2005 年 2 月 14 日 星期一 【颳風】


每日一 gag之情人節 special：
如果你今年一個人過情人節的話, 不用怕, 尚有小弟陪你,
不過出年就唔擔保啦！也許你今年應該無收過花的,
那麼我就送你一瓣雪花, 快 D打開電視機, 扭到雪花台,
再等到天光黎明時, 聽番首黎明0既《送你一瓣的雪花》啦！開心啦！
(改篇自阿郭的原作, 呢個係阿郭難得高質素0既 gags..^^)

《愛的故事(上集) --- 孫耀威》

春風輕吹點點火花襯月夜　人人開開心心說說故事
終於傾出這小子的往事　長年累月為你怎再自持
今宵知否對你的暗示　為何真的將它當故事
偏偏癡心小子只知道上集 祈求下集是個可愛夢兒

知不知對你牽上萬縷愛意　每晚也痛心空費盡心思
這小子欲斷難斷這故事　全為我愛上你偏偏你不知
知不知每晚想你十次百次　每晚也去等　因為我極心癡
可不可合力延續這故事　延續這片愛意一生兩相依

《取消資格 --- 陳小春》

我說我愛你　夠份量了嗎？我努力試探你　接受我的真心可以嗎？
我太過愛你　你會被我嚇怕　不是嗎？怎麼你眼裡只得他　我也不知道

如今這算甚麼　你是否非他不嫁？當選了是他　我認輸都不可怕
最怕其實被取消資格　還不知道拼命掙扎

如今這算甚麼　我是否這麼討厭　只知道付出　以後都不知怎算
最怕其實是輸得很遠　還不知道　惹人生厭

今天是情人節, 雖然都係同往年一樣, 冇人陪,
自己0係屋企溫書, 但係我好開心, 點解？因為我放低了,
好似一身輕鬆哂, 真的好舒服...
我已經不想再愛到力竭聲嘶了、不想再愛到肝腦塗地了...
不想再愛到竭斯底里了, 我已經..很累了..
已經厭倦了尋尋覓覓了, 只想..愛得簡簡單單..
send someone to love me...
看見你笑得這麼燦爛, 那麼開心, 我亦可以安心的走了..

《愛的故事(下集)但願他珍惜妳 --- 孫耀威》

是下雨天　在夜靜沉寂處　聽你的愛故事　下著心中的雨
知他態度常放肆　你已經傷心多次　我盼你的憂鬱可停止
到底應相愛　或分開　假設情不再　應該等你決定
我假裝瀟灑望海　我早都知你離不開　真叫人感慨
但我對你愛念　未曾改

我但願　他珍惜你　這顆心不忍看你落淚時
一串串　令心酸酸　仍舊仍舊眷戀
我但願　他珍惜你　愛可一生一世永沒盡頭
不要我　內心輾轉　無盡無盡掛牽
愛你卻未開口　寧願像現在是好友　願你開心　偶然想到我

「他」竟然打0左成篇留言俾我, 有 D係唔出得街的,
「他」仲話佢 never wrote that much stuff before,
我睇完後, 笑0左出0黎..
「....anyway, i think that you should help her get pass AL first,
when you 2 get to know each other better, than you can tell her what you think, ok？
Plz take care of her for me, coz i can't do anything anymore.....
so plz help her, and take care her all the time.....
never give up, that is what she told me before,
and now that is what i am telling you....」

點解我笑0左出0黎？因為我之前同你講, 做任何事都好, 都要「永不放棄」,
你就話, 你也用過這話鼓勵「他」, 但可惜你說你也許要 Give Up了..
之後依家「他」對我說：「never give up, that is what she told me before,
and now that is what i am telling you....」玩咩？0岩0岩一個循環, 搞笑...
那麼現在我再對你說：無論如何, AL請不要放棄..

