2008 年 12 月 2 日 星期二 【晴】

很累的~起身時已經有乏力的感覺....
不過依然不能不起~而且仲要很趕急的出發呢~
今日一個人做gute~呵呵~工作不多的~
所以同樣地好早就完成再幫阿榮做k gute之後就開始埋野的路途~
開始時片蛋糕~誰不知個新人來幫我手~
15個千層已經不是問題了~之後再完成其他~呵呵~又係朱毛時間了...
唉,...完成左個月亮之後就食飯啦~

食飯時訓訓下有個人打來~

之後話係咩和記3咁樣轉台~呵~

一早就想轉~點知自己送上門呢~開始時都唔想轉的~

但係見佢勁平囉...分鐘已經不是問題了~問題是...35蚊一個月...

wakakakakaak~正~勁平~



真係...萬萬想不到果二十隻1p竟然不夠...要打多一份...
所以搞到好煩...
我見到某某某的神色有點不對~只好快快手手完成其他手頭上的工作好了~
結果都要6點幾先收工~
然後就直接返學啦~

返學途中撞到家豪~之後我地入ok啦~呵呵~
一入去~佢就同我地講~歡迎光臨~小姐...呃...先生~
哈哈~我唔知佢叫我定叫佢啦~因為我頭髮都幾長的~而佢又有耳環之餘而且身高有點...
所以佢覺得叫自己我就笑佢啦~
返到學校~好耐都冇見阿誠呢~吹吹水~
之後就我帶啦今日~咁阿邦返黎時就帶埋猩猩~
(放學時聽猩猩的情史...唉...小家真係自愧不如...因為...唉...)
落堂前我就再教阿龍打freefight~都有點起色~見到咁我都好安慰呢...

之後去左麥記開會~本身意為好快就開完的~
但係...一傾之下就傾左勁耐...好累呢...好想快d返屋企呢...
11點幾先走得...所以就快快趣趣返屋企~
見到屋企有條魚~只好食埋佢啦...唔留得ma...

>>December 3, 2008 at 4:30:40 PM GMT+8

2008 年 12 月 1 日 星期一 【晴】

今日~兩個人企k gute~好快就完成了~
之後開始埋野o既工作~今日...都幾多野埋的...
其實唔係多~煩的多而已~加上要預比聖誕~所以...好晚收工呢~6點唷...

當我搭車返到大埔時~阿彬就send左個message比我話...
"佢地想去打邊爐"~咁樣~唉...心諗...o下....
之後打比阿彬~原來話係紅心女個fd想去~其實我本人對打邊爐就...興趣不大的~
因為感覺上不太好~而且勁耐冇唱k了~勁想去囉~
不過既然人地要求到~只好...你話事囉~

今晚屋企冇飯食啦又~琴晚又食淨左d kfc~所以吃雞過活了~
本來打算去剪髮的~因為太長了...處理唔到~
但係又冇咩心情加上...始終都係覺得下面果間野係怪怪地架...
有時經過佢地會響出面的~一行過就啤住人...所以好驚佢地會搞到我個頭不見得人~
雖然想快d剪~但係...都係計劃下先啦...

今晚聽"架勢堂"．．．
今日o既遊戲係..."你知道唔知道"
每次聽到lee個遊戲o既野時候~我都會有好極端的感覺~
聽到別人的愛情故事~會感覺到好開心~雖然幸福不是降臨在我身上~
但係...我同樣會祝福佢的~
如果唔係...就係...燥底~就好似今日lee個故事咁~兒戲~只能用兒戲來形容吧~
只係因為一句說話~就鍾意人~之後個男仔本身係估第二個女仔的~
開的時候竟然係第二個人~佢當時呆左一呆~個女仔講左句野~表白咁樣...
之後個男仔就話啦~"如果係你都得o既"...我諗森美真係聽唔到囉...
但係lee句說話在我心中響都不下數百次...之後仲話~我開頭覺得你都幾靚女~
不過我唔夠膽問你拎電話~響咁多同學面前會覺得唔好意思~
如果我聽到d咁o既說話~我真係會請你食屎囉~
我唔敢再講我自己係咩好人~但係如此白癡低能的人我都見不少~
人...應該要自重的~所以我都係覺得有時自己選擇左做o既野就要自己負責任...
因為...負責任o既野不只是男方邊要做的...你地作為女性都要負的...

