2005 年 12 月 14 日 星期三 【颳風】

dennis話我知, 原來速成可以打到個「閪」字！ 之後我同梁琬婷講, 佢就問我知唔知「閪」個英文名係咩, 我話唔知 wo, 佢就話,「閪」的英文名係 simon..XDDDD 仲有, 如果你用速成打個「令」字, 按 shift 6會出到「令人噴飯」！ 原來「令人噴飯」係一個成語黎架！ 唔好講笑, 古人已有令人噴飯之語, 語本宋「蘇軾」, 《文與可畫篔簹谷偃竹記》：「與可是日與其妻游谷中， 燒筍晚食，發函得詩，失笑噴飯滿案。」 清「周亮工」書影卷一：「今人演『武三思素娥』雜劇， 鄙俚荒唐，見之令人噴飯。」 《書影》全書十卷，清「周亮工」撰。 查《書影》屬《四庫全書》十一種撤燬書籍之一， 未見於內廷四閣之文淵閣本。此文瀾閣本是否因藏於浙江， 遠離內廷，而未如令撤燬；或如《四庫全書》簡介所言， 書雖經撤出，卻未交銷燬；抑或另有原因而傳世，則不得而知，有待考證。 最後, 想問大家點防 virus？裝 norton anti-virus？ 依家有種新方法防 virus.... 呢種方法好「安全」, 係要系「插」條 cable時, 「套」住條 cable...XDDDDDDD

