|
2005 年 10 月 28 日 星期五 【微冷】
梁小婷一直都很想要《finding nemo》裡面隻雞泡魚毛公仔,
但係搵左兩三年都搵唔到, 佢從來都冇講過我知,
但憑我的讀心術, 俾我知道左 (我真係可以睇穿哂梁琬婷個心),
某日我無端端話, 你咁乖, 就送你《finding nemo》裡面隻雞泡魚毛公仔 la....
佢好驚訝點解我會知, 仲喊埋 tim, 點知梁琬婷話原來佢已經搵左兩三年,
disneyland store一出佢已經想買, 但係一直以來都搵唔到,
我話我幫佢去搵, 之後買黎送俾佢時, 佢已經爆喊, 叫我唔駛,
因為梁琬婷話佢每次去 disneyland store, 都會去睇下有冇隻雞泡魚毛公仔,
但係已經絕左版幾年, 冇可能會搵到, 我叫佢信我, 我一定會搵到,
之後佢竟然唔信我會搵到, 仲敷衍我話：「信....」
結果我搵過銅鑼灣, 尖沙咀, 玩具反斗城, 香港 disneyland store,
搵左好多地方都搵唔到, 加拿大同香港既 disneyland store都斷左貨幾年,
咁點算呢？最後我唯有出絕招, 系英國 disneyland store買！！！
我拜託人系英國買左之後寄返黎香港, 我話俾梁琬婷聽我已經買左,
佢呆左, 以為我講笑, 之後就好似隻小綿羊咁話：
「點解我搵左咁耐都搵唔到, 而你一出手就搵到咁犀利既...？」
至於點解我會知道佢好想要, hehe~呢個係商業秘密....
本來話打算系加拿大落第一場雪前織好條頸巾寄過去既,
咁我織完第一舊冷之後去再買冷 la, 點知竟然冇哂貨！！？
所以要一次過買幾舊第二隻顏色既冷, 從頭再織過....><
每日搭巴士返學放學時, 我都會拎出黎織, 已經試過三次織織下俾師奶撩,
依家終於織好第一舊冷 la, 有梁琬婷織俾我0個條一半咁長,
所以織多一舊冷就搞掂勒, 依家暫時有一米長, 織多一米就可以寄過去勒,
但係梁琬婷竟然串我話：「好野！唔駛等到出年夏天先收到！！」
可惡, 我一定可以系加拿大落第一場雪前織好寄過去加拿大 ga！！
加拿大空運過來的頸巾, 老婆親手織的...
戴上條頸度, 又真係幾暖 wo, 仲幾好睇 tim....
梁琬婷睇到呢張相一定妒忌爆！！
不過如果呢個係梁琬婷, 一定唔會好似我阿妹咁拿埋口面....
隻 pandaZ公仔戴左我織俾梁琬婷0個條頸巾, 係咪型仔左好多呢？
加埋隻絕版雞泡魚毛公仔, 全部都係屬於梁小姐既.... |
>>August 5, 2008 at 4:51:19 AM GMT+8
2005 年 10 月 26 日 星期三 【微冷】
《經典童年精句》
我們小學時代的金句, 依家睇返真係好懷念小時候的幼稚,
仲要背到好熟, 背書又唔見背得咁快, 小息就成班細路系度「吟詩作對」,
那個無憂無慮的時代, 資訊不太發達, 沒有 internet, 但傳播速度極快,
港九新界的小學都流傳過, 唔單止咁, 仲要一代傳一代, 薪火相傳下去,
到了現在, 甚至十年後, 廿年後, 幾廿年之後想返起, 這是屬於我們這一代的...
「我們就是這樣長大, 不要見怪....」
警告：
網站內容可能令人反感, 內含粗言穢語、粗鄙字眼、侮辱字句,
不可將本網站內容派發, 傳閱, 出售, 出租, 交給,
或出借予年齡未滿 18歲的人士出示, 播放或播映
【咀咒。類】
1. xxx﹝人名﹞，坐飛機，跌落黎，慘玻璃， 返到屋企唔憤氣，
打爛收音機，「呯 lin bom林」放臭屁，臭過無比石油氣。
2. 今天天氣beautiful，xx（人名）走去搵 girl， 攪到 girl大左肚，生左一堆 animals
3. 肥佬肥滕滕，買舊豬肉去拜神，行到半路屎忽痕，返到屋企瓜老襯，
點著蠟燭唔見人，走去碼頭食雲吞，坐爛人張"登"，罰左500蚊，囉錢出黎"滕滕"震。
4. 四眼哨牙突下巴，屎忽嬲嬲下， 哨牙可以刨西瓜，落雨可以遮下巴，
飲茶可以隔茶渣，劈友可以擋番下。
5. xxx(人名), 十分勁, 渣住碌野亂咁fing, fing到九龍城, xxx入了棺材,
碌野仲存在, 腐爛了春袋, 仍然可做愛, 一不做, 二不休, 山埋房間玩賓周,
對面師奶見到你響到玩．賓．周
6. xxx(名)，渣飛機，趺落坑渠炒玻璃，反到學校考第尾，反到屋企唔分氣，
"been lin bom林"放臭屁，呀媽以為流煤氣，原來係個衰仔放臭屁
7. xxx(名) 未夠18歲，學人參加游擊隊，俾人打到扑扑脆，伊利莎伯唔收佢，
九龍醫院醫死佢，十個肥婆"擲"死佢，十個棺材等住佢
【數字串連。類】
1.一落樓梯，二樓仆底， 三個筋斗，四腳朝天，
五塊膠布，六個傷口， 七時入院，八時釘蓋，九時出殯，十分墟陷。
2.一加一，二加二，三加三， 死加死，五加皮，六死你，
七個肥婆坐住你，八支槍仔指住你，九龍醫院唔收你，十個棺財等住你。
3.一見鍾情，二人世界，衫褲"mock"晒，四圍咁摸，五指渣波，
六指琴魔，七色底褲，八冇禁忌，九人圍嘔，十分happy。
【餘音未了。類】
1. 自從你阿媽過左新......加坡
2. 你老豆就學人食煙......仔餅
3. 跟住係天檯見你大家姐學人跳樓......腰舞
4. 之後響廟街見到你個妹學人做雞......蛋仔