就好似我msn有個女仔咁~13歲的~
佢識左個男仔未夠一星期就搞野...我都呆左一呆..當時~
之後第二日個男仔就係佢面前溝女...二...呆了....
琴日又有個14歲o既女仔話幫佢13歲o既女性朋友找男朋友~
我問佢點解~佢話..."我想佢快d拍拖"~我都係呆左一呆...
關你咩事呢~??到底...感情等事宜可以如此兒戲的~
雖然一直以來我都係希望自己做到前者此等男孩~但係...或者我係一個既無能亦沒膽的男人~
不過我真係有想過...現在..將來...如果沒有過去的話我相信會更好的...
有過去的人令人很難接受的...那一天~我發覺...一個人的過去原來是如此難接受的....
前者~因為佢都係打算溝仔先add我...所以...邊個要負責任呢~??
後者~可能佢朋友想拍拖~但係又未到十分想或一定要的程度~
但係果d所謂好朋友的仆街話幫佢一把~我幫你過濾~幫你搵個合適你的男朋友~
佢咁做~我都想過有數十種的可能性~但係我完完全全想不出佢會有咩好結果囉~
如果你得到幸福我一定會祝福你~但係...你仆街...我只會笑你底死~
到底誰和誰要負責任呢~??或許你會覺得我是一個賤人或仆街~
但係有時...自己做成o既野...你好好想清楚點解啦...

>>December 2, 2008 at 4:19:43 PM GMT+8

2008 年 11 月 29 日 星期六 【晴】

阿榮放假...我一個人企k gute~
講真o既...你估我想咩...星期日...多野做ma~仲要係第一日一個人企~
但係chack貨時比阿昇話左有幾個問題...我真係唔想架...
我做得完都叫做...成功了...
雖然好唔甘心~但係佢又講得冇錯...因為我都過唔到自己...
明天~阿榮都唔係度~我會做得比今日更好的~一定~!!

食飯前就打左個朱毛打算返黎先埋好佢~
點知食完飯返黎比惠康埋左...頂你個肺...
我一次都未見過佢打囉~你自己唔可以整第二樣野o既~係要搞我d野~
而且仲搞鬼死咁耐...你有冇野呀...真係火都黎埋...

今日跑返琴日冇跑的步~喔~好似又快左d呢~
但係天氣咁凍真係好辛苦...
返到屋企又有野食~真好呢~之後再睇電視~超有趣的~
訓前~有一套林雅詩做的戲...雖然佢話係...咸片...但係就好似cut晒啦~
係幾有趣的~講三個人在荒島的故事~至於結局係點~?依家睇埋先~

>>November 30, 2008 at 4:19:49 PM GMT+8

2008 年 11 月 28 日 星期五 【晴】

星期四~太累了~早就睡了~所以沒有進行日記~
而星期五就...同樣睡了~所以要補補~
話說星期五的五點鐘左右就起身了...啊...想死的~
因為再睡不了只好玩eco呢~玩到8點幾左右~就覺得有點累~休息一下~
一個回神已經10點了...之後就出去跑步了~

下午~因為阿蔡今日返工~同埋看來佢已經完全冇晒信心~
所以我今日自己一個人膽粗粗自己入南丫島啦~
咁原來我早左出發~不過有時時間預鬆一點會比較好的~
但係我就早左差唔多四十五分鐘呢.....
不過坐坐~睇睇書時間都好快過~入去時就訓左陣~

到左學校之後~我就要面對我今天最大的挑戰...
的確...要一個人教係有難度的~因為大失控~
開始時都有點失控的~但在我的高壓的管治下~總算停下來~
再表現一下我會的花腳~小朋友們都以閃閃發亮的眼神看著的~
好不容易就挨過今天~但...教不了什麼...呢...

