2003 年 11 月 9 日 星期日 【微冷】

今日個天陰陰地, 清清涼涼
好適合訓覺, 所以呀, 今日訓到兩點幾...
中間有起過身嘅, 不過好快走去番訓
訓得好飽喔~~~

訓飽食醉之後, 諗住開工, 寫我嘅讀書報告
慘!! 一個字都寫唔出....到而家都仲未有頭緒
睇完冇感想何來有讀後感........
唉, 我寧願佢叫我去搬貨, 去接機, 我都唔想寫呢d報告

係呀, 今日攞左本工聯會嘅brochure睇
瑜珈, 時尚編織, 塔羅牌, 仲有保齡球, 我都想報喔

>>November 9, 2003 at 10:39:32 PM GMT+8

2003 年 11 月 8 日 星期六 【雨】

天文台又放流料, 又話今日溫暖...
結果今日橫風橫雨, 仲有點涼,
不過總好過溫暖的...

今日短週唔駛返工, 冇約人喔...
不過做左一件自己感覺好勇的事, 呵呵~~
上個禮拜我咪話唔滿意個頭d highlight冇色
冇錯, 我今日真係去找雄哥晦氣...
(其實又唔係咩找晦氣嘅, 我地呢d斯文人, 只係一d加強語氣嘅技倆, 嘿嘿...)
點解覺得勇? 因為我呢d綿羊仔性格, 以前遇到呢d事, 又點敢講出口喎, 仲要付諸行動tim!
勇呀! 我真係要為自己鼓掌~~

雖然係咁, 去到salon門口, 我內心忽然鵪鶉起來...
一睇就知那張聲聲要討公道的臉是苦撐出來的....
不撐還需撐, 坐低之後, 我又冇乜感覺喎...情緒起伏得真快
佢好認真地幫我補色, 一d都唔馬虎, 成果ok啦, 終於睇得出係highlight左
大家唔好以為我拍拍籮柚就走人, 有俾錢架, 俾番d洗頭錢囉...
呢件事令我知道, 有咩唔滿意, 唔公平, 一定要講出來, 係work架!
(一件咁瑣碎的事, 俾我發到咁大, 真係有點兒無聊, 呵呵~)

唉...真係頭痛, 上禮拜老闆forward篇文章, 要我地寫讀後感
救命呀~~~~~~~~~讀書報告呢家嘢, 離我遠矣........
唉..........."贏在影響力", 天啊............................



>>November 8, 2003 at 8:28:38 PM GMT+8

2003 年 11 月 7 日 星期五 【晴】

琴日係幾爽嘅一day...i mean心情方面
話說琴晚放左工, 我同同事雲妮約左去新城市買零食
(係呀, 專登搭車去買零食, 幾巴閉, 呵呵~)
最後想買嘅特價零食冇晒....
於是求祈買d嘢填補失落嘅心情囉...嗚嗚~~
之後, 我地去左food court食飯...雖然唔係咩豐盛嘅晚餐
但係食得好暢快喔~~
係呀, 我地講左好多好多公司d衰嘢, 衰人~勁爽呀
雖然平時工作有乜冤屈唔開心都會拎出來講,
但係d朋友唔係身同感受, 未必體會到我成日講嗰d賤人有幾賤...
或者我嗰刻心情有多糟...
終於搵到個"知音人"的感覺是超開心的~~~

琴日楊sir (即係公司伯伯) 問我最近係咪好開心呢, 公司多左咁多朋友仔.
"係!" 我毫不猶豫的答

嗯, 我諗我真係要多謝布丁喔! 如果唔係佢,
我諗我會一直孤伶伶自己出去食飯, 一直被孤立落去...一直到我quit的一day

雖然隔離公司還是怪怪的, 賤嘅人依舊的賤, 喜歡講是非的繼續忙著講是非
但係而家面對呢d人, 冇咁孤軍作戰囉...
lunch hour就係我地盡情釋放嘅時候, 呵呵~~

>>November 7, 2003 at 2:27:16 PM GMT+8

2003 年 11 月 5 日 星期三 【晴】

原來今日係我舊曆生日
琴晚收到阿爸阿媽封利是先知呀~
今朝阿媽一早煮麵線我食, 其實我唔想食呀
晨早流流, 食唔落咁豐盛嘅早餐喔~
但媽媽一番心意, 唔食唔得的..........