>>January 10, 2006 at 10:41:30 AM GMT+8

2005 年 12 月 13 日 星期二 【颳風】

系 mini睇到呢個《五十個女生要男生知道的心事》, 笑死, 梁琬婷寫左佢既版本, 等我 post哂出黎先.... ０１）我「喊」，無論是否你的錯，你都一定要哄我。 我事無大小都爆喊架啦, 開心又喊唔開心都喊, 最記得緊係同你玩玩下兔仔豺狼, 你話食左我, 嚇到我真系喊左出黎, 當然你會 tum番我啦.... ０２）我都唔會每秒鐘都掛住你，大家咁話。 呢句改成「我都會每秒鐘都掛住你, 你一早知啦。」... ０３）我見到靚仔都會望，這也是天生的。 咁靚野實望既, 不過多倫多大學一個靚仔都冇, 反而係同 HP佢一齊望靚女囉.... ０４）我「哦」你都是因為我關心你和緊張你。 「哦」既定義係咪即係我係咁叫你著大樓同帶頸巾啊？ 咁你實在係好聽話既, 二十幾度都照著... 調番轉似 D, 你成日「哦」我叫我帶暖蛋浸水入暖水壺, 同埋著起碼三件衫出街啊麻, 呢D先叫「哦」... ０５）你唔使係有錢仔，但最好都有比較遠大的目標和理想， 在未來有成為一個有錢佬的可能。 呢個幾好笑, 引用句歌詞先... 「不必挑選我們成大器, 當我兩個並無冒險的福氣...」 遠大既目標同理想？ok啦, 夠錢食雪糕咪得囉, 挨到死咁制, 得番半條命既話, 有錢又如何？ ０６）同我出街時，可唔可以梳番個頭同剃鬚？ eh....點講呢...好明顯你重姿整過我... 呢句野睇怕我都無機會講啦... ０７）我知我唔係全世界最靚，但我希望你覺得我係， 時不時要讚我人靚歌甜樣靚身材正可愛溫柔同得意。 當然我有自知之明啦, 但係亦都好鐘意俾你讚... 例如讚下我醒目, 叻女, 搞笑, 認真, 亦唔少得...讚我得意啦！ ０８）當我剪了兩吋頭髮打了少少眼影穿了對新鞋時希望你會留意到。 我淨係想你系我肥左兩吋既時候留意唔到嗟...＞＜ ０９）所有大時大節紀念日同生日，你必須全部都記得。 連我自己都唔記得既甚麼甚麼紀念日, 可免則免, 你實會話, 生日要有蛋糕食... １０）我所有濕濕碎碎野都好想同你分享， 例如我用咩化妝品同護膚品，雖然你未必會明，但希望你會扮聽。 係有好多好多濕碎野都想同你分享, 你唔係唔聽囉, 不過係同我搶住系度爆講野... １１）當你滔滔不絕地發表你對工作細節電腦軟件, NBA英國足球聯賽等等的意見時，我其實也是在唯唯諾諾地扮聽。 我有聽架 (半夜差 D訓著時除外)... 我亦都知道和仔係李健和, 讚我啦！ １２）得閒做下磨砂同黑頭鼻貼，否則我會在凝望你時﹐ 不自覺地望住你鼻上的黑頭同粗大的毛孔。 hehehe....呢句你同我講過架, 都話你姿整架啦... １３）你臨訓前可唔可以刷牙？ 係 wo, 小心蛀牙啊... １４）你唔需要好靚仔，但一定要乾淨。 hahaha, 你最烏 wear既樣都俾我見過啦, 你訓醒個樣同平時...無乜分別啊！ １５）我 M 時係大哂，可以大條道理發脾氣， 你最好一個月忍我幾日就哂我。 大哂唔敢講, 不過痛到死就會既, 我知你唔會0個日激我既.... １６）我會假設你懂得操控及修理任何電器， 包括電腦相機電視機錄影機及HI-FI等等。 我既假設係你會將我亂黎既日記「修理」番好, 搞番掂晒 D colors同相, 甚麼甚麼 javascript唔係我專長啊麻... １７）有很多事我並不是不懂得做，只是不想做就扮唔識。 我真係唔識整 java喔, 呢 D glow字你知我都係抄人架... １８）每日去任何地方時都要 CALL話比我知你 位置及同邊個一齊，比我清楚哂你的行蹤。 其實邊個同你一齊系你隔黎又點呢, 反正你心入面那個都係我... １９）同一個笑話同話題，可唔可以盡量唔講得多過廿次？ 好既 gag唔介意講多幾次, 爛 gag免談.... (eg. 米奇老鼠把聲, 有毛雞蛋, G2000, 聽左幾十次都依然好好笑...) ２０）我發脾氣 CUT你線，其實係想你即刻打番電話來再哄我。 無啦啦 cut你線, 一係就係電話卡無錢, 二就係講講下 iphone俾 msn cut左, 三：好明顯就係我豬左 zZzZZZ, 四：傾傾下爆喊, 唔想俾你聽到我喊把聲, 五：發皮四... hehehe, 你數唔數到有幾多次呢？ ２１）如果迷路時，可唔可以快快趣趣向途人問路， 唔好逞強拉住我走來走去行好多冤枉路？ 依...唔通係講緊那次上完山頂我 ler你要食咕嚕肉, 你帶左我去灣仔點知搵極都搵唔到個街市？ 重要落緊雨架, 經過同一個球場兩次, 我先知你原來唔識路, 不過唔系咁, 又點會記憶咁深刻 wo.... ２２）我唔介意你有少少肚腩，但盡量唔好太肥，亦唔好比我瘦。 前面果兩句, 似你會同我講多過我同你講囉... 我認我係肥, 算啦, 減肥無望, 你接受你女朋友肥呢個事實啦！ ２３）太大隻既肌肉型男人一 D都唔 MAN，係好驚。 哈哈哈, 我都正想話, 白雪雪書生型既男仔咪幾好, 唔該千祈唔好去曬太陽燈扮大隻佬, 好嚇人.... ２４）我會好介意你有一Ｄ有不良嗜好的「兄弟老友」， 認為佢地一定會帶壞你。 算吧啦, 我比較驚你帶壞你 D朋友囉, 你知你中四個朵架啦.... ２５）在我的朋友面前，我希望你可以表現得比平時更錫我同緊張我。 已經好緊我好錫我架啦, 我班朋友已經睇到眼冤啦.... ２６）我煮飯比你食時，你唔可以覺得係奉旨，一定要「話」好食。 無錯無錯, 重要唔好再揀飲擇食, 呢樣唔食0個樣又唔食啊, 你又唔食蝦, 又唔食粟米, 菜又淨係食菜心, 煮野你食好難搞啊, 重有重有, 系屋企食飯唔該你唔好扮大少, 幫下手開飯啦！ ２７）琴棋書畫各類運動唱歌寫文章當中， 希望你最少會有一樣好叻（打機唔算），其他最好樣樣都識少少。 呢 D是旦啦, 反正我鐘意你唔係因為你識天才表演, 十項全能, 你寫得一手好文就得啦, 況且我講咩你都知既, 呢 D就係你所講既博學淺才嗎？ ２８）你要欣賞我的工作。 好明顯我係無業游民啦, 你都不知幾欣賞我無再番工, 係咪？ ２９）大男人唔等於霸道。 唔識分, 反正我就係鐘意你霸道, 俾你管住其實好幸福架... ３０）溫柔唔等於無主見。 不見得你無主見啊, 前者...你係啊！ ３１）瀟洒唔等於無交帶。 無交帶0個個...係我囉..＞＜ 乜都慘乜都好慘0個位邊個, 係我囉！(你湊女開心嗎？) ３２）不羈唔等於烏 wear。 是旦啦, 我番學都好求其, 反正又唔係要見邊個.... ３３）我鍾意你努力工作，但都要盡量抽時間陪我。 對對對, 雖然好無理取鬧, 但係呢句我鐘意... ３４）唔好成日問你約會去邊度好都話「是旦」， 咁唔叫就哂我只係表示你無心思。 好明顯你日日都會 plan好去邊, 最好每日既行程都加一樣, 就係...食雪糕！ ３５）如果我有朱茵的身型，我唔介意穿得像個性感尤物。 不過我唔係朱茵, 你亦都唔係黃貫中.... ３６）如果我同你講話要減肥，其實最想聽到你同我講： 「你一 D都唔肥，唔使減啦，我鍾意咪得囉。」 呢句中啦, hehehe, 或者你可以話「你肥我都鐘意架！」 ３７）我跟你說話的時候，唔知點解聲音會比平時嬌嗲同低 B。 睇下幾時啦, 我都人格分裂既, 需然唔想認, 不過...有時同你講野把聲真係會嗲過平時, 通常...係因為激嬲左你... ３８）CHECK你電話的來電顯示是我的嗜好之一。 我無咁既嗜好, 反而較為鐘意整估你, 例如襯你訓著左憫你 D白頭髮, 或者...囉勁凍既汽水掂你塊面！ ３９）你最好唔好有任何女性朋友、紅顏知己或契姐契妹之類的物體。 淨係唔好有契妹, 因為契哥契妹, 感覺上...好曖昧... ４０）我有男性朋友係好正常。 我係有男性朋友, 不過佢地個個都知你既存在 ga啦, 放心, 無契哥, 我唔興呢 D野... ４１）我希望你的女同事全部都是師奶呀嬸醜女或肥婆。 我希望你身邊既女仔都唔鐘意你, 但係我發現你自己令身邊無晒女仔 law！ 如果可以的話, 我會落咒令你淨系鐘意我一個, 不過睇黎你已經中左我既蠱啦！ ４２）我好有興趣去知道你同你舊女友的事，愈詳盡愈好。 當然啦, 我八掛小氣兼好奇, 但係聽完有衝動去鬧佢地, 唔識貨！ ４３）我有時都會掛住舊男朋友、以前暗戀過的男生、 華 dee梁朝偉同藤木直人。 hehehe, 無啦, 岩岩識你既時候就有... ４４）無論拍左拖幾耐，我都渴望你時不時比 D驚喜我。 我次次都俾你 surprise到...＞＜ 記得系中央圖書館那次, 你遲到, 我勁嬲, 你重跟住我行, 等我搵極你都搵唔到, 你講番你遲到既原因... 原來係去左曬相, 我即刻勁 say sorry... surprised, 重有好多啊, 我相信黎緊都會有好多好多驚喜... ４５）你要時不時對我講「我愛你」，否則我會假設你唔愛我。 你已經成日講啦, 我既 filtration symptom不治而癒。 ４６）大庭廣眾怕醜、唔出聲不叫斯文﹔大庭廣眾粗口爛舌唔係叫有型。 系大庭廣眾唔好扮斯文, 用「你好我係陳生」黎做開場白, 因為我會笑架, 明知你扮緊！ ４７）你打扮得太誇同我去街我會驚, 你完全唔打扮同我去街我仲驚。 點打扮唔緊要, 唔該同我去街唔好遲到.... ４８）發脾氣時要即時哄番，唔好比時間我冷靜下， 其實我完全唔需要時間冷靜。 tum我時唔好叫我 oi咕大oi咕乖, 我會以為自己變左做小朋友！ ４９）雖然已經有左你，但如果有人追我都會沾沾自喜。 唔好客氣... ５０）購物是女人的天性，請不要阻止, 或對我的購物行動有甚麼意見，最好間唔中資助下我。 haha我愛波鞋, 但係唔想你0徙錢同我顛, 冇番工已經冇買波鞋啦...＞＜

