2009 年 12 月 19 日 星期六 【晴】

今日要去阿"女麻"度食飯~

所以...博埋條命去做啦...連韋恩都出埋...真係爆爆爆架~

不過勁多野做...而且又好多野不夠...

打比分店同佢交涉...講到口水都乾埋終於都可以工作...

做到10點去落貨~返到黎做到11點幾~但係又冇箱就開始寫埋野紙~

之後依依哦哦咁樣家哥問我咩事~我話冇箱~終於都可以上17樓拎新箱用啦~

不過好煩...左計計~右計計...比lee間又唔可以比果間咁...想死...

4點8先有得食飯呢~食飯時有得打gvg next~玩到冇訓~之後入同講聲走了~

今晚食飯~我4點幾先食...邊有胃口丫~

好搞笑~咁我媽佢地帶埋人地個女黎啦~4-5歲到~之後係度行黎行去玩黎玩去咁~

一個唔小心~kick到我隻腳~直接~"boon"一聲就仆左落地下啦XD

當時我冇咩反應~阿媽佢地立即叫我抱佢起身~

個頭起左個大樓~腫到呢~哈哈~真係勁搞笑~

返去時去左百佳買野~見到周威~傾左好多野~

星期二~我,樂仔,迪迪,阿賢去食飯~

五點幾左右收工啦~咁就出發去新城市啦~

上車~一"o都"~死~唔記得入八達通添~

當我找錢入o既時候~我眼前有個好靚o既女仔~佢望住我~佢一望~我一急~就越搵唔到~

好緊張呢~上到去~阿樂話~條女幾得喎~
我話~佢望住我呀~
佢答返~係囉~佢係咁望住你喎....

唔通我識o既???又冇理由丫~別說是同年紀的女生~就連一個普通的女仔朋友都唔多個呢....

唔通...係今日個髮型得XD??

gel頭時~阿樂勁話我扮女仔~個頭勁女仔喎~

不過我都幾喜歡哩個頭丫~而且冇特別去扮呢~~

去到ntp之後~等埋阿賢就出發行街~阿迪話想睇首飾之類買比女朋友呢~

行行下去到一田果邊有間sell hello kitty o既鋪頭~

阿賢話帶我地睇d野~我心諗~有咩好睇....咁我做左個好古怪o既動作"烘"埋個櫥窗度~

阿樂話~果個女仔笑你呀~

果個女仔就行出黎~阿賢就叫佢啦~問我認唔認得佢~

我....真係唔認得囉...原來佢係當年係a-1做過sale~而見過一兩次的~四眼雞丁~

冠豪大哥仲話~介紹個唔得o既女仔你地識啦~咁樣....

出奇地~佢竟然認得我喎~我真係有d唔好意思囉...不過...我真係覺得佢係幾得~很可愛的~

可惜人家婚都結埋仲有個仔添~

行多陣~就去kfc叫雞了~~~

星期四~返跆拳~當日~我有d唔舒服呢~感覺...好...奇怪...

恩姐走時~我終於都都鼓起勇氣問佢拎msn~

有人話~拎msn要幾大勇氣呢???對我來說~要好大~識得耐~點玩都得~唔熟....完全唔得....

而且我好似都冇咩點問過d朋友拎msn~多數都係人地拎我~點講都好...好似唔係咁好意思...

返到屋企9點幾~立即add啦~

點解要佢msn?因為果日見到佢有個好可愛o既朋友想結識一下~

所以都想拜託拜託~幾經辛苦~終於~佢都肯比msn我啦~

咁msn都差唔多傾左成個鐘~佢問埋我拎電話就話一陣打比我啦~

哈哈~之後再傾多個幾鐘電話~仲話明早食早餐呢~

要好早起身...其實好累...6點就去梳洗~識我o既朋友都知我都幾姿整~

如果真係快的話都都要半個鐘先出到門口呢~加上"第一次""約會"~gel好d個頭都要啦~

去到火車站等左兩個字到~終於都到啦~

今個早餐食得都幾開心~有講有笑~的確不錯~

不過我留意左好耐~佢d牙真係好得意...爆牙呀~又唔係咁齊咁~好正~

估唔到我有d咁o既癖好....

返到公司同阿樂分享左少少~佢都唔係咁高興呢XD

6點左右~傾多一陣電話就走了~要等到29號先返黎....

