2007 年 12 月 28 日 星期五 【晴】

今日~都ok早出門口的~
因為琴日都睡得很夠~未算很累~
返到公司~換好衫~樂仔就落去左買野食~叫佢幫我買野飲~唉...
9個半...好貴的...
之後都係做野啦~我地傾傾~咁...mandy原來同左肥南一齊了...
其實我都估到的~出相入對~不過有好多人反對囉~
而我自己就覺得冇咩野o既~肥南都有肥南的好處~咁佢追到的確係佢o既本事~
兄弟歸兄弟~肥南做到野就係佢叻~你都冇野好講啦~

因為佢心情好差~大家都傾左好耐~工作就慢起來~
不過別人的比我們仲慢...搞到我地要出去執貨....
食完飯我地就走左去ok睇野~我就幫阿樂買野...而佢就買左好多野~
錢我就有o既~不過都唔係咁想買~見到兩個包幾吸引的~
一個吃藍莓吉士包~一個吃意式朱古力包~感覺上都幾好的~因為唔知係咩餡~
勁想試的~不過...好飽了...

返到去都係工作~估唔到佢地比我工作慢....
都唔係好多野~做咩搞成咁呢...
搞搞下都差唔多7點先收到...
lee排阿業真係好出位~下下比人插~因為佢開始冇禮貌呀~而且個人仲係咁~
真係想死呢~我都已經唔想理佢~但係...點解要迫我呀....

>>December 29, 2007 at 4:11:38 PM GMT+8

2007 年 12 月 27 日 星期四 【晴】

早上都有收到佢o既sms~
我當然都係唔會出啦~真係好憎d人咁囉~
敷衍~一切都是敷衍就好了~
反正都不是什麼好東西~上天是不公平的~
我也不是什麼大奸大惡的人~為何好事總會只發生在我身邊的人呢~?
羨慕...很...祝你幸福....

出廳~吃吃~玩玩~唔知搞咩~
今日玩cs很神~比人當外掛~又或者太勁比人kick左了...開心的~
下午都沒什麼好做~吃吃~
睡睡~看看~就一天了~再睡睡~呆呆的~睡也睡不夠...很累的...
有時看得多多~也想做做~當個壞人好嗎~?
不過...難得已經無疾而終~無痛~是最痛快的~無謂因我一己私慾...
再一次令她痛苦....不過....因為開始過...現在也很想要的....
因為品嚐過刺身此等美食~才會常常想吃嘛....

早上看了一套很好看的戲~戀愛寫真~
的確...其實都有點像...幸福~?的確....
就如某某歌所說的一樣~如果沒發生過~現在也不會這樣痛苦...
假如沒有你的出現~也不會造成今天的我~
幸與不幸~已成定局~當個賤人吧~
最近都好鬼懶~不多想打字~自己看吧~想看就看~介紹~

http://hk.movies.yahoo.com/040219/173/x8jq.html

今日又吃壽司~吃了很多天~很好吃的~

>>December 28, 2007 at 3:12:16 PM GMT+8

2007 年 12 月 26 日 星期三 【晴】

好多日都𤍣左~其實都冇咩特別了....
日子都是如此...
同樣地...工作勁多~毫無幹勁...出現發呆的現象...想念?開始發癲了...

琴日竟然係阿爸生日~聽說之前的生日是錯日期....
的確是奇聞....
不過阿媽都係打算叫我去吃個飯~
晚上的那一餐的確正~好多三文魚~勁正的~吃了勁多呢~

今日~好晚才起身~9點58...真正的極速...
冇遲到就真係謝天謝地了~

本身明天約左個人出來的~但係佢話要帶多個人~仲要係仔?!
心想~仆街啦你~
我唔會去的~永別了~

殘漢寡婦忘年戀 私奔苦捱7年開花 年齡相差20年 行乞露宿不離棄 【明報專訊】為了愛情，四肢殘疾的電器技工顏加凡，與年長20年的寡婦陶成碧，7年前一夜私奔，兩人一路行乞、露宿，最後到了成都市。 ...

