2009 年 7 月 1 日 星期三 【晴】

當晚~3點鐘已經打算去訓了~可惜...訓唔著...

都唔可以話訓唔到o既~因為...斷斷續續加埋我諗都訓左個幾鐘到....

早上~無無聊聊地睇網球王子~都幾好睇的~

有人話誇張~係~誇張的~我唔鍾意睇運動類的~但係我鍾意果種美型~

而且佢講到有有文有路咁~睇下都無妨o既~反正冇野做~

11點就出發落去樓下等阿水~等左好耐~佢打比我問我係邊~

佢又話平時放低我果個位~你又走左去前面...

好啦~之後就join埋阿蔡同阿基~再出發去石澳了~

嘩~勁多人呢~仲要冇位拍車...只好返轉頭搵位啦~

完成所有事項之後就打的返去了~去到我都換左衫先~再去join埋阿水d朋友~

或許...今天來的決定是錯的....

其實...果班人又唔識~假設果幾個女仔叫做~一般~的話呢~我諗我地唔會話分開玩囉...

阿水都同我講過架啦~佢地係師姐果d級數~(不過係年紀~)

但我萬萬想不到如此惡劣....

咁話晒都去左沙灘~就去用海水洗下腳囉~行左一陣都返去了~

見佢地班人都唔肯走~我地都坐埋一邊算了~

玩啤牌...黎d到咁o既環境真係有點....本來我都打算睇書算的...反正我有兩本~

不過...阿蔡同阿基點呢???一齊玩囉~反正阿水有女都唔陪~陪我地~佢都夠義氣啦~

我點可以咁樣做呢~

其實我真係好想走~老實講寧願一個人去唱k~一個人行街都好過黎lee度~

點解~?一個人唱k都可以發洩下~一個人行街都可以睇下風景~

黎度lee度~就見到一班又班的情侶~做埋d睇到都想咀咒的行為~怨念....

走啦~反之lee一段拎車之路係今日最開心的一段時間~

風景真係幾靚~而且好有感覺~不錯的~

太累了~上車都去睡啦~返到屋企都幾乎頂唔順~12點左右都頂唔順~入房睇左陣書~睡了~

今日...太懶了...加上都冇練琴~冇去學~熄電話....唉...又要返工了....

佢地就好啦~慶生唱k~

2009 年 6 月 30 日 星期二 【晴】

星期五~其實我走左落舖頭~

做咩~?我一落到去阿媽就問~你唔係要結婚呀~??

我話~梗係唔係啦...佢再話~你家姐話你可能落黎問你拎錢結婚呀~

我真係冇你地咁好氣....女朋友都冇~結條毛咩~

其實我落去既主旨係...將屋企o既外敵擊退~

用左我個幾鐘~一輪這個那個~基本上我係唔會話輸~一定~

因為lee度係我屋企~所以~凱旋而歸就是了~

星期日~下午肥南fb叫我~問我去唔去食飯~

本身今晚周兄搞bbq的~不過唔知好似冇左影~是但啦~有又好~冇又好~唔理了~

冇野做~就話同佢去啦~原來佢一個人都未約...只好...我約啦~

好多人都唔得~有冇錢的~有唔得理的~有好多都...同佢唔o岩~

係咁架啦~如果要講~好多人都討厭佢~我就覺得~有討厭的地方~但都有優點~

晚上就同左肥南大健出去食飯~

首先就出去啦~之後佢就同佢d舞友行街~喔~果兩個妹都有小朋友feel~不錯~

不過...應該有代溝同真係唔識的關係~都係冇接觸過~

咁分手之後~我地就去左打邊爐~勁食...差d爆肚...其實我飲得多就是了~

傾左好多以前o既野啦~的確~好開心~又講下家陣發生咩事啦~

過去的一切~食到成11點幾先走~

不過走果陣真係想死....行行下覺得好急...點算...仲要剛剛有車來...死啦~

要搭成個鐘車先返到屋企架ma~好彩中途訓左陣~如果唔係有排受....

星期一晚~返工了~本來意為係最後一天夜班~

原來...咁早左出門就撞到阿昇啦~佢同我講~

你要加監呀~你要等到同我一齊落去呀~

唔係呀....咁我咪5個半月囉...冇野好講了...阿肥特別為我制定左lee落早前休息孖day~

今日...我欠假日數應該....如果今日係6月30日的話~係負10...

返到去d人都同我講~唉....

我有咩好講丫...你話...連安慰自己的說話都懶說了...算啦...我有得簡o既咩~?

今日~都冇咩好做~又冇練琴~都係訓左一個下午~之後上上網~

阿誠同阿華al 都炒左lu~唔知佢地點呢~

星期四的k約會~之兩人的生日會~我係冇得去的~

本身佢地打算我返早~就可以一齊去~但係...冇啦~咩都冇啦~

諗返起當日聽~"你睇我唔到"時~的一個訪問~媛交少女~雅紫~

其實...我覺得佢好慘~好可憐~好可悲~

但係~奈何我又...的確係有d想試下~唔知幾時搵到合我心意的呢~?

