2007 年 12 月 12 日 星期三 【晴】

早起身~但係遲出門~又係趕返公司的~
一個人工作~自由~
慢慢做~都可以呢~但係聽到人地話今日可以早收~都加快速度了~
肥南今日唔知做咩鬼~早就去食飯~
所以下午見阿聰食飯都可以同佢去食了~一齊落去食囉...

食完飯~同聰傾完偈就去左ok行下再返去~
之後坐多陣都~入返去了~
幫幫手~其實都好快ko的...不過搞下又搵左好多野搞...
走前都比人捉住....唉...

之後肥南同阿聰出去旺角~
見肥南件衫幾得意我都想去~所以一齊去了~
出到去之後果間野又冇開~所以就走了~
去行信和~陪我睇完書之後佢地就行~行左一陣肥南就帶走左個mandy...
我就同阿聰行cd鋪~都真係睇左幾耐的...
買完啦~再夠阿聰去買佢d護膚品~估唔到佢咁o既一面呢~呵呵~
分手之後就我就去左買衫~買左幾件~好貴的...

返去時搭271~本身就睇緊書的~
睇睇下又"恰"眼𤍣....頂癮的....因為都𤍣左一半車程~
見到有位就立即去坐~估唔到果一邊有個阿伯"賴屎"~勁臭的~
好彩佢落車姐....
返到屋企都10點了~食完野都呆呆的~

>>December 13, 2007 at 3:52:03 PM GMT+8

2007 年 12 月 11 日 星期二 【晴】

唉...想死...真係好想死呀....
琴晚𤍣得唔好~就係"窄"醒都5-6次...
唔知搞咩~精神狀態十分之緊張...搞到我勁起身....想死的....

早上返工時都唔想起身~
返去時又暈暈地~到左換完衫~就等埋阿樂入去工作了~
今日阿樂就入黎~兩個人囉都係~
都幾開心o既~因為兩個人~男仔~而且佢又係好仔~所以玩得開心囉~

下午同佢食飯時都傾左好多野~
不過我估都估唔到果個食蘋果o既係佢...我都唔知添...好靚...的確好靚~
唉...算啦~反正佢咁憎我~連朋友都冇做囉~
之後同阿樂傾到咁上下~我地就去打卡~
返到去見到佢地幾個~之後玩左陣就入返去工作~

小雄的工作好多都冇做~搞到...我以上的人都開始幫小雄做佢d野~
本身五點收工~但係...一搞就六點先得了...
做完d野之後~真係...
我最憎人地搞我工作上o既野~之後就走左去爆阿成~
之後差d打起上黎~不過我玩左跆拳咁耐都未打過交~我真係等緊佢衝埋黎囉~
但係...阿斌又叫我唔好咁~唔好咁~d人又扯住佢咁~
要打的話~我都好有信心會win~唔係因為我係黑帶~而係...我作為一個黑帶的尊嚴話比我知~
win o既一定係我~而一個爛仔注定會比我踢到佢嘔水~兩下~ko!!!

返屋企冇野食~無啦啦有人add我~
之後同佢傾~佢話佢自己係女~咁我都想睇下佢係咪真~
佢話比相我睇~點知...掂囉~有70分++正的~
不過我食野時佢就off左~之後我用某某方法~就見到佢....
原來係一個男仔...死啦...佢係咪架...死賤人...玩野...我決定要你死得好慘~

好正~火都黎埋~今日都好有火呀~

14歲少女產子擲落街 連臍帶男嬰斃命 警追緝「經手人」 【明報專訊】元朗朗屏邨一名14歲女學生珠胎暗結，一直隱瞞雙親，昨日凌晨在家中誕下麟兒，疑初為人母方寸大亂，其間疑有人狠下心腸，將連着臍帶的小生命從高處擲下，男嬰當場斃命。 ...

