2010 年 12 月 2 日 星期四 【晴】

終於都讀完lee 個shipping~唔...要說的話...不太感興趣~難??英文程度太低~

搞到有時都好難去理解~不過今日考完試~先覺得~都叫學到野啦~

起碼都有60-70%識~雖然...英文程度都冇點上升~不過...真係知道自己去到咩程度~

20天~走左都有三日半~點解~??其實懶....好懶~

有日就因為見工所以唔返啦~見工~佢一睇我之前做咩~已經覺得我冇可能做到~

因為要說的話~做sales...但係佢話我做得後勤崗坐太耐~

佢都覺得我不可能~無啦啦話要上堂~係~唔洗錢的~我感覺上果條友....

把口都算ok~但係果個死人樣真係"烚熟狗頭"咁o既樣~但係又有幾分陰險咁~

笑住屌人咪就係lee種囉~

咁上到一半~有個女仔去完廁所話..."其實我真係想走左去架啦~"

講到lee 點~大家都不謀而合啦~因為~我都想走~唔知點開口姐~

既然有個伴~走啦~

我地話有野做走先~佢就好串咁話~"覺得唔o岩做咪走囉~唔洗搵藉口喎~"

不過我真係要話你知~我要做~你都行埋一二邊啦~

點解想走呀~?因為唔想對住你姐~

人地比個下台階你~你自己又要"抓爛塊面"~係要等人地話~你教得唔X好呀~收X皮啦~

先心滿意足~??自己攞黎衰~

走時我地一邊行一邊傾啦~果條友真係...走時都交換左個電話咁啦...

咁後尾都同左d新同學熟左d~下星期三都去唱k~不過早兩日同阿誠去唱過~

的確...太耐冇練歌了~好快就到頂~爆...左~唱唔到了~

好耐都冇見佢地啦~最多都係阿蔡~但係依家都冇得跳舞了~一月先見到了~

咁唱完k同阿誠傾左好多野~佢依家讀副學士~之後講講前路要點走~

看來...我的路...現在比誰都要難走呢...唉...

大健病左~咁佢話要搵人頂~咁剛好我得閒~聽日就要開工了~

都一個月冇做野了...有點不想動...雖然剛剛收返條數~不過多二百幾蚊...當交電話費啦...

2010 年 10 月 24 日 星期日 【晴】

最近~都搵到parttime做~咁又係做餅啦...

都係果句...悶...一日過機~cup曲奇~埋野又一日~唉....

而且太耐冇做野啦...企得好唔慣~腳又痛...又累...想死的...

而且果度d人都...唔見得好人...賤人多多咁...見人講人話~見鬼講得話~

做清潔果個唔想清潔~真係火都黎~

不過見佢40蚊的確可觀~做住先啦....

星期四同左屋企人食飯~生日丫ma~

我就當然冇大事宣揚啦~有心o既~一定記得啦~係咪先~??

咁收到個aguis b袋~呵~正~本來想買個的~現在~唔洗啦~

都係屋企人最好~

星期日~本來話彩排的~點知~我地出晒去等到7點都唔見miss....

咁只好走啦...同阿樂佢地去左食飯~咁佢地就請我食lee餐當生日禮物啦~

去左食韓燒~咁果間野都...我細細個已經係度架啦~都幾老字號~

見大家都食得好開心~真好呢~

咁佢地帶左個餅黎~就係果度切埋啦~影相啦~

我都唔知做咩發神經~叫埋果個侍應姐姐同我影~哈....

最後就同阿wan去左食糖水~之後都返屋企啦~

本來今日去跳舞的~點知...聽講miss入左醫院....唉....

2010 年 10 月 14 日 星期四 【晴】

今日~係最後一日的課程....

早上都係聽書~之後就不斷地練習包紮呀~cpr咁~

下午~同阿sir一齊食飯~

佢問我地佢惡唔惡~??嚴唔嚴~其實...我覺得都唔算囉~感覺一般的~而且

雖然d gag就一般~但係都勾得起我興趣聽~同埋睇得出佢有心教~不錯~

下午上課都做d模擬test~依家對考試o既信心大左好多了~

咁阿sir4點就走左~而我地就留係度做畢業d野~

咁就玩左個game啦~之後就派畢業證書~

咁阿峰...有問題的那個...因為佢好多都冇去到~搞到冇得拎證書~佢就爆啦...

