2004 年 3 月 23 日 星期二 【微冷】

今日星期二, 但感覺好似星期五咁....
放左工之後約左梁氏去食麻辣火鍋
冇啊, 呢排心情唔係幾好
想化悲憤為食量, 買嘢, tum下自己開心嘛
哇, 滿江紅個麻辣火鍋真係幾堅, 好彩我地叫左中辣
大辣都知點吞, 噴火都似.....
食落有一種麻嘅感覺, 個咀有顫動嘅感覺........勁啊
坐我地斜對面嘅3名架仔雖然幾型, 但成日撩個啤酒妹 (點解呢d地方都有啤酒妹?)
唉, 一貫咸濕仔性格, 即刻扣晒分....
最後我地食唔晒d嘢, 我地好乖, 叫佢打包啊
係啊, d嘢食唔晒好浪費, 折墮架.....

今日啊, 我同楊生傾左少少偈,
平時做嘢好忙, 唔得閒傾偈....
今日楊生有感而發, 話有寄人籬下嘅感覺
事源係今朝佢過鍾生房上網, 點知d日本仔叫人叫楊生走
佢地要用房, 所以楊生就慨嘆有寄人籬下嘅感覺囉
跟住傾傾下, 我講左我一d感受
其實我一講, 佢就知源頭, 仲俾左好多建設性嘅意見我
果然薑越老越辣....人生經驗豐富d, 講d嘢都有道理d
平時仲以為佢有d老懵懂tim, (真係衰........)
佢聽日返印尼, 臨走之前, 叫我唔好唔開心
有咩唔開心send email俾佢, 佢會俾d建議我
喔~~~~~~~真係好感動!
我真係怪自己以前成日埋怨佢講電話好大聲, 開收音機嘈住我啊....
佢真係一個nice的伯伯啊

>>March 24, 2004 at 12:51:59 AM GMT+8

2004 年 3 月 19 日 星期五 【微冷】

激死我! 倉條友要搞錯我d嘢
今個禮拜第二單啦
其實佢做嘢冇問題, 不過對我d嘢唔上心囉
成日對我d嘢求求祈祈
我明佢咩心態
佢成日覺得係"幫"我做嘢,
佢忘記左我公司都係佢其中一個老闆
加上呢d世界仔, 見高拜見低踩
成日奉承隔離公司d人渣

我今日咪話下佢, 我講得好白
我話我知我d嘢好濕碎, 好麻煩
但唔希望佢因為做其他(即係隔離公司d嘢)
而忽略或影響佢做我d嘢, 或做錯我d嘢
d貨要睇清楚先出, 唔可以求求祈祈
佢初時都有找藉口, 不過後來冇啦, 有得我話

畢竟佢薑@個月左右, 我會俾機會佢
但如果佢繼續用而家嘅態度做我d嘢
只會繼續錯落去
到時我一定出聲, 唔駛旨意我用佢

>>March 19, 2004 at 8:41:58 PM GMT+8

2004 年 3 月 18 日 星期四 【微冷】

今日心情都係唔係幾好,
成日都好忟憎.......
加上隻智慧齒出緊又唔夠位出, 好痛...
而家半邊面腫腫地, 又生暗多左幾粒暗瘡
唉, 樣衰都爆, 心情真係劣上劣

今早返到公司, 即刻準備出門口去銀行
之前深圳匯番d貨款俾我存公司a/c
大拿拿$10幾萬, 講真真係幾驚的
成日睇警訊, 好多我呢d人攞一大舊錢
轉頭即刻俾人扑暈搶晒d錢
所以我都幾驚, 最後好彩安全入晒d錢囉....

返到公司, 好煩, 好多電話搵我
好多人吩咐我做嘢, 臨時出貨啊, 催L/T, 催QUOTATION,
真係做到想爆粗.....
之後社長找我, 唔方好嘢啦
佢話樓下裝修好之後, 我可能要搬落去, 間房讓出來
啊~~~~~~~簡直係噩耗~~~~~~
話就話可能, 其實即係100%係架啦, 我邊有權SAY NO者...
跟住個鍾董講埋D廢話, 話怕我寂寞, 所以安排我坐下面
慳D啦, 假仁假義..............

