2005 年 4 月 2 日 星期六 【微冷】


今日差 D要入廠...=.="

聽 dennis話, 做了隱蔽青年, 閉0左關好耐, 同黑熊隻揪、坐0係瀑布下俾瀑布衝擊,
幾個星期未剃過鬚, 成個野人咁 (係咪誇張0左 D呢？), 報紙只看體育版,
近排的娛樂、時事、政治都..=.="..電視亦只是看香港早晨, 因為有我至愛0既林燕玲做主播..
(有日0係六點半新聞見到林燕玲出差做記者 wo, 不過依然咁正..
其典雅中又帶點清純0既感覺, 係非一般「明星」能夠比擬..^^)
除0左去了上最後一堂的 calvin sun而遠赴太子外, 所有時間都在房裡溫書....
結果最後我都係唔知邊個係 c.s學生, 我時不時就周圍望, 都係發現唔到, 搞錯！

重讀呢一年, 學到最大0既0野就係..一個字 -「狠」！
正所謂無毒不丈夫, 每日我都會同自己講：「狠心 D ar陳俊峰！」
每當我遇上抉擇時, 我都會揀對自己有利0個邊, dennis講得好0岩,
我以前就是太過婦人之仁, 太過容易受人影響, 太過容易心軟...
要成大事業者, 必定要「狠」！當年西楚霸王項羽就是因為一時心軟, 唔夠絕情,
放過劉邦呢個只懂發皇帝夢0既小混混, 結果斷送了辛辛苦苦打返0黎0既江山社稷,
所以近排當我遇到會令我動搖的事時 (係咪婉轉得滯呢？), 我都會同自己講：
「陳俊峰你要狠心一點, 唔好心軟 ar！」

唔知點解近排成日都會肚餓, 好想食0野, 同上年0岩0岩相反, 上年呢個時候,
巨大壓力所做成0既生理變化有三, 第一食慾不振, 第二冇胃口, 第三唔想食0野...
依家幾個星期都未食過飯, 餐餐都係貴價垃圾 (老麥 & kfc) 或者公仔麵,
因為夠「快」, 又唔會飯氣攻心薰薰欲睡, 加上每日飲幾罐咖啡 or奶茶,
(冇溝埋飲, 贈興咩, 鴛鴦..) 不過我覺得考完後會死..=.="
A-level又名艾雲斯特利福戰役, 行軍最緊要係「快」, 正所謂「兵貴神速」是也！

就係咁出事0勒..一來長期唔夠訓同捱更抵夜, 二來食 D 0野冇營養,
三來長年累月屈0係一間密室內咪書, 捱到個身體殘哂...
尋晚照常地「狂踩」, 踩到今日食完 lunch後訓, 訓訓0下「痛」醒0左！
個頭係劇痛, 好似爆炸咁就快裂開, 所以啪左粒必利痛, 0個一刻真係冇咁痛,
點知仲衰, 胃痛..仲要痛到暈0左兩次, 真係好痛 ar！
差 D見到親生媽媽0係奈何橋對面同我揮手, 當時我仲以為「蒙主寵召」tim..^^

個胃0係心臟附近, 我問自己, 究竟係胃痛定心痛？嚇到爺爺麻麻鬼殺咁噪,
又話要 call白車, 又話要送院, 我同自己講：「拿..陳俊峰, 你唔好死住 ar,
係都考完 AL先好死 ar, 讀得咁辛苦, 依家死0左咪好唔抵！？」
所以我叫我阿媽幫我0係櫃桶拎隻《和津實傳世經典永遠珍藏版》出0黎,
我阿媽話呢個時候仲講笑！？我話唔係講笑 ar, 就係呢個時候先需要,
就好似當年關雲長刮骨療毒一樣, 同華陀捉棋0黎麻醉自己,
我叫我阿媽快 D幫我 play出0黎, 我阿媽當然冇理我..=.="
之後狂飲白開水, 冇咁痛, 諗住訓多陣, 因為根本冇咩訓過, 訓0左個幾兩個鐘就痛醒0左,
點知呢個時候 audrey姐姐打電話0黎, 佢一聽到我把就快死0既聲音, 梗係問我咩事 la..
結果..佢就將我阿媽日日同我講0既0野原原本本講番一次,
我諗第時 audrey姐姐一定係一個很囉唆的母親, 哈哈！

