2008 年 2 月 9 日 星期六 【晴】

家樂的最後一天....咁我今日要睇爐啦~
而阿豐就來左餅底幫手~佢就射牛油啦~
不過期間都冇咩大問題的~迷你仔頂過左之後都勁多爐....
成日都冇野入~
家樂就話~e+家豪勁叫人打野~冇野入喎~
的確...睇爐最火大的不是比人爆~而係冇野入....
所以都有點燥~但係我已經盡量壓抑...

不過見到佢地做野先真係火大~出面兩個玩大合桃...玩到11點幾都係玩到兩桶野...
而個仆街樂更加唔知佢做過d咩~
成點半先做到蘋果撻~同埋東菇鬆餅兩樣野~我見到佢仲更加火大....
d蘋果用9晒我果d~佢淨係刨左皮就算...真係想小爆佢~
藍啤鬆餅已經唔洗你打~做果兩樣野做到兩點~仲同我講~我要食飯~
返黎打ny得唔得?!
你個仆街~成9日話收唔到工~我e+入晒d野~你同我講話要返黎先打~?!
佢要留你咪最多留你果半個鐘~你咁樣一搞咪搞咪到收遲左成個鐘~
不知所謂...一個又係咁~兩個又係咁~真係一蟹不如一蟹....

到食完飯返黎幫手執鬆餅~之後都話走的~走下走下就...
搞到成6點先走....唉...
同阿樂一齊落去~響下面分手....又再小一個好的工作上的伙伴了....
先是浩南...再來阿偉...之後阿輝...再走埋我可愛最愛的chloe...依家到阿樂~而mandy就落夜班...
雖然我都過餅面~但係...你地咁樣真係有點兒...那個的....

>>February 10, 2008 at 3:59:17 PM GMT+8

2008 年 2 月 7 日 星期四 【晴】

很久沒進行日記了~因為太冷了~其實重點不在這....
而係因為...無lala見到ol....ol係咩~?就係"真.三國無雙online"~
搞左咁耐都有進行日記就知道的確是不錯玩的~

最近工作都...很累呢...身體有點不適~
所以完全地失去戰鬥力~不過最近日日都要接爐~
戰鬥突然上升~

果日去食飯~之後去行街見到個舊同學~
應該係隔離班的舊同學....叫咩名呢~?有個鯨字的...好似...幾靚女呢~
佢真係冇咩點變過呢~唔知佢認唔認得我呢~?

最近肥左好多~唔係好多~係勁多....
因為好多時都勁食野~返到公司更是....完完全全都冇節制的....
果句真係好o岩~係人覺都冇野~如果連自己都覺得自己肥的話....已經去到好危險的程度了....

>>February 8, 2008 at 3:08:41 PM GMT+8

2008 年 1 月 31 日 星期四 【晴】

二月一日了~咁因為琴晚太晚了~進行不了日記...
所以今日~補回就好了~

琴日返工~早上都好早就做完所有工作~
因為要去miss的婚禮~下午兩點搞掂晒所有野~就去食飯了~
估都估唔到我第一個食飯囉~
咁我返到入去就接爐啦~其實就唔係問題o既~接爐~不過咩都未入就真係有點兒那個....
大家見到都有點不爽~點會成3點幾連鬆餅都未入架....
我紋盡腦汁地進爐~用最地獄的火去烘~爆速地做...4點8-9比我入晒d野~
之後阿賢自己返到黎呀~話唔睇返喎~我趕時間呀大佬~有點不爽的~

不過5點啦~我再同佢講~佢又問我入晒d野未~咁得幾樣野睇你都唔接返我真係殺左你囉~
再找小雄就可以走了~
阿新的最後一天~不過估唔到莉莉真係...好似真係鍾意阿新的...好可怕囉~
阿新驚到要兜個圈而唔直接返屋企...的確...
咁我一個人出左旺角~再行去佐敦~行到去等左勁耐~之後再打的返去~
不是吧...我行過黎做咩呢~?仲要我貼錢....

