2003 年 9 月 13 日 星期六 【晴】

阿菲呀~yeah~~

剛才喺電視見到阿菲為保良唱歌籌款, 超高興的!!
呢段時間, 除左喺報紙見到佢同cheap人鋒&黎生d新聞之外
好耐好耐冇聽過佢唱歌啦, 佢今晚唱得好好呀...仲好索tim~
我唔算阿菲嘅hardcord fans,
不過佢出嘅唱片, 我一定第一時間買
佢開concert, 我一定捧場~~

嗯, 我咁耐以來, 只為佢做過一件比較瘋狂的事
記得99年, 佢為東華三院簽名籌款, 我帶晒裝備, 單人匹馬搵佢簽名
hehe...當時只可以簽一樣嘢, 我俾左<唱遊>嗰隻cd佢簽, 因為我最鐘意呢隻cd
本來我仲預備左一d說話同佢講, 同埋影相,
點知到我時, 我緊張度唔識講嘢, 淨係望住佢, 明明好開心, 但笑得好勉強,
唉, 真係怕阿菲誤會我係被迫來的.....
阿菲好nice呀, 雖然佢冇講嘢, 但佢有同我笑的
仲記得佢嗰日冇化妝, 但依然好靚, 好瘦

嗰次係唯一一次咁近見到阿菲,
簽左名嘅cd仲好好保存喺我個cd架上
阿菲, 等你新碟呢~

>>September 13, 2003 at 11:09:38 PM GMT+8

2003 年 9 月 13 日 星期六 【酷熱】

今日繼續放假...
一早去睇早場, "向左走向右走", 冇想像中咁正...
原則上故事內容係忠於原著嘅...但氣氛爭好遠....
原著氣氛係慢得來帶d細膩, 但係電影版始終講求娛樂性...
d人嘅表情做得有點兒誇張囉...破壞晒d mood...
仲有呀, 明明故事係發生喺台北, 但d人講廣東話, 好奇怪....
始終書好睇d.....

不過套戲拍得台北幾靚, 我鐘意金城武同梁詠琪住嗰d屋呀,
外面睇殘殘地, 但裡面好有日本d部屋feel....
仲有梁詠琪喊住搵金城武嗰幕呢,
background係西門町, 我見番誠品116, 西門6號捷運閘口呀,
一個月前我係嗰度其中一個路人喔....時間過得真係快...

唔理咁多, 新年前會搵機會去多次台灣...


>>September 13, 2003 at 2:56:08 PM GMT+8

2003 年 9 月 12 日 星期五 【晴】

琴日中秋節冇得早放呀~
一來隔離公司冇提早落閘, 二來自己d嘢都未清晒
能夠準時走已經好好啦...

嗯, 今年中秋的確又悶又平淡呀,
唔似得往年, 同人地逼沙灘燒嘢食...
算啦, 有時覺得自己一把年紀, 仲同d~c仔~c妹逼, 好似有點兒那個囉...

琴晚同屋企人出去打邊爐過節呀,
其實我地好少一家人出街食飯架...
因為兩位老人家唔捨得....
本來琴晚想豪一次, 請佢地食飯的
可惜, 有心冇力, 因為...今個月又駛大咗.....

嗯...琴晚咁得閒, 我諗左好多嘢,
諗番以前過中秋d情景啦...好得意
好懷念當時年紀小....青春無敵喔~

>>September 12, 2003 at 12:04:21 PM GMT+8

2003 年 9 月 9 日 星期二 【晴】

今日好唔開心, 非常唔開心...
真係俾d運輸累死....
本來以為漏報關事件告一段落...
點知, 今日我再三盤問新運輸有冇報關
原來冇......之前口口聲聲話有, 頂~
叫佢俾番d報關ref我, 佢問我咩來的.
咁即係冇報啦~~~~~~~
今次我唔鯁啦!! 索性話俾公司聽, 補番報關
盡量避d penalty字眼算...
今次唔會好熔, 因為發現得比較早...
唉...不過我都唔知公司會唔會接受解釋
但我真係唔想再貼錢返工.....

今日成個人冇晒心機, 好想喊, 但喊唔出...
嗰時好想即刻搵個人訴苦, 但我冇同事的...
咪又係啞忍, 跟住d冇聊同事不停催呢催路
嗰刻真係好想叫佢叫聲, 好煩...
但人地係冇辜嘅...我唔想再好似之前咁搵人出氣...
所以又係啞忍......

