2009 年 3 月 12 日 星期四 【晴】

再要說一次~好耐都冇進行日記了~

放完lee個大假返到去~的確有點累...我的身心都已經累壞了...

第一日返到去~我都有點呆...基本上都已經好耐冇郁動過~

搞到有點慢...但係...我見有人比我更慢囉...燥底...

基本上星期六日兩日都比較難捱~我見佢變本加厲~而且仲搶我星期四~

一見到佢就黑面~敵視!!!

不過呢~星期一~其實我地4子都係晒度~應該會好快的~

但係...因為有張order...搞到我好比最慢果個慢...雖則佢都係執雞~

但係...我都有點...不好意思呢...因為太慢了...

做做下野阿蔡打黎~

之後我地過去休息時我就同佢傾左成個鐘~

原來星期日佢地開會~基本上個會係為我同阿誠而設的~想公審我地呢~

不過聽佢講~又不算什麼~如果以平常心的我~應該一切都應付得來~

星期二~其實都冇咩野做~唉...

但係家姐同佢男朋友又係屋企...好煩...佢地真係勁得閒呢....

開始又玩ro了~突然有個念頭~所以~要進行了~

星期三~其實我都冇咩點訓...一直都訓唔到....不過返跆拳前又訓左一陣~

搞到個人有點力不從心...暈暈地~軟軟的~

返到去~黑面神都係度~咁我都係同平日o既我差唔多~

阿水一見到我已經...之後嘆氣咁....

上到咁上下~miss返啦~之後我叫阿蔡帶啦~

今日有得打shot fight~試左啦~同黑面神打~真係冇咩大不了~

放學啦~miss捉住我...搞到冇得走...

咁傾左好多~反映返大家的不滿~同埋其實打算撐阿誠的~

但有太多不明的因素...做左咁多年兄弟...都仁至義盡啦....衰仔...

因為遲左~所以要打的~但係又係馬場唔經火炭~只好係大學去啦~

估唔到咁貴...差唔多搭左我50蚊...當晚...洪雄俊返左黎~

餅底人齊~之後我地又好快ko~所以呢~有得休息了~

佢地去左麥記~我有點累了...叫左阿華幫我買~佢真好人呢~

之後同佢地傾左好耐~因為...已經訓唔到了....

早上...訓左幾個鐘起左身~但係ro的魔力...搞到我都冇訓了~

晚上返工~因為我電話又比人cut左啦...只好去交錢啦~本身有個好的計劃~

但係又比架車走左~行左去大中~之後交錢~叫佢開返~先得~

但係架k17走左...只好打的~飛的去太和搭火車~

好神秘...我睇書啦...咁因為有點睏~但我死都唔訓~不斷地鐘下鐘下咁~

而且前面有個ok的少女~我都太敢望前~

到我落車啦~原來架上真係上左不少o既少女~但我一落車我見佢地都啤住我...

到底...有咩問題呢...????

咁打比阿蔡啦~叫佢明天幾點邊度等~之後因為最近都話唱k的...

打算問下阿旖佢同事有冇興趣...點知...

佢條仔係度....搞到比人鬧...當時我都唔知點好...的確係好激動....但...

做緊野又唔好意思大聲還口....

仲有~我終於都明白阿彬所講佢係點唔好~

如果我係佢~我跟個咁o既男人~我相信一定冇將來囉~

不過...人就是如此犯賤~咁你要死~我唔通唔比你死咩~??係咪先??

我心情...雖然沒什麼大變化~只係早已熄滅的鬥志...開始...要燃燒了...

而且比人凶呢...我驚都冇驚過~話晒我都係大埔智道跆拳~第一號王牌~太天真了~

心情有點亢奮~冇去睡呢~

mandy最近去左台灣旅行~有手信呢~

(鳳梨so)

(手信

)

(這個包像真度....

極高~手感一流)

2009 年 3 月 8 日 星期日 【晴】

唉...星期四晚同樣失眠...嚴重得早上都睡不到....

