2003 年 9 月 2 日 星期二 【驟雨】

呵呵~~真係俾我講中左~~今日掛八號風球呀~~
本來我對杜鵑呢個風冇乜期望的, 點知~~哈哈~~

多左半日假, 我冇鬆懈呀, 帶左d嘢返屋企做
最近會計師嗰邊幫我地做數, 好煩, 耐不耐打電話問我d數點�
我都明嘅, 佢地第一次幫我地做report, 唔係好熟悉我地公司d嘢
而家攞左d嘢返褸鴽r....頭大了, 點解咁多數唔對呢????

嗯, 我同同事講聲早走嘅時候, 其中好似唔係好信我咁...
算啦, 唔理啦!!

今日聽到台北有一個同事走啦, 唉...好可惜,
佢係我地嘅業務大臣Jason喔, 聽閒佢好smart, 幫公司`𣇹n多客...
雖然我同佢唔熟, 但都祝佢前程錦繡~~

>>September 2, 2003 at 3:12:28 PM GMT+8

2003 年 8 月 31 日 星期日 【酷熱】

聽日係我在FWT的一周年了...
(呼)...鬆一口氣, 終於捱左一年
嗯, 怎麼講, 在這裡, 我學到很多東西, 嘗試不一樣的工作環境,
曾經好想放棄, 因為太辛苦, 太無聊,
無聊是沒同事的無聊, 不是沒工作的無聊...

在這裡最大得著...我想是學會忍耐, 學會堅持, 學會獨立,
學會招架討厭的嘴臉, 就是耍酷, 比他凶就對了

我記得亞士達講過每份工有好, 有唔好, 是真的...
雖然老闆冇100分, 但相對以前嘅老闆, 我給他打75分吧
雖然佢喜歡扭屎忽花, 但有時佢又幾貼心, 幾體諒我工作上嘅困難嘅.......
仲有月中嗰時請我去台灣, 雖然係公幹, 但我有得搭飛機,
d同事又幫我安排節目, 呢d心意我都有記住架

記得幾個月前我成日呻辛苦, 大家有睇我日記的都知啦, 成日想唔撈
但有時諗, 可能去度第二度, 都會有其他問題, 例如人事呀...
而且我好怕搵工, 尤其d咁嘅時勢....我仲記得失業嘅日子,
嗰d無奈, 等待, 自卑我仲好記得, 好難受.....諗到呢度, 我會堅持落去
咁大個人冇乜真正捱苦, 今次都算幾徹底...

我目標係喺呢度做夠兩年, 總之等公司上軌道之後先走
我咁諗, 唔係搏大家讚我偉大, 只係喺呢度做左成年,
同公司上上下下一直打拼, 佢地對我好好, 大家已經建立左一份默契,
對公司都有一份感情, 我都想見到公司成長.....
到時候再去第二度發展, 我都走得安樂d喔.......



>>August 31, 2003 at 7:48:31 PM GMT+8

2003 年 8 月 31 日 星期日 【酷熱】

今個weekend好靜局...
冇出去...只係琴日放工之後, 落旺角兜左一個圈...
經過女人街賣銀器嘅攤檔, 忍唔住睇下
之後...又破財啦.........我有講價架, 老闆都好張就, 豪俾我 :D
我為左隻新c, 打爛左原本隻瑪瑙c, (放心隻瑪瑙係假的)

每次都係咁, 買完嘢之後都會好後悔...
又洗埋d無謂錢.....

今日打左俾一個好耐冇搵嘅朋友, 原來佢中秋又去日本呀~~~~~~~
點解今個中秋個個都丟低我去旅行架???????嗚嗚.....................
好憎中秋呀, 憎埋d月餅同埋燈籠......
中秋好冇意思囉~~~~~~~

疊埋心水喺屋企把啦.............................................
真係冇意思, 呢個中秋冇意思............

ps. 冇啦啦發癲發脾四.......

>>August 31, 2003 at 2:11:19 PM GMT+8

2003 年 8 月 29 日 星期五 【酷熱】

今日好低落...
至從上奏兩壇嘢, 好down....內心一直責備自己, 好`U...
唔知點解我咁在乎今朝嘅事...........

忽然之間, 好down, 本來好想搵人出褻氻U偈,
但係我唔知點表達我嘅問題, 而且費時搞到happy friday變upset friday,
算啦, 唔想連累人...

所以返左謎g日記...

中秋節又蟆�, 今年我覺得會特別悶, 有d朋友去旅行, 有d一早離隊
而我, 又係咁樣過, 今年可能衰到喺屋企過囉...
節日真係令我又愛又恨....
愛, 係可以放假
恨, 係因為放假, 冇人約, 留喺屋企, 好慘......

最衰我攞唔到假, 如果唔係去一轉旅行, 散下心都好呀......

好渴望有一年節日可以過得不一樣的

>>August 29, 2003 at 9:05:31 PM GMT+8

2003 年 8 月 29 日 星期五 【晴】

唉......今日好黑, 我指做嘢方面,
首先, 一朝早收到統計處嘅信, 話之前出的貨冇報關, 我問運輸, 佢話我冇指示,
頂~~明明有同佢講! 下次要白紙黑字
佢話統計處會有咩額外penalty喎, 唉....呢d嘢點可以俾公司知道呢?
到時又鬧我啦, 又係我嘅錯啦....所以, 可能要自己鯁左去

跟住今日要轉數匯款, yen rate係咁飊.....之前一直觀察, 今日係deadline, 一定要轉數, 點知個rate仲高過之前呢......然後轉數嗰度又預得太緊, 唔夠額....又要麻煩銀行改, 我知銀行好不滿....但話晒佢地係有修養嘅人, 加上我係客, 未開口鬧我....