2009 年 12 月 9 日 星期三 【晴】

先來介紹一本新書~是一本不錯看的書~

書名為"18+花花公主的性福筆記"  樂采頤 著

還是那一句~大家別驚訝~因為此書不是一本"鹹書"~

不過其題材較為敏....所以我本人認為...大家誤會我是理解的~

大家都估到~此書一定關於"性"~

但別想歪了~雖然談論性~

但是是正面的談論對性的看法~女性的想法~性技巧之類~(因為睇到一半...)

剛巧看到了一篇很有感覺的一章~處女何價~

的確~亞洲地區對處女是有一種情結~早就明白~

萬萬想不到外國對處女的看法~完全相反的.....

從前我對一片小小的處女膜都有一定的執著~看完這片文章後~

睇法都開始有所改變~雖然依然有遐想~但係不再執著於是與否~

不過有的話...就是錦上添花啦~

好了~說說近況吧~

星期一~上跆拳~阿水第一句...阿"力"琴晚破左處....

當堂呆左...佢...喎?!

佢有女朋友其實我已經覺得係一個奇蹟~再說佢破到處的話...

對我來說係一個好~~~~~~勵志的故事~

大家見過佢衰樣未???雖然好衰...但係...我想大家明白~就算再差~都有人會看上你~

而我...或許欠缺的是一份決心~一份膽量....

不過佢話一晚四次...的確有點...如果我話你知我一直低估左佢~係真...

因為我已經問左好多人第一次~都係搞一次...

但係佢...四次....仲話半個鐘到完事....我低估佢o既程度我都不敢想像~

所以我只覺得...驚訝而已....

今日~返到公司收到個消息~老鼠好似搞大左佢女朋友個肚....

其實...到底係好事...定係...唔好呢???

如果發生係我身上~而且女朋友都行左一兩年~我會好開心~結婚~

因為我好鍾意小朋友啦~而且好憧憬婚姻~

雖然成長時見證著一段未算理想的婚姻~正因如此想有一段美滿的婚姻~

不過在於老鼠立場...應該...雖然唔想負哩個責任~但係問題都出現左...

落左佢係現時唯一解決方法啦....

富豪大哥bb要出世啦~恭喜恭喜~~~

2009 年 11 月 30 日 星期一 【晴】

依家個社會~到底變成點呢??

總係覺得變得太快~短短的十來年~自我懂事以來有記憶開始~變得太快~

升中~被迫選入一間根本就唔需要差至如此的學校~

不過我冇後悔~雖然唔係自己選擇o既路~但~同樣係自己選擇去行~

一間當時仲係五級制時都已經係band5 o既學校~

同依家比起上黎o既所謂band1學校~撇除成績方面來說~幾乎都差唔多...

band2以下可說是更差...

琴日返學~其實一早已經注意到...

係廁所見到一張"奉政府喻 不準吸煙"o既告示....

哈...係學校唔比食煙就全世界都知~但係估唔到竟然要貼張咁o既告示....

相信已經無計可施~叫做循例都做返d野就算....

見到果班打籃球o既學生~哦~好有型~

的確真係幾有型~型到一冇波打條女就癡埋去~又楂~又"巢"咁....

我想話你知~學校係聖地~唔係"性"地囉~

就算出到門口~你著住件校服都唔應該啦....

有一個仲係學生o既朋友食煙~但係佢都話~著校服食煙咁樣衰~影衰晒間學校~

識諗~都叫做比較好架啦...起碼...你知道自己衰...唔好影衰自己學校自啦...

記得以前都好多人染髮~但係一入門口就比人趕走~染返黑~

依家我見到個頭d色比我更加淺o既....

我都叫做出黎做野~染都已經唔可以話咁過份~你讀書....都唔知係咪返學...

其實...畢業唔係好耐~但係...讀果五年都唔係話變得好多~

但係出左黎做野幾年~已經變到不知所謂~

係我人太保守~定係依家d人"懶"開放呢??