5. 跟住又睇到你系廁所"裝"人沖涼......茶飲
6. 見到你大哥係度攪基......關槍
7. 跟住你細佬學人玩大麻......繩
8. 之後你二哥入廁所食屎...路比糖
9. 跟住你三哥成日同二家姐上床...執被
10. 你屋企就咁冇晒生命......麵包
11. 最後成家就冇晒幸福......傷風素
【顛倒。類】
1. 長洲賓客人數多﹝倒轉讀：多數人客賓洲長﹞
2. 人做個好市民﹝倒轉讀：聞屎好過做人﹞
3. 惠康聖誕大特賣在我的樓下
4. 上水居民居水上，長洲賓客賓洲長。
5. 大圍三姑三圍大。
6. 昆明擺檔擺明昆。
7. 大院高曾高院大。
【諧音。類】
1. 55699﹝快快食奶奶﹞
2. 465354709394﹝死佬唔三唔四出呢攪三攪四﹞
3. 2038240﹝伊利沙伯醫死你﹞
4. 1996﹝搵奶奶食﹞
5. 荷蘭銀行支票 Holland Bank Cheque
6. 荷蘭牛仔褲 Holland Jean
7. 荷蘭月亮 Holland Moon
8. 荷蘭朋友 Holland Friend
9. 澳門朋友 Macau Friend
10. 柑蕉桔李籮柚，雁鷲貂狸獅拂。
11. 美國加拿大澳洲﹝你個格勒底好臭﹞
12. 白色． 太陽． 槍 White Sun Gun﹝衛生巾﹞
【對聯。類】
1. 幾大就幾大，燒賣就燒賣。
2. 地上執到寶，問天問地欏唔到。
3. 追得到，比個錢你買紅棗。
4. 聲大大，冇野賣。
5. 人賤唔怕醜，雞鵝趕唔走。
6. 意見接受，一切照舊。
7. 淫人妻女笑呵呵，妻女被淫又如何？
8. 遠遠睇就誇啦啦，近睇說小那媽﹝睇女時用﹞
9. 返工就有心無力，放工即刻精神奕奕。
10. 黑黑實實，專搵笨實。
11. 羸就羸粒糖，輸就輸間廠。
12. 頭髮似堆草，唔駛去飛髮鋪。
13. 著鞋唔著襪，大方兼老實。
14. 講野一舊舊，似足你老豆。
15. 一千幾百，尤如垃圾
16. 講就天下無敵，做就有心無力
17. 唔係猛龍唔過江, 唔係豬扒唔化妝
【改編歌詞。類】
《生日歌》
恭祝你生日撼穿個頭， 慶賀你死埋老豆；年年都要乞食，
歲歲都要楂兜，恭喜你，恭喜你。
《叮噹》
人人期望嘔白泡，嘔得快就死得早；
人人懸耀開心歡笑，撩到吊鐘反轉更好，
爬進奇妙口袋裏；你想嘔泡必得到，
奇妙嘔法不可思義，心中一想就嘔泡。
想叮噹伴你嘔泡，難過去尋寶。
你睇！嘔出黎啦！清倉啦！誰都喜歡你，嘔清晒Ｄ泡！
《千年女王》
傳說中有個女王在世上，長長頭髮，兩眼發青光。
【難以分。類】
1. 死八婆，賣菠蘿，一蚊十二個，賣剩兩個取老婆。
2. 大笨象，渣支槍，去打扙，打唔贏，番呢罰佢食碗辣椒醬。
3. 沖完涼，冇褲著，大人細人燒炮杖，問你想唔想當佢兩巴掌？
4.擋薦牌，排排坐，坐飛機，機械人，人之初， 初老泥，泥猛魚，
魚肝油，油麻地，地中海， 海龍王，黃大仙，仙人掌，掌你兩巴掌。
5. 閘住反彈冇回頭
6. 普通版：「入實驗室禁緊急制」
加強版：「入食物實驗室禁實十個緊急制」
7. 大笨象會跳舞，馬騮仔會上樹； 猴子會打關斗，山邊有個姑娘；
剝衫剝褲沖涼，凸出個Pat Pat曬太陽。
8. 耶穌娶老婆，耶穌娶妾仕，耶穌爭我三千蚊，家下仲未還,
9. i don"t know 食鬆糕，又咸又甜又發mob，亞婆食左會生穌，亞公食左會跳舞。
10. 東南西北，冷飯菜汁，睇下邊個最咸濕，咸咸濕濕摸屎忽，
屎忽有粒墨，行到指南針，出襯就變骷髏骨。
11. 乒乓波，波子機，機械人，人之初，初老泥，泥猛魚，
魚汗油，油麻地，地中海，海龍王，王大仙，仙人掌，掌你兩巴掌，
掌上壓，壓死你，理務局，焗死你
12. 落街冇錢買麵包，借錢又怕俾人鬧
13. 肥婆充滿著脂肪, 屎忽大個浮床
14. 一串光陰一串分, 串親比心打獲金
15. 男精靈十分勁, 渣住碌野周圍 fing, fing 到變左型
16. one more two more，屎忽大個波羅，死八婆，賣菠羅，
賣完一羅又一羅，見到菠羅有粒的，以為朱古力，食左會生積，
痾尿一滴滴，痾屎會冇力，以後唔敢食。
17. dum薑子薑，吹你唔漲，"蚊"你唔長，大笨象，渣支槍，
去打扙，打唔贏，番呢食碗辣椒醬。隔黎呀婆燒炮獎，
問你響唔響，唔響獎你兩巴掌。番鬼佬，爬龍船，
爬得快，好世界，爬得摩，摸鼻哥。童子軍，食雲吞
18. 登登登登, 成個老襯，從此被困，民主女神亦俾我監禁。
19. 利搭利，行搭利，認真和味，去跳舞，渣飛機，點知趺落黎。
20. 閘住反彈冇回頭，回頭變豬頭。
21. 中間分界，心理變態，痾尿痾出界
22. 人見人愛，車見車載，棺材見到打開蓋，棺材'錦"埋都彈開蓋
23. 你眼大無神,鼻大吸塵,口大屎忽痕,賓周長過人
24. Eason真係慘, 踩左落塊版, 點知唔小心, 整親隻蛋蛋
25. 戇能 9, 食賓周
26. 心口兩個巨無霸, 中間夾條大青瓜, "勿"開大脾有條罅, 男人見到笑哈哈
>>January 20, 2007 at 6:31:09 PM GMT+8
2005 年 10 月 20 日 星期四 【微冷】
之前 dennis講左個驚天大消息我知,
就係美美班長入左教院 music, 消息來源係 kevin女朋友同美美同班.....
