2005 年 11 月 19 日 星期六 【微冷】

最近有隻令我狂煲嘅歌...
林憶蓮"為何他會離開你"...
憶蓮唱得好聽唔駛講, 但我覺得夕爺d詞令隻歌加左唔少分
有好多句都好夭心夭肺架
雖然我未必有相同嘅遭遇...但的確令我領悟不少

感情嘅野唔可以勉強
隨緣, 好多時係我逃避現實嘅藉口
但緣盡了, 就要懂得放手...
緣份未到也不要勉強,
為拍拖而拍拖是沒有意義的...
人大左, 對愛情嘅睇法再唔係單純要個人陪睇戲食飯,
要對方記得自己生日, 情人節一定要送花...
當然呢d野唔可以冇, 但除左呢d,
更希望搵到個懂得珍惜彼此的人

最近成日喺朋友面前呻dry...
嚇死d朋友, 真係唔好意思呢...
佢地未見過我如此饑渴過, 嘿嘿...
坦白講, 真係唔想繼續single呢...
但又可以點呢, 自怨自艾又點呢...
唉...
但我慶幸係, 我需要人聽我發up風時
朋友都唔介意聽我講, 多謝啊

>>November 19, 2005 at 7:25:08 PM GMT+8

2005 年 11 月 18 日 星期五 【微冷】

之前喺朋友個blog見到個生日花占卜...
我係莢蓮 (唔知乜花...:p)
哇, 又好似講得幾準咁喎, 呵呵~
i mean"愛情運不多"嗰句0者...

11月24日莢蓮（Viburnum）
花語﹕至死不渝的愛
花占卜﹕您思想單純，對人坦誠，自然而生的魅力，使您特別引人注意。在旁人眼中
您很有異性緣，可惜愛情運不多，令您經常捲入感情的漩渦之中，而無法自拔。您的適
應能力很強，相信很快就能回復過來。
花箴言﹕容易點燃的愛情，也容易熄滅。

http://www.margert.net/missm/birthflower/

>>November 18, 2005 at 7:41:35 PM GMT+8

2005 年 11 月 12 日 星期六 【晴】

琴晚同個temp同事farewell...
好開心呢...我地由6:30坐到12:00先埋單...

真係好耐未試過"同同事放工之後食飯"呢回事...
冇辦法啦, 其他同事唔夾...
一係師奶, 一係有錢...都冇d岩咀形的人...

琴日我好似大解放咁...
將平時文靜, 默默耕耘個樣擺底
盡情講自己幾個月來一d唔開心, 被誤解嘅感受
之前唔講, 佢地仲以為我冇乜野, 好stable...
到琴晚先知我有咁多complain...呵呵
嚇親人...

位temp同事係最傾得埋的啊
多得佢令死寂到好似自修室的office多番少少歡樂
佢走左之後呢, 我又要繼續面壁工作...
然後背脊又要接收一d唔想聽的是非...
唉....有時真係覺得好辛苦....
我只係想正常打份工者...點解去邊都有d咁嘅八婆呢?

>>November 12, 2005 at 11:59:34 AM GMT+8

2005 年 11 月 6 日 星期日 【晴】

噢...酸痛的腿啊...
都唔明點解碌齡唔係手痛而係腿痛的呢...
好明顯, 1. 我少運動, 2. 我用錯力啦...唉...
我諗我"線"出去的時候, 冇就力而對腿張得太大步啦...
(唉, 明知自己一把年紀, 都唔識量力而為....冇計....)

不過都開心架, 我同nat每人4局, 由最初個波成日跌落坑, 或犀到過左龍
至後來我地都有試過全中...(當然包括補中的啦)
過程雖然辛苦 (咁我對手同腳都痛嘛...), 但見住自己進步, 都幾欣慰的...呵呵~~

之後我地落左尖咀, 撞到jen呢...意外喔~~
我地去左諾士佛臺飲野...一飲飲到2:00am幾....
哇, 好耐未試過啦, 但感覺很好呢...
真係好耐未試過咁充實的weekend啦...
好愉快呢~~

>>November 6, 2005 at 10:57:33 PM GMT+8

2005 年 10 月 31 日 星期一 【微冷】

哈! 近日收到張假生日卡喎, 真係搞笑啊...
d銀行囉, 借我生日名義, 送左個"極優惠"的installment loan...
噢...係祝我生日快樂的, 就送d錢我洗啦,
而唔係整個tum我踩啦...shit...
不過除左呢d激氣生日卡, 都收到d coupon嘅...呵呵

本來11月冇公眾假期都幾受人唾罵的...
尤其返工人士, 包括我在內, 我都好憎冇公眾假期的月份...
但今個月係我生日嘅月份, 就算冇公眾假期, 都有呢d coupon搭夠
當係補償囉...呵呵

下?! coupon唔夠啊?
你都戥我個生日過得太寒酸啊?
咁你地識do啦, 嘻嘻~~~~~~~~~~~~

(我唔係有心提我生日架....真係唔係有心提生日架....都係張假生日卡囉, 我本來只係想講張假生日卡之嘛...點知唔覺意提左自己生日, sorry, 又唔覺意講左"生日"呢兩個字...哎呀~~生日啊~~真係唔係故意提生日架....呵呵~~ 夠啦, 唔玩啦, 總之識do啦, 我生日啊, 呵呵~~~~~~~~~~~~~~)

>>October 31, 2005 at 8:41:47 PM GMT+8

2005 年 10 月 23 日 星期日 【微冷】

10月又過左大半, 天氣都開始涼啦...