去到都未見miss~只見tony~咁搞左一輪~之後再觀禮~
我同黃德勁影相~之後我地去左麥記買左個包~
就換衫~之後出去表了~佐係真係得兩腳...同埋鍮波...咁就走了~
再換衫~之後再去食野~去左間泰國野食~不太好吃~不飽....orz~
又再返去~同miss影左幾張就走了~]
我地一班人返大埔了~之後又成班去左吃糖水~之後勁傾一輪就返屋企了~

今日係有點開心的~唔開心都有...
但係miss真係好靚~同埋...又多個人結婚了~真開心呢~
只能祝福你呢~

今日~𤍣得不好呢~6點幾8點幾又起起身~之後𤍣到10點就冇了~
之後上網睇下野囉~其實都冇咩野做~新聞又冇野好睇~
無啦啦正想去吃雞時阿輝就打黎啦~佢問我去唔去睇長江7號~
我本人係0興趣~所以話唔去~佢死都話要去~咁我話唔睇7號~睇魔街理髮師~
咁佢話好~又話出到黎先算~咁去囉...
一個人吃左半隻雞~再換衫~不過太遲了~睇唔到d學生妹添...

本身想坐火車的~又覺得遲了~所以都係271好了~
搭車時看書~有很多美麗的姐姐~真好呢~(其實都沒有看得太清楚...)
遲左小小~之後就去左麥記果邊個廁所找佢地了~
阿輝有點不爽~之後就去買飛~
到阿樂不爽~之後買完去左麥記~到我發呆....
再入場了~一看我就完全進入睇戲的狀態了~好多野都...敷衍地回應~

這個魔街理髮師~勁好看的~
以這個音樂劇形式進行的~音樂~強~故事~優質~角色~做得好~
只係...血很假的~而且殺得太多~冇可能的~
同埋個結局...不太好~有咩唔好就自己看~而且都冇講佢個女同個水手點...
算啦~戲都拍左仲睇埋~想點呀~

咁我地就走啦睇完~但係我見阿樂好似剛睡醒~而阿輝就好似睇完笑片地和我討論~
而見佢地咁樣~有點不想同佢討論的~
佢地兩個就去左睇電腦野~之後佢地就行啦~行行傾傾之後話去深水步~
我都好小理~問我去唔去我都唔想去了~返屋企好了~
分手後就去左信和~買左幾本書就返屋企了~

返到屋企果頭就買飯~之後就返屋企吃飯~
睇電視~睇書~msn...終於都有人同我玩msn了~真好呢~好凍呢~嗚...

>>February 1, 2008 at 3:45:43 PM GMT+8

2008 年 1 月 29 日 星期二 【晴】

呵~很久沒進行日記了~最近都有點懶...
不論是工作上或其他....

今日~其實最近都有好事發生呢~
咁最近~做到咁上下野阿南就話我知~蕉撻神~你要整好整多d啦~唔係第日冇機會架啦~
咁樣~之後我就問佢做咩呀~?我要去睇爐呀~?
之後佢就話你要去睇爐咩~?有其他野呢~
你有可能過餅面呀~未定架~你唔好開心住呀~佢地好似仲傾緊~
呵~我當時真係開心到飛起~
咁今日看來真係落實左了~通天了~很開人的~不過肥南一定勁唔高興囉~
因為我返左黎~而佢就冇得過餅面了~
佢一定唔會諗到自己o既表現有問題而冇得過~而係因為我囉...一定...
我都好小理呢~

咁就去左果間廁所的餐廳吃飯~
不好吃的...入面...其實第一下個感覺都幾新鮮o既...
不過都係真係得一下囉....
至於野食...貴~唔好食~真係~唔開胃呀~點解要咁~?點解要去~?唔知點解...

