2006 年 1 月 12 日 星期四 【炎熱】

哇~哇~哇~~
琴日落街食lunch, 竟然俾我地撞到當今三大導~~
陳可辛, 爾冬陞, 馮小剛
(爾冬陞真係好高架!!! 後生時應該係一名靚仔來的, hehehe)

真係諗都冇諗過, 三位大導咁親民

親民舉動一, 同我地一齊食幾廿蚊的set lunch...

親民舉動二, 由於當時係lunch hour, 加上公司樓下冇乜野食
所以多數都要等位, 佢地三位竟然毫無架子, 企喺出面等,

見到咁嘅情況, 我地梗係嗱嗱聲起身走人, 讓d大導坐啦
好彩的話, 可能俾大導睇中搵我地拍戲呢...hehehehehe....
就算係如果愛入面d路人甲都唔介意架, hahahahaha....
(好明顯食懵左....)

我地起身之後, 佢地真係坐左我地張檯啊~~
陳可辛係坐我個位架, hehehe...

我地同事之間不停討論點解d大導有酒店唔去?!!!
而要同我地呢d打工仔"O-air-LU"一齊食飯呢?
嗯........我地結論係, 佢地一定係落區搵靈感...
故仔大概係講一班上班一族, 套戲分幾條線的
有高層的, 有辛酸的, 唔上唔落的,
雖然佢地階級上有差距, 但係佢地都會喺同一間餐廳遇上
食同一個set lunch.....仲有係....嗯....
所以, 總之, 佢地要巡下區, 食下我地食開的set...
(又發夢啦..............)

我會記住呢日奇妙的邂逅...嘿嘿....

>>January 12, 2006 at 8:50:23 PM GMT+8

2006 年 1 月 1 日 星期日 【晴】

happy new year!
又一年啦, 希望黎緊一年開開心心啦
舊年未達成嘅目標, 希望今年會達成
未實現嘅願望, 今年會實現啦

>>January 1, 2006 at 10:10:44 AM GMT+8

2005 年 12 月 31 日 星期六 【微冷】

尋日HR派信, 喔, 原來公司分special bonus,
而我人工都有少少少少.....的調整

但尋日對我來講並唔係咩開心的日子
反而...唔開心的更多...
想發洩出來, 但又冇辦法釋懷...

聽日開始要更努力, 更堅強.

>>December 31, 2005 at 9:59:21 AM GMT+8

2005 年 12 月 26 日 星期一 【炎熱】

今年聖誕唔凍, 記得舊年都係...
總覺得聖誕應該要凍先有氣氛的...
anyway, 今年聖誕節玩得幾開心呢!

最特別係跟朋友去左西貢消防局BBQ,
平時以為消防局只有消防車, 消防員同埋排球, 冇諗過有BBQ囉...
不過氣氛幾好呢, 班消防員都幾識搞氣氛, 雖然佢地係魁梧嘅男子漢,
但都有柔情的一面架, 我地BBQ的野食都係佢地準備同埋醃架, 仲有煲菜蜜呢~~
除左BBQ, 玩遊戲之外, 我地仲喪影相, 坐消防車, 真係好好玩呢^^

唔經唔覺, 假期過左一半有多...下次長假期就要等農曆新年啦
雖然想快d放假, 但又唔想時間過得咁快...
心情有點矛盾, 但...
唔好諗咁多啦, enjoy埋呢1日多dd的假期吧~

>>December 26, 2005 at 7:58:49 PM GMT+8

2005 年 12 月 18 日 星期日 【乍雨乍晴】

YEAH~~
岩岩在annual"癲拿"返來~ 好好玩呢
原來平時斯斯文文的同事, 可以咁狂野的
大家d情緒都好high~

當一踏入酒店時, 真係要用衣香繽影來形容~
尤其d女同事, 好多我都唔認duck...要望多一陣先認duck囉
當然, 有d好台慶的...不過都有d好causal的...
一開始本來都幾悶架, 因為pooh pooh (小西CEO)又講數字囉...
後來到小澤出來講野, 佢簡直帶起成個氣氛...
佢仲用d唔咸唔淡的廣東話話班男同事咸濕...hahaha

食到中段, 黎左3個著左旗袍的啤妹跳舞...
哇, 班男人成班色狼咁叫囂, 流晒口水...

不過咁, 我都見到好個好型仔的傑志球員,
我仲走去同佢影相tim~~ 好開心啊~~

仲有啊, 我要講俾大家聽, 我抽到$500 lane crawford coupon呢~~

總括來講, 今晚真係好盡慶呢

>>December 18, 2005 at 12:15:15 AM GMT+8

2005 年 12 月 11 日 星期日 【晴】

OHAIYO~ 早啊~
一早見到嘉女的msg好開心, 証明仲有人睇我的blog, yeah~

下個禮拜六就係公司annual dinner...
我第一次去呢d公司派對...
講真我覺得麻煩多過興奮囉
聽聞d人著到好似台慶咁架喎
咁...佢地咁有錢, 又有成層樓嘅鑽飾...
我呢d擺明唔係嗰皮的啦...