都係果句啦~唔好意為自己十幾歲就係大人~"懶"醒咁~

我都未夠膽話自己已經係大人~可以承擔到自己o既野~

希望你可以安份守紀做返好自己先啦~你父母養大你好辛苦架~

2009 年 11 月 29 日 星期日 【晴】

到細健生日啦~生日之前果日就食飯啦~

差唔多又係果d人~我地收工就出左旺角啦~之後搞左好耐先去到家樂果度話食板長~

咁等~等等下阿樂無啦啦講左句~"hotcha 呀"~

我地幾個都唔認得...不過睇睇下又幾似喎~本上追上去的~但係...都係冇~

但係係咁多人o既商場入面...都好似唔多人認得佢地呢~

我記得死人紫菜話鍾意佢地~睇下可唔可以拎到佢地簽名啦~佢地又叫我打去搵肥南~

因為佢識其中一個~佢話有誠意就買隻cd啦~之後傾多幾句叫佢幫我搞~

不過唔知搞唔搞得成啦....第一次咁近接觸到名星呢~有點開心~

今晚果餐好好食~不過...就勁貴囉請埋佢...

食完~之後就去左食糖水~等坐果陣唔知做咩死啤住個妹~唔知搞咩...(因為唔靚~)

等到啦~果度有好多榴槤的食物~哈~阿wan就勁討厭的~而大健都唔食的~

食完~再點多小小野帶返屋企慢慢"嘆"~

琴日~我同阿迪因為太激氣開左個緊急會議....唉...差d....爆....

今日~估唔到~不過都好~同左小雄講話扣鐘走先~又走得喎~而且仲好早搞掂~

所以我走唔走都冇問題~

咁返學啦~今日其實都有點累了....因為琴日8點幾就訓...一訓就早上5點了~

但係又想keep返d體能~減減個磅咁~

我都想郁動下~其實都唔算咩操~只係踢下腳咁~之後就打freefight~

其實都冇咩力...唔好話我唔認真~只係被動d姐~d小朋友真係好多體力~

搞到我閃都閃到冇晒氣~而我眼中~阿"力"同樣冇變~垃圾~

放左學啦~本來就話同佢地去食野~我~阿水~阿邦~阿嫂x2~阿"力"~

之後去到大中~其實...我了解...我早就知道會咁~其實唔係佢地唔理我~

而係我唔想見到人一雙一對~而我自己就....而且果個咁o既阿"力"....真係...見到佢都唔開胃...

其實我自問都唔係叫差啦??點解...連阿"力"都溝到女呢....

我要求已經唔高啦...可能...真係差一點點的膽量...同一點點o既自信....

自己一個人走左~去左大眾買書~買左三本啦~唉....今個月用左兩萬幾蚊了~我o既人生....

返到屋企~食完野~沖涼就做家務啦~

一個人住~我發覺屋企開始亂了~太累了~而且一返到屋企就對住個腦~

食完d野~用完~就是是但但四維放~真係有點不要得~

不過執執下都有點累...明天再執~放假ma~呵呵呵~

今日阿旖都叫我幫佢整餅~今次我諗幫唔到佢了~

不過1p藍啤利芝士應該唔洗我出手啦~佢有點擔心收唔到~但係我放假~想幫都幫唔到啦~

最近~佢地時代都有叫我整自由款~又叫我整d野比佢地食~

佢地同的傾~我話冇咩所謂~最緊要有人識欣賞我d野~

但係...有人就話~佢地有得食同有著數就咩都話好架啦~

咁我又唔係咁講o既~有時可以當係練習下~

而且我學做整o既原因...可以說是很簡單...一來我鍾意~二來...

我想整比我鍾意o既人食~如屋企人啦~朋友啦~有女朋友的話啦....

仲有會欣賞我o既人~

利用??我冇諗到咁複雜囉....

2009 年 11 月 20 日 星期五 【晴】

迪迪終於都歸隊啦~好開心呢~

因為除左阿榮拍到我之外~我諗都只有阿迪可以咁合拍~

不過...返得一個...就有幾個魂不附體咁....

唔係我講啦...係好多人都見到睇到聽到同講到...豆丁唔做就冇人理佢啦~遊就一定~但係...

果兩個新o既兩隻巨野~就連踢都唔識郁...冇用

iris~唔係我自己講~係聽到好多人口中~就連佢d好友都話~比豆丁帶到佢成日"鳩"遊遊....

當然~我有眼睇啦~唔出聲??唔係...唔出得聲姐...

家哥唔鍾意ma...更何況~d 大o既都唔出聲啦~我出咩聲丫...留多兩啖氣暖下肚好過啦...

