| 日記 | 日記主簡介 |
||||||||||
2010 年 8 月 25 日 星期三 【晴】 哩個世界真係...邪惡~ 菲律賓一事~其實都過左幾日~好應該比佢丟淡件事~ 死人財~永遠都係最好發~ 果d新聞日做夜做都係做緊佢o既新聞~係~或者好多人想知事件o既發展~ 但係~有冇諗過苦主o既家人o既感受呢~?? 就如你死左老母~我日日同你講返你死老母~你又有咩感覺呢~?????? . . 今早~阿媽打黎~話我失眠o既原因~可能係....鬼.... 我本人都會相信有有鬼等事宜~但係係咪關事呢~??就不得而知啦~ 佢地就叫我出去飲茶啦~ 不過出去之前~要仆落去買野食比兩隻小寶貝食~ 切完比佢都要衝過去啦~ 行行下又話有野做~點都好~去大眾睇下書啦~迪偉本書都未買~而阿芝... 不知不覺又出左本新書...未睇o既...增至3本... 去到茶樓見到阿媽~佢就話~應該係今年犯太歲~到到出年先會好喎... 咁咪死?! 又累~成日周身骨痛咁真係好煩~依家買左個牌仔比我~ 咁點都好~真係有用又好~心裡好過d都好~都係好~ 食野時都見到好多小朋友~好可愛呢~ 阿媽成日問我拍拖未~又話老豆成日問阿媽我幾時會帶到女朋友返屋企~ 唉...算啦.... 執左d野食之後就返屋企啦~ 好累呢~係早上同下午先會眼訓~夜晚就鬼打都冇咁精神....想點呀.... 老鼠今晚打黎~佢話係tony wong度做到pk~ 不過我就好羨慕~可以學到咁多技術~同埋~多野做同要keep品質都係一種挑戰~ 因為~論做餅o既品質同速度~我都算係高~ 但係~下星期三見果度~做評估~ 雖然係對西餅有好多留戀...但係至少...我依家未想行返哩條舊路... >>August 26, 2010 at 3:35:02 PM GMT+8 2010 年 8 月 24 日 星期二 【晴】 好奇怪~琴晚就計好時間~打算10點半食藥~沖完涼~坐多陣入房藥力就發揮~ 點知都係訓唔著...點半...心諗~食多次會好d~ 食左d野~再食藥~入房睇左一陣書就眼訓~係好o既開始~ 等得好苦呢~搵左好耐o既花粟鼠~係松鼠o既一種~ 其實我係花粟鼠同刺蝟之間掙扎左好耐~最後~因為冇養野好耐同值錢問題~ 花粟鼠好d~依家五百蚊一對~而小刺就...4-8百蚊一隻左右~ 對一個失業o既人來說~價錢~為最需要考慮之一~ 出左旺角交收~ 不過果個人竟然比個...紅色膠袋我...你諗下~我由先達行去信和~再行去廣華搭bus~ 都冇見到有一人拎住個咁o既膠袋...真係有d樣衰囉... 返到屋企~打算放佢係一個大d o既地方啦~點知...佢一跳~wa~勁~ 跳到差唔多我個肚o既位置~差不多有一米之高呢~ 唔知衰仔定衰女~一下就跑左入去電視機後面~要推開個組合櫃~再引佢出黎~ 其實有一隻蠢d~走左去門口~我一手就捉左~ 但係哩隻就....我其實引左佢出黎捉到架啦~ 點知佢一回首~一咬~勁呀果下~我食指d肉左就正常~原來指甲都穿左個洞~ 果下o既威力...真係強~好彩我都不弱~一手就拎起件衫~ 一捉就捉住佢~放返入個籠~呼....鬆左一口氣~累了.... >>August 25, 2010 at 2:34:26 PM GMT+8 2010 年 8 月 23 日 星期一 【晴】 為菲律賓遇難者默衰....好啦~唔好咁傷心啦~ 失眠之病終於都有藥可醫~嘿嘿~天然方法唔得~唯有食藥~ 失眠...其實都幾可怕的.... . . 