2007 年 11 月 28 日 星期三 【晴】

呵呵~lee幾日都係差d遲到呢~
琴日就....開始工作時都有點尷尬的~因為我嬲ma前天在~
不過我老早已經決定唔計較的~
但係就係因為lee件事....搞到我失眠呢~
點幾開始𤍣~𤍣左兩個鐘就起左身了~一直在想如何解釋說算了~和事情發生的那一刻...
搞到我返到公司都沒什麼精神呢~

開始時都呆呆的~後來我見佢好似怪怪的~
明明只要果3種鬆餅~拎d香蕉乾黎做咩呀~?
我冇出聲~睇下佢做咩啦~之後佢又拎多個兜黎分鬆餅~我就笑笑口問佢~
你做咩呀~?佢諗左一陣~諗諗下~佢驚覺自己已經做錯左野了~
佢話我驚你仲嬲緊ma~唉...如果我仲嬲我就唔會咁啦~
我一句得返落去~我lee d仆街一日都唔知比人話幾多次啦~有咩所謂丫~
雖然我唔覺得佢會因為我嬲而變得心神晃忽~但係~佢哄下我開心我都好安慰了~

阿斌拎左舊"so"黎分~分完之後我無啦啦又加左兩刀~做左隻眼~
之後開始加口之類的東西~後來我仲諗起~日本的地藏菩薩~
用公司的毛巾做了它的圍巾~再加上奇怪的東西~表情~就完成了~
而且還影底左~好得意的~

玩完~我行左去洗野~問阿樂~我和唔和善呀~?
之後佢話~家豪~你就真係...我就做比你睇~
扮左陣~佢話~原來唔係語氣同語言都做到~但係個樣唔得~又戴返眼鏡~
佢地都話頂唔住~勁唔習慣囉XD

響公司食飯~不過見阿樂響度...我都係唔響度食~自己行開了~
雖然我真係好鍾意佢~但係有時真係覺得佢對我又...有點...唔係咁好~
但係有時又都唔錯喎~真係矛盾~行開d會比較好~
𤍣了一教好之後~就出返去了~同小雄三個人玩左陣吉就入返去工作了~
幫幫手~工工作~"西"埋果隻死人谷古~真係死人的...有火....
我仲同佢講左句~我好憎你~佢問我點解~
我話~"咁樣~咁樣~再咁樣~"我係咁望向其他人~之後又望佢~之後我就行開左~佢話~"唔明~"

今日~因為早上同下午都冇吃過野~
所以早左出門口去買麥記了~買完就搭車返去~
見到阿樂~同佢傾三國志ds2的事宜~因為得佢~同我會玩的...真好呢~
因為我玩親d人都係問我~lee隻咩黎架~?我話三國志ds2囉~冇人知係咩囉...
返到公司~比人瓜分左我d薯王~食埋野就開始工作了~
點解個衰女抄得咁快o既呢~真係唔明...我今日抄...就係計果d死人數都計死人...

工作了~唉...一個人真係毫無幹勁呢~
雖說工作說多又不多~話小又唔算小~但係就8點食飯~返黎搞埋d手尾就可以了~
晚餐都係麥記~咁...斌~成~都食完走左之後就同阿樂兩個人~
之後我地開始傾傾男子之間的...愛情問題了~
這個遊戲很易玩~但係...我自己不夠狠~所以玩得不好~
但係佢lee一夥少男o既心就十分之咁矛盾~不過任我點講都好啦~
如果三言兩語就叫到佢表白的話都唔會搞到e+都仲...咁樣啦~

大清洗~一大班人工作的確開心~
但係搞到11點半先可以收工~唉...
返到去又要行呢~到屋企都成12點8~日記進行中又cs...兩點幾了~死了~

>>November 29, 2007 at 6:06:26 PM GMT+8

2007 年 11 月 27 日 星期二 【晴】

今日~可算是....唉~
早上miss add左我~咁~問我考唔考~我諗~都係唔考了~
一世黑帶一段~?或許...應該到此為止了....
上午都是呆呆的~下午吃完個午餐~幾乎都要出發了~

