2003 年 12 月 3 日 星期三 【晴】

今日返大陸開會...
由於係大會關係, 局住著suit, 扮得體...
唔, 總之周身唔聚財, 個樣又好似老左十年咁.....

講真我唔係好鐘意去呢d場合
一來d內容好悶,
二來...我唔識social, 加上我呢d小腳色, 去到冇人理架嘛...
到tea break時, 老細&阿頭佢地同人social,
我咪柄埋一二邊食撻飲嘢囉...幾咁無聊呀...
都唔知點解個tea break咁鬼長........成半個鐘....
好不容易捱到6:00
佢地繼續趕下場食飯, 我就返香港先~yeah~~
不過唔好以為可以嘆, 返到屋企即刻鬥篇minutes, 費時聽日冇時間寫...唉...

後記:
嗯....今日上大陸, 見到無所不在的乞丐...
斷手斷腳的, 攬住細佬摷垃圾食的...
個心好難過, 但係我又唔敢俾錢佢地....
冇辦法, 因為唔知俾左一個之後, 後面會唔會跑出其他同黨....
同黨?! 係呀, 聽聞大陸有集團控制呢d乞丐的...
真係好可悲..............

>>December 3, 2003 at 11:34:42 PM GMT+8

2003 年 11 月 30 日 星期日 【晴】

攰死喔............................

今日一早仆出去, 學人做義氣仔女呀....
呢...陪佢, 同佢個佢打羽毛球....佢囉, 怕尷尬
咪搵我陪囉, 我咪捱下義氣囉~~
(很複雜吧?! 係呀, 背後有段故, 基於私隱關係, 呢度唔爆啦........)

哇....我諗自從F.7之後, 我冇掂過羽毛球啦...
但我本身係幾鐘意打羽毛球的....
以前細個成日去公園, 同班波友猜波猜到好開心架

嗚........而家對手勁攰, 冇晒力, 仲有d手震tim....
冇計, 一來好耐冇運動, 二來我每一下都狠狠的殺落去...很爽~~~~~
我諗聽日會更岩重....肯定勁酸痛的....
嗯......雖然攰, 但係耐唔耐打下波, 又健康, 又爽~~

打完波返來, 同阿爸去買相機,
個sales讚阿爸後生, 仲讚佢似我阿哥 (有冇搞錯!)
搞到佢勁開心呀....

買完相機, 阿爸叫我要多d返屋企食飯...
嗯....兩件事都唔關連的....
不過我明佢講乜, 總之收到啦

>>November 30, 2003 at 5:38:58 PM GMT+8

2003 年 11 月 28 日 星期五 【微冷】

邵小姐, 個forwarder遲我地一屆畢業的, 雖然個樣唔似....
不過重點係佢唔靚仔囉...真係失望.......:(

講番今日先, 今日勁開心啊~
約左公司(隔離公司)同事唱k
我喺度做左年幾嘢, 第一次同d同事搞聯誼活動
感覺好好啊~~
我地好似發左癲咁, 唱得勁high...
呢, 阿wing嗰招指字幕跟拍子真係得喎
我地成班傻瓜一齊跟住做....好死搞笑! hahahaha~~~~~~~~
我地仲影左好多相, 好正啊~
總之今晚好good呀~~~~~
完全拋低好多工作上帶來的冤屈氣呀!!!!!
喂, 同事們, 每月都要搞呢d聯誼活動啊!

早d抖先, 聽日仲要返工.......................................

>>November 29, 2003 at 12:58:49 AM GMT+8

2003 年 11 月 27 日 星期四 【晴】

今日有個forwarder請食lunch...
我以為佢之前發風, 點之蟒u的...

開頭都幾悶架, 好似冇野搵野來講
後來講講下, 講講下...............................................

"下?! 原來你以前讀我對面間男校架?! " 我嚇然發現現實版的向左走向右走...
呢個世界真係細....原來呢位仁兄以前係我隔離校嘅校友........

跟住我梗係唔放過揶揄佢嘅機會啦~
呢......佢地對面d男仔以前成日擒鐵絲網望過薛琣a學校
尤其我地有時上緊PE堂, 撞正佢地recess/lunch time,
佢地又擒鐵絲網, 又發出怪叫....好鬼討厭
仲有呀, 佢地又會借故踢個西瓜波過�, 走過來執波
佢就解釋, 西瓜波好難踢的, 如果踢到過虧Y一件要鼓掌的事
都唔知係唔係.......條友仔吹水唔抹咀的........

講講下, 講到慶起...搞到我遲左幾個字返公司tim....
不過講番中學年代嘅趣事, 真係幾得意嘅....