可能你地唔明點解我反應咁大
本身我工作環境已經唔係咁好, 加上D八婆鐘意單單打打
難得我自己有間房俾我抖下氣,
出面嘈到拆天我都可以閂門, 雖然作用唔大, 總好過冇啦
如果搬落去, 冇房坐, 仲要同班八婆直接對衝

我最"興"係點解成日都要我就佢地先?
咩衰嘢都要由我地公司去配合, 點解啊?
之前貨倉係咁, 而家又係咁
佢地下面大把位, 郁我做乜者, 關我乜叉事啊?!
衰嘢有我份, 好嘢又唔見關照我???!!!
之前出面換電話換椅點解唔幫我換?
成日人多蝦人少, 頂佢個肺
真係好嬲.......妖~~~~~~~人渣!!!!!!!!!!!

>>March 18, 2004 at 9:12:12 PM GMT+8

2004 年 3 月 17 日 星期三 【炎熱】

連續兩日返工都撞到魚蛋妹, 真係時運低
算啦, 唔理佢了

呢排仲係好忙, 有時多嘢做到腦袋空白, 唔知做邊樣好
加上樓下個倉搬去隔離座, 嗰邊電話, fax乜都冇
搵佢地一係打手提, 一係跑過去, 真係麻鬼煩
另外, 深圳嗰邊多左兩個新同事
但佢地唔係幫輕我的, 相反係我服侍番佢地轉頭
唉.......真係好辛苦, 我已經盡量克制自己d脾氣...
我諗我比以前進步左啦, 以前我版版日記都係呻做嘢的
而家少左好多啦, 係咪?
但我真係好辛苦架...

琴日真係俾倉條友激死
suppose佢要幫我做嘢架嘛...
而家樓下個倉d貨陸續搬過去新倉
過渡期間, 有d貨在樓下, 有d貨在新倉
呢段時間出貨係麻煩d架啦
肯定要兩邊走架啦
咁佢都要做架.....但佢話好麻煩
哇....我以前都係咁做架啦, 煩都要做架啦
況且呢d係佢本份,
我咪發爛渣問番佢轉頭, 我搬去新倉俾佢pack囉
佢咪死死地氣話唔駛, 佢會搞掂

佢係做到嘢, 醒目仔來的, 但態度有問題囉
知我喺公司冇地位, 想烚我咋嘛
如果佢嫌棄做我d嘢
開心見誠講囉, 我自己搵人,
本來就唔想同佢地夾份請個人, 明知一定會咁嘅........
再係咁, 我一定會出聲, 唔駛旨意我地同佢地夾份請人

今日社長薔�, 晏奏佢請食飯,
估唔到出面班人渣竟然叫埋我
呵, 真係"多謝"佢地喎....
講真, 我唔係好恨死呢d飯, 去度好似搭枱咁
但佢地如果唔叫我, 我會覺得佢地完全唔尊重我公司, 睇唔起我公司囉
一如所料, 去度好似搭枱, 佢地有佢地講, 我有我食囉
算啦, 唔係第一次, 我地呢d有修養架嘛, 唔同佢地計較

唉....好似發牢騷發到過晒位
有得我啦, 我谷谷埋埋成肚火
俾我發洩下...

頂~~~~~~~

>>March 17, 2004 at 9:11:34 PM GMT+8

2004 年 3 月 14 日 星期日 【微冷】

琴日我地去左西貢白石BBQ
個環境幾好啊, 隔離就係海
天氣涼涼地好舒服
我地真係幾勁, 由頭食到落尾
我地3:00左右開始燒, 一路食到6:30-7:00
中間冇乜點抖過, 真係好勁
最後都唔係剩好多嘢咋......
勁!!