咁hd就...入面d野冇晒~果d相冇左~個網冇左~
但係我無無聊去找~比我找到更多~
女呀...姐係...唉...咁...小家等人其實我覺得真係冇咩機會的~
好彩~我果次講d野你唔係咁信~如果唔係呀~我諗我會受到我人生第一次的...愛的拒絕...
不過佢果一輯相...真係好靚~其餘o既...一般囉~
好彩佢唔知~唔係我一定會死的~

女生被同學非禮憤自虐 (星島日報報道)一名中學女生控訴，被同學非禮後，竟遭校方力勸不要報警，希望雙方和解了事，以免影響校譽及涉案男生前途。結果令女生進一步被凌辱，情緒深受困擾而曾:苳潀菢h，需向精神科醫生求助。事隔近一年，該女生怨憤道：「學校對我造成的傷害，不會比那男同學（造成的）少。」有輔導機構提醒學校，處理性騷擾事件時... ...

青年與女童非法性交 指女童胞姐強迫成事 【明報專訊】17歲職訓局青年網上結識未滿13歲女童，1個月後獲女童14歲的胞姊邀請，帶同避孕套到一單位見面，青年聲稱到達後被女童的胞姊以剪刀威嚇，強迫他跟女童性交，又把兩人困在房中，最後青年受不住引誘與少女性交。 ...

唉...睇左lee d新聞...真係好火...唔係我~?點解~?
唔好咁啦....好彩唔係我...見報者~永別了~

>>January 30, 2008 at 3:42:00 PM GMT+8

2008 年 1 月 22 日 星期二 【晴】

最近都發生左好多事~咁個hd入面d date死左啦~
仲有公司內部政策大改革呀~返返跆拳之類啦~

咁我有一晚就好屎忽癢地去dl nds o既game...
因為有左個電話o既handfrees~所以nds就不用用來聽歌了~
本身已經過左期o既防毒~加上再受到攻擊...
當我仲意為冇事的時候入左房𤍣~之後一聲開機聲...
出去睇就....喔....shit...
不斷地搵人幫我~其實都係搵黃德而已~佢話幫我睇囉~
之後過多兩晚佢就黎幫我睇了~不過佢都冇計...心想都係...去找找其他的方法了~

我阿輝樂仔約好左~星期一晚唱k~咁果日我其實打算拎個hd去比人睇的~
不過阿輝話幫我整~睇下得唔得喎~
之後就因為個樂仔話要去睇佢d暗瘡...就搞到我地兩個都唔知去邊好~
我就跟左阿輝返屋企~之後就睇個hd啦~
不過同我想像佢屋企雖然冇咁豪華~但係都幾靚的~
而且一個屋企幾有錢的人~其實我本人都幾羨慕的...
因為佢到現在都冇負擔~同埋可以用好多時間去讀書~不用去煩惱任何事~
同埋有極優越o既環境給予佢學習同成長~
雖則一般來說我都不算差~但係始終當時未識諗同冇人管~所以造成今日o既我....
咁阿輝話都其實係冇得救...唉....我都算了~冇所謂囉~其實...都...唔係可以點喎~
搞完之後玩左陣~就去食野~之後就出去了~

我地一直傾~估唔到佢同阿chloe講左話鍾意佢....
其實真係有點兒那個的~
一般來說我本人都幾喜歡佢的~不過再講~真係你睇我好時我睇你好~
佢地成日覺得我~日對夜對~或許會日久生情~而且佢地對我o既認識實在係太表面~
我只會令人討厭的....所以...如果要數~我應該係最尾果幾個之一...
而阿輝就唔同呢~即使佢話佢自己唔識溝女~但係...如果你真係唔識的話~
我覺得你好厲害囉....無心亦可以做到咁出面....我真係無話可說...
或者佢地真係冇心啦~因為我見樂仔~阿樂~肥南~阿輝~阿恆~阿賢~就連冠豪同小雄呀~
都係對佢極好囉...只有我...唉...
而且論外表~家底~知識~人品呀~佢都比我好~點會係我丫....
論到佢對我地o既好感度~樂仔就最好~我成日做d令佢討厭o既野....
講到進攻~其實...只有我未試過~唉....成日話人~真係有口話人冇口話自己呢....