感人的

冇心情~

>>December 28, 2007 at 2:34:49 PM GMT+8

2007 年 12 月 24 日 星期一 【晴】

今日真係死人的....我差d就要死響公司了....
不過早上真係爆笑的~
咁阿恩遲到丫ma~之後咪勁話佢出去玩搞到咁遲囉~
我地幾個一齊笑佢話醒左都唔知響邊個屋企𤍣時~我就爆左一句~
"琴晚咁多人~點知邊個呀~"突然十分十分短地靜左一下~之後全場爆笑~
的確~果下係勁好笑的~

咁我其實就差d死的...因為勁多野做囉~lee排日日都好似星期五六咁~
多野做到死~日日打二萬ny...真係死人的...
下午一𤍣~都ok好𤍣的~
返到去又立即做野了~其實我都好耐冇爆速度做野了~
今日真係需要了~但係好累....做做下又開始軟手軟腳呢....

又係冇街出的~是但啦~我都冇咩所謂o既~
咁今晚看電視~律証新人王2~最後果幕真係....阿官恩娜果下真係令我回想起阿衰女~
佢都對我做過同樣的表情~做作...真係100%相似的...
到底真有此事~?還是我開始產生錯覺呢~?
其實最近雖然就...沒提起她了~因為我早就想忘記這個人~
對於一個討厭自己~極度討厭自己的人都無謂去想念她~
不過有時唔係話忘記就可以忘記...事關我lee方面o既記憶力實在是太強~
現在她對我~或是其他人所說的一言一語都實在是很鮮明地記得...
看到你的影子...今年是lonely christmas啊...
lomely....................冇唱....都係有我份............

>>December 25, 2007 at 3:00:54 PM GMT+8

2007 年 12 月 23 日 星期日 【晴】

唉....最近都想死咁囉....
實在是太多野做~而且個人都仲係死死下的~
唔知點解呢~總是提不起勁~
想去到盡都已經沒有力量~沒有心情~
或者....仲有d...
lee幾日樂仔都冇入黎~我只好自己一個人做~經歷左好多個全餐~差d做死我呢~
而且日日冇8點半都唔洗走~今日都叫做好d o既~8點收工~

平安夜~我都係響屋企過呢~
感覺上有點可憐....
不過都習慣了~其實感覺上都冇咩特別~因為平日都係咁架啦~
只係一般人都用一個藉口出去玩~出去做壞事~小家是好人來的~做的都只是一次壞人~
有時都覺得好累~到底自己已經變左~?還是裝出來都不知道~
總之...很累了~
有時都不太會做人~別人家叫你打給她~你就開開心心地打就可以了~
點解要做到不太願的~把別人再次失望真的好嗎~?
別人家雖則是一個壞女孩~但是也不錯啦~為何哄哄別人這麼難~
雖然有點想出街~不過...算了吧~我個人都有點...一個人就好了~

總之~要諗的不輪到自己~要做的也做不到~要認清自己~做回那個刻薄~
不多話~認真~不多幻想~認真工作的小家吧~

>>December 24, 2007 at 3:15:09 PM GMT+8

2007 年 12 月 19 日 星期三 【晴】

今日真係好彩...本身6點半起左身~之後𤍣過喎....
之後最近叫做識左個朋友~佢sned左個message比我~咁就嘈醒左我了~
真好彩~爆速換衫~之後再衝落去搭車~
本身就遲左上一班的~不過...好彩地又趕到火車~但係馬鐵又遲左~
返到去果邊行行行行行~勁快地行都趕到呢~

今日又係一個人做~自己霸左個喇叭~響個角落聽~一個人唱~
感覺~十分之好呢~
咁都一般的速度進行~兩點幾完成~之後就去食飯啦~
食飯時其實都等緊阿樂仔的~不過...我𤍣左都差唔多有半個鐘~佢都未黎我就落返去~
坐左陣~佢先話去食飯我都呆左~等左你咁耐....

返入去了~搵左D箱一陣本身打算接的~
但係又要幫阿恩打啤啤~打完真係接了~肥南勁好~請我飲野~
之後我就睇晒12格了...一攻~再攻...自爆~入埋D爛餅....
D野入到好晏都仲有~之後佢地出面仲做到好晏~因為唔想幫手~自己幫幫觀豪好了~
之後等等下~收工~都成9點先走呢...
搭車時就睇完GOTH~明天就看新書~
返屋企吃飯~好累的~

>>December 20, 2007 at 3:17:34 PM GMT+8

2007 年 12 月 18 日 星期二 【晴】

都睡了不少時間~不過...還是很累呢~
早了出門口~入完八達通都可以坐早的那一班車~
都幾乎看完GOTH了~看到尾了~的確很好看呢~
而且對某某方面o既了解再加深了一點~雖則我對殺人此等事宜而都有點忌諱~
不過依然十分感興趣~GOTH內數個故事都很吸引人~
加上每一種殺人癖都....很美妙的~而且看過漫畫版心中都有一個片段~看時就可以更加完美了~

