| 日記 | 日記主簡介 |
||||||||||
2010 年 8 月 12 日 星期四 【晴】 又睇左齣好戲~ http://hk.movies.yahoo.com/movie.html?id=mcl_rainbowsongs 好好睇~唔覺唔覺睇左兩個鐘~ 睇人地o既影評話~唔知點解女主角對個男主角咁執著~ 在於生活裡~你睇到好多好壞~好懶~好賤~好一無事處o既男人~ 都總有一d對佢地死心塌地o既擁護者~ 由細聽到大~男人不壞 女人不愛~我都好了解~ 點解點解~??問點解自己唔係壞果一群~會比較適合囉.... >>August 13, 2010 at 3:42:05 PM GMT+8 2010 年 8 月 11 日 星期三 【晴】 最近都睇左幾齣好戲~當然不是新戲啦~ 不太喜歡出街~而且屋企有有線~睇戲~??洗咩出街呢~ 第一齣~1408... 佢的確係一齣驚慄片~但就不太驚~ 劇情o既節湊睇落都幾舒服~至少比時間你休息....再加小小溫情~ 除佢唔恐怕之外~係好齣好戲~ 第二齣~蝴蝶~
蝶 (何超儀) 是生活平穩豐裕的中學教師, 一天在超級市場內遇上了偷東西吃的女孩小葉 (田原). 講女同性戀的~好好睇~因為女同性戀實在太優美~雖然劇情有d慢... 第三齣就係做左好多次~一直都冇睇o既~無主之城~
http://www.goldenscene.com/cityofgod/cityofgod-syn-ch.html ↑有好多資料的↑ 今日~唔小心睇到~聽說~hmc2係太多垃圾片~陳年舊片~ 但係~好多寶物都會係一個不起眼o既地方~如果有時間~不妨停一停~看一看~ 或者你都會搵到能夠改變你一生o既寶物~ 現在~我已找到不少的好戲~ >>August 12, 2010 at 12:00:49 PM GMT+8 2010 年 8 月 10 日 星期二 【晴】 本來係悠閒的一天....不過...很累.... 最近晚晚都失眠~搞到一整天個人都運運噩噩咁... 夜晚老鼠叫我出去食飯...本身有d唔想出~冇咩力...又打緊機....不過算啦... 點知阿wan都去~ 遲左小小出門~只好爆速行啦~熱到暈低~ 行行下無啦啦就走左去唱k~毫無準備之下~就入左去啦.... 人小小~我諗應該都冇咩問題啦.... 估唔到...估唔到老鼠真係好適合同果兩條pk去玩~ 做埋d野都一樣~後尾仲搞到我扯火~ 大佬~你要唱~你唱~唔好係度嘈~最憎d人嗌咪~仲嗌爆晒~你唱你嗌自己唔緊要~ 你咪搞我先得~勁嬲...忍唔住要爆.... >>August 12, 2010 at 4:07:07 AM GMT+8 2010 年 8 月 9 日 星期一 【晴】 今晚~人家早早就沖好涼打算早d訓~ 點知一沖完老鼠就叫人家落去吹水啦...算啦...反正都冇野做就陪一陪佢啦.... 吹吹下見到大家樂姐姐收工呢~ 總算有d收穫~ . . . 因為一向訓前都有聽電台o既習慣~近哩半年~ 就多聽到二奶命哩個"名詞"~ 就話果d女人每次識到男朋友都係有女友或老婆~ 但係...我就唔係咁睇法~ 二奶命~我唔敢講冇哩回事~姐係你通常遇到o既都係已有配偶o既人~ 我覺得好常見~因為~你睇下你身邊o既朋友~同事~有幾多個係冇拖拍~?未結婚架~?? 根本哩個就係社會o既大趨勢~人有我有~ 依家要搵個...條件好小小o既伴侶已經係要靠搶~先會得到~ 根本d人就有小小feel~已經去追~莫講話已經有伴侶啦~一拖二o既~都係咁做~ 我本人最討厭搶~既然係人地o既~搶左返黎~又代表到d咩呢~?? 