>>November 27, 2003 at 11:14:07 PM GMT+8

2003 年 11 月 24 日 星期一 【晴】

多謝啊~
多謝所有生日的祝福!
多謝你地為我破費, 為我花心思
多謝好久沒見的朋友俾面出席, 為我慶祝生日
(我地終於拍到團體照啦! yeah~~)
特別多謝為我製造驚喜的朋友, 竟然送花到office
我內心不禁沾沾自喜, 好威喔, 呵呵~~~~~~
仲有呀, 和民哥哥嘅服務態度真係good呀!
佢容忍了我地的bee lee ba la, 保持笑容, good呀

今年的生日特別有意思! 特別溫暖! 特別幸福!
小女子被大家感動了! 不能自拔了! 嗚嗚~~
多謝晒你地呀~~~
"妹妹妹妹妹~~~~~~~~~~~~~~~~~~~~~"

>>November 24, 2003 at 11:23:09 PM GMT+8

2003 年 11 月 23 日 星期日 【晴】

今日一早去投票lu....
今次係我第一次投票的, 自然對投票站感到生澀啦
所以初時都出現走錯位的瘀嘢...呵呵~
嗯...其實我係對其中一個候選人比較熟識...
我只係憑佢地政綱, 邊個寫有誠意d咪揀邊個囉
很兒嬉吧?! 本來就是很兒嬉的啊,
d議員唔到選嗰刻都唔蒲頭, 唔怪得我喎...
(又在硬掰了...呵呵~)
其實呢d議員, 得罪講句, 都唔係做嘢, 亦唔係真心幫人的啦,
以前工作關係, 我見識多了
咁點解我要投票?
因為我唔去投票, 萬一俾d更加唔係做嘢的人當選不是更糟嗎?
而且盡一點公民責任啦....

>>November 23, 2003 at 1:58:21 PM GMT+8

2003 年 11 月 18 日 星期二 【暴雨】

厚~累死了

今日返大陸開會, 好死攰,
海關勁多人, 上班族+自由行+上大陸混的香港人+其他不知名人士
除左前二者之外, 真係唔明後者咁早貢上去搞邊科...
好耐冇上去開會啦, d深圳同事一見到我好熱情呀!
其中一個同事即刻熊抱我~~
事先聲明, 女�嘅...
哇~原來佢地好鬼開放, 害我尷尬的逼著放開懷抱...

開完會4:00幾, 我冇返office...直接出尖沙咀會合老細...
係呀, 佢請食飯嘛...
唉...呢餐飯未食之前已經勁大壓力
琴晚呀, 我為左要諗特色餐廳, 真係諗到頭都爆
要有特色, 價錢ok, 然後裝潢不錯...哦~~~~~~~真係考起我
我平時食野求祈填飽個肚就算架嘛....
同老細級食飯又唔得太寒酸, 唉......
好彩我有個"飲食男女"嘅朋友大球場, 多得你suggest d ideas咋...
我地最後去魚一丁呀...
不過老細食得好嘢多, 正宗日本嘢食唔少....
所以起初佢好似對魚一丁有d微言...

"天啊~桌子那麼小....哦, 這個啤酒杯應該也要冰的....這個配料應該要先弄到某程度的熱和熟才讓客人烤...醬客人才不用等太久...妳那個西柚sour, 在日本是調好的, 不用讓妳自己榨汁........@%&*#$%^@"

厚~~~我開始懷疑自己係咪帶佢去錯地方呢...魚一丁我覺得已經不錯了
當然同日本正宗的比, 還有一d距離啦...咁......呢度係香港嘛...
我只能嘆一句, 老細級即是老細級呀......
算吧...........我還是要多謝佢嘅~~

食完飯, 老細想睇維港夜景...
原來我地個維港仲有相當吸引力
哇~~~~~吹到我頭都甩.....又凍......
老細又話, 如果有時間, 佢一定去蘭桂芳飲啤酒, 然後上埋山頂睇夜景
原來呢d節目對遊客仲work架喎......
跟住佢想吃甜品...所以帶佢去食.....
就係咁, 我做左一日快閃小小小導遊嘍~~~~~

>>November 19, 2003 at 7:12:20 AM GMT+8

2003 年 11 月 13 日 星期四 【晴】

今日暖番 d lu~

呼~~~今日老細�, 我成朝囉囉攣...
成三個月冇見, 唔知佢會考我咩架嘛...
總之好鬼驚...

佢一點鬆d到office, 放低d嘢即刻, 係即刻!! 調頭走話出去食飯
哇~~~~~~佢d行動真係極~~~~~~~~速呀!
跑呀~~我攞完嘢即刻跑出去啦~~
噢~撞到渥美桑...佢話一齊飲茶喎...

