2004 年 5 月 5 日 星期三 【微冷】

好耐冇寫過日記啦
而家喺台北公司, 今日天氣有d涼啊....唔知香港點呢
嗯...等我報告下呢幾日嘅schedule...
2/5
第一日好早好早起身搭8:15機, 大概10:00落機
一落機就接到winnie電話啦~~幾準時啊, 我0岩0岩要拎行李走呢
跟住去搵我嘅飛狗巴, 一上到車, 嗯........好大陸囉架車....
坐到半路, 突然司機叫晒我地落車, 佢話啊我地人數太少,
所以到半路搵另一架小巴來接我地....
我地5個人就被遺棄在松江路..........真係有種賣豬仔的感覺.....
正當我等到發呆的時候, 同事就打電話俾我啦....
本來佢地諗住來接濟我....點知同一時候, 架小巴來了...
厚~~仲衰過架飛狗..........開得勁慢....
搞到12:00左右先到酒店check in......
嗯.....今次呢間東龍好過一樂園好多啊...
跟住同事亦到酒店接我去BBQ了
於是我就試左我第一次台式烤肉囉~~
嗯.....我都係覺得香港的BBQ比較有風味喔...呵呵~~
燒左一陣, 我地去左天母食和菓子同埋喫茶...
佢叫做明月堂....格調都幾高雅架~~
之後同事book左錢櫃唱k, 真係好豪華喔
間房好大喔, 有pub嗰種台, 有solo唱歌位...總之grand啦
雖然冇乜歌識唱, 只會唱一些很舊的廣東歌.......
不過氣氛幾好啊, 大家唱得好開心喔
跟住同事又帶我去微風對面食泰國料理,
裝潢好靚, 而且d野好好味, 又夠辣, 正!!!!
3/5
08:30-18:30上班, 然後全公司出去食飯囉~~
老闆周圍逼人飲酒喎....我算好彩, 被逼飲半杯者.....
然後去左一陣西門町, 買我要買的東西, 鹵味, 日劇....
仲有7-11的飲料 (好無聊喔~)
4/5
08:30-19:20上班, 超眼訓的.....
放左工去左西門町美觀園吃日本料理 (一般囉....)
之後走過對面買烤麻糬....好好味喔~~~
然後啊, 有個同事車我地上陽明山睇夜景...
哇, 上到山好凍, d風係咁吹埋來, 我而家仲有d病病地, 又咳....
嗯.......台北夜景真係沒什麼, 睇過之後先知香港的夜景真係好靚,
唔怪得咁多人來睇香港夜景啦
之後同事又車我地去溫泉館繞一圈, 本來同事叫我去泡....
但...但...但...我冇心理準備喎,
(跟住同事好出奇問我要咩心理準備...嗯嗯嗯,,,人地藉口嘛, 不要說破嘛)
而且嗰時已10點幾...會搞到好夜架嘛....第二日仲要返工呢...
所以我地冇泡, 只係在附近參觀下, 仲去埋個溫泉源頭
d石會冒煙架, 雖然夜嘛嘛, 但係睇得好清楚, 我仲去摸tim....真係好得意啊
跟住呢, 同事車我地去夜市, 買左d香港冇的生果我食, 都幾好味的
最後我地成24:00先返到酒店喔......所以今日超眼訓的
今日仲未放工啊......一陣會去鼎泰豐食飯啊....

時間過得好快.......聽日我就要返去
嗯......等我返去, 再同大家分享今次台北之旅囉~~

>>May 9, 2004 at 11:20:51 AM GMT+8

2004 年 4 月 24 日 星期六 【陰】

琴晚同winnie farewell啊,
我地一行七人(終於齊人)去左大久保食嘢...
哇, 我地好似飢民, 係咁叫, 係咁食,
d刺身唔錯, 其他就ok啦, jenny話齋, 唔太日式囉....
之後, 我地去左影貼紙相, (勁耐冇影啦, 數下先........嗯, 畢業之後3年來都冇影.......噢)
首先我地上左兆萬, 哇, 真係大開眼界啊
原來旺角d後生仔女興玩制服, 同埋角色扮演喎....
上到兆萬撞正班大屠殺, 著晒制服, 揸埋槍, 搽左d好假的血
加上d誇到不得了的化妝, 好嚇人, 亦好騎呢
同我琴晚一身斯文裝束真係形成一個好強烈嘅對比囉...
(死人老闆, 冇啦啦話要陪佢去會計師那邊, 搞到我著成咁, 真係佢老闆啊~)
我頓時覺得自己老啦, 真係老啦......