當你搶到果一刻~會唔會覺得~既然我今日搶到~第日~又有第二個黎搶呢~?? 如果每日都要過住d日防夜防o既日子~比單身更難熬~ 話說回頭~從前~覺得做第三者係一件羞恥o既事~所以都守得比較緊~ 但係依家d人~覺得搶到人地男朋友係一件好威o既事~ 根本個道德觀念就係太寬鬆~二奶命~?你上30跳落黎遲d你就知咩叫三奶命架啦~ . . . 再說...感情事最樣衰就係擺晒上檯~將d衰野講晒比全世界知~ 你~打算數臭果個人~則作別論~ 我都覺得~做人~瀟洒d啦....既然已死的感情就無為抓爛自己塊面嘈囉.... 到最後~人家不在意~最痛苦既都係你自己... 如果打算想駁返d同情分~我諗都ok o既~但係...我會好睇唔起你囉... >>August 10, 2010 at 3:42:32 PM GMT+8 2010 年 8 月 8 日 星期日 【晴】 唔知點解今日特別攰~ 攰到想郁下都唔得... 本想今日就練下舞的~因為今日要拍低佢丫ma~ 不過...到到出門口前...果半個鐘先練得果一陣.... 今日又係爆熱~就算開行風扇加冷氣~用左半個鐘都冷靜唔到~ 一出街已經水人咁o既樣...好辛苦呢.... 一去到已經見到佢地係度練緊~估唔到...練左陣~有兩個16,7歲o既細路話個場佢地book左~ 叫埋阿姐黎~又真係佢地架喎~ miss黎到就話~哎呀~我好似記得book場添....唔洗好似啦...因為真係冇~ 雖然有d失望~因為冇得學新舞~但係又覺得~有多d時間練好d~ 我地傾左一陣~就話去食飯啦~等埋miss沖涼就出發啦~ miss個妹生日我地陪佢去買禮物啦~ 不過一路行~一路睇...我只係見到miss睇到好多佢心儀o既野...行左都個多小時之後~ 佢話唔買了~簡唔o岩喎~但係我就覺得...佢驚自己睇中太多野而已... 搞左好耐~終於都決定左食pizza~門口等位時~我見到個好有趣o既女仔~ 咪話~好可愛喎~個女仔隻牙~miss就打我話我太大聲啦.... 係大聲左d~不過~真係好得意的~ 食完野~傾左陣偈~無啦啦講起鬼故喎~ 正好~我之前都有d貨~3大猛故~miss聽起來都十分有興趣~ 估唔到佢都係住大埔的~而且自己搬出來住~真能幹呢~(雖然應該係同男友一齊) >>August 9, 2010 at 3:52:11 PM GMT+8 2010 年 8 月 7 日 星期六 【晴】 琴日去左游水~好耐都冇游啦.... 老鼠叫我5點就去同佢會合~因為佢早走先~之後都係坐係樓下大堂等... 估唔到...本身係話好多好多人去的~計計埋埋都有十四,五個... 但係依家話...阿維~手指腫左~新人~唔去~o靚妹~肚痛~ 阿榮~返工~iris同阿輝~出唔切黎~joeys~腳指爆左~阿偉~感情問題~等等~ 得返我地6丁友.... 食左麥記就出發啦~等左陣入場~其實...好多時同佢地游水都唔係游啦~ 吹水多過游水~游左一陣又企~等等等等等~就咁就一晚~ 游完去食多個霄夜~滿足的~ 同老鼠一齊走~之後我地轉車去大學再火車轉巴士~好快就返到屋企啦~ 買左d野飲~就坐左係ok出面傾~傾傾下都傾到兩點幾啦.... 講到感情問題~我最煩o既地方就係冇得煩~ 不過~我哩方面都比較有法子的~要清楚~了解問題o既癥結對正下藥~ 如果你用自己o既角色去代入人家的感情事~根本一d幫助都冇~ 真係唔怕浪費時間就比佢講~你聽落去啦~ 返到屋企~沖涼~上床碌碌碌碌碌~碌到4點幾先訓得著....