星期一~係跳舞日~ 好開心啦~又有得去開開心心跳舞~ 教好時間就出發啦~估唔到.... 佢地今日早左一個字開始~我去到佢地開始左啦...唔等我...唔開心囉~ :p 我發覺其實佢地都幾勤力的~因為到到真係放音樂跳返上堂學果d~ 我覺得啦~佢地都幾齊~反之...我就有d...感覺上同佢地唔夠合拍~ 呵呵~但係我哩d~你話我自大都好~學新野我一向都比人快~ 新step真係冇可能難到我囉~ 同佢地比~當然佢地就比下去啦~miss都讚我跳得好~~~~過佢地~ 完整度最高~ 都係果句啦~你地努力d~一定都會跳得好~ 我肯定係眾人最懶果個~要跳得好過我~??練多d就得啦XD . . 當晚係7月14...12點就15啦...15先係鬼門關大開~驚~??? 唔知點解真係冇咩特別o既感覺~ 反而...有個好討厭o既死小強係我屋企出現...丫!!! 我屋企都叫乾淨~點知係廚房果邊出現~ 我肯定係係下面果d水管爬上黎囉~二樓...出入係方便...都有哩d麻煩之處呢... . . 失眠~呵呵~我忍埋你今晚~ 阿媽買左藥返黎~雖然左搭搭~右搭搭~有好多其他功效o既藥~ 食左~我心諗~得唔得架... 估唔到個幾鐘後~得左~唔小心訓左幾個字~做埋d家服留返今晚好好去訓啦~嘿嘿嘿~ . . 近年來~都出左好多叫笑片o既物體~笑片~?? 有咩笑片未睇過呢~??周星馳大部份已經係代表作~張家輝呀~鄭中基呀~果d~都係笑死人~ 但係家下果d所謂o既笑片~ 看來...現在一般人對搞笑~同低能看為同出一轍~ 但係我深信~搞笑~係一門好高深o既學問~要搞笑~唔難~要搞得有意思~係要花心思~ 你話依家無記9點半做果齣什麼什麼呢~ 我唔敢講一個笑位都冇~就算一部再正經o既戲都會有一兩個笑位啦~ 但係你有冇諗過~你笑係笑佢白痴~而唔係笑佢本身想帶出黎果句有味道~ 有意義經過精心設計o既笑話同行為呢~?? . . 天天天晴~最近都睇到好緊張呢~正~ >>August 24, 2010 at 2:26:08 PM GMT+8 2010 年 8 月 21 日 星期六 【晴】 琴日又失眠啦~雖然有做小小運動~果小小運動係打算等一陣訓就好訓d啦~ 不過....都係訓唔著....12點入房~3點幾個肚就咕嚕咕嚕咁叫.... 頂...肚餓添...食左蛋撻~豆沙燒餅~唉...我都知死梗~ 但係屋企可以立即食o既得返哩兩樣~唔通食雪糕咩....應該仲衰囉~ 4點幾終於都訓得著啦~ 可惜...8點幾就起身...想點呀...轉左去床尾訓~搞到訓得唔舒服掛... 下午睇左黑白戰場~其實都幾好睇~但係黃伊汶就....嘩~佢個樣真係好難頂囉... d戲真係麻麻中的麻麻~ 而可愛的陳健鋒呢~我諗佢唔太適合做壞人~個樣咁點睇都唔似奸囉~ . . . 早幾日~都十點幾返屋企~ 搭車返屋企時~見到一個姐姐~(應該同我差唔多大啦...) 就著得好...其實又唔算太性感~只係個胸就低左小小啦... 我初時上左上面都冇留意到~ 不過我通常落車都會係上一個站開車就起行落去等做第一個落車~ 剛好佢就坐車門側邊果個位~我落黎時~我諗有人會好失望囉~ 因為...剛剛好佢望緊果個位....剛好我就檔住左佢o既視線~孩子~你要多謝我啦~比人睇蝕晒啦~ 但係我係好...覺得哩個女仔好有個好值得去尊敬同應該學習o既地方~ 就係...你既然著得咁~你就預左比人睇~唔好講到咁出啦~係預左有人會望你~ 但係我唔知佢係無知~無所謂~定係真係唔知啦.... 