2006 年 5 月 12 日 星期五 【晴】

唔.......打聲好似病病地咁>_<"明明哩幾日都冇開冷氣瞓架啦,都咁...................真的是笨蛋才會夏天感冒!!

返工........都係咁上下啦~~之後返屋企........就係渴睡,都唔知點解咁眼瞓>m<"

又係煲劇時候,真係要快快煲晒D劇去,如果唔係個電腦就冇位到爆炸架啦~~

今日好無聊咁係度諗,原來我架人生都過o左1/4 (當我有80歲命)仲要一生人,最後個1/4架時間係七老八十咁過,再過多一星期到,就要開始我餘下架人生,一定要將餘下架部份精精彩彩咁過埋去.................最高!!

櫻井嫂:好搞笑......我仲要深夜係度睇,睇到笑晒咁,哈哈^_^呀.....唔記得有冇同你講,NANA出到15期了!!快快借來睇吧~~

>>May 13, 2006 at 9:37:40 AM GMT+8

2006 年 5 月 11 日 星期四 【酷熱】

打破o左六個鐘要定律了....因今日瞓o左成十個鐘,爽呀^0^~~

晏晝只係同靚媽行下葵芳就回家了!!

昨天發o左個好特別架夢(大心)別人說發夢係自己成日諗住個件事就會夢到~~可能都係........

已經沒有什麼憂慮、擔心、可怕了~~放心去吧........

>>May 12, 2006 at 1:39:41 PM GMT+8

2006 年 5 月 10 日 星期三 【酷熱】

六個鐘.......六個鐘.......六個鐘......六個鐘.....連續四日都係瞓六個鐘,死人架啦>m<"

今日又要返工......一返到去公司,睇到有人係到講緊talk,好正常咁坐係度等人地講完先番入位做野,點知一入到去就比thomas鬧,我做咩返o左去咁耐都唔返入位做野!!哇....咁人地係度講緊野,咁你走入去,打斷人地講野係咪好冇禮貌先(大怒)之後我嬲嬲地咁,用極速架行動做晒佢比我今日要做架啦之餘,仲做埋其他野~~最後佢係一句野都冇同我講,咁我就準時走人.........

之後出o左旺角搵約o左穎琳一齊去捐血......但竟然穎琳今次捐唔到哦~~我自己都差D捐唔到,唉....知自己不嬲都係差架啦~~最後唔知點吉吉下就又捐到,因之前出得好慢>_<同今次捐血,仲join埋骨髓個個pool(暗暗地自己都好有善心,又捐血、器官捐贈同骨髓)"但我想講今次個捐血比我架感覺係劣評!!因個個人吉到我好痛,同明明我同佢講o左我捐唔到大包,佢話我今次捐到,最後我用o左十幾分鐘就係捐個大包~~咁算啦,捐大包,當可以幫多D人囉!!但佢今次仲要吉個個位係去o左側邊,同最後我捐完佢同我講:不如我想睇下你另一隻手會唔會好D?_?仲要係真係好D~~哇....你唔係捐之前作比較的嗎?_?捐完你先講!!最後,隻手係瘀晒,好似比人打瘀咁,哩次係我捐咁多次最瘀架一次啦>m<"

再之後,搵o左亞mo行一震街,同plan下去日本的細節.......最後係返屋企架啦~~

>>May 11, 2006 at 4:31:53 PM GMT+8

2006 年 5 月 9 日 星期二 【酷熱】

一早9:00比thomas個電話打黎嘈醒o左,不過我都唔係好記得自己講過D咩了,但我只知道我最討厭係比電話嘈醒,因咁樣我就瞓唔番架啦(怒)所以今日都只係瞓o左六個鐘...............

同group 6去o左石澳BBQ+玩水,好耐冇去過啦~~同沙灘中有好多比堅尼女!!我地先入到去玩水......雖然我冇落到去游水(因昨天都游完了!!)但比個小朋友蝦我,佢竟然用濕架沙係咁掉我(佢係冇啦啦掉我)之後仲用佢架水槍係咁向射水.....不過個小朋友真係好得意,好似"蠟筆小新"咁....哈哈!!

5點幾到我地就開始去買野食燒.....可能開始入夜,所以都唔係好熱~~同燒o左一震,最後個個都唔係燒係去玩鋤弟,哈哈~~鋤弟對我地group 6來說真係冇處不在啦^_^之後我地去o左踢沙灘波,成個過程我自己掂o左2次個波,但仲要有一次係好白痴咁"踩波車",哈哈~~

