2005 年 9 月 11 日 星期日 【晴】

最近成日比較而家份工同以前份工...
其實去度邊, 都有唔完美嘅地方...
但唔知點解...我對而家呢度一d歸屬感都冇
我冇左以前嗰種衝勁...
每日返工祈求冇乜大鑊野發生, 順順利利捱過5:30就算...
好似好頹廢, 冇乜目標...
再講, 同同事嘅關係又麻麻地...
我知呢d野冇得強求的...
有傾得埋的同事其實係bonus...
到底係咪我唔滿足, 我諗係...

唉...唔知啊, 有苦自己知囉...

>>September 11, 2005 at 9:30:08 PM GMT+8

2005 年 9 月 5 日 星期一 【晴】

哈~ 岩岩睇she.com, 有人開個topic叫做"最克人憎既英文名"

我精選一部份俾大家參考下啊下...

coco (gigi, jojo, didi嗰d都憎啊 >.<)
debby (我諗起一個更克人憎的deborah)
Leon (如果有fd叫 leon, aaron的話, 我同佢絕交)
Valentino, pierre (改埋d咁串的名, 想點呢)
Cinderella (灰姑娘, 做咩要改個咁慘的名????)
Ann (佢d朋友仲有mary, so-ying, tom, john, peter <==小學英文書裡面的同學仔)
Mona (嗯...直覺叫mona的人好姣囉)
Richard (樓下隻狗狗嗎? sorry, 得罪晒)
David (呵呵, 舊老闆個名都有份)
sandy (下? 我以前中學用的名, 好驚嚇, 其實個人認為個名都幾克人憎, 俾人搵橙掟的)
kawaii (仲有suki, yuki嗰d日本名我都好憎, 做咩者...cute d咩)
catherine/katherine (阿catherine, 唔好打我, d人咁寫我咁講咋...不過我個人都好怕嗰d混淆視聽的名, 即係呢, chris/kris, asther/esther....一個名幾個串法, 好驚串錯架嘛....)

如果你係上面其中一個, sorry啦...
得啖笑0者...息怒啊...各位大哥大姐...

>>September 5, 2005 at 11:07:12 PM GMT+8

2005 年 8 月 30 日 星期二 【微雨】

今日一早返到公司, 同事都好雀躍
因為窗外有一道很大的彩虹呢~~
我咁大個都未見過真的彩虹架.....
以前都係喺科學書, 或者上堂用三菱鏡做實驗時才見過
天然的彩虹還是第一次見呢~

真的彩虹並唔似書上面的那麼實在
有點模糊, 但總會讓你見得到的
那道彩虹大概維持左15分鐘就消失啦

因為那一道彩虹, 朝早的工作特別起勁呢~~ 呵呵

>>August 30, 2005 at 7:01:07 PM GMT+8

2005 年 8 月 21 日 星期日 【雨】

今年雨水特別多呢...
前日至今日整日都在落雨...
原本plan好的節目都要取消
今日呆喺屋企煲日劇呢...
煲煲下, 煲到而家9:30...

時間過得好快呢...
聽日又要返工啦...
返左呢份工之後, 時間好似過得特別快...
一星期工作好快完結, 新一個星期的工作又好快開始...
一個星期一個星期咁過, 好快又一年啦...
時間過得太快唔係一件好事呢...

>>August 21, 2005 at 9:43:15 PM GMT+8

2005 年 8 月 1 日 星期一 【晴】

"你真係冇貢獻" 佢終於講出口啦
次次話"溝通"....其實都撩交嗌...
講到尾又係錢作怪...

而家心情好差....

>>August 1, 2005 at 10:39:50 PM GMT+8

2005 年 7 月 31 日 星期日 【乍寒還暖】

嗚...背脊好酸痛呢...
事源係琴日我陪個台灣舊同事上深圳時按摩被~K所致嘅...(真係攞黎賤)

呵呵, 難得的被騙上深圳...
講笑者...我好耐冇去啦...咪上去行下, 探下同事囉

琴日仲試埋腳底按摩呢...
未開始之前, 其實又驚又緊張...
主要係因為幾位姐姐, 每人拎住一桶野行入來
我被那種架勢嚇親...仲有以前睇獎門人的印象太深刻啦
真係未按先驚..............

岩岩開始時, 會有d痕...好似俾人"擠"咁....
跟住warm up一輪之後就好舒服啦....
我仲訓著左tim....
成個過程最辛苦只係剛開始要忍笑
之後都好舒服呢...

聽佢地講, 洗頭洗臉 (我估係做facial啦)都好舒服的
下次有機會都想試下....

