2015 年 1 月 25 日 星期日 【晴】

最近j2都做返love live! 但係感覺上又冇網上講到咁好睇
起碼冇上網追返果種衝動 至少睇高達
平常只會係電視睇而唔會上網dl黎睇 都追左兩套
歌唔係唔好聽 舞又唔係唔好睇
但係始終要比的話 k-on 真係好睇好多 而且個感覺兩套d人物好似重疊左咁
不過可能吸引o既地方就係 9個女主角有各有各風格 樣貌 所謂大包圍就係咁o既意思??
而且近年來都好興 跳舞時就變 3d 所以會受歡迎掛....

生豪終於都擺酒啦 其實lee d日子 都算係同d好耐冇見o既朋友聚一聚的好日子
終於都見到邦邦個女 好得意 估唔到bobo竟然都生左個女 仲要比邦邦個女大
一直以來 都覺得佢有小小輕度弱智 點知....
六年了 或者我地lee d比較理性o既人 樣樣都諗過晒 最後都係得個諗字
諗到咁上下大好姻緣都走左.... 看來...越原始o既人 生活得更幸福...?

其實當晚都冇咩好做 飲飲食食 同生豪講野都唔夠10句
不過阿水又忽發奇想話去睇戲 阿蔡開頭都一半一半 而我一定係捨命陪君子
點知阿蔡個朋友都出左mk 所以 飲完就出發 3條友仔出左去mk睇啦
阿蔡join左佢d朋友之後 我同阿水就去買飛先 買完就落左麥記坐
好耐都冇同朋友傾計啦 因為一直都冇錢 就算有人搵我都唔會出
其實都估到不久將來會發生 我第一眼睇佢 已經覺得佢唔會跟你一世

有時都發覺得自己睇人都好準 以身邊朋友黎計 幾乎都摸清楚晒佢地o既個性
而且我一直都同老鼠講 阿傑係信唔過 點知有人就比人出賣左
不過比著我都會啦 出賣一個朋友 換個老婆返黎 抵到爛
名星方面 陳嘉寶 顏卓靈 兩個 以前未紅時都曾經瘋狂鍾意過 話佢兩個紅硬
但係自從佢地紅左就開始唔鍾意 感覺佢地人變左

12點半阿蔡join返我地果邊 就入場啦 小有地 又入場睇戲
80分鐘死亡直播 一二集都好似同佢兩個睇 當然有其他人啦
不過今次第4就有點令人失望 佢兩個其實入去打算驚一番的
原來第四集係用黎交代返件事係咩由來 所以都唔恐怖
散場時有種失落o既感覺 同時好完滿 (佢應該唔會有續集掛....)
搭車返大埔時都撞到肥旋 又係好耐冇見 佢都好似讀完大學 真幸福呢

偶爾有d咁o既日子都不錯 雖然我平日好似獨行俠咁
出到黎 有時好high咁 有時又超靜 好似生人勿近咁
不過 同朋友一齊有一齊玩o既樂趣 一個人有一個人的開心 最重要係 平衡到自己o既心理
調節到個平衡

>>January 25, 2015 at 5:16:20 PM GMT+8

2014 年 11 月 28 日 星期五 【晴】

香港大事 佔中 作為一個80後o既小市民 一個學歷不高 工作不高尚 收入也不高的青少年(?)
就算一個招牌車落黎 起碼都死十個的小市民
而仲有37年先可以拎返果個仆街老強 如果我死唔去 未來37年o既香港
就要睇下係一個掛住幫阿爺瀨鞋底o既仆街
還是大家公平去選出來 就算係仆街 都係自己簡o既領導人去帶領我地