訓左一個鐘左右...下午就要出發去南丫島了....

不過~早上我依然記得當日佢話過今日咩~所以就拜託人幫幫手了~

見到阿蔡~看來佢都有點不夠訓~

搭船打算打去時代睇下佢收唔收到啦~點解...開緊工會冇人聽電話架....算~

去到之後~今日因為落雨~轉左課室~不過...lee間課室真係唔係咁好...

因為好多人行過~唔可以點樣鬧~

雖然今日冇換衫~不過同樣地~可以嚴加看管~

阿蔡就做動作~都係好似上堂咁叫佢地出黎示範~今堂不錯的~

而且我地仲趕到5點10果班船~

返去時同佢傾~佢果日真係唔知做咩....一講之下恍然大悟...唉...愚昧的小朋友~

當晚返到屋企都冇野做~冇飯食~咩都冇....

星期六~琴晚都11點幾就訓到啦~不過5點幾就起身啦....

真係...我累了~或者日夜顛倒~太長時間冇訓~又已經不多運動~

今日完完全全係sofa渡過~醒左就睇電視~睇到玪就訓~訓唔到就發呆~

基本上同條死屍都冇分別~

到到7點~先起身玩下電腦~之後都換衫出發返工了~

>>March 13, 2009 at 12:30:56 AM GMT+8

2009 年 3 月 5 日 星期四 【晴】

話說訓唔到之後~都搵d野黎做下~順道就諗下野啦~

到到早上~等家姐快要出門時就入房了~訓到咁上下都起身啦~

其實放lee個大假都有點...真係冇咩野做~雖然剛好~第一日春茗後~第二日即今日就返跆拳~

咁總算叫冇白放啦~操完有得休息ma~

咁6點半出發啦~基於琴晚的事情我心情都仲未平復到....

搭車時都有點板起個面口~正好有d神秘o既外國傳教士比佢見到我~

佢無啦啦行過行同我傾偈....我頂你咩....(人家扮緊cool架ma~)

同我講d咩神會幫你好多呀~佢會令你好快樂咁~我都話~快樂我夠用架啦~

我本人比較喜歡靠自己~

不過講起lee句時~都不自覺暗暗地心酸起來....(靠自己??何得何能丫....)

好彩佢落車先~不然就煩死了~但係我見到前面個學生起勢咁啤我呢....

見到到都一如以往衝返去啦~返到去都好似開始左啦~

吹左幾句都換衫了~心情極差~如果平時係公司係唔會講野淨係做~

但係返到黎自己o既地方~見到好似兄弟姐妹般的大家~

盡可能做返平日的我~不過今日有d亢奮~唱歌比大家聽~

黃德帶啦~其實我都已經成了路人的角色了~而佢就操埋d神秘o既動作~

當然~我一眼就睇到好多好多o既破綻~而且感覺上用踏步的方法是太....慢....

雖然講真o既~係廢d架啦~但係我都同佢地講返~都唔係冇用~

e+可以睇清楚先避~個人係可以冷靜d~而出去打比賽的話~地下比較滑~

踏就唔會咁易滑到~但係咁樣o既練法...要有成果起碼都要一年~

而且我地d老野~一早就有自己o既習慣打法~你lee套早就用不在我們身上~

最好笑o既係話~出去d人e+個個都諗定5腳~o下~?5腳~??

係~比人打都唔會停~死都會出晒先停~我心諗~唔怪得你上星期打比賽會輸啦~

我一直都係靠感覺去打o既~如果一早已經局限在自己預定要出的五腳~

就死定~我lee d老餅都係留多兩啖氣呀~睇下點閃好過啦~五腳~

我冇所謂o既~做下唔會死~但係我見其他人真係只係做~而唔知做咩....咁樣就有問題囉~

而且佢地都唔想做添~

放學就去左麥記~我返屋企有飯食~而佢地話有麥樂會我有野飲~

但係黃德話請我就冇所謂啦~邊食邊傾咁~

但係我見某幾人對黃德o既不滿都開始提升了不少~阿誠更是最討厭佢的一個~

不過有兩位就約左人去扑野呀~我lee d孤家寡人就返屋企啦....