返到公司~佢又幾好~都唔會好似平日咁~只是望住行過就算囉~
有好多圍身唷~這樣我就換衫~衝去打卡了~
之後工作囉~看來今天都很多工作~一做之下~的確好多....
不過一邊做一邊傾傾講笑就好快過~同埋都冇咁悶囉~
同佢講了我小學的那一份情~
意想不到的竟是一句很浪漫~老實一句...香港說大不大~話細亦不細...
真的要等...到底要等到何年何日呢~?
之後就傾食飯d野~本身都話唔想佢地請的~但係...唉...死都要請~下次我請囉~
叫埋佢吃~一齊就開心d嘛~

食完飯~我地4個就走左入去中間樓梯講鬼故~阿斌講果個真係勁...
好勁...嚇死人呢~大家都好驚的~
咁返到入去~都唔記得傾咩了~但係我就問佢一句~有冇暗地裡鬧我仆街先~?
佢話有~之後仲話都數唔到了~
真係有...心淡的...雖然唉...都冇心嬲...但係又...都唔知點~好矛盾囉....
一怒之下~結果到分手時都係好嬲的...我都唔想架....
估唔到返到大埔仲有車~真好呢~

>>November 27, 2007 at 5:03:22 PM GMT+8

2007 年 11 月 25 日 星期日 【晴】

琴日呢~其實都冇咩特別~而且都有點累了~所以....

咁琴日就見佢又係黑面...點解呢~?星期六晚飲家哥果餐都好地地架~
雖然我感覺上係被忽視左~但係...我都唔嬲啦~點解你今日咁o既樣呢~?
當我做到咁上下時~我終於都忍唔住~
其實我都同佢一樣~我見到佢咁我都冇理佢~一句說話都冇講過~
但係當我見到佢同其他人~雖然唔係多~但係有講有笑~我就心情開始低落....
真係忍唔住就開口問囉...你今日又做咩咁o既樣呀....
佢唔多想理我~之後我就講左果幾句其中好想講o既說話~
我問~你係咪唔想對住我呀~?如果係我咪走囉~換個人入黎都得架~
阿樂又得~肥南又得~冠豪都得架~阿斌又得~邊個都得~
又或者你唔想對住lee度d野呀~?你唔想對住lee d野我可以同小雄講你轉返出去o即牛油又得~
我去搵個人入黎重新教過又得~我自己做又得~冇問題架~
之後講完lee幾番話之後~佢就同我講~
點解我唔開心淨係可以關你事~而唔可以係我自己o既問題呀~?
最後經過一輪冷淡的罵戰之後~佢心情好似好返好多咁~開始~今日的心情就很不錯了~

今日~返3點~真好呢~
但係因為個鬧鐘set左響6點34分響~所以...唉...
不過我去左個廁所後就死碌爛碌~到到8點幾真係頂唔順就索性起身了~
玩cs~聽歌~其實都冇咩野好做~等家姐走左後就看埋最後一集的零之使魔~
的確係有點感動的~但係...依然係以主角的好色來作為搞笑做故事的結尾...
令人有點失望~

之後下午就落左去買鞋~應承左冠豪~唔買唔得呢~
買完就去買午餐~令返屋企~食完就又看多個~桃華月憚~
可能未入到正題~有點...覺得無聊同唔知講咩~好複雜似的~
走前都玩多陣cs就出門口了~

一如我往日的作風~最後一分鐘到~打卡~
又工作了~今日的速度~其實都係一般般~我覺得同平日就差唔多~
開始時佢都唔多理我的~之後又傾起上黎~
咁返到去阿樂就同我講~chloe同msn我講話我成日話佢黑面喎~
之後經我有點修飾地同佢講講後~終於都撫平到佢有點不爽的心情了~
我地再傾~終於都比我找到一個機會同佢講我聽到阿樂話我知o既野~
之後佢就同我講~我叫左佢搵人同佢傾下架啦~
然後搞到...大家都冇野講~心情唔好做野就快d架啦~有好一段時間都有言語上的溝通了~
不過~因為某d契機我地又傾返偈~