>>July 15, 2008 at 12:10:15 AM GMT+8

2005 年 12 月 12 日 星期一 【颳風】

系好耐好耐以前, 系遙遠既國度裡面, 有一位肥妹, 佢叫做灰姑娘, 灰姑娘有一對父母同一個姐姐，父親經常只使喚灰姑娘做家務， 並沒有叫姐姐做任何事, 而母親亦常常無理取鬧地責罵灰姑娘, 姐姐對灰姑娘也不好，隨意使喚她，與男朋友鬧交時亦找灰姑娘出氣... 基因小王子招親，皇宮舉行舞會，基因小王子將在舞會中挑選王妃人選。 全國少女都應邀參加，灰姑娘的母親卻不准灰姑娘去參加， 原因是基因小王子著黑色衫同瘦, 為了阻止灰姑娘去舞會, 所以派她做一大堆工作，例如剷雪、洗碗、換車呔、剷草、淋水、 吸塵、安裝新抽氣扇、整水喉、系天頂加隔熱綿.... 在 pandaZ的幫助之下，灰姑娘終於能夠乘坐香蕉變成的香蕉船、 由 be@rbrick變成的馬匹，穿著 pandaZ變給她的漂亮的 sweater， 去到基因小王子的舞會, 但是 pandaZ告訴她, 一定要在午夜十二點以前回來，因為所有的法術到了午夜都會失靈, 就是香蕉船會變回香蕉, 馬匹會變回 be@rbrick... 灰姑娘在舞會中吸引了基因小王子的注意， 一齊 rap LMF同唱陳奕迅 D歌, 唱了整個晚上，午夜鐘響起, 十二點到了，灰姑娘來不及跟基因小王子道別， 就匆忙離開，不小心掉了一隻 nike air force 1限量版波鞋, 基因小王子憑著一隻 nike air force 1限量版波鞋， 到世界各地去尋找這位「外國的公主」，都沒有結果。 基因小王子的使者火柴人終於來到灰姑娘的家，原來就在加拿大的多倫多, 灰姑娘的母親拼命阻止灰姑娘出來試 nike air force 1限量版波鞋， 但是沒有辦法，灰姑娘極力爭取， 掏出自己保存的那隻 nike air force 1限量版波鞋， 證明她就是當日與基因小王子一齊 rap LMF同唱陳奕迅 D歌的姑娘... 灰姑娘終於能夠脫離父母姐姐的掌握，嫁給基因小王子， 而她的名字亦由灰色變成黃色, 因為她改名叫做黃面婆。

>>July 15, 2008 at 12:12:07 AM GMT+8

2005 年 12 月 11 日 星期日 【炎熱】

阿郭一年前 send俾我的聖誕咭, 給阿郭說中了, 在此特別鳴謝阿郭...

>>December 11, 2005 at 11:10:33 PM GMT+8

2005 年 12 月 10 日 星期六 【炎熱】

今日累死了, 都唔係今日先累死, 係日日都累死... 之前的日子仲累, 因為星期一至星期日七日都要返學, 星期一至六要返 space上常規 lecture, 星期日要上 TOEFL同 IELTS的預備班, 依家 TOEFL同 IELTS預備班完左, 都有返個星期日休息, 已經算好好 ga la... 上星期六早上 8:30至 11:00要返 space上 ethics lecture, 11:00至 12:00上 ethics tutorial, 下晝 2:00至 5:00要去薄扶林總部做 chem lab, 之後又要返回金鐘 space傾 bio poster project, 傾到 7:45我要走先, 因為要返香港仔去聖堂, 10:00才回到家, 個人散了.... 今日又係星期六, 早上 8:30至 11:00又要返 space上 ethics lecture, 之後 2:00至 6:30去左葵芳搵 slope, 因為今個星期五 genetics要做 slope presentation, 同組其餘人仕, 一個住粉嶺, 一個住青衣, 一個住葵芳, 我住香港仔, 結果影左 D相, 星期一要再出過葵芳傾個 project, 返到屋企食左兩啖飯又再出過門口, 因為 7:15要返到聖堂, 點知系聖堂訓著左幾次, 不停咁釣魚, 都係 10:00才回到家, 呼..... 年近 sem尾, 全世界都系度趕 project同 Assignment, 唔係唔想早 D做, 而係一路已來都有, 交完一個又有另一個, 岩岩先 mid term完就要趕個 field trips report, 十二月一日交, 有 D Assignment既 topic就岩岩先 upload上網, 但係兩個禮拜後就要交, 想早 D做都唔得, 今日先交完 chem lab report, 依家 ethics要寫 group essay, 中文要作文, genetics要做 slope presentation同 group essay, bio要做 poster同 presentation, 好彩中文 presentation同 group essay系十月已經做左, 因為我地係第一組, 如果係最後一組, 就係依家做, 咁就嗚呼哀哉勒.... 放完 X'mas先考試, 好好好, 有個 X'mas假期可以溫書.... 好！廢話講完, 繼續開工！

>>December 12, 2005 at 1:01:03 AM GMT+8

2005 年 12 月 9 日 星期五 【颳風】

世界盃抽籤結果, 荷蘭阿根庭篇入死亡之組... 荷蘭, 阿根庭, 象牙海岸, 塞黑被編入同組, 可以話係車路士之組, 期待洛賓, 基斯普, 杜奧巴, 基士文四車互片.... 英格蘭又同瑞典一組, 已經係第三四次, 巴西同日本, 澳洲, 克羅地亞一組, 出線應該冇難度, 唔通出年又係巴西玩哂？唔好掛....

