2005 年 11 月 30 日 星期三 【晴】

今日英文要做 oral presentation, 企出去對住全班講野.... 所以尋晚叫左梁琬婷幫我練, 結果....俾佢鬧到一面屁！ 讀左好多次, 因為讀來讀去都讀唔好, 每讀一句都俾梁琬婷鬧一次, 「你做咩無端端高音姐？」 「唔好扮鬼佬講英文好冇！」 「你講英文唔好 lur la！冇人知你講咩！」 「讀慢 D, 讀清楚 D！」 梁琬婷仲話, 再讀得咁差就要我讀一百次, 讀到好為止, 結果我地練左幾個鐘, 終於都練到好流暢, 好好好.... 估唔到樣貌天真可愛既梁琬婷, 發起惡時真係好惡 ga！ 我可以想像得到, 第時 janie一定會俾佢鬧到好甘, 咁我一定會話.... 「你阿媽以前教我講英文時, 我都俾佢鬧到一面屁..」^^ 有個賢內助幫我練英文, 正！ 呢張係梁琬婷幫我修改完既講稿... 呢疊係出去 present時用既 cue咭...

>>December 7, 2005 at 1:03:36 AM GMT+8

2005 年 11 月 28 日 星期一 【晴】

《瞬間看地球》 download左 google earth, 幾過癮, 因為可以睇到梁琬婷的屋頂！！ 全球各地都 search到, 細到邊條街, 幾多號都有, 長洲、鴨利洲都搵到, zoom埋去可以見到溫敬良住邊, 如果搵到個位置的話..... http://earth.google.com/ download google earth個 web site

>>November 30, 2005 at 4:00:08 AM GMT+8

2005 年 11 月 26 日 星期六 【晴】

今日要上 sport course, 事緣係我唔知要自己上網揀 sport course, 結果 deadline那天才知, 我諗住既然都唔記得左 take, 仲好, 唔駛去.... 但係點知 office打電話黎, 話我冇 take到, 所以編左我去一個叫 self concept enlightening既 course, 好明顯係因為呢個 course冇人 take, 所以有好多位, 本來要去兩日, 但係我下星期 chem要做 lab, 所以寫返封信就 ok, 結果去一日就搞掂, yes！ 今日搵左好耐先去到, 系數碼港, 唔知「典」解, 數碼港一 D都唔數碼, 結果遲左半個鐘, 不過仲有三個半鐘要過, 好彩今朝 test完 ethics後回家換左短袖衫, 唔係實熱死.... 玩左好多遊戲, 例如有一個人系石級上面, 背住面訓落黎, 其他人就系下面用手整一張床接住佢, 我諗好多人都玩過, 另外就係, 要玩游繩！！系一個五層樓高既柱上面, 有一個滑輪, 其中一邊就扣住一個人, 其他人就系另一邊拉佢上五樓, 唔好講笑, 下面係硬地, 冇野毯住, 萬一有咩意外跌落黎就係咁先.... 如果係以前, 我一定唔怕, 阿郭都話我有樣野我有佢冇, 就係心口有個勇字, 但係依家, 真係唔敢玩, 點解？始終有了家室, 呢個險搏唔過.... 臨走前梁琬婷叫我萬事小心, 我仲應承左佢, 有危險性既遊戲我唔會玩, 結果我就淨係拉人上去, 自己冇玩到, 冇後悔既, 安全第一 ma.... 《怕死 --- 陳奕迅》 無端端今年開始很怕死　年輕一點　一點都不顧忌 輪到未　最怕活著　但是沒運氣　爭口氣 人一生很少多于一世紀　還醒起很多任務未做 不等於有期　夠我逐件逐件地辦理　重新整理 談戀愛　遊天地　做喜歡的工作和享受遊戲 一死了　怎細味　一想死 la...la...la... 強壯地吸口氣　來看戲　來打機　來接吻 來添飯　來簽些卡也好過去死　希 如老友個個對我實在好　何以要個個也到我喪禮上狂號 還要人悼念　真的太殘酷　多恐怖 如你你我我厭世便入土　兒女與愛侶照顧的責任誰去做 一想到　woo　總卻步　怎捨得死 談戀愛　遊天地　做喜歡的工作和享受遊戲 一死了　怎細味　一講起　還是覺得很怕死 埋在腳下黃土地　難道會比這裡有驚喜　不捨得剩得你 誰在某天都會死　無奈我並無準備 留下未看的戲太早死　不捨得合起眼地逃避　誰更弱　你問你 oh　談戀愛　遊天地　做喜歡的工作和享受遊戲 一死了　怎細味　遲早死　la 希　為何還提早死　人人遲早夠期　今天為怎麼想死　過兩日再問你 希　完全忘記　活著又另有趣味　你未曾 到末期 la...la...la... 而我未捨得你 la...la...la... 最好笑係有人俾我地吊到上五樓後, 指住個海同個夕陽大叫： 「我地奔向夕陽！！！」 我地系下面話：「信唔信我地放手丫 la....」 之後話俾梁琬婷聽我冇玩, 佢竟然話： 「嘩！游繩好玩 wo, 你做咩唔玩 ar？」 激死我！！>< 《相依為命 --- 陳小春》 旁人在　淡出終於只有你共我一起 仍然自問幸福雖說有陣時為你生氣 其實以前和你互相不懂得死心塌地 直到共你渡過多災世紀 即使身邊世事再毫無道理　與你永遠亦連在一起 你不放下我　我不放下你　我想確定每日挽住同樣的手臂 不敢早死要來陪住你　我已試夠別離並不很淒美　我還如何撇下你 年華像細水沖走幾個愛人與知己 抬頭命運射燈光柱罩下來剩我跟你 難道有人離去是想顯出好光陰有限 讓我學會為你貪生怕死 即使身邊世事再毫無道理　與你永遠亦連在一起 你不放下我　我不放下你　我想確定每日挽著同樣的手臂 不敢早死要來陪住你　我已試夠別離並不很淒美 見盡了　雲湧風起　還怎麼捨得放下你 證明愛人又愛己　何以要那麼悲壯才合理 即使身邊世事再毫無道理　與你永遠亦連在一起 你不放下我　我不放下你　我想確定每日挽著同樣一雙臂 不必挑選我們成大器　當我兩個並無冒險的福氣 見盡了　雲湧風起　還怎麼捨得放下你 我們　仍珍惜這啖氣