呢個禮拜都為d衫而煩惱...
我一定唔著台慶衫架啦...
但著其他衫又好似caual得滯...
突然好似唔識襯衫咁...麻鬼煩
我真係諗過唔去囉, 又要諗衫, 又要晒錢置裝喎
但d同事話一齊去玩, 一齊去抽獎喎,
唉...如果真係買唔到衫...maybe我真係唔去的啊

今日會再出去睇衫...希望買到啦, superlibonbon...

>>December 11, 2005 at 11:05:20 AM GMT+8

2005 年 12 月 10 日 星期六 【微冷】

越來越多唔同形式的blog, xanga, multiply, yahoo blog...
d blog仲越出越多花招...加bg music, 加相, 加表情公仔...
令個blog不至於純文字咁單調乏味...
寫嘅人更容易表達自己想講, 睇嘅人亦更容易明白寫的人的心情...
點都好, 形形式式的blog都係想同朋友share近況, 寫下對某d事嘅睇法...
同埋多一個渠道抒發囉...
呢個亦係當初寫blog嘅原因...
無論出面的blog有幾多function, 我都唔會放棄呢度...
因為呢度儲左兩年多嘅回憶...同埋朋友的msg

有時睇番以前寫嘅野都幾好笑...
以前成日為左份工唔開心, 為左d人發晒火...
而家睇番真係得啖笑...
其實凡事都會過去...過去左就係一個回憶, 一個經驗
今日唔係又好似平時咁生活著嗎?

自從6月轉新工之後, 我少左update個blog
一來自己懶啦, 二來, 呢份工冇乜衝激俾到我...
雖然偶然都有d問題, 但相對來說, 簡直小事一樁, 訓醒第二朝已經唔記得啦...
只要安份守己, 份工都唔會點...(唔知好事定壞事了...)
生活變得平淡, 加上感情市場繼續交投淡靜, 我仲有咩野可以寫呢...
不過只要有咩事發生, 我都會隨時update的
希望唔會令追開的朋友失望囉, 呵呵~

(喂, 我d fans仲喺唔喺度啊? 嘿嘿...)

>>December 10, 2005 at 11:03:24 AM GMT+8

2005 年 12 月 9 日 星期五 【微冷】

唉...點算呢...最近日日冇野做, 拗手指呢...
有人可能覺得我好疏干啦, 冇野做可以印印腳啦
但, 坦白講, 我寧願多野做, 都唔寧願冇野做
冇野做之餘又要扮有野做先陰公...

我見阿姐好忙, 但我咁得閒真係好奇怪...
我成日諗佢係咪特登唔俾野我做的呢?
將我投閒置散...雪藏我嗎?

咁嘅日子仲要捱幾耐呢?

>>December 9, 2005 at 10:26:45 PM GMT+8

2005 年 11 月 27 日 星期日 【晴】

年紀真係大啦...
大量體力勞動身體會捱唔住呢 :p
琴日book左場打羽毛波...
打左15 mins我已經開始散散地...
最初仲有跑去接波, 後來唔得啦, 企定定等接囉, 呵呵
打到45 mins我簡直係捱打狀態....
終於打鐘啦~ yeah! 一個鐘頭的羽毛波終於打完, 呵呵~
(係咪攞苦來辛呢...嘿嘿, 雖然幾攰, 但諗起消耗左d脂肪又覺得係值得的, 呵呵)

今日一大早仆去會展幫手...
本來係做reception的, 結果出面人唔多, 於是匿左係後面kitting...
好似工廠女工咁....係咁喪kit.....
企足半日...本來同事來接更我就走...
但係我又八卦, 想睇伊健...
於是負責拍野的同事叫我幫佢手, 佢帶我近距離接觸伊健喎
我又落搭喎, 於是咪幫佢拎腳架等等...
咁真係好近見到伊健...不過又係人一個, 一d星味都冇...呵呵
搞搞下, 我都搞到2:45先走人...簡直餓到冇晒力啦,
於是一支箭去食野, 然後返屋企...

雖然都幾攰, 但係我覺得幾好玩啊,
我之前都未試過做呢d exhibition, 好新鮮啊
最衰我朝早成日要匿埋啦,
我真係想出去周圍派下野啊~~
anyway, 呢次係一個幾好的experience呢~

>>November 27, 2005 at 5:49:27 PM GMT+8

2005 年 11 月 26 日 星期六 【晴】

又大一歲啦, 雖然好唔想接受現實
但每年過生日都好開心...
尤其意外收到d好耐冇見的朋友的sms, 好驚喜
驚喜佢地仲記得我, 呵呵~

呢個禮拜差唔多晚晚都有免費飯食
情緒高漲之餘又唔識控制下...係咁喪食
我諗下個禮拜開始要收歛下
如果唔係就..........

多謝晒你地啊~
你地嘅心意我都收到晒的~

>>November 26, 2005 at 12:34:45 PM GMT+8