>>December 12, 2007 at 4:05:05 PM GMT+8

2007 年 12 月 10 日 星期一 【晴】

琴日太累了~所以又沒有進行日記了~
不過其實就沒有什麼大特別的~
一如以往~激嬲左~哄返~我唔開心~靜~說說笑~開心~
走~多了一人~不爽~永別了~還有一天~

今日~遲左起身~其實就唔係咩o既~
琴晚響廳𤍣~突然起左身~搞左個幾鐘先再𤍣得返~
但係早上就勁玪~唉...唔想郁的~
遲左出門口~如果早一班車都ok o既~可惜...唉...算啦~
最後一天了~本想有咩特別的說話~傾傾都應該可以的~不過...原來時機不對的確有點兒...
而且佢本身都唔喜歡在下的~算啦~作為同事一般來說都ok的~但係...朋友都已經不行了~

下午一齊去食飯~咁...唉...都冇機會講野~
冠豪都話~好小見李生唔出聲同埋發呆喎~的確...我...um...唉...老實果句~
有咩講丫~見到你地咁開心~我就好似外人咁囉~
就好似以前細個去朋友屋企𤍣一樣~你地一家人~只有我一個外人...我加把口埋黎好似....
加上我本人其實都不太喜歡說話的~靜~個人來說是很舒適的~
所以~一般來說別人跟我說我給他們第一個印象~正正就是最真的我~
只不過...其餘的人格也造得太過強烈~才認為那個我~不是我而已~

不過佢真係神神化化的~一般來說~我食完飯都係去𤍣的~
響包裝𤍣左一陣~之後佢用雙手一野叉落我個肩位~
之後~醒係正常啦~佢就"sorry呀~我唔記得你醒𤍣添~"之後就問有冇見過佢地喎....
真係激死我....

本身都話今日食飯的~不過...最後都話大後日去~
到底去唔去好呢~有時有我在的話就會使人不太高興~但係又可以炒得熱哄哄~
走時只得我倆~其實她好像也不太願~一直行都沉默不語~
幸好阿賢跑上~打破了那個"靜"局~只不過....如果沒有他~分手時~應該會比較...完整的死去~

琴日放工~講左一句我諗左好多年o既一句話~
當我不說話時~佢兩個傾偈中~阿樂就問我~家豪好似怪怪地咁~做咩唔出聲~
之後我自自然然就講左果句說話..."我想引你注意嘛~"雖然都比佢聽到....
但係...此說話的對象不是阿樂....而是.....

今晚~其實都叫做鬆一口氣~
的確~有時佢響度我自己都有點情緒化~而且好似比人廢左武功咁~
開心~的確係有開心的時候~但係我只不過係一件用完~就可以即棄的"收音機"~
我何必會耿耿於懷呢...?其實都早就叫自己~唔好咁啦~
但係有一排又玩得太埋~失去理智呢~而且...雖然就唔肯定佢係想做咩~
不過應該都係同果行有關的~
現在人已不在~而見的機會相信只會是後天~所以呢~家家~要變回以前的那個魔鬼~工作狂~
而且...今天的那個心已經被我拋棄了~
一個美麗而純真的心~雖則沒有狠狠地去破壞~但...既然已經死了~留下來或給自己...
也只有悲哀和痛苦....
不過有她在的這一兩個月也經歷了很多事~雖然有很多不開心~不過都未嘗是一件有趣的經歷~

>>December 11, 2007 at 11:06:05 PM GMT+8

2007 年 12 月 8 日 星期六 【晴】

今日好早就起身出發了~同樣的目的~
不過...別人家就不同了...跟我以往返工的時間一樣囉~遲到....
看來真的是無緣呢~不要緊~還有兩天~

大談昨天的工作~因為我星期五實在是做了太多~根本就不用做~
所以個衰女琴日都係勁悠閒的~
但係聽佢講都有好多人幫佢...這點令我有點不爽~算啦...
別人家想幫她~你也想別人家幫你~我也做不了~管不了什麼~

阿樂個死蠢~無啦啦....
唉...最近個死女包因為我上網睇左好多好笑野呀~得意野~
而勁叫佢返屋企用電腦玩~幾天前佢真係用電腦了~
剛剛時~因為我用某方法就找到佢個網~之後仲睇到佢做model d相~
一直我都冇講過~連提都冇提半隻字~但係今日做做下野~
阿樂仔又死去講喎~個女立即黑面...搞左幾耐佢都冇咩反應....
好彩~一邊哄一邊講道理~我話~
唉...都係得返果幾日~你都唔開開心心咁過埋佢~唉...開心d啦~
之後開始好返~之後仲越來越開心囉....

下午去吃飯~我個人都幾討厭被無視的~
佢同阿斌兩個勁傾~有時都唔知佢地傾咩~心情一個急轉直下~
發呆模式進行中~一直...都不多話...
搞到阿斌都好難做~對不起他呢...
上到去~其實我的確有點累~所以去樓梯果邊𤍣~
其實我都聽到佢衝入黎後樓梯的~不過應該係因為我上左去上面果層~
而下面有阿樂同阿成響度傾偈~所以走左掛....