你都知我要求架啦...分分鐘搵3-5-7年都搵唔到架ma~

明天~海灘bbq~哈哈~有點期待~看書看海~呵~扮有型係時候了~XD

2009 年 6 月 27 日 星期六 【晴】

其實都冇咩特別事發生~而且有點懶...

星期三~返跆拳~人數~不多~自從我懶~比人教之後~一個二個都唔再返~

到我自己真正執教返~已經變左黑帶班了~

上完堂~就去食飯~阿水今日鍮左佢阿爸架新車返黎~

喔~真好呢~有車鍮~不過我就冇咩特別話羨慕o既~雖則我家冇阿水家咁富裕~

但係我覺得自己有咁o既家庭已經好足夠~起碼...

就算比家用~都唔洗比咁多...如佢地所說~叫做要我有返d責任感~同埋...我都覺得應該o既...

阿基都黎食飯~好耐冇見了~佢好似黑左~但係結實左喎~吸引力又強左~

反而我就...一如以往的白~但頭髮長左~完全係相反路線~

經過我數日的統計~到底係眼白白見到合眼緣o既人走左去丫~

定係硬食一個檸檬好呢~

答案係硬食一個檸檬的~但係到目前為止~我鍾意小朋友就係人都知~

但係我始終都改唔到果種~佢一望我~我就另"咩"面果個反射動作~

所以一般見到d女仔一望我~我就好自然....閃避佢o既視線....

其實當晚已經有心理準備~但係...冇膽就是了~

果個妹真係好得意~四眼~頭髮長長~細細粒咁~

平日~係唔多熟o既人面前都唔多表現自己~但係係lee班朋友面前~

總係魅力四射~或者~就係lee種感覺~吸引到佢~

但係好有趣~我一望佢~佢就閃~佢一望我~我又閃~lee種感覺...很好~

到走時~都仲有d念念不忘~好想返轉頭~可惜...要返工了....

星期四~有點懶~而且...都冇時間練琴~所以請假一次...

星期五~本來放假的~但係聽講周兄生日bbq~所以同人換轉左~

差唔多最後了~聽講~我7月1就轉返早班~

但係...係咪呢~?lee個...未到果日都仲係一個瞇....

其實當晚我地後面有4個人~阿賢就係咁衝啦~我同阿善都同平時一樣~

之後到執貨~其實我最唔想就係同阿賢執~

咁我就唔出聲~加上聽緊電台.......................

返到屋企~阿賢係msn同我say sorry~其實...佢都唔明白點解我唔出聲...

佢覺得自己攬晒d野做~唔好意思~

其實...我係想話~同佢一齊做會好亂~我唔鍾意~點解~??

我承認佢做野係快~一般黎講~佢只會快係自己度~慢係人地度~

做時~佢就見冇果樣就避左果樣先~而且一檯都係野~分分鐘霸埋你張檯~

其實我都ok~幫你準備埋都冇所謂~

到你執貨時會發覺做溜左d野...ok~我都覺得有時小左都冇問題~整返~

而執執下又會唔見左d野或者多左~ok~去搵囉~

但係你永遠去到執完貨果個階段~你都見到檯面仲有剛剛開波時所用o既野~

果下...我覺得係最難忍~

我唔明白佢地諗咩~雖然我自己就唔係話一定要好整齊先做到野o既人~

但係整齊d做唔好咩~?可能佢打算一次過執返~但係...佢唔會執返~會自己走左去~

我知佢諗咩~我都係咁諗~但我唔會咁做囉....

今日下午同大健傾電話先知果個洪洪進都有份去富豪個婚禮......

我真係燥底囉~聽阿肥講就話佢有緊要事做~原來佢走左去~

不爽...不爽不爽不爽不爽不爽不爽不爽不爽不爽不爽不爽不爽不爽不爽~~!!!!!

.

.

.

.

講個小小的故事~

從前~阿女就問爸爸 : 爸爸~如果你見到一個女仔~你好鍾意~你會唔會追佢~

爸爸就答 : 或者啦~睇下係邊個啦~咁你呢~?

乖女就答返佢 : 如果我鍾意~一定會~

爸爸想想再問 : 假如~佢有男朋友呢~?

阿女就 : 假如佢女朋友比我好~我都會~如果佢女朋友比我更差~就一定會啦~

爸爸就有點無奈地回應 : 後者...都尚可接受....

但係點解你會咁諗呢~?破壞人地o既幸福~咁樣只會令三個人都痛苦~

就算佢係一個好好~好好o既男人~比你搶到返黎~

佢已經唔係你當初認識果個~用情專一~只愛佢一個的那個好男人~要黎都冇用啦~

即使佢女友唔好~佢要留低~我諗始終有佢o既理由....