>>November 30, 2005 at 3:58:09 AM GMT+8

2005 年 11 月 25 日 星期五 【颳風】

諗返 D野, 好好笑, 記得兩年前呢個時候, 小息同阿虫, dennis, virgin吹水, 話題係圍繞一套西片 - 驚兆..... 最好笑係每一個人聽到驚兆, 就會立刻爆粗, 因為呢套以懸疑片種掛帥既西片, 實質上係動作片！ 以為會以麥田園帶出其他懸疑劇情, 點知成套戲係講打外星人既, D外星人一掂水就會死, 基本上係笑片一套！ 我地幾個既對話中, 講過「爛片」二字不下數百次, 每個人睇完都會以「爛片」二字黎形容驚兆.... 之後我拎左隻「驚兆」VCD出黎, virgin, dennis同虫即刻笑到七個一皮！ 笑下笑下又過一個小息勒.....

>>November 26, 2005 at 1:57:01 AM GMT+8

2005 年 11 月 24 日 星期四 【颳風】

《我會掛念你 - 陳慧琳》 行李放滿身邊　此刻我給你發現　人紅著眼　湧出小雨點 明是昨天　苦苦訓練一千遍　臨別的一刻不想哭一聲 無奈這晚　我哭得四方都聽見 臨行撲向你雙肩　雙手去感覺你面 言詞尚欠　心底的卻萬千　曾是雪天　一起向日出光線 承諾彼此一生相依身　無奈這晚向天邊客機講再見 我會掛念你　當星光優美 在晚空察看遠方中的角落　訴說你樂與悲 我會掛念你　當分開千里 就算我世界　有繽紛天與地　我眼內仍是你 傳達遠方　聽筒裏熟識聲線 期望你會好好開始一天　臨睡我會以一張照片可再見