返到屋企啦~估唔到係佢打黎囉~佢話咁樣對我會好可憐~不過....

當時為世所迫只好咩喎~唉...有時情願你唔好打返黎~反而了左件事情~

日後我自己都冇咁多麻煩~而且仲講返話介d女我識...唉...感覺仲....

而且自己鮏黎哀~講錯野~果下搞到有d"心up"....shit!!

又訓唔到著....幾乎打機打通霄...咁家姐又再放假~唉...你走啦~我要自由呀....

咁起身時都只係12點幾~今日真係白白過左日~打左日機~而又咩都冇做過~

晚上見冇野飲~去百佳~順道探下果兩個死仔~總算有d野搞....

晚上~其實想訓架啦~但係一合埋眼....個心就卜卜卜卜卜卜卜勁跳~

而腦裡面o既片段不段湧現...仲有耳嗚o既感覺....看來我就快要死架啦....

2009 年 3 月 3 日 星期二 【晴】

好耐都冇進行日記了~
星期四打算完成就休息的~不過...又係咁....但係5點半完成都訓唔到幾耐了....
咁早上返到屋企~食完個早餐就訓啦~其實...都係訓左3個鐘到而已...
就要出發到南丫島了~仲要一個人添...好累...
差唔多時候出發~一個人的確有點悶~而且...睇唔到書啦....咁o既精神狀況....
今日d細路都幾... 曳~但係我用左一種新的教法~感覺上都唔錯喎~
只係....佢地太蠢了....所以搞到d野錯晒~
上完堂就等佢地換衫就立即走了~好彩趕到船~之後出旺角~本身想買對鞋~又想買褲~
最後就買左兩本書囉~

晚上的確有點力不從心~不過都冇問題~
早上~因為我地就要留係度學新cutcake啦~我地成班就行左去第一城度食早餐~
估唔到....同威虎大哥的關係變好左~
平日見到面都冇兩句的~之後有時仲感到一絲敵意~(唔只我一個有咁o既感覺....佢地都話有點...)
今日我地幾個一傾~笑到我bill眼水~
所以真係唔賭唔知時運到~唔嫖唔知身體好啦~
真係...學左兩下就走得....有點囧.......................................

星期六晚第一日出~大家都完蛋了~又係星期6就爆多野做~死了....
搞到6點半~差唔多~我仲要唔知時間~係果邊食包~阿華話夠鐘....
我話~咩夠鐘呀~??夠鐘收工囉~ o下.......我意為5點半添~
我都呆左....
返到屋企都打左陣機~就訓啦~
星期日晚上~4人放假~一人射波~雖說唔多餅~但係...阿輝的話....
6點半囉~唉....

星期一了~最後一天~阿肥整親腳~阿華返工~不過....好小餅~4點幾左右~
過去休息~訓左半個鐘又訓唔到~睇書~夠鐘閃人~
返到屋企都訓唔到...唉...有時有d野真係...誤會嗎???
下午~3點幾換衫~其實...有時....
咁換衫真係~5點幾家姐無啦啦走左返黎一下~同佢男朋友~
佢都話ok喎~黑色~但係呢~佢話我西裝"嬲"太誇張....我本人就覺得...ok啦....
本來想搵o既搵唔到啦~咁只好找大師兄佢地~基本上係好多人都搵唔到~
佢地又成班咁~出發先啦~看來我今日都幾...矚目的....
出到去佢地去左篤波~我又唔識路....只好去行下啦~我個人根本唔識行街的~
我用不自覺的神秘步速行左新城市同一田...之後比我搵到商務啦~真好呢~入去打書釘~正~
我睇左本好正o既書~不過...好小~但好貴....我用左3個字睇左半本...80蚊o既書....
我都睇左40蚊啦....但係...如果用黎哄人的話...一流~可惜~跟我無緣吧....有緣見到再買~

