2004 年 12 月 26 日 星期日 【颳風】


今朝十點鐘去0左北角, 番0左去肥聲個教會,
其實係因為尋日我未俾番入場費俾肥聲,
咁冇理由爭人錢 ga ma, 咪去還俾佢 law, 我別無他想 ga..
見到老 paul, 老 paul第一句就話：「你個頭做咩0野, 成個貝多芬咁 gei？」
雖然幾年冇見, 老 paul依然係老 paul, 一樣咁好笑...

很喜歡一路打 band, 好 rock咁唱歌詩0既感覺, 十多年來0係天主教學校,
0係聖伯多祿堂, 同一班叔叔輩, 姨姨輩0既人, 好莊嚴咁0係教堂唱高八度0既聖詩,
最離譜都係 st. peter D祈禱, 就好似全校去0左郭富華 (郭 sir) 0既演唱會,
唱劉超賢校長0既「抱熱誠守正直」, 頂！唔好玩 la...
仲有首叫甚麼「動力信望愛」, 又唔見佢有幾「動力」wo..

之後同0左佢地成班一齊飲茶, 識0左好多人, 有 D尋日識0左, 傾過0下偈,
有 D尋日見過0下, 今日先識, 原來個個都身懷絕世武功, 個個都好熱情,
有阿頭、ryan、cissy、阿朗、阿熙、阿禮、carmen、嘉嘉、阿蛋、基仔...
唔知由幾時開始, 自己變得很冷漠, 對身邊的事漠不關心,
唔會做主動, 唔會伸出手同人做朋友 (依家0係聖歌都有半班唔識 gei...),
唔會邀請人, 唔會撩人, 去哪裡都是自己一個, 自修室、返學放學、lunch、去補習...
(bio group好得意, 如果 bio堂係最後一堂, 連家欣、isabella就會一齊放學,
陳祖慧、梁瑋彥兩個一齊放學, 阿 paul、fish、黃中偉同張柏裕四個就一齊 lunch一齊放學..
而只餘下單丁一個我, lunch、放學都是自己一個人...)
記得阿媽問我同邊個去漫畫節, 我話自己 law, 佢問點解唔約人去, 我話費事 la..
出去行街、行商場、買0野, 都係自己一個, 從來冇叫過人陪我行街買0野..
就連 repeat中七, 我都係自己一個, 本來阿郭, audrey姐姐都話陪我重讀,
結果他們都是選擇了 HD, 這是當然的吧！我亦無甚麼所謂, 因為我早已習慣一個人了...
可能因為以前俾人拒絕得多, 漸漸變得..既然次次做主動都會俾人拒絕, 就不如不要做主動..
因為俾人拒絕0個種感覺, 真的很難受...

不過唔知點解同一班新識0既人, 個個都好熱情, 可以咩到講,
有 D連平時 keep開有聯絡, 成日見0既朋友, 佢地都唔知0既事都會講...
其實是我自己自卑, 冇自信, 0係平時的社交圈子中, 我是最冇用的一個,
又唔靚仔、十九年未拍過拖、又唔型、文弱書生、眼又細、運動白癡,
收到 AL張 cert後我就知道, 連唯一的「讀書」技能都冇埋, 那麼我還有甚麼長處？
唔知點解同佢地一齊0個種感覺好舒服, 一兩日之間, 就好似識0左好耐,
真係漫畫、溝女、足球、搞 gag、咩都講一餐...(可能大家一樣咁賤格！)
竟然可以0係新朋友面前嘻嘻哈哈, 完全無戒心, 唔會假裝自己...
其實不是自己不想去接納, 只是其他人不想去接納自己而已...

carmen是 poly nursing degree的 (又係 poly..=.="), 基仔是中五,
阿蛋0係 st.peter讀緊中四, 是八達通火星人的家姐, 識陳儀安老師同楊碧明老師,
嘉嘉0係聖心商科讀緊 year2, 即係貓貓同阿郭個妹0個間, 不過嘉嘉矮我兩個頭..=.="
ryan 0係沙田 ive讀緊 design, 馮芷蕙都係0係沙田 ive讀緊 design...
cissy同阿朗0係恆商讀緊中七, 即係 99%入大學率, 黃越富0個間..
阿熙去0左香工讀中七, 同羅渭達一班, 一樣係足球校隊,
阿熙仲問我係咪識得個 head prefect跑學界四百, 年年都見到佢,
次次都一齊入到決賽, 之後一齊被 out, 跟住0係專 for head prefect 0既傑青營見到大家,
唔知係咪講緊肥波定牛堅, 阿熙0既特徵係戴冷帽跑學界四百...