今次好勁...咆哮~踢凳...踢到後面把遮都彎埋....

大家都好驚...果下完全保持唔到平常心了....好啦~個個都有~得我同阿庸冇~

喔喔喔~原來...原來...我地兩個有優異的畢業證書呢~開心到我爆啦~而且仲有個大禮物~正~

再來...又係一個大大的驚喜~

開始搞大食會啦~miss就問邊個11月生日~再數上去...12,1,2,3.....

估唔到佢一話有一個人今個月生日~所以...同我慶祝生日呢~我咁大個仔~

搞到我鬼死咁感動~你話點算~

有時...真係覺得有d唔想返~今日咁樣一搞~我...唔捨得大家呢...

我地雖然得...11日的友情~但係得到大家的祝福~我相信~幸福一定會降臨的~多謝大家~

不過朱仔同阿ball比我地咁樣搞~我諗愛情~已經來臨了~呵呵~

優異獎的禮物~

大家對我的感覺~
好多讚我成熟~有組織~叫我比心機尋夢~找目標的~
承大家貴言~

大家都比心機啦~

證書=]

2010 年 10 月 14 日 星期四 【晴】

星期二~去露營~咁早上就上理論課啦~

估唔到...個阿sir真係好有魅力~雖然外表上唔吸引~

但係佢把口~真係好勁...而且佢人生o既經歷~學歷~都實在係強~

下午~出發啦~果d所謂童軍真係不知所謂....

去到露營的地方~起營~

之後就開始講地圖~咁d不知所謂的童軍話自己五月考完試~阿sir係咁試佢~

咩都唔識~認屎認屁~結果樣衰到丫~

咁晚上~熟野食啦~其實...我都話架啦...童軍喎~

話要煮意粉喎~d咁麻屎煩o既野~你係d咁o既地方煮~?!弱智啦...

之後果d腸仔呀~午餐肉~全部跌晒~呵呵呵~最後~食左d好難食o既意粉....

果然...信你一成~依家~?????大家早就雙目失明~

我都廢事同你拗啦~我又唔係食得多野o既人~好又一餐~唔好又一餐~我食兩啖就夠~

之後就去夜行~夜行之前就玩左個小game~

雖然玩過~但係難度就高左~因為lee個game係玩~全部人都濛眼~之後比個數字大家~

就排返好一條直線~估唔到...佢出到點數...玩左...都有好3個字至半個鐘左右~

聽返阿sir~真係...好勁...

佢話佢原來係外國係做一d人事o既野~佢就用lee d小game 簡人~升職啦~入職之類~

所以佢觀察我地就分析左我地所有人啦~

我當下真係呆左~咁都得?!雖然我知有d 咁o既野~但係估唔到lee d時候都會做~

講左好幾個人~咁我心諗~咁耐都未到我~佢就講我~

佢話當中有一個人係算係幾好~估唔到係我~眾人之中我係一個似返個人o既人~

因為我開始時我都會搵人~用自己o既方法搵人~不過....

到我搵到兩個人就停左...咁...我都明白~當時我的確想捉實佢地~真係冇咩多餘力再搵了~

佢話今日佢黎lee度教我地~時薪係二百蚊...美金一小時.....

當下我將佢封左為偶像~實在....太厲害了...

之後去夜行~個景超靘~之後再用樹枝燒雞~超有趣的~

因為太累了~1點到都訓左~6點幾太凍了~起左身~而且佢地兩個死野係度嘈...

食完早餐~再去玩野外定向~呵~出期地好玩~而且行山真係好大挑戰性~正~

不過...阿豪搞到我扯火~講到尾~係你唔好彩呀~傻仔~

5點左右返到屋企~睇睇下keroro就訓左陣~6點幾又訓到8點3~睇小左半天天天晴~

食完野9點幾又頂唔住訓左~之後兩點起身再熄晒d電器就訓到7點~再碌到8點半起身返學~

晚上返左a-1等佢地出去食飯~

一齊出左2000円食野~雖然好貴~但係都食得好開心~

好多好耐冇見o既人啦~吹左好多o既水啦~大家都好關心我o既近況~

到走啦~我阿wan老鼠3個一齊返屋企~咁吹左好多水~都好舒暢啦~

2010 年 10 月 11 日 星期一 【晴】

夜媽媽...突然心血來潮...有感而發....

