2008 年 12 月 12 日 星期五 【晴】

早上~因為遲左出門口~差d又遲到呢...
不過好彩果邊多左個燈位~
見到立即跑去第二個站~上返平日搭車果班~返到公司都仲有時間慢慢來呢~

我地k-gute都算順利~之後就幫手了~
琴日問左某某人栗子夠唔夠~佢話夠~結果唔夠要早上埋...
之後未雪夠就整~而且仲要我自己整返...
勁煩的...我都幾乎要整一個鐘呢~比阿鳳整的話???
完成之後就埋野了~

食飯啦~好快食完就立即訓了~
不過睡得不好....好似琴晚咁...半睡半醒的...
到到夠鐘都唔想坐了~返入去工作好了~
唉...實在太多野做了~無論係hea與否~都冇可能準時的~
所以大家都選擇慢慢做~而家哥又唔知行左去邊~大家都可以開開心心工作了~
死人彬~又話唱k...原來佢冇錢...唔怪得啦...
但係又個個星期日鬼咁早就落紅心食早餐~睇電視為名~
去睇人為實呀~??呵~冇錢...

放工啦~其實...我上年都成日係咁著...
佢地見到我換好衫就...誇張咩~?個個問我去邊...
我咪返屋企囉...
返屋企時~終於都睇完~gosick's了~明天就可以進行~紅~
落巴士時見到阿俊~估唔到佢都係住富亨的...
但係佢要落夜班了~應該好快就唔做了....對佢來說未嘗不是一件好事啦...
日日比人小得咁爽...我都唔想留係度啦...
買完飯就返屋企了~本應今日唔想去跑的~好累呢~
但係發覺食完飯~連電視都冇野好睇~出發啦.......

唉...要做家務呢~好累哦~好累哦~
好彩星期一放假~無啦啦編人地放星期一....真係都唔知有咩好做~休息下好了....
但係星期日又要返早~頂咁多日再返~而且果日都開始爆呢~
應該會好死...

>>December 13, 2008 at 4:50:50 PM GMT+8

2008 年 12 月 11 日 星期四 【晴】

點解呢??唉...只怪自己...
今日見到佢地呢~而且仲上果一班車~只怪自己太遲起身~
只怪自己吃早餐~只怪自己...
本應可以以更好的狀態見到佢地的...只怪自己...

今日都好累....十分..十分....
早上其實都不多話~而且前日又有點扯火對住阿榮~
佢都不太敢對我說話~
雖然今日工作都算多~兩個人的話就遊刃有餘~
之後落貨...搞到好煩...好煩...
寫埋野紙~又得罪大佬...本身佢已經不太喜歡我~現在更是...啊......................

好多野做呢~今日~看來...多的都係我呢...
我見大家都好休閒...因為我有月亮~a-1~gute朱毛打...加埋個幕加~
我自己當然五點前完成啦~不過...
因為有人食過某某之後拎去化驗...啊....今日要大洗了...
搞到6點半先收到工呢...好灰....

年尾了~又到派成績表的時候~
其實都冇\咩講的~佢就係話我....成日唔戴口罩咁....
如何改善....就係~"要上司提點~"哈...呆左...
工作方面呢~一般都係keep到產品的質數~做野o既速度都...好快~呵~
我真係好想收工呢...比我走呀......!!!唔快點得....
我發覺~我係a-1...留係a-1已經冇意義囉~
根本就唔係睇工作表現同個人質數~即使再垃圾的人~只要比你早入就一定高級過你...
我唔係話師兄們...只係...新人們真係一代不如一代....
但係有總好過人手不足時見到某某人在飄...
即使計半個人~兩個加埋都叫做一個麻...

一個人搭車~喔....本書就黎睇完了~gosick's~
唔知點解睇佢特別快的...係幾好睇的~而且...武田日向的畫實在是優美的~
返到屋企樓下就影印~等左好耐都係唔得...走...
去左相舖影~唉...見佢咁冷清...好慘呢...
完成就去左大家樂買飯啦~
9點左右~果個人就上我屋企同我簽合約啦~
幾好呢~35蚊~而且又唔洗自己走來走去~將這個冥通世界轉參~正~
唔記得拎個眼鏡返屋企呢...現在像個盲毛呢...

