2004 年 7 月 24 日 星期六 【晴】

好開心, 岩岩同d同學食完飯,
d同學話我冇變, 仲好似讀書時咁青春喎~ 開心架~
真係羨慕佢地, 一個去左歐洲個半月...
另一個就幾個月內去左兩次泰國,
岩岩仲喺新加坡返...
點解人地話去旅行就去呢?
我想近近地去個台灣都要諗諗先....
真折墮呢.............
幾個女仔, 傾下傾下, 原來都傾左幾個鐘,
差不多11:00pm, 我地就散band啦....

唉...最近繼續愁緊新office的事啦....
我好想快d了結左件事囉....
真係好多野做的啊~~~~~

今日日本老闆問我老闆點解要搬喎....
咁我老闆就話佢地d人事問題
然後就問人事有什麼問題...
佢地要知道
於是就來問我啦........
講真, 當初我resign, 隔離公司的問題只係其中一個因素者.......
我唔想將我的呢個原因放到咁大囉..........
好似被擺上枱咁...........
唉......我真係覺得, 今次辭職真係製造左好多麻煩.....
辭職者.........點解搞到咁複雜的呢??

>>July 24, 2004 at 12:15:01 AM GMT+8

2004 年 7 月 19 日 星期一 【乍寒還暖】

今日心情好差.
好煩..

>>July 19, 2004 at 9:56:20 PM GMT+8

2004 年 7 月 18 日 星期日 【晴】

我最後都輸了...
我應承留喺度做...
大部份朋友都反對我做這個決定...
嗯...我當刻好難拒絕, 就當係對老闆有個交代,
及對自己來說比較有安全感, 有多點安時間找新工作囉...

唔知點解, 我覺得留低好似俾人"昆"咁...
雖然老闆答應搬office...
上星期我都搵左幾個....(辛苦得我死....)
聽日佢會來睇多次, 然後做決定....
看來今次搬office係真的了....
但我唔係好興奮...
好可能係選址問題囉...
我老闆鐘意的地方只方便佢搵朋友
但好唔方便我返工囉, 車錢又貴喎
但...最大問題係, 佢當初留我什麼都ok
而家唔係唔ok, 但係佢都係以自己為中心囉
佢揀佢自己喜歡的, 假民主...

另外, 我呢排真的俾班大陸同事激死我
咩都話急.....個個email主拍旨都係urgent, 真係想車爆佢
又話8月日本放假, 我地又去旅行.所以急
我幾想話我唔去囉....好Q煩....
然後個個客都好急架, 如果送唔到貨就會冇左個客...
成日將責任推到我頭顱上........
我出左銀行遲d返者...一返到公司, 都未坐定, 就猛催我...
好似8號風球那天, 平時的確係要俾d報表佢地
但岩岩嗰日出左銀行, 返晏左, 然後又要掛風球
佢地就驚啦, 又催我交表....
"小姐, 我剛回來, 我也要時間整理啊, 體諒一下吧..."
我真係忍唔住唔客氣話佢地....
佢答我擔心我做唔切....
交唔交得切, 我有分數....唔駛佢擔心
佢只係擔心佢自己交唔到差吧...
講到尾, 又係為自己..........
個個都係咁自私....
完全唔理我死活...作風依舊...
我對呢間公司真係好心淡.......
我真係期望快d搵到第二份工解脫

琴日有個同事恭喜我留低...
當刻我因為佢呢句說話而發火
好似食左炸藥....
嚇到佢唔敢再同我講野....
有d後悔發錯炮........
希望佢唔好嬲我...嗚嗚.............