阿熙有個病, 就係有日佢唔知點解甩頭髮, 甩甩0下就冇哂, 連眼眉都冇,
咩都試過哂, 睇醫生, 飲符水, 俾人噴符水, 咩都唔得,
結果有人叫佢番教會, 阿熙以前就心諗, 番教會, 我不如去踢波, 不如訓多陣,
不過佢心諗, 既然咩都試過哂, 咁點解唔試埋呢個姐？
又唔駛錢 gei, 咪試0下呢個神係咪真係咁堅..
之後唔知點解, 佢變得好強壯, 想病都病唔到, 運動變得無一不精, 無一不曉, 拎好多好多獎,
跑步、足球等, 連以前奚落過佢0既人都請教佢, 以前 D師弟0係街度見佢會企0係度鞠躬行禮,
跟住終於俾佢搵到隻藥, 不過可惜, 要幾十萬銀, 邊有咁多錢, 呢 D就係叫咫尺天涯...
之後有一次0係會展講見證, 講完之後有個牧師送0左份禮物俾佢, 係大拿拿十幾萬,
佢自己都搔哂頭, 發生咩事 ar？之後佢就忍唔住喊到好似 bb一出世咁..
阿熙就係尋日叫我地唔好因為困難而輕言放棄0個個, 佢話呢個神真係好鬼正..
逢星期日晚十點至十一點就會0係新城 997聽到阿熙主持0既《火熱新一代》..

阿頭, 靚仔一名, 以為佢廿五六歲, 原來佢八四出世, 廿歲, 大我一年咋！
尋日 party, 八達通火星人成日都「癡」住佢,
原來, 大家經歷過種種風風雨雨, 同佢經歷過0既0野0黎比,
簡直係芝麻綠豆小事, 我已經俾阿頭0既個人魅力吸引住...

阿頭話佢父母離婚, 媽媽帶住佢同佢細佬去嫁俾佢後父,
佢兩兄弟同佢後父 D關係好差, 差到一見面即埋牙,
不過為0左好小事, 例如去完廁所冇洗手, 咁就開片...
有次打得好激烈, 佢後父用傳說中七武器之首 -- 摺「登」車埋去佢0個度,
「車」爆0左眼皮, 要入廠縫三針, 佢話當時面部係好難用麻醉藥的,
所以每縫一針, 佢對佢後父0既憎恨就幾何級咁上,
第一針：我好憎你！第二針：我憎死你！第三針：你去死 la！

之後就唔番屋企, 入0左黑社會, 成個月冇番屋企都冇人知...
阿頭話佢除0左殺人之外, 咩壞事都做盡, 吸毒、食煙、濫交、
收外圍波欖、賣白粉、打交, 我問佢係咪頭目, 佢話 N人之下 N人之上 la...
跟住阿頭識0左個女仔, 兩情相悅, 就拍拖了,
個女仔係天主教徒, 阿頭係黑社會, 阿頭都有跟過佢女朋友返聖堂,
不過係「廟嘴廟蝕」, 扮祈禱, 「阿門」之後加句粗口, 例如「阿門你老豆」！
不過因為一個係天主教徒, 一個係黑社會, 價值觀南轅北轍, 關係越來越差,
最後阿頭都唔肯脫離黑社會, 因為佢話佢當時要錢有錢, 要女人有女人,
結果..個女仔自殺, 死0左..阿頭好後悔好後悔, 佢想脫離黑社會,
但係脫離唔到, 咁有人就叫佢返教會 la, 佢返0左教會之後,
依然係「廟嘴廟蝕」, 扮祈禱, 「阿門」之後加句粗口,
有個叫 aron 0既教會頭目 (即係尋日搞爛 gag, 話拎隻雞翼去影印0個個..),
佢問阿頭跟邊個, 咁阿頭就話跟邊個邊個 law, aron同佢講：「我以前都係跟佢..」
不過 aron仲差, 第一次會考零分, 之後信0左神, repeat中五,
有進步, 第二次會考一分, 不過依家 aron係咩呢？係一個職業會計師,
仲係全港至 top 0個五間會計師樓之一 (間會計師樓好似叫 big five..),
有個靚老婆 (我見過), 有家庭, 有事業, 阿頭話, 佢都想有 D咁0既生活..
但係教會又話有自由, 不過又唔俾食煙, 又唔俾濫交, 咁叫自由咩？
aron同佢講, 你唔食煙唔得, 唔濫交唔得, 其實你已經冇0左自由,
因為你已經俾食煙、濫交束縛住, 阿頭話佢當時其實好空虛,
一切0既權力、女人、錢, 都只係用0黎填補個心,
佢唔想再過今日唔知聽日事, 唔知幾時俾人斬死0既生活, 佢想脫離黑社會...

