|
2005 年 9 月 13 日 星期二 【晴】
笑鬼死....
http://www.miniforum.org/showpost.fcgi?MGID=1733619&page=1&tempid=2
「我同我班 fd走去石 o bbq, that st joe 仔+gf走黎 chi爐用...
果日仲落雨wo..佢地就向到自自在在bbq...
我同我班fd就要help them 拎遮...我都唔計佢la...佢仲要同我班fd say:
"14 都可以搵到學校ga 咩?!" 仲有...
"20分 (佢25分) 拔尖ng 到係恥辱...D人 25分諗尖拔尖入港大 Law"
之後佢話無講過~ 仲屈係自己 gf say ge~~
令我好不爽ｌｏｒ～～ 唔post 出黎好唔順條氣~!!
佢仲向XANGA SAY:
今年中秋節......竟然要同xxx 一齊過.............此乃遺憾一
天氣無常，場地擁擠，此乃遺憾二
慘遭冤枉，硬食死貓，此乃遺憾三
一眾鼠輩，不問情由，強詞奪理，豈有此理！
(自己講左唔認...勁牙!!仲話我同我班 fd 係鼠輩)
吾素不知其人，其名，更遑論其分數也，吾何以知之？
且吾素不喜以分數定其人，何故笑之？
況吾身邊之人尚不知其言，汝等卻聽其清楚，千里傳音乎？
既有微言，應即時反應，於背後說三道四者，非君子也！
以粗言辱人，此乃小人之所為，實不足為道矣！
日月昭昭，言不成理者，何以服人？
縱氣憤難平，卻有所得，人多好辦事！
三人成虎，四人，成獅也！雙拳，難敵四手，嗚呼！
餓死石澳之灘，義不食死貓！」
>>January 20, 2007 at 6:27:51 PM GMT+8
2005 年 9 月 10 日 星期六 【晴】
你就係項羽！？我個仔係西楚霸王！？shit！
今日係九月十日, poly打電話黎話 HD fashion and textile有位,
問我讀唔讀, 我心諗, 你唔好再遲 D？開哂學先打電話黎...
但係阿郭好詫異咁問我：「你做咩唔讀呀！？」
我話我已經交左 space錢, 過多兩日就開學 la wo..
阿郭就話, HD fashion and textile全部都係女仔黎 ga！
我當然「下」左一聲 la, 之後同返梁琬婷講, 佢竟然話：
「你咪讀 law, 全部都係女學生 ma！」笑死...
尋日同阿金、腐雞、正男、蚊仔去左唱卡啦 OK,
都唔係唱歌 gei, 臨尾個鐘齋聽歌, 我地就0係度吹水,
蚊仔問我有冇睇過依家套《放學 ICU》, 佢話0個隻野個口頭禪係「fuck you」,
仲要係0係兒童節目播, 蚊仔就唱唱下歌係咁「fuck you」, 笑死...
仲有阿金0係度講佢俾名校女生、闊太性騷擾經歷, 聽到我地成班麻甩仔血脈沸騰,
基本上由一開始至到唱完, 唔係唱咸濕歌就係講咸故, 唔係講咸故就係講咸濕笑話,
阿金唔知點解等來等去都未到自己 D李克勤, 原來俾我係咁插哂 D eason上去,
我地仲點左陳慧琳同劉德華既《我不夠愛你》, 我地係純粹睇 kelly 濕身MV,
而唔係唱歌, kelly那條紅色珠鍊吊帶裙, 睇到我地幾個眼都突, 大呼小叫...
當然我地有點張學友既《怎麼捨得你》la, 可惜太耐冇聽團長同 dennis唱,
我同阿金都唔記得歌詞, 搞到要 cut歌...
唱完後, 我地決定唔到去邊, 就0係銅鑼灣路中心企左0係度講咸濕野,
正男叫我地唔好 la, 阿金就話, 咁就邊行邊講 la...
之後我、阿金同腐雞上左正男屋企, 佢地打機, 我就玩 BB,
得七個月大既 BB真係好得意, 之後梁琬婷打電話黎,
阿金問我邊個打電話黎, 我問梁琬婷點答佢好啊, 之後阿金話,
如果係阿郭打電話黎, 我唔會係咁既語氣 wo...