心情...有點唔好...雖然真係完完全全唔關我事...
但係...見到果張相好想知係咪真~
到底....你地係咪已經一齊??
咁樣...其實果個人係咪你~??
好在意~好在意~
點解呢~??點解會咁~衰仔...我真係好想知呢...說到底...我都叫做...半個.............................啦....

>>December 12, 2008 at 2:57:09 PM GMT+8

2008 年 12 月 10 日 星期三 【晴】

唉...遲左出門呢~又遲到了...1分鐘呢~
因為早上吃個早餐就...
返到去見到iris...佢睇錯左呢~哈...
今日一個人做~不過因為實在太少了~10點都已經完成了~
怨氣很大呢~本身其他大家都冇咩事的~
不過...籣子開始爆阿俊....
然後阿鳳無啦啦又發我脾氣~我都呆左~不過我本來打算等佢講多句就爆佢的~
等唔到呢...

本應好早就可以食飯的~不過因為埋個sofa~
3點應該就去食飯的~突然...有電話打黎話order做漏左...
搞到我同阿昇要立即做...灰左~
完成之後就去食了~不過食時就吹水的關係~都冇乜得點訓~
休息完畢就入去工作了~
其實今日真係勁小工作的~因為冇咩位只好唔埋啦~某d野~
但係都要五點先收到工呢...

放左工就同佢地一齊走了~
到到屋企樓下就買飯~返屋企食了~
睇左陣電視~食埋個飯~9點鐘就出門去跑步了~
今天天氣都幾凍的...但係因為加速左的關係出的汗比平日多呢~
很累的~

>>December 11, 2008 at 3:59:18 PM GMT+8

2008 年 12 月 9 日 星期二 【晴】

本來打算焗個pizza~不過...竟然要出門前先可算是剛剛好....
只好不吃出門了~而且要買早餐呢...
好餓呢...
工作都不多~所以好快完成~
不過落完貨就要幫佢地打忌廉了...打左7桶~死人的...
下午完全夠晒...我都呆左....
琴日阿榮同阿彬約左上次果個女仔出黎...四人行~爆笑的...阿榮個反應的確...

本應可以好早收工的~唔知點解係唔想走呢~
或者知道要返學唔洗返屋企啦...都陪佢地未走~
突然~小雄無啦啦發爛~唉...算啦....我都冇左果股火同膽色...
現在我不過是一個已經漏氣的氣球...已經飛不上天了...

搭車~今日一個人~因為阿榮做左d好討厭的事~而且我都想睇書~
之後在平日果一卡等的~不過見有好多人~就走過兩卡~
其實都好多人~我一衝上車~見到前面有兩個勁勁勁可愛的妹妹...
不過我見佢兩個有點...所以都有不太敢正視呢...
我有時我都會偷偷看~佢地都有時都會偷看我~呵呵~實在係好可愛呢~
只可惜坐左一個站就走了~唉....

返到學校~我真係勁唔想郁了~
所以都冇換衫~同阿誠傾偈~然後家豪同阿晴都返左~
見佢地考試~所以都幫下佢地了~一個接一個的~
到到落堂就去食野~之後阿楓等緊我地了~
食完野之後就坐家豪架車啦~
阿楓真係...我又係男仔~佢又係男仔~點解佢可以咁呢~?
真係好羨慕~對於自己的為人極度不滿~想改又改唔到...唉...
唔通真係要死左佢重新黎過~???去死吧....反正我的人生已經一團糟了...

>>December 10, 2008 at 3:29:19 PM GMT+8

2008 年 12 月 8 日 星期一 【晴】

放假呢~不過...忘記關鬧鐘....唉....
熄左~繼續~
8點幾~終於都夠了~所以正正式式地起身了~
出廳又沒事好幹~打機好了~
本應想早點出發的~不過....惰性....
結果都係11點先出發~跑步....
今天運動場唔可以用~跑街好了~跑街的確很累人的~
折返時間早左~所以跑小左幾分鐘~

下午~都冇事好做~同樣地...打機~吃過午餐後繼續~
完成無雙之後~都唔想玩了~
見有點累...結果係廳訓左兩三個鐘呢~好舒服的~
true tears~本應早就要看~因為之前已經看了三集~現在好了~有時間呢~
看之下~就停不了~
不過到到7點左右~因為用盡所有的可樂~只好去買啦~
之後就落街買~見到阿卓~傾左兩句都比錢走了~