阿女就話 : 爸....你老啦.....

最後...我心諗~我都唔明你地諗咩...................

lee個故事...係當年幸福小角落發生的~

2009 年 6 月 22 日 星期一 【晴】

好耐都冇進行日記了~

其實都已經忘記左好多了~上星期三~返跆拳~應承左家豪要連絡晒佢地~

終於都做左~而...都係多左一個人返~阿濤~

咁當晚其實都hea左佢架啦~放學~去左食飯~

阿濤的確係好靚仔呢~連果度果個侍應小姐都眼定定望住佢~

星期五~-

估唔到父親節都咁勁...估唔到...

上年我記得都係水靜河飛...今年真係勁到~今日已經有300隻餅了~

而我地後排都差唔多6點先完成~

而且當晚威虎放~阿肥病左~死了...還好~早上都係做到7點半就ko~之後就可以8點收工了~

咁呢.,..最近...果邊聽說出現左問題....唉...

總之啦~有人唯恐天下不亂啦~

星期六晚真係pk了~返到去見到佢地~之後開始工作了~

還好係我地四子做~都ok快的...做完a-1阿賢就比人送左上前線了....

之後就幫手幫手~等早班返黎就幫佢地手~

後來等到冇野做~就去左威虎果邊洗野~之後佢收到order~

整3個咖啡~之後佢就教我整啦~呵呵~佢真係好人呢~

之後我地完成左就幫佢地埋野~到走得了~今日真係頂唔順...走了...

返到屋企~見到果兩個pk~唉...

晚上~阿爸返左黎~一齊食左餐~返工了~

當晚~工作唔多~但係大家都好榭...唉.......

早上~返屋企啦~

家姐走左~之後佢條仔過多幾個鐘就走啦~之後我真係好累~就係廳訓啦~

5點幾~果條仆街死左返黎~唔知佢做乜柒~開門就"兵兵扮扮"~

之後又搞lee又搞魯咁~勁嘈~當下我忍~老實講~你試下比人嘈醒你咩感覺~

本來都訓唔到的~但係太累了~6點左右就訓返~

之後~7點幾又比佢嘈醒~我真係想屌佢老母囉~

你乜撚野事呀~你老母~有屋企又唔撚返~大家都係住大埔~

又唔係遠~死返你屋企啦~仆街~

燥底~飯都冇食就走左啦~之後要買野食返去食~

仆街丫....

今晚做完野...就算佢地打機~再嘈...我都訓到收工...好累啊.....................

收工~我真係唔想再見到佢~平日我話"及"女先咁遲走~

老實講~要"及"就幾點都有~我只係唔想見到佢兩個而已....

搭馬鐵...好恐怖呢~上左車搭到之後第一城就有d人上車~我發現...果個女仔眼甘甘咁望住我....

到到落車~嚇到我雞咁腳走...

為左遲d返屋企~我等左兩架火車....先上車~但係都早囉...

只好係屋企樓下買d野先返去啦...

去左買包~之後....比錢o既時候....

"好啦~後面果位小姐多謝你.....哈哈哈哈哈~~~~對唔住啊~"

咁樣....哈....好耐都冇比人認錯做女仔了~上次都好似年幾前了~

不過...個感覺都...有點好笑~

不過我都ok鍾意的~所以冇所謂~

返到屋企~大健msn我~問我今晚有冇得去~

唉...鬼咩~我都想去啦~但係...

點解我要返多一個月夜班丫~?點解~?世界那有公平丫~

當年我係雪糕~家哥同我講過~因為當時阿朗係夜班~要等人同我轉~

"我話左返4個月就4個月~雖然差幾日~但係我唔想破壞左個規矩~"

咁到我依家呢~?你叫我返4個月~但係第五個月先有得落~

我唔係話咩呀~我都係想當晚親口祝福我敬愛我富豪隊長姐~冠豪果次都算啦~

點解~?點解~?唉...好灰囉...

2009 年 6 月 19 日 星期五 【晴】

星期五~當晚~心情極度不佳~

本身就唔錯o既~雖然下午都冇咩點訓~但係因為電話要轉台的關係~

咁就約左阿媽出大中等~之後出到去先知家姐同佢男友都黎....

唉...成日都要對住佢兩個真真係想死...

用左差唔多...7-8年的新世界(one2three)

開始時都見有d人用~雖然開頭唔係我話事啦~但係e+呢~真係好似d人死晒咁~

只好轉3啦~其實老早就想轉架啦~只係我得閒時阿媽唔得閒~到佢得閒我就唔得囉~

依家轉左就...好囉~

同佢地食左個飯之後就行左陣就返工啦~

本來我心情都ok架~因為今日個髮型都幾...嘿嘿~而且有好事啦~

返到去換完衫我就入去~佢地煲完煙都入黎啦~

阿昇無啦啦講~你地琴日執溜左好多馬卡龍喎~我心諗~關我咩事~

之後佢就淨係同我講~聽唔聽到呀~家豪~

我第一下就諗到~唔係呀~你要講都同d意為做野好快~搞到亂晒果d人啦~

我忍住~我同佢講~我琴日放假喎~之後黑面心情一直低落....燥底...