唔通美美真係想0係音樂界發展！？
其填詞技巧, 連資深音樂人劉備都寫個「服」字,
詞鋒銳利不在話下, 必定能為現今樂壇注入一股革命性的清流！
美美除了填詞了得外, 其舞蹈堪稱舞台皇后！
經典一役當然要數中六 sing con預賽,
美美一人分飾兩角去扮 twins打側手翻 (係打唔到既...), 更厲害的是,
美美竟然可以一人分飾九角去唱 cookies的《心急人上》！！！
X'mas party劉備被迫與美美共舞娛賓, 至今仍是印象難忘...
ha..呢個世界真係細, 玩玩下又撞返, 不過因為美美依然不改其作風,
才惹人注目, 否則我地真係冇人知美美的去向....
>>January 20, 2007 at 6:30:33 PM GMT+8
2005 年 10 月 8 日 星期六 【晴】
轉貼：
我早就提議香港一併廢除文學院 (除了 translation、日研)、
理學院 (除了stat、rms)、社會科學院 (除了傳理)，
並且取消所有哲學、文學、藝術、社會學、人類學、純理科等學科。
這些學科不能搵錢，不夠實用，香港人是最討厭的！
牠們只需要保留 bba、 專業科目 (medic, law, account等)、
實用科目 (旅遊、技工、酒店)三大類別。
自此之後，牠們就不用常常在高登吹水台、mini大專生區問：
「讀政治有咩用？」「讀哲學有咩出路？」「點解要讀大學？」
「歷史係垃圾科目？」等早有定論的問題，
就可以慳番好多時間精力去搵錢、溝女、玩樂，做番 D實用既野。
牠們應該恥笑、批判、歧視、排擠所有讀非實用學科的人。
牠們要燒晒所有歷史書、化學書、哲學書，再用來印銀紙。
化學的元素，跟牠們的搵工做野有甚麼關係，垃圾！
歷史只係一大堆以前發生既事，跟牠們搵錢有甚麼關係，垃圾中的垃圾！
哲學就係諗d無謂野，對牠們上位、出位、升職有甚麼用處，
無用的垃圾中的垃圾中的垃.......！！！
ive應該取代港大做最高學府，因為 ive 的科目遠比「港大有用」。
一個會考 8分讀酒店文憑的 mk仔應該恥笑一個會考 2a3b讀中大哲學的文弱書生，
因為牠 (mk仔)讀的科目比他 (文弱書生)有出路同實用何止一萬倍。
如果香港人甚至認為讀 bba、高級文憑都唔夠實用，
牠們應提議大學傳授「勾引上司課程 (趙海珠教授)」、
「太監行政管埋 (路祥安教授、林瑞麟助教)」、「商業鬥爭實用技巧」、
「厚黑偽善虛假人格綜合課程」等，咁先叫最實用。
我依排睇過一本書，叫《香港殖民地的幽靈》，其中有幾章講香港人既思考方法，
真係好「到肉」，佢話香港人係「admin.思考法」，即香港人強於思考有秩序，
數理化，以目標、成效去諗問題，但弱於想 D好抽象、概念、理論、形以上既問題....
打過「做橋」比喻，即係香港人係撘棚、幾多混型土成份先最好既知識可能世界第一，
但係點起條橋、力學問題、甚至乎起條橋對兩地人民政治影響依 D學術理論可能九流。
依 D全都係殖民地教育制度下產生，宗主國又點需要教你「諗咁多野」，
「教完你識點反我咪死？」所以香港大學謂何佢「商學院」、「酒店學院」世界前列，
但文學院、科學院就死得一半！
香港人好「厭惡」諗 D抽象、唔實際問題、學說，佢地認為無用，
又好自豪覺得香港人好叻（香港人叻乜鬼！）我有個同事個仔，會考5科A，
好有大志話：「我要大學讀accounting，要係 big 5都做！」
我真係心內唔知好笑定悲傷....
1)香港依家得big 4
2)我真係想話俾佢知，我識人係入面做，真係做到暗無天日，連續一個月無放過假
3)我睇d西片，個個年青人都話要做科學家、太空人、無國界醫生，
無人話要做accountant，accountant形象係四眼、呆頭呆腦，一d都唔型！
香港人再走唔出依種思想，就真係無進步....
（唔會退步，但人地進步你唔進就係一種退步！）
成日都話「知識型經濟」，依個 term out啦！人地行緊「創意經濟」啦！
一個 iPod，美國人「諗、design」、中國人「血汗製造」，但邊個賺最多錢？
中國人咪又賺過一個幾毫！Accounting？
我係印度搵過有 CPA、CFA、ACCA、MBA都有，都係香港一個阿嬸既人工！
香港各有幾個 A「精英學生」，唔好再話要讀醫，香港醫生太多啦....
又唔好話要講 accounting啦，香港乜都無生產又計條毛咩....
有 D理想，諗下讀 D「你老豆老母覺無用」既科目啦！
>>January 20, 2007 at 6:29:47 PM GMT+8
2005 年 10 月 6 日 星期四 【晴】
真係多野做到爆, 交完篇描寫文, 話咁快又要交議論文,
仲要同文學論文同一日交, 以上全部都係計分的...
其他人有一兩日 day off, 我卻要返六日, 得星期日放假,
今個星期六除左朝早 8:30 - 11:30要返金鐘上 ethics外,
下晝 2:00 - 5:00要去薄扶林總部做 chem lab,
夜晚 8:15 - 9:45要去聖堂上慕道班, 就係咁, 我成個星期六冇左...=.="
我要溫書 ar！！！IBS 勁多野讀！！
之前交左篇描寫文, 發覺自己已經技窮, 都唔知點解寫左幾年實用文,
無拿拿要寫返描寫文, 我成三四年冇寫過描寫文 la,
突然間要我寫返, 仲要計分, 真係唔知點寫, 草草幾筆, 又冇故事性, 又冇連貫性,
真係唔知五百字點寫起承轉合, 阿郭話覺得呢篇文少左一樣野, 就是要讀者思想的空間,
一來限你五百字, 二來我技窮, 三來幾年冇寫過, 真係唔知點加伏線....