跟住我遞個電話俾個 BB, 同個 BB講：「叫 la！」
其他人梗係笑 la, 肯定係諗緊邪野, 梁琬婷問我個 BB係咪阿金既,
我話梗係唔係 la, 阿金先得0個廿歲, 之後阿金話：「睇小我！？就生俾你睇！」
之後我一路玩 BB, 一路同梁琬婷傾電話, 阿金好大聲咁話, 咁得意咪生返個 law！
>>September 24, 2005 at 3:03:31 PM GMT+8
2005 年 9 月 9 日 星期五 【晴】
看了梁琬婷朋友, 阿 jen姐姐的日記, 內容是這樣的...
「做情人, 如果係冇時間見, 就算有既時間都係去陪朋友,
同朋友出街既話, 咁 what's the point for being拍拖呢..？
如果你見朋友係多過見情人, 冇時間去溝通既話...again...
咁 what's the point for being拍拖呢...？」
自從同梁琬婷結婚以來, 我就差不多九成時間都是與世隔絕的,
好明顯, 這九成時間都是用來陪梁琬婷的,
兩個人勁搶咪, 都唔知點解咁多野講, D話題講極都唔完,
兩個都係傻 gei, 呢段與世隔絕的生活, 真係好開心, 勁鍾意呢種生活...
可能有人會話, 既然大家都有心維繫, 既然大家都有心一生一世,
那麼就不用花這麼多時間在對方身上, 難聽 D講句,
追求時就話要花時間、心機、心血、精神在對方身上姐, 既然已經「得到」了,
為何還要花時間在對方身上？為何不用這些時間去做自己的事？
亦有人會話, 拍拖不是用心來維繫的嗎？心照得 la, 你心裡有我, 我心裡有你,
一切盡在不言中, 唔駛成日都一齊既.....
真的很享受與梁琬婷兩個人在荒島避世隱居, 與世隔絕的生活,
人往往總是自以為是, 以為自己了解一切, 掌握所有, 不用開口也明白, 盡在不言中....
其實, 這只是給自己開不了口的藉口, 要主動說聲 shall we talk, 其實很難,
我不願意自己亂猜, 或是看著你的一臉惘然, 如果談過後, 我們能了解對方多一點,
即使只是一點點, 我不介意由我開口, 跟你說句：shall we talk？
當然, 對於我同梁琬婷兩個「口水怪」來說, 要靜一刻都難,
唔知係梁琬婷蠢丫, 定係香港同加拿大的文化差異, 又或是梁琬婷的中文太差,
經常都要我慢慢解釋俾佢聽, 無論是哪個範疇的話題, 梁琬婷都有很多不懂的說,
正經話題如是, 學術話題如是, 歷史話題如是, 時事話題如是, 宗教話題如是,
常識話題如是, 愛情問題如是, 連唔正經的話題亦都如是,
那麼我唯有好似教細路咁, 俾好多愛心與耐性, 一五一十咁解釋俾佢聽,
不過次次講講下都扯到好遠, 唔記得一開始講緊咩....
人類是沒有辦法完全互相理解,「心有靈犀」,「心靈相通」,「彼此了解大家」等,
都不是必然的, 必須經過溝通、解釋, 方能了解對方的想法,
不能強求對方應該明白自己心裡想著甚麼, 我們都不是彼此肚子裡的虫,
溝通、了解、關懷、包容, 然後解決問題, 這是兩夫婦必定要有的,
「盡在不言中」只會為大家帶來更多更多的誤解...
其實我們都知道, 一旦開學後, 就連傾電話的時間也沒有了,
所以, 就趁未開學, 就一次過將一年要說的話, 一次過講哂佢....
其實開心可以好簡單, 在乎你自己的心態而已, 知足常樂啊,
珍惜已有的一切, 想想一切都是「得來不易」, 有很多人活在水深火熱中,
你就會覺得自己已經很幸運, 很幸福了...
>>September 24, 2005 at 3:03:09 PM GMT+8
2005 年 9 月 8 日 星期四 【晴】
今日梁琬婷俾佢媽媽鬧, 事緣係咁.....