入到去~幫幫手~之後勁做勁做勁做~
呵呵~今日終於都可以五點半收工了~
一齊行都不多話講~同斌斌吹水~佢就響後面同人地傾~
都係上樓梯時傾左兩句~
再同阿新搭馬鐵~開頭都冇咩野講的~因為佢響度傾電話~後來講下講下~原來佢有份parttime的~
我都想搵份呢~冇錢喔...洗左好多錢呢...

今晚玩toi~不過都...幾難玩的~因為怪怪地~

>>December 9, 2007 at 3:29:32 PM GMT+8

2007 年 12 月 7 日 星期五 【晴】

早上~本身打算叫佢來的~
因為都引入左好多新的裝備~不過...都係比人耍左去...
之後打打機~又去左𤍣~
𤍣到12點幾~其實本身打算去剪髮的~
不過...又唔多想郁喎~所以就煮野食~之後食完野打多陣機又𤍣過了~
𤍣到4點幾~起左身都唔想郁....勁玪的...

咁5點半~終於都決定左出去了~
搞到成6點先出到門口~
咁出到去剪完之後就同阿媽~家姐去左吉之島~um...今次個頭都ok o既....
只係覺得有點短囉都係....好彩唔係上去果邊剪ja~
去到吉之島~都唔算勁買o既~不過都搞左好耐~今晚睇唔到性本善了...唔開心呢....

食野~勁正的今晚果餐~
食完野都冇咩野睇~看鬼影~咁之前一個人睇的確有點恐怖o既~
但係一家人睇~識我o既都知我把口...刻薄就一定~但係都以搞笑為目的~
今次睇~都已經唔恐怖了~

又睇到一個超有趣的新聞~

神偷偷吃偷喝不偷金 【明報專訊】重慶一名婦人遭「神偷」光顧，當她不在家時，該「神偷」就自由出入其家，吃喝玩樂，還搞惡作劇，但卻不偷竊貴重物品。 ...

>>December 8, 2007 at 3:52:27 PM GMT+8

2007 年 12 月 6 日 星期四 【晴】

琴晚累得很~10點多就響廳𤍣左~所以...

琴日~也是一個好日子~
除了工作以外~看來她對松浦亞彌都好感興趣~
因為之前我地食飯時一齊講yumiko表演時甩衫事宜時~我講出了我最愛之一~松浦亞彌都有件咁o既事~
之後開始講返佢~好靚女啦~好可愛啦~隻舞好得意啦~
然後我再去睇~跳果兩步~再入埋佢d歌仔入nds~今日就到我播歌了~
佢因為太感興趣所以叫我播佢聽~聽完...看來佢都幾喜歡的~

因為都幾晏吃飯~之後又冇咩工作喎~所以都遲遲先入去~
其實都有點不爽的~算啦~又唔怪得人o既~始終....
是外人吧~?
入到去~工作囉~之後~佢話想早d走~不過都係7點先一齊走呢~
咁同聰聰打爛餅~打完~清場都走得了~
不過又係因為洗地而慢了囉~
咁收工~就返屋企啦~自己煎了個扒吃之後睇多陣電視~都死響廳了....

今日~都...唔算早出門了~
返到去都只是剛剛好~換好衫~入返去~執好個位~
之後就去抄數了~真的不多不少8點半才開始回去工作~
一個人做蘋果撻的確很費時~不是費時的問題~而係...我話會留比佢用的...
那些蘋果...所以我自己都切多好多個~留比佢了~
之後心想...反正都沒幾天了~我還想好不要太辛苦好了~
把心一橫~所有的工作都幫佢做晒~看來明天只要做bc撻同ny就可以了~
當然~做到兩點8~就同佢地兩個死仔落去食飯了~

但係我同斌斌傾偈~傾到成4點幾先入去工作~所以...
晚了點完成bc囉~見佢地玩卜卜米~死左一次~真係笑到我死~
之後同佢地同步完成工作~
今天真的很累...因為做左好多野~雖然冇爆速度地工作~
但係都冇咩停過手~而且一邊做一邊唱...唱足一日...差d死呢....