三.《一張熟悉的臉》
午夜夢迴, 睡眼惺忪的醒來, 只見小璘坐在床邊, 拍動著雪白的翅膀, 為我送上涼風。
我看見這一張熟悉的臉, 是我所愛的, 也是愛著我的。
當我想用雙手擁著她時, 雙手竟穿過她的身體, 我驚醒過來, 這是夢境嗎？
小璘有一頭紫色的長髮, 擁有一雙水晶般的眼睛,
配合精致的眼線、長而濃密的睫毛, 輪廓很美。
她的臉孔是鵝蛋形的, 小嘴像櫻桃般, 臉上總是掛著笑容,
兩頰還有個小酒渦, 真想輕啄她那白裡透紅、粉蘋果般的臉蛋兒, 很可愛。
當小璘微笑的時候, 露出潔白而整齊的牙齒,
和她一身白色的素服很匹配, 雖然她的樣子十分平凡,
但性格是多麼的天真, 笑容是多麼的親切, 聲音是多麼的清脆, 猶如天使一樣。
回想小璘離開那天, 我們在人來人往的街道上, 停住了腳步。
「我要回去彩虹的另一邊了……」
小璘以柔弱的聲線打破了沉默, 說話隱約帶點飲泣的聲音,
此時, 天空下起雨來, 但我倆卻站在路中心, 沒有避雨的意圖。
接著, 小璘在我的臉上, 慢慢地、輕輕地留下愛的印痕。
那時我們距離很近, 我清楚感覺到她的呼吸聲, 看得清她臉上的每一處。
雨絲撲打在我們的臉上, 當她親吻我的額頭時, 我感覺到她的熱淚在我臉上流過,
經過眼角, 流到面頰, 再到嘴角, 淚水夾雜了雨水, 是苦澀的味道。
雨, 停了。小璘展開純白色的羽翼, 向彩虹的方向飛去。
縱使已經過了好一段日子, 但每次當我觸碰臉上的淚痕時,
都會不由自主地憶起當天的情景, 那張熟悉又親近的臉又會再次泛起在我的腦海中,
她的熱淚流過我的臉, 我知道這是真實的, 她的輪廓, 眼睛, 嘴唇,
她哭泣的樣子, 她親吻我的樣子, 我仍然記得很清楚, 久久未能忘懷。
拜託妳, 下次這張熟悉的臉再出現時, 不要讓我醒來好嗎？
>>January 20, 2007 at 6:29:23 PM GMT+8
2005 年 10 月 1 日 星期六 【晴】
我同梁琬婷都唔想去迪士尼, 因為真係好白痴,
個個貪新鮮湧哂去, 又唔係大 wo...
都講到明話起到一半而已, 因為係商業理由,
等到收入可觀時, 再興建多些遊戲設施, 咁當然 la,
一次過起哂, 咁 D人咪唔會去第二次 law, 因為已經玩過哂,
但係如果有新野玩, D人先會去第二次, 第三次,
咁先有一筆源源不絕的收入, 做生意係咁 ga la, 唔怪得佢,
迪士尼根本只係一盤嬴硬既生意, 係香港政府先甘願做水魚 ga姐,
香港政府出 220億得0個 55%股權, 迪士尼只出 22億就有 45%股權,
香港政府話四十年回本 wo, 俾你做足十年好冇？
我唔信冇第六個迪士尼 law, 十年後一定有, 咁到時點算？
個個貪新鮮的都走哂去新0個個 la, 香港0個個又細,
仲有人理你呢個豆腐潤咁細既迪士尼嗎？四十年回本？真係好笑...
之前三萬人湧哂去迪士尼, 排個幾鐘入場,
有人排左三個鐘咩都冇玩過, 食肆又唔夠, 有人垃圾桶當台,
午膳時餐廳插針都插唔入, 又唔俾自己帶野食入去 wo...
唔俾帶野食又唔夠食肆供應, 真係唔知講咩好...
好似話連水都唔俾帶, 唔好玩 la, 真係唔知大熱天時話玩到身水身汗點算....
我同梁琬婷對迪士尼一 D興趣都冇, 唔係話唔會去既, 三五七年後先去都未遲 la...
我地反而想去多次海洋公園, 因為平日真係冇人去 ga！！
冇咩人, 玩0野全部唔駛排隊, 正！要我排兩三個鐘玩一個遊戲？唔好玩 la....
海洋公園冇人仲好玩 la, 任玩唔嬲, 同一個遊戲玩幾次都得,
玩完一次唔駛排隊再玩多次, 好似包場咁, 正到卑！！
仲有就係, 迪士尼唔俾帶水 ar！！梁琬婷依家咁貼貼服服, 都係因為一支水咋！
我地去海洋公園, 因為天氣太熱, 所以我0係前一晚雪定兩支水,
當我地玩完一個機動遊戲時, 我0係袋度拎支冰出0黎, winnie不停嗌：
「嘩！好正 ar..好正 ar...」仲要唔止一支冰, 係兩支冰,
當時我講咩 winnie都應承我, 所以話呢, 迪士尼唔俾帶水入去咪咩都做唔到？
其實, 到過哪裡去並不是重點, 而是跟誰去, 或與誰一起走過一段路...
>>January 20, 2007 at 6:29:07 PM GMT+8
2005 年 9 月 28 日 星期三 【晴】
每個打擊, 都有它的意義, 人生路上,
挫折常常會沒有預警地從四面八方襲來....
可能是無法抗拒的天災地變, 可能是難以預料的生老病死,
可能是努力工作, 卻懷才不遇, 可能是全心付出, 卻換來情人變心的回報,
可能是用功苦讀, 卻進不了理想的學校, 可能是辛苦創業,
卻落得血本無歸的下場, 面對各種不同的挫折, 每個人的「容忍能力」都不同....
有的人受不了被拒絕...
一個高學歷的朋友, 從拒絕接受他感情的女生住處跳樓自殺,
留下無限的遺憾與惋惜...