最近玩完攀石~超好玩的~

第一日去玩~玩左兩條"賽道"~咁一開始唔識用果d力~搞到完全累壞了~

第二日考試啦~雖然雙手痛到郁唔到~

不過因為考試都只好硬著頭皮上啦~考~一定考到啦~

其實攀石lee項運動...話孤獨也可以~但...真係有人陪你....起碼...下面有人保你平安先~

真係挑戰自己~???的確...

到頂果個成功感真係好強~強到可以話...好比做出一件超水準的作品一樣開心~

不過...到底我自己有冇盡到全力呢~??其實...我覺得我自己都冇...

不斷不斷咁給予自己藉口....打擊自己~令自己早d落返地下~

我相信考試果一條~雖然係比較難~但我認真地爬~至少上多2m....

今晚~跳完舞同佢地出左mk食飯~返屋企時同阿蔡傾左陣傾~

後來開始講miss一直都好似冇咩點理我~至少...我係咁諗~

我lee一生人高帽真係戴得太多~miss笠的都多到難以想像~

但係講到上堂我有冇認真上呢??其實...我諗...到底自己有冇認真地做過一件事呢~??

有時覺得有~有時又覺得冇...點解~??

雖然現在的我~比以前認真左...d...

對比起以前o既我自己~我一定唔敢爬上去有3層高的攀石場...現在的我...有上~

但係都冇盡全力去做....

一直以來~雖說唔係最出色~但係...我比一般人理解~學~做~好多好多野都比人叻~好~快~

我唔係想讚自己~

不過一直以來~做任何事都來得簡單~再加上自己本性太懶~

感覺上做任何事都唔需要太認真~

因為...只需要得過且過~都已經可以超越好多人~

以致到目前為止~自己都一直都諗唔到~認真為何物~

我~心裡面好想好想認真去做~但...每次諗返做過o既野~都未盡全力去做~未認真對待過

好似跳舞~又唔可以話我唔認真學~但係...又未去到好認真地對待...

唔係唔想練~或者...真係懶啦....

現在的我~識o既野~做o既野都唔小~

但係...都未搵到一樣野係感到有強烈o既興趣~

到底~我o既夢想~??我o既目標係咩呢~??我...自己都好想知~

現在可以有o既野~跆拳~跳舞~西餅~讀書~都唔係我o既夢同目標~

因為~佢唔會令我想全心全意為佢而做~

跆拳~?我唔打得咩~??跳舞~?我跳得唔好咩~??西餅~?我做得唔靚咩~??

雖然我真係讀唔到書~但係以上三樣都係是是但但都做得比人好o既野~

看來...不是夢~不是目標...

讀書~現今社會學歷係必須的~但...我有為我的前途著想~??

如果冇...我就唔會考慮讀書...就唔會考慮邊一個行業有前途~

是夢~?是目標??如果係...?點解冇動力呢~??

到底我喜歡什麼~?愛什麼~?需要什麼???

點先可以燃起那種...為目標~為夢想不斷前進的火呢~??

我不想像現在就一生~但...點先可以搵到...目標同夢想呢??

邊個可以幫我....

2010 年 10 月 5 日 星期二 【晴】

上兩星期三~表哥結婚~

喔~好幸福呢~細細個就已經識~雖然有一段長時間冇連絡過~

老土的講句~緣份的引道下又令兩個人再次相遇~相戀~

直至走到結婚哩一刻...

幾時...到我呢~??

隊長終於都退出左我地跳舞o既大家庭~唔開心~

新舞~跳起上來的確係好有feel~

所以學起來有點難度~因為轉左音樂類型~開頭學係大家都有困難的~

但第二堂我都有點習慣~而且都有點認真了~

但係要轉公開班~要就返d人~但係...冇人同我地講話今個星期一唔洗去...