然後到食飯時間~咁小雄出左一百蚊比我地咁多人食飯~
咁樂仔聽到~就覺得...一百蚊~又唔知有咩食~都係自己去買~
而佢同阿斌都有d時間~所以我地就打算一齊落去買了~
行行下又話想吃paizz~之後經過大家的同意~就去左了~
點左好耐都未想到點樣~到叫左野佢兩個就上返去工作了~

我地兩個響度等~上到去就係因為果邊有太多人~所以呢~有個咁好o既藉口去後樓梯~單獨相處了~
如果係第二個的話應該會好多廢話傾的~
但係...終於對住佢都係唔想搞到自己咁...而且有好多野都好難開口的~
不過食到一半就開始傾起上黎了~開始時都係傾食野~
但係食到咁上下就傾下公司~再傾自己o既野~
咁我曖曖昧昧咁打左個電話傾~後來先講~我地響後樓梯~你地快d黎啦~
唔知佢會唔會認為係打比咩人呢XD
正當我地傾得比較正是深入時佢兩個就到~真的有點不會時宜呢~冇所謂~仲有機會的~我深信~

佢地兩個都飽了~我地就玩遊戲~開始時都係玩食野~
後來~就開始玩電話了...因為我勁輸的關係~越玩越癲...
最後打左比iris同嘉莉~各說了一次愛的告白~
咁因為時間的關係~所以要返去了~
我發覺我面都紅晒了~之後就入去工作了~當我整啤啤時佢又係響我身邊工作~
之後到我劈油時都係~然後我地再一起玩撻仔時都勁講笑~
笑到佢肚痛添~真有趣~

收工前又同佢地勁玩~玩到過晒時間....
我倆去到馬鐵站時我一覺得死定了...因為已經踏7了~
今日佢冇好似平日咁行左去等車~所以我地仲有兩分鐘傾~
車到了~佢就走了~而我就立即令書出來看了~
咁我就搭左去太和行返屋企~返到屋企都44分了~真的晚了...好累的...
都...進行了很長的日記~真的累了...

>>November 26, 2007 at 5:34:51 PM GMT+8

2007 年 11 月 23 日 星期五 【晴】

今早本想早一點起身的~可惜...體力不足....
咁剛好返到公司~基於太遲返到去了~都未見大家點著添~
今日的工作很小~不用太多的東西幹~
但係...又係因為一句說話...搞到佢唔高興囉~點解呢~?點解...又係我...
不過佢果一句~"我憎死你呀...."真係傷透我心呢....
哄左佢幾哄~雖說話冇事~但係...我都覺得~既然你話冇事~
我就冇事啦~不過我都唔出聲了事~

下午~咁食完飯我就𤍣啦~本身都𤍣唔著的~打完卡返去我就𤍣得勁好~
𤍣左半個鐘多~體力都回復到一般水平了~
咁幫左阿賢一陣~再返去自己個位~其實之前已經說服左自己~
唔關我事唔關我事的~但係...每次見到一d無關重要的人去同佢玩~傾偈~
好顯然我是有點不爽的~唔關我事都搞到咁...點解呢~
不過要解決左件事先啦都係~
我問佢咩事~之後講左一輪~佢問返我我果日問佢o既問題~
佢話~"你係咪好憎我呀~?"
一時情急~我口快快就答左佢一句~"唔係~點會呢~我鍾意你呀~"
我自己都有點驚愕...心諗~仆街~講左句咁o既野添~
但係我見到佢面紅同偷偷地笑~真係...
最後~講講下先知係一個誤會囉~咁...冇野就好啦...如果唔係我真係唔知點好呢~

收工啦~gel好個頭~就出發了~
因為今日去飲家哥果餐~大家都著得好行~正好時間未到~
所以就去左沙田打機啦~去到我又唔打~都有點無謂的~
到到咁上下就出發了~
去到場地~等埋其他人先出發~有時...都有點...不爽的...唉...
咁上到去~行行企企搞搞~先搵到個位坐~傾傾玩玩睇睇等等吃吃就一晚了~
見到人地咁幸福...真係好令人羨慕....家哥....你係我敬愛的大佬~
你得到幸福我都覺得好幸福呢~
但係呢...比佢劈酒果班人搞到我一身都係~勁不爽的~