去到ceo了~我地就入去先~之後一點就點左前戲同借火....
第一隻首已經足以ko我了~再加上借火...死了~完完全全的死了~同埋作病呀~
我地慢慢地努力等阿樂仔黎....
到佢黎左~我地就努力地歌~之後我到4點幾時都冇心情歌了~𤍣了~

到早上走了~我地就去左麥記~
本身打算搭火車的~之後我都係覺得搭巴士比較好的~
我去到車站~等左成個鐘都冇車...之後就去左搭火車了~
咁上到車~都𤍣了...
返到屋企就開電腦啦~安返d野~之後就𤍣了~下午~再搞~𤍣多一陣~
返跆拳了~行出去~之後去左大眾買左本書~就返了~
遲左一個鐘多~見到今日咁小人...有點兒那個...大家都好耐冇見~
不過見佢地咁樣操...都唔想出口了....

放左學就去麥記~我同阿華就去坐~阿水食~
佢就比左個psp我玩~勁正的~果隻game勁有趣的~
玩到我都唔想停~
不過要走了~返到屋企~成點先𤍣呢~
今朝早上~其實都冇咩做~8點幾就起身了~碌下碌下都出廳了~再搞電腦d野~

下午就落左去買飯~買包~,再去買汽水~之後又返屋企了~
其實個下午都冇咩野好做~
dl野~再搞搞個電腦~睇睇電視~𤍣𤍣就一日了~

>>January 23, 2008 at 2:42:18 PM GMT+8

2008 年 1 月 17 日 星期四 【晴】

又好耐都冇進行日記了~
本身都想打一打的~但係果日...個網又壞左~真係好巧合的....

家樂琴日生日~我地成班就同佢一齊去興祝啦~
而且佢要又走...一起搞就好了~唔洗分兩次搞~
琴日收到d好邪惡的公司變動~勁火大~不爽的~
咁大家都搞到有點晚~而我就hea住黎做~6點幾左右收工~好正常~

收工之後一齊出發去apm~
之後去睇apm同adg兩間~join 埋d人~行行企企等等~之後就出發了~
去左lee間~外野手度食~咁呢~
一黎就勁點刺身~吃了都不太多~有點不夠嚨喉~
之後再吃小吃~阿樂果邊有隻船~之後勁吃~
再點那個水間粉~的確不錯~
返去時就同阿康傾傾偈~落左車再同大師兄一齊行~
返到屋企雖然晚~但係都沖涼囉~因為明天放假ma~之後就𤍣了~

今日~其實都冇咩野做的~
都係玩玩ro的私服而已~之後...都冇咩好做~
野都響屋企食~因為琴日果餐都唔平啦~請埋阿樂~171...有點...
不過奇奇怪怪的~我都開始完全進化了~
找片子...唉...灰了~

趣味新聞~

寄養媽媽起死回生 「女兒」嚴重弱智 無力「像死屍」 【明報專訊】「當我第一眼看見她，她就像『死屍』一樣，動也不動，身體軟弱無力！ ...

接吻起源 各家各說 【明報專訊】人們視接吻為一種甜蜜的享受，讓人體會愛情的甜蜜滋味。 ...

「吃蟲女王」1分鐘吞60活蟲 【明報專訊】湖南一名女子敢於1分鐘內，當眾將60條「生猛」的麥皮蟲放進嘴裏，吃得津津有味，她還鼓勵各精壯男士向她挑戰，但她的「壯舉」卻令不少人卻步。 ...

>>January 18, 2008 at 3:12:57 PM GMT+8

2008 年 1 月 11 日 星期五 【晴】

哈哈哈............
因為最近都發生左好多事~很累呢...
真真正正hea住黎做...正是我~
咁之前昌哥結婚~其實...去之前都好開心o既~
不過去到...個感覺都有點兒那個...因為去到個感覺都唔似結婚~
似果d咩工聯會之類的活動...只係多左兩個主角而已...
而且d野又唔好食~家哥果度好好多~而且對面住左三個....家嫂....同兩隻怪物...
仲有我本身都幾討厭的阿翠....總之就唔多高興啦~
不過見到阿澤~大師兄~同埋同樂仔阿輝玩得都幾開心~算啦...