又白走一趟...時間...問題不大...錢才是問題哦....

星期日~因為阿婆入左醫院~都有好一段時間~成個家族得我一個未去過~

咁本身星期日阿媽都叫我出去而我都冇打算出去~而再約打算星期三先出的...

但係...好彩...我諗係天意啦~

我突然諗諗下又想去睇下佢~

咁出到去阿婆見到我都好開心~咁我見到佢都好精神~又識講笑~

應該都冇咩大礙了~

陪多佢一陣~都完左探病時間~只好走啦~

點解話係天意~??因為...星期明天佢就要出院了~今日唔來探探佢~就要入TM了

但係...到同家姐阿媽食晚飯~家姐都係咁話阿婆阿"女麻"偏心之類的~

話錫男仔多d喎....

但係你有冇諗過~阿公同阿爺都錫女多d啦~

通常都係咁架啦~同性相拒~異性相吸丫ma~有咩好呷醋呢....

星期一開始上堂啦~其實C-1我都叫識路~所以都冇咩問題~

去到~唉...一條似樣do既女都冇...沒趣呢...得一個似男人的女(?).....

而且有幾個很樣子很臭屁的人~都係...靜觀其變好了...

之後玩什麼什麼團隊遊戲~玩左一日~

有個有d應該係弱弱地智o既男仔...一日爆左幾次...

估唔到...大家都有點...默契...

10點集合這一個小時的短聚....見到佢一爆~大家靜晒~扮冇事~安撫佢~繼續....

咁第二日~入camp~好彩~我都已經識到3個比較會係相熟d o既朋友~

所以我地可以4個一間房~而果4個本身識o既又一間~

突左3個出黎就要同果個弱弱地智男~

其實真係大家都有d驚...但大家人數都剛剛好~你地唔好彩啦~

咁都係玩玩玩玩玩~

玩到晚上弱弱男就開始發癲話要返屋企~開始自殘...大家都好驚~

不過佢越爆越勁~miss同阿sir都開始睇到個問題嚴重性~

完晒一日要做o既野之後~大家都走左入我地房玩~再...無啦啦變左集會地~

哥哥仔就送走左弱弱男~而我地就開會~

開始時就大家t up大家~後尾就討論弱弱男~我就發表我的偉論~

討論完之後都係我地房玩~玩到兩點幾大家都散~

我地四個就開始吹水~再同我隔離床的朱仔傾到4點幾先訓~

最後活動~又要開會~其實...看來大家都有點..."語窮"的感覺...對比起上來我的言論都超有質素~

最後都被冠以~成熟~有內涵~之名~但係怕羞~

呵呵~好開心呢~居然有人發現到我最想比人發現o既優點呢~呵呵呵~

2010 年 9 月 16 日 星期四 【晴】

星期五~第二日返工~返8點~

估唔到我雖然早左好多~但係...塞車....頂...

遲左3個字~第一日~終於都做我應該做o既野啦~咁果個mini就係度啦~

一返黎就教我做咩做咩咁樣~佢話一陣仲有個男仔返喎~

而且佢唔做都係事實~其實都冇咩關係啦...

咁男仔返黎就男仔教我~估唔到~個mini都係做左一個月左右~而個男仔返左三四日~

不過....我見做d野都好弱智下...

咁個mini走左之~我就同佢兩個人做~咁...唉...弱智....

估唔到我地3個都係做左4年~有四年經驗咁啦~

女仔冇速度都算~個男仔一睇就知冇~算~lee度咁q小野做慢慢做都冇所謂啦~

個女仔都好d o既~應該叫佢返左成個月都唔知自己做咩就pk啦~

條仔真係唔掂到極點....打芝士~我見佢懶係專業咁用個掌摑邊都算啦~

你打q到成桶都係芝士粒果下先好野丫ma~加蛋加cream果d都分左好多次落架啦~仲搞成咁~

無啦啦有時又開罩~有時又唔開加~搞到部機又污糟啦...