嗯....頭先我阿婆過左�,
都好耐冇見佢了, 佢之前返左鄉下大半年
之後我地都冇見過...
嗯, d老人家都係關心嗰d問題啦
其實呢d問題我都好煩, 好唔開心的
只係冇講出來0者...
佢地耐唔耐就挖出蟆V我話
唉...我知道係出自關心
不過我本身已經夠煩, 佢地成日講我會好大壓力
呢d嘢唔係自己可以控制或者爭取的
更加冇得強求
可能對好多人來說係呼之則來, 揮之則去咁簡單
但sorry, 我冇咁嘅條件, 亦冇咁嘅福份囉.....
有得我自生自滅啦, 唔好煩我

>>March 14, 2004 at 10:35:51 AM GMT+8

2004 年 3 月 13 日 星期六 【陰】

琴晚放工之後又"貢"左去銅鑼灣, 行開銀座有間shop幾靚的
呢.....有隻成個人咁高的巴斯光年坐喺度嗰間
不過我兜左好多個圈佢都唔開....
即使我食完飯去多次都係唔開, 激死

he~琴晚去左總統嗰邊好多拉麵食嗰度食飯
好開心啊, 攞左手信了
我的至愛==>太陽餅啊~~呵呵~~~
嗰度d店員好犀利, d日文好native, (其實人家根本就係日本人)
唔同平時去開嗰d日本料理, 店員嘅日文好明顯係........學番來的...
由於時間關係, 加上大家都好肚餓, 於是求祈入左間唔駛排隊的
d嘢都ok, 不過上菜慢d囉....後來有個日本奧巴桑幫我地燒嘢食
我地仲爹左幾句tim
算啦, 雖然上菜慢d, 見佢服務都幾殷勤, 算佢啦!!^^

之後, 我地想行下街, 點知好多舖頭開始落閘啦
但係我地唔係好願返屋企喎...
於是上左間樓上cafe坐,
地方細細, 但勝在坐得舒服,
(我地兩個人霸左一張6-7人的梳化位, 你話舒唔舒服啦~haha)

坐底之後, 我地又點嘢食, 又點嘢飲啦, 好強啊
然後我地拎左副波子棋玩, 好耐冇玩過
要brief.下先記得點玩....hahaha...
由於我太耐冇玩, 而且玩時又唔用腦,
成日製造困局俾自己踩....
不過我最後都嬴左, 真係符碌啊...................:D

坐到差不多1:00, 我地終於捨得返歸啦....

真開心啊......

>>March 13, 2004 at 11:28:37 AM GMT+8

2004 年 3 月 11 日 星期四 【炎熱】

呢排真係好忙
又多濕星貨出, 又要搞上海辦事處BR的事,
一次過咁多嘢搞真係分身不暇呀大佬
記得舊年呢個時候都係忙架

不過而家有個人幫我執貨都好d,
個人都幾醒目, 幾幫得手的
不過佢始終同隔離公司的人混得熟d囉.....
呢樣嘢我唔係好鐘意
不過我又控制唔到的......算啦, 唔講呢d

講番今日, 今日要同老闆上律師樓簽d大陸公證文件
之後又要帶佢食飯, 真係頭痛
我平日出街食飯都係求祈, 唔諗的嘛

之前嗰晚害我周圍打電話問人邊度有特色嘢食
冇他嘅.....我怕佢一路食一路彈..搞到我mood都冇晒
你地話呀, 我真係好大壓力架,
平時做嘢佢已經俾好大壓力我地
連食餐飯~~~~~~~都咁大壓力, 唉...........

本來我諗定帶佢去尖沙咀或銅鑼灣搵食,
尖沙咀我會多d路數的
點知佢話尖沙咀食過幾次
於是轉左去銅鑼灣
嗚嗚~~~銅鑼灣我係冇乜心水的.........
於是我帶佢去白沙道嗰邊搵囉............
千祈千祈千祈要俾我搵到嘢食
如果唔係我就...............
最後好彩搵到啊.....
佢都食得幾開心......
呼~~~~~好彩過關