因為兆萬d機唔靚, 我地過左銀城, d人正常d啦
我地一部機影左兩次, 好搞笑, 大家擺d好趣怪的表情
真係俾李生向天擘口同埋小新彎眉嗰兩張笑死..........
影完之後, 我地加好多公仔, 圖案喺張相, 好好玩
到剪相一刻, 我對眼忽然好澀...因為嗰度d燈太光...令我標晒眼水,
跟住佢地以為我喊, 以為我因為唔捨得大家走而喊
哈哈~~唔捨得係真的, 不過琴晚我真係眼澀0者....
我唔係作嗰d飛沙入眼嘅老土藉口
我地會再約出來嘛....所以我冇嘢啊, 呵呵~

呼~ 一口氣講左咁多, 要繼續做嘢....
雖然攰, 都要做, 如果唔係冇得出街...
(hahaha, 好似趕功課啊......)

>>April 24, 2004 at 12:59:59 PM GMT+8

2004 年 4 月 22 日 星期四 【酷熱】

今日有件事令我好唔開心
係關於請假的
今日我申請7/5放假都問長問短
我做咁耐都冇請過假, 就算病我都唔敢請, 最多準時走
首先佢話唔明我email講乜 (我係by email申請攞假)
跟住又問放假來做乜, 去邊, 隔離公司有冇人返工^#&*@$$ (語氣係嚴厲的)
我火都薄K………..
大佬啊, 前一晚坐夜機返香港, 我都係想抖下0者…
唔係好過份下嘛?? 一d都唔體諒…
就算我請假去玩又關你叉事咩???!!
我已經揀一日最唔影響嘅時間放啦
大陸放緊假, 咁都唔係好影響0者.
況且大假係我應得的..有乜理由想阻止我放0者??!! 都黐黐地線
平日OT, 短週返工我都在所不計啦,
點解我想放假都要斤斤計較啊??!!
雖然最後批左, 但我條氣好唔順囉……
好似要乞討一輪先得到, 所以我一d都唔開心
未批之前, 我問阿頭, 而家我請假係咪好麻煩啊, 我唔請囉, 好Q煩 (最後一句係收左線之後加的)
唉…呢一刻我真係好心淡…真係好想唔撈!!!!!
你地可能覺得好小事, 何必咁勞氣……..
有d嘢你地未必明, 呢份工每一日都係捱番來,
結果得到咁嘅對待, 都唔知搏蟀勘A, 冇意思囉

>>April 22, 2004 at 10:21:10 PM GMT+8

2004 年 4 月 18 日 星期日 【晴】

今日天色好好, 不過熱左d
夏天褽繵�, 但本人唔係咁鐘意囉.......
對麒麟臂都唔知點搞.....唉........:(

琴日台北嗰邊終於覆實我去做嘢的事啦
3/5-6/5左右要上班......佢地要我問下4日3夜 & 5日4夜嘅價錢
本來我諗住私底下1/5-2/5過去玩兩日先
但而家計劃臨時有變
事關兩個fd都因為公事纏身, 請唔到假........
咁點呢?? 我又唔想齋去做嘢喎.................
我想又返工又玩喎.........
一條友我實玩得唔高興, 泡湯都泡得唔開心啦...........
咁我可能退一步囉, 2/5先過去, 去行下書店, 坐下咖啡廳囉.......
唉.........浪費晒張機票

>>April 18, 2004 at 12:35:17 PM GMT+8

2004 年 4 月 13 日 星期二 【酷熱】

今日心情好差, 好燥啊
咪又係做嘢囉......
其實預左今日返去大把嘢我做架啦
因為假期已收咁d email
但係好忟囉, 我一online, 都未坐好, 佢地就個個send msg俾我
壇壇都urgent, 真係頂佢個肺!!! 點做啊??!!!!!
其實有好多事, 佢地可以自己做左先啊...
但係佢地唔理架, step one已經掟俾我做, 都黐線架!!!
如果係阿head叫我做的, 我都"gur"d
問題係公司上下都吩咐我做, 雖然一路以來我都係大家的assistant
但係我覺得唔公平囉, 大家要分攤下嘛!! 佢地都係assistant啦
做埋佢地d嘢, 又唔見佢地俾埋份糧我??!!!!
佢地嗰邊點都人多過我啊! 我得一個人一雙手, 想點0者?????!!!!!!!!!
真係激死我..............