原來 audrey姐姐0岩0岩學完琴返屋企, 真係個個人都識音樂, 顯得自己很膚淺...
本來諗住考完 AL學結他的, audrey姐姐之前仲極力支持我, 點知我依家話都係唔學 lu..
唔係因為我三分鐘熱度, 而係因為睇0左結他王子劉備0既日記,
其中一篇係講「音樂是甚麼」(sth like that la, 唔記得0勒..),
我根本毫無音樂細胞, 不知音樂是何物, 看見結他王子劉備對音樂的執著與熱誠,
我知道如果我學結他的話, 只會褻瀆0左「音樂」..
(其實我有一個問題, 真正0既高手, 例如結他王子劉備, 覺得「兵器」重要嗎？
即是一支七千銀同四百銀0既結他, 0係高手手中有分別嗎？是工欲善其事, 必先利其器？
定還是對於一個高手來說, 木劍都可以削鐵如泥？當然我知道如果高手配名刀就會天下無敵..)
結果 audrey姐姐用手提電話同我傾電話, 由九龍塘傾到返葵芳,
很囉唆的 audrey姐姐, 不過並不討厭...

冇辦法 la, phy chem bio三科 AL, 仲有科 UE, 對我0黎講係較為吃力一點,
一日溫十八個鐘都只係溫到三科 (六個鐘一科), 我自己又囉苦0黎辛 gei...
phy chem bio三科 AL, 我真係唔忍心放棄其中一科, 咁就唯有出三箭頭 law..
冇辦法, 係就係辛苦 D ga la (係喪辛苦！), 要怨就怨自己做唔到抉擇,
究竟當年團長點樣可以做到三科 AL 2B 1C ga..他是怪物嗎？
還是..他真的是幻影旅團的團長！？0係流星街長大！？
係特質系念能力者！？能夠盜取別人0既招式！？

據說如果將一個瀕死邊緣的撒亞人救番, 該名撒亞人的功力就會幾何級數上升,
就好似當年格古洛坐宇宙船去娜美星打宇宙之王菲利時, 0係宇宙船內的一百倍重力室修練,
0係瀕死邊緣俾仙豆救番, 令格古洛有能力變身為傳說中的超級撒亞人..
我捱生捱死, 捱到殘哂, 仲暈0左兩次, 徘徊0係瀕死邊緣, 好彩俾和津實救番,
我感覺到, 我已有變成超級撒亞人的能力, 只係爭在那激發點 (activation energy？)...
可惡的溫敬良, 我貴為撒亞王子比達, 你竟然次次都行早我一步...
(在這時溫敬良已經有能力變身成超級撒亞人 3..)

記得上年中七, 有堂姚 sir話, 中七的生活雖然是「捱」, 是最壞的時代,
但係這亦是最好的時代, 話我地大個0左望返轉頭就會明 ga la..果然..^^
上年日日 lunch都同 dennis去買百佳飯或者貴價垃圾, 返學校0係 IS lab打躉,
一路食, 一路睇報紙, 一路同 kerry ar、virgin ar、fion ar、劉建男吹水,
不過搞到郭 sir勁無奈, 因為其實留校食 lunch係為0左溫 bio, 結果變0左聯誼..=.="
雖然堂堂班主任課都俾唐 sir食0左0黎教 physics, 偶然又俾 miss mok食0左0黎教 chem,
正所謂班主任課係兵家必爭之地, 話就話係雙班主任制姐,
姚 sir呢 D傀儡點夠唐老鴨權力高, 就好似當時利物浦雙領隊制一樣,
dennis仲話唐老鴨係侯利亞, 姚 sir係伊雲斯..就0係我們怨聲載道之際,
唔記得邊個話, 我地咪算好 law, 睇下隔離 7A, 個班主任課係俾肥婆食0左 ar！
當時我地個個聽完, 都興幸係唐老鴨做班主任..^^