走時~見到好多人都飲大左呢...
之後我大師兄大師姐同阿恆走~阿恆呢...真係勁煩~一路講....
我想同大師兄傾下依家o既野都唔得....
而且我地都有一段日子冇好好地傾過....你唔洗咁呀...真係嬲到震....
咁收到啊iris o既電話~佢問我有冇見到阿鵬....唉...飲大左的其中一員~
佢話~阿朗送佢搭車時~佢走左去嘔...之後就唔見左~問我有冇見過佢呢...
這個...真係幫你唔到喎.....希望聽日見到佢啦XD

返到屋企~進行埋個日記~應該都要𤍣了~

>>November 24, 2007 at 4:44:28 PM GMT+8

2007 年 11 月 22 日 星期四 【晴】

有幾日個日記都神左....冇計啦....真係...
咁星期二聽到一個消息~要前腳的jump reverse kick....
雖然都唔難~對我來說~但係...
一聽到我真係火都黎埋~唔考啦~唔考啦~以後都唔返添呀!!!

星期三~阿樂仔生日~咁我雖然放假~不過都出去啦~
響屋企~今日都𤍣得幾好的~𤍣左好多個鐘了...
咁出到去~其實都好似平日咁食左餐飯囉~
咁傾傾~玩玩咁就一晚了~而且同佢地走左o既聚聚舊~
但係可能下午吃左雪糕加汽水~差d肚痛死...

星期四~個衰女放假~又黎啦....
丫~真係有咁o岩就係咁o岩~個衰女一放假就同阿恩放~
同星期一一樣囉~唱到天昏地暗~勁開心的~
不過同樣地勁晏先收工呢....

今晚~家姐就帶佢d朋友黎住兩日~咁我當然就唔會留響廳啦~
不過佢地勁嘈囉~之後就走晒去玩了...
真係好想睇下佢地有幾靚~因為家姐話係靚女來的....

今日~工作都幾開心的~
個衰女無啦啦好似唔知食左d咩咁~本身都冇野~一講家哥~
開始傾起上黎~講講笑~之後佢就好似high大左咁~
成日都好似癲癲得得咁~
不過...我好認真咁問佢~"你係咪真係咁憎我呀~?"
唉...個衰女真係...過份地保護自己的...或者同佢家庭背景同埋成長過程所影響啦....
但係佢下午真係仲high囉...玩得幾開心的~不錯呢~

>>November 23, 2007 at 2:45:01 PM GMT+8

2007 年 11 月 18 日 星期日 【晴】

琴日~個衰女放假~真係放假呢...
冠豪同我~chole琴日咩都冇返兜呀~
其實...我返到去抄數時已經知道....因為咩都冇晒囉....
心情有點...不好~不過因為阿樂響隔離做野~唉~我見佢地出面都慢慢的~都冇所謂了~
現在有得聽歌~我同佢都可算是唱了一個早上呢~
下午~等埋佢~同阿聰三個落左去雪糕果度食飯~
咁傾好話今日出旺角行街的~

收成6點幾~咁阿偉係最後一日響早班了...
同佢搭埋lee程車都冇咩機會見面了~
咁我地行行行行行~行到咁上下就去食飯~傾左陣就返去買了~
買完衫~就返屋企了~返到去都成12點了~

今早都唔多願起身~不過都冇得簡了~
早左返到公司~
之後就開始工作了~本身都想話上佢o既...但係...家下d小朋友唔話得的~會黑面...
而且佢個樣真係累得死似的~問佢~又話𤍣得太多~是但囉~有時有d野...諗多左就會當真~
咁就會當係架啦~
工作遊遊遊~其實真係冇咩野做~但係又唔想搞其他野~所以...hae~

食飯時~或者我當時真的太敏感啦...
比人講兩句個反應都真的有點大...比人講都好正常o既...
之後~我就入左去𤍣囉~而...唉...我就係唔識做埋d咁作撞o既野囉~有點不爽呢~
下午我都唔理佢囉~因為...唔係o既~又唔係好關我事~
不過呢...無謂阻住人囉~反正你都咁開心~係咪先~
收左工就返屋企了~
當然又係冇飯食啦~自己買囉...唔係點喎~