前幾日放假, 我都冇乜放假mood, 除左玩左2日半
其餘日子都要check公司email, 做公司嘢
有晚要做到凌晨2:00 tim.....呢d佢地點會知!!!
係我咁蠢先幫佢地摶0者............
真係越講越嬲...

當大家都話urgent, 而我又做唔切時, 冇人會體諒你
反而怪你動作慢.......
咁你話, 仲有咩意思呢........

琴日我對住部NB, 突然好想唔做.....
我唔知自己摶蟀勘A囉...
第一, 公司環境已經差,
放緊假還要隨時stand by, 等大家指示..
我不斷問自己, 我為乜呢.........

再加上今日咁, 我真係好想resign.......
其實唔排除自己係一時意氣, 係衝動
但resign係遲早的事, 始終此地不宜久留
因為做極都係assistant of all people, 做極都係one-man band
要學的, 要積的經驗, 兩年已經差不多了
我唔係有野心的人, 只係求一份開心, 安穩的工作
而家份工已挑戰左我人體極限, 下一份工真係唔想咁辛苦.......
如果唔係老闆, 上司對我還不錯, 我諗一早走左

有留意我diary的人都知道, 我以前版版都呻工作,
我已經有一段時間冇忟工作的事, 或諗去留問題
但係最近我真係好多呢方面的想法

唔知呢, 或者我需要真真正正的放假冷靜下囉.....:((

>>April 13, 2004 at 9:28:04 PM GMT+8

2004 年 4 月 12 日 星期一 【晴】

今日係easter holiday嘅last一day....
開心嘅時間過得實在太快啦~
呢幾日都有出去消遣啊,
唱k, BBQ (係啊, 又BBQ), 行街...
雖然節目都係嗰d...但係有得relax,
一班人開開心心癲下都幾好架
如果可以再放多d就好啦~

傻啦, 要修心養性啦, 聽日要繼續返工啦
嗚嗚~~~~~~~~~

>>April 12, 2004 at 4:21:21 PM GMT+8

2004 年 4 月 6 日 星期二 【微冷】

啊............真係勁攰啊
今日好似打仗咁, 好多野做, 好多email
多email到唔得閒睇, 亦唔得閒覆....
多野做時脾氣一定唔好
我幾想炮轟人啊......
我只不過放一日假者.....
褽繯_活節都唔知點死
肯定爆棚啦個email............

呢幾日放假我冇乜點出去玩啊
星期日本來約好左出去唱k,
點知我個頭突然勁痛, 痛到起唔到身
所以臨時甩底......改左琴日唱....
放左2-1/2日假只係出左一日, 感覺上非常浪費
咁寄望復活節啦
我有d想BBQ, 唔知有冇人賞面? ^^

琴日我買左隻"頭髮遇熱曉變色爆炸頭公仔電話繩"....(哇, 個名勁長)
大家有冇見過啊?!
我真係琴日先知有d咁好玩嘅野.......
俾個fd笑左我好耐, 佢笑我"背"啊....真是的......
不過真係幾過隱, $15咋~~~(我買貴左, 花園街$10有交易啦)
大家不妨買番隻玩啦

>>April 6, 2004 at 8:39:46 PM GMT+8

2004 年 4 月 2 日 星期五 【微雨】

﹒☆°．﹒‧°∴ °☆．°﹒．﹒‧°∴ °☆．°﹒☆°．﹒‧
﹒☆°．﹒‧°∴ °☆．°﹒☆°．﹒‧°∴ °☆．°．﹒‧
﹒☆°．﹒‧°∴ °☆．°﹒﹒‧°∴ °☆．°﹒☆°．﹒‧
外面個天空幾靚~~冇落雨啦^^