返到屋企看完8點果套就繼續~最精彩的...9-13...
進入左故事的最核心...眾主角開始狂飆....不過有點累了~不想打和想了~
◆ 劇情介紹

她所流下的，真實之淚
任何人都擁有希望與憧憬……並持續編織著屬於自己的夢想。
為了實現心中的願望，少女們來到了這裡。

但是，她們內心深處，也抱持著各自不同的陰影。
──由於回憶中的創傷，自己一直以來所懷抱的夢想也逐漸模糊。
──也有人面臨現實的嚴苛考驗，而不得不放棄夢想。
──甚至有人早已遺忘了屬於自己的夢想。
埋藏於心中，迷惘、煩惱、以及痛苦……
心中的陰影，悄悄關上了通往未來的那扇門。
真心埋藏在燦爛的笑容之下。
當她們敞開心房，能夠朝向夢想一步步邁進之時，
真實的眼淚，必將隨之滑落。
一段真正的戀情，也即將由此展開──

睇完都好有感覺~作為校園戀愛催淚劇的話~
以我的角度來看是....長期keep住令你醞釀想哭的感覺~未免出手不夠忍~
基於我已經有好多年都冇喊過的關係~所以我都盡量嚐試找一些~
書~戲~劇集~漫畫~動畫~game都幾乎覺得有feel都會去睇~去玩~
不過...就如我媽所說~我應該是冷血的吧...
當佢睇劇集看得死去活來的時候~我依然笑劇中的主角是白癡....哈...

>>December 9, 2008 at 3:52:43 PM GMT+8

2008 年 12 月 7 日 星期日 【晴】

今朝搭車時見到師姐...閃人!!
之後搭電梯時...左腳的鞋帶夾住左...一扯...斷左~
大凶之兆嗎???
差點遲到~好彩~

阿善放假~我地gute二人組要分開了~
好快就完成~之後幫阿榮手~先執貨~
有人見candy媽個位~大家都好期待~家哥仲話係靚女添...
不過...見仁見智啦....
點幾就可以食飯了~因為太累了~片左自己d蛋糕就算~
同阿榮一齊食~咁我又冇野飲~只好落去買啦~
之後去左ok買~見到有好新鮮的piazza~大家個飯都太少了...
結果又買左d野食囉~
比錢時~見到個好優美的女性~不過只限背面...剛見到個面型已經小聲說..."撤退~"
阿榮都話唔得~所以真係幾...
食飽就真係訓了~好累呢...本來打算訓左五分鐘左右~竟然訓過頭了~

入到去~果個所為的大佬級的人~未免太垃圾了...
太慢啦...不過今日我用一個觀察的角度去看~
睇你要玩幾耐呀...最後阿鳳仲去幫佢手~真係完美的組合啦~
6點幾先有得收工...唉...

今晚好夜先有得食飯~阿媽好夜先返~
不過佢返黎先煮...餓死了...
往後的日子都不可以好似現在的回來~看來又要過返d真正一個人生活的日子了....

>>December 8, 2008 at 4:10:34 PM GMT+8

2008 年 12 月 6 日 星期六 【晴】

又遲到啦...早就知道來不及~所以都去買早餐吃~
但係又搞左我勁耐...所以...用秘技...忘記打卡...
我地今日都係好快完成~之後都開始埋野了~見到a-1果邊都ok快~
而且好似病病地...都唔幫佢地片蛋糕了....
因為都比較累的~見佢地執好貨就立即去食飯~
食完飯就立即找個角落訓了~本身已經睡得不好...但係又起唔到身...
點知...突然...比個1p盒掟中個頭...本身我都好火..剛剛有點睡意...就比人..........
本來都唔打算做d咩...但係...果班仆街係度笑...
諗諗下...唔理~入去做野~不過越想越不爽...好想爆佢地呢.....
罪魁禍首其實係阿彬~但係我生的不是他的氣~而係笑果班~
但係我有我的原則~已經唔想多講了~算吧...