做完野佢地問我咩事~阿賢就問我係咪唔舒服~

佢咁樣講一講...的確有點病態...算囉...

第二日~我都知我自己得罪人多~仲係係多到...........

琴日~因為比人屈左次之後~我就話要自己執貨~

之後我執puff杯時見到都有問題架啦~LT要2,23~

但係我照執啦~有貨~又唔係話執唔到咁~

今日我見返佢地咩會議簿....佢話PA執多左20杯puff杯~唔很係呀~

你睇清楚先好喎~就算執錯都冇咁離譜啦~玩野都唔會搵自己笨呀~

你當下真係啞左囉...你話我...可以講咩好呢~?你話啦~??

不過今日真係唔舒服了...我後眼窩同後腦勁痛....好辛苦...

還好工作完都訓到一陣...

今早打算出擊~可惜...見唔到~

仲到撞到佢地...焗住同佢地同車...其實我想等的~但...好似有點....走~!!

返到屋企~要等個爐~唉...又話10點到~我等左勁耐~本打算唔理佢訓的~

11點半佢打黎話12點到...頂你個肺....收左~食完野~就訓了~

晚上~睇左陣電視家姐就返黎~

佢一返黎問我係咪放假~之後我話係~佢就一句~"麻煩~真係黑人憎呀"~

火都黎埋~不過...都係果句~忍~

到底係邊個麻煩呢~?我一個星期開6日工~有6個晚上唔係屋企~

而我早上已經特登遲d返屋企~見都係見果兩個字到~

你仲要帶埋條仔返黎住~我訓教你就係咁嘈~你條仔放假就係我屋企唔走~

到底係邊個麻煩邊個黑人憎呢~?

我自己一個人係屋企住左兩年~阿媽就一至兩星期返黎一次~

屋企o既野我都冇話咩特別有問題~

依家你返到黎~屋又亂晒~野又多左好多~我o既野你又管~

我d野你又偷睇~就連一個星期一日o既自由都冇啦...

.

.

.

.

小六....好可愛呢...不過...不能放上心頭~

2009 年 6 月 14 日 星期日 【晴】

起身~學完琴又去百佳買野~

買野時就打比阿蔡~因為約左睇戲~

其實我聽得出佢有d唔想去~不過為左睇呢~佢應該都冇問題o既~

之後我返屋企放好晒d野就出發了~

買完飛之後~我仲未食野~之後去搵野食啦~個死仔食左~

就勁催我...叫我食快d~你死開啦...好煩呀~

快快食完~我發覺自己真係有d問題...食量比以前更小...

以前都話死頂難頂~食晒d痃都得返3份1個飯~

現在...食完都未食到一半...但係已經好飽了...

血戰新世紀

我地今日就係睇lee套血戰新世紀啦~

全智賢~幾好~而故事我諗應該會幾不錯的~所以佢當時叫我去我都有d心動~

但係...睇完之後...我都呆左...

或者....如果唔係全智賢做的話~我會覺得佢係....垃圾~爛片....

果d血真係假到...係假~大家都知係假~但係唔好做到咁假....

就算係水~都唔會話全部都係波波啦...佢d波波血真係難頂....而且爆到勁多...

我寧願你冇~都唔好做到咁冇誠意囉....

有d動作係幾靚的~但係...又有d太誇~

基本上佢有時就同一般人的體能一樣的~但某d時候又會變到超乎常人....

希望可以統一d囉~如果唔係~感覺上...好弱...唔知佢想點~

之後~果d怪物係咩黎呢~??我都唔係好明~

如果佢全部都好似開始時果d~爆根~紅瞳~所而冇佢變做一隻樣衰的異形物來得好...

或者佢all都會變~又好多得...依家搞到佢唔知想點咁....

仲有打最後boss...真係有點無言....啞左...

重點到了~我覺得全套最有趣呢~就係...

果個阿伯真係勁搞笑的...d動作我覺得ok架~果班忍者都係好有我心目中的形象同戰鬥方式~

不過...個阿伯...比人勁打勁打...都唔覺佢有咩事咁...繼續打...

全智賢跑返黎(本來來左去的~)

個阿伯其實已經比好多個圍同埋已經比人鎖住左~但係...

個幹部級的來出黎~當全智賢跑返黎~拮左佢阿伯一刀~果陣我已經想笑....

全智賢就係咁打~而...個幹部就同個阿伯係度糾纏左好耐...勁白痴~

最後個幹部仲好似比全智賢用左個好白痴o既動作拮左一野....

我差唔多已經忍唔到...要爆出黎~我開始咬自己令自己冷靜....幾乎笑左出黎...