>>July 18, 2004 at 9:44:54 AM GMT+8

2004 年 7 月 10 日 星期六 【晴】

唉...唉...唉...(三聲長嘆)
我琴晚終於向老闆辭呈啦...
佢應該係最後一個人知道啦...
呢個禮拜中, 我已經首先向supervisor招供了...
跟住一個傳一個, 好多人都知道了....
他們不停游說我....
我心裡其實好不捨, 但人是自私的, 會不甘心的
總想出去闖一闖...
有時明知出左去, 都唔再遇返咁好的上司, 咁好的老闆, 咁好的同事..
但不出去就會不甘心...
supervisor都明白了...佢本來都放我走

老闆琴晚睇到我封email之後, 首先打電話俾兩位supervisor...
然後打俾我....但我冇接到...唔係故意, 真係漏接了
今朝supervisor打番俾我...佢話老闆真的很緊張
甚至要星期一飛過來...唉...何必呢...

supervisor同我講左好多...老闆真係有心幫我解決問題
他琴晚甚至周圍搵人幫我解決office的問題...
佢叫我再考慮下...係咪做到年底...train好左個新人
如果都覺得唔岩做, 到時想走再走...起碼大家都努力過, 不會遺憾...
我都覺得佢講得好岩...但...唔知自己還擔心些什麼...還是想走

跟住, 老闆打俾我...佢二話不說, 開左好多條件...
又話"妳不能走, 拜託", "我最信妳的, 妳都知道"
我未聽過佢咁低聲下氣...
我當刻真係有d心軟...
我唔識拒絕佢地一番好意...

我心情好矛盾, 好複雜
而家搞到咁嘅地步, 唔走好似好奇怪
走又好對佢地唔住, 我驚而家唔走, 以後都冇得走, 或者走得好難睇
點解我唔趁大家唔捨得我的時候走呢?
咁樣大家都會留一個好印象...

我直情同老闆講, 再過兩年我30歲啦...
到時我冇作用, 要出去找工作會很困難...
佢就話"我是這種人嗎?" 唉...我好想喊
但係呢個世界冇guarantee....
佢最後叫我再考慮, 考慮要什麼, 佢會滿足我
但係答案不可以是no, 不做...

唉...
我好亂...
係咪要聽supervisor意見, 做到年底再算呢...
點解我要辭職都好似好複雜呢...
喊......................

>>July 10, 2004 at 4:00:48 PM GMT+8

2004 年 7 月 6 日 星期二 【晴】

返左屋企冇耐....
原來琴日(5/7)老細薔狎輕�....

lunch時打俾我, 問我喺邊....我先知原來佢薔狎輕�
然後下午2:00幾, 佢send yahoo msg話要同個fd & 佢個fd d staff唱k...
當刻我諗左一陣先覆佢....因為我唔知點答囉...
內心唔想去, 但係又明知唔可以唔去....
我諗左兩秒都唔夠佢就叮噹我.....要我即刻覆
ok, 我咪扮開心話好囉....

呢舖真係愁....
一來撞岩今日出貨, 著得勁樣衰...
二來我最唔識應酬呢家野,
我唔識幾時要斟酒, 點樣敬酒先有禮貌
飲的時候, 係咪一定要乾杯?
骰盅...我唔識玩, 大話骰都唔識, 猜枚又唔識....
飲酒又唔係好得....
唉.....真係愁...........
成個下午就係愁緊呢件事,
加上出貨嗰度咁岩出左d問題, 令我愁上愁....
我諗真係冇人好似我為應酬愁到咁...

好啦, 去到唱k, 我老細唔唱歌啊....
佢比我想像中沉默....
我以為佢會喪猜枚, 喪隊酒, 仲要係隊人飲...
(因為上次去台北食飯時, 佢周圍逼人飲嘛........)
但佢冇喎.....反而佢個fd就周圍逼人飲...
我都飲左好多杯.....因為骰盅嗰度輸囉....
好彩老細幫我頂左幾杯囉....
嗯....就係咁, 酒肉左一晚啦....

成件事的結論係, 應酬可免則免
我唔岩呢d場合啊........

>>July 6, 2004 at 1:35:21 AM GMT+8

2004 年 7 月 4 日 星期日 【乍寒還暖】

而家凌晨兩點幾....平時呢個時候已經訓到不醒人事..
而家太精神了, 所以打下diary啦....