收工~見阿聰講左一個笑話~兩個iq題~
所以我都分享左兩個~一個係"點解小紅帽係飛機場~"仲有"黃夏惠落裝"
後者係比較白癡的~不過都有點點...一點點道理...
而前者真係笑到人反肚的~
開頭阿wan估到先~之後到阿聰~而阿榮就...講埋個答案比佢都唔明...
因為要比貼士~我都講左一個以前聽過的版本的小紅帽~
不過...我要講到好出面佢地先估到呢~

返到屋企~今日冇飯食食麥記~
食完野就出左跑步了~天氣太凍了~有點辛苦呢...
但係..如果對自己的承諾都辦不到..我怎能對別人承諾呢~?
返到屋企~睇獎門人~爆笑的~差點笑死~

>>December 7, 2008 at 3:44:16 PM GMT+8

2008 年 12 月 5 日 星期五 【晴】

今日~返到公司...就有好多人同我講~
投資失利~
投資失利~??何出此言呢各位~不過....我都冇咩說話可以反駁...
因為...想見的...根本就不是...
但係比人笑就真的...算啦...

工作都算多呢~砌餅果邊兩點半先完成~
而我同阿榮12點左右~阿善就點半~而a1...仲要我地幫先可以早多一點點...
怨恨地打完朱毛之後見到好多人就只好去食飯啦~
唉...唔開心呢...明年二月就要返夜了...為期四個月~如果有女朋友就好啦....哈...哈...
食飯時都好累~睡了半個小時~舒服的~
入去工作了~阿鳳比我早入~開始埋佢果9條的長士多~
而我就埋我的...月亮~a-1朱毛~db朱毛~同20隻1p...
不過當我埋完~阿榮都差唔多吉完頓頓...佢都未完成...唉...慢得...可憐...

收工時~個新人問我點樣先可以快d~
o下...lee d野邊度有得話請教就請教到先得架...
如果想快的話...你咪做快d囉~
不過車程上都同佢訓話~希望冇嚇親佢啦...
到到屋企果邊~阿媽幫我買左飯~我拎完就自己返屋企食啦~
佢就走左啦~
一個人返到屋企食飯~之後稍微執屋~之後睇電視好了~

好正..愛情萬歲~
雖然對果班演員都...不太有好感~
不過有我喜歡的洪卓立同suki~而且都幾到肉的~個感覺~
所以都睇得好開心~好有感覺~

諗返起琴日...的確有d驚...
細個時...同阿媽出門見到d阿姨~佢地就會話我好得意~
仲會錫我添...
可能就係因為咁樣~我每次同女性接觸都不自覺地顫抖起來...
而且對某類型的女性會產生一種近乎恐懼的感覺~
因為每次我都會想起那些如狼似虎的阿姨....令我有一種窒息...的感覺~
頓時說不出話來...

>>December 6, 2008 at 4:25:57 PM GMT+8

2008 年 12 月 4 日 星期四 【晴】

星期五~期待已久的日子~為何....
8點左右就起身~基本上好多事做~亦沒什麼事好做~
只有跑步是必做之事~
本打算9點跑~但又未想出發~之後食完早+午餐就10點半出發了~
同樣半小時~就折返了~
想不到早上的運動場如此空蕩蕩的...

雖說不是什麼約會~但好歹都是彬彬的好意~
我都盡量將自己打扮(沒差呢...)差點遲到呢~
還好在約定時間出現~之後就上火車了~
好耐都冇見過阿蔡了~搭船時都傾了很多~
再爬山上到學校~因為不想太大個包包~加上衫未乾~
今次就冇換袍的~有阿蔡應該冇問題的~唔知點解~
我講左句~"啦~我今日只係發出命令~所以好多時間可以罰你地啊~"
之後今日個進度真係好好~四方拳一堂就完成了~雖然應該會好快忘記....