嗯, 而家對生日越來越冇感覺
甚至有d唔想過生日呀......
過一年老一年, 係一件非常恐怖的事...
以前公司個阿姐話呀, 佢自從廿五歲之後
開始搞唔清楚自己幾歲....
咦? 我覺得自己都開始患上輕微"歲數失憶症"
有時都搞唔清楚自己廿幾歲....


>>November 5, 2003 at 9:11:27 AM GMT+8

2003 年 11 月 3 日 星期一 【晴】

好慘呀~琴晚訓到半夜三點幾, 個胃痛到醒左呀!!!
唔通食得好嘢多搞成咁? 真係賤骨頭呀......

嗯....好想考電單車牌tim...
上次去完台灣之後, 已經心癢癢了...
跟住搭車返工途中, 成日見到d女騎綿羊仔好型呀~
有次, 見到有個女仔騎一架粉紅帶紫嘅Harley, 型爆了~
我都有幻想如果自己可以咁型就好啦...呵呵~~

不過供車好似好貴喎....
仲有, 平時騎單車, 我都唔敢落斜,
咁就死啦, 逢斜路都要落車, 拖住架電單車行, "火羅"爆啦...
算啦, 都係諗諗先..........




>>November 3, 2003 at 1:06:43 PM GMT+8

2003 年 11 月 2 日 星期日 【晴】

2/11, 充實的一天喔~

話說今朝好早俾個電話嘈醒左...
電話筒另一邊係我細佬
個衰仔琴晚上深圳慶祝生日,
點知佢俾人搶晒d錢, 證件, 仲有新買的電話...
跟住我就仆左上深圳, 攞本BNO俾佢...
好彩佢身上冇傷, 算係不幸之中嘅大幸...唉...正衰仔

3:00幾返落�, 忽發奇想, 想去highlight下個死人頭....
於是走去highlight...妖...搵笨呀...都冇色嘅....
於是我同師傅講啦, 佢叫我返去睇睇啦,
如果真係唔ok, 下個禮拜返去, 幫我整幾執淺色d, 我實去架!

之後出左去尖沙咀..... 係呀, 邵小姐生日呀! 生日快樂喔~~
我地去左魚一丁, 今次幾好呀, 安排我地坐tatami耶~~
弊! 我對襪後爭好似穿窿耶.........
我惟有快速地除鞋, 拍拍褲腳遮遮, 咁咪冇事囉! 呵呵~~
咩0者! 笑咩0者! 未見過人地對襪穿窿咩~ (ㄟ...........已經夠"火羅", 仲喺度死撐....)
今晚好豐盛喔~ 刺身, 壽司, 天婦羅, 魷魚, 蟹......oishi ne~~~~~~~

就係咁, 一日又過去啦, 聽日又返工...
好似冇放過假咁...唉........



>>November 2, 2003 at 11:33:00 PM GMT+8

2003 年 10 月 31 日 星期五 【微冷】

今日halloween呀~我鬼......咁殘, 都係唔好出街嚇街坊嘍
所以呀, 放左工就返來啦, 好攰呀.......
都話風水輪流轉, 上個禮拜閒到發瘋, 今個禮拜忙番啦
尤其呢兩日, 有d趴街感覺, 聽日仲要返去執手尾...超累

