2006 年 3 月 13 日 星期一 【乍雨乍晴】

鬆一口氣, 呼~~

今日阿姐打番來, 除左問下D工作之外
佢就同我講番之前印manual菲林的問題
(本manual咪就係之前唔小心丟左的那一本呢)
就係咁, 件事就穿左....

雖然遲早都要穿, 但冇諗過未rehearsal就要穿...
所以有點結結巴巴的...
算了, live show都有瑕疵...唯有咁諗囉
嗯, 阿姐冇鬧我啊, 佢仲笑住叫我提其他同事小心tim...
我諗佢個BB唔多唔少救左我一命呢...hehehe...

頭先搭巴士時又諗, 之前成日講轉工啊轉工啊咁...
搵左咁耐都冇feedback都有d灰啦...
尋晚同個朋友傾偈, 佢而家份工好多野做, 壓力又大
同之前份工分別好大...
我叮了一聲, 如果轉到工, 做到所謂"有為"的工作
我又受得了嗎?

坦白講, 真係唔討厭呢間公司
只係嫌自己太悠...
日日唔駛帶腦袋返工咁...
我好驚第時唔適應出面d公司呢

我怕悶, 怕冇野做, 怕自己冇用, 怕自己越來越懶散...
但又怕太多野做, 壓力太大, 力有不遞, 脾氣暴躁...
到底自己想要的是什麼?
辛苦時嫌辛苦, 舒服是嫌舒服...
總括一句, 得不到的就是最好...

現在什麼都不用想了...
反正做了什麼都沒用...
我想, 順其自然吧, 有機會要懂得把握...
時機未到就安份守已吧...

>>March 13, 2006 at 8:41:59 PM GMT+8

2006 年 3 月 13 日 星期一 【乍雨乍晴】

好耐冇update呢個blog
等我paste番之前的diary先:

4/3 回頭草
尋日收到個文具佬電話, 原來係舊公司那邊送貨…
於是打番公司同佢地講番…
跟住傾開原來佢地近期轉左新system, 要人data entry…
我就lur飯應話返去做
就係咁, 冇心插柳之後, 今日返左去…

一落車, 我d感性野又黎料…

曾經返工的路, 今日再行, 真係百般滋味在心頭
景物不變, 只係人在變…

由原本得一個同事仔, 發展到而家六個人
人多左, 地方也大左…呢d都係半年內的事…

返到去, 我見番曾經用過的文具
上面還貼著我的名字….
我的note book仲喺度,
熟識的report令我諗番好多野…

可以咁講, 做過三份工, 呢份係最辛苦的, 最痛苦的,
但, 亦係最有感情的…
由當初咩都冇, 只有一張枱…
一手一腳建立左d野…中間真係經歷過好多辛酸事…
我亦唔知匿埋枱底喊過幾多次…

今日見到公司有咁嘅成績都好欣慰…
呢個仔終於都長大成人啦…

同事甲叫我返去做management的工作
條件係, 俾我manager的title,
人工方面, 只要我開聲都可以…
而工作量亦比以前的年代大大減少.
呢張支票真係好巨, 好吸引…我的確有動搖過

清醒過後, 我又提醒自己, 當初走是為了什麼…
我係咪介意吃回頭草?
不是, 只係timing唔岩….
而家的我想試唔同的野, 我想再衝多一兩年
唔想重複工作, 包括一樣的運作模式
或者過多幾年, 我要求的只係stable的環境…
但求安安穩穩, 得過扯過就算了…

我係咪好蠢啊?

5/3 我要學習

尋日經過地鐵站拎左本中大prospectus…
我勁想學野呢, 水墨畫, 油畫, 陶瓷, design…

冇辦法啦, 我太得閒啦, 唔搵d野學下, 消磨下時間會好悶的

好, 我繼續search下有咩好學先.