而且包裝同餅底都唔掂...收工??真係等幾時....

本來都唔多想講公事...但係...真係好嬲....

星期日~放假~下午都瞓左好多~晚上就出發啦~

join埋佢地就去唱k啦~~~

好耐(?)冇唱lu~好開心~greenbox有好多newat冇o既歌~不錯~

不過~最出奇o既係...人果方面...我地5隻仔就一定啦~但係...加阿wan都唔出奇~

最奇係~師姐都黎....我真係估唔到囉...

本想見下阿樂果個新...女性朋友仔o既~但係...人家生日都放人飛機~阿樂當然唔會叫佢啦~

阿銳都講下佢工作之事宜~其實...

佢走真係有道理~佢比5千出黎~係果邊兩個月就可以追返條數~雖然佢話工作o既比例唔o岩~

話好多野做~但係...你睇我地...?????我地做到仆街~都冇果個數...咁...你走唔走??

"聽講"下年會有大地震~~地震之後都唔知點算好....唉....

今晚都幾好玩丫~首先就阿銳走先~之後到大健~然後到師姐~

阿wan就瞓左啦~我地三個勁唱左一陣~阿wan起左身佢兩個就走左去買野飲~

到我同阿wan唱完阿樂瞓左~得返我一個人唱~我諗...

我淨係一個人唔計一齊唱都唱左成兩個幾鐘....所以回左本就是了~

4點幾走~去左麥記食野~傾傾下又傾公事....

傾左個幾鐘就返去啦~同阿wan搭車都傾下啦~當然~家家有本難念的經~

我地有我地難處~睇佢咁悠閒其實都有~各有各苦啦....

返到屋企~沖個涼就瞓~都差唔多7點了~

2009 年 11 月 13 日 星期五 【晴】

明天~鵬鵬生日了~祝佢生日快樂先啦~下星期到阿樂~都祝佢生日快樂~

咁星期一就去左打邊爐~都幾開心丫~好耐都冇見佢地啦~

同阿善佢左好耐呢~佢話佢好慘~好多野做~好想返黎~或者叫我落返去...

我死都唔啦~有a-1 三大 係度....不過講起上黎~阿榮話係四大呢XD~邊四個??心照啦~

食食下~見到阿凰~我好奇心又開始蠢蠢欲動~

雖然~因為唔肯定到新情報係真係假~所以...迫供....

迫下迫下真係迫到d野出黎~但係就冇應啦~不過證人A呢~就吃盡苦頭~

所以話呢~夜班人小~好多野都係環環相扣o既~一個害全家...冇講錯啦~

不過我地天文台長就快要走了~收風~就黎冇咁易嚕~

咁人家就有拖拍啦~

第二個呢~就有好多機會同艷遇~一黎就三個~恭喜恭喜~

人生日我生日~人地就咁開心~我就...好似冇咩運行咁....

第三個呢~?

又有朋友介女佢識~依家玩埋d野又多靚女喎~真係羨慕死人啦~

好似我咁咩~鍾意睇書~lee個世界仲有人鍾意睇書架咩~??有都死得7788啦...

而我自己最近呢~幫朋友其實我好樂意的~

阿旖最近都公事上搵返我~所以呢~不要想得太多~幫到就幫啦~朋友丫ma~

而有個唔知邊度搵到我個電話o既朋友呢~

都因為搵到工做~咁問我開銀行acc o既野~見佢乸手唔成勢咁~幫到就幫啦~

好得意的~今日佢都打黎話明天就開工啦~

係咁好驚好驚咁~如果第時有個女~或者佢做第一份工時都會咁樣~

既緊張~又興奮~

或許~是有點運...星期五收工~再一次見到果個以前只要返早~

就同我一樣係趕到死o既女仔~同上次一樣~都係咁靚...

上次很簡單~很清純~很有氣質~

今次係華麗的~

本身我真係見唔到~我坐係石膊上~一合埋本書~眼前...已經係佢啦...我都呆左一呆...

基於我覺得唔好意思...都係望去第二邊好了....

車來了~我頭"堊"高~四目交頭左一下...但係佢眼神...好兇惡似的...

上到車~佢坐係車頭果邊~而我係車尾~偷看...或者係我唯一做到既野....

平日總係覺得架車行得太慢...但係...今日好似....太快了....