之後我地又去行dvd舖..
我買左隻小新dvd, 75集$15咋~ 真係平...

嗯, 一陣煲下碟先

>>July 31, 2005 at 11:47:59 AM GMT+8

2005 年 7 月 24 日 星期日 【晴】

琴日行書展...人真係多得好緊要呢...
我呢d冇乜文化修養的, 頂多去湊湊熱鬧...
最後兜左兩層, 買左支麥兜槌就走人啦...
嗯...叫做有參與過啦....
下次見到朋友起碼可以話俾人知,
我"都有"行書展架...呵呵
(虛偽........................-_-)

之前睇過working holiday visa的資料..
真係心郁郁想去呢
雖然都驚俾人鬧...始終, 去得就要放棄hk工作,
屋企人立場肯定唔希望我放棄啦,
而自己都擔心去到外地自己係咪應付到...
或者, 返來時, 我係咪可以搵番同而家一樣的工作呢...

人越大, 顧慮越多...
不過好想趁年青時,
任性一下, 做自己想做的事...
有好多事, 錯過左就係錯過左...
呢個working holiday visa有年齡限制架
我想30歲之前做到呢件事

>>July 24, 2005 at 10:09:57 AM GMT+8

2005 年 7 月 16 日 星期六 【酷熱】

不知不覺, 在新公司返左一個月工啦...
正如之前日記所講, 工作上左軌道啦,
只係會因為唔知阿head點睇我而懊惱
其他都冇乜野....

其實呢段時間我邊做邊想...
冇錯, 而家工作好穩定,
相對以前真係輕鬆好多好多...
我也講少左好多$&^$#@()等粗言污穢語
但...咁樣, 我怕自己會越來越懶呢,
或者同dept裡其他師奶同事一樣, 一hea hea足10年
到想轉工時先發現時不與我, 唉..."實屬不幸"啊....
講到底, 我未想收山住...我仲想衝下啊...即係有d作為囉

犯賤吧?
仲記得當初辭職, 仲同自己講
非找一份好hea好hea的工不可
找到啦, 又唔滿足...想點呢?
我都唔知自己想點...
辛苦時嫌辛苦, 輕鬆時嫌輕鬆...

之前同大學同學飯局時,
d同學大部份都有個master在手, 薪高厚職...
同佢地坐埋一齊, 我越來越渺小...
冇野講的時候 (其實大部份時間我都冇野講),
不停灌茶...灌茶...灌茶
我諗, 就算我半途離場, 佢地都不以為意吧...

點樣先可以出色點呢...

>>July 16, 2005 at 9:08:13 AM GMT+8

2005 年 7 月 9 日 星期六 【微雨】

好耐冇寫日記啦...
工作方面已上軌道啦,
只係有時會因為唔知阿head想什麼而煩惱...
唔知呢, 我係一個容易想太多的人...
當某人的語氣, 表情或小動作有點不一樣
我就會想我係咪做錯什麼...
所以主要係煩呢d...

今日睇到d關於working holiday visa的資料
好吸引呢....一邊旅行, 了解當地一切, 一邊賺d旅費, 很不錯...
睇完, 先不要講去travelling+working, 即使係短短的三日兩夜,
我都想去...真的很想去旅行

>>July 9, 2005 at 12:19:02 PM GMT+8

2005 年 6 月 25 日 星期六 【乍寒還暖】

落左一星期大雨...琴日下奏出左一陣太陽, 感覺醒神呢~

呢個星期睇到好多娛樂版講緊sammi單野
最初我冇乜理呢單野, 不過傳左咁耐咁多次,
我開始有點相信係真的啦....
我唔係sammi fans, 不過唔想見到好似哥哥嗰d唔開心嘅新聞囉

講番自己, 琴日心情有d down架
返左兩個禮拜工, so far覺得問題唔係好大的
只係要再摸索下一d流程, 模式, 習慣,
同埋之前發生緊, 而家要follow的事嘅問題
down嘅原因係, 唔知呢,
我`U自己點解會錯d careless mistake呢
當我越想爭取好表現時, 就越會出錯,
總會有d唔應該錯的做錯左, 我真係好嬲自己架.....
都唔知阿head會唔會懷疑請錯我tim

唔知係咪自己想多了,
有時阿head或同事嘅說話 or 小動作唔同左
我就會懷疑佢地係咪唔likey我呢...
唉, 係咪stable得滯所以自己想得太多呢?

唔知啊, 總之心情down down地, 又囉囉攣.............

>>June 25, 2005 at 12:10:51 PM GMT+8