返到公司~換好衫~入去執執野~
就開始工作了~
同樂仔的確有好多野傾的~不過佢今日呆呆的~唉....
入左我d新歌~正~不過聽得好小....等下就到了~
幫左出面都好多~之後仲要出去執貨~之後先可以食飯~
食飯時都講左好多道理~有時個女點諗我都唔係好清楚~但係依我觀察~
佢o既為人我都有一定o既認知~
加上我用左大量金錢同時間去學左o既人與人的交流之道~話過佢知囉~

下午返到去好正~hea到暈~
幫幫小雄~之後接左個對我來說係冇咩野做的爐~
再幫幫手~玩玩傾傾偈講講笑~之後就收工了~7點半...雖然有點晚~不過也不錯~
返屋企時真的幾乎看完~但是也是未完的~明天帶兩本書的話會太...重的...
返到屋企就食飯啦~好飽的~

基本上一有空檔就會想起佢~唉...都算...

>>December 19, 2007 at 2:51:43 PM GMT+8

2007 年 12 月 17 日 星期一 【晴】

呵呵呵~咁因為琴日進行唔到~今日都係補返囉~

話說琴日....唉...真係...早上真係想死的~
個人已經暈暈地架啦~戴埋隻con真係...勁暈囉~因為唔夠𤍣的關係~
返到公司~因為阿恩冇返冇左樂仔~只好我地自己各自企一個位囉...
都唔算太慢o既做得~但係又未至於好快地做~
但係今日要接爐~要加速了~
做完d野燒埋蕉之後就去食飯先~本身打算一邊睇一邊砌~

咁食飯啦~雖然好玪~不過都係𤍣得一陣~
返到去~阿聰叫我搞埋先~ko之後再幫佢執野~之後叫佢食飯了~
咁阿昇黎我地果邊幫手~不過佢真係好煩~不太喜歡~
唔多舒服~開始做o既野都有點失準~算啦~唔關我事~
7點收工了~之後問樂仔去唔去食飯~佢話約左阿輝~同iris~本身都唔想去的~
不過反正都冇野做~同埋冇飯食所以就一齊了~

出到旺角去左元氣食~咁呢~野都...ok o既~不過lee餐就有點...貴...
150蚊~本身都係打算一百蚊到~咁都話叫做接受到啦~算啦~
食完野之後佢地就話去打機~咁玩左陣之後就去行街了~
阿樂話想買褲就去買啦~之後見到果個好得意用敏感題材作為包裝的零食~
我之前都見過~所以都未感興趣~而且我都好小會為lee d野出錢o既~
而阿樂就買左~行行下又見到間勁別緻的舖頭~
入面有好多sweet的杯杯呀~枕頭呀~擺設呀~好多好多野~
我見到有隻貓的擺設勁得意的~不過如果佢係軟軟的就最好了...
但係摸佢時個感覺又勁似摸緊隻貓...可惜...80蚊...唔買啦~
再行陪樂仔買埋條褲就講好本身出來的提意了~唱k~

咁iris就話唔去~冇所謂啦~平時同佢玩下都ok o既~但係見佢越長時間就越是反感....
走啦走啦~冇所謂的~
之後我地就出發了~咁百幾蚊都預左啦~
三個人唱~呵呵~其實名義上都係話幫樂仔解下愁~
但係我自己都有點....所以同你去盡佢啦當然~
同阿輝都幾開心的~因為佢都會同我唱deep o既歌~平日都冇人唱o既...或者真係有難度啦...
而我咁鍾意~點可以唔唱呢~隻覺醒真係...嗚...
唱到尾我都幾乎冇停過~正~
完了~就去左麥記食早餐~因為冇車所以大家都坐左響度傾左陣~
到咁上下大家都累了~咁我去等車~等左成半個鐘先有車...shit...

𤍣左陣~之後返屋企囉~搞左陣之後9點幾先𤍣~點幾又起左身~再𤍣𤍣到5點幾~
之後睇左陣Trinity Blood~再睇電視~就阿媽返黎~
食飯囉樣囉~玩左陣cs~退步...........

涉殺嬰14歲少女疑因姦成孕 17歲少年控強姦 押後與擲嬰案一併審 【明報專訊】14歲少女疑珠胎暗結誕下麟兒，涉嫌把初生嬰從高處擲下，早前少女被控謀殺後，昨日再揭發她疑因姦成孕。 ...