一如以往~車一停~立即逃出lee個充滿壓迫感o既狹窄空間...緊張得令人透不過氣呢....

唉...

美國生蠔~好食~不過太大隻了...吃半隻我諗已經很夠XD

2009 年 11 月 3 日 星期二 【晴】

有好兩個月冇進行日記了~發生左好多事~

不過...到現在都已經忘記得一乾二淨了....

近日聽到我地a-1的金童玉女出現情變??

已經唔係第三人口中得知...係本人話我知...

話說有一日講出引子~放工之後~剛巧見到本人收工~先得知真有其事....

不過~~~其實事情又未去到咁嚴重~因為...大家都唔想面對~一般逃避~

或者...逃避都係一種好方法....唔排除兩日後解決方法會出現啦~

嗯~好懶...好累...嗯....

十月~日式芝士特價~全世界死亡...有人係最死亡的日子做逃兵~

有人吃不消~難以想像聖誕節o既慘狀而辭職....唉...友人一個又一個離開~唉...

十月二十一~我的生日~本來打算整隻餅比一位朋友食的~

不過呢~經佢多番扭扭擰擰~我決定左唔帶出去~咁見到之後都有點...返屋企好了~

晚上同左大細健同樂仔唱k~本來阿銳都黎~不過有事~走左~

咁我帶左隻餅出去比佢地食~都好~有兄弟陪....

最近~好多朋友都開始行桃花運~或者...出路遇貴人啦~

個個都有朋友介紹女仔佢地識~唔~真係好呢~得我冇之ma~

佢地話自己唔夠積極喎~

我都明白見到自己鍾意o既人應該都講出不聲~

又會驚講錯~又會驚好多野...

不過更加明白~只要唔好太過份~唔講比講更衰....

但係有時都係自己衰~又懶~面皮又薄....

即使機會擺係我面前我都冇好好把握~因為...機會真係有好多(?)~

2009 年 8 月 16 日 星期日 【晴】

喔~勁耐冇進行日記了~

因為有點慢~加上十分累....

不過~生活過得很充實~感覺~很滿足~

家姐生日~整左個餅比佢~佢好開心仲話靚~我都好安慰~

上次同luby有d面左左~我自己一早就冇野~不過~冇機會說話~所以....

不過去燒野食之前~都好返啦~燒野食當日~我地成班一齊出發啦~

係沙田join埋阿善~就前到大埔~轉車到燒烤王~

果班阿姐一早就到左啦~分左3檯啦~咁本身我地坐果邊o既~

之後見到果個洪雄俊我真係連胃口都冇埋...

還好阿姐果邊有位而且又有電視睇~係果邊就燒左一晚了~

10點左右~影左小小相~我阿輝iris聰聰同阿榮就走先~之後講起麥記果d杯杯~

我同阿榮決定左~今晚就買個麥記換杯了...因為明天返早~當早餐囉...

當日早上~返到去我同iris返早...我同佢都唔識抄單...兩個人等死...只好硬著頭皮上....

等到有人來求援....

之後某星期三就同肥南阿輝iris聰聰一齊去食飯~

咁我地幾個出左先~肥南就未收工~點知...阿輝為左買小小野我地行左成半個鐘....

等到肥南黎~又要行返轉頭...行多半個鐘....中間發生左d小插曲....

今晚~勁吃~因為去左食放提壽司~吃到爆肚~

咁我地食食下~見到前面檯轉左人~但...有d古怪...怪咩~?

怪在...人物方面...兩個100%電車男的男子...加上一個~各方面都ok o既女仔~

三個人....一齊食飯~因為最近我搵緊資料~世界上有一樣野叫做出租女朋友的物體~

而我留意左一陣~原來肥南都有發覺~之後開始傾啦~我講出lee個新的job~

佢地都覺得有70%可能性~

因為見佢地傾偈係冇交流的~一個講完第二個望第二度笑~

每傾完一次就大停頓~之後再黎過~

我地觀察左一段時間~都覺得冇意思....冇進步~所以~心中有數啦~

某星期三~阿樂黎左一日跆拳~咁就教啦~當日有點燥~爆阿蔡~

其實我都唔想~但係個火升左到去某個位~就真係落唔返...