自f1開始98年 已經有一兩個講半鹹不淡o既廣東話o既同學
f4 又多幾個 到到上幾個月的7月入左美心度做 已經有80% 入面都係大陸人
你話我地歧視佢地 我入到去都係比人話係香港仔 係煲係貶就自己去衡量啦
如果你覺得自己o既種族係一個值得自豪的種族 比人話係香港仔 又有咩問題呢??
咁到你見到d大陸話話佢大陸人就係歧視 哈哈 笑爆嘴啦 我應該話你係咩??
叫你強國人 字面上係話係強 你自己gag到咩 咪就係咩囉 身有屎?? 蝗蟲的話我都覺得有d過份

不過我家姐剛生左b 咁佢就直接感受到比人搶資源的慘況 我覺得佢就絕對有資格去鬧蝗蟲
其實都幾搞笑 佢就生得o既時候就入醫院啦(我唔係好清楚點,總之就入去等生之類)
之後又有大陸人衝急症室 咁因為冇床位 要瞓廁所門口 搞到咁又有咩為呢
如果真係一個好國家 有好o既領導者 有個好o既政府 又點解要逃走到人地o既地方呢??
不過我真係唔知 佢第二日已經要出院 據我一直以來所知 應該都會瞓幾日
探佢時都問 "wa 做咩你咁快就出到院架" 佢話 醫院都冇床位 (講埋頭先果件事) 咪要出院囉
件事發生係自己身邊 終於明白果d太太做乜咁激動

作為一個小市民就以返我作為一個小市民o既角度去睇:
成個月冇上fb 所以之後都冇乜咁睇到d真相 因為tvb已經經過處理先放d新聞出黎
因為上左youtube睇返d原片之後 完全係混淆是非 歪曲事實 我記憶比較深刻的
催淚彈 第一日就用啦 錯晒 可能香港警察安逸得太耐 一有大事就嚇親啦
唔好話咩 睇新聞佢地話d警察連日來乜乜物物搞到好大壓力
其實第一日d警察已經好似黑社會咁 咆哮d民眾 有咩工係冇壓力 依家先係你做野o既時候
淨係要你好似平日行黎行去做紙板警察 得閒見到d比較得o既o靚妹就去逗下人
咁你同d"實q"有咩分別 我知好多毅進仔用咁o既心態 (當然有好多其他部門o既警察好忙)
不過金鐘果邊幾個警察捉左個示威者去打 又比tvb拍到
https://www.youtube.com/watch?v=Nzgb0Dc9ZIU

之後 有大量黑社會出黎搞事 d警察就等黑社會做晒野先出手
其實真係好老土 如果真係驚 你第一日放催淚彈就走人啦 而且對住咁多人 你又可以做咩?
但係可疑之處係....事件完左一件 先到一件 警察搞唔掂 d黑社會就出黎做野 d時間又會咁o岩??
以我所知 黑社會 一係為氣 一係為錢 但始終錢大於一切 但要動員咁大量黑社會出手
又會係咩人 又有咩人先有咁大o既權力呢? 我唔相信旺角d小商戶夾錢請黑社會做野囉
有能力去同黑社會抗衡 最熟識黑社會的活動 黑社會又會比面你幫手做野 有大量金錢
而且想盡快解決佔中事件 我諗爆頭 香港都係得一個咁大o既"團體"....咩"團體"就心照啦
再講 周融指黑社會是佔中受害者 家陣d黑社會原來係攞正牌架?? 我都係依家先知orz

之後到學聯與政府對話果度 我真係笑到出腹肌 真正o既太極高手呢~
作為一個小市民 我對立法會什麼什麼係完全唔知佢做咩 更何況40以上 知識水平比我低o既就更
但在我眼中(小市民視點o.o ) 立法會果d人 大半都有錢有面
加上年日來睇新聞 感覺上好多都係為打份工 個個都話退休應該就可以直接退
好多都送晒d仔女出國讀書 而且講到大陸咁好 做乜唔送佢地返去讀?心照啦
香港o既未來 佢地好多都冇關係 只要你瀨阿爺鞋底 安安份份做到收皮

不過講返 我地o既特首真係威威 一出事就唔見左 過幾日先知閃左返大陸
之後習總呢 就大讚佢什麼疾風知勁草 哈哈 我知 走得快 好世界 好一個疾風知勁草~
而且我眼見就係 責任一層卸一層 cy > 葉劉 > 警方高層> 現場指揮官 > 執行警官
大事化小 小事化無 疾風知勁草 好!!