《心太軟 --- 任賢齊》

你總是心太軟　心太軟　獨自一個人流淚到天亮
你無怨無悔的愛著那個人　我知道你根本沒那麼堅強
你總是心太軟　心太軟　把所有問題都自己扛
相愛總是簡單　相處太難　不是你的　就別再勉強

夜深了你還不想睡　你還在想著他嗎？
你這樣癡情到底累不累　明知他不會回來安慰

只不過想好好愛一個人　可惜他無法給你滿分
多餘的犧牲他不懂心疼　你應該不會只想做個好人

喔　算了吧　就這樣忘了吧　該放就放　再想也沒有用
傻傻等待　他也不會回來　你總該為自己想想未來

aron叫我放棄你, 因為我的愛可能會傷害了你,
aron話：「你做咁多0野, 你想你自己開心, 定係佢開心？」
我話梗係想佢開心 la, aron話如果實際上係令佢覺得難受呢？
我真的只想你開心罷了, 所以我決定放手...
但當我決定放棄你時,「他」叫返我 never give up, 替「他」照顧你,
替「他」經常幫助你, 照顧你..我沒有應承「他」,
不是我不想去愛你, 亦不是我沒有勇氣去負上這個責任, 這個承諾,
而是, 我怕自己好像刺蝟一樣, 想將溫暖傳給你, 但反而傷害了你...
我應該點做？放棄..還是堅持？還是我應該親口問你一句..
「我可以愛你嗎？」

都是我的錯　關心也是錯　你還要知孤孤單單的我可快樂？
都是我的錯　瀟洒也是錯　你還慰解我？
都是我的錯　犧牲也是錯　你還要把風衣輕輕披我肩膊上
都是我的錯　知心也是錯　你還看穿我　你叫我怎會可以放手？

都是我的錯　祝福也是錯　你還說請開開心心找我的對象
都是我的錯　緊張也是錯　你還著緊我？
都是我的錯　真心也是錯　你還記得怎麼編織出我的美夢？
都是我的錯　深刻也是錯　你還困擾我　你叫我怎會可以放手？

如果你覺得, 一直以來我給你的愛, 是令你開心、令你快樂的話,
請你告訴我, 無論五年、十年, 我都會繼續愛下去, 直至消失天與地...
我對愛是執著得很, 當每一個人都以為我一定會放棄, 但我會處之泰然,
你一盆一盆冷水澆下來, 我會好像堅強得打不死的,
人人都以為我會放手, 我能如此頑強, 令人看來頑強, 原來只是我對你的一份愛和執著...

活著不可親你令我生如死　你那淺笑讓我歡笑亦傷悲
但是即使所愛沒法可留起　我也戀你直至消失天與地

溫敬良果然係影響得我最多的一個人,
無論係0係學業上, 定係做人上, 都影響得我好深,
尋晚佢同我講0左成晚, 講0左勁多例子,
我同佢講, 佢整晚所說的所有,令我諗起阿郭的一席話....
「只須隨著自己的心意去做就行了...」
溫敬良話：「that's my thoery of my above talking..
theory come from kowk, example come from me..」
很感激溫敬良, 不過我要對佢講聲對唔住,
因為我將要打敗佢...

永遠記著阿郭的教誨...
「只須隨著自己的心意去做就行了...」
對得住自己、對得住別人、對得住良心、對得住神,
之後, 冇0野需要顧慮了...

我已經由地獄回來了, 心情已經好返哂, 前幾日溫唔到書0既原因,
除0左你唔開心令到我唔開心之餘, 更大的原因是天氣,
現在冷冷的天氣, 很舒服, 溫書很容易入腦, 狀態很好...
回南天的濕濕淋淋天氣, 才是罪魁禍首...

好多謝阿郭同 dennis, 佢兩個令我記返起一些..自己已經遺忘了,
但卻是很重要的東西, 阿郭同我講：
「你會否覺得自己患了高考前恐懼？我覺得你唔會....
也許你現在是逃避, 逃避 AL, 唔想失去讀書的日子, 對嗎？
你還記得你講過, 上年你竟然史無前例, 好想快 D到 9月1日返學嗎？
你忘記了嗎？也許你睇返之前的日記, 會對你的心情會有改善...」