某~星期六~我地幾個仔又出去食飯啦~

我~樂~銳~大細健~本來係諗唔到食咩o既~之後就話唱k~

但係去到又貴~又冇位~只好又去吃其他啦~

佢地見到有間不錯~就出發啦~點知又係放提~不過有鐵板燒....

開始食啦~感覺上有d怪~或者太耐冇相處~而某根某心裡又有條刺....佢地都冇咩野傾...

不過~lee度食物o既水準真係~奇差...垃圾到震囉...

而且落左d野又唔黎~所以以後都唔會返轉頭~

走啦~之後阿銳又比人召左走~我地就行左陣街然後就返屋企了~

某星期一~食食下lunch~豆丁同阿鵬問我去唔去唱k~我就冇所謂~去啦~

收工~又有iris同阿輝~出到去佢地去禁錢~而我一個人行街睇野先~

之後大健話見到我~我都唔太想講野~敷衍下算了~

會合之後~就去啦~一入到去~都冇咩機會點歌~後來~又冇人點~

唱到我好快就ko左lu...因為冇唱歌好耐又冇練習...

後來豆丁話佢有個豬排fd黎~佢一入黎我真係打左個突...

係一個斯斯文文o既女仔~而且仲ok樣~點解話佢豬呢~?

佢黎左一陣傾左d野就夠鐘了~咁上到去就散啦~

某星期三~細健訂左個蛋糕咁我就幫佢整啦~

但係早上銀行打黎叫我交埋最後一期數...我就要早走同返大埔一轉了~

我用左4個字左右想左個蛋糕~再出發返大埔~

拎住個餅真係幾外眼~我發覺周遭o既眼光都望住我同個餅~

蛋糕之ma~未見過咩....

趕到之後~就立即出返去觀塘搵佢啦~其實...個餅又冇咩點雪~

加上同我行左咁耐都有d驚...

搭火車時~對面有個小妹妹~3-4歲到啦~佢不停咁係度唱歌跳舞~

而對面又有個學生妹~我地開始時都忍到唔笑~個妹..真係好搞笑~

見到細健~佢仲有d時間~佢叫我去食個飯先~冇可能叫左我出去又叫我走咁~

之後就行apm~去左a-1放低個餅先~因為驚佢有事~所以就打開黎睇下先~

d sale就話個餅幾靚~問邊個整^^~呵呵~好開心啊~有人讚~

行左好一段時間~再去食野~之後佢拎返個餅我就返屋企啦...

衰開真係有條路~搭車咁啦~開頭有個男人坐係我身邊個位對面~都算啦~

之後去到一半有個大肥婆坐左落我身邊...好驚啦...

之後太累了...就訓教~點知...去到吐路港我起左身~

個肥婆已經霸左我拳張"�...仲成個壓左落黎...我見到有人望住...係落度...

當時我感覺真係好難受...好似比人強姦咁....嗚..........

對上果次~就同阿智豆丁阿榮4個去左新城市食飯~

咁阿榮話太早~剛剛食完飯又食咁所以就行左陣街~

陪佢地睇完野我叫佢地行下睇下~因為我要睇書~

到我地會合返再去時已經好多人了....

等左有好個幾鐘...先有得食~食完之後~豆丁話佢上次個fd黎緊~不過阿榮就唔等啦~

我地幾個就自己等啦~首先就等阿智女朋友~佢話過佢女朋友唔好~

但係我眼見都不錯~不過係有d似我表妹...琪琪....

之後等到要等o既人我地又去大圍食糖水~

我點左個勁難食o既野...而且都加入唔到佢地話題~所以...算啦...

走時都同佢傾左幾句~而且仲係個車站度搞果個8達通搞左一段時間.....

咁個新女仔黎左啦...女仔??女人...仲要比阿wan更加巨大的阿wan...

完全係洪雄俊的cupy...

我完全接受唔到....好難頂啊!!!!!

咩叫肥聲~我終於都明白了...聽到....

好多都唔記得~算數....

2009 年 7 月 28 日 星期二 【晴】

好耐都冇進行日記了...話說~我家發生了大事....