7/3 心緒不靈

當一個人做錯事就會心虛…

唉…今日都唔知做乜鬼, 頭頭踫著黑…

話說, 年底時有d stock要做write-down/write-off,
咁我負責的product就有好多垃圾扎左喺個倉好耐,
咁我就將兩年冇movement的stock write-off晒…
唉, 好死唔死, 原來其中一隻item係而家用緊,
但在stock report上show唔到movement, 只show到adjustment
(movement & adjustment有咩分別唔解釋啦, 總之佢地有唔同)
於是…丟左…渣到冇

唉…本來諗住阿姐返來自首, 點知未有機會自首前,
已經包唔住火, 嗚嗚…

事源上星期F&A整左份一月份slow moving stock我地解釋
心諗有咩好解釋0者, dead stock就係dead stock…即係要我難堪0者
不過最大問題係, 其中一隻要解釋的item就係我出事的item…
唉, 我當時諗, 我講用緊又死, 話write-off左又死…
因為黎緊有貨返嘛…
於是我寫左用緊…

魂魄未定, 今日又整多份二月份的來解釋…
上面冇左嗰隻出事item, 但…當F&A比較一二月的report就出問題啦…
到時咩都穿啦…
唉…搞到我成日心緒不靈…

一波未一波又起…
冇嗱嗱老闆話有隻貨有錯體,
要hold住d shipment….
頂, 嗰隻野去緊台灣架嘛…
點知要hold, 中間又要改單, 改system的input…
雖然呢件事唔係由我引起….
但中間因為朝早心情的問題
加上單野好鬼urgent
情急之下, 又做錯事…
雖然補救到, 但絕對影響整日心情囉…

唔通今日抽中的”TOWERS”真係咁靈驗嗎??

8/3 法式指甲

前幾個星期上網見到水晶甲的廣告
一直屎忽痕想去整整…
本來想上星期六做…
點知full晒…一直耿耿於懷…
最後今日做左啦…

我指甲向來係短小崩邊型, 屬留不長長不美的
即使我有心留長, 但當到某個長度,
指甲蓬不但容易綑黑邊, 而且會自動崩裂
註定不能長, 我也不勉強, 乾脆把它剪掉

謝天謝地, 水晶甲的發明彌補了我這種天生的缺憾…
讓我一嘗十指纖纖的感覺…

去到我一心想整法式的…
點知姐姐就話我d指甲短, 會整得唔靚
佢suggest我做閃粉…
但…如果唔做法式會唔舒服
正如決定要整指甲, 整唔到會坐立不安的
最後, 姐姐都冇好氣的幫我做法式…hehehe

哈, 做完的確冇相的model咁長,
但對我來說已經ok啦, 因為都未試過咁長…haha

嗯, 有咩感覺呢?
我覺得原來長指甲對生活係會帶黎咁多變化架
好似而家打字, 以前手指頭係好實在的拍打d key
而家呢, 因為要遷就多出的指甲而要用虛擬的部份點滴keyboard
(想像到嗎? Hehehe)
剛才洗頭, 本來想好似平時一樣抓頭…
呀, 唔得啊….可能心理問題, 驚d指甲會崩, 所以要輕輕的摸頭
(這時我才知道平日的我是這麼狠勁的對自己的頭, hahaha)

其實仲有好多架, 例如除con怕插爆眼, 同埋而家好容易蘭花手 (其實有點痙攣)
不過感覺真特別…我要繼續感受長指甲的滋味~~

11/3 偶遇

有冇成日撞到某d認得但唔識的陌生人?
撞到會點?
幾乎每日, 尤其返工…
搭車時總會撞到那pair長髮姊妹花
佢地好勁, 次次都訓到落車前一秒醒, 不多不少
仲有, 那個有型的白頭佬, 有型但略矮的架仔,
仲有仲有, 那位高大有型的, 一睇就知係年青有為的男子…(必須highlight)
每朝撞到佢簡直心情加倍愉快呢…:P

撞到呢d認得但唔識的陌生人,
我總會板著臉回敬對方又熟悉又陌生的眼神
但對著那位高大有型的男子, 我直情唔(敢)望….hehehe

我覺得呢種偶遇好得意…
能夠每日撞到同一班人, 我相信呢d係緣份.
所以有諗過下次撞到時, 係咪可以向對方微笑一下呢?

(嗯…不過人地會唔會以為我痴線的呢? 嘿嘿)

哈哈, 發完up風就report下尋日做過d乜.
基本上尋日星期五已滿懷holiday mood的心情架啦
自己又冇乜野做 (日日都係架啦…廢話)
加上夜晚去碌齡….根本冇心機做野…
幾經辛苦捱到5:30鬆人…
今次係第一次參加SRC嘅活動
哇, 平時嚴肅的同事尋日變得狂野
搞笑的繼續搞笑…
hehehaha玩左個零鐘走左去飲野…