見到大師兄~之後衝去會場~見到好多人~大家都對我有~太隆重喎~
我都唔覺得有問題....我本人熱愛西裝~而且~尊重自己~尊重別人嘛~
今日都玩得ok開心的~見到佢地上台咁樣~勁好笑囉~而且好耐都冇同阿榮傾了~
食完~就真係同佢地唱k啦~去時~佢地個同事真係...
已經係一子之母~仲飲到醉一醉~我扶佢啦~佢落樓梯我都唔知點算....
佢係咁向下面"鐘"喎~因為我地行最尾咁啦~佢同我講左~我有d醉你扶一扶~估唔到....
我又唔好意思話成個"兜"住佢個人...我咪扯住佢隻手囉...
我仲見到前面佢地係咁行....我叫救命都冇人理....
好彩~後尾阿彬過黎幫手~唔係我真係想就咁抱佢落去算架啦....
不過佢仲要打比人係度鬧交....酒精害人呢....

去到啦...其實...點左一首我的天~就冇點過了~
雖然今日都唔係咁唱到~但係....見到佢地咁...又點左冇人唱~
只好....唱~但係期間有d小插曲~果個醉的又嘔啦~咁佢地搞左一輪....
之後又有人黑面~我就冇所謂呀~應該都係得一次之ma~
佢地就煩d~如果得罪佢我諗都幾煩...
而果個咩文文??唔知啦~我記得佢同阿南呀~籣子果d好熟~哈哈~我得罪左佢...??我都唔知~
阿彬同阿bi就好甜蜜...眼怨~阿旖就努力地點歌咁.....我就呆呆等歌啦~

其實我知佢都唔係咁想黎~因為佢男友黎接佢~不過佢地成班係咁迫佢黎~
唉...睇到都有點....雖然我本人都成人為難人~
但係佢就慘d~因為係上司同同事~而我的只是朋友~一星期最多見兩三次~
佢地要受我o既氣都係果兩三日~而且我係佢地圍中都係中心人物~咁你就冇得怨啦~
之後3點幾佢就話走~我只好送佢啦...本身睇下有冇小巴的~之後都係搭的士.....
出到去佢話搵唔到小巴就搭的士走啦...
而我就搭小巴走啦~
今晚~係一個難忘的晚上...太難忘...難忘到想死的程度....正因如此...我失眠了...

>>March 4, 2009 at 9:05:49 AM GMT+8

2009 年 2 月 26 日 星期四 【晴】

星期三~其實已經很累了....訓到6點半呢....而且發左個好神奇o既夢~

叫做...綺夢吧....雖然是無意識的...始終有點罪惡感....

返跆拳~其實返到去都7點3了~操左半個鐘多~其實我都打算走~不過走前~

miss又捉左我過去問下南丫島點~之後講講下都唔覺唔覺過左鐘了...只好打的返工了~

今日勁早完成~3點半呢...之後佢地話去第一城食麥記~

本來我都打算唔去架啦~不過諗諗下...我好似冇咩點食過野...都係一齊去囉~

得返我同阿雞未行~咁我同佢兩個人過啦~

一邊行就一邊傾~佢話有人睇過我xg喎~o下~不嬲都係話比人睇架啦~

如果我所記錄o既係有半點不實的話你大可以上前來屌我~我無任歡迎~

但係講到底~我係以我自己角度~思考方式去記錄的~

我睇到咩~聽到咩~感愛到咩都會以我當時o既角度去記底~

而且要講的話都可以話係特別為你而去寫的~我希望現在睇到o既你~

會因我的一個小小記錄~而有所改善啦~當然~一個人的力量有限~改變不了多少~

至少....現在已經傳返到我耳中話有人睇過~已經係算是成功啦~而且...有人真的變好呢~
(a-1係冇秘密架ma~)

咁o既時間...食野可能有點肥~不過...如此寫意的生活難怪威虎不想返早班了~



星期二阿善"介"親手指~星期三工作到一半好似話爆爆地~

之後就去左睇醫生了~結果現在....佢放病假放到星期一呢...

