2005 年 1 月 12 日 星期三 【微冷】

咩叫欲哭無淚, 而家最清楚
最近無論係工作, 屋企都令我好困擾

最近鹵味好似有心雕難...成日令我難堪
跟住大陸d人又麻煩到死...每日係咁轟炸
老實講, 做到今時今日, 對呢d野已經冇辦法再容忍
以前就為工作經驗, 為証明自己的能耐而堅持..
而家仲會堅持呢d嗎? 傻啦

跟住屋企又麻鬼煩, 永遠都喺唔適當嘅時候要求唔適當嘅野
成日講, 屋企人係唔會同自己計較, sorry, 我唔認同囉
講到尾, 又係錢作怪....
今個月我係未交家用, 但係佢地唔會體諒背後嘅原因
我又諗番起以前讀書時, 邊個唔俾零用錢我, 邊個唔資助我書簿費?
我冇時間做part time, 唯有用最蠢的方法
同銀行借錢...係, 我大洗, 絕大部份來自以前讀書的債..
呢d佢地有冇替我諗過先.
今天的果係昨天種的因

唔講啦, 越講越覺得自己坎坷
做人咁辛苦, 唔做好過做

>>January 12, 2005 at 9:39:50 PM GMT+8

2005 年 1 月 5 日 星期三 【微冷】

最近收到一個forward email, 內容係咁:

Dear all my best friends,

我昨晚聽了一個0m台節目，內請了一名嘉賓叫Steven, 佢係一名超心理0a家，他不是甚麼派系，沒有宗教信仰，不是占卜家，他主張求科0a，他是糾甚麼數觀星及天然現象去計出將來可發生的事。而Steven亦於較早前出席一個Talk Show亦叫各朋友於26/12/04唔好出埠，因當日是有重大天災的，他簡略解釋是因每逢火星甚麼環繞世球一周而造成某種角度後，地球都有異象出現，而今次已經應驗(印尼海嘯)，所以節目主持人希望再叫Steven上來盡量可在電台講的都講。詳情可收聽番新城電台29/12 - 0200 hrs a.m. (即30/12零晨)的恐怖熱線節目 。

Steven 總括告知2005年會比2004年差。而Steven很認真地說出以下幾宗計算預知：(但他沒詳細說是HK或外國)

31/12/04 - 1/1/05 有重大意外死好多人
1/1/05 - 9/1/05 仍有好多不愉快的事接種而來 (詳情無講)
24/1/05 - 24/1/28 有大風暴, 大雪 (史無前例)
19/2/05 - 8/3/05 大地震 (Over 7.5級)
20/3/05 - 8/4/05 海上出大意外, 河水濫, 有大地震(Over 7.5級/史無前例)
29/4/05 - 5/05 大地震 (Over 7.5級)
由現在打後幾個月天氣會變得十分之寒冷。2005年有好多疫症， 是新的疫症，並告知一年內有大災難，這種災難是人為的，是人類建造的，是從天上跌落地球的，由於造成災難而人心惶惶，所以2005年有好多人走難，因唔知D什a洩F西會從天而降而唔知跌落地球邊一度。另外，現在市面復甦，但只是短暫，到2005年中後會下落得很利害。尤其1962/1963本身屬木之人仕於2005年要加倍小心。p.s. 地震 集中於日本，台灣及美國南部e.g.墨西哥

睇完之後, 我冇因為"預知"而得到平安,
反而多了"一抽"不安嘅感覺
不論以上講嘅孰真孰假...其實都俾我地一個警號
我地應該愛護地球村, 愛護地球村上嘅人
總覺得, 有d天災係人為的
係我地嘅自私, 不顧後果造成的

多d寬恕, 少d仇恨...
多d援手, 少d戰爭...
珍惜眼前人, 珍惜眼前嘅一切

最後, 希望嗰位steven先生講的, 只係開大家一個玩笑...
活在當下, 一切可否就一笑置之?