梁琬婷0係房度同我傾緊偈, 佢阿媽開著個爐煲野, 之後自己走左去洗衣房,
返到黎見到成屋都係煙, 就瘋狂咁鬧梁琬婷, 話梁琬婷唔熄爐,
梁琬婷話佢阿媽又冇知會佢一聲煲緊野, 冇叫佢睇火,
佢0係房裡面, 根本就唔知廚房煲緊野, 之後就係咁鬧, 又拎其他野黎鬧,
佢媽媽仲鬧佢, 點解頭先唔問下係咪煲緊野, 梁琬婷話自己0係房度點知姐,
唔通無端端問咩, 咁自己0係房裡面, 鬼知廚房煲緊野, 鬼知媽媽走左去咩,
梁琬婷就勁唔開心, 話佢媽媽自己做錯事就推卸責任落佢度, 都唔係第一次....
眼見梁琬婷因為被父母無理取鬧而極不開心,
我對梁琬婷說了一句說話, 我應承了梁琬婷, 無論如何,
無論用任何方法, 就算辛苦至死也好, 無論點都好, 在這一年裡, 我一定會...
「盡力而為」是不夠的, 而是「一定要」！
我一定會履行我的承諾, 這是我與梁琬婷之間的「約定」...
失敗的經歷, 是年輕人成長最寶貴的經驗, 是上天賜予的珍貴禮物,
是上天賞賜給你的一個機會, 一個磨練自己心志的機會,
每一次的失敗, 都是一個考驗, 一個鍛鍊自己克服逆境的考驗,
失敗是成長的代價, 人總要在摔倒後爬起來, 才能走得更穩, 走得更遠...
只有克服每一次的失敗、嚐試過無數次失敗的人, 才知道成功的可貴...
路途平坦、沒嚐過失敗、沒有狠狠跌過一交的人, 並不值得羨慕...
因為他們沒有被上天眷顧, 沒有成長的機會, 沒有磨練的機會, 沒有鍛鍊的機會...
一旦在未來的日子裡, 狠狠的踤倒一次, 那人便可能會萬劫不復...
只有經歷過每數次失敗再站起的人, 才能走得更穩, 走得更遠..
明白以往的「失敗」, 並不是阻礙, 而是「禮物」...
唔可以逃避....
「真希望一切都沒發生...」
每個人遇到困難都會這麼想, 但我們無法決定自己的命運,
我們能決定的, 是在一定的時間內, 如何去完成我們被賦予的使命...
路只要一直向前走, 就有了...
>>September 24, 2005 at 3:02:50 PM GMT+8
2005 年 9 月 7 日 星期三 【微冷】
雙人射球！左傑斯激右碧咸！至型的射球, 至型的撲救！
能救出這雙人射球者, 天下間只得一人, 永遠的奧脫福守護神 - 舒米高
http://www.zippyvideos.com/146077206330155.html
p.s.史上最勁的假身, 凌空施丹式轉身！笑死！
http://www.zippyvideos.com/3790095841515096/soccer_am_-_andre_kanchelskis_showboat
>>January 20, 2007 at 6:28:04 PM GMT+8
2005 年 9 月 6 日 星期二 【晴】
織織復織織....
梁琬婷織左條好靚既頸巾俾我, 好想快 D收到啊！
D冷係佢0係香港時, 我陪佢買既, 真係織得好靚, 簡直係巧奪天工！
點解可以織到咁靚 ga！？好想快 D冬天, 日日戴住條溫暖牌返學 ar！
早前梁琬婷遇到很多不如意的事, 好多唔好彩的事,
所以我決定織條頸巾 tum返佢開心, 我想0係加拿大落第一場雪前織好佢寄過去,
梁琬婷話隻色好靚, 好鍾意, 但佢同我輸賭, 我一定唔可以系加拿大落第一場雪前織好,
佢話第我咁既樣, 織到出年夏天都未織好 la....
我特登向我媽媽學織頸巾, 但係好鬼難 ga真係...
我織到三四行已經話難, 織到一舊舊, 又穿錯哂 D線, 第一次織頸巾就織錯哂...><
我本來織左四五行 (計埋起針果行), 點知織錯哂, 又織得好核突,
俾我媽媽拆哂, 要再織過, 激死我, 真係手又累, 又難織...
好多人話, 第一次織的話, 織粗針粗冷易好多...
我親戚都叫我織粗針粗冷, 一來易織, 二來快織完, 三來潮流興, 四來型..