唉...好慘~但係又好正~可以放咁多日喎~雖然我做左半年時~都未話想放下大假之類~

但係現在的話...可以唔返就唔返呢.....



好勁~琴日早上11點一訓~就訓到晚上的8點半...差d遲到呢...極速換衫出發~好彩趕到姐...

今日又係好早完成~或者人多啦~4點鐘已經可以去休息了~

訓到一陣...唉...訓唔著...所以...完成左本gosick...可以進軍第二本了~

但係咁睇...睇快睇到窮呢....



最近諗過春茗著咩衫~依家搞到好似著西裝咁呢...我本人就幾喜歡的~

但係當日著西裝會唔會太誇張呢~??好似有點....

>>February 27, 2009 at 12:50:30 AM GMT+8

2009 年 2 月 23 日 星期一 【晴】

好玪....成日都好似冇咩力咁...
而且天氣又濕又熱咁...有時又好凍咁喎...
做咩事都提唔起勁....

終於都完成 朝聖．愛．傳說~的確係不錯的~
開始進行gosick~不錯的~

星期一放假~都冇野好做~本來大健話去食飯的~不過又冇....
不過阿輝同細健都話想出黎食下飯見下面之類的~
嗯~有機會o既~
訓左一日~兩日...唔係訓著果種~又係唔想起身唔起郁果種....唉....
一個月都未到...又病...又訓得唔好...又食得唔好....
搞到我都開始唔想做了....
但係現在唔做又有點...鮏埋個大假先囉...仲差...小小...小小...但係到果陣又落早班...好煩....


所以我已經放棄左...

>>February 24, 2009 at 12:13:21 PM GMT+8

2009 年 2 月 19 日 星期四 【晴】

早上~出左去跑步~地獄式的...真係會死...

返到屋企~沖個涼~就訓~一訓~就冇左一日了....

晚上返工~死啦...我已經分唔出肌肉酸痛定係真係唔舒服了....

我其實好想加速...但係已經到了極限了....還好都冇想像中的差啦當然~

4點半完成~今日真係效率高~之後就去休息啦~

我訓左半個鐘多就起身了~之後就睇佢地打機了....

收工啦~咁阿旖無啦啦打黎~開頭都唔知邊個黎...後來講講下~佢終於都講佢o既來意了~

想食蛋糕~咁lee d野....我已經去到大圍我都幫你唔到啦....

結果只好拜託人了~本來我真係唔想搵阿彬的~因為呢...阿旖都話唔好o既~

但係我打比阿聰又唔聽電話喎~而且其他人都好晏返的~只好叫彬彬啦~

咁完事後我返到屋企就煮返d粥啦~加左其他料~好食好多~

食完之後打算訓啦~剛好~睡意正濃時...阿旖又打黎~丫~見係你就冇所謂啦~

之後~再訓多陣~到阿彬send message黎...再醒...覆返再訓~

再過多陣~阿旖再打黎....再傾啦~不過好神秘....我地傾早車去果個芒果塔....

本身想約佢去食lunch的~點知...佢今日考試啊....佢去沙田~咁我就出中環~冇計....

收左線我再訓~到阿蔡了...加埋...都唔知有冇訓到個半鐘...我要完了...

換衫~出發~一個人都不錯~可惜就係冇帶書睇~

轉車到地鐵時阿旖再打黎~個蕃薯話早左好多去喎~又唔想一個人行街~只好陪下佢傾偈啦~

去到碼頭~唔知點解次次收線都好突然...一cut~佢就算....

等到阿蔡就出發了~今日~d細路...點講呢...我比阿蔡教~而我就係"汁邊"鬧~

原來效果都唔錯~因為佢地驚我~就唔怕阿蔡~現在只好實行咁o既政策啦....不過下星期要一個人了....