依家其實政府係乜都冇做過 只係果班人去申請禁制令 依家就又拉又鎖
完全冇正面去解決過個問題 一直拖 其實我都明
如果我係我的話 正因為大家都覺得香港"應該"係講法治o既社會
明知示威者做唔到d咩 只要叫d警察頂住 (只要你小暴力 我名正言順去執法 拉得)
得閒就叫d高官出去同示威者代表吹下水 (有聽你地意見 只係達唔到共識)
講到好似有好誠意去傾 過多一排 就會有頂唔順o既市民人做野
因為佔中 係某程度上會令社會做成不便 正因為影響到社會 先可以有溝通o既酬碼 就係咁簡單
( 問題黎啦 如果同平時冇分別 政府都唔會正面也好 好似依家陰陰濕濕地解決問題)
到咁上下就會怨示威者 話 又唔係唔同你傾 只係你地唔滿意之類
(好有趣 d人完全唔覺得政府冇認真解決問題而係去話示威果班人)

如果依家政府唔係開頭用左催淚彈 又爆左咁多負面新聞 又用神秘人 三兩星期佔中應該就玩完
現在 正因為香港"政府"係國際上臭左 只係政府個名臭
(當然cy係tvb昆d阿公阿婆話香港個名比人整臭左)
而香港人比人冠上最和平的示威者之美名 先佔到兩個月

作為一個小市民 我都只係睇到小小野

>>November 28, 2014 at 7:39:19 PM GMT+8

2014 年 11 月 25 日 星期二 【晴】

已經成個月冇上fb 而且都冇去睇akb o既節目 而上次上日記網又壞左 都冇時間去抒發下d怨念
依排akb音樂game有d新單廣告咁 睇到就有d眼火爆 燃起我的憤怒
如果總選以一直以來的心態睇 我一定打爆個monitor 以前睇係希望我鍾意的會有高位
但現在入圍已經好滿足 最好討厭o既唔係度就最好啦 可惜...........

麻友 一直以來都冇咩特別感覺 只能說唔討厭 但至少我收到佢第一時我開心
因為如果總選第一一直比個醜女霸住 真係冇眼睇

第二位正是醜女也 人地話佢搞笑 真係笑唔出 美腿 更美的大有人在 長又唔夠長
美顏更是天下間的大笑話 以各放面黎講 能夠成為偶像 已經係奇蹟
不過上網有人都話 醜女 只能夠係大團發展 不過你話佢單飛 都不敢想像啦

柏木 同麻友一樣 一直以來都冇咩特別感覺 但我印象中係比麻友鮮明 腹黑之類的
而且以樣黎計 佢都算係top 10 找不到討厭的理由

珠撚 自佢剛出 到現在 未曾有一刻鍾意過 正因為唔鍾意所以一直冇睇 所以有咩好我不能理解
我眼中佢樣衰真係數一數二 但都係果句 有人話佢靚 各花入各眼
而且剛出果種硬sale真係討厭加討厭 同醜女一樣 節目中一睇到就會飛 就算錯過都唔想睇到

玲奈 好物 病態美 清秀 純潔的感覺 馬路須 演激辣 同佢本身形象完全相反 更加喜歡

山本 靚??都係聽人講啦 hkt未出之前都有留意mnb 唔小心都會見到
但佢個面型鞋揪面 而且好似比人打左一拳咁 又話佢跳舞勁 更勁的大有人在
隊長有責任感之類 又有邊個隊長係差呢?? 說實話 mnb冇人 硬推一個出黎 除左你 都冇第二個
要說的話 我相信佢一定係運氣好 如果唔係 等下世啦