>>January 5, 2005 at 10:06:39 PM GMT+8

2005 年 1 月 3 日 星期一 【陰晴不定】

長假期之後第一日開工, 只能用唔慣來形容
開心嘅時間總係過得特別快...
都未抖夠, 未玩夠, 眨下眼就完
今朝仲記得去坐89C的路....
落車之後覺得周圍好陌生,
好想講一句, 好耐冇見
當我返到OFFICE, 我先真正醒
真正知道自己要工作啦...
還好, 今日D大陸人仲放緊元旦
我有空間清理我一檯嘅文件.....
冇乜滋擾之下, 返完一日工...

雖然仲有D唔慣, 但唔慣歸唔慣, 都要盡快投入返啦...
過多兩三個禮拜就要放新年假啦
奸巴爹囉....

>>January 3, 2005 at 9:02:05 PM GMT+8

2005 年 1 月 1 日 星期六 【乍雨乍晴】

新一年又來啦
希望世界和平
今年特別有感覺
真心希望唔好再發生唔開心的事

對於自己, 好簡單, 來年希望身體健康, 心想事成^^

>>January 1, 2005 at 8:19:51 PM GMT+8

2004 年 12 月 30 日 星期四 【晴】

岩岩訓醒左,
老套d講一句, 屋企張床真係好舒服...

最近睇新聞, 每日見到海嘯中,
有增加失蹤, 傷亡數字, 個心好唔舒服...

呢個消息喺韓國第二日已經知道
當時我心裡面諗, 點解要揀boxing day呢?
christmas普天同慶, boxing day心情直插谷底..
今次災難所牽連嘅肯定比平時的大,
好多人趁假期出外旅遊, 而泰國, 印尼一向都係渡假熱點
牽連嘅唔止當地人, 仲有好多一心出外玩的人...

人真係好渺小...無論而家科技點先進
我地都防範唔到大自然嘅災難...
只要大自然一個唔開心, 我地就招架唔住
我地可以做嘅, 就係事情發生左之後,
我地點樣面對, 點樣將傷亡數字減到最低, 點樣防止疫症爆發

衷心希望
失蹤的盡快搵番
受傷的盡快康復
離開的得到安息

>>December 30, 2004 at 9:46:35 AM GMT+8

2004 年 12 月 29 日 星期三 【陰】

"un娘ha sai yo~~" 我返來啦~
返到屋企第一個感覺覺得屋企細左...:p

聽聞琴晚香港氣溫跌至9度...
經過5日嘅冰室生活...
今日呢d天氣...簡直熱啦~
ㄟ...............做人唔可以咁囂張, 呵呵, 改過....
呢d天氣係涼囉...
當我返來沿途見到d人著羽絨+冷帽真係覺得好誇
我在零下10幾度都係咁嘅裝束咋....

講左咁耐, 都未正式交代呢幾日的事
平時大家對參加旅行團會有d唔知點形容的唔鐘意..
多數人會prefer買package....
但我唔係咁睇, 睇去咩地方啦...
我覺得有時參加旅行團都幾好,
好似今次咁, 認識到一班好過癮, 好可愛嘅團友,
仲有一位自大得來又風趣的導遊...

先講下團友, 一如所料, 有一家大細, 有情侶
由於係意料之內, 冇乜特別想埋邊一堆, 一切順其自然
第一晚第一個行程就係食shabu shabu...
我就識左今次行程的第一對情侶朋友
佢地好nice的...之後幾日都好幫手照顧霞姐
尤其霞姐頭兩晚因為拎錯左行李的時候,
佢地真係好關心, 好幫手

之後呢位團位犀利啦, 就係佢爸爸口中的"五逆女"...
佢就係9歲的陳芷茵妹妹...
佢超級可愛, 我地邂逅係夢幻樂園的某機動遊戲上..
之後, 佢全程幾乎唔跟佢爸爸, 一直都同我一齊玩..
每晚來我地房玩...頭先仲打電話俾我tim
睇唔出原來我咁得小朋友歡心架^^