早上~11點就起身啦~老鼠12點左右打黎問我去唔去游水~我ok架~琴晚都冇咩點游~ 兩點半~join埋就出發啦~ 估唔到...佢叫我游~但係佢就游唔到幾耐....好快就ko左~ 不過...見到兩個死小孩~真係火都黎埋~睇佢地個樣都係13,4歲左右~ 攬攬錫錫...又揸波(老鼠講的...當時我冇眼睇啦...)又同雙腿箝實對到準一準~ 好心你就返屋企爆房好過啦~你唔好意為到左成人池就係成人可以做d成人野啦~ 依家d細路都唔知咩事~勁想打把佢兩個~ 游完~就返屋企換衫~出左沙田~佢想捐血~但係人地收工啦~叫左我地兩個出mk~ 出到去~都不少人捐的~但係...我唔想痛都係冇捐的... 等左半個鐘~好眼訓呢....等到佢出黎都差唔多用左9個字了.... mk果個捐血站真係好多靚女~感覺上...因為發生左d不安全o既性行為然後驗下有冇病呢~ 捐完~我地就去食火鍋~佢話想食喎...話好正~一人一鍋咁~我都ok o既... 一齊食會有點兒那個的~ 食到勁飽~其實黎得哩d任食我都一定蝕~我又食得唔多~又唔會係哩d時候食果d蝦之類o既野~ 好蝕~ >>August 7, 2010 at 5:15:34 PM GMT+8 2010 年 8 月 4 日 星期三 【晴】 又一個月啦~哩一個月來...自果日病完~再打風落大雨之後....都冇點游過水啦... 好攰...手手腳腳都冇力.... 唉...對自己都有d失望...決心不足... 同埋~有日見到ro出左新3轉...就開始沈迷落去啦....所以...唉.... 都好似做左好多野~不過都唔記得晒啦~ 有日大細健打黎~9點幾問我出唔出去食飯~一早食左啦... 不過都想見下佢地咁囉~就出左去啦~ 細健個死仔識到女朋友啦~恭喜恭喜~哈哈~幾時又到我呢?? 不過我見佢地果種~餒戰餒敗~餒敗餒戰~o既毅力~十分之尊敬~ 早幾日就同阿榮返公司拎工作証明同出糧~ 返到公司~拎完就落去見一見佢地啦~吹左幾句咁~佢地話叮左飯~我地就出去食自己走啦~ 去左沙田食鐵板200~a...唔會話特別好食o既~可能係lunch啦~ 不過真係傾左好多野啦~ 佢之後搵到份做左三日就冇做啦~其實...我覺得好正囉~ 因為可以自己做自己喜歡o既款~而且...我自己聽落唔算多野做~ 一日做...雖然佢返左幾日但係最多都係十幾隻~的確不錯~ 可惜~遠同埋人工低....同埋~同我目標不同~ 星期日就去左阿水屋企bbq~但係呢~咁o既天時...我真係食唔落囉~ 所以...我就話食左野先去~其實真係冇食... 但係去到~我見到都食唔落啦.... 香港人~有9成都係變態的...你話~大熱天時對住個火爐係咁燴自己~自虐的嗎~?? 開冷氣~打邊爐~咁又何必呢~??超浪費地球資源囉~ 所以我本人熱天都不太喜歡哩兩項活動.... 不過...最令人驚訝係...阿水又返兜阿雪...人家女大8變...係咁問我地認唔認得... 真係一個都唔認得囉....不過...最出奇o既係...佢兩個會返兜囉... 我地終於都完完整整地學好第一隻舞啦~ 嘿嘿...咁下堂呢~miss要我地就要拍低佢~ 嘿嘿~企中間哦~ 雖然我唔想認叻~但係miss都話我一直都跳得唔錯~比人讚呢~開心的~ >>August 5, 2010 at 2:34:36 PM GMT+8 2010 年 7 月 17 日 星期六 【晴】 離開 離開四年來一直成長的地方~都已經冇任何留戀了~ 要走的~早就走了~ 留下來的...也不想再見~ 6月頭辭職~阿榮都遲我兩日都辭埋職啦.... 辭職...早就已經話走~話走話走~走到依家先走~ 年頭~其實出完花紅都可以走~但係...好頭好尾~話晒都學左咁多野~ 係度學左咁多野~幫埋你先走啦.... 6月中~放左10日大假~人生就係咁充實~勁游水~都總算開始上堂~ 又打下war game~半休息~半玩~半努力上堂~話咁快就過左~ 一返去~見到勁多新人~個個都唔識...不論餅底餅面都係咁.... 哩度已經唔係屬於我o既地方了~ 時間~話咁快就過啦~終於~係a-1 o既日子~要畫上句號啦~ 咁7月頭同iris 同阿wan慶祝生日~阿wan成班人擔心左佢咁耐又唔知係邊度彈返出黎~ 佢借我果一千蚊都未還呢....都唔知點開口叫佢還.... 