paruru 鹽神 team4時代已經鍾意 靚女 本身就有優勢 不解釋

陽菜 takamina 本新就鍾意咪 no3b 3員 沒有討厭的理由 只有喜歡的原因
而且客觀d睇 有此等位置都好正常

須田 靚 係幾靚 但感覺人好假 超造作的感覺 第十 不合理

小櫻花 唔討厭 樣一般 而且hkt一期 人氣已經有咁上下 不過上到11都有d愕然

宮澤 一直以來係我眼中存在感都比較薄弱 但係又keep住係十多位 冇野討厭 男性化 吸女fans

橫山 最討厭的其中之一 樣 超麻麻 人 感覺好小家 但有人鍾意 吹佢唔帳 不值有咁o既位置

生駒 乃木坂新出時就有睇 開始時 唔講野冇咩存在感 一講野 好似弱智咁
乃木坂更好的大有人在 七福神就不講
伊藤萬理華 川村真洋 齋藤飛鳥 永島聖羅 能條愛未 大和里菜 等等
有特色 有個性 樣中上 但冇運 營運唔推 講都無謂

柴田?松村? 乜水??

川榮 樣係ok 又係好假 超討厭

渡邊美優紀 靚女 性感 但形象負面 傳說中有黑歷史 18 已不錯

北原 十大醜女之一 一直係高位都唔知點解 成日話做中堅 但好多時電視節目出左場都唔覺

入山 定位感覺好宮澤 但我覺得麻麻

兒玉 樣一般 但又一期 一直有不少人鍾意 21位差唔多

咪 已經多年 票數都差唔多 入到Under Girls都算不錯

mio 傳說中的黑櫻 躺著也勝利 我鍾意 :p

真子 西野 意為會更高 可惜....

老實講 咪打後除左鍾意果d 都冇咩感覺 最近上twitter多 靚 可愛 日本少女真係多到....
但akb top有一群醜女充斥 未來 真係不堪設想 要造話題 已經夠 可以送d醜女走

黑氣"日記"完成 舒服晒

>>November 26, 2014 at 9:24:57 AM GMT+8

2014 年 11 月 25 日 星期二 【晴】

原來 對上一次寫日記(??) 已經係2012年 依家 都係已經2014年的年尾了
或者xg摺埋左 因為xg都比較方便 而且唔洗用法語 圖同片都方便up
不過算啦 早已經唔係日記 而記的都是一d公開討論 幾乎會比人殺的一d事
所以都係叫做 為求抒發一下
不過lee兩年間 有好幾次都想進行日記 不過日記網好多時都有故障 過左道氣 就懶啦

話說 剛剛出去跑步 咁剛好出發前就好似有d野會發生咁
因為平日好小心的我都唔小心"倒捨"野 搞多左我成個字先出發到
行行下 係果條奇奇怪怪o既隧道有個好靚o既女仔行上黎 基本上平日都已經好小人會行
更何況已經晚上10點 夜媽媽一個女仔點會係果度行出黎呢? 不過望左眼就冇理
等過馬路咁果個女仔黎問路 其實都顯得有點措手不及 (異性 仲要靚女)
佢問我太和同大埔火車站點行 我問佢試唔試下搭車 佢話唔好
咁我就直接指左比佢睇 其實都要行4個字左右的時間
因為我會睇紅綠燈冇行佢就行左先啦 其實我都心諗 好唔好帶佢行呢??
佢行我前面 我考慮左10秒左右
算啦 廢事比人覺得我有d咩企圖 咁我就一如以往地一支箭咁過佢頭 去跑步

唉 好衰唔衰 我自己都認為自己係一個好麻煩o既人 因為我會對自己所做過o既野
不斷地重複自我檢討 剛才 我係咪應該帶佢行呢之類 不斷地係我腦裹面纏繞....
跑都跑得唔順....
回程時 見到周威 同佢吹左一陣 講講其他"朋友"的近況
但我發覺 現在最有問題的竟然係自己 以前 我起碼做大 工作四年 人工已經係各圈子之中最高
現在 書 冇錢讀上去 工 冇去搵 加上身體上各樣o既問題 最失敗的 係自己
以前 有人話我係一個傲慢o既人 但當時我係公司 5-60人之中的top 5 我傲得起
現在的我 擔心lee 樣 擔心果樣 冇晒信心 一次的打擊 竟然如此深刻....