呼...第一次忍笑忍得咁辛苦架....睇完...我都都感覺...無奈...........

之後我個袋有d受唔住了~所以要買個返跆拳時用~

睇左一陣阿蔡話去潮特睇...去到下面~見到有個女仔~

我地真係剛剛好睇住佢的~佢無啦啦好似有d企唔"搵"~

之後最後都係支持唔住就"拍"一聲訓左係地...真係...好突然~

之後立即有個女仔衝上前去問佢~阿邊個係邊呀~

我見到訓係地下個女仔果條鼻"替"....阿蔡話唔睇了~我地就睇啦~買完就返落去~

走左lu~索k~真係....睇下~索乜丫...依家d人都唔知咩人黎~

我覺得d人開始9唔搭8~如果真係要搞刺激~唔開心~有咩問題咁要樣作賤自己o既~

我覺得你死左佢好過啦~

搭271返屋企啦~咁我地見有位就去坐啦~

我對面係一個男仔~之後阿蔡右邊就係一對男女~男女對面又係~

之後...我倆係咁傾就正常啦~

但係我對面果個就...好慘囉~一般來說~都唔會想同d情侶出街的~

黠解~??如果你試過的話~你就明白咩叫比人孤立架啦~

而我o既程度就更強烈~完全唔想同其他人搭車~因為...我要睇書聽歌~

我地見到佢咁~都覺得好可憐....

返到屋企~都好夜了~不過...開左電腦先見到chloe生日...

死~過左lu~還好祝佢生日快樂佢都接受了~嗯~咁見到佢生日都好快樂~

姐係...應驗左啦~呵呵~

.

.

.

.最後啦~估唔到d人咁cheap~做埋晒d小動作~

不過~我只係覺得好無聊~同幼稚...

2009 年 6 月 14 日 星期日 【晴】

早上搞左好耐先去訓~咁原來呢....

我真係完完全全唔可以裸睡的....係...裸睡~

屋企冇人~都有d 忽發奇想~想試下裸睡的~點知....總係個人囉囉攣咁...

結果起身~著返d衫好了...

咁我好遲先起身~換好衫出門都遲了~不過我依然決定去買書~

呵~又買左本新的了~櫻桃街的禮物~

不錯看的~

不過家豪打黎話冇人返~佢地真係個個都唔返...我只好趕去搵佢同佢一齊食飯啦...

以最快o既速度行~但係...就行到身水身汗....

真係唔掂....搞到個身好臭汗味呢...

食完飯就勁傾~傾到夠鐘就返工了~

阿雞今日放假~3個人做...

我估唔到阿善今日真係"留灘"到呢...

今日咁樣行同埋留左咁多汗~我已經冇咩體力了...

不過自從對左輝哥果兩個月開始~我都已經冇晒d脾氣了...

反而有點心灰~做好自己...好了....

做完野~今日都訓到好耐...因為我累了...

有書睇了~而且...再做多一次傻事~

今日有回報了~

我問左好多人~其實都有好多人撩過問人拎電話~有點想試下呢....

有機會的~不過果份勇氣...真係要好大呢...

2009 年 6 月 14 日 星期日 【晴】

星期日~係最後一天~??

我都唔知係點了...不過~下午我就執房~wa~真係好多書呢....

一向出名用空間可以用到盡o既我~竟然仲有4棟小說塞唔到落去...

算啦...真係好累了...

睇左陣電視都有點累~打算去訓啦~無啦啦~電話響起~

阿爺(肥)~就打黎話我其實係今日返工~我話~o下~我好似放到31號架喎...

咁...只好返啦...佢又話唔夠人....

之後...工作囉...返到去都11點了~

有點累呢~不過...係腳~同埋好眼訓囉~不過還好~順利過度今天~

之後的日子都不錯的~星期三~

返跆拳~咁當日食飯時阿水就話叫我幫佢整餅~

咁我ok啦~冇所謂~之後返到公司~因為電話冇咩電就關左機~

之後開返佢就叫我問我唱唔唱k~放左工返屋企啦~就回佢我去咁~

一知有活動有事做~個人自自然然就訓得唔好~

搞到我冇"教"好訓...學完琴~好啦~打比佢諗住拎個餅比佢~

點知佢唔聽電話...我呆左...依家...下個星期三了...個餅仲係屋企...不過都唔要得了...

星期五了~早上阿誠老師來了~又上了一堂英文課~

之後我就出發到南丫島了~

阿蔡係我極力推薦乙一的書之下~都開始睇緊佢o既作品了~

而且仲有好高的評價添~都話架啦~好野~一睇就會自然識欣賞的~

入到去~最後一日了~其實...前半堂我都冇發過火~只係教返之前o既野~

但係呢...休息完之後...andy同海博係度爭第一...