岩岩...啊~而家應該講琴日,
係.....琴日放左工之後, 去左唱k,
因為天氣唔係幾好, 所以揀d室內活動,
加上我封左咪兩個幾月...咪去唱下囉....

之後我地去買飛睇戲
冇啊, 前日, 被個同事疲勞轟炸,
猛同我講spiderman有幾咁好睇, 幾咁型
ok, 我就入戲院見證呢件事...
哇, 2院爆晒, 乜呢套野咁多人睇喎
睇完之後......well, 我覺得ok啦..........
ok型囉.....咪同以前細個睇卡通版的spiderman差唔多...
算啦, 都娛樂左我2個幾個鐘...ok啦

嗯....我真係一個好衰的人...
人地唔搵我, 我就唔識搵人的...
慶幸我d朋友好好, 個個都好好
當我潛左一段時間, 佢地就會撈番我上來...
前晚有個朋友打電話, 問我近況...(感動)
我將我辭工的事講左俾佢知...佢俾左好多意見我
亦好支持我呢個決定...
多謝妳啊細con, 我唔會收埋自己的,
仲會call爆妳tim! 放心啦^^

對於辭工呢件事, 我真係掙扎左好耐
甚至而家呢一刻我都仲有掙扎...
(係咪已經聽膩了? 容許我繼續講...)
好多朋友俾意見我, 而且佢地全部都支持我決定
多謝你, 你, 你, 仲有你.......
好奇怪, 你的說話令我想通許多許多...
多謝你在我最迷茫的時候出現....(又感動)
總之多謝你啦, XX

>>July 4, 2004 at 2:41:04 AM GMT+8

2004 年 7 月 1 日 星期四 【清涼】

今日係1/7香港回歸7周年...
舊年今日天氣好熱, 好多人上街遊行...
今年天氣仲熱, 而且好焗, 但依然都好多人上街遊行...
我呢d政治冷感的人, 只有乖乖的留在家裡做公司嘢...
係啊, 琴日上左大陸開會, 今日嗱嗱聲寫好份minutes...
我寫minutes好慢, 所以寧願今日寫左去

伯伯呢個星期返左來了, 佢返左印尼三個幾月,
就好似好耐冇見的老朋友, 佢返來好親切啊...
佢今日又返去了, 走之前, 佢話希望下次返來再見...
自己忍唔住爆響口, 透露左自己想resign的事...
佢都有勸我留底, 佢話我個位最好做, 獨立行事喎....
係嘅.....有好有唔好囉....唔好的時候真係好慘...
同埋我真係想轉下環境囉...呢個係我走的最大理由

不過我真係好掙扎喔....其實公司上下, 除左d大陸同事外
其他人都對我好好, 老闆唔發癲時都對我好好...
如果我resign, 好似辜負左大家對我的好...
出面可能再搵唔返呢d人情味
可能再冇公司尊重我呢d小小員工...
想到呢度我真係有d掙扎, 好難開口....

但係人要進步, 如果成日停留在一個地方
就會懶惰.....唔想郁...我唔想咁啊
我諗轉工係其中一條出路...掛...

唔知啊...我諗要在公司旅行前盡快搞掂件事...
費事去完旅行先resign..俾人誤會我貪小便宜....

唉....好煩....................

>>July 1, 2004 at 8:46:48 PM GMT+8

2004 年 6 月 27 日 星期日 【酷熱】

今日第三次寫日記了...
嗯....時間過得好快, 三個星期眨下眼就過啦....
吉表弟今日返澳洲了...
佢而家應該差唔多到機場了....
期待佢下一次返香港^^