話說暑假時去左美心做野 果度d人...不講也罷
我係一個極敏感o既人 但係 我分唔清係咩感情 還好小小的打擊 令我有更大的決心 走
現在 冇野做 一個人 就會有好多回憶爆返出黎 就如森美大哥一樣
戀愛o既次數不多 但又會體會到好多野 先唔講失敗的感情
諗返 發覺有大量綠燈亮起 我自己都呆呆的咁錯過左
如果...如果有咁多如果 就冇依家o既我
與其未做而淡淡完結而悔恨 不如做過而失敗的回憶
所以話 我同d狗公"朋友"講 如果我有你一半咁唔知醜 咁狼死 我依家 就唔會打緊lee段野........

>>November 25, 2014 at 5:09:04 PM GMT+8

2012 年 10 月 4 日 星期四 【晴】

猜拳大會~之前果一界都仲係佢所講的~

平等的~一切都由上天決定的C位爭奪戰~

但今次.....看完島崎遙香與仁藤萌乃的最終一戰之後...

就想到~剛剛完結的....造王者....

頭兩界都明顯地出現左強烈對比~一個不怎麼受歡迎的內田勝出第一界的猜拳大會~

結果...?慘淡收場....起碼當時我都已經開始有睇AKB而...當時佢首歌真係聽都未聽過...

就以一般akb的綜藝節目來說都會大播特播~可惜....冇~

而第二界的優勝者篠田麻里子~

待遇就完全不同~雖然當時我都係冇特別留意到猜拳大會的新聞~

不過完左大會第二日就有好多新聞啦~

好快~個pv都出左~之後~直到下一張單曲出之前...akb無論咩節目幾乎都會播....

明顯地~兩者效果差天共地~

(當然可能我唔識內田冇留意~但篠田麻里子起碼就算唔睇akb o既人都會識)

所以....第三界的睇落都有小小陰謀論....

以前田畢業來講~akb失去一大支柱~(對我來說當然冇影響啦~)

但係好多人都話paruru都係係次世代ace~

唔好話頂前田個位~下次總選將會入選拔的~九成都會有佢份~

所以....睇最後決勝的片你就明.... ->>

仁藤當時個樣係十分緊張的~而且十分的糾結的樣子...

而paruru就算win左都係冇咩特別反應~當然可以話佢開心到呆左之類~

但係...如果你收到命令...叫你當時一定要出咩....

而內心不斷係命令~同C位之間鬥爭的同時~想到自己無謂因一殺那的光輝~

去同自己以後的星途作對~只好忍痛輸左佢....

上網睇~人地都話係比佢試水溫~如果lee張單曲做得起的話~

就証明比paruru上位冇問題~而且食住個勢上神7都得~

對我來說不係好事~我都幾喜歡paruru的....

2012 年 10 月 3 日 星期三 【晴】

organizational management

Yai ping restaurant is a fast-food restaurant. as the business has been making profits,founder Tommy Lau is considering . Opening a branch . Currently, since he is usually in the shop ,he can immediately handle any problems that arise . To develop a new shop in a different area would mean a need to establish a control a control system for the two shops so Mr Lau can effectively both restaurants.

Briefly describe the common qualities of an effective control system that Mr Lau will need to establish for his shops.

>>October 3, 2012 at 11:55:53 PM GMT+8

2012 年 10 月 3 日 星期三 【晴】

organizational management

>>October 3, 2012 at 11:55:36 PM GMT+8

2012 年 10 月 1 日 星期一 【晴】

好耐都冇打過啦...由以前日記~到周記~由周記...到可能幾個月先一次...

完全係因為一個懶字....

大事都發生好多~但係都係d唔好o既事~入左間仆街公司~有一班仆街~做左好多好仆街o既野....