之前呢個日記個server有d問題, 搞到成個禮拜冇得寫日記, 手都痕埋!!
等我一氣過summarize呢個禮拜發生d事啦~

話說上個禮拜六, 25/10, 我參加阿May嘅浸禮, 好一個不一樣嘅聚會喔!
以前都有朋友邀請我返教會, 嗯... 半推半就去左囉......
係呀, 以前覺得教會好悶, 唱d詩歌又老土, 歌詞又唔"畯�,
仲有呀, d人又太~~~~~~~~~~~~熱情啦, 成日"說"我信主, 嚇壞人啦~
所以以前我幾抗拒基督徒的
噢~~~~~我係指偏激嗰d, 唔係全部, 嗯....吖....都係唔好再解釋落去, 怕講多錯多, sorry喔......
講番嗰日阿May個浸禮, 俾我嘅感覺係好新鮮, 好似開party咁
d詩歌唔老土架, 都幾pop, 幾好聽架!
不過我"�"琝�喺一位"姊妹"隔離, 嗯....我同佢整晚嘅反應一冷一熱,
我當然係冷嗰位啦, 都幾大對比架, 唔知有冇令佢尷尬呢?
總括一句, 宗教嘅力量真係好大呀~

第二日, 即係26/10, sunday, 約左邵小姐, 大球場同埋梁氏碌齡
唉, 嗰日手風非常不順的我, 狂通坑渠, 不知幾想搵窿捐, 唉..............遜
之後我地齊齊走去打邊爐,
哇~~~~~~估唔到打邊爐之餘, 又送雞, 又送海鮮....好抵呀!!!
最後我托住個大肚腩走, 超飽的...................

禮拜三, 29/10, 我阿頭薔�, 佢主要同隔離公司傾下倉個問題...
唉...呢個問題真係沒完沒了, 而家未真正解決架...
另, 佢來仲帶左個好消息俾我呀~
就係關於我嘅大假 & salary啦. hehehe...
大家都知, 基本上我係冇辦法放大假的,
我suggest等日本/大陸放假時, 我就安排放假, 佢話好呀!
so, 我嘅大假有著落啦~ yeah!
跟住就係salary啦, 原來佢之前同上海的阿頭暗中向老闆建議review我salary的事...
老闆已答應左... :))
本來我諗住求求祈祈混夠兩年就走了, 根本冇想過加人工的事....真係好感動喔~~
我覺得, 以前工作點辛苦, 點受氣, 只要公司一點諒解, 一點鼓勵, 真係咩都抵番晒, 真的

我以前成日都自怨自艾...而家都係, 我覺得自己做d工好冇為, cheap.
算啦, 以我嘅能力同際遇, 大概只有這些吧...
不過可能喺第二間公司, 我又遇唔到咁好嘅上司&同事呢...
凡事總唔能夠要求完美的~

>>October 31, 2003 at 9:16:04 PM GMT+8

2003 年 10 月 22 日 星期三 【晴】

棉花糖,
我當然知你邊個啦~~~
你個日記幾號呀, 等我得閒去八卦下嘛
係呀, 我有時會寫你公司d衰嘢
唔好爆出去呀~~尤其你隔離嗰個啦, stirctly confidential, ok?

邵小姐~~~
慘啦~ 阿菲d飛你有冇窿路呀?
我冇呀~~~嗚嗚~莫非真係要等公開發售
但係公開發售又怕買唔到, 買到又怕d位唔靚, 唉.......
係呢, 禮拜日壇嘢點呀? 我地去邊庶"嘿"好呀?