但係因為梁琬婷0係加拿大, 加拿大十月尾至十一月頭就會落雪,
十二月至二月更加會落到遍地積雪, 氣溫更低至零下幾十度,
我見過粗針粗冷會好大個窿, 我唔想為織而織, 唔係想為 fashion而織,
而係想真係可以帶給她溫暖, 近排加拿大開始轉涼,
佢話0係呢 D日子, 就更加思念我, 因為我身在香港, 不能在她身邊,
我很內咎我沒有盡男朋友的責任, 在她身邊摟抱著她, 給她溫暖,
當她有事發生時, 我不能在她身邊安慰她, 那時我真的感到自己的無能,
感到自己的無助, 我覺得自己好冇用, 是一個失敗的男朋友....
所以我不想隨隨便便織條頸巾當交差就算, 雖然真係好難,
又成日甩線, 又穿錯哂, 又織得核核突突, 但係我真係想, 縱使我不在她身邊,
亦有我親手織的第一條頸巾帶給她溫暖, 我係特登向我阿媽學 ga！！
相信多數都是女孩子織頸巾給男孩子, 我亦沒有想過我要 / 會織頸巾,
的確正如梁琬婷所說, 我做 D野都幾 amazing, 不過我的目的只有一個,
就是希望縱使我不能經常在她身邊, 我亦能帶給她一個暖粒粒的冬季....
織左一舊冷 la！不過看來要織多四舊冷先夠, 同梁琬婷織俾我那一條相比,
簡直是相形見拙！咁當然 la, 她是老手, 小學六年級已經開始織,
人家卻是個新手, 又係男仔, 手工自然來得粗糙, 冇梁琬婷咁靈巧,
不過有一樣東西是絕不比梁琬婷少的, 就是我的心機與心血,
我織這條頸巾的熱誠, 一定比梁琬婷多, 因為...你有冇見過男仔織頸巾俾女仔丫！？
雖然真係織得好核突, 但係人家真的用心去織 ga！
我唔理 ar, 織成點都好, 梁琬婷你都一定要帶！人家織得好辛苦 ga！><
>>January 20, 2007 at 6:27:37 PM GMT+8
2005 年 9 月 5 日 星期一 【微冷】
梁琬婷寫了一本書俾我, 本來話係今年既生日禮物黎既,
點知佢當時寫唔切, 佢前排先寫完, 之後從加拿大寄本書過黎,
一百八十七頁的少爺占《愛說話 2立體聲》, 梁琬婷就就每頁的主題,
寫上自己的感覺、經驗、經歷、事跡、感受, 將每一頁都寫得滿滿的,
結果寫左三個月, 很有心, 不過梁琬婷仲未寫完的,
因為佢又買多本芝 see菇 bi的《囉囉囉》, 都係諗住寫哂本野俾我,
(《囉囉囉》係給情人, 《話話話》係給朋友, 之前阿郭送過本《話話話》俾我...)
仲有本森美小儀 sketch book, 呢本係我借俾梁琬婷睇,
佢索性帶埋返加拿大, 好似寫少爺占同芝 see菇 bi本野咁,
寫埋森美小儀本野, 我想這應該是出年和後年的生日禮物吧！
anyway, 謝謝梁琬婷的心思....(唔好誤會, 我唔係哂緊命, 信我！！！)
在少爺占本《愛說話 2立體聲》中, 其中一篇梁琬婷是這樣寫的....
「你知嗎？我小時候真的認為人是可以站在雲上,
就像 twinstar的天使一樣, 後來大個才知道那只是幻想, 很失望呢 >.<
小時候, 常活在自己的世界裡, 真好....
細個會朝早六時起身睇恐龍戰隊, 0係梳化上面跳, 扮變身,
不知你會否曾做同樣的事呢？」
個個細路都一定睇過戰隊電視劇, 次次都係紅戰士做主角,
五個人做出奇形怪狀的姿勢大喊：「變身！」
次次都係爆炸之後, 逐個逐個打個空翻之後慘叫,
當隻怪獸唔夠打就變大, 戰隊們就叫機械人, 之後合體, 大獲全勝....
到了故事中段, 傳說之第六人登場, 一係就白色, 一係就綠色,
實力仲同主角紅戰士有得揮, 集集如是, 輯輯一樣....