之後再到話整7隻咁樣~我問佢洗唔洗磅~佢話唔洗~ok~

佢話咁樣咁樣差唔多~你估你自己大師父咩~而且你一開始已經用個量杯慢慢"不"落去~

到最後得果6隻...你話你自己係咪捉蟲丫...左搞搞右搞搞~先整返好7隻~

到睇爐~你老鼠~我真係覺得佢唔識睇囉~烘芝士咁簡單o既野都衰...

明知烘成個幾兩個鐘~又落得小水~乾q晒"塘"~唔好話個面唔得啦~睇黎佢個底應該都去左非洲~

咁佢都唔知有冇做過~咁有d朱mo啦~因為d模很欠缺~都要整定先~

咁就佢甩啦~我第一日返工就真係唔知做咩好~企係側邊等~睇佢甩第一隻都冇咩感覺~

第二隻真係有衝動打佢囉~果度有十三四隻左右...一隻一隻咁甩?!

算...秘技o既野可能唔係個個都識~不過都有d眼火爆~

但係你洗唔洗每甩一個就抹一下個"車盤"呀...同一樣野黎架ma...弱智~

就連用"吻"刀剷起隻小小比半p仲細o既朱mo都姐手姐腳...燥底...

再來~到尾就玩果個弱智卜卜米~等我煮喎...其實都唔係問題~你快快手手兩個人~

一人玩一轉~我煮完你就立即去煮我就整~你煮完都差唔多~就可以一齊整啦~

快快手手一齊玩完先hea啦~你自己hea有咩為~又係要做埋人地果份??你自己做啦~

佢兩個仲係早上討論~講三講四話自己小人工~??

唔該你學過師先啦~5千蚊都比多你啦~

個男仔勁討厭囉~係我面前認屎認屁~可能你見得o既野比我多~但係...你冇能力囉~

差唔多收工時個廚房大佬就話啦~冇可能識兩個大~

因為公司就話請一個大一個細~問我地邊個想做大~佢二話不說就話好~

大佬就話你地自己話事啦~我話冇咩所謂啦~

大佬話~咁好多靚仔勁過大師父o既~

咁又係呀~我見過咁多"大師父"~我都唔覺....有咩料囉~

返屋企~頂你...等左差唔多四個字先有車~但係爆左~咁就等下一班啦~

等多兩個字先有車...好彩上到車~都有位...咁係咁計...我咁樣返屋企咪用成個半鐘?!

11點幾~諗諗下~越諗越覺得唔据...

好彩早兩個果個人事部果個人用手提打過黎~有佢手提可以打返比佢~

其實都好夜~都有d唔好意思~

佢問我咩事我就話晒比佢知~一五一十....隻字不漏...喔~又有假放lu~

2010 年 9 月 8 日 星期三 【晴】

今早就要返工啦...唔想郁呢...

果然~休息過度~懶蟲入骨...不過...我要錢啊!!!!

起身~換衫~出發~又比架271走左添...次次都係咁呢....

只好搭火車了~

好彩天氣都不算太熱~但係...有d擔心唔識路....

10點正去到office~

咁就填啦~搞左成個鐘~wa~搞掂晒d野之後~就跟左佢入去打手指紋~

見到人地間公司真係好鬼靚~d高級o既人坐o既房係落地玻璃~而且勁大呢~

要係尖咀租全層...勁...

我自己一個人行返去公司開工~落到去~佢地好似唔知發生咩事~

而我上司今日放假~所以我就要做其他野啦~

不過都係幫手一切切切~做d下欄野~

下午食完飯都冇咩野做~做做下咁我見冇咩野做就同果個四眼食師兄吹左幾句~

佢都幾好人~因為果兩個所謂的師父都唔多理我~

得果個好似以前阿俊o既男仔帶住我做野~

不過四眼仔只係做左兩個月...而且...我地o既業係好驚人的...5千至一萬一日....

小得驚人...佢話老闆好有錢~的確...我地係上市公司來的...對剛才上office已經不再感到驚訝~

不過佢話~哩度野又冇得學~人工又唔高~

只係佢未搵到野做先未走~快到三個月時~佢搵唔到都會走喎~

好難頂呢...冇野做都唔知點算...好辛苦先捱到8點先可以收工....