>>March 12, 2004 at 12:00:56 AM GMT+8

2004 年 3 月 7 日 星期日 【晴】

嗯....又一個禮拜...好攰啊

今個禮拜有d事發生左
禮拜一嗰日身體發生機器故障啊...
嗰日朝早已經非常頭痛, 到下奏時就開始嘔
即使飲杯水都嘔番出來
本來好想請假抖下....不過唔容許囉
不過我呢d健康嘅小朋友, 好快就好番啦, hahahaha~~~~~

呢排好多fd去左台灣玩
佢地就好啦, 我不知幾羨慕
而家d package好平咋...
琴日個朋友打電話問我太陽餅邊度買
佢搵唔到....
真係有心啊, 專登打IDD俾我
同埋仲記得買手信俾我
好感動......嗚嗚~~~~~

我都好期待自己好快有得去啊...

每日都期待長假期的來臨.....

>>March 7, 2004 at 10:47:35 AM GMT+8

2004 年 2 月 29 日 星期日 【晴】

yeah~~~~~~~~~~~~~~~~~~~~
今日我完成左一項前所未有的挑戰
我要俾自己十個叻先得, 嘿嘿....
呢項挑戰犀利了, 就係攀越咱們的獅子山~~~~~~~~~~~~
唔好噓住...........雖然獅子山比喜馬拉雅遜好多倍,
但對我來說已經唔小嘢了.........
真係一項好艱巨的任務

今日一早去到車公廟同winnie, christina, louis等人集合
我地一行10人浩浩蕩蕩由紅梅谷出發....
我行左頭半個鐘開始覺得攰, 上到望夫石即刻急不及待抖啦........
跟住我地朝住獅子山進發....到獅子山頂前的一段小路好難行的
我爭d想放棄, 但又唔想累其他teamate等...撐啦
我地終於都到左獅子山頂啦, 好正啊
原來咁近望隻獅子一d都唔似獅子, 只係一堆凹凸不平的石頭....
跟住望落去個view真係靚到不得之了,
原來香港真係咁細架咋.......我左手邊係觀塘, 右手邊係葵涌, 後面就係沙田了
香港就係咁咋, 一眼睇晒......................................好正
好有成功感....
抖到咁上下, 我地落山了,
所謂上山容易落山難真係冇錯
落山一刻我對腳已經冇力了, 仲要落好多梯級, 斜路
如果唔會受傷兼毀容的話, 我真係想碌落山算了........
最後, 我地終於行到落慈雲山,

嗰刻我唔想再虐待自己對腳, 我唔想再行了
忍唔住搭的士走人了.......哇, 坐上的士嗰刻真係覺得前所未有的舒服啊
司機先生好鬼醒咁問係咪行完山來.....真係勁, 咁都知

返到屋企第一時間沖涼, 丟衫落洗衣機洗
今日出勁多汗, 勁臭啊......

哇, 由沙田行過獅子山再去慈雲山, 簡直係壯舉
成功感真係一百分, 不過對腳已到達一種冇晒知覺的攰
下次會唔會再試呢?
等我諗諗先, hahahaha..............

>>February 29, 2004 at 5:52:21 PM GMT+8

2004 年 2 月 25 日 星期三 【炎熱】

今日有朋友生日啊
我地去左尖沙咀太平館慶祝
呀, 原來加連威老道有間咁特色嘅餐廳喎......
平時行過連眼尾都冇望下.......
一入門口有條紅地毯樓梯, 上到去, 懷舊嘅裝潢有d似金雀
好impress~~
揭開menu先知呢間太平館來頭唔小喎
當年蔣介石, 魯迅都係坐上客
嗯....我坐緊個位唔知係咪魯迅坐過的呢..................

唔, 諗到食乜啦, 叫嘢食先
瑞士雞翼跟薯菜, 炒雜菜, xx炒牛河 (唔記得個名), 疏乎厘...........
哇, 我地一口氣係咁點, 厲害嘅係位侍應先生完全唔需要寫低, 酷!!
呢度d侍應雖然個個有番咁上下年紀, 但佢地嘅專業令我好佩服!

哇, 我從來未見過成個湯碗咁大的疏乎厘......好好味

今晚真係開心啊~

>>February 26, 2004 at 12:20:08 AM GMT+8