不過...唔知點解一蟹不如一蟹, 一輯不如一輯,
唔係話人大個左睇返覺得低 B, 唔關劇情事, 我指的一蟹不如一蟹, 係佢地既造型....
仲有咸蛋超人同幪面超人, 咸蛋超人多數係飛行防衛隊的一員,
冇人知道佢既真正身份, 功能係識「變大」....
我反而覺得幪面超人好睇 D, 起碼有劇情, 細個睇幪面超人係會覺得驚 ga....
因為細個覺得幪面超人劇情好恐怖, 好黑暗, 戰隊同咸蛋超人就正常一點,
每一代幪面超人都會有架電單車, 仲要好型, 佢唔識變大, 冇機械人,
不過同戰隊一樣, 都會做出奇形怪狀的姿勢大喊：「變身！」
MIGHTY MORPHIN POWER RANGERS
最經典
POWER RANGERS TURBO
依然係紅戰士擔正
POWER RANGERS IN SPACE
都幾型
POWER RANGERS LOST GALAXY
有 D第一集feel
POWER RANGERS TIME FORCE
好似甲蟲
POWER RANGERS WILD FORCE
白戰士登場
POWER RANGERS NINJA STORM
左邊0個兩件蛋散乜水 ar？咁柒 gei
POWER RANGERS DINO THUNDER
白戰士擔正, 紅戰士行開
POWER RANGERS ZEO
WTF！！柒到佢丫, 好心唔好用星星、三角形做眼 la, 笑 Q死
POWER RANGERS S.P.D Space Patrol Delta
點解好似越來越柒咁 gei？竟然有七條友！？
最右邊0個個又係乜水 ar？
Power Rangers Mystic Force
本來以為正常返 D, 但係睇下綠戰士, 佢隻眼係牛角
粉紅戰士隻眼係蝴蝶, 又係笑到爬地
POWER RANGERS LIGHTSPEED RESCUE
史上最柒既戰隊 ar！！！！
你睇下佢地 D眼, 真係笑鬼死
我相信 D怪獸見到佢地都笑死左 la
>>January 20, 2007 at 6:27:23 PM GMT+8
2005 年 9 月 4 日 星期日 【晴】
新連載！足球小將 golden-23 go for germany！
新一期 jump封面, 第一頁係志偉高舉世界盃,
戴志偉不死傳說！我都唔知可以講咩好....
唯一想睇到既, 就係巴塞隆拿 vs車路士, 睇下高橋陽一點樣畫油王同摩連奴！
話唔定油王出高價收購戴志偉, 志偉會唔會加盟車路士呢？
仲有就係, 李華度已經半引退, 究竟志偉既對手利華爾會唔會又收埋皮呢？
>>January 20, 2007 at 6:26:31 PM GMT+8
2005 年 9 月 3 日 星期六 【晴】
副學士係乾電池, 提供完電力之後即棄....
【明報專訊】香港城市大學與深圳市政府代表昨日舉行簽約儀式，
在深圳虛擬大學國家大學科技園，設立科研基地。
由於基地是作研究、教育及產業發展用途，
深圳當局豁免地價批出一幅12,500平方米的用地予城大。
城大只需動用8000萬元，作為建築費和研究費，基地將於2007年落成。
城大是繼理工大學後，第二間進駐深圳的本港大學。
廣 告
5年收入達3000萬
城大對外業務總監伍金銘說，城大2000年開始已在深圳成立研究中心，
今次正式建立大型基地，容納更多研究中心。
過去5年，城大在當地設立的深圳研究院和3個應用研究中心，
至今已接獲約40項科研合約，提供逾200項顧問和測試服務，
累積收入達2000萬至3000萬元，伍形容每年收入是「倍數增長」。
伍金銘指興建基地和研究費的8000萬元，
來自本身捐款和營運收入，而主要收入則來自城大專業進修學院。
伍稱日後的收入會開拓更多研究項目和發展基地。
伍又說，現時在深圳的研究中心與北京大學和當地醫院，合作做中藥研究。
中心又提供一些研究課程和短期培訓，本港及內地學生可以將自己的在校研究，
透過中心成為社會能應用的產品，所以將來的基地也會集研究、教育、產業於一身。
集研究教育產業於一身
伍金銘指基地設在深圳而不是香港，主要因為深圳有多方面的吸引力，
如內地地方大、市場大、人口多、地價優惠，內地亦較本港易於接受新科技。
他指中心曾成功研究出可快速測試疾病和病因的基因芯片，
有內地醫院已經採用，價錢亦較一般測試方法便宜，
他曾接洽本港醫管局，惜對方拒絕引入這些新科技。
副學士係乾電池, 提供完兩年資金給自己的大學院校後即棄....