有好多機會~有好多好似好事幾乎會發生~但係...

完全因為一個字....淆....

不過突然有感而發的原因係....

話說...即使中秋國慶而連續幾天放假~都冇事好做~一如以往我o既規律生活~

都一定唔小得~跑步~開始時~都可能因為想減下磅~

但現在都見到冇起色而有點氣餒...

正因如此~心態就開始有所轉變...由減磅的目標轉為生活上的習慣~

所以~食的習慣由禁慾變為縱慾....

還好都保持住一定的水平...如果要計的話....

男仔睇我~以前有6成會覺得大隻~4成肥~依家9成都覺得我大隻....

女仔的話...以前7成都覺得係肥...現在....起碼有一半以上至少唔會係覺得肥....

而且最近收視率奇高~到底...係誠誠的手信問題~?定係因為我自己呢...

我當然係希望我自己啦....

最古怪o既係...我跑步姐...邊度黎咁多肌肉呢??

有幾位專家??都話我只要操下就會好fit...咁我諗...我之前收埋落好多貨....

話說回頭~

昨晚跑步時~都差不多到一個小時的尾聲~

突然有一行6-7人突入運動場~三位少女~兩個太太~兩個小朋友左右~

有兩個少女突然加速係我前面跑...雖然睇落好出力跑但而唔見得快~

不過...佢地發出陣陣....你的氣味....

每次聞到你的氣味時...都會諗返起當日對你有幾差....

但同時會諗返起當時可愛你....為我的付出...對我的好.....

到底上天想我留住一段美麗的回憶....還是一種名為內疚的咀咒...

有一個問題諗左好耐~但係一直都有小小糾結....

點解小朋友~即使自己玩都可以咁開心~?

到今日我見係運動場中見到的小朋友~突然諗返自己小時~

無論一班人~還是一個人~都可以玩得好開心~

小時...好多時都會因任何事而好奇~因好奇而產生興趣~

以我來說的話~細個住林村~其實每日都行日一條路~但每次行都會發現新的有趣事物~

所以除左做功課之外~基本上任何時間都係開心的渡過~

因為...我的每一秒都期待著下一秒....更深信...下一秒..定比上一秒更開心...

充滿希望地過活~

現在...知道的~比以前多~我明白~現在一刻~做A事件~就一定出現A-1,A-2,A-3的展開~

但絕對唔會有B的出現~

最好的結果~你知道~最壞的結果....你明白...

人生...充滿左絕望...煩悶...刻板....

試問一生人有幾多個可以中到六合彩?就算中到...都因為你買左....

最好的~你早已經知道.....

2012 年 4 月 16 日 星期一 【晴】

怎麼垂頭你不語共對但無言
難道你未發現從來未變
當晚片段未曾掠過　一生一世在纏著我麼

開花結果　回憶起最初
曾一起答應過四季携手過
留低這結果　沉溺於痛楚
還欺騙自我你哪裡有離開我
讓我狠心的捨棄　殘忍憶記要決定忘記
誰用心栽培已枯萎了的你

2012 年 4 月 14 日 星期六 【晴】

緣份??

講到緣份...要相遇...不容易...要相識...更不容易

要相愛...難上加難...

此等道理大前題當然要係認真的戀愛啦~

你晚晚換人的話...相信都只係停留係相遇o既階段....

同一個人玩多幾晚都可以算係...相遇多幾次...

香港話大~不大~話細~都唔細~

如果有70歲命~相信都可以撞到半數人以上~

而每一個人都有佢o既故事~佢o既人生~

當你覺得~你係初戀~你覺得欠佢好多~你覺得好對佢唔住~

原來~你係佢o既生命~佢人生~佢故事裡~

只係冰山一角的小事...到現在連你在她身上留過的傷痕~多少的吻痕...

都忘記得一乾二淨....

我寧可你對我恨之入骨...臭罵我一頓....比起遺忘....相信會去得更加安心....