之後就要介紹下d工作人員,
第一位就係全程幫我地影相的韓仔周東鉉, 阿joe..
佢得18歲咋, 對眼只有一條線, 笑的時候直情唔見左對眼
只係見到佢對兔仔牙, 超可愛~~
所以我好鐘意同呢位小朋友玩~
據導遊講, 佢出年2月就要當兵, 而家出來賺少少錢俾屋企人..
導遊仲講, 做呢d帶團好少錢
而且韓國人好要面, 做呢d會被其他韓國人睇唔起...
但係呢位小朋友對我地所有團友好好,
對我地好照顧, 我地要乜都會好幫手
所以我覺得要疼惜同埋支持呢位小朋友
其實對佢, 我覺得有少少遺憾...
原因係佢全程幫我地影相.
呢個傻仔係咁影, 平時d團都係影一兩張之嘛...
結果淨係我同霞姐, 佢都幫我地影左23張...
以前呢d團相我望都唔望,
但因為佢的service, 同埋知道佢一d背景,
我唔想唔買....但如果買晒我又做唔到...
畢竟我報左團已經超窮....
結果我揀左8張囉............
之後我好唔開心, 諗左成晚點解自己唔可以買多幾張
本來諗住今日再多謝佢, 點知佢今日冇來帶我地啦
可能我地太早要出機場吧....
所以我覺得好遺憾....

之後呢位係全團最重要的工作人員
就係我地嘅導遊jimmy區....
呢個人, 真係自大得來又幾可愛
佢應該係我參加過d團最後生同埋樣ok的導遊
難怪佢成日自認靚仔的...
一有機會, 佢就會話俾我地知佢由細到大習慣俾d女人望...
佢31歲, 百分百香港人, 因為一d感情問題(佢自己話問題的)
其實係佢娶左個韓國人, 所以而家在韓國住...
佢個人好識搞氣氛...
佢係少數能夠講歷史而唔令團友訓覺的導遊囉
真架, 全車人都鐘意聽佢講, 冇人訓覺架
另外, 佢都有分享下佢以往帶團趣事同埋私人野
好似帶左個有精神病的巴基斯坦團友,
曾做哥哥張國榮的翻譯, 仲有佢個章魚咀外父...呵呵
真係太多太多啦...
佢個人雖然自大, 但自大得起嘅.....講真佢真係幾博學.........
今日呢, 佢送我地入閘, 入閘之前, 佢叫我地唔好望轉頭, 唔老黎
佢話佢係有感情嘅人, 同埋容易受傷的男人...

其實, 我都好容易受傷,
呢幾日同d團友嘅相處, 我琴晚已經有d唔捨得感覺...
每次跟完團, 到最後bye bye一刻, 我都會好失落
今次真係最失落....
我諗呢d就係我enjoy跟團的原因

今次個trip, 雖然遺憾睇唔到雪, 個行程一般般
但都有好多好開心的事
例如滑雪啦, 見到好多好型的韓仔,
而且我地呢d南方人, 對白色聖誕, 滑雪充滿憧憬...
終於今年實現到
仲有, 琴晚亦完成多一個願望
就係放煙火, 呵呵~~
雖然我地在酒店後園好鬼祟的放
d火花係星星來的, 真係好靚架~

好多開心嘅人&事, 我都滿意今個trip, 同埋今個聖誕節^^

>>December 29, 2004 at 6:27:26 PM GMT+8

2004 年 12 月 20 日 星期一 【微冷】

今日心情唔係好靚.......
一來被姨媽折騰得我好緊要
另外今朝一大早, 霞姐又投訴
話之前表妹報d團住d酒店好靚, 點點點...
大佬, 而家旺季, 係又貴又唔抵架啦, 咪張就下囉....
而家都未去已經多多聲氣...去到唔知咩款
由報名到而家, 都唔知煩左我幾多次
我都係大聲講野左一次, 其他時間有得佢講囉
佢最鐘意咁架啦, 最鐘意同人比較, 我永遠都係最悲嗰d, 永遠都比唔上人
比較完一輪又冇得著, 唔知為乜.............
咩叫貼錢買難受, 我最清楚不過........後悔...............................