好啦, 到我自己嘢
話說琴日我去左沙田買d嘢, 之後貢左去西田個supermarket.
嘩~~~~~~~見到咁多嘢食真係不得之了~~
我第一時間衝去零食部買買買...hehehe~
跟住見到有d即食叮叮spaghettis, 仲有自製蒟蒻粉, yummy喔~
不過為恐防自己會食滯, 所以只買零食~~
呵呵~~~俾完錢, 滿心歡喜走
咦? 大鑊! 用個背心袋裝住d零食走好樣衰喎~~~
咁大包又塞唔入個袋..........
下? 咁即係要就咁走?! 嗚~~~~~~~~~~~~
我唯有硬著頭皮, 走............................
ㄟ....................我想講沿途好多人望住我囉.........
最衰袋嘢啦, d人肯定心諗條女咁大個人仲咁貪食......零食
好不容易走到巴士站, 我忍不住拆一包食先...
好好味的芝士酥呀~~返到觀塘成包食晒lu~~~勁呀 (好肥就真..................)

最後, 喺呢度呼籲大家, 如果你或你d朋友有窿路攞到阿菲d concert飛, 麻煩通知聲我呀~~我想要兩張25/12或last一場, 總之唔要第一場....拜託各位了~~~~~~

感謝感謝~~~~~~

>>October 22, 2003 at 8:38:05 PM GMT+8

2003 年 10 月 20 日 星期一 【晴】

奇怪, 最近好清閒喔~~家下可以說是有點悶呢...
下奏應該會多d嘢做的....有貨嚟嘛

琴日晏奏卡路打電話叫我去佢朋友個band房玩...
我第一次去band房的......
唱下歌, 搞下樂器, 幾得意呀~
不過唱歌嗰度同唱k非常唔同, 入歌好難, 又聽唔到自己唱乜
嗯....所以唱得好核突呢....
跟住仲試玩個鼓tim, 可惜我手腳唔協調, 加上同卡路d friend唔係好熟
打到咁肉酸......我會害羞的~ 所以打左幾嘢唔打啦...
雖然卡路鼓勵我再試, 但......嗯......都係唔好啦, "火羅"皮都爆...

總的來說, 琴日都幾好玩呀~

>>October 20, 2003 at 12:08:46 PM GMT+8

2003 年 10 月 19 日 星期日 【晴】

呢個禮拜有d好耐冇搵嘅朋友搵我...感覺很好很好

禮拜五舊公司同事約出去食飯....
同一日, 邵小姐打電話俾我~好高興呢~
原來我同梁氏個diary令你有好似追連續劇嘅興緻, haha~~
你最後有冇整頭呀? 我都係時候執執個死人頭了, 不過等下個月出糧先
喂, 得閒真係要出來見個面, 對上一次好似係7月的事吧...

琴晚, 有個大學同學搵我呀~
我地喺電話傾左好多嘢, 工作, 將來...
我覺得每次同佢傾偈都好舒服,
佢係一個好好嘅聆聽者, 亦都係一個好好嘅心理輔導員
我將我近來遇到嘅唔開心講俾佢聽...
講完之後, 心情舒服左好多
最後我地結論學生年代真係好開心,
嗰時嘅煩惱同壓力簡直不算什麼啦~
而家諗番, 嗰時經濟壓力冇咁大, 又冇辦公室政治, 仲有大把青春裝可愛
而家一年一年過, 望住三張嘢迫近, 不知幾驚.....
所以叮囑每位讀緊書嘅朋友, 真係要珍惜同埋享受school life.....

ㄟ.......一早就碎碎唸, 越來越像奧巴桑了...(不要ㄛ~~)

對了, 睇到吉表弟post左d相上網
嘩~柏斯(Perth)真係好鬼靚......
對我來講, 嗰d景色只會喺geography書或者年曆上見到, 永遠係見到摸不到,
真係羨慕表弟呢......

我頭先忽發奇想, 好想搵番以前小學d資料
真係俾我搵到喎~
嘩~個校長換左, 好多老師未見過....
只認得黃龍春副校長, 佢係我以前班主任...
王伯基主任, 以前的PE阿sir...仲有一個阿sir, 但唔記得佢貴姓
我發現家下d小學生活真係多姿多采...
有興趣也click去睇睇呀~
http://www.sjbs.edu.hk/

>>October 19, 2003 at 3:54:32 PM GMT+8