>>June 27, 2004 at 9:17:47 PM GMT+8

2004 年 6 月 27 日 星期日 【酷熱】

寫完又寫...
冇啊, 想補充少少野0者........
大前晚表妹send左"日本一百"我睇~~
勁正~~
唔睇都唔知有d咁嘅奇人奇技....
大概可以分動物篇, 人類篇...
人類篇仲可以細分為天生異品篇&喪人篇....
嗰d天生神高神大, 六指琴魔就整定佢係天生異品的
但係d喪人真係.....
我真係好佩服日本人冇聊得來好有創意的文化....
其實好多奇技都係個人太冇聊..狂"躁"出來的....
有d真係幾好笑, 但有d就好噁....
有興趣問我要啦, 我forward俾你~ 呵呵~~

>>June 27, 2004 at 2:42:28 PM GMT+8

2004 年 6 月 27 日 星期日 【晴】

ooh~~~琴日我去左南丫島啊~~
好開心啊~ 呼吸新鮮空氣, 食左件tiramisu,
然後行去海灘, 好多人啊~
我搵左個烈日當下的位置, 舖好我的沙灘"脊"...
yeah~ 預備曬太陽囉~~
我選擇左乾曬囉....冇帶泳衣啊...
本來怕悶買左d雜誌, 諗住一邊睇雜誌, 一邊曬太陽啦...
但係我發覺自己真是坐不定的....
睇睇下就放低雜誌...周圍望人啦...
女仔著bikini, 男仔就beach boy打扮...好有夏日feel喔~
我望番自己...ㄟ.....好似著錯衫....身上的布多左d咁.....
算~ 我只係曬腳咋嘛....(好明顯在死撐.....)
跟住我"梢"到坐在隔壁的小洋妞....佢好鬼得意~~~~~~~~~~~~~~~~
真係好鬼得意啊~~~~~
白皙的皮膚, 金色卷曲頭髮, 紅紅的小嘴, 呵呵~~ (夠啦, 好AV...)
後來, 有個好鬼肥, 赤裸上身, 黑黑實實的, 帶漁夫帽,
一身潮爆beach kid打扮的小洋鬼子走去:�嗰位小洋妞...
小肥洋鬼子仲趴地, 擺出誘惑踢沙pose...真係夠訓身...
好得意, 我覺得小朋友的直接, 簡單好可愛~~ 呵呵

我終於按奈不住...傻啦傻啦...我唔係:苭J...我去嬉水0者...
哇, d浪沖埋來好勁, 不過好正~ 最衰d沙粗糙左d...
後來我坐左喺舊石上面, 諗住讓對腳直接同陽光接觸...
(筆者真的爭取任何機會, 想盡辦法讓自己對腿曬黑....@@||||||)
點知我聽到後面有d怪聲
呀~~~~~~~~~~~~~~係蟬啊, 我生平最怕的蟬啊~~~~~~~~~~
佢六腳朝天, 掙扎中......好驚, 我促逃~~~~~~~~~~~~~~~~
跟住我轉去另一邊避蟬....
啊~另一邊好正, d浪沖埋來好舒服,
但係突然來了幾個大浪
害我一時放鬆了腳趾....
其中一隻拖鞋沖走左.....
好無奈, 因為我冇辦法救佢.....只能乾瞪眼......
懷住一種悲愴的心情, 我返回我的沙灘"脊".....繼續曬....

坐坐下, 我又按奈不住去嬉水...
我去返拖鞋被沖走的現場....
諗住睇下搵唔搵得返隻屍骸~
靠!!!!!!!! 真係搵得返, 佢飄返上岸~~~~
喔~~~~我當刻完全感受到咩叫失而復待喔~~~~~~
好開心好開心~~~~~^^
成個旅程都好開心~
玩到差不多7:00, 我地走lu....

嗯~ 梁氏, 我記得妳琴日講的嗰幾句
其實我而家對辭工仲係有d十五二十...
我好想走, 但係我又顧慮道義問題....
我知咁諗係幾蠢....梗係為自己前途著想為重...
嗯....唔知啊, 我內心又掙扎起來.....
不過我會盡快決定點做架啦.....

>>June 27, 2004 at 1:51:31 PM GMT+8