放左學就走啦~出到去我都發覺我有點頂唔順....

但係搭船阿旖再打黎~估唔到呀...佢一係唔搵我...一搵我就成日都搵我....

早知果日唔過佢知~"丫~我冇野做丫ma~咪搵下你囉~"佢冇野做就真係搵我我了....不過都開心o既~

今晚...請假好了......

2009 年 2 月 18 日 星期三 【晴】

最近都好早搞掂~真開心呢~
不過就算早~我都訓唔著...好可憐的...但係一天比一天已經不想係夜班了...
唉...自作孽...不可活呢~
我一次失信~一個不算玩的電話....就引致我地關係的"缺裂"....
早知我死都整埋隻餅佢~可能~更加好呢....
就係因為果d原因~佢嬲左我....話說星期二就去食飯的~
之後...我14號果晚已經send message比佢打算問佢點~
但係一d回音都冇...打比佢又cut我線...直到星期一....我將自己放低到最盡...低低地"慣"一"舖"啦...
佢就話唔去...唉...我都唔知想點...

後來~阿彬又話佢去~阿bi又send message比我叫我點做又點做~
咁下午又有點時間就去左買衫~
之後返屋企啦~阿彬無啦啦打黎~問我係邊...咩事呀...又話約左5點半架咩??
比人話我遲呢....
之後出發啦~我就聽阿bi講啦~買返d花道歉啦...
點知冇得買一枝的...一次就10枝咁...我買左~搞左好耐咁....
見到~我就送啦...我真係人生第一次送想呢~我母親大人都未收過...
雖然佢開頭都好似好開心的~而我就...都唔知點好~個人都紅晒咁...
但係因為太長了...搞到有點...最後就用左個零食物語的袋袋好佢....
唉...好失敗...早知就拎佢一枝ko其他佢好了....
好樣衰呢...之後一直我都唔知點~我覺得好尷尬呢~
所以一直都冇講過野....

去食pizza~咁食時都冇咩野的....
後來都有傾計....基本上我地已經傾得不算斯文又唔可以話好似同阿水佢地咁~
當講到倉鼠時~阿旖就話想佢生啦~之後佢就話~"我生左你會要架可~"
我立即面都紅晒....果一下我真係講不出聲囉...
仲要比人串~佢就梗係想啦~
如果係平日o既我...lee d算上是什麼??但係...點解會咁呢...??
難道我真係鍾意左佢~??我都唔知...我覺得我越來越唔似自己...好辛苦....
如果佢一直嬲~我真係把心一橫唔理佢架....但係...又搞d咁o既野...又有熱心人在push...
其實...如果要講的話~我真係未試過原來個感覺會強烈到咁o既程度....
但係...我始終覺得冇可能囉~都係交朋友算啦....

送到佢一半佢話搵阿媽...我就同佢係家樂果邊分手~我就去左睇書~
之後都返屋企了~返到屋企~依然耿耿於懷....
還是早點睡...明想太多了.....
第二朝起身~家姐出左門~我就有衝動想一個人去唱k了~
因為以前有個朋友~may姐呢就話好想試下一個人唱的~而我就係被感染的~
仲有漢偉大哥都話會一個人去唱的~結果...我見到猩猩online左~叫埋佢去好了~
剛好佢又放假呢....

11點~大家都到~之後出發啦~佢fd係度做~所以就有個大房唱啦~
其實...我o既靈魂真係正在燃燒的~一直都好想唱的都一次爆出來~
皆因要唱的其實真係難度之作...好快~我已經被ko了....
但係我都幾乎11點唱到3點...接近冇停呢....
走左就返屋企啦~傳說中~阿旖係"攝"咩都咁出色的~所以打算"攝一攝"時間~
點知....又唔係喎~等我返到屋企打算訓~就快訓著o既時候先打返黎~
原來...佢出色的地方係...佢找人攝時間呢...傾左一陣~佢等到佢fd黎~我o既任務完成~
我都唔想阻人了~但已經訓唔到啦~呆坐好了....