過0左一排, 阿頭經過維園, 見到以前黑社會 D人, 佢心諗舔0野 la今次,
一班黑社會見到想退會, 想從良的人, 你估會見一鑊打一鑊就算, 定斷手斷腳丫 la？
佢就想試0下呢個神係堅定流, 咁佢就不斷祈禱, 求神保佑佢...
點知有人0係後面拍佢膊頭, 佢心諗, 呢次舔硬0野, 呢個神流 ga, 玩我咩？
0個個人同阿頭講：「你走 la, 我知你入0左教會, 我地唔會搞你 ga la..」
阿頭心諗, 嘩！呢個神真係堅過石堅 ar！

之後佢同 aron講, 佢話佢想修補同後父的關係, aron叫佢祈禱, 之後同後父道歉,
咁阿頭就0係食飯時, 講0左句：「對唔住 law..」夾件送俾佢後父,
點知佢後父拒絕佢, 仲話：「你唔係左手拎住本龍虎豹, 右手拎住把刀 ga咩？」
咁阿頭就同 aron講：「喂, 個神流 ga wo, 都唔得 gei..」
aron就叫佢改變0下佢 D態度, 誠懇 D...
好0勒, 第二晚食飯時, 阿頭再一次道歉, 仲好誠懇..
「爸爸, 對唔住, 我以前真係做錯0左, 請你原諒我..」
你估佢後父有咩反應？佢後父喊哂口咁, 浪子回頭金不換 ar..
佢地依家可以融洽到一齊討論足球比賽, 例如：嘩！呢球好波, 朗拿度都廢 gei..

脫離0左黑社會, 修補好家庭關係, 阿頭就開始考慮前途問題,
佢話佢好想讀書, 好鍾意 account, 好想做會計師,
不過佢之前只係一個古惑仔, 寄0左幾廿封信去都冇回音,
咁佢今次係第一次真心祈禱, 唔再係之前0既試探堅定流, 仲跪哂地喊哂口,
第二朝八點阿頭就俾個電話噪醒0左, 阿頭都未訓醒, 點知..
「我地係理工大學打0黎 ga, 我地收0左你..」
阿頭自己都搔哂頭, 發生咩事 ar？愚人節玩電話 ar？
結果阿頭就俾 poly 0既 accounting副學士收0左 (又係 poly..=.=")..

最近阿頭對眼因為俾瘀血壓住而盲0左, 係真係睇唔到0野, 黑哂..
醫生話短則一星期康復, 長則..唔知, 可能永久失明...
佢地扶佢番教會, 全世界幾廿人為佢祈禱, 基督教祈禱好搞笑,
就係好似發功咁, 單手摸住佢個頭為佢祈禱,
你諗0下幾廿人單手摸住佢個頭發功個場面幾搞笑,
嘉嘉餵阿頭食0野餵0左落個鼻度, 超好笑...
點知當日夜晚, 阿頭已經睇番到0野, 仲玩到 icq tim...
我問阿頭以前唔係好多女朋友 ga mei？點解依家搞成咁 ar..
又冇女朋友, 又成日都俾八達通火星人「癡」住,
佢話係火星人「癡」住佢咋, 佢都唔想 ga...

有時候, 自己唔開心係冇人知, 因為根本唔想人知,
我已經係冇長處, 如果仲要咁懦弱0既話, 咁我真係「好冇用」,
試問同阿郭、溫敬良0個 D識0左八年, 同羅少怡、郭倩怡、何靄琪0個 D識0左四五年,
永遠都只有我開解阿郭、郭倩怡、何靄琪佢地, 真係冇人聽過我講唔開心0既事...
(同阿郭傾電話, 我話自己唔開心, 佢都話你把聲都唔似, 因為我唔會好似佢咁唉聲嘆氣..)
我同 audrey姐姐都講, 男人是以行動代替說話0既生物, 盡量將痛苦自己承受哂,
不會讓自己以外的人承擔痛苦的事, 不會讓人家替自己擔心, 所以是不會說的...
就連 AL放榜, 一個自己同人家都不能接受的成績,
見到夢夢、何家蕊 (kerry)、劉備等喊到豬頭咁, 我反而去安慰, 開解佢地,
何家蕊 (kerry) 仲問我點解好似冇咩0野咁, 我話我冇0野 wo...
自己就一個人承受呢個包袱, 我仲同姚 sir開玩笑 tim...
返到屋企訓覺, 其實係逃避, 俾何靄琪同羅少怡個電話噪醒0左,
之後開始0黎料, 我知道, 連唯一的「讀書」技能都冇埋, 那麼我還有甚麼長處？
有時候真的好想不顧面子, 不顧尊嚴, 大大聲咁0係人家面前喊一場...

唔知點解同呢班識0左一日0既朋友, 真係會咩都講,
開心0既又講, 唔開心0既又講, 可能我地唔係太熟, 所以唔會串我,
又唔識我口中講的人, 唔洗顧慮咁多, 同埋佢地係基督徒,
講正經事又得, 講唔開心0既又得, 吹水搞 gags亦得...
我讚阿頭靚仔, 佢擺0左個 pose話：「呢 D個個都知..」
之後其他人就話：「靚仔？食屎 la！」超好笑...
我覺得呢班朋友好鬼正, 勁頂癮！勁鍾意阿頭！
講0野又有深度, 又靚仔, 又識搞笑, 講0野又有 point wo...

因為 cissy雖然冇去睇《功夫》, 但係佢幫我地出0左錢買飛,
所以..下星期六要去還番錢俾人, 咁冇理由爭人錢 ga ma,
咪去還俾佢 law, 我別無他想 ga..

>>December 29, 2004 at 6:34:20 PM GMT+8