琴晚約左班同學去石澳BBQ...
上一次去石澳, 我諗都3-4年前啦...
大部份野都冇變...
變嘅只係心情....
以前會一班人柴娃娃, 有跳蹦蹦的喜悅,
而家, 人一樣, 但我會`U,
點解d大袋野, 重野總要我拎?
起爐加炭的事點解都要我做呢?
嗯...以前要我做呢d野, 我冇咁介意...
而家唔係啦, 我好想有人為我/我地做呢d事...

唉, 冇嗱嗱為d冇聊事發脾氣...仲要發左兩個朋友脾氣...
對唔住啊...下次我地去燒烤場BBQ啦...

(好冇聊呢...呵呵.....)

>>October 23, 2005 at 1:12:51 PM GMT+8

2005 年 10 月 12 日 星期三 【晴】

真係有語病的...

我真係覺得我d同事好有語病的...
有時佢地講野, 真係唔知當佢地直, 還是講笑...
例如有次我話我識林燕玲...
佢地就用十倍浮誇懷疑表情問我
"喂, 林燕玲喎, 好靚架喎"
下, 我唔可以識靚的朋友嗎? 我心諗...
我以前讀書時, 有讀過embedded meaning...唔好當我傻的
呢句野, 一來係暗示我醜啦, 二來係歧視醜人識靚人囉...

今日又黎啦, 佢地講開我地dept遲早會摺...
其實dept會摺嘅傳聞一早聽過啦...不過佢地唔知我知0者...
咁其中一個師奶同事就話佢寧願唔做, 都唔轉dept
跟住我阿head就叫佢唔好嚇親我地,
佢話唔擔心另一位有錢女, 但我就唔同啦...
哇~ 大佬, 我都唔擔心喎...我有經驗唔驚搵唔到工喎
佢地好似以為我冇左呢份工唔得咁囉...
超~ 我都冇諗過呢度長做架啦, 而家呢份工對我來說只係休息, 緩衝下0者
(唔係馬後炮的)

唉, 都唔知係自己冇幽默感, 定係佢地真係有病, i mean語病
我覺得佢地講野真係唔係好理人感受囉...
其實同一個意思, 用d靚少少的字眼咪唔駛得罪人囉
唉, 不過算啦, 我總覺得d老屎忽講野反而冇乜分寸的...

>>October 12, 2005 at 10:31:39 PM GMT+8

2005 年 10 月 2 日 星期日 【晴】

要打電話給她嗎?
還是畫一張小卡片?
或是乾脆直接去找她?
她會被我嚇一跳嗎?

她會打電話來嗎?
她會想我嗎?
她會寫信給我嗎?

還是她根本就不在乎我?

花為什麼不香了?
風為什麼不吹了?
我為什麼老是感到心神不寧?

難道她真的不想我嗎?
要打電話給她嗎?
還是畫一張小卡片?

還是......

《你們我們他們》─ 幾米

>>October 2, 2005 at 2:21:51 PM GMT+8

2005 年 10 月 2 日 星期日 【晴】

前幾晚我拎番d舊相簿睇...
我發覺我影得最多相係01年畢業嗰時...
之後嘅聖誕節啦, 除夕啦都有出去玩下, 影下相...

但呢兩三年好似冇晒相咁...
一來少左出街啦, 二來自己好似有相機恐懼症咁
人地一話影相, 我就搵窿捐....
我咁醜又咁老, 冇謂搞禍張相, 累街坊啦....

琴晚, 我朋友想用佢部新電話幫我影相,
話整來電圖片喎, 我咪扮傻"一陣先啦一陣先啦"...
結果走的時候都冇影到....
上次都係咁推佢之嘛, 我諗佢都知我扮晒野架啦
呵呵~~

嗯...好想搵日毫無禁忌喪影相咯!!!!!!!!

>>October 2, 2005 at 10:55:27 AM GMT+8

2005 年 9 月 24 日 星期六 【驟雨】

放假先黎打風...真係老土啊

最近都訓得唔好啊
晚晚訓到咁上下就醒左,
眼光光等天光....
幾早訓都補唔番....
個眼袋就快跌到落下巴啦

訓唔著嘅時間最難熬...
呢d時候我又多野諗喎...
諗東諗西...有時都搞到自己幾down架...

可能有人覺得我冇乜野好煩啦...
但...有d野, 唔知係咪自己諗多左,
或者係我逃避緊呢...
唉...總之我只係想有覺好訓0者...

>>September 24, 2005 at 8:21:36 PM GMT+8