之後我果下忍唔到要爆了~不過~一爆之下~佢地勁乖~走之前就同佢地影左d相~

我地仲各同佢地影左一張~我真係好鍾意佢地架~不過...冇計啦...

出左旺角~食野~果間死人野我打死都唔會再去~

野難食~服務態度差~又等得耐...一定唔會再去...

行左陣~再陪阿蔡行左陣瓊華~喔喔喔~真係好多靚女呢~

不過我覺得就...都係果句啦...太暴露令人眼睛都唔知去邊度望好...唔好意思ma~

放大假果個星期6~雞蛋原來又返左黎...

佢都讀左好多年書了~好羨慕呢~不過睇佢個樣都係讀唔到d咩出黎呢~

人生就係咁~到我地lee d出到黎做野先識得努力~

但係好似lee d幸福的人~都不懂得把握讀好d書~真係人有點火大~

如果依家仲讀緊書~一定好努力...

如果以前好似現在咁識諗~一定唔會再好似以前咁~玩~一定要玩~

但係要讀好d書先玩囉~還好~我都努力緊了~

咁當晚得知阿樂佢現在個女友係響街識的...咁...佢o既感情問題當晚已經被我解決左~

(都係果句啦~其實方法有~只係睇你做唔做~)繼而引申出第二個問題~

不過我想講o既呢~係...機會真係要自己把握的~不過...

係街撩女仔的確有點....

其實最近我都係搭差唔多7點鐘果班馬鐵~上到車其實就冇野的~

不過到到火車時段就...當日我睇住小說的~開頭我都唔覺~

果邊有位~但係個女仔偏係企係我面前~我都不以為意~

不過感覺到有一股強烈的眼神...因為...當時我都係覺得唔好意思...所以都係偷偷看~到底...係咪呢~

琴日~再一次撞到了~今次真係冇位了~我都冇位了...

企啦~但係...今次佢走過我面前企~我都呆左~因為剛剛冇書睇~搞到我...

眼睛都唔知睇去邊好~一直望去對面好了~之後真係有點累~只好望窗外~

到站了~佢就企係我隔離~我都雞咁腳走了~之後仲撞到兩位天使~心情很好的~

今日~做左件好傻o既事~但係都有好事發生~

又撞到第二個~搭巴士~之後落車~我同佢一齊走左入去~7仔~因為呢...我唔想咁快返去...

買奶~XD佢就啤住我對奶啤到"行"一"行"...哈哈...

會唔會係諗多左呢~不過依家頭髮好長了~而且仲梳到好....可愛咁XD

嗯~可愛的~

想得太多了XD

.

.

.

.

.

最後

我最討厭人地似住d野就係度大大聲

如果真係咁不滿o既直接拎出黎傾

唔好將o的咁私人o既野拎出黎講囉

你唔要面我都要囉

個醜字真係咁多人唔識寫??

2009 年 5 月 29 日 星期五 【晴】

差不多有一個月冇正式地進行日記了~

不過~因為最近~說很閒又不是~很忙也不算~要學的很多~要練的都很多~

現在要學英文~學小提琴~執我的書山~教跆拳~操操個身體~同埋打機~

身體都幾乎已經條理好~雖則同以前一樣~都係訓得不長時間~但係由~

訓唔著~去到三點訓~再到現在兩點入房再睇完書就訓已經好好多了~近況完~就講返之前~

雖則不太記得....

母親節~對我地西餅界來說~三個地獄般的大節日之一~其餘的係情人節同聖誕節~

當日~咁我都算好彩~因為星期五我放假~避左一日~

不過當天~一返到去大家都有點迷茫~到底...係邊度開始呢~??因為...冇位...

咁佢地執返好d~我地就開始工作了~而省電模式要結束~

我開始我的工作~我都有點迷茫的...

果d藍啤梨冰到好似石頭~未包好~係晒d箱~我同阿賢兩個見到都有d卻步....

不過...阿賢仔比人徵召左上返前線~好彩~有一班迷途的小羔羊~正在迷失方向~

第一隻小羊係聰聰~幫左一陣lee隻小羔羊因為住太遠所以終於都找到佢o既道路~

而第二隻小羔羊豆丁真係幫左我唔小~期間佢同我講話我地琴晚冇執lee個啤啤~

下午佢一個人留係度做野時收到要補返...一個人自己整...好可憐~

之後佢都11點左右走左了...得返我自己一個人了...我仲可憐XD

大師兄無啦啦同阿南嘈起上黎~之後大師兄勁爆阿南~靜晒~

哩隻咁o既死人野...真係會死人的...整左8箱~我真係想整整下發癲倒晒佢....

之後我地a-1完成左我就一個人執~正如之前同阿肥佢一樣~

一個人困係lee邊執貨~好過小左個人做野~而且多個人會可能會更加慢~會亂~

完成左gute同執埋~之後夾餅啦~得勁小野...之後早班都返黎~

又係幫手的時間~同阿榮一齊做a-1~咁一邊做一邊傾~好開心的~

10點到佢地就走啦~咁咁耐都冇見都想傾耐d~

但係...阿南無啦啦走黎我面前同我講~家豪~乜你咁勤力架咩~?