成年都冇掂過中化, 上堂又0係度溫其他0野, 見到區煒輝 jot notes,
我都叫佢溫乜鬼中化丫, D時間用0黎溫其他科好過 la, 份中化實用文 mock,
我差 D寫0左口語, 因為成年冇作過文, 加上我只係識作評論, 如果唔出評論就好笑0勒..
雖然我都算幾鍾意睇書 (係淨係識睇書), 又鍾意寫0下0野, 算係咁 la..
阿虫話我依家狀態係一流、好 fit、要有自信, 哈..見笑了..
話說早前0係阿虫日記留言之後, 豬大姐同阿虫的朋友又相繼留言,
阿虫見到多0左兩個人留言, 諗住好happy, 點知0個兩個留言係俾我 gei..
而寫俾阿虫 gei, 就一粒字都無, 阿虫仲話：「隨便留個言, 都可以令人讚你..」
哈...唔好咁講我, 我會囂的, 雖然我都想個鼻高 D...
但係..我 D中文同阿郭老豆丹尼臣一樣, 「華而不實」, 好睇唔好食...=.="
0係 AL試場中係完全派不上用場, dennis又成日「修理」我, 記得上年有堂中化,
姚 sir話咩..唔知墨子劍法定尋秦記咩0既, dennis就話「主戰非攻」,
當時我係俾十個佩服佢, 因為我完全未聽過, 根本唔知係咩, 依家都仲係唔知 (有請莫大先生)..
其實 audrey姐姐同 dennis呢 D A級人馬應該考多年中化, 雖則話要錢姐,
不過拉高條 curve都幾過癮, 唔好俾我呢 D蛋散咁牙擦, 咩都冇溫過就入去考,
如果唔出政治或者科學, 陳俊峰我睇0下你點死！
記得上年放榜, 同 Ca姐講開溫敬良竟然因為科中化而冇 degree,
Ca姐以其一貫串人唔洗本0既口吻話：「叫佢認命吧 la..」
最好笑係區煒輝好認真咁問我, 溫敬良份人係咪好正直, 我問佢何出此言呢？
佢話：「溫敬良係咪正直得滯, 平時唔會 & 唔識吹水, 先至栽0係中化手上 ar？」
我竊笑了, 溫敬良你答我你係咪因為太過正直而栽0係中化手上？

看了豬大姐的結婚相, 有四幅, 初初第一次見到0係船影0個張相時,
覺得佢男朋友阿四哥好似 stephen (純粹感覺)..
不過那四幅結婚相又唔多似, 第一幅結婚相仲影得佢男朋友阿四哥幾靚仔 tim..
ha..sweet到丫, 阿豬姐, 洗唔洗咁 ar？豬大姐你揀 poly都係為0左咁姐,
依家目標達成0左 la！王彥婷與四哥的幸福結婚相
早前阿豬姐又話有好介紹, 到依家都冇回音..>.<"

發現0左一張好恐怖0既相, 恐怖到唔敢 post出0黎, 驚嚇親大家,
好好地一個女孩子, 為乜搞到咁0既地步呢, 唔男唔女..
都唔知係成龍定係楊生0既錯, 唔怕0既就睇 la, 雖然好好笑..^^英皇產品, 必屬佳品！

因為 bio miss俾0左張 memo紙我, 搞到我興奮到忘形, 四處招搖,
又過膠、又擺落銀包、又 post上網, 我叫黃嘉欣 (isabella) 睇0下,
係馬依琪0既真跡 ar, bella姐咀蔑蔑咁同我講：「哼, 我夠有咯..」XDD, 超好笑..^^
黃嘉欣真係掂, 個樣又同郭可盈有九成似, 如果化埋妝真係分唔到,
佢又識整0野食0個0下好0野, 用「識整0野食」0黎形容 bella姐簡直係侮辱0左佢,
因為 bella姐真係日日都有新款甜品推出, 我諗佢0既減壓方法應該係整0野食,
最好笑係 bella姐每次整0左 D 甜品出0黎, 都會影低佢放上網,
唔係講笑, 真係掂..bella姐最新產品叫「絲絨牛奶凍」(個名係佢自己起的),
嘩, 一個女仔又似郭可盈, 又識整咁多0野食, 去邊度搵？
有興趣0既自己 click入去睇睇 la, 女孩子就更應該睇, 因為裡面有詳盡的「bella姐食譜」..