大健~好似變左第二個人咁~人地個哥哥仔入黎招呼我地~ 佢就好似撩交打咁....真係驚佢比人打.... 唱完k~就去左食糖水~咁就叫野食啦~因為有人請~ 咁個妹就問我地係咪同學黎~佢意為我地去完謝師宴之類的~ 哈哈~我地點睇都唔似十幾歲o既細路呀~??ha~ 佢話我地感情好好~好羨慕喎~咁....都係果句~睇下點啦~ 之後過多幾晚就到同隊長佢地唱k~班底就大不同~ 其實我都估到架啦~阿恆同阿偉~ 一直以來我都唁想有太多接觸~因為我知我自己一定唔會喜歡佢地~ 而且我個人比較有原則~ 當你做d令我討厭o既野時~我會做得比你更盡~ 因為我一直以來都唔怕比人討厭~因為我根本就唔在乎你到底當唔當我係朋友~ 多年來我都習慣一個人過~朋友之類的~我根本唔稀罕~ 因為我覺得有人o既地方就有麻煩~一個人~樂得逍遙自在~ >>July 18, 2010 at 1:14:27 AM GMT+8 2010 年 4 月 15 日 星期四 【晴】 今日放假~訓到10點幾~ 細健見我msn仲on緊~所以就約我出街啦~ 唱k呢~好耐都冇唱啦~之後佢仲話叫埋阿樂喎~約左兩點旺角等~ 出去之前都想買波褲~就去左大中行下啦~ 行行下~突然記起已經睇完~荒野~所以就去左大眾睇書~其實時間有點緊迫~ 所以一見到佢~
《蜂蜜色的眼睛》 剛看已經好有feel~果一段.... ""是有這樣的一種女孩的，她不介意愛付出，不介意默默忍耐， 但卻一次又一次被辜負，她對人失望，但卻始終不曾對愛情失望． 好的心荏弱，但她對愛情的偏執無比強悍． 說她笨嗎？她也並不是那麼笨，她只是看得見愛的珍貴， 當別人把愛情視作遊戲的時候，她珍惜，她在乎，所以她吃虧． 然而，懂得愛的人，是不可能不去愛的． 我們不是不能，只是不想變精明． 這一輩子，不管受過多少磨難，也總會有一個人， 不忍心稍稍傷害這麼真誠的一顆心． 愛情，有時不是贏回來的，不怕輸就是了． 這本書希望能給對愛失望的人，一點點相知相惜的溫暖．"" 好有感覺呢~~希望...我都搵到就好啦.... 不過...搭火車時都有點....事情發生~ 其實係咁~剛買左本書~就可以上車睇啦~到左大學站~ 我留意到有個人企我前面~我都冇為意~就到火炭時我愕高個頭~ 之後我發覺前果有個ok靚仔o既男仔望住我.... 我都愕左一愕....不過都係集中返精神係書本度啦....唔係可以點呢~ 最後佢都係落左車的~ 落到旺角~都係四維行啦~我地見面之後就食野先~ 食完野傾左陣打比阿樂~個死仔琴晚玩到好high啦~大個仔啦~唔識人啦~ 有異性~冇人性~我體諒o既~ 行東~行西~買野~買野~行左勁耐~我平日不太行街~因為要hea時間....冇計... 行到五點~我地走了~因為要去大圍果邊等甘甘同iris去上堂~ 上咩堂??我地學跳舞呢~無數人講過話學lee樣~學果樣~第一次真係實行到~ 咁等左佢地勁耐~終於都等到了~ 去到~原來我冇估錯....頭先係火車站見到果個真係我地今日o既跳舞老師呢~ 第一堂~果d熱身的確有點兒....做唔到... 而鬆根的話...平時太懶了~看來今天開始我要認真多...小小啦XD 然後~舞步我都記得晒啦~呵呵~lee方面我當然係強項啦~ 拳套都係我一個人記得晒之ma~ 整體黎講係好好玩的~不過我都發覺我自己o既體能差得不能~ 看來有待加強了~ 上一堂~原來返完工~真係唔可以打freefight的.... 我發覺時間好似停左咁...之後之追返d時間...有一秒左右的黑畫面.... 我就比阿水踢左腳應一應.... 現在的工作令人精神崩潰...開工集中到收工....搞到個人神經兮兮... 我就黎癲架啦...睇住啦.... . . 喜事~兄弟~你好野~!! . 我依然係我....失敗..... . . 唔記得了.... >>April 16, 2010 at 3:22:46 PM GMT+8 2010 年 3 月 31 日 星期三 【晴】 基於太多事發生~而且同樣係懶~諗起都冇動力~只好擱置在一旁~
首先~睇完上一本書~下一本就係佢~ 鄭梓靈的~《我們不要說再見》 十分好看的~感覺上~主角某地方有點像自己~ 唯一可惜的是...結局有點.... 不過~故事要有出人意料的發展才富娛樂性~不然~很難賣吧...??