最近都有個不幸的消息~就係家樂都唔做了....
唉...我的大哥喔...你又走...我們點算...冇埋你真係要死的....
不過佢17號生日~所以我地都約左好多人食飯~
而我就都幫下手搵人啦~其實我心裡都係想搵下佢o既....
我打比阿康~其實都好耐冇見佢了~之前又話食飯食飯食飯~都係冇左件事...
之後約實左阿康~就真係打比....chloe了~咁呢...其實我就問完樂仔佢有冇問佢~
佢竟然話冇喎~我都有點驚訝~心諗~你個死仔~平日咁屎鍾意搵佢你唔打~?!冇可能~
不過我打去~佢冇聽呢...可能係因為佢做緊野囉~
叫做安慰自己囉~佢好乖o既~做野唔帶電話的~所以都...晚點再打~
樂仔落完去之後~返到黎~再同佢響樓梯口度傾傾偈~
雖然有d野知~但係...真係...唔高興~我對自己的懦弱....都已經無話可說了~

咁阿康叫我幫佢買個蛋糕~1p的~
叫阿南幫我整~之後原來阿樂仔都買一個~所以就一齊了~
估唔到囉~佢勁好~加大了~1p變1.5p....不過...因為lee個唔係我自己要的...可惜....
整完~之後我地去睇完d新機之後~
就真係出現左近期最幸福最快樂的事情~就係佢終於都覆我電話了~
我地傾啦~開頭其實...ha...本身都入唔到正題的~不過呢~我又怕...
所以插入~問佢去唔去先~可惜丫...唔去喎~不過有lee個電話我都勁開心了~
問完再佢返我地果個幾兩個月內的快樂回憶~
雖然我知下佢o既近況~不過...都係秘密...算啦~一如以往~
開問~追問~問兩下~唔講就~"好啦好啦~你唔想講就唔迫你啦~"
可惜...收工了要~而且好似有人打過黎~只好收線啦....不過...
lee兩個月內~最為快樂的一件事情之一~

到到大埔~拎左個蛋糕比佢之後~佢話車我返屋企~
之後響屋企樓下都差唔多傾左兩個鐘...真係..
返屋企煮麵食~不過...得米粉....

最近....我要飛~?你飛啦~我唔介意架~請便~請~

儲左好多有趣的新聞~請看~

侵犯女友子女13年 無業男子重判18年 【明報專訊】40歲無業漢涉侵犯同居女友一對稚齡子女逾13年，早前在高院被裁定非法肛交、與未成年少女性交及非禮共7項罪成，昨日被重囚18年。 ...

火都黎~

英少女10年只吃薯條 【明報專訊】英國一名15歲少女10年來只吃薯條，但她不是特別愛吃垃圾食品，而是當她一吃其他食物便會反胃。 ...

不錯~很有趣的~

13歲少年非禮行劫判感化 13歲少年承認非禮、行劫和襲擊等六項控罪，被判入住感化院，被告求情時稱，已學懂自律及尊重他人。 ...

課堂非禮同學逼性交 國際校男生判2年感化 【明報專訊】九龍塘著名國際學校一名14歲男生，公然在課室內非禮同齡女同學，威脅會放物件於其下體，強迫女同學到廁所供他侵犯。 ...

雖然不爽~但係...如果我當年唔係咁純咁乖仔就好啦....

33歲女扮13歲少年返學 挪威揭發變臉奇案 【明報專訊】挪威警方大費周章調查一名13歲捷克少年失蹤案，最後赫然發現失蹤「少年」其實是一名33歲女子，而且她還起碼涉及捷克一宗虐兒案和一個神秘教派。 ...

也是有趣的~

>>January 12, 2008 at 3:44:26 PM GMT+8

2008 年 1 月 4 日 星期五 【晴】

今日兩個人做~真好呢~
冇咁辛苦~不過我個人都挺累的....
實在是無心工作~可能...因為有兩個人而令我有所依賴....
而當時阿女就因為不想他辛苦而已....