(係阿郭叫我睇 bella姐個 homepage的, 佢唔講我都唔知 bella姐有 homepage,
至於點解風馬牛不相及0既阿郭會知道呢, 自己問阿郭 la..^^)

bella姐日記有首好正0既歌, 初初問佢呢隻係咩歌, bella姐話佢都唔知,
依家我知道係咩歌 lu, 原來我已經聽過, 不過唔記得0係邊度聽過, 真的好好聽...
http://www.hkedcity.net/citizen_files/aa/fg/yo1320/public_html/Dalana.rm

周倩婷話佢發夢見到自己去「皇仁」考 (事實上唔係), 點知自已唔夠時間, 又唔記得拎準考證,
佢居然去求大長今個皇后比多 D時間佢...我睇到呢度真係笑0左出0黎,
我想問周倩婷你幾時返學校問0野？俾個時間我, 雖然我暫時未有0野想問住...
但係我總是覺得..就快有問題要問, 冇問題就係最大0既問題...

張昭文..一睇到呢個名, 我第一個0既反應係：「小昭！？」
原來阿 jan就係「波斯明教聖女」, 記得有次同 dennis講開周芷若、殷離、趙敏同小昭,
蛇蠍美人0既周芷若、青梅竹馬0既殷離、機心極重0既趙敏同善解人意0既小昭,
真係搵唔到原因唔揀小昭 wo, 條死人張無忌正一 xyz 0黎0既..>.<"
好, 就咁決定0勒, 以後就叫 janice叫做小昭！各位0係理工大學讀緊0既朋友,
如果你地0係 poly見到一個貌似小昭0既女孩子, 無錯, 佢就係我所提及0既小昭..^^
我問過阿郭0係 poly有冇見過小昭, 阿郭話 poly日日都人山人海, 見過都唔記得 la, 叫我咪玩 la..
(訓0左成晚, 講0野都仲係語無倫次..=.=")

我愛人舒拉寶娃妹贏0左大威廉斯, 殺入佛羅里達網球賽決賽！
不要忘記, 寶娃妹只有十七歲, 從新聞中, 看見她在四強殺敗大威0個一刻,
以其招牌式跪地怒號慶祝奪得決賽一席位, 在看靚女之餘,
亦覺得自己好失敗, 堂堂十九歲大男人一個, 一事無成,
看見一個比自己細個的小妮子, 可以這麼堅毅不屈,
我就更加不能輕易倒下, 更加不能心灰意冷, 更加不能隨便放棄....

可能是自己大男人主義吧, 為了這些無謂的尊嚴而激動...
不過..如果你是男人的話, 請站起來！不要輸給比我們細的女孩子...
拾起你那男子漢的尊嚴, 燙熱你那雄心萬丈的心, 燃燒你那火焰般的眼神...
身為男子漢的你, 看見這個比自己還要細的小妮子這麼強勁,
你還能夠輕易地表現出怯懦的一面嗎？你還能夠輕易地放棄夢想嗎？
你還能夠輕易地被人和事擊敗嗎？人可以失敗, 但係唔可以被擊敗,
失敗了, 就要靠自己站起來, 如果你是男子漢的話, 就一定要站起來,
繼續走, 走你自己選擇了的路, 就算髒了, 就算倒下了,
就算已經精疲力竭快要死了, 也要繼續走, 因為懦弱這兩個字,
從來都不應該屬於男人的...這是筆者給所有男讀者的話, 亦是筆者給自己的話...
「風之后」李麗珊話, 每一個運動員, 心中都要有一團火,
其實做人亦都要, 記得中四時, 恩師 miss choy經常「責厲」全班,
話我地中三0岩0岩升上中四時, 每個人心中團火都燒得很旺盛,
但係依家團火好似就快熄咁, 對於恩師呢一番說話, 我永遠銘記於心...

不過男人要燃燒的, 不只是心中那團火咁簡單, 男人要燃燒的, 是「小宇宙」..
如果唔燃燒小宇宙, 書本中0既知識只會係重重0既負累, 越讀得多就越辛苦,
所以就要將體內那小宇宙無限地爆發, 只有這樣做, 從書本中獲取的知識,
才會成為堅固得0黎又輕於鴻毛的鎧甲, 是保護聖鬥士肉身的聖衣...
最後...梗係希望寶娃妹能夠摘冠而回 la！^^



「It is the best of times, it is the worst of times,
it is the age of wisdom, it is the age of foolishness,
it is the epoch of belief, it is the epoch of incredulity,
it is the season of Light, it is the season of Darkness,
it is the spring of hope, it is the winter of despair,
we have everything before us, we have nothing before us,
we are all going direct to Heaven, we are all going direct the other way...」
《雙城記 - 大文豪狄更斯》

>>April 28, 2005 at 8:04:21 PM GMT+8