唉, 最慘係我啦, 佢地全程&*(@@#^%^講日文
害我變成一個又聾又啞嘅小朋友, 傻呼呼的呆在一旁..."對"茶

其實今日我冇乜同老細講過嘢,
飲完茶, 佢就同渥美桑開會, 我就繼續做嘢
最後佢要走時, 叫我同佢去搭車, 心諗唔方好嘢...
點知原來佢只係問我最近工作上有冇咩問題
佢話喺公司唔方便, 咁又係, 公司又唔係我地地頭,
咁多賤人, 棉花糖&布丁除外
我只答佢倉嘅問題囉....仲有咩0者...
雖然佢話一定要坦坦白白講d問題俾佢聽
但......唔通我同佢講隔離公司d衰人勁賤咩!!
咁咪好似講是非囉?!
唉....通常話溝通, 最後都溝通唔到
提出來的問題只係門面嘢, 真正的問題係冇辦法講的
唉...其實我只有一句, "我想搬office", 係咁多
只要搬office, 就算要自己pack晒d貨, 我都千千萬萬個願意
對我來說, 沉重工作量已經可以拿捏
就是是非, 我真的不能忍受
人言可畏, 我對出面的人渣已經好容忍
唔知可以忍幾耐...
唔知道....
突然好似好悲.....:((

>>November 13, 2003 at 10:05:10 PM GMT+8

2003 年 11 月 12 日 星期三 【颳風】

回應番上篇日記
我應承自己要提升EQ, 對嗰兩個煩人好d
哼~我做到呀! 叻呢~
我諗冇人鐘意俾人用d唔禮貌嘅語氣對待
呢兩日, d煩人搵我, 有時都想發火架,
當我feel到開始`U嘅時候, 即刻提自己calm down
雖然未做到最好, 但我feel到自己有改善啦
對方嘅語氣都有好轉呀, 我地仲哈啦起來, 呵呵

今日昆山同事突然要我即刻出貨
明明之前確認左個客呢個禮拜唔駛出架嘛....真係玩嘢
如果係幾個月前, 我一早發火砲轟佢地,
但...唉....算啦, 我話過要提升EQ的, 我忍
我知佢地都唔想, 如果出唔到貨, 個客又會cancel張單
咁大鑊, 我都係唔好賴皮啦....死去pack貨啦...

嗯, 講真, 發脾氣只會死細胞, 解決唔到問題,
冷靜, 從別人角度著想先係今時今日嘅工作態度
我會為減少皺紋努力喔......
眼前有個人又要耍那炯炯的目光了.......咪我囉, 呵呵~~~~~~~~~~~~~

聽日老細來香港呀~有d驚
好似好耐冇見過佢, 成三個月囉~ 哇............
佢聽日來公司同渥美桑傾嘢, 同埋.........請我食飯呀!
佢之前應承的!! 呢......之前我咪成日去機場做courier嘅...
佢講過請食飯補數的!!
算你周x偉有口齒啦!

>>November 12, 2003 at 11:43:36 PM GMT+8

2003 年 11 月 10 日 星期一 【微冷】

今朝涼左好多喔, 搞到差d唔知醒

返到公司, d貨未到, 唔係太忙碌
於是我趁機寫我嘅讀書報告啦~~~~~
還好, 我feel到有d靈感到...
嘔心瀝血寫左篇讀書報告
寫完之後, 我睇完一次又一次, 睇完一次改一次
當年寫讀書報告d畫面返晒黎...
唉....好煩, 改極都唔好....
冇呀, 我真係好驚自己寫錯嘢嘛...
是但啦~豁出去啦, 掟俾老細算啦,
我唔想在糾纏喺d文字遊戲裡面......
呼~~~~就係咁, send左囉...

今日我feel到自己好似做錯左d嘢, 心裡好自責
我驚自己製造左d複雜的誤會關係, 煩死了.........
希望過左今日冇事啦....

嗯, 我發覺自己d EQ真係有待改善喔......
話說有兩個人的電話都令我好煩厭,
1) 幫公司做數的會計, 2) 負責出口的運輸
雖然佢地本身的確幾煩, 但我為我平日將d冤屈氣發洩喺佢地身上而感到sorry...
冇錯, 佢地之前有好多事做得唔好, 成日煩到我, 所以我有d唔鐘意佢地
積下積下, 搞到佢地有時冇錯, 我都好自然用d唔禮貌嘅語氣對待佢地
唉....諗諗下, 人地俾面我係客, 先唔敢喺電話鬧我, 可能人家一收線就媽到我九彩....
為左提升我個人的品格修養, 同埋唔想人家喺我背後問候我祖宗十八代
我真係要收歛下我d壞脾氣了....我真心想改的 (有冇見到我雙眼炯炯有神喔!!!!!!!!!!!!!!!)
不過, 一諗起要用d好有禮貌嘅語氣同佢地講嘢, 感覺有點噁心呢
ok ok, 我唔係找藉口, 我會改的了

嗯, 幾米呢個禮拜出figure了! 唔知點賣
佢話一set有9個, 有3個隱藏版,
不過我都係鐘意月亮忘記了嗰兩個耶...
唔知有冇得散賣呢...


>>November 10, 2003 at 9:39:40 PM GMT+8