經過大家的努力~6點前收工~真好的~
之後就返屋企了~屋企再次冇飯食~不過都冇所謂了~自己煮好了~
吃晚餐時就看寒蟬解~唉...看完灰灰的~
明明是有轉機~只差一點...可惜可惜~期待剩餘的故事了~

當電視做那個~醜女大翻身時就立即不看~因為故事的開端已經令人覺得很有趣~
而戲名已經覺得不看不能~加上當年好像很熱的~
一看之下已經愛上了~
立即上網找找他的周邊~
看完好像鬆一口氣的~看了好戲~心靈十分滿足的~

為著出糧日的k~試試唱~前戲~借火~
差點死呢...

>>January 5, 2008 at 3:40:24 PM GMT+8

2008 年 1 月 3 日 星期四 【晴】

自那天起~體力一直都不能復原...
兩日都9點半就已經𤍣左~
十足一個好孩子~10點前就"去"睡~
一直睡到天亮~精神就十足~不過...體力卻不足....

想了很久~終於都決定左今日要出去買衫了~
因為...去飲昌哥果餐~而且都想買過個袋~
雖然冇咩問題...不過...始終人地睇都係唔多好睇囉...
lee幾日都係收五點幾~真的開心~
本身打算問阿輝去唔去食飯的~不過都係算了~佢又唔去~

我一個人出發~
咁....搭左架都唔知去邊o既巴士~
之後都出到去太子行過去好了~朗豪坊~本身係打算去的~
不過都係唔好了~因為行左去信和果邊先~
行左去潮特~睇完...因為太多人都係...算了~之後去左買兩本書~
其實見到好多想買...而且有d新o既小說~好正....算...
本身打算行返過去的~不過都係因為太遠~同埋搭車要行好耐~只好是但了~

又係勁行~行到又係果間~唉...
499~都可以的~不過我本人都認為係不錯的~可惜我都太肥了~要減~?
要減~?要減~?講了很久~現在也很肥....
買完買多個袋~雖然冇咩心水~不過...
見到佢咁樣...這個也可以就買了~返屋企了~

>>January 4, 2008 at 2:43:06 PM GMT+8

2007 年 12 月 31 日 星期一 【晴】

除夕都過去了~最近其實就工作一般多~很累~
過去了就算~

琴日因為死人樂仔要同我同一日放假~搞到我要做埋聽日o既野...
點解~?人地放假我放假~我要做埋我放假o既工作呢~?咁樣我同冇放有咩分別~?
白痴....

當晚我就出左去啦~約左個sms的朋友~
唉...出到去~趕頭趕命出到去~唉...
失望~
之後再一次做錯~我的理性都是抵不住人類原始的慾望....
明早起身~好累呢...想死一般的...

一如以往~放假真係要去吃個早餐住餐~正~買包包~
返屋企~睇完晒Trinity Blood~勁好睇的~係超...小說...不走得了....
睇完就睡了~
起身~再看寒蟬解~看來也不錯~

有趣新聞~

少女怕買安全套誕兩子 與男友分手 無力照顧交託管家庭 【明報專訊】少女未婚懷孕產子事件屢見不鮮，22歲的Kelly亦是當中一分子，蓄長髮、打扮新潮的她，已是兩名孩子的母親，她坦言當年有勇氣未婚產子，卻沒有勇氣去便利店購買避孕套，及後與男友分手，在沒有經濟能力下，只能把孩子交給託管家庭照顧，痛改前非的她正努力進修，盼望日後有能力領回孩子一起居住。 ...

20歲救生員 泳池非禮女童 【明報專訊】年輕救生員在西環干德道私人住宅泳池當更時，與8歲外籍女童游泳玩水，突然捉住女童至池邊非禮，女童母親得悉後報警。 ...

了解你....

>>January 1, 2008 at 3:43:43 PM GMT+8