唔知明天個女見到會點呢~?呵呵~

>>December 7, 2007 at 3:12:03 PM GMT+8

2007 年 12 月 4 日 星期二 【晴】

琴日遲左到~今日就冇遲了~因為...早左好多起身~
前天...個衰女話一直返工都未撞過我~看來...我要在剩餘的日子下...
"有緣"一次了...不然感覺上就會有更多遺憾啦~

但係返到公司~換好衫~開始都工作了~
蘋果撻都幾乎做到一半~阿樂就話我知~佢返緊黎呀~我先可以鬆一口氣~
返到黎~尷尷尬尬~大家都唔出聲~當我地完成這個蘋果撻之後我就開始問下囉....
咁...佢話想睇下出面係點做野喎...um...明顯地...真果句我都係聽唔到o既~
再問下其他...其他...其他.....
今日我倆玩得特別埋~可能...佢都想珍惜一下我倆在公司上剩餘的時間啦~
係就真係好開心o既~不過...冇咩邊幾日了~

下午我地同阿斌落左樓下食~我地傾到佢都冇加入話題....
之後我因為太玪~所以入返包裝𤍣~而佢就去左後樓梯~咁我其實就行過去見到佢同阿樂傾偈o既...
所以我走開囉~
我開工~其實真係等多左半個鐘個女先返黎~
唔知呢~感覺上佢就....都唔知點講了~因為今日要洗爐~搞到都ok晏~

收工啦~換衫~我見到佢就換好衫啦~其實我都立即衝入去梳頭~
之後是是但但咁就衝返出去搵佢打算去追佢啦~
點知~佢原來響出面等我"地"啦~之後一句~佢地去踢波嘛~之後就走了~
因為佢要幫佢阿哥買生日禮物~問我陪唔陪佢~
當然~我又冇野做~而且...應該都冇咩幾可了...幾大都去啦~

我地去左沙田行~本身都係漫無目的地行的~
一邊行一邊傾~傾下傾下越來越接近到lee個人~一下~一下地擊破佢o既圍牆~
到到我地去到city super~都已經可以好似平日咁~勁講笑~勁玩~
看來佢見都走了~而我地又見到d野飲個樽好靚~
所以佢就話送我~um...因為我都想得懷念下佢o既~即使...咩都好啦~
點講都好~徒弟~女~朋友~同事~咩都好~
唔捨得就是唔捨得~

咁返屋企了~返到屋企...勁正呀!!
有兩個咕o臣~勁得意的~阿媽買~而且仲有壽司食~勁開心的~

>>December 5, 2007 at 4:14:04 PM GMT+8

2007 年 12 月 3 日 星期一 【晴】

心情~真係大起大落~好開心~唔開心~?
其實都早左起身~不過都係遲到...冇左...幾百了...
今天的工作真的很開心~我地幾位元老級的也在出面~
而我就兩個人~今天可以輕輕鬆鬆了~
早上已經傾得天昏地暗~玩到二人都有點狂~但是同樣工作量小~而好快完成~
下午打算打ny的時候就冇酸忌廉~同家哥講之後~就話出去買~
之後梗係入去交一交帶d野就出發了~問下個女去唔去~一齊出發去ok了~
但係...ok又冇喎...打比家哥~只好去第一城百佳買啦~
個女話唔意思~所以只好自己行啦~
一個人~加上又...出黎好似唔係咁意思同埋我自己都話會好快返黎~所以就勁行了~
去到~其實我都想兜個圈o既...不過就係因為自己講過會快返~只好快點就回去了~

返到去~佢就ko左個蕉~之後我就提議去食飯先~
佢都話好~就出發了~今日吃e麵~佢都響度食~咁就一齊入左包裝食囉~
其實我都打算快快就吃完算了~不過見佢又慢慢來的....只好等埋啦~
食完野就響包裝𤍣~到比人唱醒之後就去左後樓梯~
不過感覺上有好多人....都𤍣唔到的~
看來佢真係搵我呢~正當我意識有點模糊都聽到人拍手指~
唔知佢係想黎叫我丫~?還是來偷看我們的睡相呢~
咁坐左響度傾~問左d都...看似一般的問題~但係...後來先知....

下午都幫幫手~搞搞野~
五點幾就可以收工了~我本來打算係晏收的~但係...
咁既然係冇帶衫都係唔返跆拳了~
我本來就....其實都換好衫~見到個女唔知等咩~有時佢又自己走左去~有時就等其他人~
總之就好小會等我啦~當我走時同佢講88~之後行行下又叫住我囉~
不過...行行下佢同我講左句~我打算唔做呀~咁樣....
但係等"車立"時賢仔又行左過黎...本身真係想問清楚點解的~
雖說大家認識不久~但係...點講佢都係我徒弟~又係我女~又係朋友~又係同事~而且自己都幾鍾意佢~
我當然係唔想佢走啦~而且...就係因為我之前想過的事...我怕...佢真係走我行過那條不歸路呢...