計返起條數~a-1做9個鐘咋喎...依家做10個鐘呢....人工係多左d..d啦....

返屋企時去左百佳~見到周威~同佢一傾之下~看來我都係做...半個月左右了~哈哈....

食野啦~老鼠打黎吹水~佢都話阿榮之前果份工好正~我都覺呢~~

不過依家講講下~因為我上司唔做先急請人~

唔怪得話要考爐火啦...

雖然佢唔知~但係...你都係時間請多個人了~我都差唔多架啦~~呵呵呵呵~~~~

2010 年 9 月 7 日 星期二 【晴】

今早9點有人打黎~問我幾時可以返工....??

好累呢...叫佢12點打黎~

其實我又真係唔多想做...想要小小時間思考一下....

12點~佢問我想要幾多人工???

當時都係迷迷地...我話...你覺得呢~

下午佢再打黎~佢話8千蚊...看來...做不過呢...返幾日睇下點囉~

好似細健咁~跳下跳下都幾型丫~

早上dl左寒蟬禮~傳頌之物ova~下午睇左~超有趣的~笑爆~

晚上就睇aria~又話治癒系的~?

唔知點解睇到我...心突然的隱隱痛wo...wo....

簡潔的~呵

2010 年 9 月 7 日 星期二 【晴】

試完工果日都ok累~出街都幾大壓力的....

不過當晚同老鼠傾左兩個幾鐘電話~佢都好似識果個人的...

但係聽佢一講~感覺上佢的確玩9我....要算都是中工...比到盡....

但係佢就考到好似師父級咁呢....

的確...比個份量~就咁就叫我做~又叫我自己諗爐火~的確有點....為難...

中工的意思大概係...唔洗重頭教...一請就可以工作的意思....

相信~師父級先要試產品呀??a-1咪又係小雄同家哥試~咪玩啦....

星期日~唔小心返左跆拳~

阿水就黎生日喎~叫我地返去~是但啦~好耐冇返~

返到去~得幾丁友...仲叫12點返???阿水成點幾先出現~好彩~我都12點9先到~唔洗點等~

佢地開始啦~我就真係冇咩心會郁囉~衫都冇換~

玩係玩得幾開心~因為玩人係...係好開心架ma~~

依家佢地d準則又唔知搞咩錯晒~

爆板一向都係一氣爆~邊有一下一下咁黎架~係~我覺得佢有心做到睇落順d~

但係放好左個位~大概係想自己企返係原位就叫一氣呵成咁爆~

一蟹不如一蟹...

星期一~跳舞日~都冇練了~條頸真係硬喎~好痛呢~

咁上堂啦~因為做熱身時~阿蔡同阿樂都做唔到果個...協調~

搞到我地幾個....雖然佢叫我地重複做係正常~但係...因為係度玩o既關係...

果兩三個字我地都冇停過係咁跳...搞到上正場時...至少我自己已經冇晒力囉...哈哈

落堂啦~看來miss想比壓力我呢~話我知 :

佢地跳得好左~追緊上黎啦~~~

算啦...天才型不過懶~大家加油呀~歡迎跳得好過我~

晚上就5個人去左打邊爐~本來...一般來說~邊爐一般般啦~

不過今晚都玩得好開心~同佢地食~有傾有講有笑咁樣就一晚啦~食到11點半先走呢~人家打羊呢~

最搞笑係...我去廁所啦~咁出面有廁所~我到入去~我問阿豐呢~

佢地話~去廁所丫ma~你冇見到佢咩~?

我話冇呀~之後我地幾個呆左咁望住出面~見到阿豐~行返黎時一邊行一邊望左一望入黎~

直行咁走左去~等左一陣行返轉頭~爆笑呢行過龍~

最近又睇返動畫~op因為睇左漫所以都...飛黎睇~

但係依家就好似以前果個模式睇~等佢出晒~一次過dl~一次過睇~

http://www.blackrockshooter.jp/

brs ova 不錯看的~人設一流~故事有意思~

http://umineko.tv/web/index.html

海貓鳴泣之時~殺人故事~魔女~魔法~不錯的~我喜歡~