無錯, 我的確是忘記了, 我竟然忘記了我最喜愛的事, 就是讀書,
我是真的好鍾意好鍾意讀書, 我可以放棄所有0野, 但係唯獨讀書, 我唔可以放棄,
dennis講得對極了, 意志力低少少就會全盤皆輸, 到大直路階段, 靠的不單是努力,
一日溫十個鐘咁簡單, 而係強韌的耐力同堅持, 尤其係要再衝多一次,
需要比第一次考的考生更能忍耐, 其實做人可以好簡單,
「甚麼都不曉, 淨係識讀書」, 那又如何？

阿郭打趣地問我：「係咪 15-22歲0既女仔, 都係鍾意又靚仔、又識玩音樂、又打籃球0既男仔？」
我亳不考慮就答佢：「係！」不過那又如何？dennis話佢同我一樣, 咩都唔識, 淨係識讀書,
阿郭都係淨係識計數, 那又如何？(阿郭一定話自己仲識插花...=.=")
我只要將神賜予我最大, 亦是唯一的才能 -- 讀書發揮到淋漓盡致, 這樣就夠了,
正如碧咸都是得一道板斧, 那又如何？只要將這唯一的才能發揮到淋漓盡致就夠了..

阻止人類腳步的不是「絕望」而是「放棄」,
引領人類前進的不是「希望」而是「意志」...

我是一個中七重讀生, 上年 phy F 0左, 今年目標係做三千條 phy MC, 目前做0左一千七百多條,
自問不是聰明人, 零天賦零天份, 咩運動咩音樂都係白痴, 十九歲人淨係識讀書,
不過我真係好鍾意讀書, 見到好多人話落 D, 成日玩都可以幾條 A, 話冇妒忌, 冇唔甘心係假 gei,
上年中七成年冇唱過 K, 冇睇過戲, 日日係咁溫書, 結果個個同學入哂大學,
自己連副學士, HD都唔收, 點解會咁？自己天賦不足？

依家0係私校 repeat緊中七, 一個月三千九, 要交八期學費, 依家上完 phy chem bio堂,
落堂後都會追住阿 sir miss問三問四, 係打爛沙盤問到篤0個隻, 問到個戴 sir嫌我煩,
鬧我蠢, 不過我都繼續日日問, 一唔明就問, 問到明為止...

天才,就是把握僅有一次的偶然, 再不斷重覆練習近乎無限次, 練到成為本能為止,
(所有足球天才的技術都是這樣鍛練返0黎的..)
一個足球員射出一球精彩既罰球只需一兩秒, 但佢背後到底苦練左幾多年又有冇人知？
施丹0既施丹式轉身、朗拿甸奴0既直角假身同面部假身、碧咸0既七旋斬、
卡路士0既炮彈射球、李華度0既倒掛金勾、歐偉倫0既單刀橫傳、李健和0既底線傳底,
全部都係經過長年累月的苦練, 不斷重覆練習近乎無限次, 練到成為本能為止..

我背後沒有天賦支持, 卻有一千七百多條 phy MC支持,
目標係三千條, 我唔會埋怨點解個天咁唔公平, 反而盡全力做到最好,
如果讓我自由選擇的話, 我寧願要愛迪生十倍0既毅力, 都唔要愛因斯坦一成0既頭腦..

「別人練一朝, 我練十天」就是我的做人道理, 成功是 99%的汗水加 1%的天才,
或者自己盡了最大努力都係得C, 人家放棄都有 C,
不過我對得住自己, 對得住別人, I do the best, God do the rest..

可能有好多人唔 buy我呢套, 覺得明 concept已經得哂, 迫自己做三千條 MC好慘,
不過我唔覺得慘 wo, 仲越做越興奮, 好似吸毒咁, 每日唔做唔得,
同埋我想講, 目前做0左的一千七百多條 MC, 我依家係全部明哂的,
因為當時唔明、唔識後, 我會睇完 solution同問阿 sir, 我唔係亂做一通的,
0個一千七百條MC的 concept, 到現時為止是明哂的..