返到公司, d女又麻Q煩, D貨又押住唔出
大佬而家年底埋數, 真係玩得我好甘囉.........
老細已經千叮萬囑, D貨唔准押過年...
總之盤點時唔准有咁多dead stock囉.......
唉....而家真係累死, 成日叫我入晒d貨先,
但又唔出, 有寶咩而家...
老細知道又來咆哮我啦...正xx

好想爆粗!!!!
^#*&@($#@_)(@!^*&%#!^*%@!&))^%@

>>December 20, 2004 at 8:26:15 PM GMT+8

2004 年 12 月 13 日 星期一 【晴】

hi 表妹. 真係去邊都貴啊而家
仲要爭住報咁....
d旅行社好似唔憂做, 你唔報大把人報
我會同妳姑媽去韓國..
不過如果唔係冇人陪, 我都唔會同佢去...(shu....唔好講佢知)
因為佢唔係好鐘意韓國咁,
我資助佢一半團費都好似被逼咁
真係貼錢買難受...

希望同團有師奶陪佢啦
然後又有d後生d的陪我玩啦,
如果唔係, 我諗我會悶死....

可能就快放假
今日返工完全係心不在焉
冇乜心機做野囉....
捱多一星期啦, 就快有好日子過啦
呵呵

>>December 13, 2004 at 2:08:40 PM GMT+8

2004 年 12 月 8 日 星期三 【晴】

好開心好開心~~
我終於排除萬難, 千辛萬苦的...攞到大假喔~~呵呵

星期六send左email俾老闆,
本來我預計佢後應係咁嘅:
(咆哮) 什麼? 請假??!!!...
請咁多日, 香港冇人喎, 點得啊?!!!
作反啊?! 完全唔理公司運作....^*&#^&@*$#
佢應該會係gee le 瓜啦周圍發炮

經理們都好緊張問我老闆有冇反應
sorry, 佢一d反應都冇........................
我反而以為老闆已一早滾搞班經理tim.........
我懷疑佢冇收到我email
經理們話啊, 上星期六, 台灣嗰邊有個同事結婚請婚假,
結果俾老闆鬧到PK....
"下?!!!" 我即刻O型咀左.............
結婚咁大件事都得到咁嘅對待...
咁我點"線"........................

今日, 佢黎香港.......我冇任何方法去面對恐懼
只有心口掛住個勇字囉......
我嘅驚仲要嚇親阿so....
因為我透露佢發火時, 大聲講野拍台係少不免,
佢聽到, 即刻話要落倉避.......結果佢真係及時地落倉避, 真係冇義氣

點知, 當我要問老闆時, 佢已經知我想點咁....
佢問我係咪要問請假的事.........
我又O型咀
原來佢有睇我的email...佢話好忙所以冇覆我
但係佢嘅反應係出乎的平靜
仲問我去邊玩, 係咪同男朋友去tim.........

呼~ 過關..實在太高興啦
人生第一次攞大假真係驚險多多
(係啊, 基於總總原因, 之前d工都冇機會攞假, 今次係第一次)

>>December 8, 2004 at 11:06:37 PM GMT+8

2004 年 12 月 5 日 星期日 【晴】

今朝一早仆出去朗豪坊睇戲...
之前恨去呢間戲院睇戲好耐...
但之前因為冇乜戲想睇, 今日終於搵到套BJ睇
間戲院其實又唔係想像中咁豪咁靚, 勝在夠新囉
睇完戲本來想行去隔離的仙跡岩做神秘顧客
點知未開...

anyway, BJ都幾好睇, 有d位好好笑
仲有好多位好sweet tim~呵呵

>>December 5, 2004 at 3:04:49 PM GMT+8