到到6點半出發~返到去遲左小小啦~
咁樣呢~因為黃德唔係度~大家都好似好放鬆似的~又開心呢~
我就叫阿蔡帶~佢都話好~
但係到一半...返黎了...我見佢地靜晒~我就...理得你啦~我有我講~有做就得啦~
今日都唔算甘~但係對於一個有成兩個月以上冇運動o既人黎講...有一點點的吃力~
第二次休息~我都要請教黃德的神秘之道~同埋點可以入睡~我係吸左好多野~
明天要開始了....
之後放學前就打freefight~基本上我都係叫佢做散步的~因為...唔算太著重打~
而係想練練反應而已~同阿誠阿蔡~我就好輕鬆啦~佢地都驚我掃佢~驚咩丫~錫住你架ma~我兩個寶貝~
散步後就放學了~

去左麥記食野~之後傾左好多野~我都好耐冇講咁多野了~
講左我半個月o既說話呢~係補償~補償~
之後同家豪返去時都仲傾~我見個姐姐~係咁望唔知望咩~因為講緊跆拳~
佢唔會意為我教書呀...不過又唔似啦~呵呵~
返到屋企~睇電視都進行日記~

今日~感覺滿充實的~或者太耐冇見佢地~又冇咩點傾偈啦~開心的~

兩日加埋沖左8次涼呢....

>>February 18, 2009 at 5:15:55 PM GMT+8

2009 年 2 月 14 日 星期六 【晴】

續上次的日記好了~

當天晚上~失眠...其實都唔係~開始時11點幾上床~

正開始有點睡意~人開始濛濛朧朧時~阿旖就打黎啦....

傾左半個鐘到啦~佢要訓咁就訓啦~唉...又黎啦...點都訓唔到~眼光光咁~

見訓唔到~我都放棄了~出廳好了~

因為仲有半套o既再說一次我愛你未睇~所以就睇埋佢啦~

嗚....超感人的...好慘呢...好正....

睇完....就真係冇咩野好做~個人o既情緒又有點激昂....冇計....

悶悶地...玩一玩aom~aom的功力都冇倒退~起碼仲有技術先啦~

其間到11點鍾都仲訓到一陣架~加埋....訓左3個鐘到啦....

但係都見時間無多了....換衫~沖涼~出發~

可惜~其實我真係早左一個鐘起身~但係落到下面時~等左三個字巴士....

人生就係咁~當你想慢慢來時~一切都會好順暢~但係到你趕時~所有都咁阻事的....

到到九龍塘~比人催了....哈...

咁經過好多波折...我地先合會到...送佢返去時~um...佢就嫌我冇野講...今次就講多左啦~

但我發覺身邊途人o既眼光有點....唉....所以話呢~唉....

呵呵~收到禮物之後~再送到去閘口我就找阿蔡會合了~

再同阿蔡去拎袍~再食個飯就出發了~嘿嘿~佢見到都好羨慕呢~

出發了~好耐都冇見過果班死仔~衰仔丫~真係...冇咁聽話了~又唔記得晒d野~今堂有點吃力~

夠鐘了~落堂~地獄已經過去~走~!!

返工了~但係又好多時間~本身想訓一陣的~食完飯都訓唔著呢....

7點幾就到左啦~咁9點幾都開始追單~再比人派左落去搵紅繩~

幾本人搵晒可以搵o既地方...但小雄一落黎走左入佢地個房仔度搵...就係入面呢....

今日~我同樣地仆左的...點解呢....我有時都唔想計~但係我收到一d風~

我一開始已經搞藍啤11個~之後6條士多~包大福~白朱~再玩9隻千層~

但係佢地呢~?阿雞照舊~夾心~黑林~栗子~阿濤過黎puff左~

阿輝~mmo~執杯~阿善呢~?我地做左咁多野~咁....佢玩左幾隻意大利同....5條朱毛....看呆了...