我話~你咁講咩意思先~佢就串我話~你唔好亂諗野呀~

個樣仲好仲串咁~我咪講我講緊果d野囉~

我心諗~上次情人節我都差唔多成點先走啦~我又冇話過想點又點~

上次你自己都話好架~lee次唔關你事~你就講樣講人~???

今次我就真係話你~做大佬做到你咁~我真係冇野好講囉~成日讚人真係讚壞晒囉~

有一晚有時間~咁就去食野~

威虎真係...果下真係好應囉...果日有d應該係學生o既人溫書~

咁有個四眼妹o既~我就睇緊報紙~之後都望左兩眼咁啦~

之後突然~威虎同我講左句~依~除左眼鏡好似ok喎~

我一望~四目交投....我都呆左一呆~立即望返威虎果邊...係咁比人笑....

果班人走啦~之後走勢咁望返入黎...我明o既~威虎大哥咁有型~我都想望多兩眼啦~

下面紅心開返了~咁佢地見人到人有d花就走去採啦~結果~

兄弟啊~安息啦....

之後果晚我就真係見到佢地啦~約左佢地食飯咁~

有大細健啦~銳啦~樂啦~以前通常都係lee個組合架啦~

咁樂仔果邊已經冇事了~大家都傾得好開心~不過得佢一個冇返過夜班~

我地講咩佢應該不了解了~

食完野~luby就打比阿銳咁樣~之後食完野就join埋左啦~

之後就成班人行街啦~我發現原來細健都有睇網球王子的~呵呵~

(最近很迷戀這個XD)

之後咪係咁同佢傾囉~而樂仔就係咁搵佢要搵o既野~

佢兩個就一邊行一邊傾咁~

之後佢地話賣乜佢兩個喎~我都只好跟住走~都係果句啦...我係睇戲架之ma~

後尾無無為為咁hea多左半個鐘咁~就散了~同大健都冇咩傾到d咩...下次再約啦~

到結論啦：以一個觀察者來看lee件事啦~

如果以我經驗來說呢~應該都得不出什麼結論~但係睇過戀情告急的話...應該都明白~

經驗都不重要~

好啦~如了解女方的話~就知道~佢需要一個朋友~但同樣地帶到戀愛感覺的人~

同時外表都要有一定的分數~係一個有要求的人~而且有一點點的原則~

不過同時看得出...如一般女性一樣~容易被攻陷~

其實要攻陷這一城~本人認為...要"適度"的關心~冇必要"過份地著緊"~

同時需要每天的一絲甜蜜~還有一點點的驚喜~

當然~初初的...當然見得越多就越有利啦~

現在要"以我的角度"去比較了~以外表而言~各有各特色的~一般來說~風格不同.....很難比...

之後說工作~其實大家都很有拼勁的~據說~工作中的男人是很有魅力的~但......

時間上就....已經找到問題的癥結....

再加上~一個開開心心~無無為為~是是但但~

一個就心事重重~鬱鬱寡歡索然無味~被過去所牽引...試問...你會點簡呢~?

如果要說~拍拖~係要開心~

現時的人拍拖係為被愛~想愛~人有我有同要開心等心態~

有的人~開心其實都係其次~但...其次...都需要的...難道真係如大佬賢話我咁~

要搵個好似我咁負o既人~兩個累鬥累....?

放大假了~十天之多~真係唔知做咩好~但係又好多野做咁~

第一日當然又係要招呼我南丫島的仔仔啦~

去之前我都冇訓~不過因為有要事做~出左去先~

一出門~就去報名學小提琴~搞左好耐...而且仲冇左千幾蚊~

之後經過大中~見到大哥果個香香~好想要呢~不過現在買唔到住...

之後去拎果張支票啦~其實天氣真係爆熱...

成身大汗咁走左入去~之後wa~counter姐姐~(或者係妹妹了)

十分之咁優美的~笑得好甜~不過...應該係好串果d人黎...睇得出...

今次~我已經找到對策啦~已靜制動~成功~唔洗我點鬧~方法不錯的~

罰企~而且用我o既氣勢同凌厲o既眼神去壓制佢地~所以...真真正正地控制到個現場了~

星期一二的日子~就開始體能的訓練~

星期三早上就叫阿誠來教我英文~咁教到咁上下我地就去食飯~

分手時我就自己去左買果個香香~唔~好靚呢~

返學時好大雨呢...因為我借左把傘比阿誠~只好打比劉邦叫佢等埋我啦~

好彩佢係新達~一齊返囉~

今晚好小人~不過剛好~我地自己操囉~

食飯啦~家豪女友又出現~個人好似唔同左...但係又係同一個人...唔怪得佢咁講了...