其實同事撩過幾次, 但我總係湊唔岩時間囉
尋晚終於去左…
喔, 原來同事們玩開猜枚bar的
hehe, 我呢d真係少去呢, 去的多數係聽d好嘈的音樂
郁下個身, 同朋友傾下偈…
所以尋晚好多枚都唔識猜, 猜亦反應慢…hehe
希望冇掃佢地興…
hehehe, 我已約定個同自己差唔多級數的fd下次出來practice下…
hehehehehehe……………

11/3 PART II 傲慢與偏見

岩岩睇左pride & prejudice…又幾好睇喎
pride & prejudice之初次體驗係發生喺中學時
(起碼12-13年前)
當時因為要做report而局住睇…
睇得好辛苦…幾乎每行都要查字典…
難過的時候忘記了
如今睇番呢套戲心情固之然唔同…

好幾次因為elizabeth誤會了darcy而忟憎
明明佢地天生一對, 點解要自己摧毀段感情…激死我
不過故事最後都童話式圓場…
除左elizabeth & darcy好睇…我覺得d細妹同埋媽媽都好好笑
媽媽恨d女嫁有錢人恨到出晒面
而d女亦恨仔恨到出晒面…幾好笑
其實某程度上我同佢地一樣咁餓狼
不過….我係心中餓狼0者…hehehehe
anyway, 套戲幾好睇呢, d景好靚, 尤其係嗰d童話式古堡
啊, 有d想拎番本書出來睇tim….hehehe

嗯, 分享一單旺角奇遇記
話說頭先落去撞到小龍 (陳國坤)
即係少林足球的四師哼, 功夫斧頭幫大佬
呵, 我同佢行左兩分鐘街架, 同佢幾乎零距離並肩而行, 勁唔勁? Hehehe
佢一身裝束呢, 換轉係其他人一定出晒事
淺灰色西裝 (褲有點窄&吊腳), 加白波鞋…
一身自由行裝束在他身上竟然如此的潮啊…
仲有頭佢行左一陣街先發現佢比想像中的高…係瘦左d…
hehehe, 仲回味緊, hehehe

>>March 13, 2006 at 7:37:36 PM GMT+8

2006 年 3 月 2 日 星期四 【乍雨乍晴】

今日又搭的士返工...第三次啦...
諗諗下, 我係返左呢份工之後先咁奢侈搭的士返工喎...:(
其實今朝訓到朦朦朧朧之中都感覺到"奶"野...
點解訓左咁耐, 個小丸子都未喝醒我呢?????
直至聽到爸爸起身刷牙, 我望一望個鐘, 驚嚇!!!
比原本要起身的時間遲左成個鐘...
所以....又要豪俾的士佬啦...

尋晚聽空中喱民, 佢地竟然提起我舊老細喎...
佢地個"嘟嘟大估東"叫人估下蔡素玉塊街板句"屎撈梗"喎...
駛乜估jack, 我梗gee啦 "素心聲 搵素玉"嘛....
真係聽到我一把火, 唔係嬲阿喱估咁耐都估到
而係...我諗起好多以前d辛酸事, 真係一殼眼淚
嗚嗚................
anyway, 事過境遷....我只係諗, 點解句"屎撈梗"仲未改...

啊, 講樣無聊野先....
今日喎, 有個同事話唔見左隻manual cd
咁我就話:
"喔, 唔緊要, 我燒番俾你啊"
"啪"收線之後驚覺, 啋! "燒野..."
好彩個同事冇鬧我咋....hehehehe....

>>March 2, 2006 at 8:43:37 PM GMT+8

2006 年 2 月 18 日 星期六 【微冷】

今日一早起身走左去做瑜珈...
我覺得自己進步左啊...
起碼我能夠完成9成動作, balancing都好左
呼吸亦都開始掌握到啦
(之前一兩次唔識, 成日不自覺閉氣, 嘿嘿)
但flexibility就有待改善了, hehe...
運動感覺真好, 除左出一身汗, 感覺上好似瘦d之外
運動亦令我冇時間諗無謂野...

最近一有空餘時間就會諗好多野
好多時都會搞到情緒低落...
可能我自己將d事複雜化, 嚴重化啦...
但當事情未有改善/變之前,
我無辦法控制自已唔諗...

尋日"有誰共鳴"請左林夕做嘉賓...
佢講左佢填詞的點滴...同埋之前患焦慮症的事
又講左一d佛教嘅道理...成 個節目都好好聽
雖然林夕講嘅野係佢個人的經驗...
但當中一d事, 我係得到共鳴架
未必幫到我, 但至少要知道...
唔開心完要懂得釋放自己,向樂觀一面想

>>February 18, 2006 at 6:12:47 PM GMT+8

2006 年 2 月 14 日 星期二 【雷雨】

隆尼喀大鬥聖華倫泰.....

