| 日記 | 日記主簡介 |
||||||||||
2010 年 9 月 3 日 星期五 【晴】 今日去見工呢~話晒都出尖沙咀~梗係著靚d~ 出去時見到阿卓~佢剛剛讀完書呢~話去考迪記~好~有大志~ 其實...都幾遠下~比返a-1時間長小小~不過如果搭271應該差唔多~而且有得坐到落車~ 去到~估唔到...果度都幾大~而且雖然唔係爆場~但係keep住有d人入去食野的~ 咁我話要搵見果個人啦~果個女仔就唔知佢咩反應~ 既驚訝~又想笑~一路行一路係度偷笑呢... 之後陰陰嘴一路笑一路幫我叫果個人啦~ 我就跟住佢尾~入到去話~阿邊個邊個~你朋友搵你~~ o下...我唔係佢朋友喎... 佢問我咩事~我話見工~咁就抓左我入廚房啦.... 原來要試工~一開頭就叫我打撻底~就咁比個份量我就叫我做啦~ 我都呆左一呆...佢話~乜冇人話你知要試工咩~? 我話~佢叫我3點黎見工咋...因為人地食緊飯...阻到人我都唔好意思啦.... 本應我應該係見4點喎...好似.... 咁就整啦~我咁q耐冇搞過餅底d野~個撻冇問題~d皮都冇問題~ 佢問我爐火....我呆左~因為佢用d新爐~我點知呢...你問我面火我都識~底火幾多度?!幾多呀.... 咁就是是但但講左過~都諗爆頭啦...我成兩年幾冇掂過個爐啦... 而且仲要係哩d新爐~咁智能~都係硬著頭皮上啦~ 完左就叫我打芝士~基本上我覺得冇咩大問題~不過人地有牛油.... 我地果d邊有架...咁我就一9放埋落去車~估唔到佢話要座溶左先喎... 我諗差唔多啦~下話~"load"得暈就得啦~同埋佢間水爐果下先頂引~ 之後做完...我一身黑都搞到我黑中有白....搞到我落唔到mk食小丸子....可惡.... 但係...我唔係咁想做哩d~我想做餅面...應該唔做哩度~ 今晚睇勁歌~見到果d超級巨星真係...都係算吧啦... 明天阿水生日~叫我返跆拳????比面~出一出現啦....可能~ >>September 4, 2010 at 3:54:54 PM GMT+8 2010 年 9 月 2 日 星期四 【晴】 真係冇鬼用~ 以前日日做120下situp~有餘力的話繼續....閒閒地都上到二百下~ 家下做到第70下差唔多完全做唔到~真係...歲月摧人老囉~ 但係效果幾好~食晒d藥~依家...得返消耗體力等方法~ 都好~兩點前訓到~ 無無聊聊~onepiece都睇晒~ 下午睇睇下聲夢奇緣~之前睇左個頭~其實覺得好好睇~ 但係果時好似唔得閒~冇睇晒~ 今日睇呢~就睇睇下訓左~睇左個尾~個尾好感人呢~下次一定要睇埋佢~ 琴日send左個理歷比果間野~今日就打黎叫我明天去見工啦~ 之後4點幾~心諗....銅鑼灣果間好似好d喎.... 依家哩間就...8000-10000~銅鑼灣果間就10000-11000~ 計起上黎~銅鑼灣果間好d喎~車錢都係多...來回都係十蚊左右~ 而且感覺上高尚d~不過...佢就要等~快d打黎叫我去見啦...快d快d快d~~~ 阿樂6點幾send左個message黎~話隊長唔學跳舞了... 唉...不過~看來下一個可能係我呢~ 晚上~阿賢msn我~佢就好啦~又有目標啦~ 有目標~有膽量~有工作~有錢~有咁多人支持~我有齊咁多因素~?上左啦~ 不過國內d姐姐仔我就...麻麻地囉.... >>September 3, 2010 at 3:12:29 PM GMT+8 2010 年 9 月 1 日 星期三 【晴】 琴晚....唉...失敗左~雖然去左游水但係都訓唔到~ 最後兩點出廳食埋最後一set藥...看來...明天唔洗訓了... 早上~訓到11點幾~成身都好痛~頭又赤赤地咁... 出到廳~見到個籠反左~開埋~唉... 又冇咩特別感覺~最特別o既感覺...咪唔想執囉~ 下午~都係無無聊聊咁過啦~看onepiece~ d故事真係好鬼死感人~ 5點幾有個sael人做faceso o既女仔又打黎~ 其實之前已經識左個~但係傾得多覺得佢好煩同埋~大家做朋友你都對我咁野蠻~ 好難傾落去~所以冷淡咁對佢搞到佢知難而退~ 不過佢地真係好熱心~因為哩個已經第三四次打黎~我都不斷拒絕~ 最估唔到o既係~佢4年前f.1...依家d後生女真係早出黎做~ 晚上~煮左d野食~是是但但咁又一餐啦~ 諗諗下~可能唔夠錢讀....真係有d驚唔夠生活費~比佢琴日咁講一講... 睇下...