>>September 24, 2005 at 3:01:59 PM GMT+8
2005 年 9 月 2 日 星期五 【晴】
梁琬婷同家人去了美國旅行, 三日後才回來,
好掛住你啊！快 D返 la！
手提電話壞了, 曉振唔曉發聲, 點解會咁 ga？
要快 D拎去整, 唔係梁琬婷點 morning call我呢？
勁多野煩, 勁多野做, 想考 IELTS, 不過考一次要 $1500,
要去各大學拎 non-jupas form, 要搵 lecturer寫 reference letter,
要申請資助, 要等出 time table, 萬一個 time table勁樣衰又要改,
到最後都係冇報 O camp, 因為冇細 O, 所以得大 O (呢句係咪廢左 D？)...
一來未必識到自己友, 二來副學士識其他系, 甚至 HD、pre AD人托咩...
不過最怕唔去既話, 會失去不少情報網, 唔知幾事要做 D咩...
星期一約左三個 space life science新同學返 space,
第時做 group coursework有著落 la...
個五級颶風 Katrina搞到粒粒亂, 成萬人死, 又缺水缺糧,
我覺得布殊與其政府都低能 gei, 堂堂世界第一大國統帥,
竟然同我們香港特別行政區的前廢帝與其政府無兩樣,
都係咁「後知後覺」, 早就應該動用大量飛機接載三個州份的居民往其他州份,
無錯講就易, 但係呢個五級颶風 Katrina係早就預測到,
話到明係史上第五個五級颶風, 明知一定會令三個州摧毀嚴重,
好多人已經連夜逃亡, 我就唔明點解布殊政府完全冇動作,
要等到成萬人死、暴徒橫行、缺水缺糧、勁多災民等住救援、
勁多災民等住疏散先派兵鎮壓、撥款救災, 唔應該等到亡羊後才來補牢,
小如香港個董建華又係咁, 大如美國個布殊又係咁,
點解個個領導人都冇乜政治智慧 ga？唔怪得之前有人話布殊 IQ得 80 la...
我相信俾第二個做總統, 當知道五級颶風 Katrina會正面吹襲三個州,
會立即遷徙三個州份的居民往其他州份避難, 或者實施更好的預防措施,
當然要將三個州份的居民完全遷離是有點難道, 甚至可以話係冇可能,
但係總好過好似依家布殊咁坐以待斃、亡羊補牢....
一個為左一己私利, 將軍隊、人力、物力、金錢全放在伊拉克戰爭上,
而不顧自己國民性命的一國元首, 我都唔知可以用咩形容佢...
>>January 20, 2007 at 6:26:42 PM GMT+8
|
![]()
|
廣告 |
|
|
讀者留言 |
| 路人留言
|
 miss your diary
>>April 13, 2022 at 5:28:40 PM GMT+8
我知道問題出在哪裡了...
<b
>>May 7, 2012 at 2:08:32 PM GMT+8
咦..!? 沒人add我啊
<b
>>May 7, 2012 at 1:55:20 PM GMT+8
很久沒有你SHOWHAPPY和Y
>>March 15, 2012 at 1:21:52 AM GMT+8
恭喜!!
>>September 2, 2011 at 11:13:25 PM GMT+8
我有睇ga^^
>>January 24, 2009 at 4:58:02 PM GMT+8
你果句"如果結局是快快樂樂生活下
>>January 26, 2008 at 3:45:43 AM GMT+8
你好耐都無update了~
<b
>>January 26, 2008 at 3:42:28 AM GMT+8
需要我的地方...
<br>盡管
>>January 23, 2008 at 2:29:29 PM GMT+8
支持你,一定要把涼亭追回來,我這
>>December 21, 2007 at 8:56:14 PM GMT+8
涼亭個POST嚇壞晒全戀區D人a
>>December 20, 2007 at 5:09:31 PM GMT+8
我都好好好好超級掛住你地ar!!