情人節快樂...

今日公司虛冚囉...一早已經有d送花佬到, 仲盡時過d courier...
由於我個位近住reception個門, 係咁見d女同事行出行入...
有d同事唔止收一扎花tim, 真係勁啊!

如果問我恨唔恨收花, 嗯...都恨架
不過我習慣冇花收, 有花收才不慣呢...
但眼見收花的同事, 不論佢地開唔開心收到扎花,
作為旁觀者對佢地總會有一份羨慕之心嘅...

我一直好習慣single呢個身份, 但一到情人節就覺得有d煩厭,
因為周圍, 無論係報紙, 雜誌, 收音機都不停提住情-人-節...
雖然有人話情人節只係d生意佬賺錢的gimmick...
但如果我咁講, 人地只會認為係我逞強的理由,
anyway, 講乜都錯, 情人節總令冇情人的人難堪...

我敢講, 情人節係所有有拖拍的女仔最恨過的日子,
但對於冇拖拍的人來說, 情人節跟鬼節有什麼分別,
驚死撞鬼咁, 一收工趕住返屋企, 鬼咩...越夜越多鬼嘛...

(sorry, 我知以上一番話得罪左唔少女仔,
但體諒我今晚冇節目, 俾我發洩下囉...)

>>February 14, 2006 at 8:47:27 PM GMT+8

2006 年 2 月 13 日 星期一 【晴】

之前plan左好耐要做瑜珈,
點知自己懶, 一直提唔起勁,
一plan就plan左半年...
上上個禮拜終於的起心肝去join member lu.

隔左半年後去做, 真係好辛苦呢
做到第二個動作已經想嘔
之後一路都唔舒服, 又暈, 又頭痛, 差d休克
過程真係幾艱巨架, 加上年紀大, 筋骨堅硬...
好多動作都係勉強完成的...呵呵
但唔知點解, 雖然辛苦, 但又唔抗拒喎
反而越做越喜歡, 因為流汗的感覺實在太正了
我感覺到身體裡面d毒跟住的汗流出體外, 正喎

希望有一日我能夠做到所有今日做唔到的動作
亦希望瑜珈改善我嘅睡眠質素啦...
我唔想再俾人笑我似阿伯...早睡...早起...
最好改善埋我d皮膚啦, 呵呵

其實今次join左yoga最大得著係...
我終於都能夠講得出做得到...
實現左06年第一個plan...
嗯, 下一個plan就係學番日文.
大家幫手睇住我幾時行動囉, 呵呵~~

>>February 13, 2006 at 8:50:49 PM GMT+8

2006 年 2 月 9 日 星期四 【晴】

亞士達, 好耐冇見~
我都希望d風水佬講d野係真
妳都係蛇女, 希望大家狗年行大運啦!

最近心情唔係咁好...好多野煩
皮膚唔好, 生暗瘡啦...
左邊腮位唔知點解腫左, 搞到大細面...
睇左醫生, 醫生俾左藥我食
佢話如果食完唔好就可能係生瘤...
唉...係咪煩呢...
原本個樣都已經衰, 而家仲衰, 咩心情都冇晒

跟住我又煩搵工的事啦...
我知而家份工好stable, benefit都ok,
但係太stable顯得自己太無為呢...
所以好想轉換下環境...
但, 其實心底裡又驚為理想而搵唔到食...
(當然而家都搵唔到食啦)
驚呢樣驚嗰樣, 好多好多疑慮

然後, 下個禮拜又係情人節
對d有情人的人黎講, 真係又期待, 又開心...
而家應該plan晒去邊度食飯, 去邊度浪漫lu....
但對我黎講, 每一年過呢一日都有種壓力
年紀越大, 壓力就越大...
可能壓力係來自自已...
但...自我安慰好高深的...

嗯~ 新年新開始. 唔應該記掛一d唔開心的事
諗下weekend去邊先!