不過我到咁上下就要走了~約左彬彬嘛....
換好衫~再上返去見到阿蔡罰佢地~哈...果班衰仔丫....
我訓話多幾句就走了~不過呢~阿蔡好快就追到落黎~
一齊上路了~不過我就找彬彬~佢就去左電腦展~
到到見到阿彬...喔...呆了~
神果然很喜歡捉弄人的...因為那個女孩真係很像...她和她...仲有阿晴個fd...糯米...
而且個格和她們都極為相似~我本人最不會應付此等女性...所以...
我內心只有我的天使...請你降臨吧....(發呆x10)

去到果邊見到阿昇....之後見到阿迪~家哥...越來越多人...唉...
雖說不是不開心~只是...場地問題吧~我本人對打邊爐已經不太有好感~
大排當型式更是...
不過彬彬同紅心女都好體貼~之不過我就是不知該說什麼好~其實我一點也不悶~
我很享受別人的喜悅~只要你們開心~我都會很快樂的~
只是...那個女的~她的性格實在有點...比我邪惡時更差...我見佢兩個都好辛苦...
一來就對我的"靜"有點顧慮...二來那女的的惡言...
辛苦了....

打完就去左麥記傾計~彬彬的身世真可憐~
我個人都比較吸引到一些破碎家庭的孩子~
基本上身於破碎家庭的孩子都有一股強韌的意志~特殊的吸引力~
所以我都很喜歡交這種朋友~因為可以加以學習其意志~
令我意志變得更加堅定~對其家庭引以為鑑~
我會令我的婚姻~變得更加完滿~對我的伴侶更加忠誠....

本應我都該送佢地返屋企的...但係今日真的太累了...
加上勁想去廁所啦~而且隻眼快要爆呢...
只好...對不起...下次我真的會送你們回去的...(假如你再次給予我機會的話...)
返到屋企都12點了...很累人的...
但又不能不進行日記...努力...
明天要同阿賢交代...所以...要早點睡呢~一點了.........................

>>December 5, 2008 at 4:59:11 PM GMT+8

2008 年 12 月 3 日 星期三 【晴】

遲到了~遲左出門口...唉...
用左4分鐘了...可憐的...
今日工作都不多~所以好早就完成了~
之後我再將工作量減得就減~雖然係咁~但係我都有為佢地預左~等明天冇咁多野做~
咁就好啦~下午返到黎~一般來說~應該一早就完成的~
而且我仲幫埋佢地夾餅果邊片好果150隻1p~仲有多添~

中間~家哥無啦啦行埋黎叫我留起d蛋糕碎...
我當下真係火都黎埋~我幫佢地都片完果百幾隻餅你先講~問題唔係lee度~因為我有做呀~
咁你唔好意為我好似某d一整天都在發夢的同事一樣看待囉~
我覺得係好大o既侮辱...不爽的...
而食完飯返黎~阿南又同我講~你今日埋咁小野~聽日因住仆街呀~
我心諗~你就仆街~我做到o既都做晒~唔洗做都幫佢地做埋~
一連兩次都被人看底~我個心真係勁唔舒服囉~我係想放假前早收工~
但係我唔會因為想收工而令大家辛苦的人~我唔似某d自私的同事囉~

但係...我開始對佢地有點模不著頭臚~
點解咁小野做~而且我仲幫埋夾餅手~都可以搞唔掂呢??
基本上咁o既工作量4點半已經可已清的~但係...今日又點呢~??
成日有人係度怨...冇得收工~ot冇錢補又乜又7咁~
我已經盡左我最大努力~係你地自己唔爭氣...而已...
完全手頭上的工作~之後走左去執箱~之後再去洗左個洗手盤d野~
我頂佢地唔順~之後搵家哥~我走先~

收左工之後~就搵阿水~出旺角了~
之後行左成個鐘~都冇咩野o岩睇...只好又返返去果度啦...
唔知點解呢~?次次都係去返果間的...
可能真係去得多啦~不過次次個sales都唔同~
今次果個真係好唔同囉...本身我地入到去佢都冇咩反應的~
之後見我地好似有買的意欲~就出力點了~
原來佢早上就返學讀中6~我覺得佢好叻囉~不過呢~我地3人(阿水女友中途來了...)
都有用不相信的語氣~令到佢都好似有點失望呢~
講真o既~佢個頭都幾...行下...而且又咁拎女~一d都唔似d勤奮的人~
不過佢話唔夠訓~應該都係壞人啦~日日玩到夜媽媽啦...

買完之後佢地就食飯~我就去睇書之後都返屋企了~

>>December 4, 2008 at 4:14:10 PM GMT+8