「他條件那麼好, 還怕找不到更漂亮的女朋友嗎？」
「沒想到他長的那麼帥, 還會殉情！」
「何苦如此專情？天涯何處無芳草！」
大部份的親友們都以為他是個死心眼的癡情奇男子,
其實了解內情的人都曉得, 從小到大, 他不知道拋棄了多少個女朋友,
讓多少人為他傷心難過, 卻受不了被人拋棄一次....
有的人受不了被誤解....
到國外留學多年的朋友, 提起出國一段不甚愉快的職場往事,
仍然氣憤難耐, 當年因上班的地點, 位於寸土寸金的商業精華區,
幾乎每天都為了找停車位而遲到, 直屬上司希望他能準時上班,
便建議他把車子停在公司的停車位....
由於職位低、年資淺, 朋友心想,「公司的停車位哪輪得到我來停呢？」
為求慎重起見, 他再三詢問上司,「不會有問題嗎？真的可以停嗎？」
上司拍著胸脯保證,「絕對沒有問題, 可以停啦！」
不料第一天把車子停在公司的停車位, 就出事了....
上班後不久, 上司突然叫他,「你的電話...」,
拿起話筒, 劈頭就被一個陌生女子罵了一頓,
「我是公司的副經理, 立刻把你的車子開走,
誰叫你把車停在我的位子上, 害我上班遲到！」
被對方罵得莫名其妙, 上司卻一點表示也沒有,
朋友立即提出請辭, 不管公司怎麼留都沒有用.....
有的人受不了被挑出錯誤....
我認識一個辦事能力很強朋友, 他什麼都好, 就是受不了被挑出錯誤,
只要有人當眾指出他「哪裡做錯了」, 便辭職不幹,
很多面試他的主管起初都想不通, 以他的學歷, 早就該升官了,
為什麼一直在原地打轉？等他提出請辭才恍然大悟,
原來他受不了被挑出錯誤....
有的人受不了一點不完美....
好友的女兒生日, 特地邀請幾個漂亮的阿姨去為小朋友慶生...
切蛋糕時, 有個小客人拿到的蛋糕缺了一角,
他馬上把蛋糕推開,「我不要吃破一個洞的蛋糕！」
「只缺一小角啊, 蛋糕還是很好吃喔！」任憑阿姨們說破嘴, 他就是不接受,
這塊缺了一角的蛋糕, 最後只好換一塊「完美無缺」的蛋糕給他....
看他為了一點缺角而拒吃蛋糕的表情, 我很替他的未來擔心,
是否每次都能如願換到一塊完美無缺的蛋糕呢？
想想自己, 受得了挫折嗎？受得了被拒絕嗎？
受得了被誤解嗎？受得了被挑出錯誤嗎？受得了失敗的打擊嗎？
受得了期待落空嗎？受得了不完美的存在嗎？
「挫折容忍度」, 說簡單些, 即是「一個人承受打擊的能力」,
承受打擊的能力越強, 自然學到的經驗越多, 累積的成功及本錢也越多,
承受打擊的能力越弱, 自然會想辦法躲避挫折, 同時喪失自我磨練的機會...
挫折, 是年輕人最好的禮物...
記得曾看過一篇文章, 作者提到....
他剛從軍中退伍時, 只有高中學歷, 無一技之長,
只好到一家印刷廠, 擔任「送貨員」....
一天, 這年輕人將一整車四、五十箱的書, 送到某大學的七樓辦公室,
當他先把兩三箱的書搬到電梯口等候時, 一位五十多歲的警衛走過來說...
「這電梯是給教授、老師搭乘的, 其他人一律都不准搭, 你必須走樓梯！」
「我不是學生, 我是要送一整車的書到七樓辦公室, 這是你們學校訂的書啊！」
可是警衛一臉無情的說,「不行就是不行, 你不是教授, 不是老師, 不准搭電梯！」
兩人在電梯口吵了半天, 但警衛依然不予放行, 年輕人心想, 這一車的書,
要搬完, 至少要來回走七層樓梯二十多趟, 會死人的！
後來, 年輕人無法忍受這「無理的刁難」, 就心一橫,
把四、五十箱書搬放在大廳角落, 不顧一切的走人....
年輕人向印刷廠老闆解釋事情始末, 獲得諒解, 但也向老闆辭職,
並且立刻到書局買整套高中教材和參考書, 含淚發誓....
我一定要奮發圖強, 考上大學, 我絕不再讓別人「瞧不起」！
這年輕人在聯考前半年, 天天閉門苦讀十四個小時,
因為他知道, 他的時間不多了, 他已無退路可走, 每當他偷懶、懈怠時,
腦中就想起「警衛不准他搭電梯」, 被羞辱、歧視的一幕,
也就打起精神、加倍努力用功....
後來, 這年輕人終於考上某大學醫學院....
如今, 二十多年過去了, 他也變成一家開業診所的中年醫生,
然而, 他靜心一想, 當時要不是「警衛無理刁難和歧視」,
他怎能從屈辱中擦乾眼淚、勇敢站起來？
而那位被他痛恨的警衛, 不也是他一生中的恩人嗎？
蔣經國曾說：「失意時需要忍, 得意時需要淡....」
的確, 人, 都有失意, 不順景的時候,
然而, 我更相信,「挫折, 是年輕人最好的禮物....」
人只有在遭遇挫折, 被他人百般刁難、岐視、嘲諷時, 才能「打醒自己」,
讓自己被「當頭棒喝」而驚醒過來, 這豈不是一生中最珍貴的禮物？
因此....
如果現在的挫折, 能帶給你未來的幸福, 請忍受它....
如果現在的快樂, 會帶給你未來的不幸, 請拋棄它....
「生命中的每個挫折、每個傷痛、每個打擊, 都有它的意義....」
別以為我只懂笑, 每天快樂得像隻小鳥, 只是你聽不到心裏流淚的聲音,
只是你看不見我心裏的裂痕, 習慣了哀傷不讓人見...
心痛了、心碎了、也要撐下去！
受傷後要靠自己站起來, 跌痛了, 貼塊膠布再一個微笑！
拍拍身上灰塵、抹抹臉上淚痕, 笑著說：「我不害怕, 我勇氣可加...」
終有一天, 站起來傲視一切, 笑, 笑傷害我的人的愚昧....