>>November 19, 2007 at 2:44:16 PM GMT+8

2007 年 11 月 16 日 星期五 【晴】

其實琴晚都冇咩野搞~只係收工比較晏但係都好夜先𤍣~不過有d唔想進行日記而已~

琴日都幾好的~但係返7點就有點兒...都係7點半返到啦~
因為佢心情很好~而且轉左環景工作~但係野就比較多的~
做野果方面都幾的~不過感覺上就慢左d囉唔知點解~
因為佢都同我講~你平日星期五就好似放緊假咁架啦ma~今日做咩呀~
係囉...我都唔知做咩~當時我又諗唔到點答~所以都係答左句~係咩~我都唔知喎~咁樣~

不過到到下午~做到尾時~佢就開始...唉...做咩又發脾氣呀~??
努力的溝通過~總好過哄都唔哄...佢話就話冇野~嬲都係嬲一日~
但係...你又唔係唔知自己呀~幾小氣先得架~唔通唔理你咩...
收左工~講左一句令我幾後悔的說話~請忘記吧~她應該知道是戲言吧~

今早就送佢走~(又做錯事了...後悔都黎唔切....)去左買麥記返屋企食~本身我想食早餐的...
但係都11點幾了...咩都冇啦...
響樓下就買左幾個包~20蚊都唔洗~
之後就返左屋企了~食野~睇左陣nanatsuiro drops~就𤍣左了~
12點幾左右𤍣~4點幾就起身~起身都冇野做就繼續看啦~
分開地看~終於都睇晒了~12集~用左兩個星期睇...真係有點....
雖然都算新新地~但係因為佢o既角色設定係いとうのいぢ~
對於佢o既畫功已經不用多講~而且大概都知道佢故事~所以就睇左先啦~
睇下幾好睇的~我睇的時候都冇咩特別的感覺~但係睇完上網睇返人地果d評論~
的確有點似ccs~難怪~我會咁鍾意啦~最後果集的確有點感動的~

最後~睇左個新聞~

姦妹誕男嬰 中七生判入教導所 【明報專訊】早前獲邀到港大及中大面試的中七男生，於2004年聖誕假期強姦同母異父胞妹，導致當時僅得14歲的胞妹懷孕並誕下男嬰，早前承認控罪。 ...

>>November 17, 2007 at 3:25:28 PM GMT+8

2007 年 11 月 14 日 星期三 【晴】

琴日呢~都幾大件事下的...我的chloe就好似話唔舒服而冇返~
咁當然~之前同佢傾偈時的內容中~同埋在於我對她的認知之中~
加上佢日日都好似好煩好多野諗咁~
可能以後都見佢唔到了~好驚呢~
今日都係預野~不過呢...真係做到我火都黎埋~
唔知點解到左12點了~都只係做得果幾樣野...但係我見佢地都可以話係做到一半了~
心諗~死啦~所以別人看起來心情好像不錯~其實都已經焦急起來了~
早點食飯會比較好的~因為我都有點累了~

食完飯~今日都冇坐多陣~1小時內就入去工作了~
之後不停地做囉~做到6點...比人搞一搞...爆左出黎...
其實我都唔想架~不過...你地都係扺死的~
一齊收工~因為要去鬍鬚個farewell party~不過唔知點解阿輝話我著得好勁~??
我覺得就一般囉~上年都係咁樣出街姐~西裝"嬲"~有幾勁呀~?
咁去到~搞左好耐~但係d野都係...一般囉....唔值250囉~
而且感覺都唔好~但係就同阿南~籣子~阿輝~樂仔佢地傾左好多野~
阿南飲大左~勁搞笑的~不過佢都係約左個女仔出街...真開心呢....嗚...