返到香港~再落旺角~呵~買左好多書呢~好耐都冇買書了~
但係佢見我買左咁多書就比左個紙袋我~但係...一邊係小新...一邊係我們這一家...
我打死都唔會拎出去啦...死都塞落自己個袋入面....好大的包包呢...
買左咁多書~當然要睇啦~結果沒進行日記就睡了...很累呢...

今日~老闆來看我們工作~
咁全世界返7點半...但係...返到去同平日一樣...都係咁樣開始呢...
有時真係好頂佢地唔順~有時唔係話我想點囉~
唉...我都唔知點講好啦...好似有代溝咁~唔想知啦...唔想理~

總之今日好唔開心~其實老早就想唔做~
但係為左錢...就算現在感覺或許會比做雞更難挨...
特別係...我這種...真真正正的不高不低~說到權力又不多~但又未算完全沒有...
我都係想準時收工姐~我已經唔係話貪心到要扣鐘啦...
而且我唔係唔肯做丫~煩o既~我做~多o既~我做~就算係冇人做o既~我都做~你地仲想點~??
玩真係唔係唔比你地玩囉~睇住時間囉...唔該...大佬們...
返工~又係時間~收工~又係時間~咁樣最少冇左12小時~訓就訓6-7個鐘~
將休息o既時間壓到最盡...我o既私人時間都不多...唉...人生...完了...
好辛苦呢...

今晚看長江7號~
真的不錯看~當周星馳死左果一part...我真係好感動...
幾乎要哭出來的...點解呢~?或者我明白失去重要...??的人的滋味吧...
算啦...總算睇左套好戲~

>>November 29, 2008 at 3:48:16 PM GMT+8

2008 年 11 月 25 日 星期二 【晴】

好邪惡...好邪惡...話說琴晚因為響廳訓左~
兩點幾先去沖涼~之後入房睇書先訓啦~
之後大概訓左半至一個鐘左右~開頭呢~我就反轉左個身訓~咁個頭就錫住熊仔~
當我好似醒左一醒~反返轉個人正常返地訓~
點知個身就完完全全唔郁得啦...我心諗...死啦...咁o既狀況係咪叫做...比鬼壓呢??
當時都唔知點算好~又郁唔到~就算出聲都冇用啦...因為屋企得我自己一個...
事已至此~只能靠自己了~
咁我就試下全力握拳啦~但係又唔得喎...始終動不了~
之後諗諗下~不如睇下一隻手得唔得啦~我將全身o既力量集中右手~
呵~成功左喎~雖然仲係有d無力感~總算叫做郁到了~但係...個人就仲係眼光光咁...等左成個鐘先訓到呢...
因為個心仲~卜卜卜卜卜卜卜卜卜卜卜卜卜卜卜..............................地狂跳....

早上~7點就起身了~唉...犯賤的~有假放~有得休息都訓唔到...
只好起身啦~咁其實都冇咩好做...
玩左一陣eco都覺得好悶...咁就搵野食啦~食完早餐咁都休息下好了~
下午~有線做一套叫做~迷魂黨~的戲~雖然就舊左d~95年的~
但係故事都幾有趣~有d搞笑~同埋...有d咸濕的XD
再睇陰陽路咁...雖然我現在都仲有d驚~不過都仲係覺得幾好睇的~所以...算吧...
睇睇下電視太累了~所以都訓左一陣~舒服的~

6點鐘換好衫之後就出發了~
本身打算7點半就走的~不過...
其實7點鐘先開始~之後鬆完根都7點半了...
再來練下腳咁樣都搞到8點了...之後打算同阿龍打freefight打一兩個字到~
點知呢...打左4-5個字...因為佢就黎打比賽~咁幫佢練下都係我o既責任啦~
我見佢o既實力真係有點...弱...又唔識利用自己的優勢....
之後再同佢訓話都講左3-4個字...搞到我8點9先返屋企~
今日又吃麥記~正~之後就返屋企啦~
返到屋企睇電視囉~不錯看的~之後進行日記之類的~早點睡吧...很累的~