>>February 9, 2006 at 10:01:03 PM GMT+8

2006 年 1 月 31 日 星期二 【炎熱】

恭喜發財!! 返來啦~

呼~ 完成4天"艱苦"的北京文化之旅
雖然有點辛苦, 但感覺很好呢~
北京必去的地方都去過了,
例如頤和園, 故宮, 天安門廣場, 仲去埋長城做好漢...
以上每個行程加埋應該等於我全年要行的路了...
加上戶外, 天氣好凍, 都幾辛苦, 但係值得的
因為呢d都係我國嘅文化遺產 (突然嚴肅起來)

除左呢d必去地方之外, 我地仲睇左少林功夫表演
oh~ 真係冇得"等"!!! 但如果少d跳舞, 多d功夫就好啦
然後, 我地又去過三里屯見識下北京的pub
嗯....靚仔欠奉, 但隊live band幾ok, 連beyond d歌都唱喎, 你話勁唔勁?!

今次成個trip都幾好玩, d團友幾nice,
有退休的幽默夫婦, 淨係聽佢地d遊歷就夠精彩啦
另外有個笑唔停, 好似裝左笑聲摩打機的團友,
次次都為我地製造好多開心的sound effect

太多啦...但寫到呢度好了
因為日日零六的我已好攰呢...
聽日又要返工...努力囉~

>>January 31, 2006 at 10:03:40 PM GMT+8

2006 年 1 月 16 日 星期一 【晴】

琴晚睇左個港台節目想share下的
個節目訪問左鳞翅學會的朋友
佢地係一班蝴蝶愛好者...
唔睇都唔知原來有人對蝴蝶咁瘋狂的
坦白講, 我好怕蝴蝶的,
嚴格來講, 會飛會跳的昆蟲我都驚的....
(不可思議吧....)

所以我真係好想知點解呢班人會將我咁驚的蝴蝶當寵物咁養....
本來都冇乜特別感覺架
但有個位我停左落黎留心聽的
原來當蝴蝶破繭而出的時候已踏入佢人生最後階段了...
因為當蝴蝶變成蝴蝶之後只有2-3個禮拜的生命
估唔到蝴蝶喺毛毛蟲階段係佢最精彩的階段
所謂精彩並唔係開開心心, 簡簡單單的匿埋喺個繭入面算
反而佢要搵野食, 躲避敵人等等等等...

呢一段令我諗左好多野...
人踏入最後階段時, 會變得老弱, 生病, 甚至神志不清...
人生去到末段, 幾乎冇辦法掌握自己的人生似的
彷彿身不由己的....
但蝴蝶就唔同, 人生最後階段, 就係佢地最燦爛
最自己周圍飛的階段...
我在想, 點解人生唔可以咁呢?

>>January 16, 2006 at 10:29:46 PM GMT+8

2006 年 1 月 14 日 星期六 【炎熱】

今日走左去換smartID啦...
我係第十六階段換證組別的

本來book左21號先去換嘅, 諗住多d時間準備好個樣嘛...
點知21號有個自由行親戚黎, 我奉命去接佢,
所以, 雖然14號呢個日子唔係好靚, 但冇得揀之下都去整囉

去之前我諗緊應該放頭髮定扎頭髮的, 扎住會整齊d
但影出來會得個頭同埋前面一小撮瀏海, 好樣衰架喎...
所以最後我選擇放頭髮.....本來出門口我jel晒頭的啦
結果...禍不單行....出到去勁大風, 吹到甩頭, d頭髮散晒...
成個癲婆咁....我去toilet搞完一輪都係無補於事....
算罷啦...我都係死死地氣去影囉

其實影出來彩色張相都ok, 始終睇到個頭亂得來有layers
一變左黑白真係嚇死我, 除左個頭亂得來都係亂之外,
仲有嗰個就快跌到落下巴的眼袋真係驚嚇...
好唔想面對張咁嚇人的相, 佢仲要逼我揀, 何苦........?
我影左四次已唔想再影, 連個阿姐都同我講張相好細架咋...
咁算啦, 我諗我冇辦法將個樣十秒變靚的了...
唯有將就收貨囉....

本來以為今次換id可以彌補十年前的飲恨
點知...如今要繼續飲恨....
算罷啦, 繼續用我那純熟的掩眼法, 收埋我那飲恨的smartID吧....

PS:
今日換ID時俾我發現一件事
呢....今日換ID的人多數唔係76就77年架啦
我咪周圍望下同年的人咩樣咯...
呵呵....原來76/77的人可以咁樣的
原來我個樣都算幾young的 (compare with 佢地)
hehehehe....呢件算唔算今day唔開心之中的開心事呢? he~

>>January 14, 2006 at 9:49:21 PM GMT+8