今日返10點呢~要8點半左右起身~
但係7點9左右就起左身了...真係...好唔扺呢...咁都𤍣唔得晏~
9點正出門~風景就不如啦~
返到公司見到佢~都冇咁膽心~唉...lee個人真係好難抓摸呢~算啦~你響度就好了~
咁今日o既工作...很悠閒的~而且可以"蚊"餅~做cutcake~又砌左幾個好簡單o既餅~
又幫手埋野~做意大利~
之後遊遊遊就食飯~再返去執執野~最後咩都未得就可以收工了~

咁阿誠打比我~佢好似聽到我未收工...
返到屋企我食完飯先msn佢~之後佢就唔跑了~
之後都係看電視之類的活動~很合適我悠閒的生活~

>>November 15, 2007 at 3:02:06 PM GMT+8

2007 年 11 月 12 日 星期一 【晴】

本身都想好寫日記的~但係有時唔係你話想~就有o既~
琴日都唔知做咩...登入唔到....
咁又再遲到了~真係...又冇左d了...
好開心呢~家哥結婚了~11月尾~大家都有得去飲~仲可以見證佢地註冊~真係令人羨慕呢~
可惜丫...chloe又唔知做咩呢~黑面...自前日開始~佢就開始黑面了~
點解要咁呢~?唉...大家返黎都為左達到某些目的而工作~
但係點解要搞到唔開心呢~?你唔開心~我又唔開心~我一唔開心~大家都仲更加唔開心...
問佢~佢又唔講咩事~唉...叫佢d好友開解下佢~佢地又話唔洗咁....我好辛苦囉~

咁收工啦~都晚了~但係電話又比人cut左喎~
返到屋企先打比阿媽~冇飯食~
咁阿誠都搵我去跑步~不過我真的很累了~所以就叫佢出去食野~
諗諗下~都唔知去邊食佢就話出旺角~反正我想買衫~也可以的~
咁目到啦~就出發啦~佢有野煩緊~我又唔係好識股票o既野~都唔知點應佢好~
咁我地就因為睇下食咩~都行左勁耐~
不過...又係去返果間囉~
食完野~買完衫就返屋企了~
而iris佢地就出左黎食飯~打左比佢地~原來佢地果邊都幾多人~不過見阿誠響度...
都係唔去佢地度啦~而且都唔係有咩想傾想講~

今日~咁又差d遲到啦~
返到去~都係預野姐~不過真的有點不爽...我一個人做~做係冇問題呀~
但係我食完飯返黎你同我講你整爛左我3箱鬆餅...我真係一時火起...
不過我真係要忍囉...唔忍唔得~但係工作上o既速度就...慢慢慢慢慢的~
之後說話勁單打~行徑開始瘋狂~唉...神神地~
8點先落到樓呢~因為見到英仔~傾左一大餐~傾咩...晚班d西人囉...
見到阿偉家姐~都...不太討好的~不過好勁~係一名獸醫~真好呢~

咁落左舖頭~拎左蟹返屋企食~真係好正呢~

>>November 13, 2007 at 2:53:11 PM GMT+8

2007 年 11 月 9 日 星期五 【晴】

寫意的一天~
早上~其實本身應該就係去東涌的~
但係...阿誠同蔡蔡都甩底...我...唉...真係好玪啦~只好都同佢講唔去好了~

但係換好晒衫~加上都想食個早餐~
反正都冇野做就出左去大中麥記買早餐食~
買完個早餐都有點累~搭車返屋企好了~
返到去樓下買包食~之後返屋企食早餐~再看怪物王女~
睇完𤍣教~𤍣到點幾~阿水打黎~佢見我未𤍣醒就叫我起身打返比佢~
見都𤍣唔到了~就出廳了~佢打返比我~原來我條黑帶留左響東涌果邊呢,,,真係...
難怪唔見左啦~好彩我都未開始去搵姐~不然就煩死自己了~

夜上~其實都幾方便的~自從我有返眼鏡~我就已經不在意自己點著了~
落去買飯都係好似平日咁就走左落去了~
買完返屋企就吃飯啦~
無聊時就看這個Nanatsuiro Drops~um...火大的~看得令人~
不過又不錯...很矛盾的~

晚上~都冇野做~看電視好了~
其實好彩有有線囉~又睇了一套韓片~幾有趣的~不錯~

>>November 10, 2007 at 3:07:39 PM GMT+8