>>November 26, 2008 at 2:47:12 PM GMT+8

2008 年 11 月 24 日 星期一 【晴】

被出賣的感覺呢...琴晚原來....
個死仔話去左我facebook度拎左張相比人...
啊...果張相咁seven...點樣比人睇呀...衰仔丫...
奈何...有人話ok...我都有點不好意思的~呵~
點都好~客套說話也好~反話也好~多謝彬彬的一番心意~

開心了一個早上~因為有好事發生加上工作量極少....
令人十分震奮~
當我片蛋糕打算埋朱毛時~見到阿聰都仲係一個人....係度打意大利...
因為平日係兩個人做的...到底應該去幫手的籣子去左邊呢~??
佢去左同個新人玩千層....
我睇到真係覺得阿聰好慘囉...同埋覺得你好cheap囉...
你覺得阿聰打得唔好~慢~所以唔想對住人~你就連人地都唔幫~
因為我d野未得~都開始幫幫阿聰手啦~但係阿聰又覺得唔好...所以我只好幫頭幫尾左一陣啦~
到我開始埋朱毛的時候阿聰又回歸到孤軍作戰的現狀....

有時真的看不過眼~雖然我自己都有時係咁~
因為佢做埋d野真係好無謂囉~有好多人做o既野都係好無謂同多餘~不過我冇佢地咁多~
就以剛才的事宜為例~
你同個新人一齊玩千層已經係多餘啦~你搞到兩個新人加兩個舊人同時企左係度15分鐘....
又唔係唔知佢地有幾叻仔架啦...
我幫阿聰時...佢問我~佢琴日有冇幫阿善...
我都話~"我都唔想講...有..."
講到lee一點...我真係有火囉~唔洗做到咁賤呀~而且你又唔教人~叫個根本得平桶水o既人教人~點算??
火都黎埋~

但係最後我見佢見到我幫手~因為佢唔想比我掂的~
佢自己出手囉~你就真係慳d啦~如果可以的話我一定唔會掂lee d咁濕滯o既野囉~
食飯啦~咁就打左陣機就去訓啦~好玪丫....
返到入去就開始大洗啦~唉...最討厭的工作~
之後大師兄個pk開始洗個雪櫃之後拎d tiramisu出黎就一路拎一路跌...
阿惠康就指住佢話啦~佢呀佢呀~浪費晒你d心血呀~
之後佢就行返去果邊好大聲咁講~"啊李生~d tiramisu 打得好辛苦架..."
我心頭真係湧出粗口x10....當然我冇爆佢啦...因為未到頂點ma~
之後一邊清一邊同阿榮傾偈~之後同到大師兄勁pk搵d無謂野話我~
我的怨氣就一點一點的曾加...再來就係個老屎忽~蔡詠琴...又屈我...
我開始忍唔住~差d想爆佢~行埋去餅底~
富豪隊長佢因為太遠唔想行過去拎紙~之後我話幫佢癡返的~
過去拎mandy就第一句話我偷野...幾乎到到頂點...要爆呢,...
忍得好辛苦...如果我仲係餅底~我唔爆到你地7彩??忍...真係好辛苦...
搞到我真係好唔想係度做~一來d人真係好仆街~二來收工又唔準時~三來d野太多唔係人做~
你有咩原因可以比我支持落去....如果經濟唔係好似現在的不景氣...我走了9世呢~洗鬼忍....咩...

返去時我地都冇咩點傾過~只打機~
之後去左麥記買新包~
丫~又幾好食喎~衰鬼~食完野~睇左陣電視都唔小心訓左...兩點左右起身進行日記呢...很累...