點解, 最近凡事都唔順....真係好煩........
呢一刻, 我好想得到一個假期, 暫時唔想理d工作

>>September 9, 2003 at 9:06:06 PM GMT+8

2003 年 9 月 8 日 星期一 【晴】

呢期成日失眠, 又發惡夢
我多數都唔記得D夢, 但印象中都係同個死字有關
琴晚嗰個, 我有D印象, 我又被追殺
背景係酒店裡面, 好恐怖,
每一次最緊張嘅時候, 我就醒左....
所以見唔到自己個死樣......
不過成日發呢D夢好似唔多好...
放過我啦, 我想訓好D...唔係好過份0者......


>>September 8, 2003 at 1:49:42 PM GMT+8

2003 年 9 月 7 日 星期日 【乍寒還暖】

今朝又好早醒左, 失眠...
呢排成日都係咁, 明明好眼訓, 但訓唔到, 好`U呀...

琴日買左隻老翻"向左走向右走"+"月亮忘記了" soundtrack,
20蚊咋~包裝好精美架~~
一路聽一路番睇"向左走向右走"
嗯, 每次睇呢本書, 我都有好多感覺...
會同情入面嘅男女主角, 也會憧憬佢地相遇嘅一刻

琴日發癲係咁repeat"遇見", 好彩有個傻婆陪我一齊癲
我每一次唱都有感覺架, 因為d詞太~~~~~~~~對啦...

期待住9.11"向左走向右走"上畫, 我一定會睇

sorry, 一早又褶P性.......

>>September 7, 2003 at 11:33:04 AM GMT+8

2003 年 9 月 6 日 星期六 【雨】

今日一心去海洋公園玩架嘛....
但係天公唔造美, 成日落雨,
去到巴士站見到大部份機動遊戲都唔開, 咁冇意思啦...
於是又落左銅鑼灣唱k, 好開心, 唱左7次"遇見", 真係好正~
算啦, 去海洋公園, 來日方長, 下次再搵時間玩


>>September 6, 2003 at 7:08:54 PM GMT+8

2003 年 9 月 5 日 星期五 【雨】

放工之後約左個舊同事食飯
講到運輸冇報關嘅事, 同埋近期工作上"奶"撻嘅唔開心事...
佢不斷安慰我, 俾左好多意見我...
我覺得個心舒服左d...好多謝佢

不過我為左工作上嘅阻滯, 真係唔開心左成個禮拜...
因為我唔明, 唔明點解d麻煩嘢會一次過發生
唉...用唔到平常心睇件事
我只希望衰嘢快d離我而去.

>>September 5, 2003 at 11:55:36 PM GMT+8

2003 年 9 月 4 日 星期四 【雨】

唉.....今日唔開心呀. 脾氣又差
唔係M到, 主要係工作上令人好`U

我真係俾個會計激死....成日都要我check呢check路
頂~~d資料俾晒佢, 自己唔曉查咩...俾錢佢做乜呀?
我做埋佢嗰份啦! 仲有, d數對完之後, 除左一個item係我出錯之外
其他都係佢嘅問題, 都唔知點做嘢....浪費我嘅時間

跟住運輸嗰邊, (講緊另一間), 要佢搞個credit payment都搞咁耐
成日同我講公司policy, 要我簽左份嘢先搞到,
問題係d terms唔"�, 點簽呀? 佢話簽左先改terms, 成件事係咪調轉左呀, 大哥?
唉, 都係謹慎d, 費時又出錯......

今日忙到痴線, 又忙整理d單, 又要招呼會計嘅問題....個人好`U呀.......

近期做嘢都係唔太順, 唔知撞咩邪.........


>>September 4, 2003 at 9:45:58 PM GMT+8

2003 年 9 月 4 日 星期四 【陰】

很早吧? 失眠嘛...返工之前咪撩幾隻字囉...

琴晚對數對到差不多一點, 因為會計嗰邊成日催,
office hour又做唔到d咁花時間嘅工作
所以攞返屋企對囉...

本來唔駛對到咁夜嘅, 因為琴晚出去補祝卡路生日
其實我都幾冇心肝, 遲左個幾月先補祝....
佢咁大量當然冇怪我啦, hehe......

琴晚訓得唔好, 有一個原因, 都係公司d嘢...
之前咪提過有d貨出口之後冇報關
個運輸企得好硬, 死口唔認收過我口頭指示...
死都唔肯負責d penalty, 最後惟有我鯁囉...
唉, 呢筆數我填硬啦, 好肉痛, 唔知條數幾大...
貼錢返工, 真係折墮...
我一早冇俾export呢間運輸做,
而家密謀搵第二間運輸, 索性連import嗰part都唔俾佢做...
炒佢魷呀~~~~~~

>>September 4, 2003 at 7:51:58 AM GMT+8