>>November 26, 2005 at 1:22:41 AM GMT+8

2005 年 11 月 23 日 星期三 【颳風】

沒有玩過 Sony PSP亦不打算擁有一部, 沒有把頭髮染至五顏六色, 沒有閱讀 MILK, 東TOUCH, 便利, 新 MONDAY的習慣, 不喜歡TWINS, 沒有 iPOD, 整個衣櫃沒有一件名牌衣服, 如果 nike, 佐丹奴, adidas唔計的話.... 人隨著年紀漸長, 漸漸不明白年青一輩所喜歡的事物有什麼吸引, 曾幾何時我也做著相同的事, 喜歡著相同的物事, 但現在回望卻又有點一頭霧水不明所以, 以前總抱著一顆赤子之心待人, 愛的、重視的、尊重的, 統統無保留地向對方傾注.... 憎的、厭惡的、鄙視的, 同樣無掩飾地分佈於臉上, 碰了很多次釘, 不可說是死法活來, 但少不免遍體鱗傷, 愛的恨的仍然強烈.... 不想受到社會同化, 不想為這個社會而改變, 不想接受這個腐朽的社會, 不想為人際關係而努力, 不想時常看人面色而做事, 不想在這爾虞我詐的社會再待下去, 不想理會這個社會所發生的事, 不想理會這個世界變成如何, 莫想身外無窮事, 且盡生前有限杯, 如果可以的話, 真想與梁琬婷避世隱居, 咩都唔駛理.... 如果我們可以先大個, 後細個就好了....

>>November 25, 2005 at 11:38:09 PM GMT+8

2005 年 11 月 22 日 星期二 【颳風】

記得曾幾何時, 朗拿度被稱為外星人, 九六年在巴塞隆拿的驚世演出, 簡直冇人擋得住, 話過就過, 一個爆幾個之後射入埋, 當時的他只有二十歲.... 又記得李華度有魔術腳之稱, 其倒掛金勾絕技至今仍令人津津樂道, 李三腳亦連續兩年帶領巴塞隆拿奪得西甲冠軍, 最經典的一役, 莫過於 2001年西甲最後一場煞科戰, 巴塞隆拿對華倫西亞, 當比賽踢成二比二時, 李華度以一記倒掛金勾, 在禁區外扣關, 死角破網, 以救世主姿態, 帶領巴塞隆拿超越華倫西亞, 從後趕上奪得聯賽第四名, 趕上歐聯尾班車.... 現今二人高峰期已過, 而巴塞隆拿現時的皇牌, 就是在 02年世界盃, 與以上二人合組成 3R的朗拿甸奴, 不得不承認, 當今世界球王非他莫屬, 帶領巴塞隆拿大破皇家馬德里 3:0, 其神乎其技的演出, 簡直匪夷所思, 他那球王般的級數, 相信無人會質疑他那球王資格, 而當今球壇云云球員之中, 相信亦無人可以將他擋下來, 我只可以講句, 朗拿甸奴真係癲 ga！！ http://nikefootball.nike.com/nikefootball/tiempo/video/downloads/nikefootball_ronaldinho_high.zip 朗拿癲佬禁區外球不著地連中四次門眉片段, 要用 quick time睇....

>>November 25, 2005 at 11:33:25 PM GMT+8

2005 年 11 月 21 日 星期一 【颳風】

其實很多東西, 當你遠觀之際, 一切皆是那麼美好, 什麼瑕疵都因為距離的關係, 而變得渺不可辨, 但當你逐步移近, 就會發覺原來破綻遍目皆是, 更可能發覺一切的美好, 都只是掩飾著內裡那堆發臭得很的敗絮而已.... 就好像很多明星偶像, 全身穿戴得體, 身披名貴衣服, 手挽名牌手袋, LV, Gucci, Burberry, 男的俊女的美, 但原來現實生活中, 都只是一批腐敗得可憐的慘綠青年.... 有時我會想, 究竟越喜歡一樣東西, 是否應該保持距離, 讓其長久保持在我心目中的完美形像呢？

>>November 24, 2005 at 5:50:55 PM GMT+8

2005 年 11 月 20 日 星期日 【颳風】

愛上一個人不需要靠努力, 只需要靠「際遇」, 是上天的安排.... 但是....「持續地愛一個人」就要靠「努力」, 在愛情的經營中, 順暢運轉的要素就是溝通、體諒、包容與自制....

>>November 24, 2005 at 5:50:47 PM GMT+8

2005 年 11 月 18 日 星期五 【颳風】

對失意人，不談得意事。 處得意日，莫忘失意時。

>>November 24, 2005 at 5:50:39 PM GMT+8