臨落早班前~就放個"媽"day啦~~

第一日~都訓唔到~早早入房訓~但係訓左一陣就起身啦~不過到到早上~6點幾7點就訓到~

5點幾起身~唉...點算...因為明天就要返工了~

咁2點左右入房~幸運地係訓到半個鐘...我都知冇可能訓到所以都放棄架啦~

出廳打機好了~不過玩左一陣~家姐就無啦啦行左出黎~

鬼鬼祟祟咁樣問我~"你琴日有冇幫我開冷氣呀~?"咁樣~係冇的~

之後佢話~"屋企好似有d野呀~"

佢係度解釋~話果張床"肉" 壓住佢~咁其實我地屋企多左張的~

之後佢為左唔比我係廳用佢黎訓~之後就搬左佢入佢房度~

咁佢個訓法同張野就係11咁樣~而床"肉"就係企係度的~

之後我問佢係咪唔小心踢到佢~搞到扑左落黎晒~佢話唔係呀~

本來係"1"字咁企~係一起身張床"肉"打橫"一"字型咁壓住佢~同佢個人呈十字型咁啦....

其實我當時就好驚啦...不過都係跟佢入去睇....

當然~咩都冇啦~但係大家都心慌慌的~我就叫佢入我房訓啦~

之後睇左陣電視~5點左右佢就入左我房~到6點就四維打比人啦...

叫左阿媽返黎~之後我都要返工了....

收工~就一齊食飯啦~聽講係因為真係撞到野...咁....好似話搞掂左....

不過當晚食野~有班死小孩~(十幾至20歲左右啦)其實我地都差唔多食完~

之後佢地一黎到係咁嘈....我發覺依家d人真係冇咩家教~燥底囉....

返到屋企沖涼~今次到我覺得有問題...沖沖下個浴簾好似拍下拍下~

因為我一年365日都一定要沖熱水的~但係...當下我覺得勁寒...而且起晒雞皮....

到我入返房訓~訓左一陣...就起身啦...

其實我好累...但係不斷地...起身~訓返~不斷...不斷地....重複...地獄....

失眠的症狀持續左差唔多有一個星期...果個星期加埋都訓唔夠15個鐘...我差d死...

(lee個故事我都講左不下數十次了....)

有一日打風~我一落到樓下~見到冇車...死得...

因為果日返早~所以打比家哥報左案先~所以我就可以慢慢行去搭火車~

但係都係遲左三個字而已~

星期日~返早~家哥叫我剪髮~之後我依依哦哦咁話好~

入到去做野~佢就話阿籣子~你唔可以突果d鎖匙d野出黎~

之後就轉個頭就走左去~之後籣子大概係講左句含意係~"你大佬心情唔係咁好~"

之後我話~係啊~係啊~之後家哥就轉個頭行埋黎話~

有咩唔滿意就大聲d講~唔好係度細細聲傾...唔想做o既就唔好做~

o下...又關我咩事??我覺得好冇意思囉....

跆拳~越來越小人返~對上果次得返我地3個~我~水~邦~

不過果夜係最似樣的一夜...雖然阿水遲左成個鐘先到...

但係...我強迫左佢地打...都同我打左有半個鐘~感覺很好~

之後去食飯~嘿嘿~果兩個女仔~嘿嘿~食完就返屋企了~

剪髮~星期四去剪~本來打算星期四去的~不過...太累了...動不了...

本來約左人星期五去書展的~但係...有人爽約~不過算啦~佢5點幾打黎~

之後又話星期日去~睇下點~

咁真係冇得走~要去剪了...一落到去~其實我本來打死都不願去果間的~

因為入面有好多o既潮童~我唔敢講我一定大過佢地~但係果身mk look~已經令人....

我一入到去~因為冇客啦~佢三個洗頭的就已經啤住我....

我話...剪頭髮...就洗~剪啦~期間果條仔唔知做咩死啤住我....

個女仔我就冇望啦...廢事啦....入去時佢地啤我都了解~因為我頭髮真係勁長...

但係...到我走時~點解佢都仲要啤呢~?令人費解....

星期日~真的...爽約了....

某日~要頓頓~咁開頭問佢地話落機~之後我見到佢倒左水落去~

我問返佢地~咁佢有水就用唔到叫我自己座~其實當日都爆多野做~

大家都燥燥地~我地4個都差唔多4點半先食飯~

食完打算訓~luby走入黎話~"又話用機~之後又唔用~嬲死我之"類的說話啦~

我話~你們倒左水落去點用啦~之後佢就走左去啦~

算啦~你要嬲你嬲飽佢~一黎唔係我話唔用~二黎~我冇所謂囉~

公司d人真係好有性格~咁樣o既~你都已經唔係第一個第一次~我覺得很可笑~

今日~我下定左決心出發一個人去書展~

搭車時見到個阿伯~鬧個阿叔~差d忍唔住笑....