就係因為阿賢響度~所以...佢都冇講d咩....
到到馬鐵站~我行左去佢果邊都想問下點o既....但係佢又其實真係唔多想講...
唉...一段拉扯之後...只好比佢上車啦~我真係有d想跟上車的...
但係~佢同我講~今晚msn傾就...好啦~
行返過去~賢仔就...唉...唔好咁啦~死仔~

返到屋企冇key...死了...只好等佢地返黎啦~
入到去了~其實我等左耐~因為好想快d上msn問個究竟~但係...
冇上...等到11點都未上呢....心有點灰...不是吧...你不會真的...
或者約左人姐...不要亂想啦~別人家都有自己的生活~

為左取悅阿女~咁就勁睇返aya的舞~而見到小倉又再睇...
而且仲搵到好多勁搞笑的片子~仲有...好邪惡的片子...

>>December 4, 2007 at 3:28:28 PM GMT+8

2007 年 12 月 2 日 星期日 【晴】

琴日因為太累了~早就進入休息模式~
咁琴日呢~正正常常地返到公司~阿樂就同我講~我琴日同阿chloe一齊做~
我自己就...其實呢~同佢傾過d幾深入既野~
你想點就點囉~我自己就真係冇咩所謂o既~
我見今日得阿成一個人射迷你仔~只好都出去幫幫手啦~以最快o既速度ko了~
再幫阿聰手~先返去自己個位~
做做下見到樂仔佢真係開始唔掂了~而我自己個位都ok了~所以就開始幫佢~
叫個女自己做就好了~

咁下午~佢終於都等唔到我地兩個就去左食飯了~
之後我同阿樂仔做埋d野就可以出發了~
食完個午餐打埋卡就打算去買野飲的~落到去真係咩都冇~
我見反正都係啦~去第一城就好了~之後我地行行行~一邊行一邊傾~
去到就入百佳買左好多野飲同野食~再去7仔~
之後就返去了~
有時個衰仔真係令人火大的~既然有時都肯定到咁o既程度啦~講出黎都冇咁辛苦嘛....
咁收工時~都同個衰女一齊行~有傾有講都算係咁囉...

今日~真係差d起唔到身~好辛苦呢...換好衫就出發了~
返到去~都心知不妙~個衰女唔見左o既又...因為佢琴日遲到....我諗佢今日會唔會病左呢~?
之後好彩佢都返左黎~我抄完個數之後就見到佢o既出現了~
真係安心好多~兩個人做真係~好似太多~而一個人做又太小~個半人就剛剛好了~我就係果半個呢~
咁阿恩琴日請假~講起醫生~我就講阿誠果次睇中醫令假紙的事宜~
一講之下佢又開始寬容起來~之後o既日子就好過了~
因為佢又好似食左藥咁~keep到勁開心囉~

因為我地太快了~所以今日都要幫手執貨~
唉...好辛苦的~我要一個人執位上架呢...d死人頭又唔幫我手~死都話唔知d野放響邊~
咁幫完手我地就返入去~搞lee搞lu再做埋個c撻就去食飯了~
我地一班人落左去食飯~其實有時都唔想見到阿輝的~
因為...感覺上佢係我最大o既....障礙囉...
食完飯見到蘭子果d又落黎~
我地賣單時我就走過去mardy度同佢玩~呵呵~好得意架佢真係~

上到去~我見d人又唔見晒~我又勁眼𤍣~
拎左個廁紙去後樓梯𤍣好了~雖然開始時都𤍣唔到的~
但係一𤍣就完全入睡了~
真係好可惜囉...比人嘈醒左的~我開頭都唔覺的~
當我一開眼o既時候~就見到個女仔眼定定咁望住我~當時我心諗~
第一下~好凍~之後~係咪發緊夢呀~見到chloe??~當時我望左兩眼又合返埋眼~再開返眼~
再諗~好似唔係發夢~見佢響度拍手指....之後我都呆左.......
落去時我問佢~你剛才做咩鬼野呀...你又知我響後樓梯~?
之後佢答我~冇呀~咁o岩想搵你地之後一入黎就見到你囉~
想叫醒你開頭就響度吹口哨~之後開始拍手指囉~
我就~o下~咁你響果度望左我地幾耐呀~佢就呆呆的結結巴巴地說~都有...3...4...幾分鐘架啦~
我同佢講~你想叫我起身你拍我丫ma~佢話...我驚你發嬲~比人嘈醒o既人係最易發嬲的~
唉...真係吹帳...邊有咁傻o既女架....