不過~香港o既女仔~你唔好話咩~我又唔係著比你睇~我又唔係想比你睇~ 我又唔係乜~又唔係物~你唔好講埋d廢話~ 你唔想比人睇呢~你就著返件外套~又或者你一早就唔好咁著~ 你叫你想著比果條粉皮去山洞等~等佢慢慢睇欣賞完~換返衫行返出黎~咁咪唔洗煩囉~ 不過果個女仔就....其實佢就好有問題~坐姿~ 佢睇緊雜誌~就係就唔知點解"嗚"左去側邊~訓低左半個人~你叫人家點樣唔睇你丫... 我唔好意思睇落車前都回味左一眼~你話佢既威力有幾強~ 靚~索~sexy~ >>August 22, 2010 at 2:06:20 PM GMT+8 2010 年 8 月 19 日 星期四 【晴】 又訓唔著啦...唉....不過...一個唔小心拎起個nds~一打~就6點半啦.... 都係果句~咁難得咁早唔係睡眠狀態~去游水啦~ 有d唔想郁~成身都好累...但係又唔知做咩好喎~都未眼訓.... 游水啦~又見d到癡男怨女~都係果句~返屋企搞啦~篤眼篤鼻... 游左一個鐘三個字都頂唔順~返屋企了~ 又去交管理費~果條友個樣又係...超唔順眼的~好想打佢~ 買完野食就返屋企了~ 返到屋企~食野睇電視~睇睇下都訓著左啦~ . . .幾年前~睇過一齣韓片~超好睇~片名~慾海慈航~
http://www.cinespot.com/fmreviews/csamaritangirl.html http://paper.wenweipo.com/2004/05/22/WH0405220007.htm http://www.goldenscene.com/SamaritanGirl/samaritangirl-cast-ch.html http://www.hkfaa.com/review/Asian_Film/May/13May04.htm ↑ 簡介同影評 ↑ 今日唔小心又比我再睇到多次~ 哩齣戲係我最喜愛o既韓片之一~無論係主題~主角同想表達o既野都係咁鍾意~ 第一次睇時~見到個名~雖然唔知咩黎~但係~好似係正野~ 咁睇啦~感覺都唔錯~但係~個女主角好朋友點解要跳落去我就有d唔明~爬落去都得架ma~ 再因為好友而犧牲左自己o既肉體~而且仲趕唔切去....扯火.... 再講佢搵返d舊客還錢~唉...點解要咁傻~ 之後佢阿爸發現左佢~再跟蹤~阻礙佢o既愚蠢行為~同制裁果d客~ 人地o既評話~點解要咁做~又話冇必要~ 當你代入左父親o既角度來看....可能你做得更激都唔定~ 到尾啦~果場飯戲我覺得超正~如果我係果個父親~我一定沉不住氣~ 睇到好緊張~因為我知道係真的話一定忍得好辛苦~ 有一場~女主角發夢佢阿爸殺左佢~(頭先睇唔記得有哩一幕~) 心諗~我一定都會咁做~原來係發夢~ 到尾啦~因為父親打電話自首~將比人帶走之前都教埋佢揸車~ 到佢想揸車追比人帶走o既阿爸~比d泥卡住左~都好有意思~ 因為我覺得教佢果度就好似同佢成長o既日子~ 而卡住左追唔到~就好似話~我地要分開啦~的感覺~ >>August 20, 2010 at 12:52:34 PM GMT+8 2010 年 8 月 19 日 星期四 【晴】 本想早起去游水的~但係... 我又失眠啦....四點幾先訓得著...激死~ 越來越懶呢~平時幾點訓都好~都可以6點幾起身~雖然會辛苦小小... 但係依家??7點禁熄左個電話...繼續訓.... 這算是什麼生活???是什麼生活呀??!!! 