我只想鼓勵一 D天資較差的人, 失敗後埋怨上天唔公平, 冇俾天賦聰明你,
日日自怨自艾是無用的, 我唔會理人家笑自己學得慢, 笑自己做咁多佢地認為「多餘」的事,
反而用自怨自艾的時間, 去做多D練習, 不斷重覆練習近乎無限次, 練到成為本能為止...
郭靖學武比人遲鈍, 但係點解佢有做到俠之大者？
因為佢有一個信念, 別人練一朝, 我練十天, 練到識為止,
我相信終有一日, 我會超越你的溫敬良, 我是這樣深信著..

Impossible？I'm possible！
(節錄自婧婧 (aileen) 的金句...)

宿敵溫敬良教過我點讀 phy, 就是愛上它, enjoy它, 享受它,
我依家真的做到 enjoy phy, 每做完一條MC, 期待下一條, 我都會好興奮,
我好享受這樣的生活...

尋日係 vivian 0既生日, 又大一歲 la小姐, 我發覺呢個世界真係超細,
D人識埋識埋, 會兜番轉頭 gei...
之前睇過培德 D女仔去旅行0既相, 發現其中一個係 vivian,
vivian問我點解會睇過, 我就話有個培德女仔, 去0左 st.peter repeat F.5,
依家讀緊中七, vivian即刻知係邊個, 原來婧婧 (aileen) 以前0係培德已經勁出名,
以前係唔知咩0既 committee, vivian仲話上年聖伯多祿堂搞0既徵文比賽,
題目係《我心目中的耶穌》, vivian同婧婧 (aileen) 都得獎, 仲0係聖堂領獎...
嘉嘉本來唔知講緊邊個的, 但係當 vivian話：「包包面 ar..」
嘉嘉即刻知道邊個, 仲話婧婧 (aileen) 係勁好人, 勁搞笑..^^

0個張培德女仔去旅行0既相, 係一班女仔坐0係樓梯上, 個個都做出雙手遮額的手勢,
唯獨坐正中間的白衫長髮女子, 冇做呢個手勢, 又有性格, 又靚女,
vivian話佢叫阿鳳, 原來 25/12個聖誕 party佢有去 ga！！
即係有一面之緣 la, 所以我不斷叫 vivian帶佢番教會..^^
溫敬良話 vivian似 miss choy..似咩？
原來 vivian係鍾意周杰倫的, 等我仲送0左陳冠希俾佢, 今次捉虫 la！>.<"
嘉嘉無論係樣貌、輪廓、身型、定係高度, 都係激似阮小儀的..=.="

AL係持久戰, 唔單係只對學術智識0既挑戰,
重挑戰一個人對面對壓力, 外界環境0既能力！
周倩婷同學講得0岩, elastic string係 elastic,
但係唔等於佢有 infinity extension, 扯得太恆, tension太大會斷的..
呢幾日的休養生息, 就好像賽車場上, 將要進入最後大直路,
需要檢查哂所有零件, 將油缸入滿哂油, 確保一切無問題,
就一鼓作氣, 進入大直路, 衝向終點...
98至99年的聖誕節, 費格遜破例俾門將舒米高去加勒比海度假兩個星期,
適當的休息, 就是為了走更長的路, 最終舒米高就替曼聯完成三冠王霸業...

經過這幾天的休養生息, 感覺到狀態回來了,
謝謝溫敬良、謝謝阿郭、謝謝 dennis、謝謝韓小姐 (audrey姐姐)、謝謝 cissy、
謝謝周倩婷同學、謝謝連家欣、謝謝郭駿仁、謝謝何靄琪、
謝謝剛剛識的靚女 loretta、謝謝剛剛識的 phyllis姐姐、還有謝謝「你」,
我會從今天起重新出發, 今天起重新開始加速, 一直加速,
一鼓作氣, 憑著這鼓氣勢, 堅持到四月廿五日, AL的閉幕戰 - physics...
我今年唔會再好似上年咁, 0係大直路上死火...

話佢地聽, 我返0黎0勒...
沒有希望, 只有目標！我一定要走進大家早我一年踏足的世界裡...
距離重考 A-level的日子尚餘下..五十二日...

>>April 28, 2005 at 8:12:09 PM GMT+8