咁我地入返去就開始工作了~打埋自己d野~
再幫阿恩手~幫佢手之餘可以教教佢其他野~
咁做做下野肥南就唔知以咩心態走過黎~
李生~你剛才做咩哄到阿o靚妹咁埋呀~你唔係又對佢....呀~?
之後我咪反問返佢~做咩先~唔通你又...做咩咁問呀~?
佢話冇~我見你哄到咁埋你唔係想溝佢呀~?之後我咪答佢~係又點唔係又點先~?
佢答我~得個知字姐~我就講返平日果句~佢咁得意~我早就話想帶佢返屋企架啦~勁得意囉佢~
之後再傾多幾句~唔知佢點諗啦~不過...算囉~

收工就返屋企了~剛才都好地地架....
既然大家同路又唔等我~之後我就到車站見到阿斌~
可惡...你搶走我的小斌斌...

返到屋企啦~等到家姐返黎先有野食~
再拆左個電腦檯~就開始玩電腦了~有個男仔~無啦啦add我...
佢話以前msn識我....昆我同佢玩左陣~唉...痴痴地...
打機~之後無無聊咁~今日講開我的松浦亞彌~就開始搵佢d片睇了~
的確...好可愛好靚的~再見返我的小深田~嗚...即使肥左都咁可愛架....!!!

都不再長細記錄了~因為晚了...很累~

有趣的新聞~

失戀青年狂毆阿婆判入小欖 去年底因失戀受刺激而打傷賣雪糕阿婆的青年今日承認控罪，被法官判入住小欖精神病院接受治療一年。 ...

>>December 3, 2007 at 4:41:52 PM GMT+8

2007 年 11 月 30 日 星期五 【晴】

琴日因為日記死左~冇得進行~
咁返10點啦~返到去個個都已經響度了~我永遠都係剛剛好返到~
感覺上真的有點不好意思呢....
返到去~我用左三個字o既時間先搬得果一包粉~因為我想睇下佢會唔會叫我去做野~
咁當然係冇啦~見佢木口木面咁...都唔好理佢好了~
雖然見到佢同別人是有講有笑~但是一直以來都是這樣的~
一對住我總是面無表情的~所以...小跟她說話~也不多做事呢~
而所有的工作~可以分開的~都是分開做的~

下午~咁我就唔理佢地自己去食飯了~
之後𤍣左一教好o既~佢兩個就落左去食飯啦~其實我就真係有點不爽~
算啦~唔關我事的~
因為返10點~所以就收7的~幫佢地執埋d手尾~
唉...現在要一日洗兩次地呢~真的...個泳池水又要倒....好煩的~
咁收工啦~等好所有人就換衫之後出發去唱k了~

出左旺角唱~食埋個k buffet...我真係唔想食囉~因為...佢又冇野好食~
唱歌真係唔可以食野的~因為會有d氣~我覺得唔抵囉...
而且佢d野又勁難食的~加上...我同佢地上去真係見到都唔開胃呢~
不過今晚其實真係大唱特唱的~雖然唔知佢地點睇~我其實都唱了好幾小時了~
有好多唱都係冇人唱的~有d又係佢兩個女仔唱的~有一隻是我一個人唱的XD
唱到夠鐘走了~
我就一個人自己搭271返屋企的~返到去都唔想沖涼~就直接𤍣了~

早上~唉...因為成身都係衫的關係~
好熱呢~老早就起身了~
咁搞lee搞lu之後又響廳𤍣左~直到下午~出發去買午餐了~
之後返到屋企食野~打了好一個下午機~
這個機戰~其實本身係唔想玩的~但係又好似ok~之後又覺得唔知點咁~
唉...是但囉~消磨下d咁閒o既時間囉~

又有性本善睇了~今日的一集幾好的~
好深的感受呢...
因為...唉...果d衰野我都好似有呢....女的很笨~男的很賤~睇完真係燥~
原來上返佢個網有得睇返的~遲下再看就好了~

>>December 1, 2007 at 4:19:19 PM GMT+8