是聖
>>September 6, 2007 at 12:56:49 AM GMT+8
真係令人懷念的時光~~
>>August 14, 2007 at 3:32:31 PM GMT+8
沒有忘記我吧?
<br>我今年考
>>August 4, 2007 at 5:21:37 PM GMT+8
難以相信的事，
<br>你把那些
>>July 5, 2007 at 4:33:25 PM GMT+8
回虫大大:
<br>
<br>唔
>>June 23, 2007 at 6:45:48 AM GMT+8
我都第一次見有人post 自己l
>>June 22, 2007 at 12:19:57 PM GMT+8
回愛野美奈子大姐:
<br>
<
>>June 11, 2007 at 3:18:16 PM GMT+8
回虫:
<br>
<br>唔好講
>>June 11, 2007 at 3:10:00 PM GMT+8
http://www.minif
>>June 10, 2007 at 11:29:26 PM GMT+8
你應該到左canada na.
>>June 9, 2007 at 3:24:47 AM GMT+8
回虫:
<br>
<br>我細佬
>>June 3, 2007 at 6:44:07 AM GMT+8
回愛野美奈子大姐:
<br>
<
>>June 3, 2007 at 6:30:06 AM GMT+8
hahaha.. ..
<br>
>>June 2, 2007 at 4:18:24 AM GMT+8
考完個幾禮拜啦~就快返inter
>>June 1, 2007 at 11:22:05 AM GMT+8
回愛野美奈子大姐:
<br>
<
>>June 1, 2007 at 8:49:53 AM GMT+8
p.s. save低左>0<魚相
>>May 30, 2007 at 11:46:14 PM GMT+8
看完你的日記才想到:是啊,暑假又
>>May 30, 2007 at 11:39:55 PM GMT+8
回虫:
<br>
<br>馬賽克
>>May 30, 2007 at 8:52:48 AM GMT+8
""你張相..淨係o係眼打馬賽克
>>May 29, 2007 at 4:22:18 PM GMT+8
回西門...閪&#
>>May 28, 2007 at 4:23:52 PM GMT+8
回阿郭....郭郭郭郭郭
<br
>>May 28, 2007 at 4:17:08 PM GMT+8
回虫虫虫虫虫虫虫虫虫虫...:
>>May 28, 2007 at 4:07:49 PM GMT+8
Jason.......你點解要
>>May 27, 2007 at 8:18:18 PM GMT+8
睇到d相,好搞笑.
<br>相問
>>May 27, 2007 at 2:06:30 AM GMT+8
wa. ..係field tri
>>May 26, 2007 at 6:07:50 PM GMT+8
回虫:
<br>
<br>請密切
>>May 26, 2007 at 3:54:08 PM GMT+8
回莫大大:
<br>
<br>係
>>May 26, 2007 at 3:51:31 PM GMT+8
<br>又會影到bernard
>>May 26, 2007 at 2:53:09 AM GMT+8
其實我都唔記得點解會擺個咁硬膠既
>>May 25, 2007 at 9:58:05 PM GMT+8
回虫:
<br>
<br>咁你有
>>May 25, 2007 at 3:31:24 AM GMT+8
我果時話. ..
<br>佢地走
>>May 23, 2007 at 12:50:00 AM GMT+8
don't post my ug
>>May 22, 2007 at 11:48:42 PM GMT+8
回莫大大:
<br>
<br>我
>>May 22, 2007 at 6:23:19 PM GMT+8
回虫:
<br>
<br>你之前
>>May 22, 2007 at 6:20:52 PM GMT+8
嘩~ 咁耐歷史既相都俾你搵得返出
>>May 21, 2007 at 9:40:16 PM GMT+8
jason..
<br>我宜家係
>>May 21, 2007 at 12:19:24 PM GMT+8
回虫:
<br>
<br>我pr
>>May 20, 2007 at 3:43:35 PM GMT+8
|
|