石澳都仲係咁靚,仲記得個度架日落好靚架,不過今次睇到原來石澳架夜晚都好靚,可以睇到好多星星,I LOVE 石澳^_^



>>May 11, 2006 at 11:27:43 AM GMT+8

2006 年 5 月 8 日 星期一 【清涼】

今日係抄藤生日....生日快樂~~

六個鐘......六個鐘.....哩兩日都係瞓得六個鐘......考試仲瞓得多過放假,死未>"<

返工.....對,暑假,所以改o左返二、四、六,多一日!!放工.....去o左搵抄藤同亞kwan!!之後行o左一震街就回家~~

返到去一震,就又要收拾行裝去游水,哇....唔知係咪好耐冇游呢?_?抽筋哦>m<"好彩都唔係大抽!!一游就游o左成個半鐘....好攰,但整個人都好清涼^_^

あ。。。あ。。。ねたむ。。。とても、ねたむ。。。どうしよ？うんざりする～～

櫻井嫂:哈哈~~睇o左個高壓亞叔啦,好搞笑!!不過我成日都係MTR到睇到哩D場面!!對....世界杯約三十日到就開始啦,英格蘭,祖高爾,好等我去搵下佢先^_^

昨天在日本的網上找到,覺得好靚,由其係黃昏的照片~~



>>May 9, 2006 at 3:40:07 PM GMT+8

2006 年 5 月 7 日 星期日 【酷熱】

我諗我真係顛o左啦~~昨天3點先瞓,今日9點都未到就起o左身,咁早起身都係為o左揀科.........揀完科又唔想瞓番,咁就走o左去洗牙車到洗我排靚牙(真係好靚架,一粒爛牙都冇^_^)但一坐o左係個張洗牙架椅到,就好似死o左咁,咩洗牙架痺同痛都feel唔到,係咁比個牙醫洗,因我真係眼瞓到想瞓著o左係個度~~但洗o左約十分鐘到就OK啦(真快手!!)洗完牙,D牙仔真係乾淨o左好多哦(大心)

之後同靚媽去o左大表姐到飲茶,仲上o左佢屋企坐o左一震就返屋企啦~~

哎呀.....昨晚切好o左架puzzle,唔見o左一塊呀,搵o左成間房都唔見.......好似個塊係側邊的~~希望快快搵番佢出黎啦>_<"

>>May 8, 2006 at 1:39:00 PM GMT+8

2006 年 5 月 6 日 星期六 【清涼】

今日係english oral.......不過要5:30先考,但好彩我早到,發現可以早考!!不過其實係個waitting room個到等都等到差唔多時間.......

之後group 6架同學仔,係個度hea o左一震,我地就提早幫抄藤慶祝佢架生日~~之後我、抄藤、winglam行o左一震旺角先返屋企......但好熱,熱到溶o左,所以都真係行o左好一震架一震>_<"

由12:00a.m.~3:00a.m.係度幫亞kwan切puzzle,500塊2個鐘搞掂,哈哈~~因為每塊架背面都有numbers^_^"

>>May 8, 2006 at 2:00:20 AM GMT+8

2006 年 5 月 5 日 星期五 【晴】

今日又返工架日子~~哇....公司好似雪櫃架冷格咁凍>_<"凍到我要走落街行一轉解凍先返返去~~真空誇張~~

放工......去o左一震旺角......就回家......hea~~

利害....今日睇報紙,竟然有會考生用手提來出貓,比人捉到架話,真係仲大鑊過係OU出.......唔知有咩辦法可以防止哩個方法呢?_?真的想不到~~

唉......竟然.......張I Tcard架3個月滿$1,800,唔洗3個月呀,都到晒啦~~我哩2日都簽o左成$1,500,你話呀,係咪痴o左線呀>_<"

>>May 6, 2006 at 3:26:46 PM GMT+8

2006 年 5 月 4 日 星期四 【酷熱】

炎熱架佛誕~~唉....唔記得睇搶包山(灰)

終於瞓o左覺好架啦~~足足瞓o左成十一個鐘,好似死o左咁,正^_^"之後同靚媽行荃灣,好多人,咁唔小心撞到個小朋友,因佢太矮我睇唔到,咁我之後同佢話了對唔住,但佢亞媽竟然係bear o左我一眼,咁我就心想......點呀!!都講o左對唔住架啦,咁人多就係咁架啦,大陸女人真野蠻(對不起...我唔應該用哩個字眼~~)算吧~~

今日應該係開心日,因終於買o左hea褲啦,好舒服^_^同fitting架時候,發現自己....竟然.....我係哩排張冬天個件羽絨減走o左之外,仲有餘添.....yeah(大心)但都係唔得要再下多幾下苦工,努力.....努力.....!!

終於去o左剪掉那厚厚的頭髮.....變得薄了好多了,同好似短o左好多咁?_?

>>May 5, 2006 at 4:34:27 PM GMT+8

2006 年 5 月 3 日 星期三 【晴】

考完試架第一日係.....返工~~所以係遲到架>_<"好彩thomas佢仲未返到~~同好搞笑,有個同事問我:你今日唔洗返學呀?_?我就答佢,考完試放暑假啦!!之後佢就同我講,哦~~AL考完試放假啦!!聽到之後真開心....佢仲要話我個樣好細個,好似得19歲,真係生日前一大樂事(哩D野比人呃都開心架^_^)

放工去o左聰聰到...........一hea就係佢個到hea o左成幾個鐘,本來想返屋企留下剪髮,點知.....休息!!算啦...搵日有心情先去剪啦.......

好眼瞓.......考完試仲攰過考緊試個時~~

.................其實我想 賭賭我命運 然後我想

donald:真係多謝你啦.......點睇都好我都覺得係你咀咒緊我,多過亞lo咀咒我啫,哈哈~~

>>May 4, 2006 at 1:14:44 PM GMT+8