之後我地就做情人cutcake~我ko左果1百隻k-gute就過去做gute~

佢地幾個執貨~阿雞就有時整整下又去淋野~阿輝同阿善阿華三個人執貨~

雖然我地都做左好耐~但係...我地做完~佢地都係剛好執完~

再執貨~不過已經時候不早了~到到早班返~我地就要幫返佢地~

咁我就自薦去幫阿榮~話晒我地都係拍左咁耐o既拍擋ma~

但係呢~傾偈傾多左~慢左小小咁~

就係因為佢同我講左d情報....就係話~籣子講的:

聽講阿善係晚班好勁喎~李生就唔係咁掂啦~係囉~可能佢唔習慣啦...

哈~我只能苦笑....我講咩好呢~?

到到咁上下~佢地走了~咁我就打算幫埋阿鳳先啦~幫佢切完藍啤我都覺得有點到頂....

本身就打算整返個蛋糕比阿旖的~不過...12點半了....對唔住了~雖然應承左....

返屋企~食埋午餐~都兩點幾了~一訓就到8點~起身~返工了~

今晚真係冇能源...

食左兩個包咁~而且又遲左出門~打的~

咁今晚真係~阿善食左過期春藥咁~快左d~之後阿賢話~佢o即puff都ok喎~

我話~一時時啦...

今晚勁正~5點搞掂~可以去訓了~

訓唔到幾耐~行出去散步囉~舒服的~

放工~返屋企~食早餐~訓教~

2009 年 2 月 11 日 星期三 【晴】

朝聖．愛．傳說快睇到一半了~真的不錯看~感動的~

返夜真係好玪~或者因為每日都放到盡~
所以...有點吃力~

星期三返工果晚勁恐怖的~
咁我係樓下等車時個女仔無啦啦轉個頭黎對住我笑喎~
之後一到站我就衝左去月台啦~
一個唔好彩就比架車走左~仲係睇住佢走...
之後等多兩三分鐘~個女仔無啦啦係我身後出現~
再企係我側邊~咁我突然覺得有股怪異o既視線~望一望啦...點知佢眼定定咁望住我...
果下真係比佢嚇親....上到車都冇台起過頭~一直睇書...直到落車就衝左去了....
我記憶之中係冇見過lee個人囉....咩事呀....

不爽的~本來今日就放假啦~
早幾日都話約阿旖去食飯的~點知...佢話17號先出...又話要同佢地先去...
唔係呀...食飯姐...搞到咁樣有咩為丫....
加上當晚勁多野做~阿雞又放慢黎做~阿樂又唔熟...得我一個人衝....
阿旖仲黎左句o既意思係...."唔去就算~"的說話~
果下火都黎埋啦~唉....立即down左...唉...

早上~收工時阿雞話~我見你掂丫ma~我咪慢慢囉~
你個死仔丫....做死我咩...
之後就寫大假紙啦~搞左好耐先走呢....
返到屋企就食早餐~然後去𤍣了~

12點幾~佢send message黎問我係咪嬲....的確~果一刻我好嬲~
而且仲用朱古力黎賄賂我添~哼~朱古力之ma~
的確....係可以賄賂我o既...雖然佢話14號送的...但係..我話明天去拎~
順道送佢返工好了~反正我都要出南丫島~又要先去拎d細路o既袍~
順便~順便~不要亂想了~

下午睇左一半o既 再說一次我愛你~
係~勁勁勁勁勁勁勁勁勁勁勁勁勁勁勁勁勁勁勁勁好睇囉~
我愛阿sa~更愛劉愛華~亦好喜歡楊彩妮~所以~咁o既cast真係不能不看~
睇時真係好心up~好邪惡的故事...點會係情人節做架...咁慘...

>>February 12, 2009 at 3:07:40 PM GMT+8