>>October 30, 2005 at 4:28:56 PM GMT+8
2005 年 9 月 26 日 星期一 【雨】
今日係梁琬婷小姐既十九歲生日, 生日快樂！
對唔住啊, 0係咁重要既日子, 我都唔可以0係你身邊,
梁琬婷個個朋友生日都有男朋友陪, 但係我竟然陪唔到, 真係慚愧....
不過我花了很多心機造的生日禮物, 壽星女終於收到了,
開心0麻？收到我份禮物, 做左好耐 ga la, 係一餅錄影帶, 拍了三個鐘,
我0係香港買左一個生日蛋糕, 上面寫住「夢中的夢」,
錄影帶最後半個鐘就係自己拍自己食生日蛋糕, 之後拜託梁琬婷的朋友 jen姐姐,
0係加拿大又買一個生日蛋糕, 上面寫住「有你有我」, 來一個地球兩端的呼應！
「夢中的我, 有愛有夢...」
「夢中的夢, 有你有我！」
還記得我說過, 我們是注定要在一起的,
我的 showhappy日記是三年前開的, 那時個日記主簡介已經是這個...
「我們各自在不同的彼方, 一起仰望著天空,
你的淚水之所以要結束, 是因為彩虹橋就快要掛起來了,
憑著一顆心, 向你作出承諾, 你內心的痛苦, 所有也變成我的痛苦,
當我們的心變成一顆心時, 美麗的彩虹橋便會在天空中架起...」
無錯, 我一直等緊咁樣既一個人, 呢段係節錄自我最愛的動畫《魔神英雄傳》,
飛雲同虎王二人既故事, 呢段文字擺左0係我日記既日記主簡介度三年,
我冇諗過真係有人可以完全配合哂呢段文字, 你未返香港前, 應該係我地未開始前,
你好好奇點解我日記名叫《彩虹的另一邊》, 點解個日記主簡介係呢段文字,
之後拍拖後, 你話, 細個試過囉淋花既花灑0係後園自己整彩虹,
你話一個 prism都可以整到彩虹, 就算有冇彩虹, 你都會甘愛我,
我話過, 我咁大個仔, 都係見過一次彩虹咁大把, 但係那次我在巴士上層看見,
好興奮好興奮, 但係身邊無人, 全車都是陌生人, 而全車人都冇人望出窗,
所以只得我一個人發覺有彩虹, 那種很興奮但無人分享的感覺, 很難受..
你知道麻, 去海洋公園與沙灘那天, 我們知道我們是絕配, 必定是彼此的另一半,
這是我倆覺得而已, 上天未必這樣覺得, 這天是你回港後一星期,
但在你回加拿大前三天, 就連上天都證明了我倆是絕配, 我倆的遇上不是偶然,
而是必然的, 你還記得我倆初相遇, 剛剛邂逅之時,
你第一個 msn名係「win~雨停了..」我當時唔知道個名點解,
直到你話我知你的愛情創傷, 你的傷心事後, 我才知道「雨」係指你的淚水,
你話你要戒掉那個傷害你的人, 不再為他哭, 所以,「淚」停了,「淚」停了,
你為了戒掉他, 就在日記打了篇 black on black咒語, 你話這是你的 spell,
像中古的女巫一樣, 像要變成事實一樣, 當你打完這篇咒語之後一日,
我就在你日記中出現了, 因為阿郭一而再, 再而三叫我聽《農夫既農夫係你老死》,
結果我在考完 AL的那一晚, 0係 yahoo search你日記, 0係你日記留言,
你我就是這樣邂逅啊, 你話過你都是在一星期前聽到 903細 so《好回家》播呢隻歌,
之後就自己一路聽一路打歌詞0係日記度, 如果冇農夫,
如果冇《農夫既農夫係你老死》呢隻歌, 如果冇細 so,
如果你冇聽 903, 如果你冇聽《好回家》, 如果細 so冇播呢隻歌,
如果你冇打呢隻歌既歌詞0係日記度, 如果 yahoo search唔到你日記,
如果阿郭冇聽過農夫隻歌, 如果阿郭冇 ICQ、email、打電話俾我叫我聽,
如果我冇聽阿郭電話, 如果我冇聽阿郭話走去聽隻歌,
如果我冇0係你日記留言, 我們是不會發展到現在這樣,
我們不可能相識以上其中一「環」斷左, 都冇可能令兩個身在兩端的人連上,
無錯, 一百個巧合同時發生, 不是巧合, 是必然的！
我在四月初在 mini post左一首吳浩康《洗剪吹》的改篇歌《攪切榨》(阿郭提議的...),
帶領香港 AL學生改歌詞的潮流, 成為 05 AL潮流始祖, 走在潮流的尖端,
你話我地未邂逅前, 你原來已經看過我的大作, 知道我的存在, 之後, 我們相遇了...
「我們各自在不同的彼方, 一起仰望著天空,
你的淚水之所以要結束, 是因為彩虹橋就快要掛起來了...」
你我在不同的彼方, 地球的兩端, 也能連上, 你知道為何你的「淚水」要停止麻？
你知道為何「雨」要停止麻？是因為彩虹橋「就快」要掛起來了！
因為當雨過天晴, 才會看見彩虹啊！雨天一定會過去, 當「雨停了」後,
就會出現彩虹啊！當你打完篇 black on black咒語, 決定戒掉那個傷害你的人,
決定不再哭時, 因為「淚水」停了, 所以彩虹橋就架起 la！
一天後, 我出現了, 帶你走出黑暗, 帶你去看看雨停後, 淚停後出現的彩虹！
你知道麻, 一直的天晴, 是無可能出現彩虹的, 但當暴風雨過後, 雨停淚止後,
彩虹才會出現, 所以我才這麼喜歡彩虹, 因為彩虹是很難得才可看見一次,
而它背後的意義, 就是要看見美麗難得的東西,
必先經過痛苦的暴雨, 但只要雨停了、淚止了, 彩虹橋就會掛起來！
你知道麻, 我倆的心已經變成一顆心了, 因為這是我的咒語,
你有你的 black on black, 我替你實現了, 我亦有我的彩虹咒語,
我們的確各自在不同的彼方, 我肯定這個人是梁琬婷,
因為我們在澳門旅遊塔上看見一條半圓形橫跨整個澳門的彩虹,
你是第一次看見天然的彩虹, 而我則是第一次看見這麼完美的彩虹,
第一次有人陪我一起看見彩虹....