>>December 10, 2005 at 8:06:38 AM GMT+8

2005 年 12 月 8 日 星期四 【颳風】

曼聯歐聯出局了.... 曼聯出局, 其實都唔係咁大件事, 雖然係包艇出局, 但係勝敗乃兵家常事, 試問又有哪支球隊未經歷過低潮呢？ 曼聯應該會抄費 sir ga la, 格拉沙見曼聯都賺唔到錢之餘, 仲蝕錢 tim, 佢可能會將曼聯賣返出黎, 咁樣既話, 出局都未嚐唔係一件好事.....

>>December 10, 2005 at 8:03:44 AM GMT+8

2005 年 12 月 7 日 星期三 【乍雨乍晴】

當你發現同時愛上兩個或以上的人, 不知如何抉擇, 你不用自責「花心」, 亦不必高興有多個選擇, 因為這只是表示身邊的全非理想對象, 才會叫你躊躇, 就如治療頑疾的藥物, 若是靈丹, 一種就夠了....

>>December 10, 2005 at 12:40:19 AM GMT+8

2005 年 12 月 6 日 星期二 【乍雨乍晴】

今日好凍啊, 有嚴寒警告, 氣溫得返十一度咋, 等左咁耐, 終於有機會帶梁琬婷織俾我條頸巾返學勒！ 好開心啊, 我等呢日等左好耐 la！ 其實我覺得, 冬裝真係為左 fashion, 保暖都係其次, 今日見到 D米芝蓮 ar, 大褸 ar, 毛毛衫 ar, 咩都出齊哂, 雖然真係好凍, 但係梁琬婷好大聲咁串我話： 「十一度真係好凍 wo！仲有嚴寒警告 tim！我呢度零下七度 wo！」 激死我, 不過算, 因為有得帶梁琬婷親手織既靚靚頸巾, 成三米咁長, 可以繞三個圈, 好暖好暖, 條頸變得好「大舊」, 搞到我好似系冰天雪地咁, 個個見到我都問我, 你好凍咩？ 我好明顯係為帶頸巾而戴頸巾 la, 溫暖牌真係正！

>>July 15, 2008 at 12:15:12 AM GMT+8

2005 年 12 月 5 日 星期一 【颳風】

織左三個月, 條頸巾終於織好 la！ 本來話打算系加拿大落第一場雪前, 織好條頸巾寄過去既, 但係我織完第一舊冷之後去再買冷, 點知竟然冇哂貨！！？ 所以要一次過買幾舊第二隻色既冷, 從頭再織過... 因為之前那條織左一個月, 所以呢條淺紫色頸巾, 其實只係織左兩個月, 依家終於完工了！ 每日搭巴士返學放學時, 我都會拎出黎織, 因為平時好忙, 所以只有搭車時先有空餘時間織, 已經試過三次, 織織下俾師奶撩... 雖然唔可以系加拿大落第一場雪前, 織好條頸巾寄去加拿大, 但係對於第一次織頸巾既我黎講, 已經織得好快 ga la, 等梁琬婷仲成日話可能要等到出年夏天先收到.... 好, 聽朝就去郵局, 寄條頸巾去加拿大！ 同梁琬婷織俾我那條一樣咁長, 有三米... 因為太長, 所以唔可以拉長黎影, 相機影唔哂... 左邊奶白色的是梁琬婷織俾我既, 右邊淺紫色的是我織俾梁琬婷的... 我自己試戴呢條織俾梁琬婷的頸巾.... 因為織左三米咁長, 所以可以繞三個圈, 賣相雖然唔夠梁琬婷那條靚, 但係一樣好暖好暖.... 我似唔似 hunter x hunter裡面, 幻影旅團中幪口那個成員？ 呢條就係唔夠冷而擱置那條頸巾, 我阿妹話係肚兜... 依家變左小梁琬婷既枕頭同綿胎....

>>July 15, 2008 at 12:19:45 AM GMT+8