睇完我們不要說再見之後~ 再來o既就係~~深雪的~《人生拍賣會2 之褫魂奪愛》~ 一向~深雪的都有品質保證~這點已經不用多說~ 不過第二個故事個結局的確有點....冏.....
再來~當然係我最喜歡o既日本作家的新書~ 《荒野》~ 現在已經睇左一章~開頭睇~仲意為同《赤朽葉家的傳說》一樣~開頭係有d悶.... 不過~可能係講一個剛升中學的少女~ 而且仲要有一個複雜家庭背景~所以特別感興趣~ . . 好啦~開始講返自己啦~ 人生開始有轉變~見識~好多野雖然係唔可以試~但係都要見識一下~ 當然~我唔係講毒品啦~~~暫時~ 而係落club~基本上呢...我一直都想變~但係又唔知應該轉向做咩類型~(最想做壞人) 但係~經今次一戰役~看來我都係唔適合~ 或者我唔鍾意玩果d野啦~而且都完完全全都投入唔到~ 骰類~又唔o岩~猜枚又唔好~ 當晚我都係齋飲~而且~又唔好飲啦~醉o既感覺又冇~但係又唔可以飲醉丫~ 因為明天仲要返工~ 好就好在我地有房~可以唱唱k~可惜...勁多人都食煙...搞到唱都唱得唔暢快.... 不過估唔到人變得咁快~阿善變壞左lu...唉...我...都唔係咁適合去玩架啦.... 明天~工作同樣地進行~10點幾先訓~全賴訓練有素啦~ . . 有一日~早上去左餅底幫手~ 所以話呢~溫故知新~感覺上~都有學到野o既~ 而且同隊長傾左陣呢~~~ 我~終於都上到"餅面"工作啦~係制作個裝蛋糕果個餅面~都係做gute線.... 其實我比較想學"敏"餅多d....不過...算啦~ 現在都兩星期了~已經做到一停手~一拎上手就做o既程度啦~ 但係...學得多~知得多...做得多...就會感覺到大家的距離....唉...都不想多說~ 其實...我對現在的走法有點....唉... 早上做cutcake~下午做個裝係有點累的....身體有吃不消的感覺.... 最近都很累呢....而且...大家都好似有點時間不足似的.... 起碼...5點前現在要完全搞掂真係有難度.... 雖說不是好全力地做~但...可以做的都做了~但...見到佢地都有點....冏.... 希望大家有返d自覺性啦.... . 同iris報名學跳舞~ 其實~好多人叫我~一齊做lee樣~一齊做果樣~ 但係...都冇一個可以實行到~ 終於都有個人會實行了~跳舞~我早就有興趣~ 睇下~會有幾多人玩??呵呵~ . 話說~上星期四跆拳時~見到大力返黎~ 我狠狠地話過佢之後~佢今堂就唔返啦~ 其實我都唔想話佢架~大佬~點計你都早我一年學~比面都叫你一聲師兄啦... 你返黎放負~我身為大埔的管理人~懶洋洋o既我都要出口啦.... 今日~因為大家都決定左打比賽啦~ 開始操練~今日o既決心依然強勁~大家都好落力呢~ 雖然得我地3個.... 咁果d miss就係落燒野食啦~之後練到8點幾有一班學生走~ 無啦啦講左幾句野~又話咩報警~又話係度隻揪~之咩咩仔果d~ 剛才同阿蔡打完~到我休息啦~我聽到我火起~ 其實都有好一段時間冇爆~自我過左雪糕開始之後~ 到上一次都係爆惠康果次之後都一直冇~ 你今次惹起我把火~我一聽到~之後見佢地係轉角出黎果一刻~ 就勁鬧~見佢地7-8個人都唔夠膽出一句聲~雖說怒氣沖沖~但係都覺得有點可笑~ 之後再去搵miss關投訴~雖然知冇用~不過報左案先啦~ 到到咁上下都走了~ 坐車時~諗起阿恆果句冇講的確有點可惜~因為好爆笑~ "講就凶狠~做就碌咩"(能果d啦)~ 食完飯都傾左好耐~人地又去旅行啦~我都好想去呢.... . . 好多都唔記得了....算~ >>April 1, 2010 at 3:45:43 PM GMT+8
|
|
無啦啦 被你上面那個剪報望了幾眼人氣: 71378
Design & Scripting by ShowHappy.Net