>>October 7, 2007 at 12:41:05 PM GMT+8
weiwei. .."搖"sir
>>September 23, 2007 at 5:06:47 AM GMT+8
"而佢口中既「阿丙」, 正正是聖
>>September 6, 2007 at 12:56:49 AM GMT+8
真係令人懷念的時光~~
>>August 14, 2007 at 3:32:31 PM GMT+8
沒有忘記我吧?
<br>我今年考
>>August 4, 2007 at 5:21:37 PM GMT+8
難以相信的事，
<br>你把那些
>>July 5, 2007 at 4:33:25 PM GMT+8
回虫大大:
<br>
<br>唔
>>June 23, 2007 at 6:45:48 AM GMT+8
我都第一次見有人post 自己l
>>June 22, 2007 at 12:19:57 PM GMT+8
回愛野美奈子大姐:
<br>
<
>>June 11, 2007 at 3:18:16 PM GMT+8
回虫:
<br>
<br>唔好講
>>June 11, 2007 at 3:10:00 PM GMT+8
http://www.minif
>>June 10, 2007 at 11:29:26 PM GMT+8
你應該到左canada na.
>>June 9, 2007 at 3:24:47 AM GMT+8
回虫:
<br>
<br>我細佬
>>June 3, 2007 at 6:44:07 AM GMT+8
回愛野美奈子大姐:
<br>
<
>>June 3, 2007 at 6:30:06 AM GMT+8
hahaha.. ..
<br>
>>June 2, 2007 at 4:18:24 AM GMT+8
考完個幾禮拜啦~就快返inter
>>June 1, 2007 at 11:22:05 AM GMT+8
回愛野美奈子大姐:
<br>
<
>>June 1, 2007 at 8:49:53 AM GMT+8
p.s. save低左>0<魚相
>>May 30, 2007 at 11:46:14 PM GMT+8
看完你的日記才想到:是啊,暑假又
>>May 30, 2007 at 11:39:55 PM GMT+8
回虫:
<br>
<br>馬賽克
>>May 30, 2007 at 8:52:48 AM GMT+8
""你張相..淨係o係眼打馬賽克
>>May 29, 2007 at 4:22:18 PM GMT+8
回西門...閪&#
>>May 28, 2007 at 4:23:52 PM GMT+8
回阿郭....郭郭郭郭郭
<br
>>May 28, 2007 at 4:17:08 PM GMT+8
回虫虫虫虫虫虫虫虫虫虫...:
>>May 28, 2007 at 4:07:49 PM GMT+8
Jason.......你點解要
>>May 27, 2007 at 8:18:18 PM GMT+8
睇到d相,好搞笑.
<br>相問
>>May 27, 2007 at 2:06:30 AM GMT+8
wa. ..係field tri
>>May 26, 2007 at 6:07:50 PM GMT+8
回虫:
<br>
<br>請密切
>>May 26, 2007 at 3:54:08 PM GMT+8
回莫大大:
<br>
<br>係
>>May 26, 2007 at 3:51:31 PM GMT+8
<br>又會影到bernard
>>May 26, 2007 at 2:53:09 AM GMT+8
其實我都唔記得點解會擺個咁硬膠既
>>May 25, 2007 at 9:58:05 PM GMT+8
回虫:
<br>
<br>咁你有
>>May 25, 2007 at 3:31:24 AM GMT+8
我果時話. ..
<br>佢地走
>>May 23, 2007 at 12:50:00 AM GMT+8
don't post my ug
>>May 22, 2007 at 11:48:42 PM GMT+8
回莫大大:
<br>
<br>我
>>May 22, 2007 at 6:23:19 PM GMT+8
回虫:
<br>
<br>你之前
>>May 22, 2007 at 6:20:52 PM GMT+8
嘩~ 咁耐歷史既相都俾你搵得返出
>>May 21, 2007 at 9:40:16 PM GMT+8
jason..
<br>我宜家係
>>May 21, 2007 at 12:19:24 PM GMT+8
回虫:
<br>
<br>我pr
>>May 20, 2007 at 3:43:35 PM GMT+8
|
|
笑鬼死....
看了梁琬婷朋友, 阿 jen姐姐的日記, 內容是這樣的...
今日梁琬婷俾佢媽媽鬧, 事緣係咁.....
副學士係乾電池, 提供完電力之後即棄....