辛苦左成個禮拜, 返埋聽日, 恨左好耐嘅假期陸續放啦~~~

唔知3-4月係咪旺移動、旺遷徙呢?
隔離公司office要搬, 高層返日本, 有d同事要離職, (仲要係我相熟的)
今日連伯伯都返印尼, 以後兩三個月先返來香港
啊~~令原本公司裡冇朋友的我更孤單
再交集一d工作上嘅壓力, 呢個禮拜初嘅心情真係唔係幾好....
我好怕要重新適應番一個冇人理睬的工作環境
當曾經有人理我, 然後又一個一個走剩低我
會比從來冇人理我來得更傷
因為如果從來冇人理我, 我可能繼續庸庸碌碌過日子
俾左我嘅嘢又要收番真係好傷的
講到好似失戀咁, 其實真係幾有失戀嗰種冇依靠嘅失落感架...
不過冇論如何, 好開心喺咁惡劣嘅工作環境下得到呢班朋友
佢地令我孤獨嘅工作環境增添好多色彩
希望佢地下一份工做得開開心心^^
得閒出來gathering~~~~~~

>>April 2, 2004 at 8:59:05 PM GMT+8

2004 年 3 月 29 日 星期一 【雷雨】

呢排唔知撩起邊條筋, 突然勁想換電話
以前鬼咁大聲話電話用來打咋嘛….駛乜要影相者~~
而家見人人都有部曉影相嘅電話, 自己都想要番部… :">
所以以後講嘢都係留一線好d, 嘿嘿…
我想買GX22啊, 佢影D相真係好鬼靚
雖然而家出左GX32, 但係個人認為GX22外型靚d
影出來d相都唔差啊~~
but, 我細佬話Sharp d電唔襟用
一日叉一次….咁又幾煩嘅…..
加上GX22仲係企硬三千幾…….
算啦, 我今個月都係唔好換住……
唉…咪又係要還grant & loan…..真係傷….
一出糧, d錢奉獻晒俾政府, 屋企, 同埋銀行
琴日仲撩fd復活節去玩tim………
我諗我只可以玩d好平民化, 好平民化嘅活動, 豪玩一定唔好預我….

哇......買電話, 復活節消遣, 買衫, 買鞋, 買袋....@!^*$######%^
鬼死咁多願望, 多多復活蛋都滿足唔到我啦........
好慘啊~~~~~~~~~嗚嗚~~~~~~~~

嗯...今日有一個未經確認但令我開心到集中唔到精神做嘢嘅好消息
hehe......
我老闆問我五一去唔去台北出差....
因為大陸日本都放假~~so.........
雖然有少少監視我嘅嫌疑....
but, 算啦, 橫掂嗰時喺香港都要開工架啦...
有得慳旅費, 抵啦~~~~~
不過而家未firm架......一切等老闆覆
anyway, 五一嗰陣我都會攞假去的
而家爭在公司出錢定自己俾錢囉~
期待啊~~~~~~^^

>>March 29, 2004 at 10:07:38 PM GMT+8

2004 年 3 月 28 日 星期日 【微冷】

邵小姐, 我睇到妳嘅留言....
放鬆d心情~會好d的
越焦慮越唔好啊~
我絕對有信心妳好快好番, 做番索女!

我琴日終於補番隻假牙啦,
不過而家唔係好食得嘢,
咬嘢會痛, 唔知係咪要d時間適應呢....
如果過左一個禮拜都係咁
可能要再去搵牙醫....真係麻鬼煩

呢排做左超級大悶蛋....
一來冇人約我出街, 二來我自己都唔係好想出街....
我只係好想訓覺.......咁嘅生活真係頹廢...
過多幾日就係公眾假期啦, 唔可以再咁頹
諗d嘢搞啦, 唔知點plan好......總之唔想留喺屋企啦
你地有咩advices?

嗯.....跟住5月嗰陣我想攞幾日大假去台北玩
雖然有d朋友話嗰邊可能動盪
講真, 我而家未知驚啊.....應該唔會嘅
去到5月乜都釐清掛.........

我而家仲未申請攞假的....
因為有d膽怯啊......唔知老闆會點.......
我驚佢話放左假冇人理香港d嘢, 唔准我放, 喔.....咁就好玩啦

嗯......諗咁多冇用, 到時先算啦...............

>>March 28, 2004 at 5:56:29 PM GMT+8