有咩好工先........ >>September 2, 2010 at 2:42:01 PM GMT+8 2010 年 8 月 31 日 星期二 【晴】 今朝起身~其實都唔多想郁~好累呢.... 不過因為要去做什麼前期評估~只好起身啦~ 換好衫~上網搵地圖~仲有兩個字就遲到啦...估唔到...真係咁近.... 上到去~見到佢仲未開~呆左.... 打個電話比佢啦~估唔到...佢係呃人....原來有人但係未開~ 咁就入去~入到去就填form啦~填完就做果d評估啦~ 佢話好快~但係...一搞都搞左成個幾鐘.... 我自己唔覺唔覺~雖然做左五份工~但係全部性質都唔同...哈... 我都幾高份喎~有8分~因為有充分o既工作經驗~同埋講野又有文有路~ 加上講野時會望人對眼~哩樣野我細個已經唔記得邊個教我~話係禮貌~我都覺得係必須的~ 之後佢又推薦左好多計劃比我呢~又問我做唔做義工之類~ 其實我都好得閒~但係聽起來...我目前有o既金額....或許會不足.... 搵野做???但係半個月後好似有堂上啦喎.... 下午都懶洋洋的~ 晚上心諗~我發覺已經唔可以依賴藥物去訓教~因為得返一set.... 到真係完全訓唔到先可以食~ 所以就走左去游水啦~其實d時間都唔係咁好就... 下午...收6點~3-4點果d時間又曬~4-6去又遲同埋要睇電視~ 晚上呢~又要睇天天天晴喎~搞到8點半出門~搞好晒d野入到去游都9點啦~ 10點又話關門~而且晚上又多細路~又冇禮讓之心o既大人~雖然係多女~ 但係我都唔想比人影響到~都係早上去比較好~ >>September 1, 2010 at 2:51:51 PM GMT+8 2010 年 8 月 31 日 星期二 【晴】 今朝起身~其實都唔多想郁~好累呢.... 不過因為要去做什麼前期評估~只好起身啦~ 換好衫~上網搵地圖~仲有兩個字就遲到啦...估唔到...真係咁近.... 上到去~見到佢仲未開~呆左.... 打個電話比佢啦~估唔到...佢係呃人....原來有人但係未開~ 咁就入去~入到去就填form啦~填完就做果d評估啦~ 佢話好快~但係...一搞都搞左成個幾鐘.... 我自己唔覺唔覺~雖然做左五份工~但係全部性質都唔同...哈... 我都幾高份喎~有8分~因為有充分o既工作經驗~同埋講野又有文有路~ 加上講野時會望人對眼~哩樣野我細個已經唔記得邊個教我~話係禮貌~我都覺得係必須的~ 之後佢又推薦左好多計劃比我呢~又問我做唔做義工之類~ 其實我都好得閒~但係聽起來...我目前有o既金額....或許會不足.... 搵野做???但係半個月後好似有堂上啦喎.... 下午都懶洋洋的~ 晚上心諗~我發覺已經唔可以依賴藥物去訓教~因為得返一set.... 到真係完全訓唔到先可以食~ 所以就走左去游水啦~其實d時間都唔係咁好就... 下午...收6點~3-4點果d時間又曬~4-6去又遲同埋要睇電視~ 晚上呢~又要睇天天天晴喎~搞到8點半出門~搞好晒d野入到去游都9點啦~ 10點又話關門~而且晚上又多細路~又冇禮讓之心o既大人~雖然係多女~ 但係我都唔想比人影響到~都係早上去比較好~ >>September 1, 2010 at 2:51:48 PM GMT+8 2010 年 8 月 30 日 星期一 【晴】 今朝好早起身~打算訓返o既時候~比阿樂個message嘈醒左~ 咁諗住都係訓唔返就出左廳~ 無無聊聊咁就睇電視啦~其實打算7點幾~咁早~不如去游水啦~ 都係果句啦...成身軟瀨瀨咁...唔好話游~行都行唔到~就算坐係度都好似周身唔自在啦.... 都半睡半醒咁睇電視~ 唔小心又睇左齣有趣的~霧地異煞.... http://hk.movies.yahoo.com/movie.html?id=mcl_themist 開頭睇都唔知咩事~就好似記得以前~好似睇過差唔多o既~ 但係...睇睇下又幾緊張~ 果d怪物係以蟲為藍本~其實都幾....噁心的.... 我本係勁驚昆蟲類的....之前好想養刺蝟的~但係佢要食虫虫....養唔過.... 講返齣戲啦~雖然d蟲真係好恐怖~d人同d蟲搏鬥都刺激~ 仲有一個猶太教o既婦人不斷係度妖言惑眾咁~係咁洗腦~洗腦~洗腦~ 成班人都癲晒~帶動整個氣氛上到頂點~突然一槍打死佢~~靜晒~ 有一種窒息o既感覺~同剛才瘋狂o既氣氛形成強烈o既對比~ 個結局原來我真係睇過~不過就真係淨係睇過個結局囉~ 當佢地走出左佢地被困o既地方~坐車坐到架車冇油~ 車~有五個人~但係子彈得4發~當佢打算幫果4個人解脫左之後~ 自己走出去比d蟲食~點知............... 