「當我們的心變成一顆心時, 美麗的彩虹橋便會在天空中架起...」
那一條「半圓形」彩虹, 是一個「proof」, 是一個「證明」, 是一個「證據」,
上天已經用這一條「半圓形」彩虹去證實、去證明我陳俊峰與你梁琬婷的心,
prove我與你的心,「已經」變成一顆心了...
所有你內心的痛苦, 所有也變成我的痛苦, 你的痛苦,
讓我替你承受, 我代你承受, 你要將所有事告訴我,
不用怕我會不開心, 因為我承諾過, 你內心的痛苦, 所有也變成我的痛苦,
你要知道, 我們已經不是兩個人, 已經變成一個人了...
未來, 盼會共你如神話美麗...
在彩虹的另一邊, 再見呢！
>>October 2, 2005 at 4:40:41 PM GMT+8
2005 年 9 月 24 日 星期六 【驟雨】
香港足球 bye bye！！
亞協杯香雪晨曦衝出香港 足球總會橫施絆腳
今日飛黎巴嫩 下午聯賽不改期
24/09/2005
本港甲組足球聯賽「五冠王」香雪晨曦，歷史性打入亞洲足協杯四強，
但香港足球總會未有配合，堅持該隊今日與澎馬流浪的聯賽如期舉行，
準備今午出發到黎巴嫩的香雪晨曦，至今亦未取得該國入境簽證。
香雪晨曦負責人批評足總未有居中協調，球會將去信亞洲足協求助。
儘管面對多項不明朗因素，香雪晨曦昨午如常操練，
期間教練古廉權特別提醒各球員，操練時要專心，其他的事情有球會安排。
自從香雪晨曦打入亞協杯四強後，
球隊已提出將今午四時與澎馬流浪在旺角球場舉行的本地聯賽延期，
但足總卻指按照賽例，改賽期需由主場球隊（澎馬流浪）決定，
而澎馬流浪昨晨入信足總，表示堅拒聯賽改期。
直至昨晚，香港足總又突然收到黎巴嫩足總的通知，
表示香雪晨曦的團體入境簽證尚未辦妥，最快要到後日（二十六日）才能批出，
令球隊出戰亞協杯增添不明朗因素。
周文曦：足總最錯
香雪晨曦主席周文曦昨接受查詢時表示，為了讓球員能夠盡早抵達黎巴嫩首都貝魯特，
準備下周三（二十八日）挑戰當地勁旅內澤默的亞洲足協杯四強首回合賽事，
除非有更佳之安排，否則球隊都會如期乘搭今午三時三十分起飛的海灣航空 GF151班機，
先赴曼谷、再經巴林前赴黎巴嫩首都貝魯特。
不過，香雪晨曦的決定，即意味該隊不惜放棄聯賽三分，同時面臨罰款十萬元，
周文曦批評足總在事件中未有履行責任和本分去協助該隊：
「其實我覺得澎馬流浪唔肯改期，絕對無錯！事關他們只是依自己的立場行事，
考慮到球會及球員之利益才會這樣！千錯萬錯，都係足總最錯！」
周文曦續稱，足總作為最高決策組織，應該居中協調，
不應將延期決定權交予球會，周文曦氣憤地說：
「香雪晨曦乃代表香港參加亞洲足協的賽事，但係最後竟然因為堅持出賽而面臨受罰，
罰分、罰錢、罰甚麼都好！我都覺得唔合理，例如我們從黎巴嫩返港後，
真的被罰，我們將會去信亞洲足協求助！真係離晒大譜！」
香雪晨曦會長周文亮則指出，連日來發生的事情令他十分心淡：
「香港球市低迷，圈子又細，身為一分子都不夠團結，
只顧私利而不顧大局，實在令人痛心。」
周文亮又感謝民政事務局局長何志平對該隊取得佳績的道賀。
>>January 20, 2007 at 6:27:09 PM GMT+8
2005 年 9 月 14 日 星期三 【晴】
陳俊峰：我下次會贏你..
溫敬良：我等你..
十月十日要交「中國文學」論文, wtf！？理科人點寫文學論文啊！？
因為我地0個組抽到六號籌, 第六組揀 deadline, 總共八組,
結果得番十二月尾同十月十日兩個時間揀, 為免夜長夢多,
倒不如引刀成一快, 長痛不如短痛, 所以揀左第一組,
十月十日就要交「中國文學」論文, 不過未必唔好既,
十二月尾要考試, 咁不如早死早著, 趁依家開學頭工作量未算多時,
早 D解決篇「中國文學」論文, 以後就可以安心溫書...
本來話不如做金庸 la, 最拿手的說, 不過規定討論範圍要在 1911年之前,
個 lecturer仲串我地話, 金庸依家仲健在...=.="
最斃傢伙既係, 我地0個組係將被遺棄的 group埋一組,
可恨我不是與朋友一起入讀 space, 單刀赴會的後果就是這樣,
其他組多數是開學前已經認識, 餘下一些單丁友,
就唯有拉雜成軍組成一 group, 完全冇默契可言, 依家仲要係第一組交,
咩係論文, 論文格式係點都未知, 就要寫「中國文學」論文, 四個字, 福禍難料...
有件事不得不提的, 就是那個 chem lecturer好靚, 好似張可頤,
無論把聲定個樣, 都有九成似張可頤, 雖然遠觀冇聖歌的 bio miss咁靚,
但當我落堂後問她問題時, 近看則比聖歌 bio miss靚...
很好很好, 原來上堂可以咁專心, 不過星期六要做 chem lab,
同 ethics撞到正時間, 點算好呢？其他人就返四日, 有些仲只需返三日,
有一兩日 day off, 我卻要返六日, 星期一至六, 點解會派到一個 sem讀六科 ga！？
結果決定左文學論文做《三國演義》中, 曹植的七步成詩, 開始做野,
十月十日要交, 仲有, 就係物色緊舊書, 因為 bio冇 notes, 淨係聽個鬼佬齋 up,
抄抄下個 powerpoint就俾佢 click左下一頁, 抄抄下又 click左下一頁,
索性齋聽佢講書好過, 冇書0係手, 真係唔知點溫書...