唔好話訓o既時間~起身時間~就連起左身都一樣係死蛇爛鱔呢~ 繼續玩fb game~ 唔小心見到一部封左塵o既nds~冇錯~係封塵呀~我屋企好多野已經封晒塵~ 唔打掃都係其次~但係好多野都唔會用~冇郁過~咁肯定就會同nds一樣o既下場~封塵啦~ 但係我個人就果d超爆o既三分鐘熱度o既人~點爆?? 一拎起上手o既熱情可算是超強烈~玩要玩到最好~最快~最勁~但係...好快熱情就會冷卻~ 雖然唔捨得之前所付出過o既一切~但係~冇興趣的話對於我生命裡~已經係一樣多餘o既野~ 今晚阿媽返黎屋企~好囉~終於都叫有返餐似樣o既食下~ 一般來說~我覺得啦....一個人~就算食再好o既野~ 或再難食o既野~一個人~其實只想填飽個肚就算~ 但係始終屋企多個人係身邊~即使d菜真係鹹左d~都會覺得好好味~ 懷著感恩的心情去食~比為食而食~來得有意義得多~ 9月16表哥結婚~真好呢~要keep fit呢~ 無無聊聊上網睇野~睇人地跳舞~真係太厲害了~雖則唔係學左好耐~ 看來不可以太快自滿~世界實在好大~現在最好~未來定必有更強o既出現~ 一直以來都係半玩~其實我都唔算太認真...看來真係要發奮了.... >>August 19, 2010 at 4:04:24 PM GMT+8 2010 年 8 月 17 日 星期二 【晴】 哈哈...無啦啦走去玩返fb d game~ 玩玩下又幾好玩~唔覺唔覺~琴日就比左一日佢啦.... 今日都係勁玩~玩玩下唔小心發現左個bug~嘿嘿嘿~應該好快玩爆啦~ 不過依家玩緊4-5隻....都係玩到天昏地暗~ 下午~睇左齣恐怖片~ ~月光光心慌慌之殺清光~ a....睇時的確係有d緊張~ 不過....唉...睇齣戲都唔知點解會扯火.... 個女主角係咁叫~係咁叫~係咁叫.... 差d開口鬧佢架啦~ 好多恐怖片都係咁~有時你唔好大叫大嚷....屋入面叫~ 你叫咩呢~??屋入面有冇人你自己好清楚啦~ 馬路叫就應該啦~ 明知果度得兩個小朋友~個殺人狂又好輕易咁撞爆晒d門~而且佢又唔跑o既~ 你做咩要走入間屋呢~一直跑~見車上車就唔會死多幾個人啦~ 比個殺人狂捉左~ok~人地唔殺你~你唔好再插佢一野就走左去啦~ 一係就殺左佢~一係就就叫逃走~ 好過你插左人地一野~扯晒火咁~人地唔殺你都對唔住自己啦~ 最後~最後果度好明顯冇人...又明知冇路走~你仲係咁叫.... 地下咁多落葉~你用d葉偽裝~唔好郁就睇你唔到啦~ 唉....睇到燥..... >>August 18, 2010 at 3:39:56 PM GMT+8 2010 年 8 月 16 日 星期一 【晴】 七夕呢~人家就快樂~我...可一點也不快樂.... 起身時好似比人打左身咁...好累呢.... 幸運地訓到好晏~ 起身都係食野睇電視~完全冇動力練舞~一陣就要錄跳舞啦.... 出門前~都係練一練比較好~ 跳左兩次~感覺上都有d無奈...算啦...出門口啦~ 今日都ok熱~咁上到火車呢~嘿嘿嘿...又有笑料.... 我上左火車~見到兩個人跑上車~咁一個上左~第二個.............嘿嘿嘿~ 因為肥肥地的~而且我又企左係門前~我又親眼見到~大家樂見啦XD 早就去到啦~咁...都係等開門啦~要等miss到左先可以開門~ 又阿樂,甘甘阿蔡早就到左啦~過多陣隊長同iris都到左啦~miss都到埋~大家排一次先~ 咁呢...其實練左成個鐘miss都不太滿意....最後...都係冇咩時間搞到是是但但拍多次就算啦~ 今日學左左舞啦~都幾正呀~首歌好正~我鍾意~ 走啦~今日iris有d野煩...