接二連三做錯嘢, 好"mung"呀~~~自己都嬲自己呀.....

今日撞咩邪, 點解會咁????? :((

>>August 29, 2003 at 12:55:53 PM GMT+8

2003 年 8 月 27 日 星期三 【綿綿細雨】

非常之多謝吉表弟~~
大家有冇發現我個日記多左d background music呀?係佢幫我整架~~叻嗎?
background music就係我近期好喜歡嘅"遇見"啦

今日我早左放工呀, 6:30走啦, 因為見到台北/深圳/上海d同事一早offline,
所以我咪啦啦聲收拾行裝囉~~
不過本身呢個禮拜都好舒服嘅, 係琴日忙d, 但未有做到斷氣嘅感覺....
所以我覺得自己有d懶散, 提唔起勁做嘢
有好多報表唔想做, 唔想理...
本來我仲要create一d新報表的, 不過.........呵呵
唔想開始住囉, 歹勢歹勢~(註: 台語, 唔好意思咁解)

繼續聽歌~~

>>August 27, 2003 at 9:03:49 PM GMT+8

2003 年 8 月 26 日 星期二 【晴】

琴晚好攰, 好早走去訓覺....
(實有人話我不嬲都早訓架啦...)
我懷疑之前去完台灣d攰喺今個禮拜一次過發出來喔.....
上個禮拜鬼咁精神, 我已經覺得奇怪....

雖然攰, 但唔代表訓得好呀,
早上5:00~6:00左右, 我訓下又醒下...
琴晚個夢好詭異....我同一班印度女郎跳嗰d傳統舞....
仲有sammi呀, 冇錯, 係鄭天后呀~~真係奇怪奇怪呀......

最衰呢個夢啦, 搞到我訓唔好..........

ps: "遇見"真係好好聽, 我忍唔住要講多次~~



>>August 26, 2003 at 11:24:44 PM GMT+8

2003 年 8 月 24 日 星期日 【雨】

而家不停翻聽孫燕姿嘅"遇見",
好好聽, 好好聽, 好好聽, 好好聽, 好好聽
呢首歌嘅吸引程度好似當年的天黑黑
有一種牽扯著的力量, 忍唔住要聽完再聽
加上首歌背後嘅故仔, 豐富左呢首歌
燕姿嘅演譯, 唔駛講, 棒!


>>August 24, 2003 at 9:29:50 PM GMT+8

2003 年 8 月 24 日 星期日 【陰】

睇番琴晚寫d嘢, 有d起雞皮, 唔好再講啦, 受不了

記得上個禮拜日呢個時候, 我去緊中正機場, 一副依依不捨嘅心情準備返香港...
唉, 又係台北, 唔好再講啦, 好悶, 受不了, 對不對? 好好好, 不講啦

咁講番琴日吧, 琴日幾充實呀, 首先去左唱k, 之後睇戲, 冇錯, 梁氏又益我睇戲了...嗰套"我的Band 5男友"都幾好笑的, 個男主角幾型呀, 我覺得...不過坐喺我地隔離對痴男怨女真係un頂到極點~~~唔好以為摸黑摷嘢冇人知, 好%&##...破壞晒睇戲嘅心情...算, 唔想再講佢地

睇戲之前, 我...忍唔住...買左嘢囉...唉, 亂花錢呢個惡習真係戒唔到, 嗯, 咁啦, 我地將呢件事用正面d嘅角度好睇會好d, 例如促進香港經濟咁呢...

之後我地去壽司亭食嘢啦, 食完嘢, 經過屈臣氏, 又玩多次個彩繪紋身, 今次整左喺腳踝...真係想搵次蟒u, 整個真紋身, 不過整左又要遮遮掩掩, 冇左個意義, 而且成世的, 都係唔好衝動...但其實我又好想...(煩不煩呀...)

跟住行左一陣金百利, 銀座, 再去左食糖水, 好味呀...

琴日就係咁啦, 係咪幾充實呢?

梁氏, 我記得你琴日句金句, "喺外地重拾自信", hahaha...係呀, 好想再去重拾自信...hahaha

喂, 梁氏, 唔好再笑我喜歡~c仔, 咁"琝痝萲w的杰倫 & shine都比我年青�...haha!!!!



>>August 24, 2003 at 1:16:16 PM GMT+8

2003 年 8 月 23 日 星期六 【晴】

"�"稄遜L"你們我們他們"...
愛情讓人甜蜜, 幸福, 沉溺, 執迷, 盲目, 懷疑, 冷戰, 反目.......

有時候覺得自己習慣左一個人的生活
有沒有愛情, 對我來講, 隨緣, 反正我是很獨立的

但有時候, 會很軟弱, 覺得很需要很需要愛情...
尤其大時大節, 眼見街上一雙一對, 內心特別不好受

當年有份參與gathering的朋友, 一年一年離隊, 一年一年疏遠, 因為佢地眼中只有男朋友...
記得有一年除夕, 出街玩完之後, 自己一個人搭車返屋企, 好悽涼...嗰種酸, 我仲記得

突然好感性, 唔知點解....
睇完書, 我又有點軟弱...


>>August 24, 2003 at 12:20:33 AM GMT+8