「我下次會贏你」、「我等你」,
呢兩句說話, 由中五開始已經成日講, 由考 mock只差一分,
到差一個 grade, 再到拋離越來越遠, 我都冇贏過溫敬良...
It is not a matter that how slowly I go as long as I don't stop,
and strive for my goal, don't ever get discouraged and never give up,
I'm not beaten unless I surrender...
能在逆境中向上爬的人, 一旦風浪過去,
絕對能比那些只在順境裡待過的人爬得更高更快,
真正有價值的人, 是在逆境中含笑的人, 只要相信自己, 心誠則靈,
你想要怎樣的人生, 你就能創造出怎樣的人生...
>>September 24, 2005 at 3:22:39 PM GMT+8
|
![]()
|
廣告 |
|
|
讀者留言 |
| 路人留言
|
 miss your diary
>>April 13, 2022 at 5:28:40 PM GMT+8
我知道問題出在哪裡了...
<b
>>May 7, 2012 at 2:08:32 PM GMT+8
咦..!? 沒人add我啊
<b
>>May 7, 2012 at 1:55:20 PM GMT+8
很久沒有你SHOWHAPPY和Y
>>March 15, 2012 at 1:21:52 AM GMT+8
恭喜!!
>>September 2, 2011 at 11:13:25 PM GMT+8
我有睇ga^^
>>January 24, 2009 at 4:58:02 PM GMT+8
你果句"如果結局是快快樂樂生活下
>>January 26, 2008 at 3:45:43 AM GMT+8
你好耐都無update了~
<b
>>January 26, 2008 at 3:42:28 AM GMT+8
需要我的地方...
<br>盡管
>>January 23, 2008 at 2:29:29 PM GMT+8
支持你,一定要把涼亭追回來,我這
>>December 21, 2007 at 8:56:14 PM GMT+8
涼亭個POST嚇壞晒全戀區D人a
>>December 20, 2007 at 5:09:31 PM GMT+8
我都好好好好超級掛住你地ar!!
>>October 7, 2007 at 12:41:05 PM GMT+8
weiwei. .."搖"sir
>>September 23, 2007 at 5:06:47 AM GMT+8
"而佢口中既「阿丙」, 正正是聖
>>September 6, 2007 at 12:56:49 AM GMT+8
真係令人懷念的時光~~
>>August 14, 2007 at 3:32:31 PM GMT+8
沒有忘記我吧?
<br>我今年考
>>August 4, 2007 at 5:21:37 PM GMT+8
難以相信的事，
<br>你把那些
>>July 5, 2007 at 4:33:25 PM GMT+8
回虫大大:
<br>
<br>唔
>>June 23, 2007 at 6:45:48 AM GMT+8
我都第一次見有人post 自己l
>>June 22, 2007 at 12:19:57 PM GMT+8
回愛野美奈子大姐:
<br>
<
>>June 11, 2007 at 3:18:16 PM GMT+8
回虫:
<br>
<br>唔好講
>>June 11, 2007 at 3:10:00 PM GMT+8
http://www.minif
>>June 10, 2007 at 11:29:26 PM GMT+8
你應該到左canada na.
>>June 9, 2007 at 3:24:47 AM GMT+8
回虫:
<br>
<br>我細佬
>>June 3, 2007 at 6:44:07 AM GMT+8
回愛野美奈子大姐:
<br>
<
>>June 3, 2007 at 6:30:06 AM GMT+8
hahaha.. ..
<br>
>>June 2, 2007 at 4:18:24 AM GMT+8
考完個幾禮拜啦~就快返inter
>>June 1, 2007 at 11:22:05 AM GMT+8
回愛野美奈子大姐:
<br>
<
>>June 1, 2007 at 8:49:53 AM GMT+8
p.s. save低左>0<魚相
>>May 30, 2007 at 11:46:14 PM GMT+8
看完你的日記才想到:是啊,暑假又
>>May 30, 2007 at 11:39:55 PM GMT+8
回虫:
<br>
<br>馬賽克
>>May 30, 2007 at 8:52:48 AM GMT+8
""你張相..淨係o係眼打馬賽克
>>May 29, 2007 at 4:22:18 PM GMT+8
回西門...閪&#
>>May 28, 2007 at 4:23:52 PM GMT+8
回阿郭....郭郭郭郭郭
<br
>>May 28, 2007 at 4:17:08 PM GMT+8
回虫虫虫虫虫虫虫虫虫虫...:
>>May 28, 2007 at 4:07:49 PM GMT+8
Jason.......你點解要
>>May 27, 2007 at 8:18:18 PM GMT+8
睇到d相,好搞笑.
<br>相問
>>May 27, 2007 at 2:06:30 AM GMT+8
wa. ..係field tri
>>May 26, 2007 at 6:07:50 PM GMT+8
回虫:
<br>
<br>請密切
>>May 26, 2007 at 3:54:08 PM GMT+8
回莫大大:
<br>
<br>係
>>May 26, 2007 at 3:51:31 PM GMT+8
<br>又會影到bernard
>>May 26, 2007 at 2:53:09 AM GMT+8
其實我都唔記得點解會擺個咁硬膠既
>>May 25, 2007 at 9:58:05 PM GMT+8
回虫:
<br>
<br>咁你有
>>May 25, 2007 at 3:31:24 AM GMT+8
我果時話. ..
<br>佢地走
>>May 23, 2007 at 12:50:00 AM GMT+8
don't post my ug
>>May 22, 2007 at 11:48:42 PM GMT+8
回莫大大:
<br>
<br>我
>>May 22, 2007 at 6:23:19 PM GMT+8
回虫:
<br>
<br>你之前
>>May 22, 2007 at 6:20:52 PM GMT+8
嘩~ 咁耐歷史既相都俾你搵得返出
>>May 21, 2007 at 9:40:16 PM GMT+8
jason..
<br>我宜家係
>>May 21, 2007 at 12:19:24 PM GMT+8
回虫:
<br>
<br>我pr
>>May 20, 2007 at 3:43:35 PM GMT+8
|
|
轉貼：