(某d人睇到就唔好同佢地講返囉~睇到就算~唔好亂講野~
如果你想西餅部大亂之類之類的話你就同返佢地講~
咁大個人如果連丁點的判斷力都冇的話~我冇野好講囉....)

>>November 25, 2008 at 6:41:49 PM GMT+8

2008 年 11 月 23 日 星期日 【晴】

很累...累得動不了....
完全不想動呢~不過...不工作就活不下去~只好努力吧....
又遲了出門呢...遲到一事~已成定局~
不過...有價值的...一定...我深信...

今日正正式式去學k-gute~
本身返到去呢~籣子就話"你去學k-gute啦~下次唔好話唔識啦"
我心諗...真係唔識ma...大佬...雖然我學唔係問題~但係你自己因為唔想過而咁樣~
我覺得有點不爽呢~
雖然好少貨...hea左一個早上呢~XD正~
工作完之後就埋左個月亮就去食飯啦~
又玩gvg~好玩的~打得好激烈~呵~

入到去"吉"頓~但係一邊"吉"一邊傾搞到工作效率下降~
但係傾得好開心~值得~
放工前就做d白癡野...呆了~
之後走時同阿昇一齊走~阿榮同佢打~我都只好露一手呢~
上火車時~阿wan就因為...太....肥....上唔到車~
但係一上車~就見到好似係學生的情侶~
我本身就冇咩感覺的~打機ma~之後有傾有笑之下就見到個男仔開始有點示威的感覺~
其實我地3人上車時條女都有點啤我地~佢想點就冇人知啦~
引發起佢條仔作出無謂的舉動...又"襤"又盛咁~
真係你想點啊...
我一直都死忍唔望~因為我唔想比佢得逞囉~至於個女仔就...有點...做出一d反效果的反抗...
雖然我個人都比較老土~不太夠膽咁做~但係比著係我都....繼續XD

返到屋企就打左陣機~阿媽今日返黎呢~
有飯食~本身今日跑步的~但係阿媽好夜先走~搞到我都出唔到門~
結果今日成9點5先出發~但係...風景同樣地好~
跑的速度好似不自覺地快左~而且跑多左五至8分鐘~現在很累呢~

阿彬msn我~無啦啦問我拎相...
一來我冇~二來我覺得唔應該比~點解要比~??無意義o既野我係唔會做的~
之後約左唱k~
不過有時如果交個朋友要搞成咁~不交也罷....

>>November 24, 2008 at 3:43:16 PM GMT+8

2008 年 11 月 22 日 星期六 【晴】

好彩....因為琴日返左早~
今日唔洗返啦~不過...遲到呢又...
點解呢...?唉...自作孽~不可活呢~算~
今日可以自己企返gute了~其實...lee一排都係好少野的~
而我hea到爆地做都10點幾完成...小朋友~努力d啦...
a-1果邊有阿南幫手~佢地都ok快的~
但係仲係好玪~所以lee邊搞下~果邊搞下就去食飯了~
食飯時都冇休息呢~玩gvg~不錯玩的~

終於都可以放到早了~5點25分收工~
之後我地就一齊走啦~拎左阿榮部機打~
返到屋企~阿邦已經響樓下~拎返件袍比佢就好了~
晚上~一個人睇電視~不過都好好睇~
煮飯~之後食野~睇電視~打下機咁~就一天了~今天~

>>November 23, 2008 at 3:37:21 PM GMT+8

2008 年 11 月 21 日 星期五 【晴】

琴日因為太夜了~所以就沒有進行日記呢~
今日補補好了~
咁早上返到公司~阿鳳看來有點唔舒服...
原來佢...經痛呢...我見佢咁辛苦~就問下佢~你唔同惠康講走先~?
但係惠康又唔比佢走~之後佢都想頂一頂...
我見佢好似真係好辛苦...我就叫惠康比佢走啦~但係佢點都唔比阿鳳走...
因為我都唔夠膽話我地兩個人都搞得掂囉....
不過最後阿鳳都走得~
然後我地就開始...地獄式的...工作了~真係好似好耐冇試過咁樣了~
兩個人做a-1cut cake....因為實在係太多了~我唔夠膽實牙實齒話比佢走的原因都係因為咁...
好彩~我地都冇衰比人地睇~1點3仲可以執埋貨~勁呀~
小看我倆~餅底二人組的話~你就太天真了~