不過呢~佢係女友面前要面得多~好了~我個人都算是知情識趣的~

果下我冇串返佢~

星期四~唉...好煩~屋企多兩個人真係好煩...好懷念當初一個人生活的日子...

自由...是很可貴的...

一口氣看了很多bleach~很累人的...

星期五了~今次一個人入去~本身阿誠話黎的~佢應該講大話~12點幾話剛起身~是但啦...

咁我好似平時咁出門~

但係落到樓下竟然唔記得帶本書喎~只好又返屋企啦...

之後~一有時間就睇~雖然風景係十分之明媚~但係始終有點不好意思~

入到去~咁班仔今堂都...一般啦~不過又記得劉邦我方法~

我自己都記得比人罰過~其實...幾甘...

佢地今日特別驚我~因為...今堂我教左佢地咩叫...氣勢~

走時都有點不爽~

咁搭地鐵啦~有個都...應該30多歲o既女人企我前面~雖則佢已經著得唔係好低胸~

但係佢就係咁禁住個胸前~唔知點解有點火大~頂你...著得出黎就比人睇架啦~

你一係唔好著d咁o既衫~一係就大大方方咁~

如果要做到咁咪仲樣衰~

出左旺角~就去左買衫~好貴呢...本來又打算買埋鞋的~但係...買完書...已經打消左個念頭...

今日長期望住本書~睇到眼都濛埋~好累呢...

今日~真係去學小提琴了~咁第一堂...得到第一個自己的小提琴~

其實...質素有夠差~但係某程度上唔洗錢...差唔多啦...

半個鐘真係有點不夠...算啦~下堂先係真正的開始吧~

拎住個琴周圍行~有點顯眼....買完野食快快返屋企好了...

2009 年 5 月 27 日 星期三 【晴】

網 上 發 帖 送 走 孩 子　高 中 生 一 腳 踏 兩 船　兩 師 妹 懷 孕

網 上 流 傳 兩 張 懷 孕 女 子 的 照 片 。 互 聯 網

浙 江 杭 州 一 名 高 二 （ 相 當 於 中 五 ） 男 生 一 腳 踏 兩 船 ， 分 別 與 兩 名 低 一 年 級 的 師 妹 發 展 戀 情 ， 並 令 兩 人 懷 孕 六 個 月 後 才 發 現 ， 目 前 兩 女 生 分 別 懷 胎 七 個 月 ， 因 不 適 宜 流 產 ， 三 人 決 定 將 孩 子 生 下 ， 由 於 沒 有 能 力 撫 養 ， 男 生 將 兩 名 女 友 懷 孕 照 放 上 網 ， 欲 將 孩 子 送 給 別 人 。

「 不 戴 套 男 人 不 負 責 任 」
內 地 網 站 近 日 流 傳 《 兩 位 90 後 女 生 懷 孕 ， 因 無 力 撫 養 欲 把 孩 子 送 人 》 的 帖 子 ， 並 附 有 兩 張 懷 孕 女 子 照 片 ， 從 衣 著 看 ， 兩 名 懷 孕 女 子 均 很 年 輕 。 據 帖 子 說 明 ， 三 角 戀 主 角 分 別 只 有 18 、 19 歲 ， 在 杭 州 一 中 學 讀 書 。

其 中 讀 高 二 的 男 生 與 讀 高 一 的 兩 女 生 本 是 好 朋 友 ， 後 來 發 生 三 角 戀 ， 兩 女 生 在 一 個 月 內 同 時 懷 孕 ， 且 都 在 懷 孕 約 六 個 月 後 才 知 道 自 己 懷 孕 了 ， 由 於 不 敢 讓 家 裏 知 道 ， 又 怕 學 校 懷 疑 ， 三 人 於 是 同 時 休 學 在 外 居 住 ， 並 決 定 生 下 孩 子 後 送 給 別 人 養 ， 把 問 題 解 決 後 再 繼 續 回 校 讀 書 。

記 者 根 據 網 上 留 下 的 聯 絡 方 法 ， 與 網 名 「 離 騷 」 發 帖 女 子 聯 繫 ， 估 計 是 懷 孕 女 生 之 一 ， 她 表 示 三 人 是 青 梅 竹 馬 ， 「 我 們 從 小 就 是 一 個 人 長 大 ， 父 母 不 在 身 邊 ， 很 孤 獨 。 」
 
她 又 透 露 ， 現 時 已 有 人 表 示 願 意 領 養 將 出 生 的 孩 子 ， 但 具 體 情 況 還 有 待 商 量 。 她 最 後 特 別 呼 籲 ： 「 一 定 要 戴 套 ， 不 戴 套 的 男 人 是 不 負 責 任 的 男 人 。 」 似 對 男 友 令 她 們 陷 於 困 境 ， 帶 有 不 滿 。 　湖 南 紅 網

(只能說一句~不撚知所謂...)