其實感覺上有點...但係我真係好想去睇下~一個人...的確有點不是味兒~

而且一個人~唔熟路果種不安感實在不好受~其實去就去過好多次~但係都有一段長時間冇去了...

行都行慢左~睇清楚d指示~感受多d人群去向都還可以....

去到之後~真係勁多人~人太多了.......之後我一個人就搵我想買o既書~

睇完就記清楚佢地係邊~再行完一次~確定左真係再冇野買啦~就開始買~買完就走啦~

其實有好多不滿~人太多其實好正常~但係冇好好咁控制就係一個大問題...

而且...好多無關書o既野出現~書展~??要展示的...是什麼??

而好多書都開始賤賣~而且每本書都比人摧殘緊...令人睇都有點心酸....

如果lee個叫做書展的話~或許已經侮辱左書展lee個活動...

如果要講~充其量都只係~書之類的特賣場而已~

(見到王貽興~)

其實習慣左一個人o既我~一個人當然係冇所謂~但係~一去到多人o既地方~

精神同肉體都感到不少o既壓力....而且仲見到人地一雙一對o既時候~精神上的壓力更是....

所以一直行都有d頭暈頭痛作嘔o既感覺...

一點出門~6點返到屋企~個人一直在行~企~等~

再說~我就係唔知點解~好怕同d女孩子有身體接觸的...不過~唔好睇我大大隻~

我最大的skill係...閃避...係真....今日咁多人~我幾乎同女性完全冇接觸過~

或者太耐冇同女性的頭以下o既地方接觸了....即使有任何身體接觸都反而有反感o既感覺...

所以不自覺地全架閃避....

太唔正常了...有時好想好似阿蔡果d咁...突登唔小心~high到就覺得賺左~

有日阿旖msn我話我知佢生日....意思係...你要識做呢~~

整唔整好呢~??

(好多野都唔記得~不過~算啦~)

2009 年 7 月 13 日 星期一 【晴】

好耐都冇進行日記~基本上都冇咩特別事發生~

今日真係真真正正的放假休息~

琴晚呢~1點左右入房訓~本身都係廳訓左陣~好累啦~但係睇完書之後~之訓唔著~

睇左好多本...再出廳玩左陣電腦~都已經6點了~

之後入返房就一訓~訓到5點半了....好舒服呢~

睇左一個鍾周星馳的師兄撞鬼~不錯看的~

就落左樓下買飯啦~喔喔喔~原來果日撞到果個女仔真係返夜晚的~

唔~好靚女呢~多d食大家樂先~XD

星期日呢~就比阿水~"水"左我返去~唉...

本來我滿心歡喜的~佢話佢d東涌d囡囡都會黎~因為我見過有d都好可愛的~

所以都返啦~而且...佢話12點開始咁...

雖然我出門都遲左~因為同阿蔡msn同埋玩果隻game開人物的關係~

但係我返到去...水同女都冇~只係得家豪~黃德同阿蔡................

阿水成點幾先到...仲要...佢話佢d囡囡要開生日會唔黎...唔係呀...

哈哈...一返到去~黃德見到我~就話~仲意為有女返添~

咁樣等到一點就開始操啦~

黃德依然係~係咁話佢地d踢法呀~落地點呀~個姿態點呀~咁樣~

其實...唔好話佢地係你師兄~就算係一個比較高級d o既學生都唔應該咁話佢地~

話晒...我地都係用lee套上到lee個頂峰~

我唔係話自己接受唔到o既~我明白到自己各方面都有問題~但係...至少...

我覺得不錯~而且...要話佢地婉轉d會好d....

放左學就去食野啦~又去上次果間~果個女仔個髮型真係好正呢~好想剪啊....

但...看來真係要剪了...很累呢...

唉...加人工...唉.......冇得加啊...頂你個肺~等左咁耐都冇得加呢~

阿昇仲串我添....好嬲啊!!!!!!!!

看來今晚都係訓唔著架啦....又訓左11個鐘~而且~

都唔知點面對佢地~唉....

不過好彩o既就係...連u都早左做~平日的話...兩點應該就可以訓了~正~