收工之後就出左旺角join阿水佢地啦~
本身話去打邊爐的~所以就出去啦~
到到旺中之後~見到阿蔡就等阿水到啦~等左好耐又行...去搵家豪~
見到佢之後就等佢女友~等等下都等左好多時間了...
阿水又一對~家豪又一對...唉...我同阿蔡就...唉....好想...好想~
去到啦~咁又係...漢陽苑啦~
比上次去荃灣食還要cheap~難吃~同埋小野...
所以論食的話係9流...如果聚一聚的話都ok o既~

食完野~傾左好耐偈咁就走啦~
我自己一個人走~行行下無啦啦有個人走埋黎捉左我上california了...
我真係一個唔小心就比人呃左~
咁比佢地搞左我大半個小時~其實本身我就想走架啦~
但係又見佢話幫我身體做個分析~之後都只好等啦~
搞左好多野~我見佢地真係好努力~但係...我之前做邊行丫...你又點可能....呀....
但係果個分析都幾...令人~呵~
佢話喎~基本上你係除左脂肪比例起左d之外其他都幾好喎~咁樣~
之後果個人走左之後~果個打算叫我入會o既人~開頭佢仲意為會好差的~
但係佢一睇~依~!!都唔錯喎~
我心諗~呵~係咪真架~
仲有佢問我成年未果下真係~勁開心的~我...似未成年呢~雖然有點諷刺~不過都好開心呢~

差唔多12點先上到車~我就一邊企一邊𤍣~
因為真係好玪...
返到屋企~都差唔多立即𤍣了~
而且第二朝返早呢...6點08起身~沖涼~之後是是但但就出門了~
返到公司仲可以買野食~之後就開始工作了~
我真係玪爆的~返去時都已經係累得動不了~
開始工作更是...所以有點hea的感覺...

下午真係有點不爽~點會咁慢架...又唔係好多野...
6點幾先收到工~
咁返去時拎左阿昇個psp玩gvg~真係不錯的~而且有我最愛的v2~正~
返屋企啦~睇完果個7點半果套野就出發跑步啦~
之後半個鍾後返~
再睇電視~超女~也不錯看的~
真實之淚~true tears~本身睇緊的~但係都比超女吸引~一邊睇一邊煮野食~
食完就繼續囉~

>>November 22, 2008 at 3:24:34 PM GMT+8

2008 年 11 月 19 日 星期三 【晴】

平凡的一天~早上~其實有好多時間的~
不過...突然有心想搞搞個頭...就遲了...
出門口的時間係...如果順利的話就一定冇事的~
可惜~車遲左開出~然後~行去火車站月台都比好多人阻住...
到到馬鐵...都要等車~
落車都已經8點了~放棄...吧...

返到去~阿榮同阿善都話~
幾驚你唔返呀~冇左個王牌就死啦...
我???王牌???算...把啦~我這種人~只係...我地分別在於有心~無心去做而已~
今日都係慢慢做~執埋貨都已經12點9了~
其實都冇咩埋的~看來今天會是luck day~所以我埋好個"朱毛"~見到阿善都頂唔住~就幫佢手了~
之後幾個一齊去食飯~
食完之後~因為有gvg玩~所以都冇休息...了....

入去工作...個人好似有點...暈...有點寒的感覺~
但身體又發滾~總知就...好唔舒服啦~
最估唔到o既係~今日都要收6點喎...估唔到...估唔到...

返到屋企啦~今晚食麥記~好肥呢~
之後都冇咩野好做啦~今天開始...我再沒事好幹了....

麥兜與雞(粗口版)~
笑爆XD

>>November 20, 2008 at 2:43:41 PM GMT+8