過多陣出現竟然唔係怪獸而係軍隊.....勁無奈囉..... >>August 31, 2010 at 2:44:58 PM GMT+8 2010 年 8 月 29 日 星期日 【晴】 成日~個人都好似迷迷濛濛咁~ 或者係d藥啦~成日都唔想郁咁~又想訓想訓咁~唉... 我想要過返d正常人o既生活呀...我要12點訓得著呀....比我訓啦.... 出門前~都驚唔記得~所以都係跳兩野先~ 早左出門口~但係...估唔到佢地仲早到.... 我一去到~佢地睇緊人地果d片~ 看起來~我地好得多~ 上堂啦~做熱身~今日唔知做咩鬼~miss 勁笑~ 其實~開心~都係學習一大的原動力~假如死靜靜的.... 不過真係好鬼死痛~條頸仲未好返~有d動作要但係我真係做唔到啦.... 估唔到~我地今日學晒哩首歌啦喎~真係好呢~但係隊長冇黎~囝囝生日呢~ 去左迪記~好幸福哦~ 好啦~今日o既評語係...就係冇左頸果下~哈哈~真係好痛架.... 不過練果時我地3個跳~又係跳到同一下~3個都企左係度話~ 哈~唔記得左~勁搞笑~ 我地4個人出左大圍食野~呵~哩個星期都好似冇咩講過野~除左同阿媽出去果日之外~ 不過有時佢地個話題都有d難就~ 當我地講onepiece時~阿豐就靜左~ 講工作~阿蔡靜左~ 講youtube~阿樂靜左~ 講返miss 同女~你一句~我一句~看來~共同話題都係哩d啦.... 差唔多10點~要趕返屋企睇千奇百趣~ 返到屋企...估你唔到囉....唔睇~果個死毑型...見到都唔開胃... >>August 30, 2010 at 3:08:10 PM GMT+8 2010 年 8 月 28 日 星期六 【晴】 今日食左美味的大家樂肉醬意粉~ 同埋...可能真係扭親條頸....好鬼死痛~一郁就痛....真麻煩.... 本來有時間都打算練下舞~冇啦~都郁唔到.... 不過有得必有失~當我無聊之時又上網禁下禁下~比我發現到d有趣o既野~ 感覺上~係搞笑的~無無聊聊咁~輕輕鬆鬆的~ >>August 29, 2010 at 3:02:48 PM GMT+8 2010 年 8 月 27 日 星期五 【晴】 下午睇左個什麼什麼19層地獄... http://www.spotlite.com.my/Article_Show.asp?ArticleID=125 勁無奈~真係垃圾到唔垃圾...咩戲黎架...真正o既不知所謂.... 劇情已經搞到9唔搭8~ 搵個主角都衰過人~阿嬌.... 戲屎已經不在話下~仲要懶靚咁~腳又粗手又粗~個躉又大... 最不知所謂話要純潔同善良先可以過19層地獄??鍾小姐何德何能呀...?? 更好笑o既係~d咁o既戲係度論戲~??唔係入行入得耐呢~就代表有能力架~ http://naraka19.mysinablog.com/index.php?op=ViewArticle&articleId=641646 . . .
>>August 28, 2010 at 12:18:41 PM GMT+8 2010 年 8 月 27 日 星期五 【晴】 養倉鼠~以前都唔覺有咩問題~但係松鼠就.... 其實體積雖然只係大小小~但係麻煩o既程度差得遠~以前養兔仔又冇咁煩喎~ 不過~有一隻開始冇咁驚我~ 反而第二隻~一直都係勁驚咁o既樣~ 可能冇咩活動空間啦~唉...要快d買個大d o既籠~ . . http://www.iatopia.com/CEDB/magsearch.jsp?artid=12271 睇左2r o既死亡寫真~雖然就唔係睇晒~ 睇小左半個鐘~ 驚嚇程度雖然不高~起碼我咁怕lee d野o既都唔係太驚~ 而且我本人不太喜歡2r~我好討厭d人講d廣東話半鹹不淡~ 但係d配樂幾好~如果你話齣戲o既驚嚇程度有3~有兩分都係配樂~ 仲有要讚o既應該係佢女主角果個人物設定~好有feel~正~ >>August 27, 2010 at 4:07:11 PM GMT+8
|
|
無啦啦 被你上面那個剪報望了幾眼人氣: 71373
Design & Scripting by ShowHappy.Net