>>December 18, 2007 at 2:39:14 PM GMT+8

2007 年 12 月 15 日 星期六 【晴】

昨日都睡了很久~所以都有點精神了~
返工的時間又早了~可能為左一月的加人工吧~!!
回到公司~換好衫等左好耐都未見到d人....
好驚~見到阿聰佢話勁多野打囉~呵呵~好彩姐~不過我地都唔見得好~
咁我過去抄數時樂仔先返黎呢~本身小雄就叫佢出去o即野o既~
不過都係幫左我手先囉佢自己就黎~
我兩都算是...不錯啦~我已經盡快打晒d野~但係兩個人~都要成兩點先搞得掂...
之後我倆就去食飯了~傾傾偈~之後去左果邊後樓梯𤍣~到到三點準時返去工作了~

今日我下午看爐~咁...因為太耐冇睇了~都唔係好記得了~
但係我就全開囉真係~爆爆爆爆爆~自己做晒d野~
勁入野~比佢地勁射...兩無糖~兩有糖...一次過黎....7點已經入晒出埋都已經係一個奇蹟了~
之後佢地呢又冇人點左去做其他野~我執埋d野就同阿樂仔過餅面果邊玩埋我地隻撻仔~
因為我都想學下"吻"餅~就幫英仔玩朱古力千層~
玩完之後樂仔都仲未搵掂個撻...我都要開始了~
因為我其實就諗好左o既~但係以我現在的實力就...太弱了~點都唔得~
所以都係要d師兄幫幫手先完成到~說到完成品的確係幾唔錯的~
大家都話幾好~我都幾開心架~


等好所有人就出發了~
之後我樂仔阿賢就去左第一城食野了~
傾左好耐之後就返屋企了~
咁返到屋企就搵個衰女啦~因為lee兩日冇野食~所以睇下佢點....
不過問問下唔見左...都唔知佢想點....

>>December 16, 2007 at 4:41:07 PM GMT+8

2007 年 12 月 14 日 星期五 【晴】

琴晚因為太黑了~所以都係...
話說琴日返工~又係差d遲到啦~
返到去~原來阿樂隻手整親~所以不能開工了~
樂仔lee個助手就去左出面度做了...肥南就入返puff...
之後就是地獄的一天~我地都勁多工作~
雖然一齊做就勁開心~但係我地做到成4點9先有得食飯囉~
如果阿chloe響度的話~我地應該會早幾個鐘...而且我又可以兩邊走~幫下佢了....

食完飯~落左ok行下~今日果餐真係...
估都估唔到囉~我同阿樂兩個都做到7點先做完...出面仲要幫手...
成8點先收到工呢~
阿媽打比我問我去唔去食飯~之後...落到舖頭見到佢地~阿強仔返左黎~
咁我又唔係咁想去大排當度食~自己走左返屋企了~
行返屋企~一來不想用錢~二來都想行下~不過個人就勁累的....
返到屋企~食完野~之後都開始頂唔順了~𤍣左響廳~

今早~其實我都好早起身~應該係𤍣得唔好啦~而且個身都好唔舒服~
之後死𤍣爛𤍣10點幾起身囉~
起左身冇咩野做~其實都係發呆望電視~
之後等家姐走左~再睇下有咩搞囉~
吃左下午果餐~今日下午吃關東煮~本身意為果個野兩個都有唔同野的~
原來入面係一樣~吃完第一個好似都唔多夠~但係吃埋第二個就飽過頭了....

吃完野~再睇下電腦有咩睇~今日睇lee個~Trinity Blood~
勁好看的~咁之前那個...桃華月憚~真係悶到死~勁無聊囉~飛住黎睇睇到尾都係無無聊聊咁....
睇左一集~因為暗與帽子與書之旅人的主角出左黎~之後就睇了...
咁一整個下午都在看~Trinity Blood~直到累了才休息一下看電視~
晚上~看了性本善~和一個女孩子玩了一陣msn~
成9點幾先食飯~再看了五星級大鼠~超好看的~

早上又睇到個咁o既新聞...不爽的.....

14歲學生逼女同學廁所性交 課堂上非禮 要脅放異物入下體 【明報專訊】九龍塘著名國際學校14歲男生，本年初公然在課室內非禮同齡女同學，威脅會「放物件於其下體」，強迫女同學到校內的傷殘人士廁所供其侵犯，後來男生於情人節當日重施故技，終被預備往清潔廁所的「醒目」女校工揭發事件。 ...

>>December 15, 2007 at 3:19:14 PM GMT+8