可能a-1同事都會知~但係都唔好咁張揚啦.... 有時...感情事~都係一個冇拖拍o既人~會比較忠肯~ 而且我本人比較善於分析~ 不過...今次~的確我地唔需要理的~因為別人家都已經諗得清清楚楚~ 既然定位只係一場遊戲....再多說~只會浪費唇舌~ 比多d空間人地~放鬆一下自己啦~孩子~ 傾完換衫~同阿蔡去左食野~食完野返屋企啦~ 估唔到阿樂都有工作上的煩惱~ 人生的確係有好多煩惱~有關你事~有唔關你事~有多管閒事~有好心壞事~太多太多~ 不過佢依家煩o既野都有點....可笑... 的確~每一樣野都會有難度~但係如果多d聽人地o既意見~諗清楚d~ 都係果句啦~企起身諗下~成日坐住個腦~諗唔到野架~起身諗啦.... >>August 16, 2010 at 4:20:14 PM GMT+8 2010 年 8 月 14 日 星期六 【晴】 我就黎死架啦...話說11點就入房訓....睇左兩本書~都打算訓... 但係........訓唔著...再拎本小說出黎~睇左一章...都係訓唔到~ 可能食小小野會好d啦~食野~睇電視~電視做緊鬼域喎~ 睇左一段時間~反而開頭佢陰d陰d果個會比較驚啦~但係到到尾~ 好想問佢~你搞咩呀...不知所謂... 已經冇興趣睇落去~又打算入房~再睇書~不過雲海o既摩星嶺4號講一個好有趣o既主題~ 聽到3點完~再不知不覺~天都已經開始光啦~ 放棄....除左放棄~我仲可以點~ 本來打算三點訓~仲可以7點起身去游水~諗諗下~算啦..都6點啦... 執完野出發都6點半~ 今日o既目標訂得更高~個半鐘~ 比想像中的...痛苦... 好似又游快左~游極d時間都唔過...游左一個鐘~有d力不從心.... 口又乾~人又迷迷地~死頂都頂埋佢~ 終於都個半鐘~沖涼換衫走~剛好落雨呢~討厭.... 天色其實都不錯~有陽光的~係落雨姐....等等等等等~等左都好幾個字~ 雖然有毛毛雨~但係都唔不理啦~唔知~會唔會好似果日咁睇到彩虹呢~?? 買早餐~行百佳~買包包~返屋企~睇電視~ 暴走冤家超超超好睇~超緊張呢~今日睇到~睇到咬牙切齒呢!! 下午都係訓左兩三個鐘就起身啦~ 個人成日都運運噩噩咁...好迷~ . . 啊~收到信啦~好緊張呢~~ >>August 15, 2010 at 1:45:39 PM GMT+8 2010 年 8 月 13 日 星期五 【晴】 嬲到震....12點就入房~打算早d訓~ 點都訓唔著~可能有d餓啦...太早食飯~ 咁一個人係屋企冇野做都係見野就做~6點幾就食飯~可能真係太早... 終於都忍唔到食左個霄夜~ 本來打算早上去游水啦~但係...又好似好曬咁...又唔想郁咁...唉...都係冇去~ 不過今日上網睇~話游水可以消除疲勞.... 我又唔多覺~又話燥狂可以瘦~燥就燥足100分~或者唔夠狂~等我狂d先~ 証人~ http://hk.movies.yahoo.com/movie.html?id=mcl_thebeaststalker 謝霆鋒一向都勁鍾意~ 而張家輝就覺得...開頭感覺真係怪怪地的.... 睇慣左佢d笑片~依家成日做d咁認真o既戲...真係唔習慣~不過都幾好睇~ 個小朋友可愛之餘~d戲都幾好~ >>August 14, 2010 at 3:09:08 PM GMT+8
|
|
無啦啦 被你上面那個剪報望了幾眼人氣: 71373
Design & Scripting by ShowHappy.Net